Vengthlang Kohhran Chanchin

August Pathian ram
Vawiin hi Kohhranhovin August thla chhung atana Pathian ram thilpek kan lakkhawm ni hmasa ber a lo ni leh dawn ta Thilpekah hma kan sawn zel a, theihtawp chhuah chhunzawm zel turin chhungkaw tinte kan in ngen zui zel a ni.
Inkhawm Zat
30/7/08 (Nilai Zan : 153
02/08/08(Inrinni Zan): 282
03/08/08(Pathianni)
Sunday School : 1252
Chawhnu : 334
Zan : 426
Inkhawmah tanlak kan ngai.
Tan ila tlang zel ang u.

Thilpek chingfeltu
1. Pu C.Hualchhunga
2. Pu K.Lalzawngliana
3. Pu PC Liandawla
4. Pu PC Lalchawiliana
5.Pu K.Rokunga
Nilai Zan hun hman
Nilai zan khan inngaihna suala tlu member pakhat chu thunun thar a ni leh ta.
Naupang lang Camp
Nimin khan naupang pualin Lang Camp neih a ni a, naupang thahnem tak telin Team hoten hun an hmanpui a, an hlim hle.
Team-hote Chaw eipui
Kohhran Committee chuan Nimin tlai khan Sinners Friend Team hote Zanriah an kilpui. .Anniho nena rawng kan bawlho hun chu tun tum Crusade atan chuan Vawiin chiah hi a lo ni leh ta der mai. An thusawi a ngaihnawmin Kohhran mipuite tan a pawimawh takzet a ni.

Vawiin Inkhawm dan
**Vawiinah hian - Puitling lamah Sunday School hming lamin thawhlawmte khawn a ni anga. Nilengin Crusade chhunzawm nghal a ni ang.
**Vawiin hi kan Kohhranin Revival Crusade kan dawn chu a hun tawp ni a lo ni leh ta reng mai a.Naktuk atang hi chuan Electric Kohhranah he Crusade hi chhunzawm leh a ni tawh ang. Kohhran mipuite, thahnemngai lehzuala Inkhawm theuh turin kan insawm nawn leh a ni e. Zan Inkhawmah hian, Revival Team
(Rawngbawltute) pualin thilpek lakkhawm a ni ang.
NPSS- Thlai thar thawhlawm
Vawiinah hian Naupang Sunday School chuan Thlai thar thawhlawm an lakhawm dawn a. Inkhawm banah- Biak In tualah heng thlai thar an lakkhawmte hi an zuar leh nghal ang. Kohhran mipuite chu leisak theuh turin min ngen e.
NPSS Zirtirtu Training
Dt.16.8.2008 ( Inrinni) khian kan Biak Inah, NPSS Zirtirtu Training neih tur ani a. NPSS Zirtirtu zawng zawngte chu tel theuh tur a ni ang. Tun atangin hemi ni atan hian lo in ruahman hlawm ila a tha ange.
Zaipawl hriattirna
**KTP Golden Jubilee-Zaipawlpui memberten Vawiin tlai hian Vengthlang Biak Inah hlazir tur a ni e. Memberte( Bial Zaipawl lo ni tawh zawng zawng) kim taka kal theuh tura ngen leh beisei in ni e.
A hmun : Biak In
A hun : 3 P.m.
** Hla hi kan thiam sa ennawn mai tur a ni a. La zir miah lote tan pawh inthlahrunna tur a awm love.
Bialtu Pastor
Vawiin hian Bialtu Pastor, Rev.Laldailova chuan Electric Kohhranah Bialfan Programme hun a hmang ang.
Kohhran ramri siam chu
Kohhran ramri ( Vengthlang North nena inrina) Kohhran Committee in hetiang hian a siam fel ta.
1. Pu C.Laichungnunga(L) In bul kawrah chhukin, Presbyterian Church School thleng.
2. Hmar lamah chuan, Pu JH.Haulianhranga kawmthlang kawngpuiah pheiin, Tv.JM Dawnga Chhangte In sak lai
( Pu R.Bawlliana (L) hmun hlui) thlanga kawngpui zawh zelin Pu R.Lalropuia te Colony leh Pu Lalsangthanga In sak tharte huamin Rahsi veng Tuikhur kawr a pawh ang.
Kohhran Committee chuan, tuna ramri bawr vela lo inlawi pawlhte hi chuan anmahni zalenna ang ngeia thlamuang taka lo lawi chhunzawm zel nise tiin a rel bawk.

( Pain a fa a indan a, tawk a tih chin ram a pe a ni e )

Kristian Thalai Pawl
1. Bial Zaipawl Carol
Tunlai hian Bial Zaipawlte leh Bial KTP hruaitute chuan Golden Jubillee atan leh an Uniform tuak nan Bial chhungah an Carol mek a. Kar hmasa khan Venglai leh Electric ah Carol in, naktip Zan atang khian Vengthlang North ah, Ningani Zan khian kan Kohhran chhungkaw hnenah Carol hi an chhunzawm leh dawn a ni.
Ball Pen Zuar dawn
Golden Jubilee Ball Pen chu KTP ten an zuar tan dawn ta. A man hi Rs 20,15,10 te an ni a.A lei hmasa chu vannei an ni mai dawn a ni.

0 comments: