Champhai Vengthlang {YMA Palai}

MIZORAM AIAWH TU TUR MP
KAN THLANG DAWN TA
Vengthlang,12th April (Pathianni) : Tunkar ningani (16.4.2009) hian Mizoram aiawh tur Member of Parlaiment (Lok Shaba) thlanna neih a ni dawn. Mizoram-in seat khat kan neih chhun chu mi pali pute : C.L. Ruala (Congress) Dr. Lallungmuana (MNF+MPC) Rualpawla (Chhinlung Israel People Convention) leh Lalawmpuia Chhangte (Nationalist Congress Party) ten an inchuh dawn a. MP inthlang tur hian Sawrkar pawh a inbuatsaih nasa tawh hle a. Mizoram Lok Sabha inthlan neih turah vote nei Mizoram-ah mi 6,29,385 an awm dawn ta a; voter zinga i 3,18,237 te chu hmeichha ni in, a bak mi 3,1,148 te chu mipa an ni a; voter zingah hian Service Voter 3,097 an tel.

----------------------------------

HSLC Distinction-a Passed Kan Hriat Theih Te :
B.Lalhmingsangi d/o Tluangthanga (L in Ss, Sc)
P.C Lalrinmawii d/o PC Chhuanliana (L in Ss, Sc)
Varthangpuii d/o L. Khuma Varte (L in M, Mz,Eng,Ss, Sc)
Lalthazuali d/o K. Sangkhuma (L in Mz, Ss, sc)
Lalventhangi d/o HS Zoramliana (L in Mz,SS, Sc)
Lalmawizuali d/o C. Lalduhawma (L in M,Sc,SS,Mz)

-----------------------------------

HSSLC Passed Kan Hriat Theih Te :
Vanlalzarzovi III
Lalramliana III
Lalrengpuia III
Lalnunpuii II
Zohmingsanga II
C. Lalropari III
Lalnunhrili III
V.l. Ramdina III
Remnalalnghaka III
Rama Varte III
Lalruattluanga III
Laldinsanga I
Laldinliana III
Lalrinkima III
H.s. Lalruatkima III
R. Lalchhanhimi III
K. Lalhmangaihzuala III
John Zonunmawia III
P.c. Remruatpuia II
Vanlalhlimpuia Ralte II

------------------------------------

Result Chhuakta
Thawhlehni khan HSSLC result a chhuak a kan member zingah pawm mi engngemaw zatin hlawhtlinna in hmu tih kan hria. Kan lawmpui takzet che u a. In kal leh zelna turah YMA Palai chuan duhsakna chibai kan buk tak meuh meuh che u a ni. AK-47 Super Star : Remnaa, T-Sec leh Vl-a, T-Sec te pawh an pass ve.
------------------------------------

Artui Nen A Thawhlehna Lawm Dawn
Vawiin tlai Chawhnu Inkhawm banah Vengthlang Branch KTP chuan Pastor Quarters` kawtah Artui hmangin intihhlimna hun an hmang dawn. Tel turin KTP Member zawng zawngte min sawm a. A kal tur chuan thawmhnaw pangngai tak nen Pastor Quarters` pan mai tur, mahse artui pakhat ken a ngai tih erawh theihnghilh loh chi a ni ang.

------------------------------------
CDFA-in Thlifim Dawn
Ni 28.4.'09 atang hian CDFA bultumin Second Division Screening neih leh tur a ni a, hemi atan hian kan veng player thenkhat an inbuatsaih nasa tawh hle a, hetih lai hian player thenkhat erawh anla practice ngai meuhlo a ni. 1st Div. a inhlangkai thei ngei turin vengchhung player te'n tan ila thar leh zual ang u.

------------------------------------
Rawngbawlin Chhuak
Kan Branch member Pathian Rawngbawlna hmun hrang hranga kalchhuak thin Hnehna Maicham Team te chuan tunlai hian Khuangleng ah Rawngbawlna an nei mek a, Good Friday leh Easter Sunday pawh an hmang nghal a ni. Thawhtan kar lam hian an rawn haw dawn niin thu kan dawng.

------------------------------------
A Tuarna Ni
Kristiante hun pawimawh ber pakhat, Isua Krista, Kraws-a khenbeh a nih ni, Good Friday chu khawvel hmun danga Kristiante ang bawkin Mizorama Kristianten Zirtawpni khan urhsun taka an hmang a, he ni hi Kohhran hrang hrangin Isua tuarna thupui hmangin inkawm an hmang a. Khawvel leh Mizoram hmun hrang hrang a mite angin nimin khan Champhaia Katholik kohhran mipuiten Kross kawngzawh neiin Pu Vanbawiha(L) in atanga Chhura Hmuna an Biak In thlengin kawng an zawh a ni.

------------------------------------

R. Lalthuammawia`n Vengthlang A Thuam Mawi
Image and video hosting by TinyPic
Zan reia khawlaia kan au beng chhen mai mai laiin kan memberpui R. Lalthuammawia s/o RC Lalzuithanga, K-Sec chu phai ram chanchinbu mawituah atang ta. Tunah hian Lajong FC (Shillong) aiawhin India Premier League ah a khel mek a. Lajong Coach phei chuan kan memberpui hi India Goalkeeper atan a beisei awm ber pawl a nih thu a sawi. Kan chhuangin tunge a hnung hi zui dawn le....???????

------------------------------------

Komiti Sawn
Kar hmasa Thawhlehni a Vengthlang Branch YMA Commitee neih tum chu rokhawlhna avangin tulh leh a ni a, tunkar chhung hian hun remchang hmasaberah Committee hi neih tum a ni tih committee member-te kan inhriattir a ni e.

------------------------------------
Hnatlang
Branch hnatlang neih hnuhnugbera tlawmngaia motor thawhtu heng mite chung ah hian Vengthlang Branch YMA hmingin lawmthu kan sawi a,tin tlawmngaia member thawk chhuakte thingpui min lolum sak tu Pu K. Lalthlengliana te chhungkaw chungah lawm thu kan sawi bawk a ni. Motor thawhchhuak tute chu Pu Lalhmingmawia Pachuau (JCB), Pu Zadinga (Tripper), Pi Rokimi (Tractor), Tlawmngaia member hnatlanga thawkchhuak te chungah lawmthu kan sawi nghal bawk e. Karhmasa chhuak ah kan rawn tarlan theihnghilh a vangin ngaihdam kan dil nghal bawk a ni.

------------------------------------
YMA Conf. Darlawnah
Central YMA committee sang Central Coordination Committee, Nilainia thukhawm general conference neihna tur relin kumin 2009 YMA general conference chu Chalfilh group-in Darlawnah an thleng dawn a, a hun atan Oct. 20-22 ruahman chhin phawt a ni.

------------------------------------
Pen Drive Hlauhawm
Tunlai hian Vai ho zawrh Pen Drive 32 GB leh 64 GB te man tlawm zawkin an rawn zuar thin a. Pen Drive 32 GB leh 64 GB te hi a GB an rawn tarlang ang hi ni lo tam tak a awm a, a GB zat a dik a nih pawhin Data a lost nasa khawp mai. Hetiang Pen Drive hi i lo lei a nih chuan a thlawnin i sum i paih tihna a ni mai. Pen Drive GB lian i lei duh a nih hrim hrim chuan 8 GB aia lian chu a tih chi vak loh.

------------------------------------
AK-47

(AK - 47 hi Chawngkhum dantlang huat loh a ni, i lo hua a nih chuan lo ho mai mai rawh )
J ‘Ram thlalera Rose par mawi ber ai pawhin i mawi zawk e *****’ tiin Biahthu, Palai kaltlang hian kan hlan ngan che....... Thuama, T-Sec
J Aizawl atanga ho an rawn awm hi chuan rik huat huat lam a ni lo...... a ruka tih keuh keuh chi a ni Papuia, News. Ed.
JChL, ka ke zungpui in nula chawn a kheuh zeuh hman chuan chuhpui chi ka ni tawh lo tih hi thian dangte lo hrilh teh aw...... Zaupui, V-Sec
J Dawngte, Lanmawia hi i bialnu hlui kawhhmuh tur i hre mial lo maw, ti hi chuan a tar thei mai dawn.......... Pu Hlua(DK), V-Sec
J Ramzauva hi ka haw reng reng lo ka puarak a lawm anih...Tv. Mathantea, Ex. Secy
JKa rilru chu a na miah lo, mahse mak chu ka ti ve a ni........ Thari, N-Sec
JPu Biakzam, Vantea leh Lalchhuana te hi lo hau ve teh u. Nupui neih hun tawhah pawh zantin tleirawl te te an la buai pui a. Tu hmel hmuh pawh a chakawm ve tawh a lawm...........Pi Rammawii m/o Vantea
JLawmte, keini ho hi chu Pathian hian Abraham-a anga chi tam tak thlahtuah chuan min siam loh hmel khawp mai ti raw.......... Pa Thana, Asst.Secy
J Tunlai chu duh thlangin ka buai a ni ber mai nula hnahkhat nge tleirawl lam zawh ka duh ang tia ka inngaihtuah laiin a thlawi lam an lo lang leh thin si...... vala lu a va hai duh ve... Sir Tluanga, Pathlawi Luck
JHrangman, min rawn hel min rawn hel tawh suh Hrilzauva te nufa pawh ka hmungam tawh dawn hlei nem..... Nl. Hmingi, Pre. duhlo tu
JU Famkim, MP kan tlantur hi Mipui Pawl tihna a mi? Pi Tei w/o Pu Famkima

------------------------------------

I FATE AN HIM EM????
Uncle^Shabby
Thiamna duhin kan rual awt, chu rual awhnaah chuan kan fate a hrilhhai bik ang tih hlauin nu leh pa chuan an neih chhun chhunin theihtawp an chhuah. Chumai bakah kan tualchung zirna run pawh bel duh loin phai ramah kan in dan thin. Eng eng emaw chhuan lamin thil chi hrang hrang kan mamawh thu kan sawi thin, nu leh pate rual awh luat avangin thenawmte sum puk hial pawh hnial loin pawisa an sawi ang zat zat chu maimit chhing chungin tam tak chuan min thawn a. Kum alo vei meuh chuan nu leh paten sum tam tak an senna chu engmah lo maiah changin a thenin sawn an rawn pai haw a, thenkhatin ruihhlo ngawl an rawn vei ho a, thenkhat lahin hnamdang fa te rawn pai hawng lah bo hek suh. Nu leh pate rilru hi chu kan van han tihah thin tak em.
Mizo Thalaite hi a bik takin mahni a tlat hran kan thiam lo. Nu leh pate hmuh loa kan awm chuan hnara hlit phawi ang huaiah kan in ngai tlat hian kawng tam takah rah tha aiin rah tha lo a chhuah hnem zawk. Vengchhung a nula leh tlangval fakawm tak tak leh chhuanawm tak tak te pawh phai ramah chuan belh chian dawl lo tak tak pawh sawi tur kan tam ta. Nu leh pate chu kan bum thei a ni mai thei e, mahse, i bula awmte khan i mizia hi midang bula an sawichhuah ni a lo la thleng ngei ang. Chutih hunah chuan mi rin leh mi fak i hlawhna zawng zawng chu thai rehin a awm dawn. Phai ramah kan awma ngaihzawngte kan nei thin, ngaihzawng neih hi a thalo ka ti miah lo. Mihring chuan hmel duh leh ngainat zawngte chu kan nei vek kan Editor takngial pawh hian chu a hmel duhzawng chu Delhi a a awm lai hian zuk chhar ve tlat a maw le...... Thenkhat phei chu kan ngaihzawngte nen In luah dunin nupa ang chiah ten kan khawsa hi chu a zia lo khawp mai. Nupa ang a khawsa lo pawh zan hnih khat riak dun hi kan tam lutuk. Chutah Mizoram-ah kan hawng a sualna nei lo niawm takin Kohhran leh khawtlangah a kul a taia kan tang leh thei hi chu kan fakawm ai mahin kan zakthei lo mah mah zawkin a hria. Thenkhat lah phai rama mi nupui/pasal ang hial a awm kha nu leh pate bulah chuan kan naupan chhuanlamin Kohhran leh khawtlanga kan inhmang duh lo thung. Nu leh pate chu kan bum chiang ve khawp mai. Hetiang a kan khawsak vang pawh hi a ni ta ve ang Mizo hi kan dazat telh telh ni. Tunlai keini Thalaite kain theh khin ber chu thlan a pawn lam rawng hnawih var a chhung mitthi ruang tawih awmna hi a ni.
Nu leh pate u in fate phai rama in dah avangin ngaihngam takin awm reng reng suh u. Amaherawhchu an vai chuan an awm vek chuang lo tih erawh ka sawi duh. Phai rama kan fate kan lo dah a nih chuan an awm dan leh an khawsak dan hi i chian ang u. Chuti lo zawng nakinah rilru na leh zaka kun tlawk tlawk tur chu nangmahni nu leh pa tho kha in ni tlat. A tha berah chuan khawihmuhah pawh awm se a rintlak tawh ang a i tih hma zawng kha chu i inchhung atangin zirna run belh tir ang che. I inchhung luma i enkawl a nih pawhin i fate mizia thawk leh khata a rawn danglam anih chuan ngaihthat na chi a ni lo tih kha hria ang che. Chutilo zawng in hmangaih in fate hian lungngaihna khurah kan hnuk lut ang che u tih hi a hlawhawm takzet a ni.

--------------------------------------------------------

Image and video hosting by TinyPic
Thlalak mawi tak a ni

1 comments:

Tharlawma said...

Pu Slta chu pass lom nan asam ati kholo vel ani mo