@@ Bethel YMA {BYMA}

Branch Hnatlang Neih a Ni. Bethel.Tomir Thla Ni 24 (Sunday) : Nimin khan Branch hnatlang neih a ni a, hnatlang an tha hnem hle.
Nimin khan Awmni khamin Branch hnatlang neih a ni a, Thuthleng rawng hnawih a ni a, a siam that ngai te siam that bawk a ni a, Kuang tur engemaw zat siam bawk a ni. Kuang hi Ply Board-a siam a ni a, a lek vel pawh a nuam hle a ni. Hnatlanga chhuak hi member 50 vel an ni a, hmeichhia Pakua an thawk chhuak thei a ni.
Hnatlanga chhuak te chungah Branch chuan lawmthu a sawi tak zet a, Pu Dawngsuanpauva chungah te, Pu T.Sangtluanga te leh hnatlan nana mahni neih thil thawhtu te chungah lawmthu a sawi tak zet a ni.

VENGCHHUNG

Pem Lehkha Bawk
Bethel Branch YMA

huamchhunga hmun dang atanga rawn awm thar reng reng ten Pem lehkha rawn nei zel turin kan in hriattir nawn leh a. Tin, In luah tur nei reng reng te pawhin mahni thu a In luah tir mai lovin YMA hruaitu te leh V/C te hriattir zel turin kan inngen a ni.

Nei Thar
Kan Branch chuan Chhiatni/ Thatni a hman atan Inverter thar tha tak mai kan nei thar ta rup mai a, tunah chuan current lam a mumal loh pawhin kan buai tawh lo tur ah ngaih a ni. A hmang tu ten dimdawi tak leh uluk taka kan enkawl tlan thiam a pawimawh tlang hle ang.

In Nei
Ni 22(Thawhlehni) khan H.Huliana Ch-Sec. leh Lalnghilhlovi Vengthar te chu Zion Presby. Biak In-ah Kohhran dan thianghlimin an in nei.

Committee Nei
Vanapa Section YMA Chhangte chuan Zirtawp zan khan Pi Lalzuii te Inah Committee neiin Committee members ruat leh hmalak dan tur an rel.

Football Khel Dawn
Kan V/C members te chuan Naktip atang khian Champhai R.D Block hnuaia V/C members te inhmelhriatna leh intih hlimna ni pah fawmin Lersia Field, Ruantlang ah Savun thui khawm ham puar an pet dawn a, hetah hian kan veng te hi Group Leader an ni a, a thei thei in kan tawiawm dawn nia.

Hla Zir Tur
Bethel Branch YMA zaipawl members te Naktip Thawhleh zan dar 7:00 ah Pu Buaithanga, V-Sec te In ah hla zir tur a ni a, hei bak hi in hriattirna hran siam a ni lova, zaipawl members te kim taka kal tur a ngen kan ni e.

Thil Bo
Bethel leh Vengthar in karah Bengdar tih bo palh a ni a, a lo chhar leh chin hria kan awm chuan Pu H.Vanlalpeka hnenah emaw Pu M.Tlanghmingthanga hnenah khawngaiah min hriattir turin kan ngen a che u.

DAMLO (Kan Hriattheih Chin)
Pi Vanlalnguri W/o H.Lalnunenga V-Sec. chu Champhai Damdawi In-ah zai a ni a, vawiin hian an rawn chhuah theih bei sei a ni.
Zomuana S/ o JH.Lalrimawia T-Sec. chu ni 22(Zirtawp) khan Champhai Damdawi Inah tho zai bawk a ni a, Damdawi Inah la enkawl mek zel a ni.
Nl.Lalramhmuaki (Tengi) D/ o Ramu-a pawh damlohna avangin enkawl mek bawk a ni.

Insawn
Rev. Biaksangzuala, N-Sec. U.P.C (N.E.I) te chhungkua chu Vengthar Pastor Qtrs. ah an insawn

Awm Thar
Pu C.Kamlova te chhungkua chu Vengthar atangin Pu Vanhnuaithanga te In N-Sec.-ah an rawn awm thar.

Zin
Kan Branch Fin.Secy Pu F.Lalbuatsaiha chu in check-up turin Aizawl lamah a thang mek.

Pass Thar
NI. K.Zosangpuii D/o K.Lalrawna T.Sec. chu Madras University atangin M.Sc. (M.Phil) Bio-Chemistry chu First Division ah a pass thar.
A lawm hunah pawh Edt. Board min sawm an turn ruh hie.
Kapzoliana (22) S/o Ningkhawliani, V-Sec chu mitliam avangin Dt 19.5.2009 Thawhleh zing dar 12:50 Am hhan anmahni chenna In ah a horal a, a ruang hi tlaivarpui niin a tuk ah Thlanmual No. I ah vuiliam a ni. Kan mem-hers pui a nih angin amah ral nan members ten mahni remchan dan ang ang thawhMiawmin Rs. 680/ - hlan a ni.
Editorial Board ten Lusun/ Khawhar chhung te han tawrhpui tak zet zet a ni.
Thil kan hmuh leh kan hriatte hi kan tan tih leh hman a tha vek kher lo.

Chawhchawrawi
Kan pi leh pu te hunlai a an lo changchawi ‘Sem Sem Dam Dam’ tih thu hi keini thangthar te hian kan nitin nun dan leh kan khawsak dan hrang hrang han en hian kan vui liam tan ta mek niin a lang. Kan phak ang tawk te te in kan koham tlang ta viau mai a nih hi maw. A hausa zawk te lah chuan rethei zawk te ken nachang an hre tawh hek lo. Mahni hmasial run chungin thil engkim kan uhna ah hna kan thawk ta ni ber in a lang. Kan pi leh pu te hunlai a hnam intodelh kan nih thin vei nen tunah erawh zawng engemaw hlek ah vai ngal sang ti a kan lo sawi thin te tel lo chuan kan che thei ta der lo mai.Kan khawsakna hrang hrang han en hian kan tharchhuah chu sawi tur a awm meuh awm love. Tun hun ngei ah pawh hian a nawlpuiin a kan chaw rin pui ber Zo Buh ni lovin Vai Buh takngial pawh lei tur a vang in a awm chhun pawh a to ther ther viau mai, veng hmawr lam pa tan chuan lei ngam rual a ni ta lo.Tunlai hun ang ah hi chuan Buhfaitham takngial pawh a hlu teh e. Kan inkian tlang thiam a niang chu. Heng harsatna hrang hrang te sukiang tur hian keini Mizo mipui te hi Intodelhna kawng ah i harh thar teh ang u hmiang.

LAWRKHAWM
LAWMTHU

Bethel High School chu Dt. 21.5.2009 (Thursday) khan Home Minister zahawm tak Pu R.Lalzirliana chuan Managing Board te ngenna angin a rawn tlawh a. Kan veng High School-ah hian sikul naupang an that hnem deuh zel avangin an tawt deuh tawh a, sikul naupang kal thar zel duhte tan pawh harsatna kan tawk chho mek zel a, heng kan harsatna hrang hrang te hi kan Minister zahawm takin a hmun ngei ah kan sawmna ngai pawimawh a a rawn tlawh avang leh heng kan harsatna hrang hrang te hi min sut kian sak tur thu kan dawng a. Bethel High School Headmaster te leh Staff te kan lawm hle a ni.
Sd/-( ZIRMAWIA RALTE ) Headmaster Bethel High School.

Sak That Sak
Assembly Of God(AG) Kohhran chuan an Kohhran chhungkaw pakhat chu a In an sak that.

Tel Ve
Zonet Cable TV-in Mizo Idol thlanna a neih mekah kan veng atang pawn tel an awm ve nual a, dinhmun sang tak chang theuh se kan ti hle mai.

Hmeichhe Specialist Doctor
Varte Drugs Store Vengthlang Dawr chho-ah Thawhtan zing dar 6:00 - 9:00 thleng hmeichhe lama harsatna nei te tan a in entir theih ta e.
Prop Vanlaldika Varte

Chanchintha Thleng
Nimin tuk khan Ni za inhlawhna India tangka Cheng 600/- lak a ni a, tinah chanchintha a thleng.

Tunlai Bethel
I hi le, tunah chuan Vanchung Nula -in a tuichawi a ti baw tak tak tan ta a, kan lawm tlangin a bikin Nu ho-in an thlai chin te an chaw tui tak a rawn pek sak avangin an lawm zual e, tui a buak laiin Tukverh atanga huan lam hawia an dah vauh vauh phah hi. Chutih laiin Thlai chi hrang hrang te pawh an lawm tlang a nih tih hriat fahranin Siamtu chawimawi nan an hnah hring an rawn chhuah bawk. Chhun lam panga roreltu Ni chuan Lalmanga Nu lawm rawih Ni hman pui turin hun min hman rei pui zel a, a changa a rawn in hrosa deuh thin erawh kan tuar zo lo deuh chawk.
Vengpui tih takah kan kawtkaiah leh Laitualah pawh Tangka ngei mai chuan mi a chiah hneh ve tawh hle a, nimahsela kan hmanna lam thil chi hrang hrang Chi, Dal, Alu leh thil dang dangin to lam a pan ve zel thung a, chu chau la ni lovin Dawhkan Bulpui ber Buhfai a la vang zel rih a, chumai a la ni lo, Spelling-a T o a la ni tang tlat. Lehlamah Sum tam ta ngang chu kan Verandah-ah pawh ke-a kal ngai lova min thlentu Lirthei chi hrang hrang kan hung dul hlawm ta a, kan Officer thut luah hlawm tawh a nih hi. Nimahse tuman sawi nawi lovin changkanna a nih si maw le.
Karleh Thawhleh zana UCL Final khel tur chu Football thiam veng tih takah kan urlawk nasa tawh hle a, a thenin Barca, a thenin United nghat le tiin mahni tan lam an sawi vul chuk mai. He inkhel tur hi chu a en ngai lo te pawn a kotlang atang pawha pawr ve hle an tum tlang bawk. Tuiti leh hmuhnawm takin kan en a niang chu ti raw. Nimahse khing thu sepsel ai khi chuan Nula leh nula Second thenkhat thlengin nakin lawk Boxing zir ang maia tan kan lak lehna tur lamah an rilru an dah tan ta mauh thung.Engvange kan tih chuan Danial-a te ei ve loh a nguk chi te, bauh chi te, bu chi te, tuk chi te leh ngiau chi thleng te a kan Vanda Plate-a in hung mai tur lama an hawi tak vang a lawm maw le. A nih leh nih loh chu kan fiah theuh dawn a ni lawm ni!
Thil hlawh tlin nghal mah suh se, bei la bei nawn rawh.

SPORTING CLUB THUTHAR
Kan V/C ten Dt 26.5.2009 ( Thawhlehni) a kan Jersy an hman dawn avangin a kawl zawng zawng ten vawiin
ngei ah Pu H. Lalduhawma hnenah dah luh ngei
ngei tur a ni.


BYMA SHOTGUN Chawngkhum Dan Tlanghuat loh
^tt Engtikahnge vengchhung Pa ho hi kan thut khawm dawn le ?
Pu Jojo Tangkaia T-Sec.
^tt Zawna, nupui enkawl thiam deuh hi chuan kan ngamlo mai a nia.
Pu Puitea N-Sec.
4$> Nakrah vei lam ten Hawrawppui-a min han koh hi chuan mipa pawh hi a pa theih bik loh.
Pa Mara N-Sec.
4$> Auto hmaa Kahrawt nula dawrnghak thlalak han tar vung mai hi chuan tlan te pawh a nuam thei viau e.
Tv. Rinsanga, N-Sec.
^tt Tunlai chu Restaurant hnuai lamah ka birh tlu tlut mai. Chawi belhna a ni chuang hlei nem
Tv.Thangkunga V-Sec.
<* Kan veng patling JCB hnathawk nilenga en peih deuh deuh te Pu te: Vanlalmanga, T.Sawmpauva/Keilingthanga, te ka pu Biakhlira’n a ti.
Tlangaupa N-Sec.
^tt Hindi Sikul-a han kal hnu chuan Vairampur kal pawh a nuam ta hie mai.
Silchar Return Upa Zira V-Sec.

MIZO TAWNG Jonathan Lianhmingthanga Sailo
Mizote hian hawrawp kan neih atangin hma kan sawn chakin Lehkhabu pawh kan hawrawp neihna la reiloh ngaihtuahin kan nei hma angreng hle a. Heng Lehkhabu chhuak tamtak zingah hian Mizo hnahthlak kuthnu chu tamtak awm bawk mahse, tawng dang atang a lehlin te a awm bawk a. Mizo tawng atang tawng ngau ngau nilo, hnamdang tawng atanga Lehkhabu lehlin thin a ni te hian kan hnam tawng- Mizo Tawng hi kawng hrang hrangin nasa takin hma a sawn tir nasa hle. Chutiang bawkin Lehkhabu tha tangkai zia, chhhiar a manhla zia, a chhiartuten an tangkai pui zia pawh kan hre chho ve telh telh bawk. Tin, mi tamt akin Lehkhabu zawrh chu eizawnna tling a nihzia te pawh kan lo hria in, kan zuar a, zuar mai nilo vin, mi harsa zawkte tanpuina ni pahfawmin hawh theih turte pawhin kan lo buatsaih chho ta zel bawk. Hetiang taka Mizote hi Lehkhabu chhiar peih kan lo ni hi a vanneihthlak a, a lawmawm takmeuhin ka hria.
Mizo Tawng hi la naupang hle mahse, khawvel tawngah chuan a hlu pawltak niin ka hria. Saptawng te chu sawilohva lumah dah ta ila, Mizo tawnga thumal pakhat(Words) ringawt pawh hian thil chi hrang hrang a sawi theih a. Entirnan, ‘lei’ han tih mai te hian awmzia chi hrang hrang, inlaichin miahlo - panga aia tam zu han nei a! Kawng lehlamah chuan Mizo tawng hi a hausa phian awm e. Thu kan han sawi uarna tawngkamte hi mawi danglam tak a ni. Entirnan, ‘lutuk!’, tehreng mai’, taktak maw?!’ han tihte hi sapin ‘very very’, ‘so much’, really!’ an tihte ai chuan ka bengah chuan thangmawi tak a ni. Kan Mizo tawngkam hmandan leh ziahdan thleng hian kan Mizo Lehkhabute hian nasa takin nghawng a nei thin a. Mi tamtak chuan Mizo Lehkhabu hi kan chhiar tha peih meuhlo bawk, hei hi a pawi a, mahni hnam tawng humhalh tur chuan mahni hnam ziarang lanna Lehkhabu kan chhiar nasat a ngai khawp mai.
Mahni insawi theihna nilovin, Lehkhabu ka chhiar nasat avangin tunah hian ka mit hian khua pawh a hmu fiah thei lutuk tawh lova, Lehkha han ziak, chhiar leh zirlai zirtur pawh hian ‘tarmit’ vuah angai deuh ta fo a, ‘tarmit’ ka bunna pawh tunah chuan kum 8 vel dawn a lo liam lehta reng mai. Kei chuan Lehkhabu chhiar hi a nuam ka ti a, nun a tihhlim zia leh kan chhiar Lehkhabu-in a tihlan tuma ngaihtuahna khawvel- a zu chen chuan a nawmzia pawh ka hrechiang khawp mai, chuvang chuan ania-khawi hmunah pawh kal ila, chhiar tur ka dap ruai a, ka chhiar tak chawt mai thin ni! Mizo tawng hi ka thiam talua e’ ka ti hauh lo. Mahse, kei aia Mizo tawng hman thlahdah leh humhalh nachang hrelo, rual-u zawkte an tam em avang hian kan Mizo tawng humhalh nan hian ka theih ang tawka tanlak ve ka tum fo thin. Amaherawhchu, Media lamin min puanzar sak duhloh va, min chhuahsak duh siloh chuan buaithlak tak a ni. Media hi hnam leh tawng humhalh nan chuan a kila lung tangkaiber a nih avangin Media lama kan Mizo unaute hian tan an lak a pawimawh a, mipuite pawh hian kan support a ngai tak zet bawk a ni.
Khawvel ram hrang hrang hi han thlir ila, an ram leh hnam humhalh tura Thu leh Hla (Literature) lama hma an lak nasatzia kan hretheuh awm e. Mizoten an ram leh hnam kan ngaihsan ber nia lang American leh British hoten an hnam humhalh nana hma an lak nasatzia leh khawvela an mikhuallohzia te pawh sawi sawi ngailovin kan hria. An Thu leh Hla lama mirilte kutchhuak an hlut t hiamz ia leh an ngaihro pui t hiamzia t e khu kan hria. Chut iang ang a nih si chuan Mizo Tawng hi kan humhalh a, hma kan sawntir a, a thanzel nan leh khawvel- a langphaa kan siam chuan Mizo Tawng hi a bo ralin a lo dazat mai lovang. A ni lawm ni?
Chhanna nemin thiurna a ti kiam thin.


ENGE AN SAWI!
^H Tu ka mawh puh bik nilovin, Zion Veng Black Top thar hi a lawmawm viau raalin ar-in an thai khawk leh tawh a, hnimin a dawt tlang leh tawh bawk. Engtin nge ni ta ang le ?
Bilk Hulk
^tt Kan sel thin YMA member te hi kei kan fak daih teh ang, hma kan sawna, thil tihna reng rengah kan phurin kan tangrual e, inthlahdah lovin tan i la thar zel ang. Bawih Bawiha Pa
^tt Hun engemaw atanga kan veng hnufumna khawhar In riak tlangval
pawh tunah chuan kan hnih thum ve ta viau mai a, a lawmawm e. Riah
nachang la hre ve lo te pawh in kan tihtur a ni uh hria in he lam kawngah
hian i harh thar teh ang u hmiang.
Jonastic (Enge an sawi tih Huang ami hi kan thu hmuh ang ang kan rawn chhuah
a ni a, heng thu te hi Editorial Board ngaihdan a ni vek kher lo.)

0 comments: