Vengthlang Kohhran (Kohhran Aw)

Sunday School than zel dan leh a pawimawhna
Kum 1780 vel khan England rama thilsiamna hmun Gloucester khawpuia chuan sakhawmi tak Robert Raikes-a a awm a.Chanchinbu lar ak, Gloucester Journal neitupa a ni nghe nghe.Pathianni tlai khat chu michhe venga a len laiin naupangho awm khawm chu a hmu a. An tawpin an nungchang a mawi lo hle. An inkhawm loh chhante a han zawh chuan, tawngkam mawi lo tak takin an chhang a. “ Inkhawmte chu nang ni, kawrchung leh pheikhawk nei phate tan chauh a ni lo’m ni ?’ te an ti a. A rilru a na hle a. Bible an chhiar ngai em tihte a zawt zel a, ziak leh chhiar an thiam hauh lo tih hriain an tan chuan engemaw tih a tul a ni tih a ngaihtuah chhuak ta a ni.
Sunday School to bul :
Kum 1780 June thla chuan Mrs King te in chu luah man chawiin a hmansak a.Zirtirtu ruaiin chu lai hmuna naupangte chu Pathianni apiangin a zirtir ta thin a ni.A tirah chuan hmawmsawm leh chithlum mum hmangin a thlem a, an lo luh hunah kekawl buntirin ziak leh chhiar chu a zirtir lui ta thin a ni.Rei vak lo hnuah chuan naupangho chuan an ngainain a thu an awih ta hle a.A thiltih leh a ngaihtuahna chu a chanchinbu darh zau takah chuan a chhuah chuai chuai thin.Chutih lai chuan Kohhran hotuten Pathianni a mi rawih leh sikul hawn chu an ngaithei lovin an khak nghe nghe a. Mahse, England Lalber chuan Robert Raikes a thiltih a lo hriat chuan a lawm ta hle mai a.A ram chhung hmun tinah chutianga tih zui tur thu chu a chhuah ta hial a ni.Hei hi khawvela Sunday School lo intanna bulpui berah chuan ngaih a ni ta a ni.
Sunday School Mizoramah:
England atanga Missionary chhuak zawng zawngte chuan an thawhna apiangah Sunday School chu an neihpui ve ta zel a.Chanchin tha thlenna apiangah chuan Pathian thu inzirtirna pawimawh tak a ni thin.Mizoramah chhum lo chat lova hetianga Pathian thu inzirtirna kan neih tanna chu kum 1898 kha a ni.Hemi kum hian Mission Vengah Zosaphluian Sikul a din a.Chutah chuan Zirlai a nei nual a.Pathianni hian chawhma lamah vai lianin an rawn hruai Khasiho tan Pathian thu zirna leh inkhawmnaa buatsaihsak a.Chawhnu lamah Mizo naupang tan a buatsaih zui leh thin a ni. Pathianni Chawhma ah hian- A AW B zir nan te, thu inchhang leh hla zir nan an hmang deuh ber thin. Ringthar apiang khan ziak leh chhiar an thiam zui a ni deuh zel bawk.
Ringthar leh Lehkhathiam hmasate khan khawhrang hrangah sikul an hawng zel a.Kum 1901 chhiarpuia a lan dan chuan- Kristian 45 chauh Zoramah an la awm a. Kum 1908 ah chuan Sunday School 20 lai a awm tawh thung a ni. Lehkhathiam ve chakte khan Pathianni chuan Sunday School an rawn kai a,Chanchin tha thehdarh nan leh lehkha thiam nan Sunday School chu a tangkai hle a ni.
Sunday School pawimawhna:
Ringtu chu a taksa a than ruala a thlarau pawh a than ve zel theih nan a mamawh tawk ang zela chawm seilianin mi puitlinga siam hi Sunday School thil tum ber a ni.Mihring tung chhova piang tawh phawt hi chuan thlarau lam mamawh a nei a.Chu chu a zawng thin. Chuvangin Pathian a hriat dik theihna tura kaihhruai a mamawh em em a ni. Sunday School hian chutianga inkaihhruaina tha chu a chhawp chhuahsak a. Naupan lai atanga tar kun thlenga Sunday School kai tha pangngai hi chuan Pathian hriatna dik tak leh rinna dik tak hi a nunpui nghal thlap thin.
America rama lehkha zir tura kal, Mizopa pakhat chu a zirpui dangte aiin Pathian thu hriatnaah a sang bik hle tih an hmu chhuak a.Khawi Theological College ah emaw zir tawha an rin avangin a zir chhuahna an zawt ta a.A ni chuan Mizo Sunday School Union University atanga zir chhuak ka ni e” a ti a.Thil awmzia chiang zawka a hrilh hnu chuan an zirtirtute chuan kan Sunday School hi an ngaisang ta hle a ni.

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

Vawiin Inkhawm dan tur
Puitling:
Vawiin nileng hian Biak Inpui ah Camping Follow-up programme hman chhun zawm a ni ang.
NPSS inkhawm dan:
NPSS lamah erawh chuan Crusade chanchin Rev.Dr.Vanlalnghaka Ralte ziak leh Ira D.Sankeya chanchin, Upa Dr. PC Biaksiama ziakte zir a ni ang.Pathianni hmasaa kan inkhawmho ang khan inkhawm leh tur a ni. Camperte erawh chuan Follow Up - a duh apiangin hman nise.
Vawk vulh tanpui dilna
Kan Kohhranah vawk vulh tanpui dilna chu Secretary ten an dawng zel a. A duh chuan dil zel theih a la ni. Hei hi Committee in a thlir leh anga. A dawng thei tur a la rel leh ang.
Chawhlui kilpui
Nimin tlai khan kan Kohhran Committee chuan kan rawngbawltute- Gospel Thunder Team te kawmin hlim takin Chawhlui an kilpui a ni. An ni Team te hi Team Senior tak an ni bawk a. An kaldan a mumalin, Pathian tana an inpeknate hi a ropui hle mai a. Kan Kohhranin an Team kal tlanga malsawmna ropui tak kan dawn hi a ropui takzet mai. Pathian hnenah lawmthu sawi theuh ila.Anni Team hian vawiin nilenga Follow Up min neihpui hnuah an chawl ve lawk dawn ani.
Thilpek chingfeltu
November thla chhunga Kohhran Inkhawm thilpek chingfeltu turte:
1. Pu H.Thangliana
2. Pu C.Liannghinglova
3.Pu PC Zohlira
4.Pu Rohlira Colney
5. Pu C.Rochungnunga

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

MPF thu leh hla
MLA inthlan a lo hnai ta a. Party hovin tan an la chho tan ta. Chutih rualin MPF pawhin chak takin hma an la chho ve mek zel a. Dt.28.10.2008 khan MPF Vengthlang Local chuan YMA Run-ah Committee pawimawh tak neiin an hmalakna tur chi hrang hrang an duang chhuak tan ve ta:

1. MPF Office
MPF Information Office hi hmun laili deuhah luah nise tih anih angin Awmpui pheia Pu Rokhawliana Building chung chu biak fel nghal a ni a. A chei tha tur hian hun remchang hmasaah hnatlang koh a ni ang. Kohhran mipuie lo inruahman ila a tha ange.
2. MPF Worker:
Election Worker tur, YMA member 40 rual tlawmngaia thawk tur ruat nise tih a ni a.Hei hi YMA hruaituten an lo ruat anga. Mumal taka trained tir an ni bawk ang.
3. Office Bearer siam belh /
tihdanglam a ni. Pastor Lallawmthanga, ( Weslyan Methodist) chu Ex- Officio member ah dah a ni a. Pu C.Lalremliana leh Pu F.Lalrinmuana te chu Information Secretary atan dah belh an ni bawk.
4.Flag tar chung chang
Vengthlang huam chhungah chuan, tumahin mahni inah Pary Flag tar miah loh nise tih a ni a. Hei hi mipuiten lo zawm theuh turin kan inngen mawlh mawlh a ni e.
5. Party Office tlawh:
Nimin khan Vengthlang Local hruaitu- Executive Committee memberte chuan kan Veng chhunga Party hrang hrang Office tlawh kualin, Party hruaitute nen inthlan fel fai dan chung changa an inremnate an thlirho nawn leh a. tha taka thawhho theih ngei an inbeisei a ni.

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
.
Buhfaitham hralhtu :
November,‘08
Pi Muani Group
Pi Lalkhumtiri, Pi Liannghingi
Pi Ramhmingthangi, Pi Thanthiangi
Pi Hlimi Group
Pi Lalropari, Pi Chhandamthangi
Pi Thanhliri, Pi F.Lalrozami
Pi Teii Group
Pi Thuampuii, Pi R.Lalengzauvi
Pi Lalduhawmi, Pi Lalsiammawii
Pi Zaii Group
Pi Nunthari, Pi Sanghnuni
Pi Vanchhungi, Pi Lalhruaitluangi
Pi Puii Group
Pi Hmangaihengi,Pi C.Lalbiakkimi
Pi Rokimi, Pi Lalremveli
Pi Feli Group
Pi Lalremmawii, Pi Lalzikpuii
Pi Zosiamthangi, Pi Vanlalngheti

Committee Kohna
Kohhran Hmeichhe Committee member zawng zawngte, vawiin Chawhma Inkhawm ban veleh
hian Buhfaitham Room ah - Committee tur a ni a. Memberte
kim taka kal nise a tha ange.
Pathian ram thilpek
October thla chhunga Kohhran ho thilpek kha hetiang hi a tlak dan a ni :
Ip tla zat : 386
Pathian ram : Rs 2,09,698
Ramthar : Rs 1,27,170
Tualchhung : Rs 1,19,025
Cenenary : Rs 57,600
A vaiin : Rs 5,13,493
Kan Kohhran, Pathian ram thilpekah te, thilpek dang, BSI etc. ahte hma kan sawn chho mek zel a. A lawmawm takzet a ni. Chutih rual erawh chuan, tuna a lan dan chuan pe ve lo chhungkua za chuang ze kan awm niin a lang a. Inngaihtuah nawn leh hlawm ila a tha ange.

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&


Khawvel Sunday School Ni
Vawiin hi Khawvel Sunday School Ni a ni a, Puitling ah chuan Sunday School than zel dan leh a pawimawhna, Upa R.Lalmalsawma ziak leh C.H. Spurgeon a chanchin, Rev. K.Lalrongheta ziak chu zir tura ruahman a ni a. NPSS ah chuan Crusade chanchin Rev.Dr.Vanlalnghaka Ralte ziak leh Ira D.Sankeya chanchin, Upa Dr. PC Biaksiama ziak te zir a ni ang.
Khawvel Sunday School Ni hi Dr.George W.Bailey Tabernacle Presbyterian Church Kohhran Upa hmuh chhuah a ni a.Kum 1910, May 22 atang khan Khawvel Sunday School Ni hi hman tan a ni.He Khawvel Sunday School hmasa ber programme hi tawng chi hrang hrang 100 chuanga lehlin a niin, copy maktaduai tam tak khawvel ram hrang hrangah thawn darh a ni. Mizoramah chuan Khawvel Sunday School Ni hi kum 1924 atang khan serh tan a ni a, kum 1949 atang khan thupui neiin November Pathianni hmasa berah hman thin a ni ta a ni.

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

Camping Vawi 4-na
Mipui Camp hlawhtling
Nimin zing khan Tunkar kalta chhunga Camping neih chu tluang takin, Pathian malsawmna ropui tak changin an lo chhuak leh ta. Tun Camping ah hian mi 368 lai an lut thei a, heng zinga195 hi hmeichhia niin mipa 173 an ni. Chung zingah chuan kohhran veng dang atanga lo lut mi 97 an ni a, kohhran pawl dang mi 15 an awm bawk. Rawng- bawltu lut pawh an awm leh nual bawk.Awm tluan lo mipa 7, leh Hmeichhia 2 an awm a. An zinga mipa 1 leh hmeichhe 1 hi chhungkaw buaina vang a ni )
Sum hmuh zat:
Camp Fee : Rs 18,000
Bawm : Rs 12,145
Mimal pek: Rs 3,000
Tualchhung: Rs 40,000
A vaiin : Rs 73,145
Hman ral : Rs 71,998
Balance : Rs 1,147
Camper khaikhawmna
Vawi 1-na : Camper 89
Chhawng 2 -na : 119
Chhawng 3-na : 428
Chhawng 4-na : 368
Total: 1004
Veng dang : 167
Pawl dang : 27

0 comments: