YMA Palai

AN OFFICIAL ORGAN OF CHAMPHAI VENGTHLANG BRANCH YMA Vol. XXIIV No.45 30th Nov.

YMA Sub Headquaters Champhai
Inthlan Thuchah

Vengthlang,30th Nov. (Pathianni) : Sub-Hqrs. YMA
Champhai chuan kan hma lawka MLA inthlan kan neih
turah mipuite hnenah ngenna thuchah a siam a, chungte
chu :

1. India khua leh tui kan nihna lantir turin mitin ten rilru
thianghlim leh ngaihtuahna zalen tak chunga ram rorel
tura kan mi duh thlang (Vote) theuh turin.

2. Inthlanna neih chhungin danin a phal bak sum leh pai
seng lo tur leh campaign ruaitheh buatsaih lo turin.

3. Inthlan campaign laiin mipui tichiai zawng leh vantlang
tana bengchheng lutuka aurinna hmang lo turin.

4. Khawlai dung leh vantlang hmunte tihmelhem khawpa
Party flag leh banner te tar lo turin.

5. Hel leh ralthuam hmanga inrikrapna a awm lohna turin
eng party mahin hetianga ngaih theihte hmanrua a hmang
lo turin.

6. Ram leh khawltang tana tha leh hmasawnna, tihhlawhtlin
theih ngei turte chauh mipuia tlangzarh turin

Din cham lawm

Vengthlang North Kohhran
te chuan Ni 25. 11 2008 khan
Vengthlang Kohhran atanga
an Indanna champha chu ruai
nen ropui takin an lawm ta.
Naktuk hian Vengthlang North
Br. KTP te chuan an dimcham
vawi khatna chu Chhangphut
field-ah intihhlimna hun leh
ruai nen lawm ani bawk ang,
hetah hian Vengthalng Br.
KTP te nen hun an hmang ho
ang a, Group a inthenin infiamna
an nei ang Vengthlang
huam chhunga memberte atam
thei ang ber kal theuh turin kan
insawm nghal a ni e.

Nu leh pa ngenna

Kan fate kum tawp exam an zo
mek zelah zan lamah naupang
zan leng an awm leh neuh neuh
ta, kan nu leh pa te khan kan fate
i khuahkhirh leh ang u.

Sum neih dan

Champhai North Party Candidate
3-te sum neih dan :

1) UDA Candidate Pu Zosiama
Pachuau sum leh thil neih hlut
zawng Rs. 13,00,000 + Gypsy
+ Matiz

2) Congress Candidate Pu TT
Zothansanga sum leh thilneih
hlut zawng Rs. 28,47,382.35
+ Truck + Marshall

3) MNF Candidate Pu
Zoramthanga a sum leh a
thilneih hlut zawng Rs.
1,46,09,876.23 + Gypsy +
Grand Vitara

He thu hi Prism lehkhabu
Lepsena tih atang lak
chhuah a ni a, party leh mimal
tih hmingchhiat tum vang ni
lovin mipuiten kan hriat atan
kan rawn tarlang a ni.

Inthlang Dawn

Thawhlehni a MLA thlanna
neih turah MPF Vengthlang
Local Forum chuan intinah
voters te number an rawn sem
dawn a. Hmu lo palh leh tibo
palh kan awm a nih chuan
inthlanna hmunah MPF Duty
te zawh leh mai tur a ni. Kan
Vote thlakna tur hmun te P/S
School II: Dawr Veng leh Awmpui
Veng Roseland School :
IB Veng leh Rahsi Veng

Ngaihdam Dilna

Kar hmasa kha mahni hna leh
chhungkaw lamah harsatna kan
neih a vangin Palai kan rawn
len tir thei lova, vengchhung
mipuite hriatthiamna kan ngen
tak meuh meuh a ni.



VENGTHLANG DI


Naute nei

Kan Branch Fin. Secy Pu
Lalbulliana chuan hun rei
tak atanga a nghak hlelh
em em mai chu Aizawl
Civil Hospital-ah Naute
Phir duhawm tak tak a nei
ta, Vengthlang Br. YMA leh
Editorial Board te chuan kan
lawmpui tak zet e.

Damlo

Nl. Vulmawii chu Mumbai
damdawiin ah cancer natna
a vanga enkawl mek chu
Aizawl lam rawn panpui
mek a ni a, member ten kan
tawngtai naah i hre reng ang
u. Dam taka an lo haw leh
ngei kan beisei.

Rawn ho

Kan Br. Asst. Secy Tv.
H. Lalthanmawia pawh
khawpui lamah mahni thil
pawimawh leh chhungkaw
thil pawimawh avangin a
thangbo mek pawh dam
taka a lo haw leh ta.

Hnatlang nei

Kar hmasa khan Vanapa
section te chuan an huam
chhung hmun hrang
hrangte thianfaiin an hnatlang
a member 30 vellai an
thawkchhuak avangin section
hruaitute chuan hnatlang
a tawk chhuak zawng
zawngte chungah lawmthu
an sawi e.

MPF Rs. 1000 pe

Mizoram People Forum
Vengthalang Local Area-te
hman a tan Vengthlang Br.
YMA chuan Rs. 1000/- a
tula pianga hman a tan an
pe.

No Money



CYMA In Conference Thlirletna

63rd YMA General Conference Serchhipa neih zawh
tak thlirletna chu Dt.12.11.2008 khan CYMA Hall, Aizawlah
neih a ni a, hetiang hian sawihona neih a ni.

1. CEC in thlenna tur hmun a ruata thlen loh hi a tha lo.

2. Agenda a tlem mah mah.

3. Zaipawl leh malzai a tam lutuk.

4. Artist te Branch in thlan tawh nise.

5. Sound System a tha tawk lo.

6. Gen. Conference thlen dawn hnaia field laih hi tih tawh loh
nise.

7. Zai aiin thusawi tam tawh se.

8. Programme duanlawk/tarlan anga kal nise.

9. Kekawrtlawn ha Pandal a luh phalloh anih dawn chuan
hma deuha inhriattir tawh nise.

10. Lehlanga item nei turte hi programme ah telh tawh loh
nise a tha em?

11. Programme a tello fiamthu tih tawh loh nise.

12. Palaite rualkhai zawka thlenna siam nise.

13. Conference thlengtute inkhawm ngaipawimawh tura in


Lawmthu Sawina

Kan hmaa MLA inthlan lo awm turah MPF hmalakna leh
ngenna, mipuite leh party worker ten tha taka min zawmsak
avangin Vengthlang Local MPF te kan lawm em em .
Inthlan hma hun reilote kan neih chhung hian MPF te hma
lakna, Zalen tak leh thianghlim taka inthlan kan neih theih
nan mipuite leh Party Worker ten kan ngenna hi min zawm
zui sak hram hram turin kan ngen nawn mawlh mawlh che
u a ni. Tin, Party hrang hrang Manifesto kan rawn sem hi
uluk tak leh ngun taka min lo chhiarchhuah sak turin kan
ngen mawlh mawlh che u a. Pathian miruat thlangchhuak
thei ngei turin Pathian hnena tawngtai chunga Inthlanna
thianghlim tak nei thei turin duhsakna sangber Vengthlang
Local MPF chuan a hlan a che u. Lalpa`n awmpui tlat che

Lo hawng tan mek

Kan member pui te khawpui
lam leh thingtlang lama
hnathawkte leh lehkhazir te
pawh Vote thlak tur leh Masi
hmang turin an lo hawng
hlawm neuh neuh ta.

Zan in

Man City (7:00) Man. United

Chelsea (9:30) Arsenal

Tottenham (8:30) Everton

Portsmouth (10:30) Blackburn


Internet atanga chhiar duh tan www.ymapalai.blogspot.com -ah chhiar theih a ni.




KHAWNGE KAN SECURITY CELL TE HI?

Uncle^Shabby

Kum 2004 atang khan YMA in Ruihhlo Do hna nasa takin
kan thawk a. Hemi avang hian kan thalaite nunna pawh Zoram pum
huapin kan chhanchhuak nasa hle mai. Mi tlemtein nunna erawh
an chan avangin nasa takin YMA kan chirh theih a, an thil tih that
ai mahin an thil tihsual kan sawi uar sak a. Amaherawh chu he an
hna thawh hi ropuiin a thawktute hmalakna hi thang lo la awm zel
tur te hian an fakin an la rawn chawimawi ngei ang le.

Kan Branch pawhin Ruihhlo Do hna hi CYMA-in kumpuana
a hman hma atang tawh khan kan rual u zawk ten thi leh thau pawlin
nasa takin an lo bei tawh a. Branch YMA chuan Security Cell chak
tak a neih avangin vengchhung pawh a ralmuangin khawlaiah rui
buai leh insual buai thawm hriat tur a awm meuh thin lo a nih kha.
Kan rual u zawkte sulhnu chu chhawm nung zelin tun thleng hian
kan vengchhungah Security Cell pawh kan la indin zel a nih hi.

Amaherawhchu kan Security Cell hi kum dang leh an din
tirh lai ang chuan hma an la lo tih chu vengchhung mipuite hian
kan hre chiang hlein a rinawm. Security Cell avang hian vengchhung
mipuite kan thlamuangin khawlaiah pawh nunaute zanah
thlamuang takin an vakchhuak ve ngam thin a. Tunah erawh
chuan nunaute an raltiin vengchhungah zurui insual thawm hriat
tur a tam ta. Hei hian kan Security te beng hi thleng mawl se ka
va duh tak em.......

Chubakah kan sawrkarin mipui venghim tura a rawih Police
te pawh hian tan la thar leh se a tha ngawtin a rinawm. Police tha
tichak turin Security Cell-in hma han la bawk se kan khawtlang
chu a ralmuangin ruihhlo avanga buaina siamte tan hmun a awm
lo ngei ang tih a hriat reng a ni. Zan khat chu uniform ha chungin
khawtlang venghim tura sawrkar rawihte zurui kan hmuh chu le. A
zialo khawp mai. An la pawr em em zui leh nghal. Mipuite venghim
tura sawrkarin a rawihte kha mipuite tan hnawksakah an lo chang
zo ta. Han khing let dawn ila Force khinglet chan kan changa
thubuai rip tak kan la awih zui thei leh nghal. Chuvangin Police-te
pawh hian sawrkarin hlawh a pek chhan hrerengin an nun hi hmang
fimkur tawh teh se.

Hetianga Security Cell leh Police-te an tan kawp that phawt
chuan Ruihhlo Do hi kumpuanah neilo mah ila he kan khawtlang hi
an tinuam dawn a lo ni reng mai. Dinhmun pawimawh taka ding kan
Security Cell te hian tan la tharin khawtlang a ralmuan nan theihtawp
chhuahin hma han la leh tak tak se lang chuan Krismas leh Kumthar
bawrvel pawh hi hlim tak leh nuam takin kan hmang thei ngei ang
le. Tunah chuan khawnge kan Security Cell chhuanawm tak tak te
kha? tih hi mipui zawhna a ni.



AK-47

Buatsaihtute
Khawthlir

(AK - 47 hi Chawngkhum dantlang

huat loh a ni, i lo hua a nih chuan

lo ho mai mai rawh )

.Ka enkawl na hnuaiah hi
chuan thiante bialnu hlui
pawh nise hlim leh lawm taka
awm tir hi ka thil tum lian
tak a ni.

VL-a,
N-Sec . Hmun ruak a la
awm e, Gas, In, Computer, TV,
Fridge ka nei, tunah phei chuan
Car thar ka nei leh tawh.

Sir Tluanga, V-Sec

.Pathian hnen atang chuan
kohna leh warning kan hmu
theuh tawh a mahse sim hi chu
a har a lo ni.

Pute : Lalpa-a, Chhuanliana,
Lalhruaia, Lalhma-a

.Inthlan rau rauah Upa
thlan hi a lo nuam ber mai.

Tv. Lawmtea, K-
Sec

. Hawh u kan thianho hi
nupui kan hmuh hmel si lova i
insiam vek mai ang u.

Tv. ChL-a, N-
Sec

. Rahsi Veng paho tha

Buatsaihtute hmatlir

Vote thlak tak hi

Kum dang zawng aiin
tun kuma kan inthlang tur hian
thawm a nei lo. A chhan ni
bera lang chu MPF hmalakna
leh ‘Chiahpuam’ vang a ni ber
mai. Chutih rual erawh chuan
mi tam zawk chuan kan vote
thlakna tur erawh kan chiang
tawh viau.

Inthlannaah hian tling
tur chiangsa sawi ngawt theih
a har khawp mai. Mi tam takin
Party an ruihchilh laiin Neutral
tam tak an awm bawk a, heng
Neutral sukthlek a zir hian
Candidate tam tak an tling fo
thin. Party-a kan nihna hi tam
tak chuan kan thanhnan tawh
a, hmun dangah kan peng thei
meuh lo thin. Chutihrual chuan
Vote thlak dawna pawimawh
em em mitin hriatsa chu - tunge
kan khawtlang leh ram kaihruaitu
atan tha ber ang ? tih a
ni fo thin. Hetiang kawngah
hian rilru zau tak put thiam a
pawimawh.

Thawhlehni (naktuk
tuk leh) mai hian Vote kan thlak
tawh dawn a, hetih hunah hian
mahni pumpui chauh ngaihtuah
lova, hmasawnna rahbi min
rahpui thei tur mi tha thlang
thiam ila a duhawm khawp
mai. Kan mi thlan turte hi kum
5 chhung atana Champhai leh
a chhehvel, kan aiawha ding
tur a ni tih kan hriat nawn fo a
tul hle mai. Party hmangaihna
kan kalpui rualin Champhai
khawtlang hmasawnna atana
mi pawimawh hi Champhaiin
kan mamawh takzet tih hi kan
rilru-ah lo thar nawn leh fo se
a va duhawm em!

Engpawh nise, ngaih
dan tum tlang tak nei tawh
sate rilru kawihher harsa viau
mahse kan ngaihtuahna erawh

Kar Hmasa Vengchhung

Chiahpuam boruak a dai
tawh a, inthlan boruak in mi
rilru a luah tan ta hle. Tunlai
Politician te tawngkam lar
em em chu therhlo tih hi
a ni thei hial awm e. Party
hrang hrangten chak ngei
tumin hma an la mek a, MPF
hmalakna zarah party hrang
hrangte hla pui hriat tur a
awm loh mai bakah Party
Office tih lohah chuan party
flag hmuh tur a awm lo.
Hetih rual hian kan Editor
pawh mawng vawm ba ang
tlat a ni ta. Mi tam zawkin
kum dang aiin buh an thar
tam loh thu an sawi laiin
tlem a zawng erawh chuan
kum dang aiin an thar that
thu an sawi thung. Thla a
sik tan tawh a thawmhnaw
leh pheikhawk dawr hrang
hrangte pawh an in la muk
tan ta. Inthlan boruak in min
la kiansan loh avangin mi
tam tak rilru erawh Bethlehem
lam a la hawi thei lo

VOTING MACHINE HMAN DAN TUR

HMING PARTY SYMBOL HMEHNA

ZORAMTHANGA MNF

TT.ZOTHANSANGA CONG KUT

ZOSIAMA PACHUAU UDA

LALTHUAMA SAILO LJP

NANGSIANMUNGA IND

PC.ZAIREMTHANGA IND


Published, Edited and Printed by Vanlalenga Khiangte for and on behalf of Vengthlang Branch




YMA PALAI : KARTIN CHHUAK : VENGTHLANG BRANCH YMA : A MAN THLA KHATAH Rs. 5/-

EDITORIAL BOARD

Editor : Vanlalenga Khiangte

Jt. Editor : Lalhuapzaua

News Editor : Lalfamkima Varte

Lalnunsanga Fanai

Lalramzaua

Manager : C.Lalhmangaihsangi

Cir. Manager : K.Lalrinnunga

OB Incharge : C.Lalthanpuia

BRANCH HRUAITUTE

President : C.Hrangmanthanga

Vice President: K.Lalnuntluanga

Secretary : C.Lalthanpuia

Asst.Secretary :H.Lalthanmawia

Treasurer : F.Lalrinmuana

Fin. Secretary: K.Lalbulliana

YMA THILTUM

1) Hunawl hman that

2) Zofate hmasawnna ngaihtuah

3) Kristian nundan tha ngaihsan

YMA Thuvawn : “YMA chu tanpui
ngaite tanpuitu a ni”

YMA Kumpuan : “Ruihhlo Do”




BRANCH MOTTO : “Sual ngam chein awm suh la, thatnain sual chu ngam zawk rawh”. Rom 12:21

3 comments:

virusv said...

champhai ti champhai tu vengthlang nge2 in ti ropui e, hei ai hian han update tha lehzual ula vengchhung chanchin kan lo ngaichang ve reng ania. pu sangtea fapa tluang taka in neihna ah kan lompui che. tluang takin kal zel turin duhsakna kan hlan ache u

andy said...

fam laltanpuia tiin anka lenrual ten an hlan maw? i fam ngai lawng nge FU lairil ah, i sakhming daih loh nan kan hlan e FU sakhming, laltanpuia memorial club tiin.thiana mangtha le khuanu zarah pialralah chuan kan la intawng leh dawn nia tah chuan thiana min lo hmuak ngei ang che, chu mi hunah chuan engdang dawn lo ten hlimlai par kan chen tawh dawn nia

kimkima said...

YMA palai tih hming ringawt pawh hian lung ava han tileng tak em! Champhai Vengthlang YMA dam reng rawh se...