Bethel YMA (BYMA)

Editorial Board

Editor : H.Vanlalpeka

Ph. 9436194943

Asst. Ed. : Lalhrima K

Ph. 9436377729

News Ed. : H. Lalduhawma

Ph.9862967527

Lalengkima

Ph. 9862726043


BETHEL BRANCH YMA CHANCHINBU PATHIANNI CHHUAK VOL -.XXIV ISSUE NO. 47 Dt. 30.11. 2008.

INTHLANG DAWN TA

A O C

Petrol : Tanky Full

Diesel : Tanky Full

Bethel. Nov.30(Sunday) : Ni 2.12.08(Thawhlehni) khian Mizoram
inthlanpui neih a ni dawn ta.

Naktip mai khian Mizoram pumah MLA Inthlanpui chu neih a
ni dawn ta a, Party hrang hrang te leh inthlan buaipui turte pawh an
in buatsaih tha hlawm hle a ni. Tin kan veng hi Champhai South niin
kan huam chhungah hian Candidate paanga awmin heng zingah hian
Zoramthanga (MNF), JH.Rothuama(INC), Lalhmingthangi Hmar (UDA),
Lalchhanhima Zofa (Independent) te chu in bei tawk hle tura ngaih an
ni. Kan vengchhungah hian hmun thumah Vote thlakna Polling Station
pathum a awm a, Gov’t P/S-VI ah Bethel I te tan, Gov’t Bethel M/S
ah Bethel II tan te leh BM P/S Zion Veng tan vote thlakna neih tur a ni.
Vote thlak hun hi zing dar 7:00 atanga tlai dar 4:00 thleng a ni. Tin zan
dar 9:00-ahVote thlak dan report chhiar a ni ang.

Inthlanna tura inbuatsaihna kalpui mek pawh zawh fel a ni tawh
a, Champhai District atana motor Duty tur te pawh man fel tawh an ni.
Motor hman tur te chu Maxi Cab 65, Bus 19, Gypsy 3, a niiin Pick Up 2
Zonal Magistrate 10 te tan ruahman a ni bawk.

Tun tum inthlanah hian Polling Station atanga Meter 200 huam
chhungah eng pawl mahin Booth siam phal a ni lova, hemi pawna siam
te chuan dawhkan pakhat leh Chair pahnih chauh hun phalsak an ni.
Hemi hmunah hian Candidate te fakna Banner pakhat theuh tar phalsak
an ni bawk. Tin, duty a chhuak tur leh services ho te pawhin Postal Ballot
hmangin vote an thlak tawh bawk a ni.

Champhai District Election Officer thuchhuah danin Champhai
District ah boruak ralti leh thil duhawm lo thleng vawiin thlengin a la
awm lova, Assam Rifles te ramri ah an Duty dawn bawk a ni.

VENGCHHUNG


DAMLO

(Kan Hriattheih Chin)



Tv.Lalruatfela S/o
T.Thlamuana V-Sec. pawh Aizawl
Civil Hospital-ah la enkawl mek
zel a ni.


HMANG

Ni 28.11.08(Zirtawpni) Khan
Presbyterian Kohhran Hmeichhia
te chuan Awmni khamin Kohhran
Hmeichhe Ni Biak In ah an hmang
a, intihhlimna te neiin tlaiah ruai
puar takin an kilho nghal.


MIZORAM AIAWH

Kan member David Lalbiakzara
S/o Vanlalhriata leh Christopher
Lalthlamuana S/o H.Zakima V-
Sec. ve ve te chuan Mizoram Football
Team aiawhin Tripura-ah inkhelin an
thang mek a, hemi zawh hian U-19 ah
an kal leh nghal dawn niin thu kan
dawng.

HRIATTIRNA

Bethel huam chhungah Naupang
pawimawhna nei lova zan len
leh kawngpuia infiam khap tlat a
ni a, tin, Silai lem a mu kapchhuak
thei leh Halpuah leh puak thei thil
reng reng hman leh zawrh khap
tlat bawk a ni. Chhungtin ten ngai
pawimawh hram hram anga zawm
theih turin kan in ngen tak meuh
meuh a ni e.


KHUAHKHIRH ANG

Vengchhung hmun tam
takah kan ran vulh Ui leh Ar la
thlah zalen kan la awm nual tlat
mai. Chhung tin ten kan ranvulh te
khuahkhirh tlang ang u. Heng kan
ranvulh kan chhuah hian Vengchhung
a ti tawpin a ti changkang lo
tih hriaiin a neitu ten khuahkhirh
theuh i tum ang u.

INSAWN

Pu Zosangpuia V-Sec. te chhungkua
chu an In sak thar Forest
Office thlang Neuva Sec. huamah
kan hnung khan an insawn ta.


NEI THAR

Pu T.Zaia H/o Laltlanchhingi
V-Sec. te chuan Bike nalh leh
tha tak an nei thar a, kan lawmpuiin
khawtlang tan pawh kan la hman
tangkai ngei pawh kan beisei.

Pu Lalrosanga(Rsa) V-Sec te
chhung pawhin Alto Car thar tha
tak an nei thar a, kan lawmpuiin
khawtlangin kan chhawr tangkai
ngei kan beisei.

PURSE CHHAR

Hmeichhe Purse dum a chhunga
pawisa awm chhar a ni a, a
neitu chuan karleh ral hma ngeiin
Pu Rohita Bethel Kawn hnenah lam
tur a ni e.

COMMITTEE NEIHZAT

Kumin 2008 chhungin
Branch Executive Committee vawi
14 neih tawhin OB Meeting vawi
3 leh Branch OB leh Section OB
Meeting vawi 2 neih tawh a ni.

HRIATTIRNA

Anganwadi chhak kawra
bawlhhlawh paih thin te, Seri. Office
bul ami te leh Kawn bawr vel ami te
khan khawngaih takin bawlhhlawh
paih tawh lo hram ang u. A paih lui
kan awm leh a nih chuan Veng thatna
tur anih avangin hming hial pawh
tarlan a ni tawh ang.


PASS THAR

Nl. Linda Vanlalruati D/o
K.Thuamluaia V-Sec. chuan NEHU
atangin MA Education First ah a
pass thar a, hetianga veng ti hming
thatu kan nei hi kan lawmpuiin kan
chhuang tak zet a ni.

NGAIDAM LEH RU

Kan Chanchinbu chhut hi
duh anga hun thawl tha kan neih
loh avangin leh kan la fimkhur
thiam tawk loh deuh thin avangin
tihsual palh kan nei leh thin a,
chhiartute hriatthiamna kan ngen
a, tan kan han la zel ang e.



BETHEL BRANCH YMA CHANCHINBU PATHIANNI CHHUAK THLAKHAT-AH Rs. 10/- PHEK-2

BYMA AGENT

1. Rosangpuii. 2. Lalnuntluangi. 3. Lalnunthari. 4. Vanlalchhuanga. 5. Ningsianmawii. 6.Vanropuia. 7. Zodinsangi

Kumpuan Thupui : ‘Ruihhlo Do’

Editorial.....


LAWRKHAWM

TUNLAI BETHEL

Nipui laia duh leh duh lova
a rorelna hnuaia Thlansa phulkaia
kan kunna Turnipui lah chuan Chhunni
min hman rei pui lo tial tial a,
thlang lam panin mual min herliam
san thuai thuai ta. Kan in thuamna
lam pawh a lum lam kan mawi
tan. Zan lam pangah Thlasik dona
Sikriin In tin a mawi tlang tawh
bawk. Naupang thenkhat khawlaia
lengchhuaka zial zu ru thin an la
awm cheu bawk.
A hmun lova bawlhhlawh paih thin
ho pawn sim an tum thawm pawh
a lian tlang hle.....! Chutih
laiin Naktip maia kan chunga
roreltute kan thlan tur chu ti ti lian
a ni zel a. Chhungkaw tin pawh
Dawhkan kil chunga an thlakna
tur ngaihtuaha midang hriat hlauva
zawitea an sawi rik sep sep bawk hi.
Zirlai naupang ten Kumtawp Exam
an zo thawhkhat hlawm a, nuam
an tiin âm takin hun an hmang
vei bawk. Chutih laiin nu leh pa te
pawn thlah dan tawk pawh thiam
tlang ila. Lehlamah thil bo sawi tur
a awm leh zeuh thin bawk.Benga
rimawi leh kan nunna Pathian fakna
aw mawi pawh hriattur a awm thinin
thla pawh a timuang a ni lawm
ni.

Nu leh nula chet tlatna lamah
Zawngtah chuan Dawhkan Lalpa
Nguka chu a tawiawm thain a tam
vanglai leh a hunpui lai a ni.....!



CHHIARTHEIH VE TA

Kan Chanchinbu hi hmun
hrana thenrual awm te tan pawh
Internet atangin chhiar theih a ni ve
ta. Chhiar theiha hma min laksak tu
Pu Lalnunsanga Fanai, CK Offset
neitu chungah kan lawm e.





Vote thlak ang aw.

Hei naktuk lawkah kan
rama roreltu tur kan thlang
dawn a ni a, kan roreltu kan
aiawh thlanna ah hian kan tihtur
Vote thlak hi mipui ten kan
tih ngei a pawimawh hle. Kum
5 chhung teh meuh kan aiawh
a dinga, kan Zoram kaihruai tu
tur an ni tih hriaiin uluk takin
mipuiten Vote thlak theuh hi chu
kan mawhphurhna a ni.

Party lama in hmang deuh
te inhmang lo deuh te pawh kan
awm nuk a, kan inhmang emaw
kan inhmang lo emaw Vote thlak
hrim hrim hi kan mawhphurhna
a ni tih hriaiin mahni chanvo te i
ti hlawhtling theuh ang u.

Tunkum chu kumdang
anglo deuhin MPF lam ten tan
an la a, kumdanga kan inthlan
boruak te nen chuan a in ang ta lo
hle mai, an thu pawh kan zawm
tha tlang viau pawhin a lang.
Mahse a tlangpuiin kan zawm
lai hian zawm lo leh thu awih
duhlo tlem a zawng kan awm
ni erawh chuana lang. Mahse
heng ho hian thu awih lovin dan
phal loh thil pawhin min thlem
tum mahse, kan dikna hi vawng
him theuh turin mipui te hian i
lo hnawl ngam ila. Kan ram leh
kan hnam tan a ni tih hre reng in
hetiang therhlo tlem te hmang hi
chuan i in hralh lovang u.

Kan Zoram kan ram neihchhun
hi a chhiat a a tlakbal mai
loh nan mitin te hian mawhphurhna
kan nei a, kan ram
roreltu kanb thlanna turah hian
kan ram hruaitu atana mi tha
Pathiam thu awih leh midik te
kan zawn thiam a, kan ram tana
tha ber tur ngaihtuah chungin
kan zavai hian Vote i thlak theuh
ang u.

Ram hi Lalpa ta a ni a, a
neitu hnenah i hlan let ang u.





AN AWM

Kan vengchhungah hian
tunlai hian naupang te te zial zuk
mai bakah Dendrite hip ching kan
rin loh deuh deuh thlengin an awm
nuala, nu leh pa ten kan fate sualna
an dai tak tak hma hian khuahkhirh
tlang ang u.

ZIAAWM

Tunlai hian eirawngbawlna
Gas leh Tui kan harsatna chuan
ziaawm lam a pan zel e.

INKHEL EN ANG AW!

Zanin zet chu Football ngaina
tan lem lo pawh en ve ngei ngei chi
a ni ang .Engatimaw. E Le! Dar
7:00 ah ESPN in Manchester City
leh Manchester United ten Derby
Macth an khelh a Live anga, dar
9:30 ah Lodon Derby Chelsea leh
Arsenal inkhel chu a Live leh bawk
ang.Tin Star Sports-in dar 8:30 Tottenham
leh Everton a live anga, dar
10:30 Portsmouth leh Blackburn
Rovers inkhel a Live leh bawk ang.
Tin Spanish Laliga pawh dar 11:30
ah Valencia leh Real Betis inkhel
hmuh theih a ni bawk ang.

Naupang

Pual

THE ADVENTURE OF TIN TIN

BLACK ISLAND


Enteh u. saw an rawn
tlan let leh a nia.....

Awle... Ban phar
vat rawh u...!!??

Pawiti duh suh, A dawt leh ah chuan
kan rek chiang viau tawh ang....

Lo tlan chhuak daih teh ang.....









BETHEL BRANCH YMA CHANCHINBU PATHIANNI CHHUAK THLAKHAT- AH Rs. 10/-

ARTICLE

SPORTING CLUB NEWS



Mipuite kan harh a hun.

-Arsene-a pa

Mizoram thatna turah hian Bagha vai ho khuan
mawh an phur lova, Tiau ral a mi ten mawh an phur
hek lo... Kan Politician te mawh chauh pawh a ni lo,
ram neitu Mizo mipuite hi mawhphurtu pakhat kan ni.
Enge mipuite mawhphurhna? Mipuite mawhphurhna
tamtak zinga pawimawh tak mai pakhat chu hei hi a
ni.

Kum 2005 a Central Sorkar Dan siam Sorkar hnathawh
leh kalhmang hriat chian theihna Dan (The Right
to Information Act) Dan tha tak mai Mizoram pawhin
kum 2006 a kan hman tan ve kha mawle. A awmzia
chu India khua leh tui tu pawhin Sorkar hnathawh
leh hmalakna te a hre theiin midang te hnenah pawh
puanzar theihna a nei tihna a ni. A awmze zau zawk
ah chuan India khua leh tui chuan Sorkar hnathawh te,
sum tamtak a hman na te, Sorkar hnalak leh Contract
hna a sem dan zawng zawng a duh chuan Department
hrang hrang atangin a dil chhuak thei anga, chung a
thil hriat leh hmuh te chu midangte a hrilhchhawng
leh thei ang tihna a ni. Chuvangin Freedom of Speech
and Expression hi mitin tan he Dan hian min pek leh lo
pianchhuah chhan a ni.

Kan Zoram zimte a kan Minister, Sorkar hnathawk,
Politician leh Contractor te zingah hausa thar
thut te, an sum hailuh leh eizawnna nena inmil lova
hausa thut te pawh kan tam zia hi.. He RTI lo pianchhuah
hma phei chuan heng hlemhletna te hi chhuichhuah
harsa kan tiin kan rum tlawk tlawk ani lawm ni ??
Chuvangin hetiang hlemhletna titu te hi hailan theih leh
hram an nih thin loh avangin kan Zoram ah ngei hian
Dan zahlohna leh pawisak lohna a lian hle. Chuvangin
mipuite hian he(RTI) Dan hi kan hmanga kan kal ngam
a nih chuan heng hlemhletna zawng zawng hi hailan
a lo ni tawh anga, mualpho taka kan siam ngam a nih
chuan hlemhletna tamtak ti thin te hian an thil tih hi an
bansan ngeiin ka ring. Hei baka Corruption dona tha a
awm chuang em ni?

Mizoram hi UT kan nih atangin vawiin thleng
hian Party hrang hrangin Sorkarna siamin hna an lo
thawk tawh thin a, he Dan kan nei loh avang hian
Sorkar kalphung kan hre thin lova, Dan hmanga rorelna
(Administration Justice) ah kan lo hlawhchham fo tawh
thin. Tunah erawh chuan he Dan hmang hian mipuiten
sorkar thiltih leh hmalakna hrang hrangte a dik tawk em,
uchuak taka chhungkhat laina leh thianthate duhsakna
(Nepotism) te a awm em tih leh Sorkarin sum diktakin
a hmang em tih te kan hre thei tawh anga, Sorkar tha
leh thalo hriat theih na awlsam tak a ni dawn a ni.

A tawp berah chuan kan hma lawkah Sorkar thar
tur kan thlang leh dawn.... mipute zingah therhlo chhe
te te it a mahni nihna leh zahawmna sum tlemte hmanga
hralh ching kan nih pawh hi bansan a hun ta. Chuvangin
India khua leh tui, tupawhin Sorkar hmalakna kalphung
hriatchian duh a nih chuan Constitution-in chanvo min
pek he(RTI) Dan hi kan Sorkat lehpek ah hian mipuite
hian kan mawhphurna a ni tih i hre thar leh ang u.

Kar hmasaa Committee tura tih
kha rokhawlhna avangin thulh a ni a,
tunkar awm tur hun remchangah neih
tur a ni ang. member te kan in hriattir
leh a ni e. Tin, Tournament pawh kha
inthlan zawh fel hnuah siam thuai tum
a ni bawk e.



CHAMPHAI DISTRICT MPF NGENNA

Kohhran hrang hrang, YMA, MUP leh MHIP
te intel khawmna ‘MPF’ leh Political Party aiawh
ten MLA inthlanna thianghlim leh felfai kan neih
theihna tura an thu lo pass tawh te hi zawm theuh a
bawhchhe lo turin mi zawng zawng kan ngen nawn
leh e. Chungte chu :-

1) Sum leh therhlo (Silpaulin, Buhfai, Mobile
Hand set leh a dangte) hmanga Vote lei leh hralh
te tih loh nise ti a MPF leh Party aiawh te duhdan
hi zawm theuh turin mipuite kan ngen nawn leh a.
Bawhchhia an awm a, thil sem tum an awm pawhin
tuman dawng lo ngam turin tiang tih ching hria chuan
MPF Local Hruaitute hnenah Report vat turin
kan ngen a che u. Vote lei leh hralh te hi thil tenawm
tak a nih avangin mitin fimkhur turin kan ngen a
che u.

2) Party hminga Ruaitheh buatsaih lo turin
lah mipuite pawhin Party Ruai buatsaihte kil lo
ngam turin kan ngen a che u.

3) Inthlan Ni a Vote thlak tur phurh khawm
hi Election Model Code of Conduct Dan kalh a nih
avangin tuman tih loh tur a ni.

4) Inthlanna boruak ti nu thei thil Zu leh
Ruihhlo dangte ti lo turin mitin kan ngen e.

5) Pathian rawn chung a Vote thlak theuh
turin mitin te kan ngen e.

Kar hmasa Crossword chhanna


Hetianga kan sorkar leh Zoram thatna tura mipuite
chanvo hlenchhuak tur hian miputen dik leh
huaisen taka hma kan lak chuan Sorkar pawhin
dik leh felfai takin hna a thawk ang. Zoram hian
khawvar hun a hlat lo ngawt ang. Zoram hi kan
ram neihchhun a ni a, a dinchhuah leh a tlukchhiatna
ah mipute hian mawh kan phur hle a,
chuvangin he Dan (RTI) hi a tangkai thei ang berin
hman i tum ang u.

CHHUNZAWMNA



BETHEL BRANCH YMA CHANCHINBU PATHIANNI CHHUAK THLAKHAT-AH Rs. 10/- PHEK-4 NA

MOTTO : 1. Hunawl hman that 2. Kristian nun dan tha ngaihsan 3. Zofate hmasawnna ngaihtuah


Enge an sawi !

Enge an sawi !

Branch Hruaitute

. Bethel Kawn lunlaiah hian UI Khuahkhirhloh hmuh tur an va tam
leh tawh ve. A seh palhte a hlauhawm mai bakah Lirtheia tihpalhte a
hlauhawm avangin Ui neitu ten i khuahkhirh tlang tawh ang u.

..........Lala Mizo.

. Kan veng nu leh pa tam tak hian kan fate kan ngai tha lutuka kan thlah
zalen lutuk hi chu a thalo thin khawp mai. Kan rin loh ang deuh hian a nia an
awm thin tawh. Chuvang chuan i fimkhur tlang deuh ang u.

...........Hmuthina

. Kan inthlang tur chu Kristian kan nih ang ngeiin dik takin i awmin
i thlang tlang ang aw niang.

............Bawiha Pa



President : H. Vanlalthanga

Ph. 9436382926
Vice Pre. : K. Lalbiakhlira

Ph.9862614294

Secretary : C. Zokhuma

Ph.9436366928

Asst.Secy : R.Lalhmunsiama

Ph.9436389111

Treasurer : Vanlalhriata

Ph.9436686294

Fin.Secy : F.Lalbuatsaiha

Ph. 9862601190


BYMA SHOTGUN

(Enge an sawi tih huang ami hi kan thu hmuh ang ang kan rawn chhuah
a ni a, heng thu te hi Editorial Board ngaihdan a ni vek kher lo.)

Chawngkhum Dan Tlanghuat loh

. Kalvari T...rehloh ka nih hi.

....Br.Vice President
. Inthlan chu a lawmawm
ngawt mai. Kum khat dawn
kan in hmu dawn lo emaw tihlaiin,
Sapin ‘Surprise’ an tih ang hi ka
ni.

....Nl.Thani N-Sec.

. Kei ve te reuh hi, tunlai chu
ka tulna mualah mualah ka tul ve
thei hle a nia.

...Amah Pu Roenga Ch-Sec.

. Nitin mai hian ka in la
Young tulh tulh zel dawn.

.....Nl.U Biaklawmi T-Sec.

. Ka reh em em nachhan hi
chu a kaw tha te kan hriat vang a
ni mai. Kawn rawn thleng thla lo
hian kan kawmthlang lawkah a lo
awm tha em alawm mawle...

....Tv. Rosiama T-Sec.

. Aw...Virmep venga insawn
daih mai hi ka van chak em, mahse
a la rem teh nuai silo.

....Tv. Fakawma V-Sec.

. Tuntum inthlan chu kan
chak leh siloh chuan aw.... Krismas
pawh a huphurh awm mange.

....Tv. Lawmtea Ch-Sec.

. Krismas inti, urlawk zan
inti, kumhlui thlah zan inti, kalpui
tur neih ve loh chuan a ho em em
a ni.

....Tv. Rodina V-Sec.

. Lo len vak pawh ngailo,
palai rawn tir tawp mai ru..

.....Nl. Ngaihi(tailoring) V-Sec.


Chep here

BYMA CROSSWORD


Chhangtu Hming : ____________________________________________
_

Section : _________________________________________
____

A chhang ten chanchinbu hi chehthlak a Nilai ni hma a rawn
thehluh tur a ni ang..... best of LUCK

Lawmman hi mi 1 tan Rs 50 a ni ang. Lawmman dawngtu hi 1
aia an tam chuan a dawngtu tur thum vawr a ni ang.


KEIMAHNI

Kan Bengvar man la pe
lo kan la awm zeuh zeuh tlat
mai. Han pe zel teh un! Tin,
Agent ten a man kan hmuh
kha a rang lama Editor hnenah
chhun luh thuai thuai thin ni

Internet atanga chhiar duh tan http://www.ymapalai blogspot.com.

0 comments: