Vengsang YMA (Vengsang)

Motto

1. Hunawl
hmanthat.

2. Kristian nundan

tha ngaihsan.

3. Zofate hmasawn-

na ngaihtuah.

Editor : Lalthantluanga
Tochhawng 9436145187

Jt. Ed. : Lalsangliana 9862860443

JC Lalrammawia 9862598936

NewsEd : Valtea 9436684569

VL-a 9862775452

Cir. Mngr.: PC Lianmawia
Keifang tlang & All Section
Asst.Secy.

Manager: C.Zohmingliana

9862533342s

“YMA chu tanpui ngaite tanpuitu a ni”

CHAMPHAI VENGSANG BRANCH Y.M.A CHANCHINBU KARTIN CHHUAK ( Chawlhni a piangin ) | Hall Ph. 234336

1

11

49

30.11.2008

BRANCH

Hnatlang:

Kar kalta zingkar khan vawi thum
(3) information thalo lai siam tha in
hnatlang neih a ni a, tunah chuan a
tha kim thawkhat ta niin hriat a ni.

Electoral roll siam

Nilaithawhtan zan khan YMA
Hall-ah Section OB leh Branch te’n
meeting an nei a, MPF lamin min
ngenna angin vengchhung in tinah E/
Roll sem tura hmalak a ni a, E/Roll
intina sem turte an in sem fel.Section
lamin he hna hi an thawk dawn
a, E/Roll sem pah hian Candidate te
thuchhuah an sem nghal ang. He hna
hautak tak thawk tura Section hruaitute
inpekna ah Branch hruaitute’n
lawmawm an ti hle.

VESREC THU LEH HLA

The Vengsang 30th November:



VESREC chuan kum dang a lo tih thin ang in kum in a zirlai pass tha
te kum in hian chawimawina hlan leh a tum, Pawl sawm hnuai lam result
chhuah kim hnu hun remchang hmasa ah he chawimawina hun hu hman tum
a ni. Tin, Tv. Lalramsanga Mizoram Judicial Service a inziak tling te, Nl.
Lianthangpuii B. Sc (Botany) a Mizoram puma pakhatna te Tv Lallawkima
M. A. (Economics) a Mizoram University a palina nite chawimawina hun
hman tum a ni bawk. Zirlai Nursery atanga pawl kua an school kalna first
Division a pakhatna atanga pathumna ni phak leh First Term atanga Promotion
thleng a pakhatna ni tluan parh te phei chu Special lehzual a chawimawi
tum an ni a, pawl li leh pawl sarih Fisrt Division a pass pawh chawimawina
pek tur an ni bawk. Heng ang fa chhuanawm neite chuan an Progress Report
Card emaw certificate/ marksheet kengin Nl. Lalthlamuani N. Sec leh Pu
R. Lallawmzuala (Atea) hnenah in report tur a ni. Result chhuah hnu ah in
report char char tur a ni.

Tin, Vengsang High School hi kan Veng timawitu tur a la nih dawn
avangin theihtawp a puih an ngaihna apiang a puih ni se, Pu HKL Thanga,
Pi Lalhmunsiami, Pu Rohmingmawia leh Pu Lalthantluanga Tochhawng
te’n a tul ang zelin class pawh lak pui nise tih a ni. Tun ah hian Headmaster
hoin Result tha tak neih tum in School ah an camp tluk tluk mai a, zirtirtute
an tang nasa hle. Zirtirtute hian an hlawh atang thawhkhawm in school an
chei nasa hle tawh bawk. Fai lawmman pakhatna leh pahnihna nikum leh
tun kum a hmu thei khawp in an tang a, nikum a an result pawh za zel a 66
lai a han ni phak bawk.

Zirtirtute thawhrimna leh inpekna leh headmaster tanlak nasat zia en in
school tha tak kan Vengah a la awm ngei kan beisei takzet a ni.

NGENNA

YMA ten E/Roll in tina an rawn
sem hi chhungkaw tin/mitin ten uluk
taka vawng a,inthlan niah E/Roll
No ennawn ngalo tura mahni E/Roll
No hresa theuh turin kan in ngen
a,harsatna nei leh angemaw enfiah
ngailo in fiah turin inthlanna hmun
ah MPF in E/Roll pakhat nen mipuite
pui turin an thu dawn a, mitin te’n hei
hi hre theuh ila, zawm tum bawk ila
atha ang e.

Kan Vote thlakna tur
hmunte-

Vengsang 1 (Vengsang North)

Govt. GM H/S ah.

Vengsang II ( Vengsang South) Govt.




DAMLO

Pu B Thanchungnunga V Sec (Tower Veng) a mi chu a natna pangai in tlak
buakin inlama enkawl mek a ni a, Pi Zathuami Pu Ramdinthara Pi chu an
mahni chenna lama la enkawl mek a ni bawk, Tv Hruaia K Sec a mi pawh
dam takin Damdawiin atangin a lo chhuak leh ta. Damlo chhungte kan tawrh
puiin hriat hmaih palh kan neih chuan min hrethiam dawn nia.

CHHUANAWM

Kan Member pui Nl. Laldingpuii
d/o Pu K. Bawihthuama T. Section
chuan RIPAN Aizawl atangin B.Sc
Nursing First Division ah a pass a
kan chuangin kan lawmpui hle. A kalna
zel turah Vengsang mipui aiawh
in ‘Vengsang’ Editorial board ten
duhsakna sang ber kan hlan e.

KEIMAHNI

Agent zawng zawng khan kan pawisa khawn tawh leh Bial bu te Pu
C. Zohmingliana Manager hnenah thehluh tawh tur a ni. A theih chuan
vawiin ah thehluh i tum theuh ang u.

Farkawn lamah

Kan Editor Pu Tluangtea chu tun MLA inthlan hian Presiding Officer
ah tangin Farkawn ah a duty dawn a, Vawiin hian an awmna tur an
pan dawn.

KAN RAM KRISTA TAN KAN PE, KAN RILRU PAWH KAN HLAN



CHAMPHAI VENGSANG CHANCHINBU KARTIN CHHUAK. A MAN KUMKHATAH Rs 80/- Dt _ _ _ _ _ _ _

Pre: R.Lalchhuanawma ( 9862530551); Vice Pre: Hmingthansanga ( 9436343536)

Secy. : C. Zohmingliana ( 9862533342) Asst.Secy : J.C Lalrammawia ( 9862598936)

Treasurer: R. Lallawmzuala ( 9436145080) Fin. Secy : F Lalthanmawia ( 9862506254)



Published and edited by Lalthantluanga Tochhawng on behalf of Vengsang Branch YMA Champhai

4



30.11.2008

INTHLANG DAWN TA.

Naktip mai khian MLA chu kan thlang leh dawn ta. Kan bial chhung a
in candidate te chu Pu Zoramthanga MNF, Pu TT Zothansanga INC, Pu
Vanhela Pachuau UDA, Pu Zairemthanga Independent, Pu Nagsianmunga
Independent leh Pu Lalthuama LJP te an ni. Mipuite ten kan duhber kan
vote thei.

Inthlan campaign a reh deuh duk mai a, boruak muanawm tak hnuaiah
kan inthlan theihna turin leh kan bial tana mi tha kan thlanchhuah ngei
theihna tur in Pathian i rawn ang u. Tu hi nge kan bial tan , kan ram tan
tha in hma kan sawn pui tyheih ang tih i ngaihtuah ang u.

MPF hmalakna a fakawm hle a, he MPF hmalakna hian tun hnu zel a
kan ram inthlan lo la awm zel tur tan a kawngsial hna thawkin ; tangkai
tak leh Mizo mipui tana rah tha a chhuah ngei i beisei ang u.

Vengsang bik ah pawh mipui ten awlsam leh zangkhai tak a Vote kan
thlak theihna tur a nih beisei in, Polling station pahnih ah kan inthlang dawn.
Vengsang North ah Voters 793 awmin GM High School ah Polling station
a awm a, Vengsang South ah voters 777 awmin Comprehensive M/S ah
Polling Station a awm ang, Keifangtlang ah voters 73 awmin Govt. P/S ah
Polling station a awm bawk ang. Kan Branch huam chhung ah hian Voters
1643 a awm a ni. December Ni 2 dar zing dar 7:00 atanga tlai dar 4:00 thleng
Vote hi thlak theih a ni ang a, mipui lam pawh in he mi hun chhung ngei
a vote thlak hman tur hian inbuatsaih ila a tha awm e.. Champhai District
ah Polling station a vote awm tlemna ber chu Tawitawkawn a ni. Polling
station hi 131 a awm. Kan bial bikah hian Voters 15488 a awm a ni.

Inthlanna muanawm leh fel tak kan neih theihna turin mitinin kan
tawngtaina ah Pathian i au ang u. Pathian au ngam tur pawhin kan khawsak
dan thianghlim se, party aiin Pathian kan thinlungah a lal zawk theihna
turin tan la ang u.. Hausakna leh malsawmna zawng zawng neitu hnenah

ENGLO HUANG

. Vai flim-a Rekha a in tuaithar leh ang
khan hei ka lo haw ve leh ta heu mai.. A
phe se se, phe se se se.

- Lal-kawki (Hospt) N Sec.

. Nuthlawi chhas neih chu an lo phakar
e, hei midang a nei deih. Pawilo,
Electrict Veng, Miss thlanna a tel ve....

- Ate-a (YMA Hall hnuai) V Sec.

. Ngaihzawng leh Foootball en mai
mai ai chuan CARTOON lam hian ka
mit a ti tlai zawk fe!

- Mawia c/o Sangpuii (Hospt.) N Sec.

. Kahrawt a mi khan Pasal mi neih san
deih dawn. Ka dar leh lam hi sahthlak
mai pawh ni lo, ka taksa hi sah sawm
vek ang mai in a nâ.

- Muandova (Mi nghal) V Sec.

. College Week kharna zet chu anuam
ngei mai kei aia hmang nasa an awmlo
ang.

-Khumi (Keifangtlang) T Sec.

. Thlasik sikri Arpa chuang mamawh
te tan siam tura order theih reng kan ni,
kan kut hnu hi an en apiang an nui!

- Lâ-chhuana & Dina N Sec.

. Kei chu MPF hi an tlin ka ring tlat,
an tang nasa em mai. Mahse, an candidate
hming ka hre lo bawk si a. Zoêk-a
hi em ni an candidate?

-Pi Azovi (Hospt) N. Sec.

. Keini 2 chu tun Xmass hian hmui
rep lutuk tih hulna zawngin in vak
chhuak ut mai teng aw.

-Hmingi & Maruati K Sec.

. Kannan Veng ruih mai kei chu
Thang tih lam tel. Ka Nu zin pawh a lo
haw hma mah mah a ni e.

- Zuali d/o Ronghaki V Sec.





KOHHRAN THALAI LAM

Ramthar kohhran, Hospital Veng leh Vengsang K.T.P te chuan thla
thar Ni 11-12 a Join KTP leh Salom tangkawp te buatsaih Drama Competition
a tel tumin tunlai hian zan lamah ngawrh takin Drama an zir.

Vengsang Presbyterian kohhran chuan tleirawl leh rawlthar te pual in
Camping December thla Ni12-14 chhung hian neih an tum a, he campingah
hian Speaker atan Mizoram zaithiam lar ber te zing a mi leh tunlai a Pathian
in a hman tak Tv Vanlalsailova (Sailova) chu hman a ni dawn.

Tin, tun inthlanna neihna tura Election dutyte chawei siam sakin
Vengsang Branch KTP-te an inhlawh mek bawk.

CHRISTMASS DISCOUNT

Aizawl kal kher ngai lovin,
Champhai ah ngei hlim taka Christmass
i hman theih nan tlawm takin
kan bungrua te kan lo lei tur ang che.
A chhiat palh pawhin lungngai suh,
kan siam thei mai lo a ni pawh in a
thar dang kan lo pe keuh mai ang che.
Computer leh a kaih hnawih bakah
Electronics bungrua chi hrang hrang
Fridge, T.V, Washing machine, DTH
leh Mobile hand set pawh kan nei a
nia. Veng mipuiten mi rawn duhsak
hram hram teh u khai.

Madina

2Braz, Dawr Veng

Champhai Ph. 9862775401

CENTRAL YMA CHANCHINBU

Tun thla November thla a Central YMA chanchinbu lo thleng thei lo
chungchang chu zawh fiah tawh niin, Central YMA Circulation Manager
Pu Awia pawh Agent in a be pawp tawh in rawn thawn chhoh tawh a nih thu
dawn a ni a, mahse Champhai Dak inah a la rawn thlen theih loh avangin
Subcriber-te hriat thiamna kan ngen mawlh mawlh e.

S/d

(B. RAMLUAHPUIA)

Agent,

CYMA Chanchinbu


VENGSANG BRANCH YMA DIN TAN KUM: 13th OCTOBER 1946 YMA CHANCHINBU CHHUAH TAN KUM : 1991


YMA KUMPUAN: “Ruihhlo Do”

VAWIIN PATHIANNI CHANG VAWN :

2

‘Engpawh nise, in awmdan chu Krista Chanchintha nen in mawi phawt rawh se’ Phil. 1:27

HRIATTIRNA

EPIC NEI LOTE TANA HRIAT TUR PAWIMAMWH

Mizoram Legislative Inthlanpui 2008 lo awm turah hian vote neitu dik
takin vote a thlak theihnan leh mi ai vote thlak awm lohna turin Election Comission
of india chuan dan khauh tak a siam a,mi zawng zawngin zawn tur a ni.
Hetiangin:

Polling Station tinah voter-in amah ngei a ni tih finfiahna turin-

1) Epic pek a nih chuan ama thlalak chuanna EPIC a keng ngei tur a ni.

2) A ken loh chuan electoral roll-a a ma thlalak nena em milin PO-in a finfiah
ang.

3) Presiding Oficer electoral roll hman laia a hming a chun a,mahse thlalak
awmlo emw fiah lo emaw a nih chuan Assebbly Contituency daga Electoral
Registration officer pek chhuh EPIC a rawn keng a nih chuan pawm tur a ni.

A chunga sawi tak ang EPIC nei lote chuan anmahni ngei an ni tih
finfiahnan Election Commission of India chuan thildang chi 13 hman phal
anei a, chungte chu :

1) Passport;

2) Driving Licences;

3) Income Tax Identity (PAN) Cards;

4) Identity Card chi hrang hrang sorkar hna (state or central), Public
Sector Undertakings,Local Bodies or Public Limited Companies a
hnathawkte an pek thin;

5) Public Sector Bank, Post Office leh Kisan pass book hrang hrang
thlalak chuanna tel ngei (Account ni 30.9.2008 emaw a hma nia mi
emaw a hawn a ni tur a ni.);

6) Recognised Educational Institutions-in Students Identity Card thlalak
chuang tel ngei ni 30.9.208 leh a hma a pek chhuah;

7. In hmun leh ram chhinchhiahna lehka Patta te,Dan hnuaia thil
chhinchhiah lehka thlalak chuang telna;

8) Ration Card thlalak chuang ngei ni 30.9.2008 leh a hmaa siam;

9) SC/ST/OBC certificate thlalak chuang ngei thuneitu dik takin ni
30.9.2008 leh a hmaa a pek chhuah;

10) Pensionhlawh lakna lehka chi hrang hrang:ex-servicemen’s
pension book/Pension Payment Order,Widow Pension Order
thlalak chuang telna;

11) Zalenna Sualtu (Freedom Fighter) Identity Card thlalak chuang
telna;

12) Silai Licence a neitu thlalak chuang ni 30.9.2008 emaw a hma emawa
pek chhuah;

13) Pianphung rualbanlo (Physical handicap) certificate thlalak
chuang ngei thuneitu ni 30.9.2008 leh a hmaaa a pek chhuah
ngei.

Henga chunga tarlan hrang hrang te hi chhungkhata chhungkaw pa
ber hnenah chauh pek a ni thei a.Chhungkhata chhungkaw member zawng
zawng ten an hmang ve dawn a nih chuan chhungkaw member zawng zawng
an lo kal khawm ang a,chhungkaw pa berin thuneitute hmaah a chhungte
ngei a ni tih a finfiah ang a,thuneitu in a lo pawmsak ang.

S/d

( T.V FAMBAWL )

District Election Officer

Champhai District, Champhai

Editorial

VOTE THLAK A TUL

India khua leh tui nih hlawkna
leh nawmna chu mi tupawh in a ma
duh tak roreltu ni tur a thlang theihna
zalenna a hmang thei hi a ni. Mipui
in kan hriat tur chu Dikna chanvo
tam tak Constitution in min pek lai
hian Tihtur (Duty) min pe tel bawk a,
chumi zinga a ssssssspawimawh ber
pawl chu ram roreltu tur Inthlanna
neih a vote thlak hi a ni. Ram tan a
kan mawhphurhna kan hlenchhuah
ngei ngei tur chu Vote thlak hi a ni.

Vote thlak hi sawrkar lak a i
mawhphurhna leh i tihtur dik tak a
ni.Sawrkar siam tur a mawhphurhna
nei thei a kan awm hi lawm tur a
ni. Zalenna pek kan nih ang taka
kan zalenna hmang duh lo kan nih
chuan zalenna pek tlak loh khawp
a mihring nikhualo kan ni tihna a
ni.Zalenna i neih hi i hmang ngei tur
a ni.

Vote hralh khawp a i rilru
a hniam a nih chuan ransa nen in
danglam lo, hralh theih thinlung
neitu chu mi vanduai leh tenawm
tak a ni.Mahni zahawmna leh
chhia leh tha hriatna meuh hralh
duhtu chuan a siamtu a zahlo a,
amah pawh a inzahlo a ni. Chutiang
mihring le lo chuan malsawmna
pawh an dawng zui lo ang tih
a hlauhawm. Mihring hlutna chu
mahni ah a innghat, lei che an tum
chuan an hmusit hle che a, ranvulh
ang lek a lei theih hmuh in an hmu
che a ni. a biak pawh lo be tha
reng reng suh.Pathian leh sawrkar,
kohhran leh tlawmngai pawl khap
tlat tilui tur a an dawr che a nih
chuan i zahawmna humhim tur in
theihtawp lo chhuah la, timualpho
hreh suh.

Rorelna tha Mizoramah a
awm theihna tur in mi tha vote hi
mipui zawng zawng mawhphurhna
a ni.Ram dan zawmtu chu khua leh
tui tha a ni. Khua leh tui tha nih hi
ringtu tihtur a ni a, sawrkar tha siam
turin Vote i thlak theuh ang u. Vote
thlak thei a kan awm hi kan vannei
a ni tih i hre mawlh ang.

MI FING BULA AWM A NUAM A, ZAIDAM BULA AWM A HAHDAM



Agents : PC Lianmawia Keihfang Tlang, NEUVA Sec.: Ramthara, Zomuana,
Smoiz,MSTluanga.TAITESENA Sec. : Zothla-a, M.S-a, Dawngte-i, Vanlalpara.
VANAPA Sec. : Lalvala, Zorema, Duhawma, Freddy-a, Bawihi, Nunzira, Awm-awma.
KHUANGCHERA Sec. : RinKimi, Tlankimi, Zothanpuii, Lalremtluangi

3

V/C NEWS

Ni 100 inhlawhna

Tunlai hian Ni 100 inhlawhna
thawh chhoh mek zel a ni a, he Ni
100 Inhllawhna hian Krismas a hman
tur mitin tan pawisa a tihawlsam
phah ngei dawn a ni.

JOB CARD hman theih

Tun MLA inthlan turah hian
EPIC Card la nei lo tan EPIC Card
aiah Job Card a hman theih dawn a
ni. KAn DC hm,alakna zarah hei hi
hman theih tura ni a, PU TV Fambawl
DC hmalakna a fakawm in
mipui tan a awlsam phah sawt dawn
a ni. Inthlan dawn hian EPIC nei
chuan ken ngei ngei tur a ni.

SECTION NEWS



Section hrang hrangten tunlai hian MPF hmalakna in Veng mipuiten
tun Inthlanna lo awm tura kan lo awlsam theih nan Electoral roll No. In tinah
sem chhuah tura ruahman a ni. A rang thei ang in In tinah Section hruaituten
an rawn dah vek dawn a ni.

Tin, Section tina electrict bill khawn tu te kha, thla a lo thar leh dawn
tak avangin mahni bial theuh te a hma lama khawna Sectionah theh luh vat
i tum tlang ang u.

VOTE THLAKTU MAWHPHURHNA LEH
CHANVO

Kan hma lawka inthlan lo awm turah hian inthlanna felfai, dik leh
thianghlim a lo awm theih nan Vote nei tawh phawt chuan mawhphurhna leh
chanvo kan nei theuh a. Mitinin kan chanvote hi hlen chhuakin i humhim
theuh ang u.

1. Khua leh tui diktak ten mahni duhna taka Vote thlak hi democracy
lungphum tih nghehna a ni a, thlamuang tak leh venthawn nei hauh
lova Vote thlak hi kan chanvo leh mawhphurhna a ni.

2. Vote thlak thei tur chuan kumin January ni 1 a kum 18 tling chin,
mahni awmna bial (A/C) electoral roll a hming chuangte an ni tur
a ni.

3. Candidate pakhat Vote tur emaw Vote lo tur emaw a sum leh pai
emaw, therhlo dang i lo hmanga an them che chuan i chhia
leh tha hriatna fim tak hmangin lo hnawl zel la, i mi duh ber ngei
i Vote dawn nia.

4. Candidate Vote tur leh Vote loh tur chung changa tih thaihna leh
rikrapna i dawn chuan i chanvo rahbeh an tum tihna a ni a,
huaisen takin lo hmachhawn la, a tul phei chuan Police-ah emaw
thuneitu dang hnenah emaw i report vat dawn nia.

5. I duhna taka Vote i thlak chiahin sorkar tha leh mitin huapzo sorkar
i siam ang.

6. I Voe hlu tak i thlak loh chuan da in i chanvo leh tihtur a pek che i
hlen chhuaklo tihna a ni a, chuvangin sorkar tur siamna hun
inthlanpuiah hian khua leh tui tha i nihna i ti lang dawn lawm ni?

7. Inthlanna a mawhphurtu ten an tih tur tha taka an tih hian Inthlanna
fel fai leh muanawm a siam thin. Thuneituten sorkar hnathawk
inthlan kaihhnawiha duty tura a ruatte hi Election Commission
of India hnuaia Deputation a awm an ni.

8. Khua leh tui tha i nih angin inthlanpui leh inbuatsaihna reng reng
tibuaitu ni lovin, a puitu nih tum ang che.

ISSUED BY DISTRICT INFORMATION & PUBLIC

Tuikhur



Khua lo thal chhoh tak avang
leh tui mamawhna a lo san chhoh zel
avangin tun atang chuan mi tumah
in Vawmbal tuikhur ah motor sil
tawh loh tur a ni. Tin, insuk pawh
zingkar ah chuan tuichawi duh tan
a hnawk avangin khap hrih a ni. Tui
pipe tu pawhin mamawh theuh kan
nih avangin zingkar tuichawi lai hi
chuan pipe loh a tha. Tui a harsa in
Kan Veng chhung a tuikhur dangte
pawh thiam takin i hmang ang u.

Paih tawh lovang u

Thana Kawr bul vel a awm
ten Thana kawrah tun atang chuan
bawlhhlawh paih i sim ang u.

HEL PAWL AN CHE

Tun tum a Mumbai a Taj leh Oberoi
misaul in an beih ah khan Mizo tam
tak heng hotel ah hian an thawk
mek a, Kan VCP Pu Tawna fanu C.
Hmingthanzami pawh Taj a thawk
mek hi ni in , misualin an beih lai
hian hotel a a awm loh lai a ni hlauh
a, Pathian venna vangin a him hlauh
mai, a lawmawm hle a ni. Nimin a
kan Chanchinbu chhut lai khan amah
Zamte-i hi kan zu be tlang thei hlauh
mai a, hel pawl 3 te kah hlum belh
leh ni in, he Hotel hi a him thawkhat
tawha hriat a ni a, mahse tunah an
bihrukna atang a chhuah hi, an hotu
lam ten an phal rih lo.

KHAWVEL AH HIAN RINAWMNA LEH DIKNA AIA TLO A AWM CHUANG LO

0 comments: