Kahrawt YMA (Kahrawtians)

General COnference Tiak ta

Dt. 21 - 23 October 2008 chhung YMA Genral Conference vawi 63 na Serchhip a neig chu tluang taka neih a nih hnuah zawh fel a ni ta a. He khawmpui ah hian Palai riaklut 2167 awmin langin ni engemaw zat an kal bawk a ni. A thlengtu lam in buatsaihna a tha hle a, chutih rualin beisei aiin palai kal an tam tawk lova, pawi an ti hle.Hei hi inthlan kum a nih lohvang te pawh a ni ngei a rinawm. Palai zinga Upa ber chu Pu Thanmawia Kum 87 Khatla Branch a mi a ni a, State pawn atangin palai 19 an awm bawk. Khawmpuiah hian YMA Member boral mi 410 te sunna hun hman a ni bawk.
Khawmpui palai te hian Dt.22.10.2008 khan rorel inkhawm neih a ni a, rorel palai hi mi 759 an ni a, chunga an rorel tlangpui chu :
1. a) YMA khawih :
i) Mizo nun zemawi uar zawka inzirtir nise.
ii) YMA Danpui (YMA Contitution) a siamthat ngaite ennawn ni rawh se.
b) Sawrkar khawih :
i) Mizoram sawrkar hna lak thinah hian a tling leh tlakte chauh lak a nih theih nan sawrkarah thlen ni rawh se.
ii) Saitluk ramah Airport siam anih theih nan Mizoram Sawrkarah ngen ni rawh se.

2. Kum 2009 a YMA General Conference chu thlen dil pali zingah Secret Ballot a buk a nih hnuin Darlawn chu thlan a ni.

3.Kum 2008 - 2009 Central YMA Budget Rs 83,97,400.00 chu lungrual taka pawm a ni. Tin, Sub-Hqrs Budget atan 1,96,500 passed a ni bawk a. Champhai Sub-Hqrs budget atan Rs 40,000.00 tuk a ni bawk.
Central YMA in inelna a buatsaih zawng zawngah Champhai chu lawmman dawng zingah hian kan tel vek a. Kumpuan ah Zotlang ‘E’ leh Venglai Branch in lawmman an la a. Aizawl khawpawn Chanchinbu la tha ah Vengthlang leh Kahrawt Branch in lawmman lain Ramngaw leh nungcha humhalah ah Zote Branch in lawmman an dawng bawk.

YMA Dinhmun tlangpui

Branch awm zat : 763
Sub-Hqrs awm zat : 5
Group awm zat : 47
YMA Member zat : 278140 (Branch 143 atangin report a ni lo)
Life Member zat : 7647
Hruaitu hlun chawimawina dawng tawh zat :1829

&&&&&&&&&&&&&&&&&&&&&&&&&&&&&&&&&&&&&&&&&&&&&&

Conference thunawi
YMA Henerak Conference ah hian kan Branch atangin Palai 17 chu Sumo pahnih hmangin an kala, palai kaltehian kan lengkhawm hla bu siam chu Conference na hmunah hiam zuar nghalin bu 113 zet an hralh. An hrlahna pawisa hi Rs 10000/- Central YMA ah chhun luh nghal a ni. Kan Branch atanga palai kalte hi Pi Matluangi u pasal Pu R. Lalnunmawia (DLAO, Serchhip) leh Pu R.Laldika makpa Pu K. Lalchhunga (RO Serchhip) ten chawhlui an lo buatsaih sak a, palaite an lawm hle. Palai kal nan hian Pu Hranghluna Sumo leh HK.Chawitei Sumo te hman a ni.

Pem lehkha
Pem lehkha Mizoram pumah a in ang tlang leh a lem a awm loh nan in ang tlang vek a hman a nih theih nan Central YMA chuan a hranpa a buatsaih chu tun atang chuan Branch tinin hman zel tawh tur a ni a. Hei hi Copy khat Rs 5/- zel a tlan tur a ni ang. Pem lehkha la tur reng reng ten pawisa hi ken nghal zel tawh tur a ni.

Chhuanawm
Champhai District Athletics Meet neih zawh takah khan Tv Laldinzuala S/o Pu Lalneihthanga chuan 3000M ah Silver Medal lain 800M ah Bronnze Medal a la bawk a. Hetiang ang mi kan vengin kan nei hi a chhuanawm hle a ni.

Meeting
Thawhleh zan khan MPF ten kan veng chhung Political Party hruaitute inthlanna felfai leh thianghlim a awm theih nan Meeting a neih pui.

CYMA Inthlan thuchah
1. Kan Ram rorelna hi mipui siam a ni a, a chhiat a thatah mawh phurtu kan ni tih hriain, khua leh tui diktak te chuan Vote i thlak theuh ang u.
2. Mizo hnahthlak zingah chibing/sakhaw bing in thliar hrang zawnga chetna hi CYMA chuantha a ti lova. Kan hma a in thlanna kan neih turah pawh chutiang zawnga hma la lo tur leh chibing/sakhaw bing puala Candidate siam lo turin Political Party leh mipuite kan ngen a ni.
3. Inthlan hun puan a nih hnuah leh Party hrang hrang ten Candidate an puan hnuah chuan Political Party emaw, Candidate in khawtlang ruai siam hi tha kan ti lova, tumahin khawtlang huap ruai siam loh nise.
4. Candidate te hi ram hruaitu turte an nih avangin Zu ruih hmangte, Eiruk chingte leh Nung chang thlahdahte chu Political Party ten Candidate atan vawrh chhuah loh nise. Hetiang mi Candidate zingah an lo awm palh a nih pawhin Vote loh ngam nise.
5. Naupang kum tling lo leh thil kalphung hre pha lote, inthlan boruaka hnuh luh loh leh hman rua a hman loh nise.
6. Political Party Manifesto ah a taka tihpuitlin theih ngei tur tarlan nise.
7. Inthlanna muanawm, boruak tha tak hnuaia kan neih theihna turin thlangtu mipuite leh mawhphurtu zawng zawngte theihtawp chhuah a tan la turin kan ngen a ni.
8. Hel pawl hmanrua a hman leh ralthuam chelekna reng reng kan duh lova, mitinin an chhia leh tha hriatna thiangtak hmanga Vote an thlak theih nan sum leh therhlo dang hmanga Vote lei leh hralh hi tih loh nise. Mipui, pawl hrang hrang leh Kohhran te pawhin Party leh Candidate te sum leh thil dang dil loh nise.
Internet Kaltlangin chhiar theih
Kan veng chanchinbu hi Internet kaltlangin www.ymapalai.blogspot.com ah chhiar theih a ni ve ta. Mahni chhungkua hmundanga awmte pawh i hrilh ang u.

Kumpuan neih tawhte
1983 - Faina Kum
1984 - Sawrkar leh Vantlang thil humhalh kum
1991 - Faina Kum
1992 - Nungchate hunhalh kum
1994 - Khawtlang nun siam that kum
1995 - Khawtlang nun siam that
1996 - Zirna Uar kum
1997 - Zirna Uar kum
1998 - Ram leh hnam humhalh
1999 - Ram leh hnam humhalh
2000 - Ram leh hnam humhalh
2001 - Ram leh hnam humhalh
2002 - Ram leh hnam humhalh
2003 - Intodelh
2004 - Ram leh hnam hunhalh
2005 - Ruihhlo do
2006 - Ruihhlo do
2007 - Ruihhlo do
2008 - Ruihhlo do

Lawmawm
CYMA in Aizawl khawpawn chanchinbu la tam lawman a siamah Lawmman pahnihna Certificate leh Rs 700/- kan dawng a. He lawm man kan lak theihna tura rim taka thawktu Agent leh Sub - Agent te chungah Branch YMA chuan lawmthu a sawi a ni.

&&&&&&&&&&&&&&&&&&&&&&&&&&&&&&&&&&&&&&&&&&&&&&

CH K D


z Ka pu in fanu hi khawngaih takin chelh reng lo khan min hruaihaw tir hram teh. Kan nu emaw ti a ka pi ka kuah pawh kha ngaihdam min lo dilsak nghal dawn nia. - TL Pudaite (MZ-04 1433)
z Tuipui pelh hi chu ka dawl ngang lo a ni. Tlangval angin ka in sawi ziah mai si a. Tun tumpawh kan nun min rawn Phone lo hlauh chu lawmawm tak a ni.
- Chhuana (Trea.)
z Mimi i kan chibai zet chu thlah a har hle mai. Kan hmer ngat ngat mai alawm.
- CTS. Chongthu (Fin.Secy)

0 comments: