Champhai Tualchhung Chanchinthar


ni 13.12.2013 (zirtawpni)



INKALPAWHNA AVANGIN HARSATNA AWM :

    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. Jt. Director Pu Lalhmachhuana chuan, nimin an hun hman ah hian quarry chungchanga hmalak dan leh enkawl dante hrilhhriat an ni dawn tih a sawi a, Champhai District vanneih zia pawh sawiin, Oil awm ni a an hriatna hmun Barail Formation ah in awm a ni tih tarlang bawkin, ram changkang zelah inkalpawhnate pawhin hma a sawn anga, nakin lawkah chuan nasa zawka hma lak a nih tur thu a sawi bawk ani.
    Directorate Of Geology & Mineral Resources hian Mizoram Minor Minerals Concession Rules 2000 hmangin Mizoram chhungah Lung leh Balu a enkawl a, ram lo thang zelah mamawhna lo sangin mi tam takin eizawnna atan an lo hmang chho zel a, him zawk leh hlawk zawka leilung hausakna haichhuah kawngah Directorate Of Geology & Mineral Resources chuan hma la zelin Quarry leh Balu a eizawngte tan zirtirna a pe thin a ni, hei bakah hian ram leilung ral leh chhe zel tur venhim dan kawngte kawhmuhin Sensitization & Awareness Programme hi a remchan dan angin hmun hrang hrangah a kalpui a, kumin chhung hian Lung leh Balu atangin Loyalty Rs 160,95,533/- an la tawh bawk a ni.

LOK ADALAT A TEL TUR KO :

    State Bank Of India Champhai Branch hnen atanga thu kan dawn danin, SBI Champhai branch atanga Loan la, rul tha theilo November ni 23 a Lok Adalat a teltura koh, kal remchang theilote vawiin hian SBI Champhai branch ah, chawhma dar 11 ah kim taka kal tur a ni a, Ngaihhnathiamna atan hun dang an ngaihtuah sak leh dawn a ni

MR BILL HUN PAWTSEI :

    Mizoram Sorkar hnuaia sawrkar hnathawklo ten an damloh nikhua a MR an bill ve theihna RSBY Smart Card leh Health Care Scheme kallai chu March ni 31-2014 thleng pawhsei a ni Sawrkar hnathawk velo ten an damloh nikhua a MR an bill ve theihna RSBY Smart Card leh Health Care Scheme kallai kumin December ni 31 a tawp tur chu March ni 31-2014 thleng pawhsei a ni a, tunhma a pawhsei hun chhunga mahni awmna district chauha hman theih thun chu 64kb hman a nih chinah chuan khawi district ah pawh hman theih a ni a, RSBY&Health Care Scheme hi sawrkar damdawiin zawng zawng bakah Private Hospital Empaneled ah te hman theih a ni. Aizawl Hospital, New Life Hospital, BN Hospital, Aizawl leh DM Hospital Champhai ah te hman theih a nilo thung. RSBY Smart Card atang hian inenkawlna senso Rs 30,000/- thleng leh Health Care Scheme atangin Rs 3,00,000/- thleng bill theih a ni a, Policy thar tur chu April ni 1, 2014 atanga hmangtanin March ni 31,2015 a a tawp dawn a ni

THINGPUI INPUI DAWN :

     Vawiin chhun hian DSYO Office-ah CDFA hruaitute chuan Lawngtlaia U-14 a Champhai district aiawh player te leh an nu leh pate thingpui inpui an tum.

 TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 70.06)
    Diesel : Free Sale (Rs. 53.09)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Nil (Rs. 57.65)
 


ni 12.12.2013 (ningani)



KRISMAS LEH KUMTHAR A  MIPUITE HIM DAN TUR SAWIHO :

    Nimin chawhnu dar 2:30 khan DC Conference Hall ah Champhai DC Pu Lalthangpuia Sailo IAS kaihhruaiin Krismas leh kumthar vuakveta mipuite him dan tur thlirho a meeting neih a ni
    He meeting ah hian kumin krismas leh kumthar vuakveta mipuite humhim nan leh boruak thalo awm theihna laka inven na atana hmalak dan turte sawiho a ni a, nikum lama hmalak tawh dante thlirlet ani bawk a, Kumin krismas leh kumthar a YMA duty te bulah Police duty tel ni tawh se tiin meeting chuan an relho a, Police lam an remchang renglo anih chuan Phone number in pe tawnin Police te hian YMA duty te hi an tlawhkual thin tawh dawn a ni. Hei bakah hian Traffic chung chang pawh sawiho nghalin Private Motor reng reng Awmpui phei leh Vengthlang Dawr dungah December ni 19-24 chhung hian din phal a ni dawnlo va, hei bakah hian mipuite him leh zual nan Excise & Narcotics ten ruihhlo do kawngah nasa zawka hma lain Champhai Police te pawhin Motor chungchangah dan angn hma an la dawn bawk ani. Meeting chuan Inkhawm lai leh Ruaitheh laia mipuite an him leh zual theih nan a remchan dan angin Police duty tir ni bawk se an ti bawk

MID DAY MEAL CHUNGCHANG SAWI HO :

    Nimin chawhma dar 10:30 khan Champhai Venglai Community Hall-ah Mid-day meal kalpui meka zirlaiten chaw thianghlim leh hrisel zawk an dawn theihna tura zirtirna neih ani.
    He Training hi Pu Laldingliana DPC chuan kaihruaiin, Pu B.Lalchhuanliana Additional Director leh State Nodal Officer (Mid-day meal) chu Khuallian a ni a. Khuallian chuan thusawiin ,” Centralin a ngaih pawimawh em em chu ei leh in thianghlim leh hrisel kan ei theih hia ni a, chutiang tur chuan hma pawh nasa takin a la a ni a ti a, kan taksa hrisel nan kut thianghlim leh fai kan neih a ngaia kut vawn fai dan zirtirna ni pawh naupangte hnenah neih a ni tawh a ni tih sawiin, Mid-day Meal pawimawh zia leh hmasawn zel tura an hmalakna te a tarlang bawk a ni. Zirtirna hi Champhai District chhung Primary School leh Middle school a zirtirtu Mid-day meal mawhphurh na latute hnenah pek a niin, zirlaiten chawthianghlim leh tha chauh an dawn theihna turin Resource person Neutretionist Nl. HT Lalruatdiki’n chuan eitur thianghlim lovin hriselna a khawih pawi theih dan leh eiin tur vawn thianghlim dan leh a dah thatna lam pawh uluk atul zia zirtirna a pek bakah kut silfai dan tha zirtirna a pe tel bawk.
    He hun hi Champhai DEO Pu Lawmawma chuan hmanpuiin,Champhai District chhunga Middle leh Primary school hrang hranga Mid-day Meal Incharge mi 250 vel zet an kal thei a ni.

DISASTER MANAGEMENT COMMITTEE THUKHAWM :

    Nimin khan Champhai DC Pu Lalthangpuia Sailo kaihhruaiin Champhai DC Conference Hall-ah District Disaster Management Committee neih a ni.
    He Committee-ah hian kumin August thla tawp a Champhai Vengthlang leh Kanan Veng inrina laia lei tawlh/leimin chungchang thlirletna neih a ni a, heta tana Champhai khawpui chhunga sorkar hnathawk nikhat hlawh Deptt 38 atanga dawn Rs 7,97,322/- leh Mizoram sorkar atanga dawn Rs 10,64,200/- hmanral anih dan tarlan anih bakah sum bang hman dan tur chungchang sawihona neih a ni.         Mizoram sorkar atanga sum dawn Rs 10,64,200/- ah hian Gratuitous Relief atan chhungkaw 30 hnenah Rs 1,40,700/- sem anih dan leh Rs 9,23,500/- chu chhungkaw 18 hnenah an chenna in thiat anih vanga tanpuina pek anih thu leh sorkar hnathawk nikhat hlawh pek tlingkhawm Rs 7,97,322/- atangin Diversion Road (Khankawn to Zotlang) siamna atan Rs 4,26,850/- hmanral anih dan leh (Khankawn to Vengsang) diversion road siamna atan Rs 2,00,000/- siam anih thu tarlan a niin, sum bang Rs 1,70,472/- chu leitawlh/leimin-na hmun a tuihawk luankawr siamna atan hman remtih a ni a, 74 RCC Champhai in Rs 19,00,000/- hmangin leitawlh venna hi siam anih mek thu Committee-ah hian tarlan a ni bawk. He committe hian khua alo thal leh tak avangin Champhai District chhunga chhungkaw tinte kangmei laka kan fihlim theih nan mitinte fimkhur nise tha atih thu tarlangin, khawtin VC leh YMA ah tlangau a puang chhuak vek turin thu an titlu bawk a ni.

MUALNUAM A MIZO KHUA HAL :

    Nizan hmasa zanlai pelh khan Champhai leilet zawl, Kanghlai tlang Mualnuam tia hriat lar hmuna Zokhaw in sak 9 te chu tutih hriat lohten an hal. Helai ram neitu Pu Lalsawmliana hnena atanga thu dawn danin, pawikhawihtute hian helai hmun tih-enna Tube light engemawzat vuah te chu tha taka thlawnin a kiangah an dah laiin,Electric wire te erawh chu an zaichhum vek thung a, inkan hun hi zanlai pelh hret anih thu leh inkang an hriat hian thelh theih anih tawh lova, heng in 9 te hi a mal te te a hal ni a a hriat thu a sawi bawk.
    Heng in 8 leh Lal in 1 sak te hi kumin October thla a North East Riders Meet thlenna atan a Aizawl Thunders ten an sak kha niin, he in sakna atan hian Rs 10,00,000/- vel an sen bakah helai hmunram neitu Pu Lalsawmliana hian a enkawl chhunzawm nan Rs 2,00,000/- vel a sen tawhthu dawn a ni bawk.
    He thil thleng hi Champhai Police Station-ah thlen a ni tawhin, pawikhawihtute hi zawn mek a ni.

FREE CLINIC :

    Nimin khan Zotlanga BRTF 74 RCC Hqrs -ah Medical Free clinic neih a ni. Nimin chawhma dar 9 atanga chhun dar 12 thleng khan Zotlanga BRTF camp-ah he Medical free clinic hi neih a ni a. He Free Clinic hi BRTF OC Pu Morari LAL hmalakna niin, OC chuan Champhai ah hian Doctor kan nei ve lova tuntumah pawh hian Seling atangin Dr.Akil Raj AMC chu ni 3 chhung medical camp nei tur hian a chah chho a, Farkawn atanga tanin Champhai Disrtict a bial tur thu a sawi a, damdawi pawh athlawna pek vek an ni ati. Dr Akil Raj chuan, damlo rawn inentirah hian hritlang awmna an tam thusawiin , mi tinte kan lo hrisel zawk nan tui chhuanso in tam a pawimawh a ni ati bawk. Medical Free Clinic ah hian BRTF-a thawkte bakah Civil mi te pawh an en tel zel a ni. (Interview bel tur ka nei)

CRCC LEH BRCC TRAINING :

    Niminpiah atanga tan Champhai District chhunga CRCC leh BRCC te tana training buatsaih chu nimin khan chhunzawm leh a ni He training ah hi Champhai District chhunga CRCC leh BRCC te tana buatsaih a ni a, class room Observation, Model Teaching leh Question Setting tih thupui te thlirbing zual a ni a, DIET Lecturer ten zirtirna hi pe in, he training hian vawiin thleng a awh ang

WEEK KHAR TA :

    Nimin khan Govt. Champhai College chuan Week Closing Function hmangin he hun hi Mizoram University Vice Chancellor Prof R. Lalthantluanga’n khuallian niin a hmanpui
    He hunah hian thusawiin Khuallian chuan, hetiang hun pawimawh hmang thei tura min rawn sawm hi a lawmawm hle a ni ati a, MZU hnuaia Science zir tel theihna college tlemte zinga Govt. Champhai Collge a tel chu lawmawm a tih thu sawi bawkin, an kalzelna turah duhsakna a hlan bawk a ni. Vice Chancellor chuan, sorkarin zirna tihthat tuma hma a lak zel thu a sawi a, India President pawhin nasa taka tan a lak thu tarlang bawkin, zirna hi kan ram hmasawnna tur leh thanlen zelna tura thil pawimawh tak a ni a, thil thar tam tak a la rawn chhuak anga, chung hunah chuan mahni lo inzir nasa lehzual turin zirlai naupangte a chah bawk. Sorkar in hma a lak mekna RUSA chungchang pawh tarlang bawkin, College leh Higher te huam tel thei tura ruahman a ni a, chumi ti thei tur chuan sorkarin chak taka hma a lakmek thu sawi bawkin, zirtirtu indaihlohna leh bungrua indaihlohna chungchanga harsatna pawh nasa taka a kian tawh tur thu a sawi bawk a ni.
    He hunah hian Govt. Champhai College Principal Pu Lalnunmawia bakah, Asst. Prof BS Kailiana bakah SU Vice President Lalhmachhuana Chhawnchhek te pawhin thu an sawi bawk a, zirlaite hnen atangin zai leh items dangte thlirho a ni bawk

PWD MIPUITAN :

    Krismas puala PWD in kawng siamthat hna an thawh chu zawh thawkhat a ni ta.
    PWD EE Pu Lalkima’n kan palai a hrilh danin Krismas pual hian Vengthlang dawr dung thla-a kawng khuar chhe zual lai hnawhkhah a ni a, hemi tur hian sum ruahman a awm lova, mahse a baa thawh niin Krismas-a lirthei veivak tam laia mi tur liau liau a nih thu a sawi a. Awmpuiphei kawngpui an khawi mek chu plan-ah telh niin tunah hian zawhfel tawh a ni a, Circuit house panna pawh estimate aia tam an thawh thu a tarlang tel bawk. PWD EE chuan, tunah hian Darthangvunga traffic Point atanga Selluaia traffic Point thleng chu nakuma work plan-a tihtel tum a nih thu sawi bawkin, hei bakah hian Selluaia Traffic point atang College inkar te, YMA Run atang College inkar te, Vengthlang Rahsi veng atanga Vety panna leh Vety atanga Project veng chhuah chhohna te, Electric atanga Vaihmun panna kawngpui te pawh telh tum a ni, a ti a, DC panna kawngpui pawh TSC hnuaia thawh dan ngaihtuah a tum thu a sawi tel bawk a. Kawngpui hi UD&PA emaw khawpui cheina atang hian a tihzau dan awm thei se tun ai hian Champhai hian hma kan sawn a rin thu EE chuan a sawi tel bawk.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 70.06)
    Diesel : Free Sale (Rs. 53.09)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Nil (Rs. 57.65)
 


ni 9.12.2013 (thawhtanni)



SUB-HQRS. YMA CHAMPHAI COMMITTEE :

    Inrinni khan Sub Hqrs YMA Champhai Executive Committee chu Sub Hqrs YMA Office Tlangrawt ah an thutkhawm
    He thutkhwam Pu PC Zohlira President Sub Hqrs YMA kaihhruaiah hian mizo kristiante tana hun pui krismas leh kumthar lo thleng turah Champhai Mipuiten hlim taka an hman theihna turin Sub Hqrs YMA chuan duhsakna a hlan tih a sawi a, he hunpui ah hian midangte tana harsatna siam thei chi Halpuah leh Halmawi chi hrnag hrang te naupang silai lem, a mu kapchhuak thei chi te zuarlo tur leh hmang lo turin mipuite an ngen a, ruk ruk leh ruihtheihthil laka inthiarfihlim theuh turin leh mipuite himna tura YMA Branch hrang hrangte hmalakna ah harsatna siamtu nilova tawiawmtu ni theuh turin Sub Hqrs YMA Executive Committee chuan mipuite a chah bawk a ni. Hei bakah hian Committee chuan November ni 23 a Sanglianthanga, Lalzamliana leh Deep Mandal te Tuikuk hel ni a hriat ten an rubo chu an dem tak zet tih an sawi a, rubo tute hian intiamkamna awm lova a rang thei ang bera an mihrente him taka an chhuah tir an phut thute, tun hnu zelah pawh mizote hi sum siam na atana hmang tawhlo tura an duh thu thuchhuah siamin an tarlanga, tuna misualin an hren mekte a rang lama chhanchhuah an nih theihnan sorkar in hma a la chu an lawm thu an sawi a, tlanchhuahna tura an sum phut erawh pelo turin sorkar hruaitute an ngen a, an ni chhanchhuak tur hian thawhchhuah angai a nih pawhin Sub Hqrs YMA Champhai in mihring a tawh thei tih an sawi bawk. hei bakah hian Central YMA leh Sub Hqrs YMA Mamit te hmalakna an thlawp tlat thu leh a tul huna pun theih an nih reng thu an thuchhuah ah chuan an tarlang bawk a ni

INKANG TANPUI :

Zirtawpni (6.12.2013) chawhnu dar 2:30 a Ruantlang, Tiau Road a inkang chu Inrinni khan Khawtlang tangrual chuan an sak that sak Champhai DC chuan chhiat tawk chhungte tanpuina Rs 72,700/- a pe bawk a ni.

GOSPEL CAMPING NEI DAWN :

    Salvation Army Champhai Corps chuan ni karleh thawhlehni atanga tanin Camping an nei dawn a. Speaker Pu Lalzawngliana leh a thiante, ‘Lalpa hnathawktu Team’ te rawih an ni ang. hei bakah hian, UPC Kohhran Kahrawt chuan Pastor KVL Hmangaihkima speaker a hmangin karleh Thawhlehni atangin Camping an nei dawn bawk a ni.

PRESBYTERIAN CHAMPHAI :

    Synod chuan Pro. Pastor 19 a la thar a, heng zingah hian Synod Pastoral hnuaia thawk tur 15, Synod Mission Board hnuaia thawk tur 3 leh Manipur Area-a thawk tur 1 lak an ni. Kum 2014-a Minister pension tur 1 leh 2015-a Pastor pension tur 3 report a ni. Pastor-te zingah D.Th. zir tur 4, M.Th. zir tur 8 leh D. Min. zir tur 1 phalsak an ni. Champhai lam atangin C. Zaihmingthanga S/o V.L. Ngurliana, Ruantlang (Mual Veng) chu Pro Pastor atan lak a ni a, Bethel Bial Masihi Sanghati Tirhkoh ni thin Laishram Raju Singh S/o Rev. L. Gaurango Singh chu lak zingah a tel ve bawk.Naktuk Pathianni Chawhma hian Pastor nemngheh leh Pro Pastor dahngheh inkhawm neih a ni anga, thurin zawttu Rev. Chawngmunrai, Ruprai, Tripura niin thuchah sawitu leh tawngtai saktu Rev. J. Lalremsiama, Durtlang a ni ang. Champhai khawchhunga presbyterian Pastor thenkhat sawnchhuah an ni a, an aiawh tur pawh tihfel nghal niin, hriattheih chinah Kahrawt Presbyterian kohhran Pastor Rammawipuia Pachuau chu Sialsuk ah a awm dawn a, Rev C.Thangthuama pawhin Tlungvel bial a vawng ang a, Rev C.Lalremruata chuan Kawnpui bial a vawng thung ang. Hetihlai hian Rev Lalhleia chu Counsellor (Champhai Centre) in a rawn awm dawn a ni.

SCHOLARSHIP SEM :

    Pre matric Minority Scholarship 2013-2014 a lak theih a, karlehah Headmaster seal leh paybook kengin DEO Office ah a lam theih a, a hmute hi DEO Office kawtah tarchhuah niin engtiklai pawha en theih a ni. Minority scholarship hi Champhai District-ah 4989 in an hmu a ni.

 TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 70.06)
    Diesel : Free Sale (Rs. 53.09)
RD PUMP : (6:00 AM - 5:00 PM)
    Petrol : Free Sale (Rs. 79.21)
    Diesel : Nil (Rs. 57.65)
 


ni 6.12.2013 (zirtawpni)



JAPAN INTERNATIONAL CO-OPERATION AGENCY CHAMPHAI-AH :

    Japan International Co-operation Agency (JICA) Study Team te chuan niminpiah tlai khan Champhai lo thlengin, nimin khan Minor Irrigation hmalakna hrang hrang bakah Horticulture leh Agriculture hmalakna te an tlawh.
    Minor Irrigation hmalakna in Mizorama kuthnathawktu hrang hrang ten kan thil tharchhuah tihpun dan tur leh hralh chhuah dan tur buaipui tur in Mizoram leh Japan sawrkar chuan inremna anlo siam tawh bawh zuiin heng JICA team te hi a vawihnih na atana lokal leh a ni a. Heng Japan team lokal te hian Mizoram hmun hrang tlawhin kuthnathawktute hmasawnna tura hmalak dan tur a hmunah kalin an en a, niminpiah khan Khawzawl KVK hotute leh leilet neitute kawmkualin MI project te an tlawh kual a. Nimin chawhma lam khan Champhai leilet zawl Phaizau leh Luangdarh MI project tlawhin leilet neitu te nen inkawmna hun tha tak an neia, leilet neitu te hian fur leh thala an harsatna neih thinte an lo thlen ani. Hemi hnu hian Tlangsama Winery tlawh lehin Winery kalphung te ngun takin an zir chiang bawk a. Chawhnu lam khan Zokhawthara Land Custom office pawh an tlawh nghal bawk a. Japan sawrkar atang hian mithiam Team dang pawh lo la kal leh tura beisei an ni a. Mizorama kuthnathawktute thar chhuah hrang hrang tih pun mai bakah a hralh chhuah dan tur thlenga buaipui dan tur (Master Plan) siam turin hma an la mek zel bawk a ni.
     Tun tuma Japan International Co-operation study Team lokalte hi mi 3 niin Mr.Shigeki Yamaoka Team Leader, Rural Development Planning expert, Mr.Takuya Saisho Agriculture/Paddy Production Expert leh Mr.Katsuyuki Yamamoto Horticulture/Farmland Conservation expert te an ni a, Minor Irrigation Dept. Agriculture Dept. leh Horticulture Dept. atang te in official ten an tawiawm bawk a ni.

MOTOR INZIAK LUT 83 :

    November thla chhung khan Champhai District Transport Office ah Motor 83 registered thar a ni a, heng zinga a tam ber chu Two Wheeler a ni Motor registered zawng zawng hi 83 niin heng zingah hian Scooty leh Bike Two Wheeler chu tam berin 29 registered a ni a,  Auto Rickshow 7 registered a ni a, Maxicab 10, Motor Car 13, Jeep, Bolero, leh Gypsy 2, Taxi 3, Truck 11, Tractor 2 leh Trailers 2 avaiin motor 83 ziahluh thar a ni. Hei bakah hian November thla chhunga Tax hrang hrang atanga pawisa hmuh zat belhkhawm chu Rs 9,63,618 a ni a, Road Tax atangin Rs 5,86,933 hmuh a ni a, Passenger phur chi motor atangin Rs 66,500/-, Bungraw phur chi motor atangin 90,950/- leh M.V Fees atangin Rs 2,21,235/- hmuh a ni bawk a ni

VOTE CHHIAR DAN TUR :

    Nimin khan District Information & Public Relations Officer chuan Vote chhiar dan tur chungchanga hriattur pawimawh a tichhuak Karleh thawhtanni zing dar 8 atangin vote hi chhiar tan tur a ni a, Counting Supervisor leh Counting Asst te, Counting atana Micro Observer te, Presideing Officer zawng zawngte chu zing dar 7 ah DC Office Keifangtlang thleng vek tura beisei an ni a, heibakah ian Candidate, Election Agent lhe Counting Agent te pawh dar 8 hma ngei counting Hall thlen fel vek tur a nih bakah, EVM Strong Room hawn laia awm tur Political Party aiawhte pawh zing dar 7:30 ah chuan kim vek tawh tur a ni ang. Counting Official zawng zawngte chu Badge siam sak an ni anga, hemi atana tul zawng zawng chu zirtawpni aia tlai lovah tihfel vek tur a ni. Counting Hall ah hian Mobile phone leh camera, phalna bik neite tanlo chuan kenluh phal a ni dawn lova, pawnah police ten checking an nei vek dawn a ni

VETY LAMA RAN ENKAWL DAN :

    Novem ber thla chhung khan AH&Vety Hospital ah Ran chi hrang hrang 3143 entir an ni Heng zingah hian Ar tam berin 2582 entir a ni a, Lawi 3, bawng 46, kel 2, vawk 153 leh ui 57 entir an ni a, hei bakah hian ui 17 hnenah vaccine pek a ni a, vawk til lak 7 awmin vawk chhul lak 1 leh ui til lak 1 a awm bawk a ni

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 70.06)
    Diesel : Free Sale (Rs. 53.09)
RD PUMP : (6:00 AM - 5:00 PM)
    Petrol : Nil (Rs. 79.21)
    Diesel : Nil (Rs. 57.65)
 


ni 5.12.2013 (ningani)



MEDIA TE NEN INKAWMNA HUN HMANG :

    Nimin chawhnu dar 1:30 khan Champhai DC Conference Hall ah Champhai DC Pu Lalthangpuia Sailo IAS hovin champhai Media hrang hrang te nen meeting pawimawh tak neih a ni
    He hun Pu Lalthangpuia Sailo IAS Champhai District Bawrhsap kaihhruaiah hian Official te chuan, Inthlan kan hmachhawn zawh takah tha taka an thu leh hla media ten an puanzar sak chu lawmawm a tih thu an sawi a, hna hautak an thawhna ah engmah harsatna awmlova hna an thawkthei chu lawmawm an tih thu sawi bawkin, chanchinbu leh TV ten an thu leh hla, mipuite hriat tur hrnag hrangte tha taka an puanzar sak thin avangin lawmawm an tih thu an sawi a ni He hunah hian Pu R. Vanrengpuia Election Officer chuan, vote chhiar a nih dan tur report a pe a, hemi ni hian mipui nawlpui tan chimbuai a rem dawnlo a ni tih pawh sawiin, Counting Hall ah Candidate, Election Agents te bakah Counting Agents te bak luh a rem dawnlo tih pawh a sawi a, uluk taka venhimna kenkawh a nih dawn bakah phalna pek bikte lo chu DC Office Compound ah an kal theihloh tur thu pawh sawi bawkin, Counting Hall pahnih a awm anga, Counting Hall 1 ah zing dar 8 ah 21 Lengteng A/c chhiar ani anga, dar 8 ah vek counting Hall 2 ah 23-Champhai North chhiar a ni ang a ti, hei bakah hian EVM chhiar a nih hmain Postal ballot chhiar hmasak a ni anga, dar kar chanve hnuah EVM ami chhiar a nih tur thu pawh a sawi bawk a ni. Nimin Meet with Press ah hian CHamphai District chhunga MJA memberte bakah Chanchinbu Editor te an kal tha hle a, Vote chhiar ni hian Champhai Cable Network (CCN), Lalluauva Cable Network (LCN) leh DDK ten live in an pechhuak dawn a, mipui ten DC Office a chimbuai lo tur leh mahni inlum atanga thlir turin an ngen bawk a ni

NUNGCHA HUMHALH :

    Tuipui luidunga nungchangte humhalh kawnga hmalatu branch paruk: Tuipui Branch, Tualte branch, Buang branch, Kelkang branch, Kelkang vengthar branch leh Dilkawn branch te chuan thla hmasa ni 30 khan Tuipui RSBY hall-ah Joint committee neiin tuipui luidung hi humhalh tlat nise an ti a, lui hnar lamah Pa Nguna kai leh lui mawng lamah Tualte lui kai inkar hi joint committee chuan humhalh nise an ti a, tur leh chinai lam chi reng reng hman khap a nih bakah current hmang chi reng reng, dynamo, generator leh a dangte hman khap a ni bawk a, Mizopa ru-ah ngaihhih bak hman khap nise an ti bawk. Sangha thliar chungchangah Branch tinten tha an tih angin kalpui mai nise an ti a, nghafuan ven chungchang pawh sawihovin kumtin September ni 20 atang October ni 20 chhung chu nghafuan ven reng reng hi khap nise an ti a, joint committee in a khap hmang lui an lo awm a nih chuan Joint Committee chuan a mantu branch in tul leh tha a tih angin hma la se an duh tih a tarlang a, a mantu branch hi Joint committee branch te information-ah hriattir zel tur a ni. Hei bakah hian an hmalak zel dan tur pawh sawihovin kum 2014 rorelna hmun atan Tuipui Branch an ruat a, Convener atan Kelkang Branch YMA ruat an ni bawk.

SEMINAR ON TEACHING :

    Nimin chawhma dar 10:30 khan I&PR Auditorium Chanem Building ah State Level Seminar On Teaching Techniques Of Mizo Poetry tih chu hman a ni
    He hun hi Pu Lalnunmawia Govt. Champhai College Principal chuan a kaihruai a, khuallian atan Champhai District Deputy Commissioner Pu Lalthangpuia Sailo IAS hman a ni a, thusawiin khuallian chuan, mitin hian thiam zawng kan nei theuh a, chu kan thiam zawng leh kan talent chu kan hriatfuh a ngai a ni ati a, enge kan la thawh ang tih kan thlanthiam a ngai a ni tih sawiin, zirlai kan nih lai atanga tum fel tak kan neih a ngai a ni ati. DC chuan, thusawi lam chu thiam hle mah ila, ziah lamah tan kan lak a ngai a ni tih a sawi a, ziah zawm tur leh ziah zawm loh turte kan thliar thiam tur a ni ati. Champhai DC chuan, nimin a an thil zirte a taka hmang thei tura uluk tur leh hlawk taka hmang thei turin duhsakna a hlan bawk a ni. He hun hi Session hnih a then a ni a, chawhma lamah Mizo hla hlui ziarang leh Mizo hla thlan danglam dan tih thupui hmangin Dr. Zoramdinthara Asst. Professor PUC chuan zirtirna a pe a, C. Lalsiamthanga Asssociate Professor Govt. Champhai College chuan Poetry zir dan kalphung tih thupui hmangin zirtirna a pe bawk a ni Chawhnu lam hi Dr. Zoramdinthara Asst. Professor PUC chuan kaihruaiin, Poetry tha ziarang tih leh Poetry chi hrang hrang nihphung tih thupui hmangin H.Laldinmawia Asst. Prof. PUC leh Lalnunpuia Renthlei Guest Faculty PUC ten zirtirna an pe bawk a ni

CDBBA LEH GMHSS :

    Nimin khan GMHSS leh Champhai District Basketball Association (CDBBA) Selected Players te chuan Vanlallawma Indoor Stadium-ah Basketball Exhibition Match an khel. He exhibition match hi GMHSS-in tun thla December ni 10 atanga ni 13 chhunga neih tur Mizoram Higher Secondary School Games-a an inbuatsaih nana khelh a ni. He inkhelah hian CDBBA Selected Players te chuan GMHSS hi 83-69 in an hneh a ni. Mizoram Higher Secondary School Games-ah hian GMHSS hi group B-ah an awm a ni. CDBBA hian tun thla ni 16 hian Vanlallawma Indoor Stadium-ah tournament an buatsaih dawn a, he tournament hi Charity Tournament a nih dawn avangin tournament chhung hian bawm hun a ni ang a, zaithiam te nen hun hlimawm tak hman tum a ni a, ni 21 zana final khelh tur a ni ang. Team tel tumte chuan Technical Board Secretary Richard Lalropuia hnenah Dt. 14.12.2013 tlai dar 5:00 ral hmain entry fee pek tur a ni.

MJA INHMUKHAWM :

    Nimin khan MJA, Champhai District chuan Press Club-ah Gen. Body Meeting neiin hetah hian tun kum Krismas leh kumthar vuakveta chanchinbu chawlh dan tur an rel a, chanchinbu semtute hi khaw hrang hranga atanga Champhaia rawn awm, hunpui hmanga mahni khaw lam pante an awm nual avangin December ni 21 thleng chanchinbu hi chhuah nise, kum tharah January ni 6 atanga chhuah tan leh nise an ti a, hei bakah hian nakuma Silver Jubilee lawm tur khuh hawnna chu December ni 31-ah neih nise tih an rel bawk.

 TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 70.06)
    Diesel : Free Sale (Rs. 53.09)
RD PUMP : (6:00 AM - 5:00 PM)
    Petrol : Nil (Rs. 79.21)
    Diesel : Nil (Rs. 57.65)
 


ni 4.12.2013 (nilaini)



BUSINESS MEET HMANG :

    Nimin chawhma dar 10 khan SDIO Office Champhai District Industries Center ah Business Meet neih a ni
    He Business Meet hi North Eastern Development Finance Corporation Limited (NEDFi) leh Champhai Industries Center ten Business Facilitation Centre (BFC) hnuaia an buatsaih a ni a, he hunah hian thusawiin Pu Lalrengpuia Mentor, Business Facilitation Centre NEDFi Aizawl chuan, NEDFi thiltum leh an hnathawh dante a sawi a, hnathawk leh Industry dintuten hma an sawn a, tih tak taka ti tuten hlawhtlinna an hmuh ngei theihna tura tanpui hi NEDFi tum ber a ni ati a, hlawkna siam leh hlep um ringawta din a nih loh thu pawh sawi bawkin, hmasawnna thlen hi an tum ber a nih thu a sawi. He hunah hian Pu K Siamhlir SDIO pawhin thusawi bawkin, kan hun hman hi hun rangkachak a nih thu a sawi a, kan hnathawhah Pawisa ngawr ngawr um lovin, kan khuin hma alo sawnna tur leh alo thanlenna thlen thei turin hna kan thawk tur a ni ati a, keimahni theuha Pathianin Talent min pek hi kan tipung ngei ngei tur a ni tiin kalkhawmte chu an hun hman hlawk taka an hman theihna turin duhsakna a hlan a ni
    He hunah hian Shri. Bijan Saha, Manager NEDFi Guwahati chuan Power Presentation hmangin zirtirna a pe bawk a ni
    North Eastern Development Finance Corporation Limited (NEDFi) hian sumdawnna leh industry peng hrang hranga hma kan sawn theih nan sum hmangin project neite a tanpui thin a, mi harsa zual leh bank dawr zung zung theilote hnenah pawh MFI leh NGO te kaltlangin NEDFi hian loan a pe chhuak bawk thin a ni. Hei bakah hian, NEDFi hian branch Office ah Business Facilitaion Centre dinin Bank hrang hranga loan dil turte kawng a kawhhmuh a, a thlawnin Project report te a siam sak bawk a, hmun hrang hrangah thiamna a pun leh zual theihna turin training a pe bawk thin a ni

TOURNAMENT BUATSAIH DAWN :

    Champhai District Badminton Assn chuan tun thla ni 12 leh 13 hian U-16 Badminton Tournament a buatsaih dawn a, he Tournament ah hian U-16, U-14, U-12, U-10 Boys Single leh U-16 Girls Single Category siam a ni dawn a, tel duh te chuan tun thla ni 8 hma in Champhai District Badminton Assn Hon’Secy K. Lalchhuanawma hnenah Entry tihfel vek tur a ni anga, Entry Fee hi Rs 50 a ni dawn a ni

FIMKHURNA HAPTA HAWNG :

    Nimin zing dar 6:30 khan ZDU Champhai buatsaihin Road Safety Week hawnna hun hman a ni a, he hunah hian Mipuite himna tur inzirtir a nih bakah, motor khalhtute fimkhurna tur hrang hrangte sawi a ni a, he week hian tunkar chhung a awh ang

RUALBANLOTE NI HMANG :

    Nimin hi World Disabled Day a ni a, hemi pual hian Champhai Block chuan BRC training hall, SSA ah hun an hmang.
    He hunah hian thusawitu Pu Lalhminghlua, Dy DPC SSA chuan thu sawiin, kan vai hian Pathian in a duh taka a siam vek kan ni a, tumah hi a mit hmuhah chuan kan danglam chuang lo a ni, a ti a, hei hi hrechiang ila chuan rualbanlote kan hmuh dan pawh hi a danglam hle ang a ti. Dy DPC chuan World Disabled Day hi kum tin khawvel pumah hman thin tura ruahman a ni a, keini pawhin pawhin he ni hi kan hmang a, Champhai district bikah chuan block pali-ah he ni hi urhsun taka hman a ni tih sawiin, he ni pual hian khawtlangin rualbanlote kan endawng thinna chu a tawp theihna lam hawi thuziak tar chhuah a ni bawk, a ti. RTE hi naupang tinte chanvo a ni a, rualbanlote pawhin he dan hnuaiah hian lehkha an zir ngei tur a ni a, sorkar ngaihdan chuan vohbikte hi sikul an kal theih chuan kaltir tur a ni a, hei hi inclusive education in a huam a, sikul kal ve thei lote erawh chu in lamah zirna pek an ni thin tih a tarlang bawk a, Champhai district-a block tinah hian hemi lam khawina tur bik resource room a awm thu pawh sawiin, rualbanlote hnena zirtirna pek kawngah hian Champhai District chu a thawk tha ber pawl kan ni, a ti a, sorkar hian hna a lak dawnah rualbanlote tan seat a hauhsak thin a, sorkarin a ngaih pawimawh em em hi zirtirtute leh he lama thawkte pawh hian kan ngaih pawimawh a, Pathianin duh taka a siamte vek kan nihnaah hian chiang a, theihtawp kan chhuah zel tur a ni a ti bawk.
    Pu HS Lalhmangaihzuala, Resource person of IE pawhin thu sawiin khawvel pumah hian rualbanlo mi maktaduai 600 vel an awm a, heng zinga za zela 80 chu ram thang meka awmte niin an awmna ramte hian hamthatna hrang hrang a pe nasa hle a, mahse za zela 20 te chu harsatna hnuaiah an leng mek thung a ni, a ti a. Kumin thupui RTE hi vobikte chanvo a ni tih a sawizau nghal bawk. World Disabled Day ah hian naupangte intihhlimna hun an hmanpui nghal a ni.
     Nimin chawhnu dar 1:00 p.m. khan Khawbung BRC huaihawtin Khawbung BRC Hall-ah World’s Disabled Day hman a ni. Vobikte Ni puala hun hman hi Pu C.Lalrinsanga, Coordinator, Khawbung BRC chuan kaihruaiin Resource persons Pu R.Lalthakima leh Pu F.Ramengmawia te’n Middle School leh Primary School zirlai naupang kalkhawmte zingah Rualban-lo (Vobikte) chu duata tanpui an ngaihna apiangah pui thin tur te; an chunga hmangaihna lantir chu an mawmawh phurhna a nih thu te fiah takin an zirtir a. Vobikte hmusit chu Pathian duh loh zawng a nih thute an inhrilh a. Zirlai naupangte’n an ngaithla uluk hle. Vobikte ni pual hian kawngpui dungah Poster tarin rualban lote hmusit lo tur leh hmangaih tura inzirtirna thu chi hrang hrang an tar bawk a ni.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 70.06)
    Diesel : Free Sale (Rs. 53.09)
RD PUMP : (6:00 AM - 5:00 PM)
    Petrol : Nil (Rs. 79.21)
    Diesel : Nil (Rs. 57.65)

 


ni 3.12.2013 (thawhlehni)



WORLD AIDS DAY HMANG :

    Nimin chawhma dar 11 khan I&PR Auditorium ah Christian Medical Assn of India leh New Horizon Society te tangkawpin World Aids Day hman a ni
    He hun Pu Vanlalhruaia District Co-Ordinator Christian Medical Assn of India kaihhruaiah hian Dr. Zonunmawii District Programme Manager DAPCU chuan thusawiin, hetiang hun India ram pumin a ngaihpawimawh kan hmang thei chu lawmawm a tih thu a sawi a, kohhran leh khawtlang lamah theihtawpa tanlak a nih avangin kumin ah chuan mipui huap leh programme lian zawka buatsaih a nilo a ni tih sawiin, tun aia nasa zawka HIV AIDS darh zel lohna atana tan kan lak a ngaih thu a sawi. Dr. Zonunmawii chuan, Champhai District hi kan vanduai hle a, kumtina thisen test data kan en hian tlakhniam lam aiin pun lam kan pan zel a, hei vang hian a thawktute pawhin tan kan lak a ngai a, rilru nei taka thawk a, kan hnathawhah kan hlawhtlinglo anih chuan tun aia nasa a ke kan pen angai a ni ati. A thianghlimte an thianghlim zel theihnan leh thianghlimlo te avanga a darh zel lohna tura tanlak hi kan tihtur a ni tih sawiin, kalkhawmte chu an hna ngaipawimawh a, theihtawp chhuah zel turin a fuih bawk ani
    He hunah hian Dr Lorence Medical Officer ART Center Champhai pawhin thu a sawi a, kan hna ah kan tui tur a ni tih sawiin, thahnemngaihna rilru leh rawngbawlna rilru put ngai a ni a ti. Hlawh hmuhna leh ei hmuhna avanga thawk ni mah ila, he hna a kan thawk ta sa sa chu rawngbawlna rilru kan pu tur a ni tih a sawi. Dr. Lorence chuan, kan damlo te an taksa chauh kan enkawl a nilova, an rilru kan enkawl dam a ngai a ni tih pawh tarlang bawkin, kan hna thawhte kan enlet thin tur a ni ati a, kan tihthat loh leh kan tih felloh laite siamtha turin kan inenlet thin tur a ni ati. Dr. Lorence chuan, Champhai ah HIV/AIDS darh zel tur venna kawnga Centre hrang hrang kan nei tawh chung pawha a vei kan la pung zel chu hriatthiam harsa a tih thu pawh tarlang bawkin, thawktu kan awm chuan hma kan sawn ngei ngei tur a ni ati a, tun aia tanlak kan ngaihna zawn theuha tanla turin kalkhawm HIV/AIDS venna kawnga thawktu kalkhawmte chu a chah bawk a ni. Dr. Lorence chuan Tunah hian CHamphai ah ART la mi 292 awm mekin Champhai a la ngamlo, Aizawl lama Damdawi la thin an awm thu pawh a sawi bawk a, kum 2002 May thla atanga kumin March thla thleng khan Champhai ICTC ah thisen test 14,469 atangin mi 771 ten HIV/AIDS an vei a, nu naupai thisen 6419 an test tawh atangin mi 81 HIV Positive hmuh chhuah an ni tawh bawk tih a sawi. Dr. Lorence chuan, 2012 April thla leh kumin March thla thleng khan HIV/Positice 95 hmuhchhuah thar an ni a, kum khat chhunga hetianga kan than chuan a lungchhiatthlak hle a ni tih sawii, March thla leh nimin ni inkarah pawh hian kan pun hle a rinawm tih a sawi bawk a ni. Hetianga Champhai a chhe lama kan thran zel avang hian tun ai nasa zawka mipui ten tan kan lak angai a ni ati a, thawktu te mai ring lovin, mipuite pawhin thawktute kan tanpui a ngai a ni ati, Champhai ART Centre a tlawmngai pawl leh KTP ten anmahni ngaihsak a, ei leh in mai bakah chaw tha te an rawn pe thin chu lawmawm atih thu a sawi bawk a ni.
    Nimin World Aids Day hmanna hian Pu Zosangzuala New Horizon Society chuan, kan khawtlang a lo thianghlim a, HIV/AIDS dona kawngah theihtawp chhuah turin kalkhawmte chu thutiam a lak tir a, Pu Saihmingpuia Sailo Project Manager, New Horizon Society in thu a sawi bakah, kalkhawmte hnen atangin thusawi ngaihthlak a ni bawk

BUSINESS MEET :

    Vawiin chawhma dar 10 hian DIC Complex SDIO Office Champhai ah Business Meet hman a ni dawn a, he hunah hi NEDFI Guwahati leh Aizawl atangin hotuten an rawn hman pui dawn a ni

ONLINE BANKING HMANG DAWN :

    Apex Bank Chairman Pi T. Lalmuanpuii chuan, kumin chhung ngeiin Champhai Branch hi kan Online hman ang a ti
    Apex Bank Chairman Pi Muanpuii chuan, Kumin chhung hian Mizoram a branch zawng zawng hi Online hman vek kan tum tih a sawi a, ATM pawh bun nghal a nih tur thu sawiin, kum thar atang chuan ATM Card pawh kan pechhuak tawh dawn a ni ati. Pi Muanpuii chuan, kan palai zawhna chhangin, Apex Bank hi mipuite bank kan nih zel theihnan kan customerte harsatna leh mamawh chinfel sak zung zung hi kan tum ber a ni tih a sawi a, Champhai District mipuite pawhin rintlak leh rinngam an nih zia hria a pawisa danh nan leh pawisa inthawnkualna atana hmang zel turin a ngen bawk a, kohhran hrang hrang tan Biakin sakna leh mimal,dawr building sak na atan loan an pek theih bakah, Agricultur leh Horticulture bakah, ranvulhna atan scheme hrang hrang an neih bakah, self Helf Group, JLG, bakah Society loan an pek theih reng thu a sawi a, hei bakah hian sumdawng loan leh industry din nan loan an pek thin bakah, sorkar hnathawk, hlawhlak nana hmang tute chu loan ah duh sak bik an nih zel tur thu pawh a sawi a, Champhai mipui ten dawn chhunzawm zel turin a sawm bawk a ni

VOTE CHHIARNA TUR TIFEL TA :

    Mizoram Legislative Assembly din thar leh tura inthlanna neiha Candidate 142-te dinhmun tur chu mipui ten vote thlakin an relfel sak tawh a, District hrang hrang Hqrs 8-ah vote chhiarna tur Counting Centre ruahman mek a ni.
    Champhai District-a Assembly bial 5, Lengteng, Tuichang, Champhai North, Champhai South leh East Tuipui biala vote tla chhiar nan Counting Centre 2 DC Office-ah siam a ni a, pakhat chu Emergency Operation Centre tia hriatah siam a ni a, hetah hian Lengteng leh Tuichang biala vote tla te chhiar a ni anga, Counting Hall pahnihna, DC Office General Branch-a siamah Champhai North, Champhai South leh East Tuipui biala vote tla te chhiar a ni ang. Heng Counting Hall-ah te hian Counting Table 8 ve ve dah a ni. Vote chhiartu turte training chu Nilainiah pek a ni ang.

ADDL. DC ZIN :

    Addl. DC Zoengsanga chu Aizawlah a pizawn nu boral avangin a awm mek a, vawiin lam hian Champhai ah a rawn haw beisei a ni.

 TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 70.06)
    Diesel : Free Sale (Rs. 53.09)
RD PUMP : (6:00 AM - 5:00 PM)
    Petrol : Nil (Rs. 79.21)
    Diesel : Nil (Rs. 57.65)
 


ni 2.12.2013 (thawhtanni)



THISEN PE :

    Inrinni chawhma dar 10:30 khan Hmunhmeltha Branch YMA te chuan an kum 50 na pualin a mamawh apiangte hman atan thisen Unit 47 an pe.
    Thisen petute hi mipa 38 leh hmeichhia 9 te an ni a, thisen pek hma a inkhawm tawi buatsaih hi Pu C Zaihmingthanga Hmunhmeltha Branch YMA President kaihruaiin Dr Vanlalchhuanga Blood Bank Officer chuan thusawiin, thisen pek chu thianchhan thih ngam, zo nun ze mawi tak lantirna pawimawh tak a nih thu a sawi a, kan thisen liter 3-4 atanga 350ml lek lakchhuah hi mihring tan a pawithamlo tih tarlangin, thla thum dana kan pek hian kan thisen a insiamthar chak a, mihring pawhin kan thatpui zawk a ni ati. Dr. Chhuanga chuan, thisen mamawh tute tana hman tur a awm reng theihna tura tlawmngaiten thisen an pe thin chu lawmawm a tih thu sawiin, Mizoram chhungah Champhai hi a titha berte zing ami kan ni tih tarlng bawkin, mi tlawmngai te zara hetiang dinhmun kan ding thei chu lawmawm atih thu a sawi bawk a ni.
    Hmunhmeltha Branch YMA hian December ni 3-6 hian Golden Jubilee an lawm dawn a, he mi puala thisen pe an nih thu Branch YMA President chuan a sawi bawk a ni

MPF THUKHAWM :

    Inrinni chawhnu khan MPF Champhai District chuan Kahrawt Presbyterian Kohhran Committee Room ah MLA inthlan zawk tak thlirletin meeting pawimawh tak an nei He Meeting hi Rev. Lalrammawipuia Pachuau Kahrawt Bialtu Pastor chuan kaihruaiin, inthlan felfai leh thianghlim taka kan zo thei chu lawmawm an tih thu an sawi a, MPF Constituency Forum leh Local Forum te nena an thawhho that avanga an lawm bakah Election official te nana an thawhho that avanga lawmthu sawiin Political Party hrang hrangten MPF thu leh hla tha taka an zawm avang leh Media lam pawhin MPF thu leh hlate tha taka an puangzar thin chu an lawm hle tih an sawi.
    Committee chuan, inthlan result puan zawh a nih hunah a tlingte kawmna hun hmana sorkar tha a awm theihna tur ngeia hmalak chhoh zel an tum thu an sawi bawk a ni. Champhai District hruaitute hian inthlan hmain Constituency Forum te an tlawhkual bakah inthlan niah Champhai chhunga Polling Booth hrang hrangte an fangkual bawk a ni.

HOSPITAL REPORT :

    Champhai District Hospital ah chuan OPD a inentir zawng zawng hi mi 514 niin Dental OPD ah mi 120 an inentir a, Eye OPD ah mi 35 inentirin Ultrasound ti mi 31 an awm a, Endoscope ti mi 6 an awm bawk a ni. Damlo Admit 75 niin, damlo referred 7 an nih bakah damlo boral 3 an awm bawk a ni. Zaipui tawk mi 8 awmin zai tenau tawk mi 11 an awm a, nau nei mi 13 an awm a, mit zai 1 a awm bawk a ni. JSY hi mi 21 hnenah pek an ni a, tunah hian damlo mi 23 an awm mek a ni Nimin khan MMU Clinic Mualkawi ah neih a nih bakah vawiin khan Hmunhmeltha ah Blood donation neih a ni a, thisen unit 47 an la a ni.
    Champhai Civil Hospital Nursing Superintendent Pension Pi Vanlalhumi chu 28.11.2013 khan a pension a, Nursing Superintendent a chhuah tak avangin tunah hian Champhai Civil Hospital-ah Sister Pi Vanlalhluni chauh an nei a ni. Hna a tam avangin Nursing Superintendent dang thuneitute’n an dah thuai an beisei thu Damdawiin a thawkte hian kan palai hrilh ani.
    AH & Vety Hospital ah chuan Bawng Entir 7 entir nin vawi 21 entir a ni bawk a, Ui damlo 6 enkawl an ni bakah Ar 105 enkawl a ni bawk a ni. Tukar chhung khan Ui til lak 3 awmin, vawk til lak 4 a awm bawk a, Bawng 4 Kahrai an ni bawk a ni

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 70.06)
    Diesel : Free Sale (Rs. 52.55)
RD PUMP : (6:00 AM - 5:00 PM)
    Petrol : Nil (Rs. 79.21)
    Diesel : Nil (Rs. 57.65)
 


 ni 29.11.2013 (zirtawpni)



MIZO BANK AWMCHHUN MCAB :

    Mizoram Coopetative Apex Bank Lts. Chairman Pi T. Lalmuanpuii chuan APex Bank hi Mizote Bank awmchhun a ni a ti. He thu hi nimina Ruantlang Farming Coopetative SOciety ten MCAB Board of Directors thlan thar te lawmna hun an siam Ruantlang YMA Hall a neih a a sawi a ni a, he hun, Pu Zaihmingthanga Ruantlang Farming Cooeprative SOciety Chairman kaihruaiah hian thusawiin MCAB Ltd. Chairman Pi T Lalmuanpuii chuan tun hnaia MCAB inthlan kan hmachhawn taka an thlang tling ta sa sa chu theihtawpa tanpui zui turin a ngen a. Political Party Memberte chuan min phatsan pawh a ni thei a, kan thiantha tak takte pawhin min phatsan pawh a ni thei, mahse kan thawhhrimna erawh chuan englaimahin min phatsan dawn lo a ni tih sawiin, kan thawhrim tlat chuan kan la hlawhtling dawn a ni tih a sawi. Apex Bank Chairman chuan, an manifesto chungchang sawiin loneitute hmathatna tur hrang hrang an duan leh cooperative society te tana an duan zawng zawn g tihhlawhtling turin theihtawp an chhuah tur thu a sawi. Pi Muanpuii chuan APex Bank hi Mizote Bank awmchhun a ni tih sawiin, State bank of India in mipuite pawisa dah atangin 37% chauh loan an pe thei a, Vijay Bank chuan 18% an pe a, HDFC chuan 2% chauh an pek laiin Apex Bamk chuan 71% kan pe thei a, kan sum reng reng hi Mizoram pawnah a luangchhuak ve ngailova, Mizo mipuite tan hman thin a ni a ti.

RANNUNG SEH TAM :

    Khawbung Primary Health Centre ah ‘rannung seh’ mi 6 hmuhchhuah niin tunah hian damdawiin ah mi pathum enkawl mek an ni a. Zawhna chhangin Khawbung PHC a Medical Officer Dr. Vanlalrengpuia chuan khawdik reh thei lo, chi hrang hranga endik an nih hnua an natna hmuhchhuah mai theih loh chu Rannung Seh (Scrub Typhus) an nih deuh zel thu a sawi a.
    Khawbung PHC ah hian a hmangtuten a testna hmanraw senso phuhru tawk vel Rs. 300 in rannung seh hi enfiah theih a ni. Rannung seh hi a enkawl dan tur dik taka enkawl a ni chuan an dam hma hle niin Dr. Vanlalrengpuia chuan a sawi a. Khawbung PHC ah hian mimal. VC, Kohhran hmeichhia leh RKS Committee te thahnem ngaihna leh thawhhlawm thawh khawm hmangin Isolation Ward siam a ni a, damlo na zual leh natna inkaichhawn theiha na dam lo te dah nan hman a ni a. Bial mipuite tan a thlamuanpuiawm hle a ni.

NEICCYA ZANINAH :

    Zanin dar 6 hian North East India Chritian Council Youth Fellowship hnuaia Kohhran hran ghrang thalaite intawhkhawmna Ecumenical Youth Service  chu Vengthlang Kohhran Biak Inah neih a ni dawn a. He inkhawmah hian zaipawl, group zai leh malzai hrang hrangte ngaihthlak a ni bawk ang.

SECRETARY LOKAL :

    Tunlai hian Champhai leh a chhehvela Anganwadi hrang hrang leh an hmalka dan te enfiahin Central a Social Welfare Secy. chuan Champhai a rawn chamchilh mek a, naktuk hian AIzawl lam a pan ang. Social Welfare Secy hi State Programme Officer PL Liandinga chuan a rawn tawiawm a ni.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 70.06)
    Diesel : Free Sale (Rs. 52.55)
RD PUMP : (6:00 AM - 5:00 PM)
    Petrol : Nil (Rs. 79.21)
    Diesel : Nil (Rs. 57.65)


ni 28.11.2013 (ningani)



LEVELLING ZO TEP :

    Chhangphut Field a Phullem phah tur chu chak taka hma lak chhunzawm zel  niin tunah hian Levelling zawh thawhkhat a ni. JE chuan, tunah hian Levelling chu zawh thawkhat a ni tawh a, mahse, duhthusam loh lai khawih tur a la awm tih a sawi a, tunkar chhung hian tihzawh ainbeisei thu a sawi, levelling tih zawh a nih hnuah Pipe phum tur a ni a, pipe phum tur hian AIawl lam atangin technician an rawn kal tur thu pawh a sawi bawk a ni. JE chuan karleh hian bangalore atangin an hnathawh enpui turin Engineer an lokal tur thu a sawi bawk a ni. Puan tawh thin angin Chhangphut Field a phul lem phahtu tur Lushai Engineers Pvt. Ltd. te hian Italy Company Limonta a thawhpui a. FIFA pawmpui thlap leh International Level pawh khelh theihna tura siam a ni dawn a ni.

PWD-IN THAWK LEH TAN :

    PWD Departent chuan niminpiah atang khan Awmpui phei kawng siamthat hna chu an thawh chhunzawm leh a, nimin khan a khuar lai hnawh khat hna thawkin tun tumah hian LM Middle School thleng resurfacing tih tur a ni.

KTP HNATLANG DAWN :

    Vengthlang Branch KTP chuan kum 2013 a an Project Vapar Biak In sak tanpui chu a thawhhnihna atan Inrinni hian hnatlan leh an tum. Vengthlang Branch KTP hian CKTP kumpuan midang tana malsawmna bawhzuina atan New Saron ah Vantlang zuin In an siam mek a ni.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 70.06)
    Diesel : Free Sale (Rs. 52.55)
RD PUMP : (6:00 AM - 5:00 PM)
    Petrol : Nil (Rs. 79.21)
    Diesel : Nil (Rs. 57.65) 


ni 26.11.2013 (thawhlehni)



CHAMPHAI DISTRICT A VOTE TLAK DAN :

21 - Lengteng A/C
    Polling Station zawng zawng: 27
    Voters awm zat: 16191
    Vote thlak zawng zawng: 12457
    Percent: 82.84%
    An bial chhungah hian Tawitawkawn a Voters mipa 19 leh Hmeichhe 28, an vai a Voters 47 awmna chuan Chawhnu her khan 100% an thlak.Tin, he bial a NE Khawdungsei a Kimchhungi Kum 104 chu he District a Upa ber ani bawk.

22 - Tuichang A/C
    Polling Station zawng zawng: 24
    Voters awm zat: 15102
    Vote thlak zawng zawng: 12661
    Percent: 84.45%

23 - Champhai North A/C
    Polling Station zawng zawng: 29
    Voters awm zat: 17048
    Vote thlak zawng zawng: 13757
    Percent: 81.61%

24 - Champhai South A/C
    Polling Station zawng zawng: 24
    Voters awm zat: 15793
    Vote thlak zawng zawng: 12514
    Percent: 80.27%

25 - East Tuipui A/C
    Polling Station zawng zawng: 29
    Voters awm zat: 13961
    Vote thlak zawng zawng: 10837
    Percent: 82.09%

RELIN CHIL HLUM :

    Pu B. Hmingthansiama ho Pi Lalpanmawii, Champhai Vengthlang North chu Pathianni zing dar 6 vel khan Fatuha Rel Station, Bihar ah a ruang hmuh a ni a, Rel chilhlum ngei ni a hriat a ni. Pu B. Hmingthansiama hi SSB tanglai niin Jay Nagar, Bihar ah a awm a. Zirawpni khan Mizoram lama chawlh hmang turin an awmna hmun hi rawn chhuahsanin Fatuha hmunah hian vanduaina hi a tawk ta a ni. Patna Medical College & Hospital ah a ruang hi Postmortem zawh nih hnuah a ruang hi phurh chhuah a ni a. Nimin zing dar 2 khan Lengpui Airport rawn thlenpui a ni a, tukin zing khan Champhai thlenpui niin vawiin lamah a ruang hi vuiliam a ni ang.

U-14 THLAH DAWN :

    Tukin zing dar 8:30 hian Champhai District Under 14 team te Lawngtlai Inter District Under 14 Championship khel turin an chhuak dawn a, CDFA Executive  te Vengthlang Biak In kawt atangin an thlah ang. Under 14 team ah hian District dangte entawn turin kum dik tak vek thlan an ni a, manager Jonathan lalngaihawma leh Coach Lalfakzuala ten an hruai ang.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 70.06)
    Diesel : Free Sale (Rs. 52.55)
RD PUMP : (6:00 AM - 5:00 PM)
    Petrol : Nil (Rs. 79.21)
    Diesel : Nil (Rs. 57.65)


ni 23.11.2013 (inrinni) :



FINAL BRIEFING NEI :

    Nimin chawhma dar 11:30 khan Champhai Town Hall ah MLA General Election 2013 lo awm tura Polling Personnel te tan inhrilhfiahna hnuhnung ‘Final Briefing’ neih a ni
    Pu Zoengsanga Returning Officer kaihhruaiah hian mi chi hrang hrangte duty na tur hmun ruat chung changah hian induhsakna a awmloh thu a sawi a, thiante, chhungkhat laina te pawh duhsak an nilo tih a sawi a, khawl hmanga siam a nih avangin khawl in a rawn tihchhuah dan ang ang kha duty na hmun tura dahngheh mai a nih thu a sawi a, kan duty na hmunah thil hriatchian loh leh hriat duh kan neih chuan mahni duhthua ngaihdan lo siam mai lovin, District Election rawn hriattir zel turin a chah bawk a ni.
    He hunah hian Champhai District Election Officer Pu Lalthangpuia Sailo, IAS Champhai Bawrhsap ni bawk pawhin thu sawiin, inthlana duty tura ruatte hi mi pawimawh an ni tih hre thar leh turin a chah a, inthlan muanawm leh felfai kan neih theihna tura mi pawimawh tak, mawhphurhna nasa tak nei an ni tih hrethar leh turin a fuih a, tihsual neih palh a hlauhawm zia sawiin, in suspend thlenga hma lak theih a nih avangin kan hna kan uluk a ngai a ni ati a, tawngtai thlahthlamlo tura fuihin, Pathian hrereng chunga hna thawk turin a fuih bawk ani. DC chuan, Observer ten thil an uluk zia sawi bawkin, an duh dan anga thil tihpui hram hram turin a ngen bawk ani.
    Pu Benjamin Lalzama A.R.O pawhin thu sawi bawkin, tun inthlan ah hian EVM tluka pawimawh an ni tih hrereng turin a chah a, an hna an thawh laiin mahni an inringtawk tlat tur a ni a, engemaw a lo thleng palh a nih pawhin buai mai lo tur leh khawtlang leh Polling agent te nena sawikhawm zel turin a chah bawk a ni. Pu Benjamin Lalzama bakah hian Pi Rochuangkimi Khenglawt MCS, SDC Champhai pawhin thu a sawi bawk a ni.
    MLA General Election 2013 ah hian Champhai District ah Polling Agent 664 awmin vawiin zing dar 7 atangin an duty na hmun tur panin an chhuak dawn a, vawiin zing dar 7:00 hian team 7 ten an duty na hmun tur an pan dawn a, Dar 9:00 ah team dang an chhuah leh dawn bakah Chawlhni zing dar 9 ah team dang an chhuak leh dawn bawk a, Polling Party zawng zawngte hi khaw thim hma ngeia an duty na hmun tur theuh thleng tura tih an ni bawk.
    Champhai Town Hall ah hun hman zawh a nih hnu hian Champhai District Election Office ah inthlan chungchanga an mamawh tur hrang hrangte Polling Parties te hian an an la nghal a ni.

SOFT SKILL TRAINING NEI :

    Nimin chawhnu dar 1 khan Champhai Dist Hospital ah Christian Medical Assn Of India (CMAI) buatsaihin Hospital thawktute hnenah Soft Skill Training pek an ni He hun hi Pu Vanlalhruaia Champhai Dist Co-ordinator chuan a kaihruai a, Pu David Lalchhanhima, Senior Treatment Supervisor CHamphai DTC leh R. Lalrinchhani Champhai DIst Child Prtection Officer te chuan zirtirna an pe ani He training hian a tum ber chu Hospital a thawktuten damlo an enkawlna kawngah inpawhna tha zawk an neih theihna tura zirtirna pek a ni a, he hunah hian nurse, health worker leh thawktu dangte an tel tha hle ani.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 70.06)
    Diesel : Tanky Full (Rs. 52.55)
RD PUMP : (6:00 AM - 5:00 PM)
    Petrol : Nil (Rs. 79.21)
    Diesel : Nil (Rs. 57.65) 


ni 22.11.2013 (zirtawpni)



RAHUL AN CHAMPHAI TLAWH :

    Nimin chhun dar 12:30 khan Champhai Kahrawt Field-ah Champhai Dist. Congress Party Rally neih a ni He hun hi Champhai Vengthlang Presbyterian Kohhran Pastor Rev Lalramdinthara Colney chuan a kaihhruai. He Rally rawn hmanpui tu AICC Vice President Rahul Gandhi chuan thusawiin, a pa damlaia Mizorama an rawn kal kha Mizoram a tlawh hmasak berna a ni a ti a, A pain Mizoram chu Peace Accord hlawhtling tak a lo ziahpui avanga a lawmthu sawiin, a lokal leh hunah chuan thusawi tur ni tawh lovin, mipui te hrechiang tura kawtthler tin a fang a fan tawh tur thu a sawi bawk. N.E State te hian harsatna inang inkalpawhna chungchangah te, loneia eizawnna kawngah te an nei a, Agriculture hi State tin Economic ruhrel a ni a, chuvang chuan a ruhrel ber Agriculture hi tih chak anih loh chuan ram chhung Economy a thang thei lo a ni a ti bawk.
    Rahul Gandhi chuan hetianga tlangram lo neih a, Mizoram harsatna zawng zawng sukiang tur hian NLUP hi Sorkarin a kalpui a ni a ti a, NLUP vang hian Loneitute mahni an intodelh ang a, an thar chhuah te an ei tawh dawn a ni a ti a, Sorkar laipui hian NLUP vang hian Budget hi cheng Vbc 50,000 atangin Vbc. 70,000 ah a tihsan phah a ni a ti bawk. NLUP hi Central Special Project a nih thu sawiin, thlathum dan apiangin Congress C.M te nen meeting an nei thin a, NLUP hlawhtlinna hi an hmuh avangin State dangah pawh kalpui tura hmalak mek a nih thu a sawi.
    Mizo thalaite infiamna kawngah an san thu sawiin, a bikin Footballah chuan India ramah hian Mizo Thalai te hian ro an rel a, tunah hian Aizawl, Lunglei, Champhai te Phullem phah vek tawh a ni a, Dist tinah Indoor Stadium dah vek tum a ni a ti bawk. Mizoramah inthlanna muanawm leh hautak loh nan MPF an awm chu lawmawm a tih thu a sawi a.An chhungkua leh Mizo mipui ten inlaichinna thuk zawk an neih nan an culture te hrechiang zawk tura lokal a tum leh thu a sawi a ni.
    Welcome Speech hi Pu Lal Thanhawla MPCC President chuan sawiin, helai hmunah hian Rajiv Gandhi leh Indira Gandhi kan lo lawm tawh thin a, Tunah Rahul Gandhi lawm leh thei a kan awm chu thil lawmawm tak ani a ti. Inthlan dawn hnaih a ni a, dawt thu leng vel a tam dawn thu sawiin, mipui kalkhawm te chu thudik chauh tan turin a fuih bawk. Hnam hrang hrangin inlawmna kan nei a, keini mizo te pawh hian mikhual lawm dan kan nei a. Vai ho pawh hian mikhual lawm dan an nei a, chung zingah chuan an chala lo hnawihsen hi mikhual an lawmna chi khat a ni a ti. A duh lo chuan chal hnawihsen zawhah an silfai leh mai thin. Ani ngei pawhin an hnawihsen sak zawhah a silfai leh mai a ni a ti. Hindu Sakhua nen inzawmna pakhatmah a neih loh thu sawiin, India khua leh tui kan nih chuan India khua leh tui anga kan awm a, midang culture pawh kan pawm thiam hi kan tihtur a ni a ti a, Pope ngei pawh Indiaa a lokal khan a chal hnawihsen sak a ni a, Hindu Sakhua a be ta tih tuman an sawi an sawi ve lo a ti bawk. MPCC President chuan Nehru-a te chhungkua hian Mizoram an hmangaihzia an lo tilang tawh thin a, tun Rahul Gandhi lokal leh hian chu chu a takin a tilang leh ani a ti. Rajiv Gandhi hian Mizo mipuite hi a hmangaih a, chu chu a thlahte hian an chhunzawm zel a ni a ti a. Inthlan hmasak khan Sonia Gandhi a lokal tawh a, tunah a fapa Rahul Gandhi a lokal leh a, hei hian an nufaa Champhai an ngaihpawizawhzia a tilang a ni a ti bawk.
    Rev. Lalramdinthara Colney chuan Champhai Dist-a. Congress MLA candidate, Pu J.H Rothuama, Pu TT.Zothansanga, Pu Lalrinliana Sailo te hmelhriattirna a nei a, hemi zawh hian Kolasib lam panin Rahul Gandhi hi a thlawk chhuak leh nghal a ni.

PTC INSAWIFIAH :

    Paite Tribe Council hruaitute chuan ZNP candidate vote tura mipui an vau anga sawi chungchang chu tukin zing khan an sawifiah. PTC hruaitute chuan party hotute leh CCN palai te chu Ngur-ah kawmin thil awmdan an sawifiah a. Tunlaia thuthang PTC in Champhai District-a Paite zawng zawngte ZNP Candidate vote tura an tih chungchang leh an thu zawm lo chu an vau tia sawi chu sawifiahin hetianga invauna hi khaw hmunah mah an tih loh thu an tarlang a. PTC chuan kuthnathawktute tana hamthatna awm thei tur ber leh Paite hnam, Mizo-a an inchhunluh theihna ber tur nia an hriat avanga an thlawp thu leh ZNP hi an campaign pui ngei thu an sawi a. Mahse Selam, Mulen, Vapar, Khuangphah leh Vaikhawtlanga an kal anga sawi chu thu belhchian dawl lo a nih thu chiang takin an sawi bawk a ni.

MINORITY SCHOLARSHIP :

    Minority Scholarship 2012-13 1st installment 75% hmu tawhte tan 2nd intallment 25% a lo thleng a, headmaster ten DEO office ah seal leh paybook kenga lam tur a ni a, hei hi mahni school ah sem chhuah leh ngei tur a ni. List hi office hun chhungin DEO Office ah en theih a ni, scholarship hi session hmasaa school luhnaa lak tur a ni.

APEX BANK ATANGIN THAWN THEIH TA :

    Mizoram Cooperative Apex Bank Ltd chuan sumdawng leh mimal tan state pawnah pawisa a thawn sak thei tawh a. Hei bakah hian Mizoram chhunga Apex bank awmna apiangah a thawn reng thei bawk a, core banking pawh peihfel tep tawh niin, December thla hian hman tan theih beisei a ni a, ATM pawh neih nghal tura ruahman a ni bawk. Hei bakah hian board hotute chiarman, chief executive officer leh NABARD Gen Manager te chu tun thla ni 27 hian Champhaiah lokal an tum a, bank building siam that dan tur pawh an rawn enpui dawn bawk a ni.

THUCHHUAH SIAM :

    Champhai District Magistrate, District Bawrhsap ni bawk Pu Lalthangpuia Sailo IAS chuan Halpuah leh Halmawi etc. chungchangah khapna thupek a chuah Krismas leh kumthar vuakvetah Halpuah leh Halmawi halin mihring leh ran hriselna a nghawng nasa hle thin a hriat a nih avangin Cr. PC Section 144 in thuneihna a pek angin khapna thupek a chhuah. Champhai District huamchhungah mipui leh nunauten thlamuang taka Krismas leh Kumthar an hman theih nan Halpuah leh Halmawi chi hrang hrang zawrh leh hal khap tlat a ni a, thupek bawhchhia chu IPC Section 188 hmanga hrem theih an ni.

KO KHAWM :

    Election 2013 atana Polling Personnel tura ruat zawng zawngte vawiin dar 11:00 ah Champhai Town Hall ah kal vek tur a ni

STREET LIGHT DAH :

    Vengthlang VC te chuan tunlai hian Vengchhunga Streetlight siam tha tleh thlak thar hna an thawk mek chu an zo fel ta. Tunah hian Vengthlang huamchhungah hian VC te hian ligth 60 vel zet an dah thar a ni.

 TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 70.06)
    Diesel : Tanky Full (Rs. 52.55)
RD PUMP : (6:00 AM - 5:00 PM)
    Petrol : Nil (Rs. 79.21)
    Diesel : Nil (Rs. 57.65)
 


ni 15.11.2013 (zirtawpni)



PRESIDING OFFICER TRAINING :

    Nimin chawhma dar 11 khan Govt. Champhai College ah MLA General Election 2013 awm tura Champhai District A/c 5 huamchhunga Presiding Officer te tan Training buatsaih a ni He hunah hian Addl. DC Pu Zoengsanga 21-Lengteng A/c leh 22-Tuichang A/c Returning Officer ni bawk chuan, nimin Training a kalkhawm Presiding Officer te chu Election a mi pawimawh berte zing ami an ni ati a, an hna uluk tura fuih bawkin, Addl. DC chuan, Presiding Officer te chu Representation of the People Act, 1951 Section in 28A in a sawi angin, Election Commission thuneihna leh tihtur a tih apiang ti tura deputation a kal ang an ni ati a, Presiding Officer an nih angin anmahni Polling Station chhungah chuan dan leh thupek kenkawh leh inthlanna mumal leh muanawm tak a awm theihna tura thuneihna pumhlum nei an ni a ti a, inthlahdah leh namnul taka thil ti an awm chuan an chungah dan ang taka action lak a nih tur thu a sawi a, vote chhiar tur fel tak kan neih theihna tura hna uluk turin a chah bawk a ni. Election Commission in thu leh hla a neih zawng zawng kan hrechiang em em tur a ni tih sawiin, sawisel theihloh turin an thil hriatna kawngah chuan an inthuam famkim tur ani tiin kalkhawmte a chah a, training hlawk taka hmang turin duhsakna a hlan nghal bawk a ni. Nimin training hi hmun thum a then a ni a, heng room ah te hian Resource Persons te hian a chhawkin zirtirna an pe a, Pu Alan Lalthanzara MCS, SDC Champhai chuan instructions on EVM Management tih hmangin zirtirna a pe a, Pi Rochuangkimi Khenglawt MCS, SDC Champhai leh Zoremthara Ralte MCS, BDO Champhai te chuan Duties & Responsibilities of Polling Personel & Impts. Forms tih thupui hmanga zirtirna pe bawkin K. Lalngaihzuala Asst. Enginneer NIC Champhai chuan SMS based Monitoring tih thupui hmangin zirtirna a pe bawk ani. Nimin training hi Presiding Officer te tana buatsih niin vawiin hian Asst. Presiding Officer te training pek leh an ni ang. Champhai District A/c 5 huamchhungah hian Presiding Officer 166 awmin, heng zinga 133 te hi duty a chhuak tur an ni a, a bak 33 te hi reserve an ni. Nimin training ah hian Election Observer te pawhin a hmunah an tlawh bawk a ni

MCPA SUB-HQRS. MEETING :

    Nimin chawhma dar 11 khan Education Conference Hall,Champhai ah MCPA Sub-Headquarters members meeting neih a ni. He meeting hi Pu.C. Keikhuma,President,MCPA Sub-Headquarters, Champhai chuan kaihhruaiin, Pu H.Thangmura, President, Zotlang Branch chuan tanna hun a hmanga, Pu JC.Rohnuna,Secretary,chuan inhmelhriattirna a neih hnuah Pu.Biaktluanga, Treasurer, MCPA Sub-Headquarters chuan report ape a, hemi hnu hian MCPA General Headquarters Aizawl atangin Pu.Vankhuma chuan an hmalakna chi hrang hrang sawiin zawhna leh chhanna hun hman a ni bawk a ni. He meeting a zawh hnu hian PPO enfel ngaite enfelna hun hman chhunzawm nghal a ni.

SA RATE THAR :

    Champhai Butcher Coopetative Society chuan naktuk Inrinni atanga hman tan turin Sa rate an tisang leh a, rate thar hetiang hi a ni.
    Bawngsa : A thin leh a ti - Rs. 250 per Kg.  A ruk : Rs. 200 per Kg.
    Vawksa : Rs. 250 per Kg
    Mahni sa lei duh ang lei phal lo sa zuar an awm a nih chuan Society hotute hnenah hriattir tur a ni a, hetiang sa zuarte hi pawlin an Dam hmangin an hrem thin dawn a ni.

MHIP POLITICS AH INRAWLH TA :

    Mizoram a tlawmngai pawl MHIP chuan MNF leh MPC thawhhona duh lova Independent a ding Pi B. Sangkhumi chu Campaign pui turin Champhai an lo thleng. Pi B. Sangkhumi campaign pui tura lokalte hi Serchhip Sub-Hqrs. Vice President , East Lungdar Block Vice President, Keifang Block Vice President leh Darlawn Block Vice President te an ni.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 70.06)
    Diesel : Free Sale (Rs. 52.55)
RD PUMP : (6:00 AM - 5:00 PM)
    Petrol : Tanky Full (Rs. 79.21)
    Diesel : Nil (Rs. 57.65)

 


ni 14.11.2013 (ningani)



VOTE LEHHRALH CHUNGCHANGAH THUPEK CHHUAH :

    Nimin khan champhai district Bawrhsap Lalthangpuia Sailo, IAS District Magistrate leh District Election Officer ni bawk chuan, MLA General Election 2013 lo awm tura vote lei leh hralh chungchangah thupek a chhuah. Champhai DC Lalthangpuia Sailo IAS  chuan mi tupawh thamna pawisa emaw hmanrua engpawh hmanga vote lei leh hralha inhnamhnawi chu IPC Section 171-B in a khap tlat a, thamna petu leh a dawngtute chu inang renga hrem theih an ni. Hetianga inhnamhnawih mante chu pawisa chawitir/kum khat thleng lungin tan tir.a pahniha hrem theih an ni. Chu bakah, mi tupawh Candidate emaw voter emaw te vau leh vote an thlak theihna dal tura harsatna engpawh siamsak hi IPC Section 171-C in a khap tlat bawk a ni. He dan bawhchhiate chu pawisa chawitir/kum khat thleng lungin tan tir/a pahniha hrem theih an ni. Heng dang bawhchiate emaw hmu leh hria an awm a nih chuan Complaint Room number (03831) 235604 ah hian report theih reng a ni tiin thupekah chuan an tarlang.

BLO TE TRAINING :

    Nimin khan I&PR Auditorium CHANEM Building ah 23-Champhai North (ST) A/C huamchhunga Booth Level Officer (BLO) te tan training neih a ni. He training ah hian Election Officer Pu R. Vanrengpuia chuan thusawiin Alan Lalthanzara SDC in Systematic Voters` Education and Electoral Particupation chungchangah zirtirna a pe bawk.

DR. SANGTHANKIMA’N  AWARD DAWNG DAWN :

    TNT Founder Chairman Dr. Sangthankima s/o Upa S. Lalruma (L) IB Veng Champhai chuan Govt. of India, Ministry of Women and Child Development atangin naupang enkawlna lama a hnathawh that avangin India ram pum huap chawimawina National Award for Child Welfare for the Year 2012 chu tun thla ni 19 khian Delhi ah a dawng dawn a. He award hi Minister of State (Independent) for Women & Child Development in a hlan dawn a ni. Award hian citation leh Rs. 3,00,000/- a keng dawn a, a kal lam haw lam bakah Delhi a awm chhung senso zawng zawng hi India Sawrkar in a tum vek dawn a ni.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 70.06)
    Diesel : Free Sale (Rs. 52.55)
RD PUMP : (6:00 AM - 5:00 PM)
    Petrol : Tanky Full (Rs. 79.21)
    Diesel : Nil (Rs. 57.65) 


ni 13.11.2013 (nilaini)



SERVICE TEACHERS TRAINING :

    Nimin chawhma dar 10 khan RMSA Buatsaih In Service Teachers Training 2013-14 chu chhunzawm a ni. He training hi Tlangrawt a Sub Hqrs YMA Office ah Science zirtirtute tan neih a ni a, he hunah hian thusawiin Pu C Hualrikhuma Dy DPC RMSA chuan, Training pawimawh zia sawiin, tunah hlawk in inhrelo mah ila, nakinah kan la chhawr dawn chauh a ni tih sawiin, kum tin ni 5 chhung tal he training hi neih tura ruahman a nih angin he training hi kan ngaipawimawh hle tur a ni ati. Pu Hualria chuan, Zirna ah tan kan lak a ngaih thu a sawi a, zirtirtu hna hi hna zahawm tak a nih avangin kan uluk tur a ni ati a, zirlaite nakin hun hi kan tun hun hian a hril nasa hle a ni a ti a, tunlai naupangte hi an changkan tawh em avangin zirtirtute hian kan tlankhalh a ngai a ni ati a, Champhai Dist siamtha tur hian mi pawimawh berte zing a mi kan ni ati. Tunkar chhung atan Social Science zirtirtute kohkhawm an ni a, he training hian RMSA, Adhoc Aided leh Govt. H/S zirtirtute an tel a. DIET Lecturer te chuan Guidance & Councelling, NCF 2005 leh Paradigm tih thupui hmangin zirtirna an pe a, he training hian tunkar chhung a awh ang.

EDUCATION DAY HMANG :

    Nimin kha Education day a ni a, Champhaiah chuan he ni pual hian BRC Training Centre, SSA Complex-ah hun hman a ni a. Infuih tharna hun hman niin he Chief MInister leh Education Minister te thuchah chhiar chhuah a ni bawk.

THISEN PE :

    Nimin khan Facebook-a Champhai Blog chuan kum 3 an tlin lawmna leh Special Report in an member nuai khat an tlin lawmna denchhena thisen pek a ni. Thisen hi Unit 35 pek a ni a, pe tura rawn kal pe ve thei lo mi 5 an awm bawk. Thisen pe hi Mipa 26 leh Hmeichhia 9 an ni. Thisen pe zingah ah a Upa ber chu Pu VL Chama Hnamte Kum 49 a ni. Champhai Blog hian mi harsate tanpui nan an din tirh atangin tum thum an lo thawk chhuak tawhin thisen hi an tum hnih pekna a ni.

BIBLE CHHIAR LEH TAWNGTAI :

    Tunlai hian Vengthlang Branch KTP te chuan Bible chhiar an kalpui mek a Inthlan dawn hnaih a nih avangin Bible chhiar hi zan lamah dar 10 thleng au rinna hmanga pek chhuah thin a ni.
    Zanin hian Vengthlang Branch KTP te tho hian MLA Inthlan pualin tlaivarin an tawngtai bawk dawn a ni.
    Hetihlai hian IMEM chuan zanin atang hian DAPCU sponsor Bible Quiz 2013 chu an tan dawn a, IMEM channel-ah live a pek chhuah a ni ang a, thlirtute tan HIV/AIDS lam hawi zawhna siam a ni ang a, sms hmanga chhan theih tur niin a chhang hmasa ber hnenah lawmman pek thin a ni ang.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Free Sale (Rs. 70.06)
    Diesel : Free Sale (Rs. 52.55)
RD PUMP : (6:00 AM - 5:00 PM)
    Petrol : Tanky Full (Rs. 79.21)
    Diesel : Nil (Rs. 57.65)
 


ni 12.11.2013 (thawhlehni)



MEETING NEI :

    Nimin chawhnu dar 4 khan DC Conference Hall ah Election Officer Pu Lalthangpuia Sailo, IAS Champhai District Bawrhsap ni bawk kaihhruaina in, Election Observers, Returning Officer, Superintendent Of Police, Asst. Returning Officer leh Election kaihhnawiha Officer mi pawimawh thenkhat ten meeting an nei He meeting ah hian candidate te account nitin a endik dan leh kalpui dan tur relho a ni a, randomization of Polling Personal chungchangte relho nghal a ni bawk.

BIBLE QUIZ :

    Zanin dar 7 atang hian Kohhran hrang hrangte tana buatsaih IMEM Bible Quiz 2013 chu tan a ni dawn ta. Hei hi HIV/AIDS darh zel tur ven nan  DAPCU in an sponsor a ni a, IMEM Channel ah Live a pekchhuah a ni ang.

THEIHTAWP CHHUAH DAWN :

    MNYF Champhai South Block chuan thuchhuah siamin, mahni party thawhpuite pawh za zo lova lalna leh thuneihna duh avanga chauha independent a Pi B.Sangkhumi a ding tur hi an dem thu an sawi a, Champhai South biala MDA official candidate hi a tlin ngei theih nan theihtawp chhuahin hma lak zel an tum thu an sawi a ni.

 TUIALHTHEI DINHMUN :

MIZOFED : (6:00 AM - 7:00 PM)
    Petrol : Tanky Full (Rs. 70.06)
    Diesel : Free Sale (Rs. 52.55)
RD PUMP : (6:00 AM - 5:00 PM)
    Petrol : Tanky Full (Rs. 79.21)
    Diesel : Nil (Rs. 57.65)
 


ni 11.11.2013 (thawhtanni)



THISEN PE DAWN :

    Naktuk ni 12.11.2013 (thawhlehni) hian Facebook a Champhai Thalaite awm khawmna Champhai Blog chuan Kum 3 tlinna Champha lawmnan Vengthlang YMA Run-ah Dar 10:30 AM atangin thisen pek runpui an nei dawn. He thisen pek runpui hi Special Report Group ten an member nuai 1 an tlin lawmna nena tih kawp tur a ni a. HDFC in ei leh in min tum sak dawn bawk.

JOINT PLATFORM SIAM DAWN :

    Zanin dar 6:30 hian Vanhnuailiana hall, Ruantlangah Rev. C. Thangthuama, President MPF kaihhruaina hnuaiah Champhai South  Constituency MPF chuan Joint Platform Prog. an buatsaih dawn a. he hunah hian Candidate te atangin thusawi ngaihthlak a nih dawn bakah zawhna leh chhanna hun hman a ni bawk ang.

COACHING TAN ANG :

    Vawiin tlai dar 4 atang hian CDBA chuan Town Hall ah Badminton Coaching a nei tan dawn a, a zir tur zawng zawngte kim taka kal tura hriattir kan nih bakah kal duh tan seat tlem a la awm bawk a ni.

INTHLAN PUALIN BIBLE CHHIAR LEH TAWNGTAI TLAIVAR :

    Vengthlang Br. KTP in MLA Election puala Bible Chhiar chhuah chu tukin ni 11.11.2013 zing dar 7 khan Pathian hnenah hlanna hun neih a ni. MLA pual vek hian ni 13.11.2013 zan hian Tlaivar a Tawngtaina hun an hmang bawk dawn a ni

TUIALHTHEI DINHMUN :

MIZOFED : (6:00 AM - 7:00 PM)
    Petrol : Tanky Full (Rs. 70.06)
    Diesel : Free Sale (Rs. 52.55)
RD PUMP : (6:00 AM - 5:00 PM)
    Petrol : Tanky Full (Rs. 79.21)
    Diesel : Nil (Rs. 57.65)


ni 8.11.2013 (zirtawpni)



CENSUS OPERATIONS BUATSAIH :

    Nimin chawhma dar 10:30 khan I&PR Auditorium, CHANEM Building-ah Directorate of Census Operations buatsaihin Data Dissemination Workshop on Primary Census Abstract Mizoram neih a ni. He hun Pu Lalbuanga Sailo, Statistical Investigator Grade-I, Census Operations Mizoram kaihhruaiah hian thu sawiin Khuallian Champhai DC Pu Lalthangpuia Sailo, IAS chuan Chhiarpui hi rampum huap hna hautak leh pawimawh tak mai, kum 10 dana neih thin a ni tih a saiw a, India ramah chuan kum 1872 atang khan modern census kan tih hi neih tan a ni, a ti. Kum 2011 chhiarpui hi India rama chhiarpui neih vawi 15-na a ni, a ti a, Independence hnuah vawi 6-na tih sawi bawkin, Mizoramah chuan State kan nih hnua chhiarpui kan neih vawi 4-na a nih thu a sawi bawk. Khuallian chuan Modern Census hi mihring awm zat hriatna chauh ni lo, sorkar inrelbawlna atana thil pawimawh planning leh programme hlawhtlinna tam tak keng teltu a ni tih sawiin, heng bakah hian ram roreltute, sumdawng tan te, industry dintu tur tan te, inthlan buaipuitu tan te, planner leh scholar tan te pawh thil pawimawh tak a ni ta zel a ni tih a sawi bawk a ni. Khuallian, Champhai DC chuan Census hi thuang hniha then a nih thu sawi bawkin, Houselisting Operations leh Population Enumeration ah te then a nih thu a tarlang a, tuna data-dissemination workshop a kan tihlan turte hi Population Enumeration a mi Primary Census Abstract (PCA) data atanga lakchhuahte an ni, a ti. Khuallian chuan, Data Dissemination Workshop an neih atang hian Champhai District chhunga Department hrang hrang aiawha kalten hlawkna an neih ngei a beisei thu pawh sawi bawkin, an department tana ruahmanna hrang hrang an siamah an thil zir leh hriatte hmang tangkai theuh turin a fuih bawk a ni. Khuallian chuan a sawi zelna ah, NGO leh Media lam atanga kal te pawh Census data hi tangkai taka an hman a beisei thu a sawi a, kan district chhunga mihring pun dan te, ziak leh chhiarthiam dinhmun te, hnathawktu awm zat atangte leh thildang atang te hian engtinnge hma kan sawn ang tih ngaihtuahna leh mipui finchhuahna atan hmang tangkai turin kalkhawmte chahin, khuallian hian Data Dissemination Workshop on Primary Census Abstract Mizo-ram tih chu a hawng nghal a ni. He hunah hian Power Point presentation hmangin Primary Census Abstract of Mizoram 2011 Census tih chu Pu Rajib Sinha Sr. Compiler leh Pu N. Ajit Singh Compiler te chuan an entir a, chawhnu lamah sawihona hun hman a ni bawk.

NOMINATION FILE :

    MLA General Election lo awm tura Champhai District chhung A/C 5 huamchhunga Political party hrang hrang MLA Official Candidate ten nimin khan an dinna tur bial Returning Officer te hnenah Nomination an file. MLA Nomination File te hi 22 Tuichang leh 21 Lengteng A/c Returning Officer Pu Zoengsanga hnenah MNF, MPC leh MDF candidate Dr. H.Lallungmuana, 21 Lengteng atangin ZNP candidate Er. H. Ginzalal bakah hian 24 Champhai South leh 23 Champhai North A/c Returning Officer Pu. Lalthangpuia Sailo hnenah 24 Champhai South MNF, MPC leh MDA candidate Pu.Rosiamngheta , 23 Champhai North Candidate, ZNP Candidate Pu C. Lalremliana, Champhai North MDA Candidate Pu T.C. Kaphmingthanga , Champhai South INC Candidate Pu J.H. Rothuama leh Champhai North INC Candidate Pu T.T.Zothansanga ten an file a ni. Nimin khan Candidate 7 ten Nomination an file a, tun dinhmunah hian niminpiah nena candidate Nomination File tawh zawng zawng nen an vaiin 12 an ni.

INDEPENDENT IN DINGLUI DAWN :

    MNF leh MPC thawhhona duh loa Champhai South biala Independent-a din tum Pi B.Sangkhumi chuan nimin khan MNF Adviser a nihna atangin a inhnukdawk a, nimin khan nomination file tura document pawimawh hrang hrangte tifelin vawiin hian nomination a file ang.

INFORMATION OFFICE HAWNG :

    Nimin khan Champhai South Block MDA-a Official Candidate tur Pu Rosiamngheta chuan Champhai a lo thleng a, Party mi leh sa engemaw zat in lo hmuakin, Pu Rosiamngheta hian Bethel kawna MDA information Office chu a hawng nghal a ni. Pu. Rosiamngheta chuan Information Office a hawnnaah thusawiin, indona kan tan dawn ta a, he indona kan hneh ngeitheih nan leh lungrual taka tan kan lak theih nan lungrual taka kan tan tlan atula,Pu Rosiamngheta chuan athlamuan thusawiin Pathian leh kan ram tan tia mirinawm tam takin awm bakah, MNF kan ni vek tawha min thlawptu lawm luh tur an awm a nih pawhin MNF ah kan lawm lut zel ang tiin, a sawi zel naah, eiru ve duh ni ilang chuan tuna ka hna thawh mekah pawh hian eiruk dan chu ka hre ve khawp mai, mahse ka eiru velo a ni tiin " mite chuan sakawr leh tawlailir an ring a, kei erawh chuan ka Pathian hming ka lam zawk ang" tih hi ka thupui a ni a ti. He Information office hanna hun hi Pu Saluaia Vice President MNF South Block chuan kaihruaiin MDA aiawhin PU C. Lalhmachhuana Joint Secy MNF Hqrs chuan Introduction a pe a. Pu Lianzuala MNF Hqrs Adviser leh Pu Thangseia Pres South Block MNF bakah Pu Rohlir Pres South Block MPC ten thu an sawi bawk a ni.

CHAMPHAI PAHNIHNA :

    6th Swami Vivekananda State Level PYKKA Competition 2013-2014 Group I leh II inelna zawh takah Champhai chuan point 43 hmuin pahnihna an ni a, result kimchang hetiang hi a ni- Pos. District Pts. 1st Aizawl 50 2nd Champhai 43 3rd Kolasib 41 4th Lunglei 37 5th Mamit 24 6th Serchhip 13 7th Saiha 7 8th Lawngtlai 5

MZI CHAMPHAI HQRS. HRUAITUTE :

    MZI, Champhai Hqrs. 2013-2015 chhunga hruaitute: President : Masthanga, Vengthlang North Vice Pre. : C.Lallianpuia, Venglai Secretary : Zoramthara Hnamte, Kahrawt Asst. Secy. : Sumeon Zaithan-puia, Vengsang Treasurer : Ngurzikpuii, Vengthlang North Fin. Secy. : Lalbiakfeli, Kanan

PRESIDING OFFICER TRAINING :

    Nimin chawhma dar 11:00 khan Venglai Community Hall Champhai-ah Champhai District a Presiding Officer te Training neihpui an ni. Pu R.Vanlalsawta MCS, SDO(C) Khawzawl chuan Presiding Officer te tih tur leh mawhphurhna a sawi fiah a, training na hun hi a reiloh avangin kaihhruaina dante chu in lamah pawh chhiar nguna zir chiang turin a chah a. Sawrkarin Electiona Duty tura a ruat tawh an nih avangin Election milehsa an ni tawh a, tih tur leh tih loh tur ah pawh fimkhur angaiin mawhphurhna pawh asang a ni tiin Pu Sawta chuan tih sual palh a awm a nih chuan suspend mai bakah case file-a Jail hial tan theihna a ni a, Election chuan Officer lian leh te a thliar chuang lova chuvang chuan namnul mai mai chi a nilo tiin fimkhur taka thawk turin Traininga kal te chu a chah a ni. He training ah hian Pu Alan Lalthanzara MCS chuan Operation & Handling of EVM & Discussion tih thupui hmangin Training a pe a, V. Lalmuanpuii MCS SDC chuan Postal Ballot tih hmangin Training a pe a, Rochuangkimi Khenglawt MCS leh K.Lalngaihzuala Asst. Engeneer NIC te chuan Poll Day Monitoring tih hmangin Training an pe a, Pu Zoremthara Ralte MCS, BDO Champhai chuan Preparation of various Election Papers in the Polling Station tih thupui hmangin Training hi a pe bawk a ni.

CHHUI CHIANG DAWN :

    Nimin chawhnu khan Congress North Block I Campaign Committee chu thukhawmin Face Book lama ‘Paihte Vote kan mamawh lo’ tih post awm nia sawi leh hmanni a MNF Conf. in mi 800 lai an lawm-lut nia an sawi chu chhui chiana a tul anga EC ah emaw, MPF ah emaw thlen nise, a tul a nih chuan FIR pawh thehluh nise an ti bawk.

RUAT THAR :

    Pu John Sapzinga, Vengthlang chu tunhnai khan MPCC Executive Committee-ah leh ADCC District Organiser atan an rawn ruat tih thu kan dawng.

INFORMATION HAWNG :

    Nimin chawhma lam khan Congress Champhai North Block-I chuan 2013 Election Campaign Office, Pu TT Zothansanga In chungah hawnna hun an nei. Office hawnnaah hian candidate Pu TT Zothansanga leh Pu Lalrinliana Sailo ten thu sawina neiin North Block II President-in report pein Hnahlan tlangdung lamah Congress chu an tha hle tih thu a sawi.

HAWNG VE DAWN :

    Vawiin chawhnu dar 1 hian Champhai South Constituency Campaign Office Pu V.Tlanglawma Buildingah hawn a ni dawn a, Candidate Pu JH Rothuama’n a hawng ang. Party mipui atam thei ang ber kal turin an sawm e.

COACHING :

    Champhai District Badminton Association chuan Coaching neih leh an tum a, coaching-a fate kal tir duh leh coaching-a kal duh zawng zawngte chuan naktuk Inrinni ral hma ngeiin Hony. Secretary Tv. K.Lalchhuanawma, Mb. 9862502295 hnenah in report tur a ni e.

PRINCIPAL LEH HEADMASTER TRAINING PE :

    Nimin chawhma dar 10 khan BRC Trainng Hall ah Primary School atanga Higher Secondary School Principal lah Headmaster te bakah Education Staff te tan training buatsaih a ni He hun hi Pu Lawmawma DEO chuan kaihruaiin, Aizawl atangin Education Dy. Secy Pi K. Vanlalrawni leh Superintendent Lalmuankima te an lokal a, an ni hian zirtirna pe in nilenga hun hman a ni. CHawhma lam khan, DEO, SDEO, Principal leh Headmaster te tan PAR/ACR writng procedure leh Departmental Promotion Committee tih thupui hmangin Pi K. Vanlalrawni Dy Secy chuan zirtirna a pe a, chawhnu lamah Pension Culculation leh Pay Fixation bakah, ACP tih te Pu Lalmuankima chuan zirtirna a pe bawk a ni. Hei bakah hian UDC, LDC, H/A leh SDEO Officer bakah Education dept hnuaia thawkte tan Conduct Rules, Leave rules, CCS leh Maintenace of Service Books tih thupui hmangin Pi K Valalrawnin zirtirna a pe bawk a ni.

LEILET BUH SENG TAN :

    Champhai leilet buh sang tan mek a niin, kuminah buh chi chi hrang hrang chin zingah Myanmar atanga buh chi lak chu thar hlawk ber tura ngaih a ni. Champhai leilet zawl buh seng mekah leilet neitu tam berten an buh chi ngai an chin rualin, buh thar hlawk beiseina avangin loneitu thahnem takin an chin ngai loh buh chi an ching a, heng zingah hian Myanmar atanga buh chi lakluh chu a rah a thain, a buh pawh a tui a, thar hlawk hle tura ngaih a ni. Leilet a buh chin tlanglawn berte chu a chi a hlir that tawk tawh loh vang leh buh natna chi hrang hrangin a tlak buak thin vangin a thar hlawk lo hle a, hmun hrang hrang atanga buh chi chawkluh anih bakah Agriculture Department lam atangin phai lama buh chi tha, thar rang leh hlawk tura ngaih RCM 9, 10, 11, Shahsarang leh CAUR 1 te enchhin a ni a, heng buh chi te hi beisei angin a tha tawk lova, ICR Kolosib atangin mithiamten rawn endik tawh, heng buh chi te that tawk loh chhan chu hmuh chhuah ngei an tum a, heng buh chi chingtute chubuh phun hun, leichi pek dan leh van ruahtui a dawn dante an buh enkawl dan chik taka zawtin, leilet leilung pawh enfiah turin sample an lak nghal bakah Champha leilet zawl a buh thar hlawk tur a chi tha ngaihtuah an tum thu dawn a ni. Champhai zawl Leilet, Hectare 1000 chuang a buh chin hi a tha tlangpui a, nikum lam ai chuan buh thar tam zawk tura beisei a ni.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Tanky Full (Rs. 70.06)
    Diesel : Beisei (Rs. 52.55)
RD PUMP : (6:00 AM - 5:00 PM)
    Petrol : Tanky Full (Rs. 79.21)
    Diesel : Nil (Rs. 57.65) 


ni 7.11.2013 (ningani)



NOMINATION FILE :

    Champhai District chhung A/C 5 huamchhunga Political party hrang hrang MLA Official Candidate ten nimin khan an dinna tur bial Returning Officer te hnenah Nomination an file.
    MLA Nomination File zingah hian East Tuipui bial a MNF, MPC leh MDF tangkawpte Candidate, MNF Party President Pu Zoramthanga, East Tuipui bial INC Candidate Pu T. Sangkunga, Lengteng Bial a MNF, MPC leh MDF candidate Pu L. Lalthangmawia leh East Tuipui bial a ZNP candidate Pu W. Chhuanawma te an tel a ni.
    Nimin khan East Tuipui A/c Constituency Returning Officer Pu Zothanmawia hnenah East Tuipui biala MNF, MPC leh MDF te tangkawp candidate Pu Zoramthanga, INC Candidate Pu T. Sangkunga leh ZNP Candidate Pu W. Chhuanawma ten Nomintion an file a, hei bakah hian Lengteng A/c Returning Officer Pu Zoengsanga hnenah MNF, MPC leh MDF candidate Pu L. Lalthangmawia leh ZNP Khawzawl candidate Lalbiakzama te chuan nomination a file bawk a ni.

DING MAHSE A TLING ZO LOVA - ZORAMTHANGA

    East Tuipui A/c Constituency Candidate MNF President Pu Zoramthanga DDK Palai in a kawmna-ah Pu Zoramthanga chuan a dinna bial East Tuipui A/C ah tlin ngei a beisei a in beisei thu tarlangin, MNF leh a thawhpui partyte thawhhona pawh rampum thlirin a that thu leh 2013 inthlanpuiah hnehna an chan ngei a rin thu a sawi a,MNF Hqrs. Adviser ni mek Pi B. Sangkhumi’n Champhai South bial a Independent ticket a din a tum chungchang zawhna chhangin, Pu Zorama chuan Pi B. Sangkhumi hian atumna hi a kal tlangpui a rin loh thu leh dingtlang ta pawh nise a tlin zawh a rin loh thu a sawi bawk

PRESIDING OFFICER TRAINING :

    Nimin chawhma dar 11:00 khan Venglai Community Hall Champhai-ah Champhai District a Presiding Officer te Training neihpui an ni
    Pu R.Vanlalsawta MCS SDO(C) Khawzawl chuan Presiding Officer te tih tur leh mawhphurhna a sawi fiah a, training na hun hi a reiloh avangin kaihhruaina dante chu in lamah pawh chhiar nguna zir chiang turin a chah a. Sawrkarin Electiona Duty tura a ruat tawh an nih avangin Election milehsa an ni tawh a, tih tur leh tih loh tur ah pawh fimkhur angaiin mawhphurhna pawh asang a ni tiin Pu Sawta chuan tih sual palh a awm a nih chuan suspend mai bakah case file-a Jail hial tan theihna a ni a, Election chuan Officer lian leh te a thliar chuang lova chuvang chuan namnul mai mai chi a nilo tiin fimkhur taka thawk turin Traininga kal te chu a chah ani.
    Training hi nilenga neih a ni a, he training ah hian Pu Alan Lalthanzara MCS chuan Operation & Handling of EVM & Discussion tih thupui hmangin Training a pe a, V. Lalmuanpuii MCS SDC chuan Postal Ballot tih hmangin Training a pe a, Rochuangkimi Khenglawt MCS leh K.Lalngaihzuala Asst.Engeneer NIC te chuan Poll Day Monitoring tih hmangin Training an pe a, Pu Zoremthara Ralte MCS BDO Champhai chuan Preparation of various Election Papers in the Polling Station tih thupui hmangin Training hi a pe bawk a ni.

ROSIAMNGHETA LO THLENG :

    Nimin chawhnu dar 3:30 khan Champhai South Block MDF Information chu hawn a ni. Nimin khan Champhai South Block MDF-a Official Candidate tur Pu Rosiamngheta chuan Champhai alo thlenga Party mi leh sa engemaw zat in lo hmuakin, Pu Rosiamngheta hian Bethel kawna MDF information Office chu a hawng nghal a ni.
    Pu Rosiamngheta chuan Information Office a hawn na ah thusawiin ,indona kan tan dawn ta a, he indona kan hneh ngeitheih nan leh lungrual taka tan kan lak theih nan lungrual taka kan tan tlan atula,Pu Rosiamngheta chuan athlamuan thusawiin Pathian leh kan ram tan tia mirinawm tam takin awm bakah,MNF kan ni vek tawha min thlawptu lawm luh tur an awm anih pawhin MNF ah kan lawm lut zel ang tiin, a sawi zel naah, eiru ve duh ni ilang chuan tuna ka hna thawh mekah pawh hian eiruk dan chu ka hre ve khawp mai, mahse ka eiru velo a ni tiin “ mite chuan sakawr leh tawlailir an ringa,kei erawh chuan ka Pathian hming ka lam zawk ang” tih hi ka thupui a ni ati.
    He Information office han na hun hi Pu Saluaia Vice President MNF South Block chuan kaihruaiin MDA aiawhin Pu C.Lalhmachhuana Joint Secy MNF Hqrs chuan Introduction a pe a. Pu Lianzuala MNF Hqrs Adviser leh Pu Thangseia President South Block MNF bakah Pu Rohlira President South Block MPC ten thu an sawi bawk a ni.

KRISMAS BAZAR :

    Mipuite mamawhna a san avangin kumin Krismas vuak vetah krismas Bazar siam leh a ni a. Inpho duh tan UD&PA Dept. Office, CHANEM Bulding ah dilna form Rs. 10 in lei theih a ni. Ni 11.11.2013  chawhma dar 11 ah seat hi pawh tur a ni a, form la zawng zawngte kum taka kal tur a ni. Inpho theih hun chhung hi November ni 15 atanga December ni 31 thleng a ni ang.

NOMINATIO FILE ANG :

    Vawiin hian Champhai North leh South a Congress Candidate Pu TT Zothansanga leh Pu JH Rothuama te chuan nomination an file ang.

TUIALHTHEI DINHMUN :

MIZOFED : (6:00 AM - 7:00 PM)
    Petrol : Tanky Full (Rs. 70.06)
    Diesel : Beisei (Rs. 52.55)
RD PUMP : (6:00 AM - 5:00 PM)
    Petrol : Tanky Full (Rs. 79.21)
    Diesel : Nil (Rs. 57.65) 
 


ni 5.11.2013 (thawhlehni)



INTHLAN BUAIPUITUTEN HMA LA NGAWRH :

    MLA General Eelection lo awm tur atan Champhai district ah pawh inbuatsaihna ngawrh taka kalpui mek a ni a, Election in a kaihhnawih mi hrang hrang hnenah training neihpui reng a ni a, hmalakna tur atan Committee hrang hrang pawh an thukhawm reng bawk.
    Nimin khan DC COnference Hall ah Addl. DC Zoengsanga Benjamin Lalzama SDO (S) leh R. Vanrengpuia, Election Officer te kaihhruaina in meeting chi hrang hrang nielnga neih a ni a, nimin zing dar 10 atanga tanin MCC Officer, Sector Officer leh Compain Receiving Centre Staff ten training an nei a. Hemi hnu dar 1:30 atanga tanin DC COnference Hall ah Benjamin Lalzama, SDO (S) kaihhruaina in Flying Suard Static Surveillance Team leh Video Surveillance Team ten training an nei bawk a. He hunah hian Suqd hrang hrangte tih tur leh an hnathawh dan tur bakah, an kal hun tur te inhrilh hriat thar leh nan leh tul ang apiangte sawi hovin, zawhn aleh chhanna hun hman a ni bawk.
    Tlai dar 3:30 atanga tanin Sector Officer te tan EVM hman dan leh a tih dan te inhrilhfiahin training buatsaih leh a ni a, he training ah hian Postal Ballot hman dan tur chungchanga hriat tur tul ang ang te inhrilhfiah niin, inthlan chungchana duty turte chuan November ni 21 atang khian hmun hla deuha duty turte chu kal thei tura inrin tawh tur a ni. Champhai District Election  Officer in hriattirna a chhuah tawh angin Nov. ni 25,2013 zing dar 7 atanga tlai dar thleng vote thlak tur ten an la thlak zawh hmanloh chuan Presiding Officer in Election Rule ang zelin hma a la ang a, EVM ah hian hunbi chhinchhiahna a awm vek avangin vote thlak hun hi a hriattheih zel dawn a ni.
    EVM hman dan hi an thiam ve ngei a tul avangin leh an kuta awm tur a nih avang leh Technical thil a lo nih bawk avangin an thiam ve ngei ngei  a ngai a ni, Benjamin Lalzam chuan a ti a. EVM chungchanga hriatur hrang hrangte sawifiahin zirho nghal a ni. EVM hman dan hi Alan Lalthanzara, SDC chuan EVM hmangin zirtirna a pe nghal a ni.
    Election chungchang a hriattur leh Complain neite tan Phone number 03831 - 235604 leh 03831 - 234882 ah biak tur a ni.

CHAMPHAI ELECTION OBSERVER LEH MPF :

    Champhai District Expenditure Observer Nitin Wapa, IC & CES  chuan DRDA Project Director Zothanmawia Office Chamber ah MPF hruaitute a kawm a. Hetah hian MPF hruaitute aiawhin Presbyterian Pastor pahnih leh member pahnih an tel thei a ni.
    MPF hruaitute chuan inthlan hmasa a an hmalak dan report in tun inthlan lo awm tur atana an kalphung tur leh an thil tih dan tur hrang hrangte an sawi a. Observer Nitin Wapa chuan MPF kalphungte a hriatchian hnnuah MPF hmalakna chu tha a tih thu leh Election Commission thu nen pawh a in kalhloh thu a sawi a. Election kan neih tawp ah pawh MPF chuan hna an tizangkhaiin tha a ti hle a ni tih a sawi. TUn tum inthlan neih turah pawh hian inthlanna thianghlim leh felfai tak neih a nih theih nan MPF te a sawm bakah, inthlan lo awm tura inbuatsaihna tur hrang hrangah amah pawh a inhawngin a tul an tih chuan amah pawh berawn reng turin MPF hruaitute chu a chah bawk a ni.
    Nitin Wapa hi tunkar chhung hian Champhai ah awmin hna tul hrang hrang a enpui ang a, karleh lam khian Champhai A/C chhunga bial hrang hrangte a tul dan anga tlawhchhuah a tum bawk.

DR. CJ GEORGE CHAWIMAWI :

    Nimin tlai khan MZP CHamphai Hqrs. te chuan tun hnaia pension ta Prof. Dr. CJ George chu chawimawina hun leh thlahna hun an hmang.
    He hun hi Lalsiammawia Sailo President chuan kaihruaiin thu a sawi nghal a, hun hei leh chen nupui fanau te tel lova Champhai khaw tana a inhlan thei chu chhuanawm a tih thu a sawi a. CHamphai tana a inpekna leh Champhai khua a hmangaihna hi theihnghilh theih a nih tawh loh tur thu a sawi bawk a ni. He hunah hian Prof. George pawhin thusawiin Champhai chhuanawm a tih thu a sawi a, hmun dang angin chi leh chi inthliarna a awm lo a,  unau angin min lo en thei hi ka lawm a, thlamuang takin ka awm a, ka damchhungin Champhai hi ka theihnghilh thei tawhlo ang a ti.  He hunah hian MZP te hian chawimawina leh ngaihhruaina thuziak an hlan bawk.
    Hetih lai hian Prof. Dr. CJ George hming hian Govt. Champhai College ah 1st Semester English zirlaite tan, kum khata a titha ber hnenah Prof. Dr. CJ George Award hlan a ni tawh dawn a ni.

CHAMPHAI SOUTH AH B. SANGKHUMI :

    Champhai South biala MNF leh MPC thawhhonaa MPC Candidate dah tumna avanga lungawi loten Independent a din tir an tum B. Sangkhumi chuan Nomination file tura lehkha pawimawhte buaipui turin nimin khan Aizawl an pan a, vawiin hian Champhai an rawn chho leh ang.
    Zanina MNF President Zoramthanga`n MNF South Block huam chunga party hruaitute nena inkawmna hun an hman turah pawh B. Sangkhumi thlawptute hi koh tel an ni a, an kal leh kal loh tur chu nizan thleng khan thuthlukna an la siam lo. An hruaitute hnen atanga thu dawn danin an kal thui tawh em avang leh MPC hian MNF tha chakna hmanga MLA nih an tumna an duh loh avangin inhnuhdawh an tum lo hle. Hetihlai hian B. Sangkhumi hian MHIP in MLA Candidate a hmeichhia dah tura an rawtna ang deuha candidate a nih dawn avangin MHIP lamah tanpuina a dil niin thu kan dawng bawk.

VAI CHECK RUNPUI :

    Tukin zing hian Chhangphut Field ah MZP buatsaihin Vai Permit check runpui an nei dawn a. Champhai khawchhunga hnamdang awm zawng zawngte chu zing dar 6 ah Chhangphut Field a kim vek turin an ngen a, a kal lo emaw ngai pawimawh lo a awm a niha harsatna an tawk a nih chuan an mahni duh thu a nih tur thu an sawi lang.

MNF PRESIDENT LOKAL ANG :

    MNF President East Tuipui biala ding tur Zoramthanga chu vawiin tlai hian Champhai lo thleng in zanin dar 6:30 hian MNF Party Election Information Centre, Bethel kawnah amah kawmna hun hman a ni dawn.

REGISTER TAM :

    October thla chhung khan Champhai District Transport Office ah Motor 122 Register niin heng zingah hian Two Wheeler tam berin 34 register a ni a, Auto Rickshow 25, Maxi Cab 10, Car 11, Gypsy 5, Taxi 14 leh Truck 23 register a ni. Hei bakah hian Tax chi hrang hrang atangin Rs. 12,16,788 hmuh a ni bawk a, Passenger phur chi motor atangin Rs. 70,100 bungraw phur chi motor atangin Rs. 1,29,400 Road Tax atangin pawisa hmuh hnem ber a ni a, Rs. 7,18,938 hmuh a ni a, hei bakah hian MV Fees atangin Rs. 3,12,750 hmuh a ni bawk a ni.

TUIALHTHEI DINHMUN :

MIZOFED :
    Petrol : Free Sale (Rs. 70.06)
    Diesel : DCSO Permit (Rs. 52.55)
RD PUMP :
    Petrol : Free Sale (Rs. 79.21)
    Diesel : Nil (Rs. 57.65) 


ni 3.11.2013 (Pathianni) Sunday Special



MCMC & SVEEP :

    Nimin khan Champhai DC Conference Hall-ah Champhai District tana ruat Awarness Observer Pu Subramanian IIS hova meeting neih anih bakah Election Expenditure Observer Pu Nitin Wapa IC & CES hovin neih a ni. Meeting hmasa zawk, Awarness Observer Pu Subramaniam IIS hova neihah hian Media Certificate and Monitoring Committee (MCMC) leh Systematic Voters' Education and Electoral Participation (SVEEP) memberte chuan inthlanpui neih tura an chanvo tul leh mamawhte ruahmanfel thawkhat anih tawh thu tarlangin, Election Commission of India in kaihhruaina dana siam zul zuiin, Champhai DC Office-ah MCMC Cell bunfel anih tawh dan leh Print & Electronic Media kal tlanga thuchhuah reng reng ngun taka thlithlai anih tawh thu tarlan a ni a, SVEEP memberte pawhin Electoral Roll a awm zawng zawngten kim taka Vote an thlak vekna turin zirna in-ah Campus Campaign neih a niin, tlawmngai pawl, MHIP, MUP leh YMA kal tlangin mipui lamah pawh theih ang tawka ngenna leh zirtirna pek anih mek thu tarlan anih bakah tunthlengin dan kalh a chetna hmuh tur a awm loh thu an sawi a, chhan hrang hrang vanga Champhai District chhunga vote tlak that lohna chu zir chian tawh anih thu leh chutiang harsatna chu sutkian an beisei thu an sawilang bawk. Awarness Observer Pu Subramaniam IIS chuan Mizoram a inthlanpui neih tawh dan thlirin tuntuma inthlanpui neih lehtur pawh hi inthlanna muanawm, fel leh fai taka neih leh theih ngei a beisei thu sawiin, Mizoram People's Forum (MPF) leh NGO te hmalakna thinna chu fakawm atih thu a sawi bawk. Pu Subramaniam hian vawiin khan Champhai chhuahsanin, Champhai North & South A/c a Polling Station thenkhat leh Khawzawl leh Lengteng A/C a Polling Station thenkhatte a tlawhkual nghal a, inthlanpui neih hma November 18 vel hian lo kal leh atum thu a sawi bawk. Expenditure Observer Pu Nitin Wapa chuan Inthlanpui Mizoram a neih turah Mizoram People's Forum leh NGO te in-pekna avangin inthlan senso chu nasa taka a kiam a beisei thu leh inthlanna felfai leh thianghlim tak neih theih a beisei thu a sawi a. District Election Expenditure Committee chuan inthlan hmachhawn meka tih tur tul pawimawhte peihfel anih tawh thu leh mawhphurtute pualin inzirtirna pawh tum 2 neih anih tawh thu tarlan anih bakah venghimtu sipaite inkulhna hmun tur pawh ruahmanfel anih thawh thu leh Executive Magistrate indaih loh vangin election kaihhnawih-ah Officer pakhatin chanvo pahnih/thum lai chelh kawp atul vangin hei hian inbuatsaihna kawngah harsatna a thlen theih an hlauh thu an hrilh bawk. Pu Nitin Wapa hian ni 8 chhung Champhai District a chamchilh ang.

VAWIIN KOHHRAN HUN HMAN DAN TUR TLANGPUI :

@@@    Salvation Army Central South Division chuan Zirtawp zan atanga tanin Pathianni zan thleng hian Thingsulthliah Corps ah SAY Rally an hmang mek. Rally chhung hian Pu Lalthanzama Hrahsel leh Commissioner Lalkiamlova, Colnel Lalramhluna te hnen atangin Pathian thuchah ngaihthlak a ni ang. He hun hmang tur hian Capt Jerry Lalrozama hovin Champhai CO bial mi engemawzat an kal bawk a ni. Assembly of God thalai ‘Christ Ambassador’ Bethel Veng Champhai te chuan Pathianni hmang hian Ngur Kohhran an tlawh dawn a.
    Hei bakah hian Pathianni hmang vek hian Jehova Shalom, Chaltlangah Seminar neih mek a ni a, Champhai atangin pastor leh thalai Secretary ten an chhim.
@@@    Synod Revival Speaker Upa TBC Rotluanga leh a thiante, ‘Krista Bawihte Team’ Champhai chuan ni October ni 19 atanga tanin Pangbalkawn Hmar Veng, Presbyterian Kohhranah Camping chhawnghnihna, tunkaran nei zo a.Camping vawikhatna hi duhkhawp lovin, ni octobre ni 21 atang khan camp thawhnihna hi YMA leh Kohhran pawl hrang hrang bultumin neih nawn a ni. Tunkar hian Kolasib College Vengah Crusade an nei chhunzawm leh ang.
@@@    Zotlang Kohhran KTP te chuan tunkar Thawhtan atanga Zirtawp thlengin Cachar Kahrawt Pastor Bial, Kawsopcherra ah Biak In an sa a, thalai mi 30 kalin, Biak In hi bialtu pastor hovin an hawng fel nghal a ni.
@@@    IMEM Bible Quiz inbuatsaihna tluang takin kalpui zel a ni a. Nov 12&13 zanah te hian Sam ziak atangin intihsiak bultan a ni anga, Nov 15&16 zan hian 2nd round chhunzawm a ni ang. 1st & 2nd round a point hmuh belhkhawm atanga sang fal 10 ten ni Nov 21 zanah Tirhkohte Thiltih hmangin intihsiak leh tur a ni ang a. Intihsiakna a tel tur hian team 16 ten hming a npe lut tawh a ni. IMEM Studio, Chanem ah intihsiak a ni ang.
@@@    Kahrawt Presbyterian Kohhran chuan Synod Revival Speaker Tv Lalhruaimawia leh a thiante ‘Kross Fate Team’ ruaiin Chhandamna Camping thawhhnihna an nei zo a, campers 170 an lut. Zirtawp zan atanga Pathianni zan thleng hian follow-up hman chhunzawm a ni ang. Bethel Presbyterian Kohhran chuan Synod Revival Speaker Upa LH Rohmingliana leh a thiante, ‘ Evangelistic Team’ ruaiin Thawhlehni atanga Inrinni thleng hian mipui camp an nei a, campers 147 an lut. Zanin atanga Pathianni zan thleng follow-up neih a ni anga, Thawhtan atangin camp hi neih chhunzawm leh tur a ni ang .
@@@    Chhungte Kohhran chuan a chhawnghnihna atan tunkar khan Synod Revival Speaker F Hming thansanga, ‘Milungngaite thian Team’ ruaiin Camping an buatsaih a, camper 36 an lut a, Zirtawp zan atanga Pathianni zan thleng follow-up an hmang dawn a ni
@@@    New Champhai Presbyterian Kohhran chuan Speaker K Lalfakawma leh a thiante, Siamtharlehna Team ruaiin a thawhthumna atan karkalta khan camp an neia, campers 65 an lut a. Zanin atanga Pathianni zan thleng hian follow-up neih a ni ang.

TUIALHTHEI DINHMUN : (Sunday 12:00 noon - 3:00 pm)

MIZOFED :
    Petrol : Tanky Full (Rs. 70.06)
    Diesel : Tanky Full (Rs. 52.55)
RD PUMP :
    Petrol : Free Sale (Rs. 79.21)
    Diesel : Nil (Rs. 57.65) 


ni 2.11.2013 (inrinni)



NGO TEN DAMDAWI IN TLAWH :

    Nimin khan Champhaia Tlawmngai Pawl hrang hrangte chuan Champhai Hospital sak mek a hmunah an tlawh a ngaihmawh zawng te leh siamtha tura Tantia hotute an lo ngen tawhte an en ho. Tun dinhmunah chuan Hospital peih thawkhat a ni tawh a. Mahse Tuichhe paihna kawrh erawh duhthu a sam lo hle a. Hetianga hnathawktuten min kalsan mai chuan nakin lawka mipuiten thuchhe paihna kawngah harsatna nasa tak kan tawh an hlauh avangin siam tha leh turin NGO hruaitute chuan Tantai Company a an hotute an ngen nawn leh a. Hun remchang hmasa berah an siamthat leh that loh hi NGO hruaitute hian an han en leh dawn a ni. District Hospital a thawktute chuan tunah hian rukru lakah harsatna an tawk nasa hle a Tek danna tura an siam te leh thil chi hrang hrang ruksak an nih thute lo hrilhin NGO hruaitute chuan theihtawp an lo chhuahpui tur thu leh thirchhe leitute pawhin hetiang ang hi lo leisak lo turin an ngen nghal bawk a ni. Hospital an kal hnu hian Chhangphut Field a phullem phah tura hma lak mek chu a hmunah an tlawhnghal bawk.

MNF DIK TAKIN PAWM :

    MNF Champhai MNF South Block te chuan kan hmaa MLA Election lo awm tura MNF leh MPC ten thawhhona an siam hi tha an tih thu thuchhuah siamin an tarlang a. Champhai South Assembly Constituency a MNF+MPC thawhhonaa MPC Candidate lo ding tur hi MNF Champhai South Block te chuan a tlin ngei theihna turin theihtawpin hma an la dawn tih an sawi.

OFFICE HAWNG :

    Nimin chawhma dar 11 khan MNF Champhai North Block chuan MLA Election Campaign Office PU R Chalbawia Building ami chu an hawng He Office hawnnna programme hi Pu B. Remmawia MNF North Block Commt Vice President chuan kaihhruaiin, Pu HKL Thanga chuan hunserh a hmanga, he office hi Pu HS Lalfakzuala Block President chuan hawngin thu a sawi bawk a, MNF Party ah hian Pathian a che a, tuna kan harsatna tawh mek hi Pathian ruat a ni tih sawiin, ram buai lai nena tehkhin chuan tuna kan phurrit hi nakina ramnuam min thlen tu tur a ni ati. President chuan, Rabung tlang dunga an campaign report a pe bawk a, mipuite an lo inhawng hle tih sawiin, lawm taka rawn hawng an nih thu a sawi bawk a ni. Pu Faka chuan, Champhaiah MNF thli a tleh mek a ni tih tarlangin, an party a lawmluh tur mi engemaw zat an neih mek thu a sawi bawk a ni. President chuan, North Block rilru that zia sawiin, unit hrang hrangte tan la lehzual turin a fuih a, tupawh candidate atan rawn dah se, lawm taka thawhpui thei vek tur kan ni ati a, huaikawmbawl leh rilru dang pu mi kan awmlo chu lawmawm atih thu a sawi bawk a, kan hun tawn mekah kuangkuaha awm mai mai lovin, malsawm tlaka thawk theuh turin a chah bawk a ni. MLA Election Campaign Office hi Pu R Chalbawia chuan a building tuma la luah loh a hman tir a, thil tul dang buaipui ngai zawng zawng pawh lo buaipui vekin Pu R Chalbawia chungah hian Party hruaitute an lawm hle a ni

THISEN PE :

    Nimin khan Weslyan Methodist Youth Fellowship Champhai Local chuan an Rising Day pualin a duh apiang hman atan Champhai Civil Hospital ah thisen Unit 11 an pe Thisen petute hi mipa 9 leh Hmeichhia 2 an ni a, nimin khan Hospital ah kalin thisen hi an pe a ni. Weslyan Methodist Youth Fellowship Champhai Local hian thla hmasa ni 26 khan an rising day pual hian New Champhai Field ah nilenga intihhlimna hun an lo hmang tawh a, tunkar thawhtan atanga chawlhni thleng hian Evan Biakchhawna ruaiin crusade an hmang mek a ni. Weslyan Methodist Youth Fellowship Champhai Local hian an rising day apiang hian Champhai Dist Hospital ah kalin thisen an pe thin a, Blood Bank Officer Dr. Lalbiakchhunga chuan lawmawm a tih thu sawiin, midang tana malsawmna ni zel turin a fuih bawk a ni

CHAWIMAWI :

    Nimin tlai dar 3 khan Champhai Dist. Football Assn chuan, tunhnaia National Referee tling thar Jonathan Lalngaihawma chawimawina hun an hmang Nimin chawimawina hunah hi Pu IC Hranglura chuan kaihhruaiin, he hunah hian Mizoram mai nilo, Champhai in mi chhuanawm kan neih belh leh chu lawmawm an tih thu an sawi a, a kal zelna turah duhsakna an hlan a ni. He hunah hian Jonathana pawhin thu sawiin, hetianga hun chhinchhiahthlak an buatsaih sak chu lawmawm a tih thu a sawi a, a damchhunga a theihnghilh tawhloh thu a sawi bawk a ni. CDFA hian chawimawina thuziak mawitak an hlan a ni.
    Jonathan Lalngaihawma hian, kum 2004 khan Referee hna hi a luhchilh a, 2006 ah MFA 3rd Class a ni a, 2009 ah 2nd Class ah tling leh in 2010 khan MFA in Provisional 1st Class a pe a, 2011 ah AIFF Confirm, State 1st Class referee ah a kaisang bawk a ni. National Referee ni tur hian January ni 2 & 3 khan fitness leh written an exam a, Mizoram atangin 3 kalin, August thla khan Patna ah Fitness test lehin sept ni 20 ah Ranchi ah National junior Practical Exam an nei a, ni 23 ah Madhya Pradesh leh W. Bengal inkhelah Referee ah tangin hemi tum hian a titha hle a, AIFF hotute pawhin amahah beiseina sang tak an neih thu an sawi bawk a ni, Referee hi category 5 ah then niin, Jonathan Lalngaihawma hi Category 2 a ni a, category 1 hi FIFA Referee niin, 2 hi National referee an ni a, category 3 hi state referee an ni bawk. Jonathan-a hian FIFA Referee ni tura inzir chhoh zel a tum thu a sawi a, FIFA Referee ni tur hian hmachhawp a tam vak tawhloh thu leh a nih ve theih ngei a rin thu a sawi bawk a ni.
    Nimin Jonathana chawimawina hunah hian CDFA Executive memberte an kal tha hle a, tlaiah chawhlui an kilho nghal bawk a ni.

 TUIALHTHEI DINHMUN :

MIZOFED :
    Petrol : Tanky Full (Rs. 70.06)
    Diesel : Tanky Full (Rs. 52.55)
RD PUMP :
    Petrol : Free Sale (Rs. 79.21)
    Diesel : Nil (Rs. 57.65)


ni 1.11.2013 (zirtawpni)



MODEL CODE OF CONDUCT SAWIHONA NEI :

    Nimin chawhnu khan Champhai DC Conference Hall-ah Inthlanpui lo awm tur atana Model Code of Conduct chungchang sawihona Pu Zoengsanga, Addl. DC kaihhruainain party hrang hrang aiawh kalkhawmte leh official ten meeting an nei.
    Pu Zoengsanga chuan Model Code of Conduct chu hriat sa a nih rualin sawiho tur leh zawm tur dan leh dun awm reng a ni tih sawiin party aiawh kalkhawmte chu he Model Code of Conduct chungchang hi party lam thawhpuite leh midangte hnena sawi darh tur leh zawm ngei tura hriattir turin a ngen nghal a ni.
    Midangin min thlir reng a, min entawn a ni tih hriain party tinte chu Election Model Code of Conduct bawhchhe lo tur leh complaint thehluh ngai lo turin thianghlim taka inthlan hmachhawn theih a tha tih sawiin complaint tur nei tan finfiah theih a nih chuan ziak kher lo pawhin phone hmang pawhin a tih theih a, duhdanah chuan ziak ngei nise a tha a, mahse dawt a ni tur a ni lo, action pawh lak nghal mai theih a ni tih Pu Zoengsanga chuan a hrilhfiah a, complaint tur nei tan chuan phone hmanga biakpawhna tur chu Model Code of Conduct Complaint Room Ph. No. 03831 235604-ah biak tur a ni.
    Election Notice hi tihchhuah mai theihin a awm tawh a, vawiin atangin Nomination Form pawh tih tan tur a ni a. Candidates Nomination fil tur chu RO Room-ah mi 5 bakin an zui lut tur a ni lo a, Form chu column tin dahkhah ngei tur, fill up that loh chuan candidate tana nghawng fel lo a ni thei a ni. Chuvangin form full-up ah fimkhur em em tur a ni.
    Party thilah VIP light chhit theih a ni lo a, aurinna (loud speaker) chu party campaign nan zing dar 6 atanga zan dar 10 thleng bak tih rik phal a ni lo. District Election Office, Keifangtlang bulhnaiah pawimawh bik thil a nih loh chuan motor luh phal loh a ni thuai bawk ang. Candidate te vote tura pawisa sem te, chi leh chi tichhe zawnga chette phal loh a ni bawk. Pu Zoengsanga chuan he hunah hian Code of Conduct chungchangah sawi duh nei leh zawhna chhanna hun hawngin kalkhawm ten sawihona tha tak an nei a, party leh election kaihhnawih reng rengah chuan conference hrang hrang te, meeting te, motor veivahna etc. chu candidate bank account atanga paihsak zel tur a ni tih sawi nawn lehin fair tak leh thianghlim taka Inthlanna neih a nih theih nan theihtawpa tan la tura chahin, party hrang hrang aiawhte chu boruak tha leh sawisel kai loa hma la turin a ngen a, harsatnaah pawh inhrilh hreh lo turin a sawm nghal bawk.
    He meeting-ah hian Pu Alan Lalthanzara, SDC chuan tun Inthlan lo awm tura hriat tur pawimawh MCMC leh SVEEP etc. chungchangte sawifiahna hun a nei a, Observer pakhat lo thleng tawhin nizan khan pakhat a lo thleng leh a, vawiinah Observer ho hian DC Conference Hall-ah thutkhawm a ni ang a, hemi hnu hian Kawlkulh II, Awmpui Veng leh Voteers registration Education Centre leh hmun hrang hrang an tlawh nghal ang.

DIN LUIH TUM :

    MNF leh MPC thawhhonaa Champhai South biala MPC candidate dah tumna avanga lungawi lo, Bethel Venga Pi B.Sangkhumi In luaha MNF unit kalkhawmte chuan Pi B.Sangkhumi chu Independent-a ding turin thu an titlu fel ta.

ZAHNA PANGPAR DAH :

    Champhai South biala ZNP candidate Er. Vanlalneiha chuan nimin khan Prime Minister boral ta Indira Gandhi hriatrengna lungah a thih cham vawi 29-na denchhenin zahna pangpar a hlan bakah Martar thlanah pangpar a dah bawk.

LAWMPUI DAWN :

    Vawiin tlai dar 3:00 hian Champhai District Football Association chuan an asst. secy. Jonathan Lalngaihawma chu tunhnaia National Referee Category 2 nihna a neih lawmpuina hun anmahni chenna In, Zotlangah an hmang dawn a, hemi rual hian CDFA president Pu Hual-rikhuma’n National Teachers Award a dawn lawm-puina an hmang nghal a ni.

PHULLEM PHAH EN :

    Chhangphut Field-a phul lem phah tur chu chak taka hmalak mek a ni a, tunah hian levelling tih mek a ni a. A thawktu Lushai Engineers-a JE chuan a hmunah riah chilhin tunah hian paih ngai lai leh chhilh ngai laite chhin chhiahin thing an kheng fur a, infiammite tan pawh hman theih a ni rih lo. Chhangphut Field hi a lai takah tipawngin tui paih thei tura ruahman a ni. Phul lem phah hunah hian Lushai Engineers-te hian Limonta Company (Italy) an thawhpui dawn a, nakum lamah phul lem hi phah tan theih tawh tura beisei a ni.

TUIALHTHEI DINHMUN :

MIZOFED :
    Petrol : Free Sale (Rs. 70.06)
    Diesel : Tanky Full (Rs. 52.55)
RD PUMP :
    Petrol : Free Sale (Rs. 79.21)
    Diesel : Nil (Rs. 57.65) 


ni 31.10.2013 (ningani)



SERVICE TEACHERS TRAINING :

    Nimin chawhma Dar 10:00 khan RMSA Buatsaih, “In Service Teachers Training 2013-2014” niminpiah atanga neih tan chu chhunzawm a ni. He training hi hmun hnihah neih niin Tlangrawta Sub Hqrs YMA Office ah Science zirtirtute tan neih a ni a, Tlangrawta Science Teacher tan bika neih ah hian Topic 4 atangin zirtirna pek an ni a, Zirlaite Nihphung tih thupui hmangin Pu VL Chama Hnamte Secretary Sub Hqrs. YMA in zirtirna a pe a, Form of Question Selection Type tih chu Pu K. Malsawmhlua Lecturer DIET in a sawi bakah, Guidance & Councelling tih hmangin Pi Vanlalruati DIET Lecturer chuan sawi bawkin DIET atangin Question Analysis Group Work tih thupui hmangin zirtirna an neih pui bawk a ni. Kahrawt YMA Hall ah English Zirtirtute tan buatsaih a ni bawk a, he hunah hian Physical Education in Secondary School tih thupui hmangin Pu C. Hualrikhuma Deputy DPC RMSA in zirtirna pe in “Forms of Qustion Supply Type” tih thupui hmangin Lalsangpuii DIET Lecturer in zirtirna a pe bawka, Chawhnu lamah Forms of Question Selection Type tih thupui hmangin Jh Zahmingliani DIET Lecturer in zirtirna a pe bawk a, DIET atangin Question Analysis Group Work tih thupui hmangin zirtirna neihpui an ni bawk a ni. Tunkar chhung hian English leh Science zirtirtute tan training neih a ni anga, karleh chhung hian chhunzawm leh a ni anga, Mathematics, Mizo leh SS zirtirtute tan training buatsaih leh a ni ang.

AWARENESS CAMPAIGN NEI :

    Nimin chawhma dar 10 khan Awareness Campaign On Food Safety and Safe Usage Of Drugs chu I&PR Auditorium CHanem Building ah neih a ni He hun Dr. C Zirliana CMO Champhai kaihhruai ah hian Pu Lalsawma t. Director (F&D) chuan Keynote Address a sawi a, he Programme hian a tum ber chu Damdawi leh Ei leh In a sumdawngte kaihhruaina pek a ni India ramah August ni 5 2011 atang khan ei leh IN kaihhruaina dan thar Food Safety & Standard Act 2006 hman tan a ni a, he dan in a phut chu ei leh ina sumdanwgte chuan food safety and standard act hnuaia license emaw registration emaw an nei ngei ngei tur a ni a, hemi tello chuan sumdawnna kalpui theih a ni dawn lova, february ni 4, 2014 hnuah chuan hemi registrarion neilo chu dawr khar sak tur an nih dawn avangin he Mela hi buatsaih a ni. HE hunah hian Drugs chung changa riattur pawimawhte Pu Lalsandama Dy Director (F&D) in a sawi a, Food chungchanga mipuite hriattur pawimawh te Pi Lalrinkimi Pachuau Food Safety Officer in a sawi bawk a, nimin ah hian Champhai khawchhung leh pawn atangin dawr kai bakah, thingpui dawr leh Hotel neitute an kal tha hle a ni.

VAI PERMIT ENDIK DAWN :

    Nimin tlai dar 4 khan MZP Champhai Extended OB Meeting neih a ni He meeting hi MZP Office Pu Peter Munga Building a neih a ni a, Lalsiammawia Sailo President chuan kaihruaiin tun inthlan hun tur chungchang an thlirho a, kan hma lawka MLA Inthlan lo awm turah hian zirlai zawng zawngten rilru thianghlim tak pu a vote thlak thei apiangin vote thlak theuh nise an ti a, Champhai khaw hmasawnna ngaihtuah chunga he inthlan hmahchawn tur hian zirlai puite an chah bawk a ni. He meeting ah hian thla thar November ni 5, zing dar 6:60 atang hian ILP check nise an ti a, ILP Check na hun hi Champhai Police te nen tanghoa thawh dun ni se an tih bakah a hmun atan Chhangphut Field nise an ti bawk a, he ILP check tur chungchangah hian Champhai khawchhunga vai hnathawka chhawrtu zawng zawng ten an mi chhawrte hriattirna lo pe turin an ngen bawk a ni. Hei bakah hian MZP Extended OB Meeting chuan, Govt. Champhai College in Prof. puitling Prof Dr CJ George an nei thei ta chu lawmawm an tih thu sawiin, a pension avanga an ui thu pawh an sawi a, hun remchang hmasa bera amah chawimawina hun leh ngaihhruina thilpek hlanna hun buatsaih nise an ti bawk a ni

SVEEP & MCMC MEETING :

    Nimin chawhnu dar 2 khan DC Conference Hall ah SVEEP & MCMC Meeting neih a ni Nimin chawhnu Dar 2:00 khan Champhai DC Conference Hall ah SDO Sadar Benjamin Lalzama kaihhruaina in Systematic Voters Education and Electoral Participation SVEEP leh Media Certificatification and Monitoring Committee neih a ni a. Tuntuma MLA general Election lo awm turah Champhai District chu inbuatsaihin hmalak dan tur hrang hrang Pu.R.Vanrengpuia Election Officer chuan a sawia,Tunah hian Election a tan hian training a tul ang a pek chhoh mek anih dan a sawi a ni. Pu.Allan Lalthanzara SDC chuan SVEEP chungchanga Committee loneih tawh te a thurel tawh te leh hmalak zel dan tur a tana rawtna awm tawh te sawiin ngaihtuah ho nghal a ni bawk. Pu.Benjamin Lalzama SDO(S) chuan SVEEP chung chang a hmalak chhoh zelna a tana sum lokal tur, ataka hmuh ala nih loh a vanga chetlak chak a har thu report a pe a sum la awm hrih lo mahse tuna lo tih lawk theih tur hrang hrang rawtna te sawiho nghal a ni. Vote thlak thei chin zawng zawng ten Vote an thlak ngeina tura tan lak dan hrang hrang sawiho nghal ani a, School naupang, High School chin chunglam ah leh MHIP Branch hrang hrang a member te hriat tura hetianglam hawi thu chhuah siam nise tih leh Election chungchang a talk show neih dan tur te relkhawm a ni.

ZNP IN POLITICAL TRAINING NEI :

    ZNP Champhai North Block chuan nimin Chawhma Dar 11:00 khan Political Training an nei. He hun hi ZNP Office Vengthlang-ah neih niin Pu Lalbiakchuanga President Champhai North Block chuan kaihruaiin Pu C. Vulthanga Kahrawt Veng ZNP Unit II President in hunserh a hmang a, He Meeting a tel tur hian Champhai Town Area huamchhunga ZNP Unit OB zawng zawngte kohkhawm niin Campaign-a hmalak dan tur leh Political Training an neih pui a ni. Nimina Political Training an neih-ah hian Champhai Town Area huamchhunga ZNP Unit OB mi 86 vel kalkhawmin kalkhawmte hian Inthlanpui kan hmachhawn mekah hian ZNP a Sorkar ngei theihna turin Pathian tih chunga Campaign-a, mite khawngaihna ngen zel turin an in chah ani. Kan thudawnnain a sawi danin Champhai Town Area-ah hian ZNP Unit 15 din fel tawh niin din belh zel tura hmachhawp neih mek ani bawk a ni. Nimin-a kalkhawmte hian tlaiah chawhlui an kilho nghal bawk a ni.

CHAWIMAWI :

    Joseph Remmawia s/o Paul Tinkhuma, Champhai IB Veng tuna Kolasib a PWD SDO hna chelh mek chu tunhnai khan AMFU Kolasib District chuan hnathawk tha ber chawimawina an hlan.

 TUIALHTHEI DINHMUN :

MIZOFED :
    Petrol : Free Sale (Rs. 71.43)
    Diesel : Tanky Full (Rs. 51.93)
RD PUMP :
    Petrol : Free Sale (Rs. 79.21)
    Diesel : Nil (Rs. 57.65)


30.10.2013 (nilaini)



ZIRTIRTU TRAINING :

    Nimin chawhma dar 10 khan RMSA Buatsaih In Service Teachers Training 2013-14 chu tan a ni He training hi hmun hnihah neih niin Tlangrawt a Sub Hqrs YMA Office ah Science zirtirtute tan neih a ni a, he hunah hian thusawiin Pu C Hualrikhuma Dy DPC RMSA chuan, Training pawimawh zia sawiin, tunah hlawk in inhrelo mah ila, nakinah kan la chhawr dawn chauh a ni tih sawiin, kum tin ni 5 chhung tal he training hi neih tura ruahman a nih angin he training hi kan ngaipawimawh hle tur a ni ati. Pu Hualria chuan, Zirna ah tan kan lak a ngaih thu a sawi a, zirtirtu hna hi hna zahawm tak a nih avangin kan uluk tur a ni ati a, zirlaite nakin hun hi kan tun hun hian a hril nasa hle a ni a ti a, tunlai naupangte hi an changkan tawh em avangin zirtirtute hian kan tlankhalh a ngai a ni ati a, Champhai Dist siamtha tur hian mi pawimawh berte zing a mi kan ni ati. Nimin Tlangrawt a training ah hian tunkar chhung atan Science zirtirtute kohkhawm an ni a, he training hian RMSA, Adhoc Aided leh Govt. H/S zirtirtute a huam a. Nimin khan DIET Lecturer Lalrintluangi chuan NCF-2005 tih thupui hmangin zirtirna a pe a, Paradigm tih thupui hmangin H Rebecca Lalrindiki chuan zirtirna pe bawkin, Forms Of Question Supply Type tih thupui hmangin Pi Lalsangpuii chuan zirtirna a pe bawk a ni Kahrawt YMA Hall ah pawh hetiang training hi English Zirtirtute tan buatsaih a ni bawk a, he hunah hian Pu Lawmawma DPC RMSA chuan hawngin, thu a sawi a, zirtirtute chu ruihhlo laka fihlim turin a chah a, naupangte kan zirtirna kawngah entawntlakin kan awm tur a ni ati. Kahrawt YMA Hall ah hian English teacher te kohkhawm an ni a, he hunah hian DIET Lecturer Pi Vanlalruati chuan Guidance & Councelling tih thupui hmangin training a pe a, NCF-2005 tih thupui hmangin Pi Baby Lalrindiki chuan pe bawkin Pi Lalmuankimi pawhin Paradigm Shift tih thupui hmangin zirtirna a pe bawk a ni Tunkar chhung hian English leh Science zirtirtute tan training neih a ni anga, karleh chhung hian chhunzawm leh a ni anga, Mathematics, Mizo leh SS zirtirtute tan training buatsaih leh a ni ang.

PHULLEM PHAH EN :

    Chhangphut Field a Phul lem phah tur chu thawh chhunzawm zel a ni a, nimin khan Champhai Dist Football Assn President, Pu C Hualrikhuma chuan a hmunah tlawhin an hnathawh dante a enfiah

FOMTU IN NGEN :

    Federation Of Mizoram Trade Union (FOMTU) chuan kan hma lawka inthlan lo awm turah kuthnathawktu zawng zawngten ram hmangaihtu diktak kan thlanchhuah theihna turin thuchhuah an siam FOMTU chuan kan hma lawka MLA inthlan lo awm turah party ruihchilhna rilru paihbo a, mi tha leh rinawm kan thlanchhuah hi kan tihmakmawh a ni an ti a, hnathawktute tana Policy nei tha leh mi tha Pathian tihna thinlung tak tak nei mi kan zawn a, mahni chhia leh tha hriatna tak tak hmanga inthlan hmachhawn turin hnathawktu zawng zawngte chu a sawm a, kut hnathawktu za a sawmsarih chuang awmna ram hi hmangaihtu tak tak kan thlanchhuah a hun tawh hle a ni tiin an thuchhuah ah chuan an tarlang a ni
   

MELA CUM AWARENESS NEI :

    Ni 2 chhung awh tur Licensing & Registration Mela Cum Awareness Campaign On Food Safety and Safe Usage of Drugs tih chu aktuk hian Pu Lalthangpuia Sailo IAS, Champhai DC chuan a hawng dawn He hun hi CHANEM Buildinga I&PR Conference Hall a neih tur niin Dr. C Zirliana CMO chuan a kaihhruai anga, Champhai DC Pu Lalthangpuia Sailo IAS chu khuallian tur niin he awareness hi a hawng dawn a, he awareness campaign hian ni 2 chhung a awh dawn a ni

SUAHSUAL RAWNG BAWL :

    Mizoram inthlanpui lo awm tur atana thawhhona thuthlung nei MNF leh MPC chuan Champhai South Bial chu MPC chana dahin Pu C. Rosiamngheta ding turin MNF Gen. Hqrs pawhin thu an titlu a. Hemi chungchanga lungawilo MNF Unit 24 te chu nimin khan Bethel Kawna Pu Rohit-a Inah kalkhawmin Pi B. Sangkhumi chu Independent a din tur an tum. MNF Unit 24 kalkhawmte hian Bethel Venga Pi B. Sangkhumi In luah tur pawh singsain nimin khan an hnatlang nghal a. Pi B. Sangkhumi hi vawiin tlai hian Champhai a lo chho dawn a, Unit 24-te hian Khankawn-ah ropui taka lo hmuah an tum a, Bethel-a a In luahah hun an hmang zui nghal ang.

ZNP IN CANDIDATE PUANG CHIANG TA :

    Champhai South biala ZNP Candidate atan Er. Vanlalneiha (Maneiha) an ruat a. Champhai North Candidate atan C. Lalremliana (Marema) an ruat tawh bawk.

KAWNG PING ZEL :

    Champhai luhka kawng pawimawh tak Kanan Veng leimin avanga ping mek chu Kanan VC leh Sawrkar lam hotute an la inbiak fel loh avangin a la tlang thei lo a, nimin thleng khan thenfai hna thawh a la ni lo. Hetihlai hian Champhai khawpui chhung lut/chhuak tur lirtheite chuan Zotlang lamah leh MLA TT Zothansanga`n a fund hmanga a laih, petro pump PHE Office bul chu Champhai luhka bera hman a ni a, he kawng hi black to vek a tum nih laiin Code of Conduct in a phuar avangin hna hi duh angin chhunzawm theih a ni ta rih lo a ni.

TUIALHTHEI DINHMUN :

MIZOFED :
    Petrol : Free Sale (Rs. 71.43)
    Diesel : Tanky Full (Rs. 51.93)
RD PUMP :
    Petrol : Free Sale (Rs. 79.21)
    Diesel : Nil (Rs. 57.65) 


ni 29.10.2013 (thawhlehni)



VAPHAI MIPUI PUNGKHAWM:

    Nimin zingkar khan Saikhumphai bawk chungchanga Khawtlang hruaitute Champhai Police Thana-a insawifiah tura koh chu Vaphai khawtlang mipuiin dang betin Vaphai Bazarah an pungkhawm a ni. Vaphai mipui pungkhawm chuan thuchhuah siamin: “Saikhum Bawk chungchanga khawtlang hmalakna avangin, kan khawtlang hruaitute Oct ni 29, 2013 (Thawhlehni) hian Champhai Police Thana-ah insawifiah tuara koh an ni a, He hmalakna hi heng an kohte emaw, mimal emaw tih a ni lova, khawtlang mipui tih a nih avangin insawifiah tura kal hi a tul kan ti lova; khawtlang hmalakna avanga thubuai siamsak emaw, man tum emaw a awm a nih chuan khawtlang mipui an hmaah kan ding zel ang” tih te. “Saikhum Bawk chungchangah a tha zawnga thi a kal chhoh mek lai leh Boruak a that chhoh mek laia Pawl eng eng emaw ten boruak tichhe thei zawnga tute emaw mantir tuma pressure an siam thin hi Vaphai khawtlang chuan tha a ti lo hle” tih te a ni.

ZIRLAITE NI HMANG :

    Nimin kha Zirlaite Ni niin Champhai DEO thuchhuah angin Champhai District chhunga School hrang hrangah Zirlaite Ni hi tangkai taka hman a ni a. Khawbung Higher Secondary School-ah pawh hemi pual hian hun hman niin Awmdan mawi, Aia upa zah tih leh Zirlaite nun kaihruai thei tur thupui pawimawh tak tak hmangin inzirtir a ni a. Zirna In chu zawlbuk thlaktu a nih thu leh he zirna in atanga nunkawng an inkawhhmuhte chu a taka nun chhuahpui turte, tlawmngaihna leh aia upa zahna te chu mihring khawsakhona atana pawimawh, khawsakho tinuamtu a nih thu te; mahni nuam tih leh duhdan zawng ngawta khawsak chu midang tana hnawksak, chenho tinuam lotu a nih theih thute inzirtirin midang tana tangkai tum chu awmdan tur pawimawh tak a nih thute an inzirtir bawk a ni.

CHECK MEK :

    Champhai Taxation Dept. in Public carrier Vehicle ah Proffessional Tax an Check mek. He Checking hi Champhai Traffic Police te nen tangkawpa tih niin nimin atanga Ocober Ni 30 thleng a awh ang. Public Carrier Motor hrim hrim Tax pe fel lo te chu Auto Rickshaw-ah Rs.500/-. Taxi-ah Rs.700/-, 207 ah Rs.700/- leh Heavy Vehicles ah Rs.1000/- chawi tir an ni ang.

DR. CJ GEORGE THLAH LIAM TA :

    Nimin chawhnu dar 1:30 khan Prof. Dr. CJ George chu Govt Champhai College Staff Welfare chuan an thlah Prof. Dr. CJ George hi kum 34 leh thla 8 Govt. Champhai College a a thawh hnuin nimin khan a pension chu Govt. Champhai College Staff Welfare chuan an thlah a, amah thlahna hun Pu Hmingthanzauva kaihhruaiah hian thusawiin Principal Pu Lalnunmawia chuan, Prof Dr CJ George chu mi hun vawng dik, a duty ngaipawimawh em em a nih thu a sawi a, hetianga mi tha leh thiam Govt. Champhai College mai nilo, Mizoram in kan chan tur hi a uihawm hle a ni ati, a zirtirna a tha a, a hna ah a inpe em em a, nupui fanaute pawh ngaihtuah zo lovin, Champhai a hmangaihna avangin hun rei tak mahni inlum pawha hawng lovin a awm a, hetianga mahni hna a inpe mi hi a uihawm hle a ni ati. He hunah hian Govt. Champhai College Lecturer te bakah pensioner te leh sawm bikte pawhin an ui thu an sawi hlawm a, Mizoram College Teachers Assn Champhai Branch leh College Staff Welfare ten ngaihhruina thilpek an hlan bakah, tlaiah Prof. Dr. CJ George thlahna chawhlui an kilho nghal bawk a ni. Nimin a thlahna hunah hian Prof. Dr. CJ George lehkhabu ziah Miss Mizoram tih chu tlangzarh nghal a ni bawk.

GRASSROOT CHHUNZAWM :

    Nimin zing dar 6 khan FIFA Grass Root Football Coaching chhunzawm leh niin Jersey sem a ni a, he hun hi Pu C. Hualrikhuma CDFA President chuan a hman pui He hunah hian thusawiin Pu C Hualrikhuma chuan, mizote chu thil thiam hma, teirei peihlo kan ni ati a, thuawihna tlachham mi kan nih thu sawi bawkin, ball pet kan inzirtir a, pet dan tura kan tih anga pet tum aiin aia nasa hreta tih ching kan ni tih sawiin, uangthuanga thil kan ti thin hian kan hmasawn tur angin hma min sawntir theilo a ni ati. President chuan, tih tak takna nena zir turin a fuih nawn leh a, mi thiam, Champhai chhuan ni thei theuh tura zir turin a fuih bawk a ni Nimin zing khan naupangte hnenah hian Jersey sem a ni a, tunah hian zirlai 79 awm mekin, kar khatah vawi 3 an practice thin a ni. Grass Root naupang Lalfamkima kum 13, Zion venga khawsa chu nimin khan Mizoram aiawh tura tirh a ni bawk a, Lalfamkima hian National U-14 Championship Kochin a khelh tura Mizoram ai a awh dawn a ni 



CHHUANAWM :

    Ni 28.10.2013 (Thawhtanni) khan Tv. B Lalzarliana s/o Upa BS Kailiana Champhai Vengthlang chuan Doctor of Philosophy (Ph.D), Centre for the Study of Social System (Sociology), Jawaharlal Nehru University (JNU), Delhi atangin a dawng. A thesis title hi 'Confronting the Metropolis: A Study of Northeast Students in Delhi' tih a ni. Kan lawmpuiin kan chhuang em em e.

 TUIALHTHEI DINHMUN :

MIZOFED :
    Petrol : Free Sale (Rs. 71.43)
    Diesel : Tanky Full (Rs. 51.93)
RD PUMP :
    Petrol : Free Sale (Rs. 79.21)
    Diesel : Nil (Rs. 57.65)
 


ni 27.10.2013 (Pathianni)



THISEN PE :

    Nimin khan Ruantlang Prebyterian Kohhran chuan an kohhran Centenary pualin Thisen an pe. Nimin chawhma dar 11:00 khan Ruantlang Presbyterian Kohhran chuan an Kohhran Centenary pualin champhai Hospital-a damlo, a mamawh apiang hman turin thisen an pe a.Champhai Hospital-a thawkte chu Dr.Lalramchhuang Blood Bank Officer hovin Ruantlang Kohhran Centenary hall ah kalin thisen an va la a. Thisen pek tan hma hian Dr.Lalramchhuanga chuan Thisen pek pawimawh dan leh thisen petu tana a hlauhawm loh zia te, midang tana malsawmna thlentu kan nih mai bakah mi tamtak nunna chhanchhuah na anih avangin a thei a piang chuan thisen pek hi kan uar zel a pawimawh ani ati a, Ruantlang Kohhran-in an Centenary puala damlo mangangte hman tura thisen pek nachang an hria chu lawmawm a tih thu a sawi bawk a ni. Ruantlang Kohhranin Centenary puala thisen an pekna ah hian Ruantlang Bialtu Rev.K.Vanlalhriata chuan pe hmasa berin,thisen pe zawng zawng hi Mipa 24 leh Hmeichhia 7 niin an vaiin mi 31 an ni.

KAWNGZAWH :

    Nimin khan Ruihhlo Ngai Tanpuitu pawl ten kawng an zawh. Ruihhlo Ngai tanpuitu pawl te chuan Champhai khawpui dungah ruihhlo do kawng zawh an nei a, kawngzawh hi Dawrkaikawn atanga nei tanin Pu C Lalhuapzauva CSM, Chairman Ruihhlo ngai tanpuitu pawl chuan a kaihruai a, ruihhlo zawrh thatloh ziate, do a ngaih zia te, a do tura kohhran leh khawtlang leh sorkar harh a ngaih ziate leh kawngzawh a nih chhan tlangpui a sawifiah hnuin tawngtai hona leh ruihhlo thatloh zia an auchhuahpui a, Pi VL Hmuchhuaki Treasurer chuan thu a sawi chhunzawm a, hemi hnu hian DK Traffic Point ah Pu C lalhuapzauva chairman chuan thusawina nei leh in tawngtaihona hun hman a ni a, Bethel kawn thlenga kawng hi zawh chhunzawm anih hnuah Bethel kawnah Pu C Hranghluna SECy chuan thu a sawi bawk a ni. Kawngzawhte hi mi 50 chuang zet an ni

COUNSELLING TRAINING :

    KTP Rorel Inkhawm 2013 thurel bawhzuiin Central KTP chuan niminpiah khan ram pum huap Counselling Training hmun 10-ah a buatsaih a ni a, Champhai ah pawh Vengthlang Kohhran ah buatsaih a ni. Counselling Training neihna turah te hian Central KTP hruaitute an kaldarh hlawm a, Champhai Vengthlang kohhran ah Pastor Bial 15 tan buatsaih niin, nimin khan counselling training hi hman a nia, hetah hianT.Upa Dr. H. Lalthanzara & T.Upa Lalremsiama te chuan zirtirna an pe a, counselling awmzia leh a pawimawhna te, kristian counselling danglam bikna te leh hetiang lam hawi thupui hrang hrang ngaihthlak a ni a, session hnih ah then niin chawhnu lamah T/Upa Lalremsiama chuan Ngawlveitte dinhmun hraiatthiampuina leh enkawl dan tih thupui hmangin zirtirna a pe bawk a ni He training ah hian kohhran hrang hrang atangin KTP member 4 theuh koh an ni a, training ah hian member te an kal tha hle a ni

VOCATIONAL PROG. KHAR :

    Nimin khan Zotlanga Vocational cum School Development Programmee closing Function neih a ni. He Vocational cum School Development Programmee closing Function hi Pu Lalzahawma President Zotlang Branch YMA chuan kaihruaiin, Pu Lalthuama Joiny Secretary Labour & Employment chu khuallian niin he hun hi a hmanpuia. Khuallian chuan thusawiin, Nimin ah hetiang huntha tak kan nei thei hi a lawmawma, champhai leh a chheh vel hi a nuamin intodelhna tura hmathar lakna tur atama invannei hle a, thiamna avanga hmasawnna hi a tlo va India ramah chuan Andra Pradesh hi state hmasawn ani ni a,anni ang hian Mizoram pawh hi thiamna avanga hmasawn thei state kan ni a,tuna kan thuamna te hi taimakna nen kan ram in hma asawn theihna tura kan hman thiam a pawimawh a.Thiamna hmanga intodelh tur chho zel tur hian Sawrkar Laipui chuan Labour & Employment hi a dah pawimawh em em a,thuneihna pawh sang tak a pe a ni. Chuvang chuan tun huna Labour & Employment nena thawh hona kan neih hi atangkai thei ang bera kan hmanthiam apawimawh a ni ati a.Khuallian chuan asawi zel na ah, Mizote hi thil thiamhna chi kan nih avangin tuna kan thil zir pawh hi short course programme chauh pawh nise zirlaite hian in hlawkpui ngei ka ring tlat ani tiin an thil zir thiamte chu eizawnna tlaka thiamna puitling ni thei tura ti pung zel turin Training chhuakte chu duhsakna ahlan bawka ni. He Vocational cum School Development Programmee ah hian Trade hrang hrang 5 Mobile repairing, Electric Wiring,Beutician,Carpenter leh Two wheeler Repairing ah te training pek an nia.Mobile repairing ah mi 11, Electric Wiring ah mi 14 ,Beutician ah mi 7 ,Carpenter ah mi 7 leh Two wheeler Repairing ah mi 9 an vaiin mi 46 ten training hi thatakin an Pass chhuaka certificate hlan nghal an ni.

TUI INHLEUHSIAK TELH :

    Khawbung Higher Secondary School chuan kum danga an la telh ngai loh 'Tui inhleuhsiak' chu tun kum 2013 hian Annual Sports-ah an telh thara, zirlai naupang taksa leh rilru hriselna atân thil tangkai tak niin 'tui inhleuhsiak' hi kum dangah pawh zirlaite inelna atana telh zel an tum thu an sawi. YMA General Conference Khawbung-a nghah a nih dawn avangin Kum 2013-2014 Academic Session chu a hun pangai aia hmaah tan a ni a. Lesson Plan mumal taka siamin October thlatirah YMA General Conference-in a bawhbuai hmain Second Term Exam neihpui hman an ni. House thum - Red, Green leh Blue House-ah inthenin Annual Sports hi tunkar tawp lam khan neihpui an ni a. Nimin khan Khawbung Centenary Swimming Pool-ah tui inhleuhsiakin tuia infiamna hrang hrang hmangin inelna neih a ni bawk. Khawbung Higher Secondary School hi Kum 2009 khân Khawbung khawtlângin an din a ni a. Kum 2009 August 31 khan Permission pek an ni a. Tunah hian zirlai 65 neiin thla hmasa (September) khan Provisional Affiliation pek an ni bawk. BADP atangin School Building leh Hostel Building tha tak sak a ni a. Mahatma Gandhi NREGA (Material Component) atangin Tuidahkhawlna leh Inthiarna tha tak siam niin khawtlang mipuite thawhlawm hmangin Thawktute hlawh pêk a ni bawk a ni

TUIPUI TLAWHCHHAN COMMITTEE THUKHAWM :

    Khawchhak Tuipui luidung nungcha leh luidung thing leh mau humhalhtura thawkho Tuipui Tlawhchhan Committee (TTC) chu nimin Oct 25 khânKhawbung Zawlbuk-ah thu khawmin khaw hrang hrang hmalâknate an thlirho a, Tuipui Luia sangha chi chhuah an tum bawk a ni. Tuipui Tlawhchhan Committee-ah hian YMA Branch hrang hrang 10 (Lêng, Sailulak, E.Lungdar, Biate, Riangtlei, Zawngtetui, Bungzung, Khawbung, Zawlsei, Khuangthing) intêl khawmin Khawchhak Tuipui luidung nungcha, thing leh mau humhalh kawngah hma an la hova. Nimin thut khawmah hian Sailulak, E.Lungdar leh Riangtlei te an tel remchang lova. Khaw hrang hrangte'n an hmalaknate sawi langin tuipui luidung bikah chuan TTC hmalakna a hlawhtling hle a. Mahni khuaa luidung theuhah erawh Branch tinte'n tanlâk a ngaih thu an sawi a. Oct ni 1 - Nov ni 15 chhung eng hmanraw hmang maha lui kal lo tura mipui an inngenna chu a hlawhtling hle a, an ngenna zahsaka mipuite'n an thlawp avangin Tuipui Tlawhchhan Committee chuan lawmthu an sawi a. Hetih lai hian hmun hran atanga Tuipui luidungin beih a tawk fo chu ná an ti a. Nasa zawka hmalâk an tum thu an tarlang bawk a ni. Tuipui Tlawhchhan Committee te chuan Lên (Net) number 25 aia sin lo leh Nghaikuai bâk eng hmanraw hmang mahin Tuipui luidung nungcha man an phal lova. Tuipui luidung humhalh kawnga ruahmanna an siam pawisa lo leh palzût chu a theih chen chen luidunga chin fel zêl an tum thu an sawi. Dam lo ei tur leh mahni chhungkaw mamawh tâwk bâka duhâm taka zawrh suma Tuipui luidung tichereu zawnga thil tih an phal lo bawk a ni. Tuipui Tlawhchhan Committee te chuan Tuipui luidunga chhuah tur Sangha chi Nuai 1 tal ngaihtuah tur leh Fisheries Department nêna thawh dun an tum thu an sawi a ni.

HOSPITAL REPORT :

    Champhai Dist Hospital ah chuan OPD a inentir zawng zawng hi mi 508 an ni a, Dental OPD ah mi 131 inentir in Eye OPD ah mi 55 an inentir bawk a, Endoscope ti mi 11 awmin Ultrasound ti mi 16 an awm bawk. Damlo 76 Admit an ni a, hetih lai hian damlo 3 boral an awm a, zaipui tawk mi 10 an awm bakah zai tenau tawk mi 14 an awm bawk a, mit zai 2 an awm a, nau nei mi 17 an awm bawk a, hei bakah hian JSY hi mi 5 hnenah pek ani a, tunah hian damlo 21 an awm mek a ni. ART la mi 42 an awm a, OST damdawi la thar 5 an awm bawk a ni. Nilai ni atang khan Champhai Dist Hospital ah hian Zero Dose, nau piang hlim zawng zawng hnena Hepatitis B Vaccine leh Zeng hri danna OPV pek chu kalpui tan a ni bawk
    DM Hospital ah chuan OPD a inentir zawng zawng hi mi 140 an ni a, Hmeichhe doctor Gynae rawn mi 35 an awm bawk a, damlo 5 admit an ni a, Lung enna ECTG ti mi 4 an awm bakah XRay ti mi 22 an awm bawk a, zai tenau tawk mi 8 awmin, Laboratory a zun leh ek exam mi 70 an awm bawk a, tunah hian damlo 3 an awm mek a ni. DM Hospital hi Mizoram Sorkar chuan TB Centre atan a thlang a, TB vei leh TB vei nia inhria ten a thlawnin DM hospital ah a inentir theih tawh dawn a ni

TUIALHTHEI DINHMUN : (Sunday 12:00 noon - 3:00 pm)

MIZOFED :
    Petrol : Free Sale (Rs. 71.43)
    Diesel : Tanky Full (Rs. 51.93)
RD PUMP :
    Petrol : Nil (Rs. 81.11)
    Diesel : Nil (Rs. 57.65)

ni 26.10.2013 (inrinni)



TV LEH CHANCHINBU MITE TAN TRAINING BUATSAIH :

    Nimin chawhnu dar 2 khan DC Conference Hall Keifang Tlang ah Election chungchanga Chanchinbu leh TV a thil chhuah dan tur relho a ni He meeting hi Pu Lalthangpuia Sailo IAS, Champhai DC ni bawk chuan kaihruaiin, vote thlak pawimawh zia leh mipuite zirtir kawnga media pawimawh zia a sawi a, kan hmachhuan ber tur in ni a, mipuite sukthlek tidanglam theitu in nih avangin uluk takin in thuchhuah leh in tihlan kawngah in fimkhur tur a ni ati. He hunah hian Pu R Vanrengpuia Election Officer pawhin an sawmnate ngaipawimawha hun chep tak kara an kal khawm thei chu lawmawm atih thu a sawi a, Election Expenditure Monitoring hnuaia team hrang hrangte hmalakna tarlangin, team hrang hrangten mahni hna theuh uluk taka thawk a, theihtawp chhuahpui turin a sawm bawk a ni Pu Alan Lalthanzara SDC pawhin SVEEP chungchang a sawi a, Election Commission Of India hian democracy ram kan nih angin ram hruaitu thlan kawngah mipui ten vote thlak theuh se a duh thu a sawi a, hemi atana SVEEP pawh hi duan a ni ati a, SVEEP thiltum leh a nihphungte chipchiar takin a sawi bawk a ni Nimin Meeting ah hian Chanchinbu leh Cable TV a thuchhuah tur reng reng mahni duhthu a chhuah ve ngawt chu a dik tawklo a ni tih sawi a ni a, MCMC phalna leh remtihna tello chuan Cable leh Chanchinbu neitute pawhin lo chhuah lo tura inngen a ni a, election tha leh dik kan neih theih nan te, mipui tam berin vote kan thlak theih nan tea tanho a pawimawh zia sawiin, a bikin Chanchinbu leh Cable Tv te pawimawh zia pawh tarlan a ni a, nimin meeeting ah hian Champhai Dist huamchhunga Cable Operator te leh thuthar lakhawmtute an tel tha hle a ni

KHEH MAN LEH TA :

    Champhai Excise & Narcotics dutyte chuan tukin zing dar 1:30 Am khan Champhai leilet zawl Chhanchhuahna In bulah Pseudoephedrine mum 10,52,000 (Kg 160) an man. Champhai Excise & Narcotics hotute chuan heng damdawi man takte hi an thudawn bawhzui a an man anih thu leh damdawi neitu emaw mawhphurtu emaw man an neihloh thu an sawi a, damdawi man takte hi kawngpui kam hnim kara thuhruk anih thu leh damdawi neitu ni awm a langte chu an man hmain ramhnuai thim tham karah an tlanbo avangin an man loh thu dawn tel a ni bawk. Damdawi man takte hi tualchhung man a chhutin Rs 78,90,000.00 man ni a chhut a ni a, rem chang hmasa-ah tihral tur anih thu dawn tel a ni bawk.

RIDERS` MEET TIAK TA :

    Nimin khan North East Riders Meet hmang mek ten miharsa te tanpui. He miharsate tanpuina hun hi Aizawl Thunder chief Pu RCHA kaihhruaina hnuaiah zotlang leh tlangsamah neih a ni a, nikum meeta an lo rel tawh angin kumin atang hian Riders meet an neihna hmun apiangah miharsa te tanpuina tur bawm dawh nise tia an lo rel tawh angin, tun tum Champhai Mualnuam-a North East Riders Meet neihna ah hian mi harsa te tanpuina tur bawm dawh a ni a. He an bawm dawh a pawisa tlingkhawm zawng zawng chu Rs,singthum sangli zariat niin, Pi.Lalhmingthangi Kum 75, Pi Seikungi Kum 52,Pi F Zonunmawii Kum 36 Zotlang te leh Pi Lalremruati Kum 34, Pi Lalthuami Kum 87, Pi Ralliani Kum 71 Tlangsam an vaiin mi paruk hnenah cheng Sangnga zariat theuhin tanpuina hi an hlan a ni. Tun tum North East Riders Meet hi Mizoramin athlen vawi khatna niin North East state hrang hrang te an kal kim theih bakah,mumbai,Bangalore leh India ram hmun hrang hrang atangin Riders 350 vel zet an pung khawm theia, nizan khan he North East Riders meet hi a tiak a ni.

SUB-HQRS. YMA CHAMPHAI IN TANPUINA SEM :

    Nimin a Sub-Hqrs. YMA Champhai Co-ordination Committee chuan Champhai Vengthlang a leimin tuar chhungkaw 12 te hnenah tanpuina a hlan. Kumin August thla tawp a Champhai Vengthlang leh Kanan Veng inrina lai a lei tawlh vanga chenna in chan ta te puala a thawh hnihna tur YMA in tanpuina hlan sum Rs 1,26,000.00 hi YMA General Conference neih zawh taka palaite tanpuina tling khawm leh Sub-Hqrs. YMA Champhai huamchhunga Group hrang hrangte pek a niin, chhungkaw 12 te hnenah Group YMA hruaitute leh Executive Committee memberten Rs 10,500.00 theuhin an hlan a. Tanpuina pekte hi Vengthlang atangin Thanchhuma Sailo, C.Lalsanglura, T.Malsawmtluanga, Lallawmzuali, TC Sangliani, Lalchhuanthanga, Chawntinthangi, H.Raldoliana, Lalsangliana, Lalzova. Kanan atangin B.Lalbuatsaiha leh Lalchhuanawma te an ni. Sub-Hqrs. YMA Co-ordination Committee-ah hian YMA khawih thil ngaihtuahna neih anih bakah 68th YMA General Conference Khawbung a neih zawh tak thlirletna neih niin, YMA tana kalpui chhunzawm tlak leh chin zui tawh loh tur a tha ni a hriatte tarlan te chu thla leh a Central Co-ordination Committee-ah thlen nise, tiin rel a ni.

COACHING ZO FEL TA :

    Nimin tlai dar 4 khan Champhai Dist Badminton Assn buatsaih, badminton Coaching & Promotional Prog chu Pu C Lallianpuia Champhai Dist Sports Assn Vice President chuan khuallian niin a khar Kharna inkhawm hi Pu Lalnunmawia President chuan a kaihruai a, nu leh pa aiawhin Champhai NGO Coordination President Pu David Thangluaia chuan thu sawiin hetiang hun tha naupangte tana Assn in an buatsaih thei chu lawmawm atih thu asawi a, an hma hun lokal leh zel turah theitawp chhuah pui leh se a duh thu a sawi bawk a ni He hunah hian khuallian Pu C Lallianpuia Champhai Dist Sports Assn Vice President chuan, coaching kal naupangte vanneih zia a sawi a, nu leh pa remtihna leh tuipuina a an tui zawng game an khel thei chu lawmawm atih thu a sawi a, infiamna an khawih chuan zirna an tihtha ngei ngei tur ani ati a, zirna tello infiamna chu infiamna kebai a ni ang bawkin, infiamna tello zirna pawh zirna kebai a ni ati a, naupangte chu zirna leh infiamna tikawp thiam turin a chah a ni He hunah hian Champhai Dist Bad. Assn Hon’Secy chuan report a pe a, Badminton Coaching hi Oct ni 3 a tan ani a, mi 58 coaching ah hian kalin, kum 19 chunglam hmeichhia 4 leh mipa 18 an ni a, kum 19 hnuai lam hmeichhia 8 leh mipa 28 an kal thei bawk a ni Champhai Dist Badminton Badminton Assn chuan nu leh pate chungah lawmthu an sawi a, Champhai a Badminton in hma a sawn theihna tura an fate an tuipui avangin an lawm hle tih an sawi a, SSA Champhai Dist in he coaching avanga Computer Set an pe chu lawmawm an tih thu an sawi bawk a ni.

 TUIALHTHEI DINHMUN :

MIZOFED :
    Petrol : Free Sale (Rs. 71.43)
    Diesel : Tanky Full (Rs. 51.93)
RD PUMP :
    Petrol : Nil (Rs. 81.11)
    Diesel : Nil (Rs. 57.65)

 


ni 25.10.2013 (zirtawpni)



PYKKA SPORT KHAR A NI TA :

    District level PYKKA Sport vawi-5 na chu zawh fel a ni ta. Nimin chawhnu dar 1:00 khan District Level PYKKA Sport kharna inkhawm chu Kahrawt Field ah neih a ni a. He kharna Inkhawm hi Pu Hmingzauva District PYKKA Tresurer chuan kaihruaiin Pu Lalthangpuia Sailo IAS Champhai DC chu khuallian a ni. Khuallian chuan thusawiin, tunlai khawvelah Infiamna hi eizawnna tlak a nih avangin hlawhtling tur chuan insumtheihna,taimakna,tihtakzetna leh nungchang tha apawimawha,chutih rualin zirna lamah pawh hlawhtling tura kan beih a tula,in kum ala naupan avangin in tan chance atam em em a, zirna ani emaw infiamna a ni emaw in tihtakzeta in tih chuan in hlawhtlin ngei ka beisei a. Mahni Items theuh ah a tha ber ni thei tura inbuatsaih theuh turin infiam mi kalkhawmte chu a chah a ni. He Competition ah hian Blocl 4 atangin infiammi 239 an tel thei a, infiamna chi hrang hrang 9 hmanga intihsiakna neih niin a pumpuiah Champhai RD Block champion in point 68 an hmu a, Khawbung RD Block chuan point 40 hmuin 2na an ni bawk. He hunah hian Khuallian Pu Lalthangpuia Sailo IAS, Champhai DC ni bawk chuan lawmman semin, Dr Laldinthara Secy Dist. PYKKA Organising Commt chuan technical Report a pe a, he intihsiaka tithate hian Champhai ai an awh dawn a ni

VENGTHLANG VC TEN CHAWIMAWI :

    Nimin tlai dar 2 khan Block leh Dist Level PYKKA Competition a Boxing Champion Jenny Lalnunmawii chu Vengthlang VC ten lawmpuina an hlan He hun hi BNRGSK Building Vengthlang ah neih ani a, he hunah hian thusawiin Vengthlang VCP Pu K. Lalmawia chuan, sports hmanga vengthlang chawimawitu an nei chu lawmawm a tih thu sawiin, a kal zelna turah duhsakna a hlan a, infiamna a tih chhoh zelna turah fuihin Pu K LAlmawia chuan, ruihtheih thil leh thilsual a inthiarfihlim turin a chah bawk a ni. VCP chuan, infiamna hmanga vengchhung tihmingthatu te chawimawi leh infiamna chawisang tura hmalak zel an tum thu a sawi bawk a ni. He hunah hian Vengthlang VC Chief Coach Pu C. Hrangmanthanga chuan technical report a pek bakah, VC member ten fuihna thu an sawi bawk a, Jenny Lalnunmawii lawmpuina atan hian Vengthang VC te hian pawisa fai Rs 5000 an pe a ni.

ZIRTIRTUTE PUAL TRAINING :

    Nimin chawhma dar 10 khan Workshop Cum Consultation for Primary School Teachers on Question Settings chu neih chhunzawm leh a ni He hun hi Venglai Community Hall ah neih niin, Pi Vanlalruati Principal Charge la mektu chuan training hi a hawng a, he hunah hian thusawiin Pi Vanlalruati chuan, training pawimawh zia a tarlang a, kan thil zirte a taka hmangchhuak thei turin kan uluk tur ani tih sawiin, ban hma leh hawn hma ringawt ngaihtuahlo turin a chah bawk a ni. Nimin training ah hian Champhai Block leh Khawbung leh Khawzawl block atangin primary school zirtirtu aiawhte kohkhawm an ni a, chawhma lamah Supply type question & Question wise analysis tih thupui hmangin Pi Lalsangpuii chuan zirtirna a pe a, selection type question & Question wise analysis tih thupui hmangin Pu K Malsawmhlua chuan zirtirna a pe bawk a, vawiin hian chhunzawm leh tur niin, group work an khawih dawn bawk ani

SUM DAWN TUR PECHHUAK TA :

    Nimin chawhma dr 9:30 khan BRC Training Hall ah Champhai Block chhunga Primary School zirtirtute tan CCE & Personality Decelopment Training neih a ni He hun hi Pi K. Lalramsangi kaihhruai ah hian Pu Laldingliana DPC chuan hawnna thu a sawi a, SSA hnuaia thawkte hlawh pek theih loha awm thin chu pawi a tih thu a sawi a, 2013-2013 a hlawh te hi regular taka pek theih tawh tura state Project director in hma a kal fel tawh rualin sum pawh central atnagin hmuh kim thuai a ni dawn tih a sawi a, nimin khan Champhai Dist SSA Mission hnuaia zirtirtu zawng zawngte July thla hlawh Rs nuai 94 sing 7 sang 5 chu an personal Account ah opek chhuah nghal a ni SSA Mission Champhai hnuaiah hian MDM Kitchen Shed VEC ten 38 an sa mek a, a sakna sum school 32 tan Rs 2,00,000 theuh leh School 6 tan Rs 2,50,000 theuh chu niminpiah khan pekchhuah kim a ni tawh bawk ani, nimin training ah hian B Vanlalchenpuia leh Lalnuntluangin ten zirtirna an pe a ni Vawiin hian hetiang training hi Middle School zirtirtute tan neih leh tura ruahman a ni

TUIALHTHEI DINHMUN :

MIZOFED :
    Petrol : Free Sale (Rs. 71.43)
    Diesel : Tanky Full (Rs. 51.93)
RD PUMP :
    Petrol : Nil (Rs. 81.11)
    Diesel : Nil (Rs. 57.65) 


ni 24.10.2013 (ningani)



DC HOVIN MEETING NEI :

    Naktuk chawhnu dar 1 khan DC Conference Hall ah Election Expenditure Monitoring Meeting neih a ni He meeting hi DC Office Chamber ah Pu Lalthangpuia Sailo IAS, Champhai DC kaihhruaina a neih a ni a, Election Expenditure Monitoring chungchanga Bank hrang hrang hotute leh Post Office hotute nen sawihona pawimawh neih ani a, General Election 2013 neih tura candidate te sum hman dan tur an rel ho a ni. He meeting ah hian Bank hotute leh Official te an kal tha hle a ni

PYKKA SPORTS KHAR DAWN TA :

Niminpiah chawhma dar 10:30 a tan, Dist Level PYKKA Competition chu naktuk chawhnu dar 1 hian khar tur a ni a, he hunah hian Pu Lalthangpuia Sailo IAS, Champhai DC chu khuallian tur a beisei a ni a, he hunah hian lawmman chi hrang hrang, Cash Prize leh Trophy te sem tur a ni anga, he hunah hian Sports Assn hrang hrangte tel tura beisei an ni.

CHAMPHAI-AH MJEA GEN. CONF. NEIH A NI :

    Nizan hmasa atanga tanin nimin nileng khan Mizoram Jail Employees Assn General Conference vawi 23-an hman ani Nizan khan Nomination chungchanga thil pawimawh relho a ni a, nimin chawhma dar 9:30 atang khan hun hman leh niin Pu Chawngsailova President Mizoram Jail Emlployees Assn General Hqrs. chuan a kaihruai a, he hunah hian report chi hrang hrang ngaihthlak a nih bakah member boral mi 5 te sunna hun hman a ni bawk a, hei bakah hian rorel niin rorel zingah Mizoram chhunga jail zawng zawngah hian Staff Nurse leh Pharmacist dah te, quarters repairing chung changte, staff lak thar te leh staff ni mekte uluk lehzual a training pek chung changte leh Jail tana thil pawimawh chi hrang hrangte an relho a ni. Chawhnu dar 1:30 atang khan inthlan niin he inthlan hi Pu Lalhlupuia R.O, P.O Pu Lalrindika leh Lallianpuia te kaihhruaina a neih a ni a, President ah Chawngsailova, Vice President Vanlalruata, Secretary-Thanghluna Asst. Secy. B Lalzamlova, Treasurer Lalsawmliana leh Fin. Secy ah H Zakima te thlan tlin an ni a, inthlan zawh hian session 3-na hman niin he hun hi Pi Zoramthangi Hauhnar I.G Prison chuan khuallian niin a hmanpui a, thusawiin Pi Zoramthangi chuan, Serchhip leh Mamita Jail sak mek chu hawn mai theiha peih a nih tawh thu leh Saitual ah Sub Jail dah tura hmalak mek anih thu te a sawi a, Central Jail bulah hmeichhiate enkawlna bik tur DoNER Ministry ah dil mek a nih thute leh kumin chhung atana Jail 6 enkawl nan Rs 6,00,000 chauh sum hmuh a nih avangin duh anga hmalak a harsat thu a sawi bawk a ni. I.G chuan, tunhma chuan Jail hi misualte dahna tur chauha ngaih a ni a, tunah erawh chuan mihring nun siamthatna hmun pawimawh tak a ni a ti a, Jail a thawk ten Jail tangte kan enkawlna kawngah taihmakna leh inpekna tak tak nei turin a fuih a, mihring nun siamthatna atana an mawhphurhna san zia hre turin a fuih bawk a ni. He hunah hian Mizoram chhunga Jail 7 atangin member 46 an kalkhawm a, tlaiah chawhlui an kilho bawk a ni.

TUIALHTHEI DINHMUN :

MIZOFED :
    Petrol : Tanky Full (Rs. 71.43)
    Diesel : Tanky Full (Rs. 51.93)
RD PUMP :
    Petrol : Nil (Rs. 81.11)
    Diesel : Nil (Rs. 57.65)
 


ni 23.10.2013 (nilaini)



MIZORAM RAWN KHEH LET TUM MAN :

    Champhai Excise & Narcotics duty te chuan tukin zing khan New Champhai-ah Myanmar atanga ruihhlo tawlhluh, KHEH lo let, Metamphetamine ni ngeia hriat an man. Champhai Excise & Narcotics ten Methamphetamine (Meth) an man himum 607 niin, Myanmar atanga rawn tawlhluh niin, Zokhawthar atanga Champhai Service Maxicab-ah rawn phurh niin, he ruihhlo damdawi neitu ni a puh Lalchhandama Kum 45, Khuptin (L) fapa, Tahan B Group, Assembly of God Kohhran a Upa ni mek a inchhal chu man nghal a ni. Heng damdawi man takte hi Pseudoephedrine atanga siam chhawn, Metamphetamin ni a hriat a ni a, a quality pawh a tha ber anih thu an sawi a, Meth mum 607 hi Gram 60 a rit anih vangin a hremna pawh Kum 10-20 chhung tan theihna anih bakah Rs 2,00,000.00 thleng chawitir theih a ni bawk. He damdawi neitu a puh Lalchhandama hi thu zawhchian turin Excise & Narcotics hotute hian anla kawl rih a, Lalchhandama hian he damdawi neitu dik tak anih loh thu leh mi kentir anih thu a sawi thung a ni.

JOINT VC KUTAH TANPUINA TU SUM HLAN :

    Champhai a tlawmngai pawl hrang hrangte hmalaknain ni 18.10.2013 (zirtawpni) zanah Charity Concert in Aid of Landslide Victims Awmpuipheia an neih a an sum hmuh zawng zawng chu nimin khan Champhai Jt. VC hnenah a tul anga lo sem turin an hlan.
    He hlanna inkhawm Pu K. Lalmawia, Jt. VC President kaihhruaiah NGO Chairman Pu David Thangluaia‘n Concert buatsaih a nihna chhante sawiin ‘Mizoram hmun hrang hrangah chhiat tawk an awm reng rengin Mizoram pum huapin hma lak thin a nih thin a, Champhai-a chhiatnaah pawh hian chutiang chu kan hruaituten an buatsaih ve ngei rin a nih laiin hmalak tumna engmah an rawn nei si lova. Chuvang chuan NGO Champhai District Co-ordination inhmukhawm chuan Concert hi a rel ta a ni’ a ti.         Mosia Agencies, Chanmari Aizawl Sponsored Charity Concert ah hian Advertistment, Donation, Coupon leh SMS te atanga an sum hmuh zawng zawng hi Rs. 1,62,150/- niin Concert buatsaihna atan hian Rs. 12,130/- hman ral a ni a. A bang Rs. 1,50,020/- chu Jt. VC te hnenah hian hlan a ni ta a ni. Sum leh tha thawhtu zawng zawngte chungah Organising Committee hmingin lawmthu kan sawi a ni.

ZIRTIRTU WORKSHOP :

    Nimin chawhma dar 10 khan Workshop Cum Consultation for Primary School Teachers on Question Settings chu neih a ni He hun hi Venglai Community Hall ah neih niin, Pi Vanlalruati Principal Charge la mektu chuan training hi a hawng a, he hunah hian thusawiin Pi Vanlalruati chuan, training pawimawh zia a tarlang a, kan thil zirte a taka hmangchhuak thei turin kan uluk tur ani tih sawiin, ban hma leh hawn hma ringawt ngaihtuahlo turin a chah bawk a ni. Nimin training ah hian Khawzawl Block leh Ngopa block atangin school 69 aiawhte kohkhawm an ni a, chawhma lamah Supply type question & Question wise analysis tih thupui hmangin Pi Lalsangpuii chuan zirtirna a pe a, selection type question & Question wise analysis tih thupui hmangin Pu K Malsawmhlua chuan zirtirna a pe bawk a, vawiin hian chhunzawm leh tur niin, group work an khawih dawn bawk ani

PYKKA  SPORT HAWNG :

    Champhai District PYKKA Sports chu nimin khan Champhai Kahrawt Field-ah Addl. DC Pu Zoengsanga’n a hawng. Champhai District chhung RD Block 4: Champhai, Khawzawl, Khawbung leh Ngopa RD Block a kum 16hnuailam zirlai intihsiakna PYKKA Sports hawngtu Addl. DC Pu Zoengsanga chuan hmun kilkhawr leh chenbeh zawk a chengte zinga intihsiakna thei chungchuangte thlanchhuahna PYKKA Sports hi tangkai taka hman chhoh mek anih dan tarlangin, he sports kal tlang hian infiamna tithei chungchuang mi tha hnem tak zawn chhuah anih tawh thu leh kum naupang zawkten insawizawina tha an neih theih phah hi thil hlu tak a ni, a ti a, State Level PYKKA Sports neih tawh a, Champhai District dinhmun chu chhuanawm leh lawmtlak anih thu a sawi. Infiamna hian rual-elna tha leh nunkawng diklo a kalsual theihna lakah thalaite a chhan chhuak thin thu leh infiamna hian mimal taksa atih hrisel bakah hunawl hman thatna a siam avangin Champhai District chhung RD Block 4 atanga zirlai infiammi pungkhawm te chu mi chhawrtlaka hlawhtling turin mahni nun uluk a, sual anga lang tlansanin, tumruhna leh taimakna nen infiamna leh zirna kawngah theih tawp chhuah turin Pu Zoengsanga chuan zirlaite chu a chah bawk. PYKKA Sports a intihsiakna chi hrang hrang, Outdoor Games Champhai Zotlang Field-ah, Indoor Games Kahrawt a Vanlalawma Indoor Studium-ah leh Vengthlang Tlangrawt a SSA Sports Hall-ah te neih a ni.

ZNP BLOCK CONFERENCE HMANG :

    Nimin chawhma dar 11 khan ZNP Champhai North Block chuan Champhai Town Hall ah Block Conference an hmang He hun hi Pu C Lalbiakchuanga Block President chuan a kaihruai a, R. Lalramliana Block Secy chuan report a pe bawk ani. He hunah hian Pu C Lalremliana Champhai North Block ZNP Candidate chuan thusawiin, Politics a luh dan a tarlang a, a bul pui berah chuan, sawmtu an awm vang a ni ati a, NGO hrang hrang leh YMA aiawha kan kalkual velna ah hian siamthat ngai leh tih chakawm tak tak ka tawng thin a, chutiang ka ngaihtuah hnua hetianga siamthatna hna thawk tura sawmtu ka hmu hi Politics a ka zuanluh chhan pakhat a ni ati. Mi tam tak thinlungah Kohhran Upa ni si Politics a zuanluh tih te zawhna a awm thin chu sawifiah in, Politics hi Pathian rawngbawlna tha tak a ni a, tunlaia kan politics hi chu rawngbawltute zuanluhna tlakloh anga miin an ngai chu pawi atih thu sawiin, politics awmzia a sawi a, ram inawpna leh ram thatna ngaituahtu, mihring thil nilo, politics a inhman pawh Pathian rawngbawlna, a khel tute leh mipuia innghat tlat a ni ati a, Politics awmzia leh a nihna tak hreloa kan zuanluh thin avangin kan buaiphah a ni ati. He hunah hian ZNP President Pu Lalduhawma pawhin thu sawiin, duhthlanna kan hman dik angai a ni ati a, party manifesto hi mithiamte duanchhuah ni mahse, party mi leh saten kan tuipui tur ani tih sawiin, kan thil tuma kan chian a ngai a ni ati. Pu Lalduhawma chuan, ZNP chu hmana kan Policy ah kan la ding reng a, Pathian leh Mipui zara sawrkarna kan la chang anih chuan mipui sawrkar dik tak kan din anga ati. Nimin block conference ah hian Pu Lalduhawma chuan mi thar 828 a lawmlut bawk a ni

PROFESSOR-AH :

    Dr. CJ George, Associate Professor, Govt. Champhai College chu Professor post ah hlankai a ni a, niminpiah khan Mizoram sawrkarin notification a tichhuak a ni.

HNAHLAN MI NILO :

    Hnahlan Students Union chuan Excise & Narcotics Deptt. in Heroin No. 4 vanga an man Dalzathanga s/o VL Kapa leh Chinlamthanga s/o Thangngaihpianga ten Hnahlan khua anga an inchhal leh Pseudoephedrine vanga man Rampanmawia s/o Thangzuala (L) in Hnahlan khaw chhuak anga an inchhal chu a ni lo tih an sawi a, heng mite hian dawtin Hnahlan an tihmingchhia a ni, an ti.

TUIALHTHEI DINHMUN :

MIZOFED :
    Petrol : Tanky Full (Rs. 71.43)
    Diesel : Tanky Full (Rs. 51.93)
RD PUMP :
    Petrol : Nil (Rs. 81.11)
    Diesel : Nil (Rs. 57.65)


ni 22.10.2013 (thawhlehni)



GRASSROOT COACHING TAN :

    Nimin zing dar 6:30 khan Chhangphut Field ah FIFA Grass Root Football Coaching course 2-na chu Pu C Hualrikhuma President, Champhai District Football Assn chuan a hawng FIFA Grass Root Football Coaching hawnna hun hi Pu Zonunthara Hon’ Vice President chuan a kaihruaia, he hunah hian Pu C Hualrikhuma President CDFA chuan thusawiin, tunlai naupangte vanneih tawh zia a tarlang a, kan hun lai chuan, chhungte hriatloh in, a rukin kan inkhel thin a, in kan thlen te hian inkhel lo ang taka hawn kan duh avangin thiante inah kan inthlak ru thin ati a, tunah chuan, nu leh pate hriatpuina leh tuipuina in kan inkhel tawh a, nu leh pa ten kawng engkimah min phurpui a, kan vannei tawh hle a ni ati. President chuan, training a mi ti tak takte chauh an hlawhtling thin a ni tih sawiin, mizo te ze thalo tak, uang thuanga thil ti thin te an hlawhtling ngailo ani tih tarlang bawkin, naupangte chu football a hmasawn ngei turin a fuih a, President chuan FIFA Grass Root Football Coaching course 2 na chu a hawng a ni He hunah hian Pu NL Thanga Chief Trainer pawhin thu sawiin, FIFA hian naupangte hi a ngaipawimawh em em a, puitlingte anga excercise lak tir leh nasa taka zirtir hi a remtilova, anmahni mil tawk ang leh a enkawl dan dik tak zul zuia inkhelh zirtir hi a tum anih thu a sawi a, chutiang anga an tih ve tur thu a sawi bawk a ni Pu K Lalremsiama Development Officer chuan report pe in mi 70 coaching kal tura ziahluh an nih tawh thu a sawi a, Chhangphut Field a hman theih dawnloh avangin kar 2 danah training na hmun sawn thin a nih tur thu a sawi bawk a ni. Champhai FIFA Grassroot Football coaching ah hian zirchhuak mi 3, Pu NL Thanga, Pu C Lalduhawma leh Tv. Lalfakzuala ten coaching an pe dawn a ni

TRAINING NEI :

    Nimin chawhnu dar 1 khan DC Conference Hall ah Sectoral Magistrate te tan Training buatsaih a ni He hun hi Pu R Vanrengpuia Election Officer chuan a kaihruai a, he hunah hian Champhai DC Pu Lalthangpuia Sailo IAS chuan, kan thawhhona hian thil tha a thlen dawn a ni tih a sawi a, kan kalna apiangah Vote thlak tura zirtirna uar zawka kan pek angai tih sawiin, kumin inthlan ah hian vote zawng zawng atanga 50% tla tura beisei ani a, chumi tihlawhtling thei tur chuan kan tangho tur a ni ati. He hunah hian Pu R Vanrengpuia Election Officer chuan kalkhawmte chungah lawmthu a sawi a, training pawimawh zia tarlang bawkin, ECI hian a taka kan chetchhuah loh tlukin training a kalloh hi a duhlo ani tih sawiin, kim taka an kal thei chu lawmawm a tih thu a sawi a, an thil zirte anihna anga hmang thei tura uluk turin a chah bawk a ni He hunah hian Pu Benjamin Lalzama SDO (Sadar) chuan Sectoral Magistrate te hna thlirna leh an hnathawh dan tur zirtirna a pe a, hei bakah hian Pu Alan Lalthanzara chuan EVM hman dan tur a hnathawh dan zirtirna a pe bawk a ni Tun inthlan ah hian Constituency 5 chhungah Sectoral Magistrate 15 dah an ni a, polling station 10 vel theuh vawng tura ruahman ani a, nimin khan sectoral Magistrate te hi an kalkim hle a ni

PYKKA SPORT HAWNG DAWN :

    Vawiin chawhma dar 10:30 hian PYKKA Sports chu tan a ni dawn Hawnna programme hi Kahrawt field ah Chawhma dar 10:30 ah neih tur a ni anga, he hunah hian Pu Zoengsanga Addl. DC chu khuallian tura beisei niin, he PYKKA sports ah hian Block 4, Khawbung, Khawzawl, Ngoopa leh Champhai Block te an inel dawn a, infiamna chi hrang 10 hmanga neih tur ani anga, tunkar nilai ni hian khar a ni ang. Hetihlai hian Vawiin zing dar 6:30 hian Champhai Block aiawh PYKKA sports a football a tel tur thlanna neih tur a ni a, kum 16 hnuai lam a duh apiang inlan theih a ni anga, Zing dar 6:30 ah Chhangphut Field ah neih tur a ni tih thu kan dawng

DIL-AH TLA HLUM :

    Lalmawizuala Kum 14 s/o Thanghnuna , Pawl 9 zirlai chu a nau kum 10 leh an thenawm naupang kum 9 mi vel nên Inrinni khân Samthang VC te’n IWDP atanga an siam Khawtlang Sangha Dil-ah chêngin Football hmangin tuiah hian an infiam a. Vanduaithlak takin Lalmawizuala hi Dil-ah hian a tla hlum ta a ni. Naupang pahnihte chuan an u Lalmawizuala tuitla hi a bul hnaia Sangha Dil siam Pu Roneihthanga hrilhin ani ho hian khawtlang an pun nghal a. Lalmawizuala hi a thlâkna dilah hian a lo boral hman tawh a ni. Lalmawizuala ruang hi nimin khân Samthang thlanmualah vui liam a ni. Pu Roneihthanga hi kum upa Lam a nih avangin, tuitla hi chhar mai thei dinhmunah a ding lova, khawchhung a zuk phone nghal a. Tichuan chhanchhuah hna an thawk nghal niin Pu Rammawia, Samthang VC member chuan a sawi. Lalmawizuala hi unau 4 niin a naupang ber dawttu a ni a. An nau pangber leh an thenawm naupang chu Dilah hian a chênpui a ni. 



RIDERS’ MEET :

    5th North East Riders’ Meet, Kanghlai Tlanga neih tura inbuatsaihna chuan a vawrtawp a thleng chho tan ta. Helai hmunah hian Mizo in sak niin, Mizo thei ang bera thlen tum a ni a, India ram hmun hrang hrang atangin mi 200 vel rawn tel tura beisei a ni. He meet-ah hian Rider ho hi sum sengin an rawn in register a, in register ve lo te chu a huam lo a. Mipui nawlpui huapa tih theih a nih loh avangin he Riders’ Meet thlengtu Aizawl Thunder hruaitute chuan mipui hriatthiamna an ngen.
 

TUIALHTHEI DINHMUN :

MIZOFED :
    Petrol : Tanky Full (Rs. 71.43)
    Diesel : Tanky Full (Rs. 51.93)
RD PUMP :
    Petrol : Nil (Rs. 81.11)
    Diesel : Nil (Rs. 57.65)
 


ni 21.10.2013 (thawhtanni)



CENTENARY LAWM TIAK FEL TA :

    Presbyterian Kohhran Ruantlang chuan kum 100 an tlin lawmna Programme chu kar kalta Tawhtanni atanga tanin nizan thleng khan ruai nen ropui takin an hmang.
    Centenary lawmna hun hi chhunah leh zanah neih thina a ni a, Kohhran Hmeichhia, Pavalai leh KTP ten anmahn ipuala hun an hman bakah an Kohhran atanga Missionary a chhuak te pualin hun hman a ni bawk. Zirtawppni leh Inrinni khan Centenary ruai theh a ni. Nimin Chawhma khan Rev. Vanngura`n thu sawiin Chanuah Lalpa zanriah Sacrament Rev. K. Vanlalhriata`n a buatsaih sak a, kum 100 chhunga Ruantlang Kohhran member thi ta te sunna neih nghal  ani a. Nizan khan Rev. C. Laltharzuala hnen atangin Pathian thuchhah ngaihthlak a ni bawk a, hemi hnu hian Centenary lawmna chu a tiak ta a ni.

TUIPUIAH TLA HLUM :

    Lalengkima (19) s/o Vanlalnghaka Champhai Vengsang chu Inrinni a Tuipuia sangha man tura an kal chu chawhnu dar 2:30 velah Phunchawngli ah chesualin a tlahlum a, a tlak hnu tlai dar 3:30 velah a ruang hi a tlakna liah hian hmuh niin nimin khan a ruang hi vuiliam a ni.

CAMPING NEI DAWN :

    Kahrawt Presbyterian Kohhran chuan Sunod Revival Speaker Tv Lalhruaimawia leh a thiante ‘Kross Fate Team’ ruaiin Chhandamna Camping vawiin atang hian an nei dawn a, Inrinni zan atanga Pathianni zan thleng khan Pre Camping programme hman thin a ni ang.
    Bethel Presbyterian Kohhran chuan Synod Revival Speaker Upa LH Rohmingliana leh a thiante, ‘ Evangelistic Team’ ruaiin Camping an nei dawn bawk a. Inrinni zan atanga Pathianni zan thleng khan Crusade neih a ni anga, Thawhtan atanga Inrinni chhungin Kohhran a rawngbawltu camp, chhawnghnih neih a ni ang a, ni 28.Oct`13 atangin mipui camp neih a ni ang.

COMMUNITY CONTACT PROG. HMANG :

    Zirtawpni khan SSA Mission Champhai Dist hmalakna in Community Contact Programme Kanan M/S ah hman a ni He hun hi Pu Lalhmingmawia CRCC chuan a kaihruai a, Kanan MS, Govt. Jail P/S, Govt PS IV leh Dinthar PS a nu leh pate kohkhawm an ni a, Pu HS.Lalhmangaihzuala, Pu H Lalmuankima leh Pi C Lalhmangaihzami te hnen atangin rualbanlote chungchanga hriattur pawimawh leh inven dan tur bakah SSA Mission in hma a lak dante, rualbanlote chanvo leh enkawl dan te inhrilhhriat a ni a, he hunah ah hian zirlai nu leh pate an kal tha hle

KICK BOXING :

    Tun thla ni 22-25 chhung hian Mizoram kick Boxing buatsaihin Mizoram Open Kick Boxing Championship SSA Hall Tlangrawt-a neih tur a ni a, heta tel tur te chuan Kick Boxing hruaitute hnenah hming pekluh tur a nih bakah thawhtan zing dar 7 ah Tourist Lodge ah inbuk tur tih thu kan dawng.

FAIBER NIH LAWM :

    Zirtawpni khan Govt. Vengthlang MS chuan kum 2013 a Champhai khawpui chhunga school fai ber an nih an lawm Govt. Vengthlang MS hi kumin faina Hapta ni 2-9 chhunga neihah Champhai Khawpui chhunga school fai berah thlan an ni a,zirtawpni khan a lawmna hun hmangin school ah nilengin intihhlimna hun an hmang a ni. Vengthlang MS hi school fai lawmman pakhatna vawi 4 an lak tawh bakah, Mizoram a school fai intihsiakah Lawmman 2na an lo dawng tawh bawk a, zirtawpni khan kumin chhunga school fai ber an nih lawmin tlaiah ruai an theh nghal a ni

REPORT :

    Karhmasa Hospital Report ilo Champhai District Hospital ah chuan OPD a inentir zawng zawng hi mi 447 niin Dental OPD ah mi 147 an inentir a, Eye OPD ah mi 38 inentirin Ultrasound ti mi 2 an awm bawk a, Damlo Admit 75 awmin, damlo referred 7 an awm bakah damlo boral 2 an awm bawk a ni. Zaipui tawk mi 12 awmin nau nei mi 16 an awm a, JSY hi mi 21 hnenah pek an ni a, ART la mi 40 an awm bawk a ni. Tunkar chhung khan mi 3 hnenah OST Damdawi pek thar an ni a, tunah hian mi 81 in OST an la mek a ni
    AH&Vety Hospital ah chuan Bawng damlo 44 enkawl a ni a, vawk 23, Ui 25 leh Ar 432 entir an ni bawk a, Vawk chhul lak 6 an awm a, zawhte chhul lak 1 awm bawkin Ui a hri danna hi ui 6 hnenah pek a ni bawk.

TUIALHTHEI DINHMUN :

MIZOFED :
    Petrol : Tanky Full (Rs. 71.43)
    Diesel : Tanky Full (Rs. 51.93)
RD PUMP :
    Petrol : Nil (Rs. 81.11)
    Diesel : Nil (Rs. 57.65)
 


ni 18.10.2013 (zirtawpni) :



TANPUINA CONCERT :

    TUnhnaia New Saron leh Kanan Venga leimin/leikhi tuarte tanpui nan zanin dar 7 hian Awmpuipheiah Champhai a tlawmngai pawl hrang hrangte buatsaihin Open Air Concert neih a ni dawn a, he hunah hian liveband bakah Champhai District a zaithiam hrang hrangten mipui an awi dawn a ni. Leimin/leikhi tuarte tanpui nan hian vawiin thlengin Champhai thalai rualte chuan Concert Coupon an la zuar dawn a, tlawmnaia lo lei zel turin mipui ngen kan ni a. Concert ah pawh hian mi thahnemngaiten tanpuina an la pek zel theih nan bawm hun a nih mai bakah SMS hmangin tanpuina hi a pek theih dawn a ni.

VIGILANCE & MONITORING COMMITTEE THUKHAWM :

    Nimin chawhma dar 10 khan DC Conference Hall-ah Champhai District Vigilance & Monitoring Committee on Rural development chu an chairman Pu CL Ruala, MP Lok Sabha hovin an thukhawm. He hunah hian Pu CL Ruala chuan thu sawiin, kan hnathawh hrang hrangte hi committee in enchianna kan neih bakah hian National Level Monitor in min endik ve bawk a. Hei vang hian kan hnathawhte uluk lehzual a tul a, central lam atanga inkaihhruaina tur an duan chu a theih chin chinah zawm hram hram a tul thu tarlangin, Mahatma Gandhi NREGA bikah phei chuan Central sorkar hian demand oriented a ngai pawimawh hle a, hemi hmanga inhlawhna hi kalpui theih ni ve tawh se, sum senna pawh hi tun ai hi chuan a ziaawm thei deuh dawn a ni, a ti a, tun tuma an thukhawm hi kumin leh inthlan hmaa thutkhawm hnuhnung ber a nih thu a sawilang tel bawk a ni. Niminah hian DRDA khawih zingah MGNREGA, IAY, IWDP, IWMP a hmalakna te thlirho a ni a. MGNREGA ah hian Champhai District ah job card 27720 a awm a. October thla thleng khan ni 42 inhlawhna tihchhuah tawh a ni a, cheng nuai 2046.443 hman chhuah tawh niin sum la bang hmang hian ni 55 chu tlin theih beisei a nih thu tarlan a ni a, tunah hian report buatsaihin 2nd installment dil mek a ni a, kumin hian ni 100 inhlawh tlin ngei beisei a nih thu tarlan a ni bawk a. MGNREGA atan hian Central atangin cheng nuai 2592.709 dawn a ni tawh a ni IAY ah chuan kuminah in sakna Rs.48500 ni thin chu Rs.75000 a tihpun a ni a, Champhai district chhungah in sakna tur hi mi 182 pek chhuah a ni a, permanent waiting list chu her rem ngai a awm chuan ennawn nise an ti bawk. IWDP chu an inkhar fel mek a, IWMP ah erawh serthlum, kiwi leh grape chin a theih anga uar nise an tih bakah hmalakna te an thlirho bawk. Nimin hian Champhai District chhunga Rural development hnuaia hmalakna hrang hrang PMGSY, RWSP, NBA, NSAP leh RGGVY te pawh thlirho a ni bawk. Vigilance & Monitoring Committee hi Aizawl leh Serchhipah te neih leh a ni dawn a ni.

YMA KHAWMPUIAH :

    YMA General Conference, Khawbunga neih zawh takah nimin khan kum 2015 thlenga hruaitu tur an thlang. Central YMA hruaitu atan hian President ah Lalbiakzuala, Vice President ah Vanlalrema Rokhum, General Secy ah Vanlalruata, Asst. Secy ah Lalhmachhuana, Trea ah J.Lalsailova leh Fin Secy ah Lalrochhuanga te an thlang a. Niminpiah khan palai rorel lo neih tawh bawk a ni a, he hunah hian YMA khawih leh sorkar khawih agenda lutte chu pawm an ni hlawm a. Lunglei leh Lengpui inkar kawng siamthatna erawh chu a thu tihdanglam a nih hnuah pawm a ni thung. Rorel palaite chuan YMA kumpuan atan Ram leh hnam humhalh tih chu hman zui leh turin an tithlu a, nizan khan Central YMA asst. secy chuan sawizauna neiin chhunglam leh pawm lam atanga Mizo dotu te laka ram leh hnam humhalh a tulzia a sawi a ni. Nakum YMA General Conference chu Ratu in an thleng dawn bawk. Khawmpui hi zanin hian a tiak dawn a, vantlang inkhawm neih tur niin mikhual thlahna hun hman a ni ang. Hriat theih chinah Khawbungah hian khawmpui hmanga riaklut mi 6070 an awm a, khaw thenawmte nena belhkhawm chuan mi 6186 niin nimina conference chhimtu zawng zawng chu mi 7193 an ni a, lang a kal mi 1007 vel an awm a ni.

NTUM IN THLANG DAWN :

    National Trade Union Of Mizoram (NTUM) Dist. Hqrs Champhai chuan November ni 1 hian kum 2014 chhunga Dist Hqrs Hruaitu tur an thlang dawn a, Dept hrang hranga Nomination file duhte chuan Oct ni 28 ral hma ngeiin Headquarter hruaitute hnenah ziaka thehluh tur niin thu kan dawng

TUIALHTHEI DINHMUN :

MIZOFED :
    Petrol : Tanky Full (Rs. 71.43)
    Diesel : Tanky Full (Rs. 51.93)
RD PUMP :
    Petrol : Nil (Rs. 81.11)
    Diesel : Free Sale (Rs. 57.65)


ni 17.10.2013 (ningani)



VENGTHLANG KTP FEH CHHUAK :

    Nimin khan Vengthlang Branch KTP chuan an Branch Project Vapar Biak In sak tanpui turin an feh chhuak ta. Vengthlang Branch KTP hian Vapar Biak In tukverh thenkhat, Darthlalang, rawng leh an Biak In chhuat te siam sakin. Nimin khan hnatlang zawng zawngte tan zanriah an buatsaih nghal a ni.

CENTENARY LAWM :

    Ruantlang Presbyterian Kohhran chuan an Kohhran kum za an tlin, Centenary chu an lawm chhunzawm zel. Tarlan tawh angin Centenary hi tunkar chhung an lawm dawn a, Kohhran pum huapin nihnih chhung lawmna prog. siamin ruai an theh dawn bawk.

BIAK IN HAWNG DAWN :

    Tun thla ni 19, tunkar Inrinni khian Khawbungah Baptist Biak In thar hawn a ni dawn a, Rev. KV Thanga, Worship & Music Director in Biak In hi a hawng ang.

TUIALHTHEI DINHMUN :

MIZOFED :
    Petrol : DCSO Permit (Rs. 71.43)
    Diesel : DCSO Permit (Rs. 51.93)
RD PUMP :
    Petrol : Nil (Rs. 81.11)
    Diesel : Free Sale (Rs. 57.65)


ni 15.10.2013 (thawhlehni)



CHAMPHAI TAN DIL DAWN :

    Champhai Thalai Pawl leh Champahi NGO Coordination committee te chuan work schedule a champhai district maintanance fund pe tam turin tunah hian PWD E-in-C hnenah lehkha an thehlut dawn a, nimin khan lehkha hi NGO secy chuan Aizawl lam a panpui a ni. Hetihlai hian leimin tuarte tana charity concert buatsaih turah coupon chu Rs 100 aia tlawm lova zawrh chhuah mek a ni a, Champhai mipui ten tlawmngaia lo leisak turin NGO Coordination Committee te chuan an ngen a ni.

ZNP IN OFFICE HAWNG :

    Nimin chawhnu dar 1 khan Zoram Nationalist Party chuan an Party Campaign Office an hawng ZNP hian Pu Thanrawia Building Dawr Veng ah Paty Campaign Office hi hawngin nimin khan ZNP MLA candidate Pu C Lalremliana chuan a hawng a, hawnna inkhawm hi Pu Lalbiakchhunga ZNP Champhai North Block President chuan kaihruaiin, Pu Kalkhama ZNP Gen Hqrs Executive Commt Member chuan hunserh a hmanga, he hunah hian Party Weekly Bulettin Zoram Ni Eng tih chu tlangzarh a ni bawk. Bulettin tlangzarhna ah hian Pu PB Hrangthana Editor chuan report pe in, he bulettin hi mimal thahnemngaihna hmanga siam anih thu a tarlang a, Ram siamthatna tur atana hman a nih theihna atana siam a nih thu a tarlang bawk. He hunah hian Pu BCH-a chuan, bulettin chung chang sawi bawkin, Champhai a chanchinbu kan neihte hi Party awn lam nei an ni deuh vek a, duh angin kan party thu leh hla kan tichhuak ngamlo a, chutiang kara kan thu leh hla awmna tur leh thil pawimawh kan inhrilhriatna tur buletin tha leh changtlung tak kan siam thei chu lawmawm a tih thu a sawi bawk. He hunah hian MLA Candidate Pu C Lalremliana chuan thu a sawi a, Campaign Office tha tak kan hawng thei chu a lawmawm a ni ti a, hetianga mi inphal kan nei hi kan vannei takzet a ni tih sawiin, tangkai leh tha taka hman zui zel nise a duh thu a tarlang bawk ani Pu Marema chuan, thil reng reng hi a lan anga en tur a ni lo tih asawi a, party a kan lut duh anih chuan, party alian emaw a te emaw ah buai lo ila, zoram siamthatna tura tha nia kan hriat apiangah luh mai tur a ni tih sawiin, thil lian ti te theitu leh thil te siam lian thei thu chu Pathian a ni tih a sawi. Pu Marema chuan, nimin a party hmangaihtu leh zoram siamthat duhtu kal khawm te chu an fakawm a ni tih a sawi a, party dang chu nise motor hrnag hrang nen, a chhunga thu te pawh hmel fai leh tha tak tak an ni ang ati a, chutih kara nimin a lokal khwamte hi chu zoram hmangaihtu diktak leh kan thil tuma chiang tak, kut hnathawktu lokal khawmte kan ni a, heti chung hian kan tangrual tlat tur a ni a ti bawk a ni, Pu Marema chuan, Politics a luh dan sawiin, a bul pui berah chuan, sawmtu an awm vang a ni ati a, NGO hrang hrang leh YMA aiawha kan kalkual velna ah hian siamthat ngai leh tih chakawm tak tak ka tawng thin a, chutiang ka ngaihtuah hnua hetianga siamthatna hna thawk tura sawmtu ka hmu hi Politics a ka zuanluh chhan pakhat a ni ati. Mi tam tak thinlungah Kohhran Upa ni si Politics a zuanluh tih te zawhna a awm thin chu sawifiah in, Politics hi Pathian rawngbawlna tha tak a ni a, tunlaia kan politics hi chu rawngbawltute zuanluhna tlakloh anga miin an ngai chu pawi atih thu sawiin, politics awmzia a sawi a, ram inawpna leh ram thatna ngaituahtu, mihring thil nilo, politics a inhman pawh Pathian rawngbawlna, a khel tute leh mipuia innghat tlat a ni ati a, Politics awmzia leh a nihna tak hreloa kan zuanluh thin avangin kan buaiphah a ni ati. Pu Marema chuan, an Manifesto, Immediate Economics Package chungchang sawiin, Pathian thu nena inmil tak a ni ati a, kan tihtur kan sawi anga, kan sawi angin kan ti ang, chu chu ZNP zia a ni ati. Party Manifesto kan kalpui hunah chuan a taima apiang an hlawhtling anga, kut hnathawkten chawlhhahdamna an hmu ang ati bawk a ni. Nimin Party Campaign Office hawnna ah hian a duh apiangte tan thusawina hun hman a nih bakah tawngtairualna hun hman a ni bawk

GAS HARSA :

    Tunhnaia gas rawn thlen that loh avangin Champhaiah gas a harsa hle a, nimin khan gas trip khat a rawn thleng. Champhaia gas lak tur a awm loh avang hian meihawl hmanga rawngbawl an tam tawh hle a, a bikin restaurant te chuan harsatna an tawk nasa hle a ni. Gas hi Aizawl atangin trip hnih nimin khan rawn phurh a ni a, trip khat hi Saituala sem tura tih niin trip khat hi Champhaia sem chhuah tur a ni thung.

YMA GENERAL CONFERENCE CHUNGCHANG :

    Nimin zing khan YMA Khawmpui Lian Organising Comt, Khawbung leh Zawlsei NGO hruaitute chu Zawlsei YMA runah mikhual thlen dan tur leh Zawlsei khelmual chu Bus dahna hman danturte an sawiho bawk a ni. Zawlsei khawtlang chuan engkimah an khawtlang chu che chhuak tura an inhuam thu sawiin Khawmpui Organising pawh an hlawm hle a ni. Nimin chhun dar 1:30 pm khan Oct 15-17 chhunga YMA Khawmpui Lian Pandal Hlanna inkhawm Tuipuiral Run-ah neih a ni a, Pandal hlanna inkhawm hi Pu B Vanlallawma VCP chuan kaihruaiin Capt. Lalrinchhana’n hlanna hunserh a hmang a. Pandal hi mipuiin tawngtairualin Pathian hnenah an hlan a ni. Capt Lalrinchhana chuan tluang taka intihliam leh ilo awm lova Pandal sak zawk a nih avanga lawmthu sawi turin tawngtai thupui a thawh a. Khawmpui Palaite’n Pathian duhdan ang taka Pandal an hman theih nân te, Pathian hming tichhe zawng leh a duh loh zawnga Palai awm lo tura Pathian awmpuina te dil turin mipui a sawm a ni. He Pandal hlanna hunah hian Khawmpui Souvenir “Zawlbûk Tual” chu Pu Lallawmawma BDO chuan tlangzarhin YMA Khawmpui Lian Souvenir-a thuziak hrang hrangte chu chhiar manhla tak a nih a rin thu leh, thuziaktute zinga YMA kalsiamtute zinga pakhat Pi Vanramchhuangi thuziak a awm chuan Souvenir buatsaihtute’n rilru an pu zau hle niin a hria a, Zofate inpumkhatna atana lehkhabu rotling a nih a rin thu a sawi bawk. Bialtu MLA boral ta B.Lalthlengliana nupui Pi Pari chuan an pa Pu B.Lalthlengliana nghilhlohna atan Pandal Dawhsan (Stage) chu pangpar mawi taka chei turin nimin khan Tuipuirâl Run a thleng a. Pandal hlanna inkhawm neih zawh hian an Pandal dawhsan (stage) hi an chei nghal a ni. Khawpui tur hian Nimin khan Palai engemaw zât chuan Khawbung an thleng tawh a, hriat theih chinah -Tuikual South 55, Chhinga Veng 61, Khatla South 25 leh mimal anga thleng tawh engemaw zat an awm bawk a. A then chu Farkawn leh Vaphai lam hmunpawimawh tlawha kal tlang a, vawiin lama Khawbunga let leh turte an ni bawk a ni. Nimin nia Khawmpuina hmun thleng tawh hi mi 200 nia hriat a ni. YMA General Conference hi CCN chuan live in a pe chhuak dawn a ni.

CHAMPHAI-AH HOSPITAL THAR SYNOD AH DIL TUM :

    Presbyterian Kohhran ten hmun hrang hrangah Presbytery an hman mek chu Pathiani zan khan a tiak fel ta.
    Champhai North Presbtery chu Tlangsam Kohhran Biak Inah hman a ni a, Inrinni khan rorel neih niin ATC ah BD zirlai Admin & Personal Management telh ni se tih te, Champhaiah hian Synod in Synod Hospital dah rawh sem tih te chu Synod a kaltlang tura tih a ni a. Champhai North Presbytery ah hian Upa nemngheh 2 awmin Upa thlan dil hi Kohhran 4 an awm thun. Nakum Moderator atan Rev. Vanlalhrita, Hnahlan chu thlan a ni. Champhai North Presbyteryhi nakumah chuan Ngur Kohhran in a thleng dawn a ni.
    Champhai South Presbytery chuan Vengsang Kohhran biak Inah Presbytery hi an hmang a, Inrinni a rorel inkhawmah Kohhran hrang hranga thu lut ngaihtuah niin Synod a kaltlang tur erawh an nei lem lo thung. Nakum Presbytery chu Ruantlang Kohhranah nghah a ni a. Elected Moderator chu Rev. K. Vanlalhriata, Ruantlang a ni ang.
    Tuipuiral Presbytery chu Samthang Kohhran Biak inah neih a ni a, Inrinni rorel zingah Champhai District chhunga Synod Hospital  dah ni rawh se tih Khuangleng Kohhran atanga lut te, kalsual pawlin Mizoram Economic a nghawng dan zirhian ni rawh se tih leh Synod inkhawmpui puipate agenda a rel tawh kum 3 ralhma chuan an lut nawn thei tawh lo ang a, hei hi tihchhin ni rawh se tih te chu Synod a kaltlang turin an rel a ni. Nakkum ah Khuangleng South ah neih a ni dawn a. Moderator atan Upa Pazawna, Vanzau a ni ang.

JT VC TEN RAL :

    Champhai Town Area Joint VC ten an member tunhnaia boral Pu C. Vanlalzawma, Electric Veng chu Pathianni khan ralna hun an hmang.

TUIALHTHEI  DINHMUN :

MIZOFED :
    Petrol : Tanky Full (Rs. 71.43)
    Diesel : Tanky Full (Rs. 51.93)
RD PUMP :
    Petrol : Nil (Rs. 81.11)
    Diesel : Free Sale (Rs. 57.65) 


ni 12.10.2013 (inrinni)



CHILDREN SCIENCE CONGRESS HMANG :

    Nimin chawhnu dar 1 khan I&PR Conference Hall ah District Level Children Science Congress 2013 chu Pu Laldingliana DPC SSA Mission Champhai Dist chuan khuallian niin a hawng He hunah hian thusawiin Khuallian Pu Laldingliana DPC SSA Mission Champhai Dist chuan, thil reng reng hi a taka tih hlut zia sawiin, thil har tak ni mah se, tha taka ti chhuak theite fakawm zia a sawi a, zirlai kan nih laia Science Congress a presentation pe thei kan ni ringawt pawh hi thil lawmawm tak a ni ati a, inbuatsaihnan tha leh zung tam tak sen angaih mai bakah, inbuatsaihna tha angai a, hetiang puitlin thei tura in tha leh zung in seng hi a lawmawm a ni tih a sawi a, tha tak leh hlawhtling taka District Level Children Science Congress 2013 hi hman a nih theihna turin zirlai naupangte hnena duhsakna hlanin he hun hi a hawng ani District Level Children Science Congress 2013 ah hian School 8 atangin team 11an tel a, Middle section atangin team 2 leh high school atangin team 9 an tel a ni. He intihsiak hi category hnihah then a ni a, High school section ah 1na Bethel Mission School, 2-na Govt. R Hranga High school team-I, leh 3na Goct. R Hranga High School team II te an ni a, Middle Section ah Pakhatna Holy Cross Ms, 2-na Govt. Kanan Middle School niin, a tel zawng zawngte hi consolation prize pek vek an ni.

CONGRESS THALAI INHMUKHAWM :

    MNF party ten dinna tur bial an van niin MPYCC President Nl. C. Lalawmpuii chuan a sawi. He thu hi Nimin chawhma dar 11 a Champhai South Youth Block Congress Conference cum Workers’ Meet a a sawi a nia, He hun khualliana hmanpuitu Congress Thalai (MPYCC) President chuan MNF party-in dinna tur bial an van tih sawiin, “Assembly bial pakhatah mi 2/3 an inluhthuah a, ding tur zawng zawng an tih lawm dawn chuan seat 500 vel a ngai” a ti. Champhai South Youth Block Congress Committee (CSYBCC) President Pu Lalhmuliana kaihhruaiah thusawiin Congress Thalai President Nl. C. Lalawmpuii chuan Pu Zoramthanga’n tun hnaiah Lungleiah kalin MPC nena an thawhho tur thu chanchinthar lakhawmtute hmaah a sawi thu C. Lalawmpuii chuan sawiin, “An thawhho dan tur thu a sawinaah MNF President chuan ‘thawhho thiam hi mi puitling an ni’ tia a sawi kha kan lo thlir reng e, MNF leh MPC hi Zoram mipuite hian mi puitling an nih leh nih loh kan lo en reng a ni,” a ti. MNF hotu lawk tak takte chu mipuiin eirukna avanga paih an nih kha an la hre reng tih sawiin Congress Thalai President chuan, “Congress sawrkarna siam hi Pathian mite tawngtaina rah a ni. MNF hotu lawk tak tak an President atangin eirukna thubuai nei an ni a, hmanni lawka eirukna avanga mipuiin an paih tawhte hi mipui hian an la ngaidam lo a ni,” a ti. MNF thalaite chuan NLUP an huphurh em avangin an sawisel thin tih sawiin C. Lalawmpuii chuan, “NLUP hi chuti vakin MNF thalaite hian lo huphurh tawh suh se, an huphurha an sawisel hian mi harsa leh kuthnathawktute huphurha sawisel an ni tih hi hre turin ka chah nawn,” a ti a. MNF thalai President leh a thuihhruai thenkhatin Kawnpui kawng chhia ena sawrkar an mawhpuh ngawt chu thil zahthlak tak a ni thu sawiin MPYCC President chuan, “MNF lawmna hi a ho hle mai, gas a harsat chang te, electric eng kan dawn tlem changte leh veng mipuiin chhiatna an tawh changte hian an lawm em em a, sawi nuam an ti. Hei hi mipui hmangaihna tel lo politics tenawm a ni. Kawnpui kawngpui pawh hi hmasawnna thlenna tur ruahmanna chak tak kalpui laia khuarel chhiatna a ni a, hengte lehzelah hi chuan lawmin sawrkar sawichhiatna remchangah hmang tawh teh suh se,” a ti bawk. MNF thalai President leh a thuihhruai thenkhatin Kawnpui kawng chhia ena sawrkar an mawhpuh ngawt chu thil zahthlak tak a ni thu sawiin MPYCC President chuan, “MNF lawmna hi a ho hle mai, gas a harsat chang te, electric eng kan dawn tlem changte leh veng mipuiin chhiatna an tawh changte hian an lawm em em a, sawi nuam an ti. Hei hi mipui hmangaihna tel lo politics tenawm a ni. Kawnpui kawngpui pawh hi hmasawnna thlenna tur ruahmanna chak tak kalpui laia khuarel chhiatna a ni a, hengte lehzelah hi chuan lawmin sawrkar sawichhiatna remchangah hmang tawh teh suh se,” a ti bawk. Nimin South Youth Block Congress Conference cum Workers’ Meet ah hian Champhai South huamchhunga party workers te an kal tha hle a, tlaiah chawhlui an kilho nghal bawk a ni.

MLA ELECTION THLIR HO :

    Nimin chawhma dar 10 khan DC Conference Hall ah MLA Election lo awm tur atana Motor hman man MCMC ten an relho He hun Pu Lalthangpuia Sailo IAS, Champhai DC kaihhruaiah hian MLA General Election lo awm tur atana Media Certificate & Monitoring Commt hnuaia peng hrang hrang zinga rate chungchuang rel ho tawh Party hrang hrang aiawh ten a thlirho va, MCMC hian inthlan lo awm tur atan vawi engemawzat meeting alo nei tawh a, chutah chuan, chanchinbu rate, hotel leh restaurant rate, bungraw hrnag hrang hawhna mante, banner, sound system leh pandal bakah thil tul dang hman man chi hrang hrang rel ho tawh a ni a, nimin meeting ah hian party hrang hrang aiawh ten chung rate hrang hrang meeting hmasa lama an lo rel ho tawh zawng zawngte thlir hona an neih pahin motor chi hrang hrang hire na rate an sawiho bawk a, ching an thlirhote chu partu hrang hrang aiawhte nen hian sawiho leh niin Assn hrang hrang rate dinglai ang zul zui ang deuh chuan candidate te expenditure chu committee chuan a chhutsak dawn a ni. He hunah hian Pu Zothanmawia MCS, Election Returning Officer chuan nimin meeting in a rel an chu, party tinte zawm turin a sawm a, mahni thu a ngaihdan lo siam ngawt lovin, thil hrechiang duh leh hriatfiah duh nei chuan committee rawn zel nise a duh thu a sawi a ni

CHAMPUS CAMPIANG NEI :

    Nimin khan Govt. GM HSS ah Campus Campaign on SVEEP neih a ni He hun hi K. Pazawna, Vice Principal, Campus Ambassador ni bawk chuan kaihruaiin, Pu Alan Lalthanzara MCS chuan thu a sawi a, SVEEP hian Vote nei thei tawh, la neilo te zawnchhuah hi a tum ani ati a, India khua leh tui, kum 18 tling chin apiangte chu Electoral Roll-ah inziak lutin, ram hruaitu inthlannaa mahni vote hlu tak thlak theuh turin Election Commission chuan a beisei a. Vote nei zawng zawngin vote an thlak theih nan SVEEP hmangin beihpui thlak chhoh mek a ni a, Mipui rorelna sorkarah sorkar dik leh fel siamtheihna tura kawng tangkai ber chu vote thlak that hi niin hei hi SVEEP thiltum ber pawh a ni ati. He hunah hian SVEEP hnuaia Slogan inziahsiak result puan leh lawmman semna hun hman ani bawk a, Malsawmtluangi Class XII Section A ziah, vote thlak hi khua leh tui tha mawhphurhna ani’ tih chu lawmman pakhatna atana thlan a ni a, hei bakah hian I Vote hlu tak kha ram rorelna hmansa ber ani tih te, Nangmahah he ram hi a innghat tih te, Ram kan hmangaihzia vote hmangin i lantir ang u tih te, Ram leh hnam hmasawnnan vote thlak ve ang che tih leh, I Vote hlu tak hmang khan ram nuam i siam thei a sin’ tih te chu slogan tha zinga thlanchhhuah niin a ziaktute hnenah hian lawmman pawisa fai pek an ni bawk.

TUIALHTHEI  DINHMUN :

MIZOFED :
    Petrol : Tanky Full (Rs. 71.43)
    Diesel : DCSO Permit (Rs. 51.93)
RD PUMP :
    Petrol : Nil (Rs. 81.11)
    Diesel : Free Sale (Rs. 57.65)


ni 11.10.2013 (zirtawpni)



RTI WEEK HAWNNA NEIH A NI :

    Nimin chawhma dar 11:00 khan I & PR Conference Hall CHANEM ah RTI Week hawnna inkhawm pawimawh tak neih a ni. He hunah hian khuallian, week hawngtu Pu Zoengsanga Addl. DC chuan Langtlang sorkar kan neih theihna turin Right to Information Act siam a ni a, he Dana section 4-na ah chuan Department zawng zawngin an hnathawh dan mipuiin an hriat zung zung theihna Website ah an pho lang tur a ni a ti a, hei hi tuai thar (up to date) reng tur a ni a ti bawk. Department hotu kalkhawmte zingah an department Website la siam lo an awm a nih chuan siam nghal turin a ngen a ni. A sawi zelnaah khuallian chuan RTI dan ang chuan miin kan department hmalakna-ah hriat duh an nei a, zawhna an zawt a nih chuan Ni 30 chhunga kan pek ngei a ngai a, kan pe hman lo a nih chuan an hriatthiamna kan dil a tul a ni ti a. Sorkar hnathawkte chu mipui vanga hnathawk, mipui tana rawngbawl kan ni a, rawng kan bawl sak mipuite mamawh hrilhhriat hi kan mawhphurhna a ni a ti bawk. He huna kalkhawmte chu RTI hmang tangkaitu ni turin a sawm nghal bawk. He inkhawm, Pi K.Laldingliani DIPRO Champhai kaihhruaiah hian Pu Zothanmawia Project Director, DRDA, Resource Person chuan Key note address pein, India ram pumah, Jammu & Kashmir tih loh ah chuan he RTI Act hi hman a nih thu te, Kum 2002 June thla ah Parliament in RTI Act pass in October 2005 ah hman tan a niin Mizoramah chuan June 2006 atanga hman a nih thu a sawi a, RTI Act kalphung tlangpui leh a hman tangkai dan turte tarlangin he Dan, Langtlang sorkar siamna tura hmanraw tha tak hi keini Kristian ram nen phei chuan a inmil em em ni a ti a, kan hna theuh fimkhur tak leh uluk taka thawk tur kan ni a ti a. Mizoram chu RTI hmang tangkai tak state a ni tih sawiin, kumin chhungah Mizoram puma he Dan hmanga mipui lam atanga zawhna 4000 chuang zet dawn a nih avang hian mipui lam pawhin RTI Act hriat kawngah kan harhthar tha hle tih a lang a, a lawmawm tak zet a ni a ti. Hemi hnu hian sawihona hun hman a ni a, kalkhawmte atangin RTI chungchanga an tawnhriat hrang hrangte leh chhanna pekchhuah kawnga tha leh dik taka tih a tulzia te sawilan a ni a. Champhai zaithiam Feli Hmar in kalkhawmte zai mawi takin a awi reng a, Kalkhawmte chuan he hun hman hi hlawkthlak an ti hle. Pu C.Hualrikhuma Dy.DPC (RMSA) chuan lawmthu sawiin he week hawnna inkhawm hi khar a ni ta a ni.

PYKKA SPORT VAWIINAH ZO ANG :

    Champhai Block huamchhung PYKKA Sport chu nimin khan Chhangphut Field-ah tan a ni. He PYYKA Sport hawnna hun hi Champhai District Sport Committee Vice President Pu C. Lallianpuia’n a kaihruai a, Pu Zoremthara Ralte BDO Champhai chu khuallian a ni. Khuallian chuan thusawiin PYKKA Sport in a tum ber chu Naupang infiammite an talent haichhuah sak a, eizawnna tlaka chher chhoh sak hi a ni a, chutiang ang chuan tuntuma PYKKA Sport pawh hi kalpui a ni a, he Sport hi Champhai-ah hian tawp tir mai kan tum lova, infiammite hmalam hun thlirpuiin Mizoram mai ni lo, India ram leh khawvel huap thlenga hlawhtlinna an neih theih nana bultan nan hman kan tum a ni, a ti a. BDO chuan Infiammi kalkhawmte chu hlawhtlinna tluantling nei thei turin ruihtheihthil hrang hrang leh zuk leh hmuam a insum nachang hre tura chah in tuntum Sport-ah hian an theihtawp chhuah a lawmman lak tum ngei tur a chah bawk in Champhai Block PYKKA Sport chu a hawng a ni. Kumin a Champhai Block PYKKA Sport-ah hian Champhai Block chhunga VC hrang hrang 13 atangin kum 16 hnuailam infiammi an kalkhawm a, Infiamna hrang hrang Athletics, Table Tennis, Weightlifting, Taekondo leh Boxing-ah te inelna an nei ang a, Intihsiakna hrang hranga Pakhatna te hian District PYKKA SPort-ah Champhai BLOCK ai an awh dawn a ni. He PYKKA Sport hian ni 2 chhung a awh ang a, vawiin khian zawhfel nghal a ni ang.

ZIRTIRTUTE HNENAH TRAINING PE :

    District Institute Of Education & Training DIET Champhai chuan zirtirtute tana buatsaih, Workshop Cum Consultation On Question Setting Technique chu a buatsaih chhunzawm DIET Champhai hian nimin atang khan he training hi tan niin, vawiin thleng awh tura ruahman a ni a, he training ah hian Ngopa Block Huam chhunga M/S 25 atangin ziritrtu mi 50 kohkhawm an ni a, hetiang workshop hi July leh August thla khan Champhai, Khawzawl leh Khawbung Block tan buatsaih tawh niin, tun thla ni 22 atnag hian Primary School zirtirtute tan neih chhunzawm leh a ni anga, ni 22&23 ah Ngopa leh Khawzawl Block tan buatsaih a ni anga, ni 24&25 ah Champhai leh Khawbung Block a primary school zirtritute tan buatsaih leh a ni ang

TUI THIANGHLIM IN TUL ZIA ZIR HO :

    Nimin khan Vengsang YMA Hall ah Communication & Capacity Development Unit, PHE Dept buatsaih, Grassroot Level Training On Water Quality Monitoring & Surveillance programme chu neih a ni He hun hi Chawhma dar 11 atanga tan niin, Pu Lalnunfela AE Champhai WATSON Circle chuan, training hman hma a hawnna hun hman hi a kaihruai a, Chairman chuan, kan tuikhur hi hmun hniam lama awm a nih avangin bal tinreng luankhawm nan a remchang bik a, kan tui tlante hi nitin leh kartin test theilo mah ila, thla tin kan test tur a ni ati a, natna hrang hrang thlen theitu anih avangin uluk taka kan thil zirte vawng turin a chah a, hlawh engmah neilo mah ila, tlawmngaihna nena tui thianghlim kan neih theihna tura hmala zel turin a fuih a ni. Chairman chuan tuihna humhalh a ngaih zia thu tarlangin, ramngaw kan tihchereu zel hian kan tuihna te a lo kiam a, Pathian hian thil zawng zawng hi inzawm vekin a siam a, Ramngaw leh tui te pawh hian inzawmna thuk tak an neih avangin tuihna siamtu ramngaw te hi kan humhalh lehzual tur a ni ati. He hunah hian Pu Lalduhchhunga Chemist Champhai District Laboratory PHE Dept. pawhin thu sawiin, tun hma leh thunhnu danglam tawh zia a sawia, tun hma chuan tui a fim chuan tui thianghlim ah kan ngai a, tui fimlo chu tui thianghlimlo ah kan ngai mai thin a, hei hi a pawi em em a, tui fim nazawng hi a thianghlimlova, kan hmuh theihloh hian natna tam tak thlen thei bacteria te an awm a, tui thianghlim kan neih theihna tur kawng ngaihtuah hi mitinten kan tihmakmawh a ni ati a, PHE Dept kuta dah ngawt hi a tawklo va, mipuite pawhin Dept kan tanpui tur ani ati. Pu Lalduhchhunga chuan, Tui a natna awm ten mihring taksa a harsatna a thlen tam zia sawiin, Champhai Dist Hospital ah kum 2008 khan ril lam natna nei 268 hmuhchhhuah a ni a, kum 2012 ah chuan mi 278 an lo ni tawh a, Ril lam natna mai bakah hian Hepatitis A pawh hi tuia natna awmin a thlen theih te zing ami ani tih sawi bawkin, kum 2011 khan mi 4 hmuhchhuah an nih thu a sawi bawk ani. Nimin training ah hian Water Quality Monitoring & Surveillance Programme tih thupui hmangin Pu C Kamkhanliana Bacterologist chuan zirtirna a pek bakah, Formation & Functioning of VWSC tih thupui hmangin Pu Lalduhchhunga’n zirtirna pe bawkin, chawhnu lam khan Tuikhur ah Practical class neih a ni bawk He hunah hian khaw hrang hrang atangin, YMA, VC leh VWSC aiawhte an kal tha hle a ni

ZU FUN 600 MAN :

    Champhai Excise & Narcotics Dept chuan tukin zing dar 1:30 vel kah Tiau kawng ah Zu BEDC fun 600 an man Champahi Excise & Narcotics Dept te hian an report dawn bawhzuiin tukin zing kar khan tiau kawngah an lo chang a, dar 1:30 vel khan burma zu fun 600, bag 12 a thun, litre 550 chu an man ta a ni. Heng zu te hi Sumo MZO4-5754 hmanga rawn phurh niin, Zu hi Lalrinmawia kum 30, Lianvela fapa Vengthar ta a ni a, Khawbung lama phurh tur niin a sawi. Ani bakah hian Driver Lalremruata kum 32, Zalura (L) fapa, New Champhai pawh man nghal niin, nimin khan court ah hruai an ni a, District Jail ah dahluh nghal an ni Champhai Excise & Narcotics Dept te hian tunlai hian tan an la hle a, thawktu an tlem hle chung pawhin tun hnai khan zu leh damdawi thahnem tak an man tawh a ni

 TUIALHTHEI  DINHMUN :

MIZOFED :
    Petrol : Tanky Full (Rs. 71.43)
    Diesel : DCSO Permit (Rs. 51.93)
RD PUMP :
    Petrol : Free Sale (Rs. 81.11)
    Diesel : Khawlchhia (Rs. 57.65)
 

 DOCTOR DUTY TURTE :

    Dr. Lalbiaktluangi (Eye) - OPD
    Dr. Thangsailova Colney (Dental) - OPD
    Dr. C. Vanlalhlua (Surgeon) - OPD
    Dr. Lalthanglawta - OPD
    Dr. Zodinthara - OPD
    Dr. J. Lalramchhuanga (Med) - Ward
    Dr. F. Lalnundanga - OT
    Dr. B. Lalduhawma (Gynae) - OT
    Dr. KT Lalrammawia (Ayush) - OPD
    Dr. Liansangpuii (Ayush) - OPD  


ni 10.10.2013 (ningani)



CHAMPHAI COLLEGE-AH SVEEP CAMPAIGN :

    Nimin chawhnu khan Govt. Champhai College ah Campus Campaign on SVEEP neih a ni.
    He hun hi Lalnunmawia, Principal Govt. Champhai College chuan kaihruaiin, Alan lalthanzara, MCS chuan thu a sawi a, SVEEP hian vote nei thei tawh, la neilo te zawhchhuah hi a tum a ni a, a ti a. India khua leh tui kum 18 thling chin apiangte chu Electoral Roll ah inziak lutin ram hruaitu inthlanna a mahni vote hlu tak thlak theuh turin Election Commission chuan a beisei a. Vote nei zawng zawngin vote an thlak theih nan SVEEP hmangin beihpui thlak chhoh mek a ni a, mipui rorelna sawrkarah dik leh fel siam theihna tura kawng tangkai ber chu Vote thlak that hi niin ei hi SVEEP thiltum ber pawh a ni tih a tarlang bawk.
    He hunah hian Rochhuangkimi Khenglawt pawhin thu sawiin E/Roll a awm pawimawhna leh inziahluh dante a sawi bawk.

PYKKA SPORT :

    Vawiin leh naktuk hian Champhai RD Block huam chhunga kum 16 hnuai lamte tan Chhangphut Field ah PYKKA Sport neih a ni dawn.

TRAINING NEI :

    Champhai DIET ah nimin atanga naktuk thleng hian NGOPA Block huam chhunga Primary School 25 atanga zirtirtu mi 50 te chuan zawhna siam dan chungchang training an nei.

DC LO HAW ANG :

    MLA inthlan neih tur chungchanga meeting pawimawha kal Champhai DC Lalthangpuia Sailo chu vawiin hian Champhai lamah lokir leh tawh tura beisei a ni.

KUT HLEI :

    Tunlai hian PWD chuan Hmunhmeltha kawng siam tha in hna an thawk mek a, hetih lai hian an hnathawhna atana an hman JCB chu a that loh avangin kawngsirah dah a ni a, misual tutih hriatloh ten JCB Wiring an lo tan sak thin tih hriat a ni a, vawi khat mai ni lovin, tum hnih lai an l okhawih tawh tih hmuhchhuah a ni a, hetiang thil titu hi tunlai hian ngawrh taka zawn mek niin thu kan dawng.

CANDIDATE SENSO ENFIAH DAN SAWIHO :

    Nimin chawhnu khan Champhai DC Conference hall ah MLA General Election 2013 lo awm tura Candidate te sum hmandan endik kawngah MCMC hmalakna tur kawng thenkhatte Zothanmawia, ERO hoin sawihona hun an hmang.

TUIALHTHEI  DINHMUN :

MIZOFED :
    Petrol : Tanky Full (Rs. 71.43)
    Diesel : DCSO Permit (Rs. 51.93)
RD PUMP :
    Petrol : Free Sale (Rs. 81.11)
    Diesel : Khawlchhia (Rs. 57.65)
 

 DOCTOR DUTY TURTE :

    Dr. Lalbiaktluangi (Eye) - OPD
    Dr. Thangsailova Colney (Dental) - OPD
    Dr. C. Vanlalhlua (Surgeon) - OPD
    Dr. Lalthanglawta - OPD
    Dr. Zodinthara - OPD
    Dr. J. Lalramchhuanga (Med) - Ward
    Dr. F. Lalnundanga - OT
    Dr. B. Lalduhawma (Gynae) - OPD
    Dr. KT Lalrammawia (Ayush) - OPD
    Dr. Liansangpuii (Ayush) - OPD 


ni 9.10.2013 (nilaini)

FAINA HAPTA KHAR :

    Nimin chawhnu khan Champhai I & PR Auditorium-ah Faina Hapta kharna neih a ni a, Govt. Champhai College Principal Pu Lalnunmawia chu khuallian niin, Kahrawt Bialtu Pastor Rev. Rammawipuia’n hunserh a hmang. Champhai Joint VC Chairman Pu K. Lalmawia kaihhruaiah hian khuallian Pu Lalnunmawia chuan Faina Hapta hi khar ni mahse, Faina beihpui hi chu kumtluanin kalpui a ni dawn a, thianghlimna hi ringtu nunah bet tlat anih vangin kan rilru, taksa leh silhfen bakah nitin khawsak phung pawh a thianghlim tur a ni, Pu Lalnunmawia chuan, Thil reng reng hi a awmna hmun tur nilova a awm chuan a bawlhhlawh a ni tih a sawi a, kan thil eina kawr leh kan bawlhhlawh reng reng a paihna hmun tur diktakah kan paih tur a ni ati a, Champhai hi Mizoram hmel lanna pakhat kan ni a, Mizoram mipuite hian khua an tlawh chak ber chu Aizawl bakah Champhai a ni tih sawiin, mi tlawh tlaka fai tur leh Mizoram hmel tilangtute zing ami kan nih hrerengin faina i vawngnung zel ang u ati. Khuallian chuan, nimin hian Faina Hapta kan khar a, he kharna hun hi bultanna chauhah ngai tur leh faina lama theihtawpchhuah a tanla zel turin a fuih bawk ani.a ti. Faina Hapta denchhen a Champhai khawpui chhung School fai District MJA ten an endikah pakhatna Govt. Vengthlang Middle School, pahnihna Govt. Kanan Middle School leh pathumna Govt. Zote Middle School a ni a, Sub-Hqrs. YMA Champhai in khawpui chhung Veng fai a endikah pakhatna Champhai Vengthlang North, pahnihna Kahrawt Veng leh pathumna Champhai Dinthar Veng te an ni. Champhai District Sub-Hqrs. YMA ten Veng fai an endik dan tarlanna neiin, Pu PC Zohlira President chuan thu a sawi a, kum danga aia an uluk bik thu an sawi a, faina lama hma kan sawn chu lawmawm an tih thu tarlang bawkin, abikin, Champhai khaw kawtchhuah te hian faina tun ai nasa zawkin vawngnung se a duh thu a sawi bawk ani He hunah hian Champhai UD & PA Inspector of Sanitation Pu B. Zahmingliana’n Faina Hapta chungchang a hmalak dan sawifiahna a nei bawk. School leh Veng fai lawmman hi khuallian in semin, Champhai DUDO Pu Lalengmawia Pakhuangte in lawmthu sawina a neih hnuah Faina Hapta kharna hun hman chu tihtawp a ni.

ELECTION EXPENDITURE SENSO CHUNGCHANG SAWI :

    Nimin chawhma dar 10:00 khan Champhai DC Conference Hall-ah Election Expenditure chungchang ngaihtuah a niin, he hun hi ERO Pu Zothanmawia’n a kaihhruai. He thutkhawmah htan Political party hrang hrang aiawhte telin, inthlanpuikanneihah Candidate te sum hman dan lo enfiah dantu leh dan in a phal chin a Candidate te sum hman theihna kawng hrang hrangte thlirhona neih a ni. Candidate tin ten Election Campaign- a an sum hman theih dan tur hrang hrang, Pandal, Stage, Gate, Flag, PA set, Hall hiring leh thutthleng leh hmanraw dang hmanna man chungchang bithiiah dan tur sawiho a nih bakah lirthei hman man advertisement rate chungchang zau taka sawiho a ni a, senso hrang hrang bithliah dan ah political party leh senso-na tur kaihhnawih pawl hrang hrangte remtihpuina rate zulzuiin Champhai DC leh DEO Pu Lalthangpuia Sailo hovin sawiho a, pawmpui tura tih a ni. Nimin a Candidate~te sum senna tor hrang hrang tarlante hi,:Candidate tinte Bank Account Rs. 8, 00,000.00 atanga rulh tur a ni anga, felfai tak an senso te chhinchhiah a ni dawn a ni.

AGRICULTURE HMALAKNA TIHCHANG TLUN TUM :

    Nimin khan Champhai I & PR Conference Hall-ah NABARD leh National Institute of Agriculture Marketing (NIAM), Ministry of Agriculture, Government of India bul tumin Agriculture hmalakna tih chak leh changtlung zawka kalpui dan tur ngaihtuahin, Champhai a Agriculture and Allied Sector Department hotute hemi kawnga hmalak dan tur ngaihtuahin an thukhawm a, he awarness meetingah hian Champhai IPRO Pi K. Laldingliani chu khuallian a ni. Kum 10 lo kal leh tura sorkar laipuiin Agriculture tih changtlunna tura Rs 11,172 crores a ruahmanah State leh UT ten awmze nei zawk leh hlawk zawka thlai thar chhuah anih theihna tura kal dan phung tha zawk leh changkang zawk a kalpui anih dan tur in zirtirna leh sawihona-ah hian Mizoram NABARD Manager Dr. Apurna Kolte chuan Power Point Presentation hmangin thlai sawngbawl dan turte, thlai thar chhuah dehralna tur leh harsatna hrang hrang awmthei tur sutkian dan turte hrilhfiahna a nei a, India rama bul bal thar chhuah dan leh hemi kawnga hmalak a nih dan pawh thlirletna neih zui nghal a ni. Hlawk leh zuala thlai thar chhuah anih theihna turin mimal loneitute bakah Private Sector leh Co-operative Sector te kutke tih chak anih theih nan dan leh dun siam leh duan that ngaite tarlangin sawihona neih nghal a ni bawk. Agriculture and Allied Sector-ah
hian Agriculture, Sericulture, Horticulture, AH & Vety, Industry leh Soil & Water Conservation Department hotute leh NABARD leh NUAM atangin mithiamte an kalkhawm a ni.

SCIENCE & ENVIRONMENT SUB-COMT THUKHAWM :

    Nimin chawhma dar 11 khan Sub Hqrs YMA hnuaia Science & Environment Sub Commt hmalakna in Kahrawt YMA Hall ah Workshop neih a ni He hun hi Pu C Laldingliana Sub Commt Vice Chairman chuan kaihruaiin, PU PC Zohlira Sub Hqrs YMA President chuan, kalkhawmte chu nimina an thil zirte uluk lehzual tur leh a taka hmang thei ngei turin a chah a, hmun hla tak tak atanga hetiang hun ngaipawimawha an lokal chu lawmawm a tih thu tarlangin, hlawk taka he hun hi hmang turin a fuih a ni. He hunah hian Pu Vanlalchuailova DFO CHamphaiin Global Warming- Climate Change tih thupui hmanga paper a buatsaih chu zirho a ni bawk a, Pu Vanlalchuailova chuan, Boruak tilumtu chu Ram kang atanga meikhu chhuakte, thilsiamna atanga meikhu bawlhhlawh chhuakte, thlawhtheihna leh lei lama lirthei khute bakah lei leh van sanga thil dang kanga atangain boruak lumna nasa tak a lo awm a ni ati a, boruak lum hian nghawng nasa tak a neih theih thu tarlangin heng zingah hian Hmar tawpa vur tlang alo tui hi mihringte tana thil pawi tak anih thu tarlangin, hei hian hmun tam takah tuilian a thlen theih thu a tarlang bawk ani. Boruak lum hian rannung tam tak a tihhlum bakah, vur tlang alo tui avanga tuilian avangin mipui tam tak leh ram tam tak kan la buai dawn a ni tih tarlang bawkin, Mizote pawh tlangrama awm ni mah ila, phai ram tuiin a chim hunah hunah chuan kan chaak lakna ber aping anga, kan la buai dawn a ni ati, Hei bakah hian Global warming laka kan inven theihna leh kan tihtur tam tak tarlang bawkin, a pawimawh berah chuan, Pathian in duhsak taka min pek, kan ramngaw leh kan luituite hi humhalh an ngai tak zet a ni ati. He hunah hian Pu VL Chama Hnamte Sub Hqrs YMA Secretary pawhin thu a sawi bawk a ni

APEX BANK COMUTERISED TAN TA :

    Mizoram Co-operative Apex Bank Ltd. Champhai Branch chu Computerised Branch ni turin ngawrh takin tunlai hian hna an kalpui Mizoram Co-operative Apex Bank Ltd. Champhai Branch computerised tura hian kum 2003 atang khan ruahmanna a awm tawh a, a maherawhchu, customer te tana a remchan zawkna tur anih ringin hun rei tak chhung chu hmalak loh alo ni tawh a, nikum kum laihawl atanga hma la tanin, kumin chhung ngeia zawhfel tumin hma an la mek a, tunah hian chhun zan zawma thawkin, Head Office lama mithiam te pawh Inrinni khan Data entry leh tul dangte rawn enfiah turin an lo thleng tawh bawk a ni. Tunah hian zawh fel a ni tep tawh a, hna hi zawh a nih hnu chuan, ATM pawh a rang thei anga bun tum a ni a, Mizoram Co-operative Apex Bank mi nawlpuiin an dawr a nih avangin hna kal pangngai leh mipui tibahlah lova hna kalpui anih avangin hna duh angin a thawh chak theihloh a, hetih lai hian thawktute chuan kumin chhung ngeia zawhfel an inbeisei hle thung a ni

PANDAL SIAM HNATLANG :

    Inrinni khân October ni 15-17 chhûnga YMA Khawmpui Lian neihna tur Pandal siam hnatlâng chhunzawm leh niin P&E Dept (Hydel), PHE Dept, Tuipuiral Group YMA Executive Committee, Light & Sound leh Decoration Sub-committee te hnatlângin mi 110 an thawk chhuak a ni. Pandal hi sak pum tawh niin a chei hna thawh chhunzawm zêl a ni a. Pandal inpui leh dawhsân chung ceiling atán puan zâr a ni. Pandal hma lamah hulhiap (varandah) siam a ni bawk. Light & Sound Sub-committee te’n tube-light vuah zovin Pandal tuala êng chhit tur pawh an vuah fel a ni. Dawhsâna êng chhit tur chi hrang hrang vuah chu hna hmabâk a ni a. Sound dahna tur ruahman a ni bawk. Kâr thar lo awm turah hian sarãng hmanga ?hutthleng tur thingphel tuam chu hna hmachhawp lian ber a ni a, tunkár tâwp lam khân ruahtui a tam avangin hna a sâwt hle a. Ruahsúr avangin hna thar a pian belh hnem hle bawk a ni. Kar hmasa khán Pandal siamin mi 481 an hnatláng a. Pandal hnatlâng hi Sept ni 2, 2013 a?ang khân a dawhsân tur leivung chhûn hnatlânga thawk ?an a ni a. Pandal ruhrel chu Sept ni 3 khan Khawbungah dah thlen niin Pandal ruhrel hi Sept ni 10-ah tundin ?an a ni. Oct ni 5 thleng khan Pandal hnatlângah hian Tha 1618 a lût tawh a, khual khua a?angin Tha 214 a lût bawk a ni. Hetihlai hian Thutthleng tuipuanin an khuh a, drawing pin-in a daih loh vangin nimin khan tih chhunzawm leh niin zawh fel a ni a. Nimin ni atangin Banner Sub-Committee te an hnatlâng tran a, Sound dahna tur siam leh Decoration lam hna tlêm a la awm a, a bâk chu a hmunhma tuaihnum a ni deuh ber tawh. Mipui lamin mahni hna tul thawkin an inbuatsaih nasa hle a. Tuizem, inthiarna leh in leh lo singsak beih rûnpui an thlâkin, Conference hun atâna inbuatsaihna a kal mek bawk. Iandal hi a dung feet 152 leh a vang feet 120 a zau a ni.

 TUIALHTHEI  DINHMUN :

MIZOFED :
    Petrol : Free Sale (Rs. 71.43)
    Diesel : DCSO Permit (Rs. 51.93)
RD PUMP :
    Petrol : Free Sale (Rs. 81.11)
    Diesel : Khawlchhia (Rs. 57.65)

 DOCTOR DUTY TURTE :

    Dr. Thangsailova Colney (Dental) - OPD
    Dr. C. Vanlalhlua (Surgeon) - OPD
    Dr. Lalthanglawta - OPD
    Dr. Zodinthara - OPD
    Dr. J. Lalramchhuanga (Med) - OPD
    Dr. F. Lalnundanga - OT
    Dr. B. Lalduhawma (Gynae) - OPD
    Dr. KT Lalrammawia (Ayush) - OPD
    Dr. Liansangpuii (Ayush) - OPD
 


ni 7.10.2013 (thawhtanni)



PAWL THAR DIN :

    Inrinni khan Ruihhlo Ngai anpuitute Pawl din a ni a, hruaitu atan heng mite hi an thlang nghal - Champhai ah C. Lalhuapzauva, CSM; Vice Chairman -ah Rokima; Secretary ah C. Hranghluna; Asst. Secretary ah Lalnunkima Fanai, Treasurer ah VL Hmuchhuaki; Fin. Secy ah R. Lalrintluanga. Heng bakah hian Adviser engemaw zat an ruat nghal a, ruaihhlo bawiha tang mekte chhanchhuakna atan awmze nei zawka sawrkar leh kohhrante pawhin an ngaihsak theihna tura hmalak zui zel an tum.

KHAWMPUI TIAK :

    Zomi Baptist Kohhran Champhai Pastor Bial chuan Ningani zan atanga Bial Inkhawmpui  an hman chu nizan khan a tiak ta. Ningani khan Palai rorel neih zawh fel a ni a, Inrinni nileng khan Kohhran Hmeichhia leh thalaite ualin hun hman a ni a, Inrinni zan atanga nizan thleng khan Inkhawmpui thupui ‘Thlen chin atanga hmasawn’ tih hmangin Rev. Tuangzapaua Bialtu pastor chuan thu a sawi.

MIZOPA IN SA :

    Tun thla ni 21-26 chhunga Aizawl Thunder Club ten Northeast Bullet Riders` Meet an thlenna tur Champhai Zotlang a Kanghlai Tlang (Mual nuam) ah Mizopa In engngemaw zat chu sak a ni tawh.

TUIALHTHEI  DINHMUN :

MIZOFED :
    Petrol : Free Sale (Rs. 71.43)
    Diesel : DCSO Permit (Rs. 51.93)
RD PUMP :
    Petrol : Free Sale (Rs. 81.11)
    Diesel : Khawlchhia (Rs. 57.65)

DOCTOR DUTY TURTE :

    Dr. Thangsailova Colney (Dental) - OPD
    Dr. Lalbiaktluangi (Eye) - OPD
    Dr. C. Vanlalhlua (Surgeon) - OPD
    Dr. Lalthanglawta - OPD
    Dr. Zodinthara - (OPD)
    Dr. J. Lalramchhuanga (Med) - OPD
    Dr. F. Lalnundanga - OT
    Dr. B. Lalduhawma (Gynae) - OT
    Dr. KT Lalrammawia (Ayush) - OPD
    Dr. Liansangpuii (Ayush) - OPD


ni 5.10.2013 (inrinni)



CHAMPHAI-AH PHULLEM PHAH HNA TAN :

    Nimin atang khan Champhai mipuite nghahhlelh em em Chhangphut Field a Artificial Grass phah tur chu bul tan ani Nimin khan he hna thawktu tur Lusai Engineers atangin Engineer pahnih, Michael C Lalmuanpuia leh C Lalbiaksanga te an lokal a, Chhangphut field chu chawhma lam khan a hmunah kalin hna thawh dan tur leh an lung duh angte enfelin CDFA hotute nen an kal a, khuain a bumro tak vangin dar 12 khan Champhai District Football Assn hruaitute nen President Office Chamber ah, CDFA OB te leh Chanchinbu mite nen inkawmhona neih a ni a, he hunah hian, Senior Vice President Pu Lalnunmawia chuan, mi tam takin hna tan ala nih mai loh avangin Election Propaganda angah an ngai a, chutiang anihloh zia tilang tura nimina hna an tan chu lawmawm atih thu sawiin, a tha thei ang bera siam sak turin a ngen a, Aizawl tlang atanga Champhai mi leh sa ngei ten an siam sak tur chu lawmawm atih thu sawi bawkin, hna bul tan ni atangin Champhai mipui kan phur em em a, theihtawpchhuah sak turin a ngen a ni. He hunah hian Engineer Michael Lalmuanpuia pawhin thu sawiin, hna bul tantir kan ni a, chuvangin thawhchhiat kan duhlo a ni ati a, hna dang kan lo thawh tawhna ah pawh kan naute mak tih khawpin kan uluk thin a ni ti a, July ni 16 khan siam tur anih thu Order a chhuak a, August ni 19 ah Work Order an hmuh thu a sawi a, khaw awmdan in a zirloh avanga hna rawn tan mailo an nih thu a sawi a ni. Champhai Chhangphut Field a Artificial Turf rawn phah tu turte hi Lusai Engineers, Construction & Consultancy Company an ni a, anni hian Italy Company Limonta an thawhpui dawn a, tunah hian an khawlte pawh rawn chhawp tura rawn kalpui mek a ni a, Mizoram hmun danga Artificial turf phah tawh te hi an siam lai khan FIFA Approved an la nilova, heng vangte hian an field siam hi International Standard ani lo tih Lusai Engineers hotute chuan an sawi a, An thawhpui tur Limonta Company te hian, AC Milan, Ajax bakah khawvela Stadium langsar te pawh an lo siam tawh a, hei bakah hian North East ah pawh Experience lo nei tawhin, tunah han One Star emaw Two Star emaw a siam an tum thu an sawi a, Champhai Chhangphut Field hi Mizoram a Fifa Certified Field hmasa ber tur a ni a, chutiang an thawhpui thei tur chu an lawm hle thu Lusai Engineers hotute chuan an sawi bawk, Lusai Engineers hotute chuan, Chhangphut Field hi an ruahman dan chuan a vang Metre 75 leh a dung metre 110 a siam an tum thu an sawi a, tuna an inremsiam dan chuan thla thum chhunga thawh zawh tum anih thu an sawi a, mahse, khaw awmdan a zira hna thawhchak a har an rin thu an sawi tel bawk a ni

LEIMIN TUARTE TANPUI SUM PE :

    Nimin chawhma dar 10 khan Vengthlang leh Kanan Veng huamchhunga lei tlahniam tuarte tanpuina tura, Sub Hqrs YMA in vehbur a khawn chu chhiat tawk chhungte hnenah hlan a ni He hun hi Sub Hqrs YMA Office Tlangrawtah neih a ni a, Pu C Lalhnunpuia Sub Hqrs YMA Treasurer chuan kaihruaiin, Pu PC Zohlira President chuan thu a sawi a, tuna kan sum sem tur hi chhungkaw 12 te beisei a phalo mai thei a, Champhai kalpawhna kawng dang siam alo ngaih avangin, sorkar hnathawk ten an hlawh kawng siamna lamah an thawh alo ngai si a, duh angin sum thawhkhawm atam theilo a ni tih sawiin, tuna sum an pekah hian lawm a, thinlung taka pe an ni tih hriatsak turin a sawm a ni. President chuan, Champhai khawchhung mai nilo, khaw chheh vela group hrang hrang te pawh an tang hle a, Khawzawl group phei chuan, mahni veng ang hiala ngiin an group huamchhungah vehbur an lo khawn ve chu lawmawm atih thu sawiin, group hrang hrangte inphalna ah Sub Hqrs YMA an lawm hle tih a sawi bawk ani. Lei tlahniam leh leimin tuarte tanpuina tur atana vehbur khawn hi pawl hrang hrang 50 chuang atangin Rs 7,74,013 a lut khawm a, heng sumte hi Chhungkaw 12 hnenah Rs 63000 theuha sem niin nimin khan Sub Hqrs YMA President chuan a hlan a, he hunah hian Sub Hqrs YMA Executive member Pu Lalnunmawia leh Pu C Vanlalnema te pawhin thu an sawi bawk a ni. Hetih lai hian Chhiattawk chhungte chuan an chhiat tawh chung changa champhai mipui leh pawl chi hrang hrang, sum leh pai mai nilo, tha leh zung senga tanpuitu zawng zawngte chungah lawmthu an sawi bawk a ni.

COACHING CLASS TAN :

    Nimin zing dar 7 khan Champhai Dist Badminton Assn buatsaih Badminton Coaching Class chu Champhai Town Hall ah tan a ni Coaching tan hma a inkhaw tawi buatsaih hi Pu Lalnunmawia CDBA President chuan kaihruaiin, thutawi a sawi a, mi tam takin Badminton hi mi hausa game leh officer rual chauhin an khelh theih angin sawi a awm thin a, hei hi a dik berlo a ni tih sawiin, officer rual leh tlema sum lam nei thei deuh ten an khelh hian, an cock hman hluite naupang zawkten an lo hman theih phah a, mi hausate thlazarna hnuaiah mi thiam tam tak an lo chhuah theih phah a ni a ti a, mipui nawlpui ten an ngaihdan chu a dik berlo tih sawiin, he game hautak leh to tak hi officer rual hian khello se, mipui nawlpuiin cock leina te kan neih loh avangin shuttle cock hman tur kan nei dawnlova, he game hian hma a sawn thei dawnlo a ni tih a sawi a, mi hausa game anga sawi hi kan bansan a hun tawh a ni ati. He hunah hian Aizawl atanga coach an chah chhuah Pahnianga pawhin thu sawiin, Champhai hi game chi hrang hrangah hian mi thiam tamna a ni tih a sawi a, Champhaia a awm ve lai pawhin mi thiam tam tak an chhuak tawh a, tunah pawh hian mi thiam tak tak chhuak thei tur khawpa zir turin kalkhawm coaching kal turte a fuih a ni He badminton coaching class ah hian mi 48 in ziaklutin zing leh tlaiah badminton an zir thin dawn a ni

COMMUNITY CONTACT PROG. HMANG :

    Nimin khan SSA Mission Champhai Dist hmalakna in Community Contact Programme Govt. Primary School VI ah hman a ni He hun hi Pu HS Lalhmangaihzuala IE Resource Teacher chuan a kaihruai a, Bethel leh Vengthar huamchhunga Primary School leh Middle School atangin nu leh pate kohkhawm an ni a, Pu H Lalmuankima leh Pu C Lalhmangaihzama te hnen atangin rualbanlote chungchanga hriattur pawimawh leh inven dan tur bakah SSA Mission in hma a lak dante, rualbanlote chanvo leh enkawl dan te inhrilhhriat a ni a, he hunah ah hian zirlai nu leh pate an kal tha hle

MOTOR CHESUALAH MI PAKHAT BORAL :

    Nimin khan Ruantlang leh Mualkawi inkarah Sesih Bus MZ 04-4144 chu a chesual a, kawngthlangah tlan liamin Zamlianthanga Kum 45 a boral. He Bus hi Champhai leh Sesih inkar Service, Pu Nawkdala Sesih ta a ni a, he Bus hi Champhai atangin Dar 12:00 khan Sesih a Zomi Babtist Church in Sesih khuaa inkhawmpui an neih hmang tura kal Bethel ZBC leh New Champhai ZBC te phur in a chhuak a, Ruantlang leh Mualkawi inkar, Ruantlang Daiah he chetsualna hi a thleng ta ani. Bus hi Driver pangngai Lianngaihthanga damsam loh avangin Paukhanlanga Mechanic in a khalh a ni a, Ruantlang daia tawngtaina hmun an pelh deuh ah LPK nen an intawh laiin a Break a fail a, Kawngthlangah muangchanga tawlh liamin Metre 10 vel an tla thla ta a ni. Chetsualna thlen lai hian Bus ah hian Mi 36 an chuang a, New Champhai ZBC atangin mi 15 leh Bethel ZBC atangin mi 21 an chuang a, an zingah hian Zamlianthanga kum 45, SBI Champhai Branch a thawk mek, Motor neitu fapa chu a a boral a ni. Zamlianthanga tih loh hi chu hliam na leh ngaihtuahawm zual an awm lo ni a hriat a ni a, Champhai Civil Hospital-ah mi 3 admit niin midang te chu First Aid pek an nih hnu in chhuah tir leh an ni hlawm a ni. Chhiat tawhna hmunah hian Champhai Medical Department te chu Ambulance pahnih hmanga kal nghalin a hmunah hian hliam tuarte hi an buai pui nghal a ni.

MSU IN THUCHHUAH SIAM :

    Nimin khan MSU Dist. Hqrs Champhai chuan Saikhumphai naupang ten zirna an chhunzawm theih chungchangah thuchhuah an siam Mizo Students Union Dist. Hqrs Champhai chuankan sorkar chak tak leh SSA te hmalakna avangin Sept. ni 16 atnag khan Saikhumphai a kan zilaipuite chuan zirna an lo chhunzawm ve leh thei ta a, kan zirlai puite harsatna hrethiama hetia kan sorkar lleh SSA ten ham min laksak hi MSU Dist. Hqrs Champhai te chuan lawmawm kan ti hle a, chutih laiin, Hnam leh hnam inkara inhriatthiam lohna awm thin hi pawi kan ti a, vaphai leh saikhumphai ten inremna an nei leh ta hi lawmawm kan ti takzet a, Duhlian tawng hmang chauh hi Mizo kan nilo tih hria a, hnam inpumkhatna tichhe thei zawnga hma la lo tur leh rilru pulo turin Mizo mipui te leh pawl hrang hrangte kan ngen tak meuh meuh a ni tiin an thuchhuah ah chuan an tarlang bawk a ni.

ZNP IN CONFERENCE NEI DAWN :

    October ni 16 hian ZNP Champhai North Block chuan Conference an hmang dawn a, ZNP President Pu Lalduhawma chuan he hun hi a rawn hmanpui dawn a ni. Nimin khan North Block Executive Committee chu an president te inah thukhawmin inthlanpui lo awm tura hmalak dan tur te an ngaihtuah bawk.

 TUIALHTHEI  DINHMUN :

MIZOFED :
    Petrol : Free Sale (Rs. 71.43)
    Diesel : DCSO Permit (Rs. 51.93)
RD PUMP :
    Petrol : Free Sale (Rs. 78.97)
    Diesel : Free Sale (Rs. 57.65)


ni 4.10.2013 (zirtawpni)



TANPUINA LUH BELH :

    Tunhnaia leimin/leikhi avanga chenna In leh lo chante tanpui nan nimin khan Sub-Hqrs. YMA hnenah tanpuina a luh belh leh a, nimina tanpuina petute chu : Khawzawl Gr. YMA - Rs. 100000; Electric Sub-Division - Rs. 12,420; Excise & Narcotics Deptt. - Rs. 2,000; Wesleyan Methodist - Rs. 3000 leh 7th Day Adventist Kohhran Hmeichhia - Rs. 2000 te an ni a. YMA a tanpuina lutte hi chhiat tawkte hnenah vawiin chawhma dar 10 hian Tlangrawt a an Office ah hlan an ni dawn a, he hunah hian Sub-Hqrs. YMA Executive Member zawng zawng leh thuthmun Branch hruaitute zawng zawng kim taka kal tura ngen leh hriattir kan ni e.

CHAMPHAI MLA IN OXYGEN BUR PE :

    Nizan dar 7 khan Champhai North bialtu MLA Pu TT Zothansanga chaun Vengsang branch YMA hnenah Oxygen Concentrator bur a pe a, tukin zing dar 7 hian Vengthlang YMA Run-ah Vengthlang branch YMA hnenah a hlan leh ang. Heng Oxygen bur semte hi a Fund atanga lei a ni.

IE INCLUSIVE EDUCATION MEETING :

    Nimin khan BRC Training Hall ah I.E Inclusive Education Meeting neih a ni He meeting hi Pu Lalzahawma Varte Inclusive Education Co-ordinator chuan kaihruaiin Champhai Dist huamchhunga IE Intervention resource person leh Resource Teacher te he meeting ah hian an tel tha hle a, he hunah hian Block hrang hrangte hmalakna thlir ho a ni a, hma thar lak dan tur hrang hrang an duang bawk a, hmathar lakna tur hrang hrang zingah January leh February thla a Block hrang hrang a Medical assessment camp, rualbanlote zawnchhuahna neih tur chu an hmalakna tur zinga langsar ber a ni

MOTOR INZIAK LUT :

    September thla chhung khan Champhai DTO Office ah Motor 83 register thar a ni a, heng zingah hian Two Wheeler tam berin 31 register a ni Heng motor register zingah hian two wheeler tam berin 83 register a ni a, hei bakah hian Auto rickshaw 8, Maxi Cab 7, Car 12, Taxi 8, Truck 15, Tractor 1 leh Excavator 1, avaiin motor 83 register thar a ni a, hei bakah hian September thla chhung khan DTO Office a Tax chi hrang hrang atanga pawisa hmuh zat chu Rs 8,05,563 ni bawkin, heng zingah hian Road tax atanga sum hmuh atam ber a, Rs 479398 hmuh a ni a, hei bakah hian Passenger phur chi atangin Rs 38100, Bungraw phur chi atangin Rs 98300 leh MV Fee atangin Rs 189757 hmuh a ni bawk a ni.

THUBUAI ZIAH LUH :

    Champhai SP Office ah September thla chhung khan thubuai 25 ziahluh a ni a, August thla a case ziahluh aiin case 8 in ziahluh tam a ni September thla chhunga case ziahluh zawng zawng zingah Ruk ruk thubuai tam berin case 8 siam ani a, hei bakah hian zu case 5, mi in rawk 2, damdawi case 5, silai case 1, accident a thihna thleng 2, hmeichhe zahawmna tihbawrhban sak thubuai 1 leh pawngsual thubuai 1, avaiin thubuai 25 ziahluh a ni. August thla nena khaikhin chuan thubuai hrang hrangah september thla chhung khan case atam zawk zel a ni. Champhai Dist huamchhunga Police station hrang hrangah Ngopa PS chuan case nei tlem berin Zu Case 1 ziahluh an nei a, Khawzawl PS chuan case 7 ziaklutin heng zinga tam ber chu Zu case niin 3 an ziaklut bawk a, Champhai Police Station ah chuan Case 17 ziahluh niin heng zingah hian ruk ruk case tam berin case 7 ziahluh a ni bawk,. Kumin January thla atanga September thla chhung khan case 227 an ziaklut tawh a ni.

TUIALHTHEI  DINHMUN :

MIZOFED :
    Petrol : Free Sale (Rs. 71.43)
    Diesel : DCSO Permit (Rs. 51.93)
RD PUMP :
    Petrol : Free Sale (Rs. 78.97)
    Diesel : Free Sale (Rs. 57.65)

ni 3.10.2013 (ningani)


CHAMPHAI JOINT NGO TEN MPCC CHHANLET TLAKAH NGAI LO :

    Champhai Joint NGO te chuan nimin khan Sub-Hqrs YMA Office meeting an nei leh a. Damdawiin sak mek hawng rih lo tura Health Minister an ngenna a ngaih pawimawh sak avanga nimin thlenga hawn a la ni lo hi Health Minister chungah an lawm hle tih an tarlang a.
    Hemi chungchanga MPCC Media Cell te Press Release pawh ngun taka zir ho niin, thil an hrechiang tawk lo niin an hria a, chuvangin Champhai Joint NGO chuan chhanlet loh nise tiin an rel a ni.
    Committee zawhah hian a hmunah kal chilhin thil kalphung an va endik nghal a ni.

FAINA HAPTA HAWNG :

    Nimin zing dar khan Champhai CHANEM Building tualah Faina Hapta hawnna inkhawm neih a niin, Champhai DC Pu Lalthangpuia Sailo in Faina Hapta hi a hawng. Faina Hapta hawnna inkhawm Champhai DUDO Pu Lalenglawma Pakhuangte kaihhruai-ah hian Pu Lalthangpuia Sailo chuan, Faina Hapta hi a hapta bik hawn a niin, faina bik erawh chu a hapta mai nilovin kan nunphung zawng zawng ah vawng ila, Ram changkangten Faina Hapta hmang hran lovin, kumtluanin faina hun an hmang a, tumna a awm chuan thianghlimna leh faina hi a tih ve theih thu tarlangin, ringtute tan fai hi a in hmeh a, Champhai mipui pawhin nasa zawk a tan alak chuan faina kawngah hma a sawn ngei a beisei thu a sawi bawk. Khawlai dung thenfai hnatlang thawk chhuak School hrang hrang a Scout & Guide te chu DC hian a vailiam a, Faina Hapta hun hawnna-ah hian Champhai a sorkar Department houte leh Tlawmngai pawlte an kal khawm tha hle. Champhai Khawpui chhunga School fai thlanna District MJA in a enfiah dawn a, Veng fai endik hna hi Sub-Hqrs. YMA Champhai in a thawkin, October ni 8 hian Faina Hapta khar hunah result puan leh lawmman semna hun hman a ni ang.

CHAMPHAI NORTH LEH SOUTH MLA TEN KUT HMANPUI :

    Nizan khan Zomi Cultural Society, Mizoram (ZCSM) buatsaihin ‘Khuado Pawi’ Session II-na Musical Nite hawnna chu Bethel Community Hall-ah hman a ni. He hunah hian Champhai S bialtu Minister Pu JH Rothuama chu khuallian niin, khuallian chuan he-tiang ang kut ropui taka khualliana a tang thei chu lawmawm a tih thu sawiin, Mizo hnahthlak-ah hnam penng hrang hrang an awm a, Paite pawh Mizo hnahthlak zinga hnam peng pakhat anih avangin zanin kan lawm pawh hi Paite kut ni mahse Mizo kut ani a ti a, Mahatma Gandhi chuan India ram hi Pang-par huan zau tak a chhung-a pangpar chi hrang hrang an awm angin, hnam hrang hrang leh culture hrang hrang an awm a, hei hi, India ram ropuina a ni a tih angin, Mizoram ah pawh mizo hnahthlak peng hrang hrang an awm a, chung hnam hrang hrang te chuan Culture hrang hrang kan nei a, hei hi Mizoram ropuina a ni a, kan culture theuh kan vawn nung reng a pawimawh thu sawiin, a chibing zawnga inlak hranna erawh awm lo se a duh thu a sawi bawk. Mizoram hi Paite mai ni lo Mizo hnahthlak hrang hrang tan Mizo te inpui a ani a, chuvang chuan tumah a chi bil zawnga inla hrang awm lo se a duh thu a sawi. ZCSM te hian Pu Rothuama Nupui Pi Denghmingthangi chu ngaihhruina thilpek an hlan bawk a, Pu J.H Rothuama hian he kut hman nan hian tanpuina cheng nuai 1 a pe bawk a ni. Khuado Pawi hi Paite kut chi khat thlai thar lawmthu sawina kut a ni a, Paite kut zingah chuan an Kut ropui ber a ni. ZCSM hian Aizawlah Hqrs neiin, Sub-Hqrs hi Champhaiah awm lehin, Sub-Hqrs hnuaiah hian Unit hrang hrang an awm leh bawk a, tun hi Mizoram pum huapa Khuado Pawi hi an lawm vawikhatna a ni a, khawvel hmun hrang hranga Paite awm te chuan Ropui thei ang berin he kut hi kumtin an hmang thin a ni. Nizan Khuado Kut lawmnaah hian zaithiam an zai bakah, Live Band an che bawk a, Cultural, Traditional, Modern Dress-ah te fashion Show entir a ni bawk a. ZCSM hian Relief Camp te buatsaihin tanpuina mi harsa zual hnenah te a pe thin a, Carreer Awareness Campaign te pawh a lo huaihawt tawh thin a ni. Khuado Pawi (Kut) hi session thumah then niin, Session khatna hi nimin tlai khan rorel nana hman ani a, Session thumna hi vawniinah hman chhunzawm leh a nia, Pu TT Zothansanga MLA chu khuallian a ni.

MLA IN OXYGEN PE :

    Nimin zing dar 7 khan Champhai North Bialtu MLA Pu TT Zothansanga chuan, Vengthlang North Branch YMA hnenah a duh apiang hman atan Oxygen Khawl a pe Nimin zing khan MLA chuan Vengthlang North YMA te hnenah hian, MLA fund atangin Oxygen khawl tha tawk tak, a duh apiang hman atan a pe a, he hunah hian Vengthlang North YMA President Pu C Lalhmunsiama chuan lawmthu sawiin, Champhai North Bialtu MLA Pu TT Zothansanga hian Community Hall bul atan sak dan te, YMA hruaituten MP vawi khat pawh hmulova, MLA in MP Fund a dilchhuah sak dante a sawi a, MLA chungah an lawm zia thu sawiin, Vengthlang North a duhsakna leh he veng tana a thil tha tih zawng zawngah Vengchhung mipuite chu an lawm hle tih thu a sawi bawk a ni

KOHHRAN HNATLANG NEI :

    Nimin khan Vengthlang Presbyterian Kohhran chuan Chhanchhuahna in ah hnatlang runpui an nei Nimin hnatlang hian Chhanchhuahna hmuna building sak thar chhuat an tihrual bakah, a compound an samfai a, mi 130 vel hnatlangin an chhuak a ni. Puan tawh angin, tuna building sak thar hi Sermon Hall tur niin, a dung ft 60 leh avang ft 30 a sak a ni a, mi 100 vel leng thei tur a ngaih a ni. Hei bakah hian, tanky ft.12 bial a lian siam a ni bawk. Chhanchhuahna In hi tuna ruahman dan chuan Camping Centre tur a ni dawn a ni.

VC IN TAN LA :

    Nimin khan Vengthlang VC te chuan Vengchhung cheibawl hna an thawh chu chhunzawm leh a ni Nimin khan Vengthlang VC te chuan Vengthlang MS bula step siam tha in lung an rem tha a, hei bakah hian tunlai hian Vengthlang VC te hian Biak In mual kawng bakah side drain te siam tha in hna an thawk thin bawk ani

BADMINTON :

    Champhai Dist Buatsaih Badminton Coaching chu naktuk tlai dar 3:30 hian tan a ni dawn Nimin tlai khan coach pawh lo thlengin naktuk tlai dar 3:30 atang hian tan a ni dawn a, player coaching kal tur zawng zawngte tlai dar 3:30 ah Champhai Towen Hall ah kim taka kal tur a ni a, zirtawp zing dar 7 ah Opening function hman tur ani ang

MIZORAM TAN VAWI THUM SUBRATO-AH :

    H.Rammuanawma Pu H Lalhmunliana fapa Vengthlang North chu Subroto Cup khel zinga Mizoram atanga a zawna vawi 3 kal hmasa ber ni turin Mizoram Team ah thlan ani H Rammuanawma hian Mizoram tan U-14 ah vawi 2 lo fehchhuak tawhin, tunah hian U-17 ah Mizoram team ah thlan leh a ni a, tun chawlhni khan Mizoram chhuahsanin, ni 8 hian Mizoram hian an match hmasa berah Bangladesh an tum dawn ani. H Ramnunsiama hi Mizo player zinga Subroto Cup a zawna vawi 3 khel hmasa ber a ni dawn bawk a ni

TUIALHTHEI  DINHMUN :

MIZOFED :
    Petrol : Free Sale (Rs. 71.43)
    Diesel : DCSO Permit (Rs. 51.93)
RD PUMP :
    Petrol : Free Sale (Rs. 78.97)
    Diesel : Free Sale (Rs. 57.65)

ni 2.10.2013 (nilaini)



THISEN PE :

    Nimin hi National Voluntary Blood Donation Day ani a, hemi pual hian Champhai ah pawh hun hman niin, GM HSS ah hun hman a ni National Voluntary Blood Donation Day ah hian Theme atan ‘Voluntary Blood Donation will cost you nothing, but it will save a life. Let start working on it’ tih hman a ni a, nimin chawhnu dar 1 khan GM HSS ah hun hman a ni a, he hun hi Dr. Lalbiakdiki Dist. Medical Supt leh AVBD president ni bawk chuan kaihruaiin, Dr J Lalramchhunga Blood Bank Officer chuan thisen pek tul zia a sawi a, midang nunna chhanna atana mi nawlpuiin kan tih theih, thisen pek ah hian kan harhthar a ngai a ni ati a, a hlauhawm lo dan sawi bawkin, mihring pangngai hian thisen litre 4-6 kan nei a, heng zinga 350ml vel lek lakchhuah chu taksa hian a tuar thamlo a ni ati. Dr. Chhuanga chuan, HIV/AIDS chungchang pawh a tarlang tel bawk a, Champhai dist chhunga thisen test tawh zawng zawng zingah mi 852 HIV/AIDS kai hmuhchhuah an ni a, heng zinga mi 40 te hi thi tawhin mi 348 in ART an la mek a, a tam ber hi ruihhlo leh mipat hmeichhiat vang a ni a, hetiang a nih avang hian a hun hma in mipat hmeichhiatna kan hmang tur a ni lova, ruihhlo lakah kan fihlim tur a ni a ti. Hei bakah hian, Pu Vanlalhruaia Sailo GM HSS chuan thu sawi bawkin, C Zaihmingthanga AVBD Secy chuan lawmthu sawiin he hun hi khar a ni

NLUP SEM LEH :

    Nimin chhun dar 12 khan Industry hnuaia NLUP dawntute hnenah 4th Phase 1st Installment sem a ni Industry hnuaiah hian NLUP 4th Phase beneficiaries chhungkaw 231 an awm a, nimin khan 1st Installment Rs 10000/- pekchhuah an ni a, tunkar chhung hian Champhai District chhunga 4th Phase Beneficiaries Trade 23 thlangtu te hnenah sum semchhuah vek tum a ni. Hei bakah hian nimin vek hian NLUP 2nd Phase a Auto Rickshaw thlangtu mi 16 te hnenah SDIO Office DIC Kolasib atangin Autorickshaw pekchhuah an ni bawk. Industry Dept hnuaiah hian NLUP 4th Phase ah khaw 62 atangin chhungkaw 231 an awm a, heng zingah hian CHamphai South ah tam berin mi 73 an awm a, Champhai North ah chhungkaw 65 an awm a, Tuichang A/c ah chhungkaw 45 awmin, East Tuipui ah 27 leh Lengteng A/c ah chhungkaw 21 an awm bawk a ni. Industry hnuaia NLUP 4th Phase ah hian trade 23 zingah, Petty Trade thlangtu tam berin beneficiaries 114 an awm a, hei bakah hian Carpentry thlangtu mi 38 an awm bawk a ni

HAWNG DAWN :

    Vawiin zing dar 7 hian Faina Hapta 2013 hawnna chu CHANEM Building kawtah neih a ni dawn a, Pu Lalthangpuia Sailo, IAS, CHamphai DC chu khuallian a ni ang.

SCHOOL TI FAI :

    Champhai District Education Office thu chhuah angin nimin khan Khawbung Higher Secondary School te chuan KHSS Hostel bul leh a vel tifai hna an thawk a a ni. Faina Hapta hi October ni 2-8 chhunga hman tura ruahman nih mah se, YMA General Conference huna hman tur inthiarna leh bual in te siam a ngaih dawn avangin Faina Hapta hi remchân zawkna avangin nimin October 1 khan hman ?an a ni. Khawbung HSS-ah hian zirlai 65 awmin mipa 33 leh hmeichhia 32 an awm a ni.

TANPUINA PE :

    Tunhnaia leikhi leh leimin avanga chhiat tawkte tanpuina chu nimin khan pekchhuah a ni Leikhi avanga in thiahsak chhungkaw 13 te hnenah Rs 70,000 theuh pek an ni anga, hei bakah hian in an thiah tak hnuaia khawsa chhungkaw 5 te hnenah Rs 2700 theuh pek an ni dawn bawk a ni. Hei bakah hian DM&R atanga an ni khat ei leh in tumsak tura an ngen pawh tihhlawhtlin niin Rs 1,40,700/- dawn a ni bawk a, heng pawisa te hi zan in hian a dawngtu turte hnenah pek a ni ang

ZOFA GLOBAL NETWORK :

    Khawvel ram hrang hranga Mizofa awmte inpumkhatna atan Zofa Global Network din a ni a, hei hnuaiah hian ram hrang hrang leh Mizoram District capital hrang hrangah chapter din leh niin Champhaiah pawh thla hmasa ni 29 khan din a ni a, hemi ni hian hruaitu thar thlang nghalin President ah Pu C.Lalhlawhliana, Senior Vice Pre ah Pu Laldingliana, Vice President ah Pu C.Huaisavung leh Pu C.Lianzova, Secy ah C.Lalmuansanga, Asst Secy ah David Lalthlamuana, Trea ah R.Lalrosiama, Fin Secy ah Pu Lalhmingliana te an thlang a, Adviser atan Pu Lalhmingmawia Pachuau, PU Lalnunmawia, Pu K.Lalramhluna te an ruat bakah executive committee atan mi 6 an ruat fel bawk a ni.

BADMINTON COACHING :

    Champhai District Badminton Assn buatsaihin Badminton coaching class neih tur chu tunkar zirtawp tlai dar 3:30 hian tan tur a ni a. Coaching kal tur zawng zawngten coaching fee ken vek tur niin kum 19 hnuailam tan Rs.300, kum 19 chunglam tan Rs. 500 ken tur a ni ang. Coaching class kal tur hian mi 46 an in report tawh a ni.

MIZORAM AIAWH DAWN :

    Tunthla Oct ni 12-22 chhunga Bhopal a India ram chhunga Chess thiamte fuankhawmna tur National Chess Championship a tel turin Davis Zoremsiama, Champhai Vengthlang chu naktuak hian Champhai atangin a fehchhuak dawn. He inelna neih turah hian international Chess master pawh 15 zet an tel dawn niin thu kan dawn. Champhai leh Mizoram tihminthatu ni turin duhsakna kan hlan e.

 TUIALHTHEI  DINHMUN :

MIZOFED :
    Petrol : Free Sale (Rs. 71.43)
    Diesel : DCSO Permit (Rs. 51.93)
RD PUMP :
    Petrol : Free Sale (Rs. 78.97)
    Diesel : Free Sale (Rs. 57.65)


ni 1.10.2013 (thawhlehni)



RUIHHLO MAN :

    Champhai Police Khankawna Duty te chuan nimin khan Pseudoephedrine mum 30000 an man. Heng damdawite hi Zokhawthar leh AIzawl inkara tlan Mazicab pakhat atanga man a ni a, motor khalhtu Tlanglawma chuan heng damdawite hi Pakhuma, Aizawl Electric Veng mi ta niin a sawi a, Zokhawthar velah a hralh theih loh avanga a phurh haw sak a nih thu a sawi. Heng damdawite hi a rate pangngaiah chuan cheng 240,000 man vel a ni.
    Niminpiah tlai khan Champhai Police te chuan Zokhawthar leh Melbuk inkarah Beer (Diablo) case 180 an man Heng Beer an man takte hi C Lallunghnema kum 56, Thansailova fapa Chhinga Veng Aizawl nia in sawi ta a ni a, Zokhawthar atang hian TATA 1109 hmanga rawn phurh niin, beer neitu C Lallunghnema hian Motor driver leh Handyman chu tihderin, theitui niin a sawi a, niminpiah tlai dar 4 vel khan Zokhawrthar Godown pakhat atanga lakchhuah niin, motor driver te hian back load anih avanga an lo phurh mai thu an insawi bawk a ni. Heng beer an man takte hi case 180 niin avaiin can 4320 a ni a, Champhai rate a chhutin Rs 8,64,000/- man hu a ni. Heng beer an man takte hi Aizawl a phurh tur niin C Lallunghnema hian a sawi a, A hriate sawi danin Aizawl ah hian Diablo pakhat hi Rs 300 niin an sawi. C Lallunghnema hian Aizawlah a tum angin pe ta se, Rs nuai 10 chuang a hlep thei tura ngaih a ni.

KHUADI PAWI :

    Zanin atang hian Zomi Cultural Society, Mizoram chuan bethel Community Hall, Chura Hmunah Khuado Pawi an hmang tan dawn a. Thawhleh zan hawnna leh Musical Nite ah hian Revenue Minister JH Rothuama chu khuallian tura beisei niin naktuk Nilaini ah MLA TT Zothansanga chu khuallian tura beisei a ni bawk. He hun hmangtute tan hian Vaimin leh Bawngsa chhum pawlh buatsaih a ni ang.

TUIALHTHEI  DINHMUN :

MIZOFED :
    Petrol : Free Sale (Rs. 75.09)
    Diesel : DCSO Permit (Rs. 51.36)
RD PUMP :
    Petrol : Free Sale (Rs. 78.97)
    Diesel : Free Sale (Rs. 57.65)


ni 30.9.2013 (thawhtanni)

CHAMPHAI MIPUIIN HEALTH MINISTER INSAWIFIAH TURIN PHUT :


    Ni 28.9.2013 (Inrinni) a Champhai a tlawmngai pawl hrang hrang : Sub-Hqrs. YMA, Champhai, MUP Sub-Hqrs., MHIP Sub-Hqrs., MZP Hqrs. Champhai, NGO Coordination Champhai, Champhai Thalai Pawl leh PRISM pawl aiawh kal khawmte chuan hetiang hian Resolution kan siam.
JOINT RESOLUTION
1. Champhai NGO hrang hrang hruaitute hi eizawnna hrang hrang thawk leh Political Party hrang hrang a awm te kan ni a, Champhai hmasawnna atan chuan kan eizawnna hna leh party a kan nihnate dah thain lungrual takin kan thawk ho thin a. Hun kal tawhah khawtlang tana kan hmalakna reng rengah inphatsan hnihne lovin kan thawkho thin a, kan thawkho zel bawk ang. Hetiang hi kan dinhmun leh nihna a nih laia Health Minister Pu Lalrinliana Sailo-a`n a ruk a rala thiante mawng hiattu awm anga khawtlang hruaitute min puh hi a lungchhiat thlak kan ti a. Champhai mipuite Party Politics hmanga kan thawhhona tha tak min tihchhiatsak a tum mai hi pawi kan ti takzet a ni. Tun hnuah reng reng chuan Champhai NGO hrang hrang intelkhawmte hi Political Party thil mai maiah chuan tumah in kan karah hem zeh tum tawh lo se kan duh hle.
2. Champhai mipuite hi mi pahnih-khatin an duh anga an hruai kawi mai mai theih tura min ngai hi Champhai mipui min hmusitnaah kan ngai a. Tun hnu zelah Politician te hian mipuite vanga ram hruai hna thawk thei chauh an ni tih hi hre reng tawh turin kan duh a ni.
3. Champhai District Hospital hi sak zawh a nih hmaa Health Minister duh dana hawn a nih tak loh avanga Hospital in khawl tha tak tak a dawn tur ang a dawn lohna chhan tur hi kan hrethiam lova. Health Minister Pu Lalrinliana Sailo in, Champhai Damdawiin in khawl a neih tur angte a chan a nih chuan, Champhai NGO mawh a nih tur thu a sawi chungchangah, a satu Contractor ten a sak zawh hun tura an zawh hman loh avanga Contractor ten an tuar tura kan ngaih laia, Health Minister berin Champhai NGO hruaitute mawh a ni ang a ti daih hi kan hrethiam lovin, hemi chungchang hi sawifiah turin kan phut tlat a ni.
4. Champhai District Hospital la peihfel loh chungchang Pu Lalrinliana Sailo-in hawn talh a duh avanga, hnawh sarum tak leh phuailuai taka Tantia Company-in hna an thawk ta chiam mai hi pawi kan ti a. Cement Plaster pawh a ro chian hma a rawng an hnawih hnan nghal mawlh mawlh mai te hi Champhai mipui te chuan pawi kan tiin kan ui takzet zet a ni. Nakin zela Champhai rohlu la ni tur hi min tih chingpen zawh sak hma ngeia uluk zawka hna thawk tawh turin kan beisei tlat a ni. Issued by : Champhai Thalai Pawl
 

MI CHHUANAWM :

    CDFA Asst. Secretary ni lai Jonathan Lalngaihawma, Champhai Zotlang chu All India Football Federation in Zirtawpni kalta a National Referee practical exam result a tihchhuah takah a tling a. Ani bakah hian Lalfakzuala Ralte, Electric Veng Aizawl a tling bawk. Hetiang Champhai Tlangval kan nei hi kan va chhuang tak em.

 MEDICAL CAMP :

    Inrinni atang khan DM Hospital chuan Medical Camp an buatsaih. He hunah hian Bethesda Hospital atangin Dr. Lalbiakmawia, Naupang Specialist leh Ganaras Eurologist (Super SPecialist) te an duty a. Inrinni khan damlo engemaw zat inentirin zun kawn gthalo, kal leh natna chi hrang hrang nei bakah, kala lung te awm zai te an ti theih nghal a, hei bakah hian naupang engemaw zat an inentir a, hriattheih chinah Inrinni khan zunkawng lam thalo mi 19 inentirin, naupang damlo mi 50 an inentir bawk a, vawiin hian medical camp hi chhunzawm leh a ni ang.

TANPUINA HLAN DAWN :

    Vengthlang New Saron Veng leh Kanan Venga Leimin/Lei tawlh tanpuina Sub-Hqrs. YMA a lutte chu October ni 4 hian hlan a ni dawn a, leimin tuarte tanpuina pe duh mimal lehpawl ten Sub-Hqrs. YMA hruaitute hnenah pek theih reng a ni.

DSYO BORAL :

    Champhai District Sports & Youth Officer Pu Laltanpuia Pachuau chu Inrinni chawhma dar 11 vel khan ‘thin tha lo’ avangin a boral a, nimin khan Aizawl Electric Veng thlanmualah vuiliam a ni.

 TUIALHTHEI  DINHMUN :

MIZOFED :
    Petrol : Free Sale (Rs. 75.09)
    Diesel : Tanky full (Rs. 51.36)
RD PUMP :
    Petrol : Free Sale (Rs. 78.97)
    Diesel : Free Sale (Rs. 57.65)


ni 28.9.2013 (inrinni)



RMSA WELFARE ASSN. ASSEMBLY :

    Nimin khan I&PR Auditorium ah Mizoram RMSA Employee Welfare Assn, Champhai District chuan Assembly vawi khatna leh hruaitu thar thlanna an nei. Assembly hi Pu Lalruatchhunga, Vice President MIREWA Champhai District chuan a kaihhruai a, General Secy hnen atanga report ngaithlak a nih hnuah thusawitu khuallian Pu Lawmawma, DEO leh RMSA DPC chuan, kalphung tha zawk kan neih theihna turin kaihhruaina tihchhuah thin a ni a, he circular hi zawm thei ila chuan hma kan sawn hle a rinawm a. Heng zingah hian zirtirtu kan nih avanga kan tih tur leh kan tih loh tur kan hre chiang tur a ni a. A bikin headmaster te chuan school inrelbawlna kawngah tan lehzual a ngai a, zirtirtute pawhin headmaster kaihhruaina ngaihchan thiam a tul hle bawk, a ti a, zuk leh hmuam kawngah naupangte entawn tlak ni turin zirtirtute kan inenfiah a ngai a, zuk leh hmuam lei tura school naupangte tir thin zirtirtu an awm leh thin chu pawi a tih thu a sawi tel bawk. DPC chuan, RMSA zirtirtu reng reng chu central sorkarin B.Ed degree nei vek turin a ti tawh a, nakinah chuan B.Ed degree tel lo chuan hlawh pawh pek theih loh a ni thuai dawn a. Hemi kawngah hian IGNOU hotute a biak tawh thu leh, RMSA zirtirtute tan awlsam zawka B.Ed zir dan tur an ruahman dan te a tarlang bawk. Khualzahawm Pu C.Hualrikhuma, Dy DPC RMSA pawhin thu sawiin, zirtirtu nih hi a nuam a, naupang ze hrang hrang leh harhvang tak tak rual kara khawsak hian nun a tizangkhai a, a hahdam hle bawk a ni, a ti a, zirtirtu kalkhawmte chuan naupangte zirtir kawngah an la thiam ngai loh ka zirtir dawn a ni tih rilru pu thin tura a duh thu sawiin, hnaah hian a sang leh a hniam a awm hran lova, kan tuizawng tak kan thawh hian chu chu a tha ber a, zirtirtu zingah hausak tum lutuk an awm thin leh lar khela zirtirna hlam chhiah an awm thin hian kan khawtlang zirna a tichhia a, a pawi hle a ni, tih tarlangin, pawlah kan inhmang a nih pawhin kan hna tak zawk hi kan hlamchhiah tur a ni lo, a ti bawk. Nimin assembly ah hian chawhnu lamah hruaitu thar an thlang nghal a. President H.Lalthazova, Vice President ah Lalruatchhunga leh Lalhuapzauva, Gen Secy ah C.lalramparmawia, Asst Gen Secy ah Valalzawmliana, Info Secy ah Andrew Lalrintluanga, Treasurer ah Zosangpuii, Fin Secy ah R.Lalrinzuala te an thlang a ni.

NEIHDAWN-AH THALFAVANG KUT HMANG :

    Nimin khan Neihdawn khua chuan Neihdawn Cultural Club buatsaihin Thalfavang kut an hmang a, he hun hi Art & Culture Director Pu Ngurbiaka chuan hmanpuiin, Mizo tawng leh Mizo zia boral leh kan chin tawh loh, chhawm nun zel tlakte tithar leh turin kut hmangtute chu a fuih a ni. Thalfavang Kutah hian Mizo hnam ziarang phawk chhuak thei thil chi hrang hrang entir a nih bakah tlai lamah chhawnghnawh neih a ni. He kut atan hian Champhai North Bialtu MLA PU TT Zothangsanga chuan thingpui lumna tur Rs.3000 a pe a, Kut organising committee ten lawmthu an sawi a ni.

MALARIA TRAINING NEI :

    Nimin khan Champhai District-a Health Supervisor leh Health Worker te tan District Vector Borne Disease Control Programme buatsaihin Malaria Training nei a ni. He training Dr C.Zirliana, CMO Champhai District kaihhruaiah hian thu sawiin Pu C.Zarzoliana, SPO chuan, Health Deptt ah hi chuan training hi neih ngun a ngai hle a ni, a ti a, hun rei tak lo thawk tawh pawh ni ila training hmanga intuai thar loh chuan hna thawh kawngah fual chang a awm thin a, kan training hian kan hna kan thiam phah sawt a, chu chuan hnaa tuina a siam chhuak thin a ni, a ti. Malaria-a Champhai dinhmun tarlangin thisen endik 17301 ah mi 96 chu malaria an vei tih hmuh chhuah a ni a, mi 86 chu PF niin a bak zawng hi PV an ni a, Champhai district ah chuan ABER tia hriat, mihring za zela 6.75 thisen endik a ni a, heta tanga API chu za zela .37, a ni a, mahse ABER hi za zela 10 tal tlin tum a nih avangin API sang hian awmzia a nei tlem hle tih sawiin, Mizoram pumah chuan API hi za zela 8.38 a ni a, za zela 4 a tihhniam tum a ni a, June thla thleng khan malaria avang hian mi 7 an thi tawh a, kuminah thi zat hi mi 8 aia tlem lo ni tura tan lak a ni, a ti bawk. SPO chuan Mizoramah thosi atanga inkaichhawn theih natna chi khat, Dengue pawh a rawn thleng tawh a, Champhai chu a thawk tha pawl an nih thu leh he natna hi enkawl theih a nih avangin chi-ai na tur a awm loh thu a sawi bawk. Hei bakah hian malaria dona atan community health volunteer chu hmang tangkai turin kalkhawm te a fuih a, malaria dona kawngah chuan hetiang tlawmngai pawlte nena inzawmna tha hian thui tak a hril a ni a ti. Hemi hnu hian Aizawl atanga mithiam lokalte chuan malaria chungchangah hian zirtirna an pe chhunzawm nghal a ni. Nimin training-ah hian Champhai district-a health supervisor leh health worker 100 bawr vel an tel thei a ni.

EK IN SAKNA TUR SUM SEM :

    Nimin khan BRC Training Hall, SSA Office ah District Water and Sanitation committee hmalaknain NDA scheme hnuaiah Champhai District-a school 61 hnenah toilet sakna tur sem chhuah a ni. Hemi puala inkhawm tawi buatsaih chu Pu Lawmawm DEO chuan a kaihhruai a, thusawiin DEO chuan NDA hnuaiah hian kumin atan school 57 hnenah ek in sakna tur hi pek tura ruahman a ni a, mahse SSA in zirchianna an neih hnuah 61 ah tihpun leh a ni, a ti a, he scheme hi PHE Deptt atanga rawn chhuak a nih thu leh, RMSA leh SSA chu a buaipuitu an nih thu tarlangin, ek in sak hi kum hmasa lamah chuan School headmaster ten an khawih mai thin a, mahse hmun thenkhatah a sak tha tawk lo a awm thin avangin tun tumah hi chuan school tin Monitoring Committee te kuta dah a nih tur thu tarlangin, a langtlang thei ang bera kalpui tur a ni, a ti a. Kum danga thil tul dang PHE Deptt a buaipui thin pawh DEO Office ah buaipui tur a nih tawh thu leh, completion certificate pawh DEO Office hian a pek chhuah tur thu a sawi bawk a ni. Hemi hnu hian Pu Valallawma Colney, PHE Engineer chuan ek in sak dan tur hrilhfiahna a nei a, school 61 hnenah hian Rs.38500 sem chhuah nghal a ni bawk. Ek in sakna tur kum dangah chuan installment-a pek chhuah thin a ni a, mahse kuminah chuan a hlawma pek chhuah niin, hna hi a rang thei ang bera thawk tan tura school tinte beisei an nih bakah a rang thei ang bera zo tura tih an ni bawk.

LO THEH TAN :

    Khawbung VC te chuan kum 2014-a lo neih tur rama an theh - Chhingzâwl, Muallungthu leh Sindarh ram te chu lo nei duh in report hnênah mahni lo tur an pawh tir a ni. Hêng ram te hi khua atanga kilometer 1 atanga 3 inkâr huam chhunga awm vek a ni a. Kum 2014 chu ‘Lam hnai neih kum’ a ni dawn tihna a ni. Kum 2014-a Khawbung khuaa chhûngkaw 473 atanga lo neih tum in hriattir te chu - Tin 1 hmunah chhungkaw 436, Tin 2 hmunah chhûngkaw 6 leh Tin 3 hmunah chhûngkaw 2 an ni. Lo nei tura in report zawng zawng chu chhûngkaw 91 an nih laiin Lo Pawt hi chhûngkaw 69 an ni. Lo neih tum hi kumin 2013 chhûnga lo nei chhûngkaw nên inzât vel mah se, nimina Lo Pawt tak tak chu mi 69 niin kum 2013 aiin Lo Pawt an tlêm zawk a ni. Kum 2014 chu Lam hnai neih kum niin lo neih tum an pung tura ngaih a nih laiin kum 2013 lo nei chhungkua aiin chhungkaw 9-in an tlêm zawk dawn a tihna a ni. Hei hi huan nghet nei an tam chhoh zêl vâng te, hmasawnna hna hrang hrang avânga nitin inhlawhna tur tam zêl vâng te, ni 100 inhlawhna leh State flagship programme NLUP vâng tea lo nei hi tlêm chho zêl nia ngaih a ni.

TUIALHTHEI  DINHMUN :

MIZOFED :
    Petrol : Free Sale (Rs. 75.09)
    Diesel : Tanky full (Rs. 51.36)
RD PUMP :
    Petrol : Free Sale (Rs. 78.97)
    Diesel : Free Sale (Rs. 57.65) 


ni 27.9.2013 (zirtawpni)



VENGTHLANG BRANCH YMA IN ENSAN :

    Dt. 11.09.2013 (Nilaini) zana Champhai Police chhuanawm takten Damdawi Kheh chi (Pseudoephedrine) an mansak Lallianmanga S/o Zaliana leh a chhungte hi Vengthlang Branch YMA chuan tiamchin awm lovin kan ensan a. Tin, Dt. 14.09.2013 (Inrinni) a Damdawi Kheh chi (Pseudoephedrine) Champhai Police-ten an mansak Lalhmingthanga S/o Chhunthanga, Champhai Vengthlang nia inchhal hi Champhai Vengthlang khua leh tui a ni lova, Vengthlang a tih hmingchhiat avang hian kan dem takzet a ni. Tin, Vengthlang Branch YMA chuan Vengthlang huamchhunga cheng, hetianga mihring tana tha lo, ram leh hnam hmelma Damdawi kheh chi hmanga sumdawnnaa inhnamhnawih man an nih chuan an chungah action a la zel dawn a ni.

HAWNG LUI LO MAI RAWH SE AN TI :

    Nimin chawhma dar 11 khan Champhai Thalai pawl bultumin Sub Hqrs YMA Office Tlangrawt ah Joint Meeting neih a ni He hun Champhai Thalai Pawl kaihhruai ah hian, Pu PC Zohlira, President, Sub Hqrs YMA chuan, Hospital sak mek a nih dan leh hawn theiha peih ala nihloh dan te, a chhung an siam dan la fel tawkloh dante report a pe a, hemi hnu hian rorel tan niin Champhai Thalai Pawl bul tuma tlawmngai pawl hrang hrang pwal 11 kalkhawmte chuan Champhai District Hospital sak mek hi peih fel ala nih loh em avangin tun dinhmunah chuan hawn hrih loh nise, hawn luih an tum a nih chuan a dang turin Champhai mipui atam thei ang ber koh khawm nise an ti a, A tul anga hma lo la turin CTP an ruat bawk a ni.

COORDINATOR MEETING NEI :

    Nimin chawhma dar 11 khan BRC Training Hall ah SSA Coordinator zawng zawngten meeting an nei He hun kaihruaitu Pu H Lalhminghlua Dy. DPC SSA chuan, kalkhawmte chungah lawmthu sawiin, Sept ni 14 ah Saihkhumphaia NRSTC hawn a nih dante a sawi a, theihtawpa hmalatu Vaphai VEC leh CRCC Vaphai Pu Johny Rengkhuma hnenah lawmthu a sawi a, SMC Training neih tawh dante sawiin, Sept ni 19 ah Khawzawl ah neih niin, Sept ni 20 ah Ngopa ah neih a ni a, sept ni 24 ah CHamphai ah neih leh niin atuk sept ni 25 ah Khawbung Block a neih a nih thute a sawi a, hegn training an neihna ah hian kal an that theih em avngin lawmthu a sawi bawk a ni He hunah hian Pu Laldingliana DPC SSA Mission Champhai chuan thusawiin, hetianga BRCC leh CRCC zawng zawngte inhmuhkhawmna hun an neih thei chu a lawmawm takzet ani tih sawiin, kim taka an kal thei chu a lawmawm lehzual ani ati. Pu Dingtea chuan, kalkhawmte chu SSA khaidingtu an nih zia hre turin a fuih a, tuna SSA-3 lo piang leh tur ah pawh theihtawpa inbuatsaih a, rilru thar nena inhmachhawn leh turin a fuih bawk ani. A sawi zelna ah Pu Dingtea chuan, kan cluster kan enkawlna kawngah theihtawpin kan inbuatsaih tur a ni ati a, kan va kalna ten min ngaihnep mai loh nan leh keimahni atanga hlawkna an lo hmuh zel theih nan kan inbuatsaih tha tur a ni ati a, tunlai hmasawnna thang zelah keimahni pawh kan intuaithar zel tur a ni ati a, a bikin Education lam a thil thleng phei chu zirtirtu kan nih angin kan hre hneh em em tur a ni ati, hei bakah hian, zirtirna kan pek reng rengin saptawng kan uar lehzual tur a ni tih tarlang bawkin, miten english medium an panna chhan pakhat pawh saptawng an thiam duh vang a ni a, to tak takin private ah te saptawng thiam tir an duh avangin an fate an kaltir thin, Sorkar school a thawkte hian saptawng hman leh zirtir a thiamtir kawngah hian tun aiin tan kan la leh zual tur a ni ati, tunlai thiamna sang zelah zirtirtute hian computer hman thiam kan zir angai a ni tih sawiin, tunlai thiamna hmang thei ve zel turin tan ila ang u ati. Pu Dingtea chuan, Moral education chungchang sawiin, BRCC leh CRCC kalkhawmte chuan, Moral Edn kan ngaipawimawh hle tur ani tih a sawi a, Supervision leh Monitoring nei hunah pawh ngaipawimawh hle turin a fuih bawk a ni Nimin training hi session 2 a then a ni a, chawhnu lamah Highlight of AWO&B 2013-2014 tih hmangin Vanlalthlana Head Asst chuan hun a hmanga, BRCC leh CRCC report ngaihthlak a nih bakah, Work schedule for BRCC & CRCC tih chu DPC in a sawi bawk a, tlaiah chawhlui an kilho nghal bawk a ni

AWARENESS CAMPAIGN NEI :

    Nimin Chawhma Dar 11:00 khan Mizoram Youth Commission, GIGA career training center, Social Justice & Development India leh Dist Child Pretection Office Champhai tangkawpte chuan Vengsang YMA Hall ah awareness campaign an nei. He hun hi Pu VL Chama Hnamte Chuan kaihruaiin he hunah hian Pu JT Vanlalngheta Secy. Mizoram Youth Commission chu Khuallian niin thusawina hun a nei a, Khuallian chuan “Mizote hian Personality Development kan mamawh a, Hna kan thawhna ah reng reng mahni intodelh thei ngei tura kan thaw a, khawi hmunah pawh hna thawk ila, hna tha leh him kan thawh a pawimawh a, Mizote hi thil thiam hma chi kan nih avangin khawi hmunah pawh mahni kutkawih ngeia kan dinchhuah theihnan hnathawk thei tra tumruhna leh huaisenna kan mamawh a ni. Tunlai hian Mizote hian Hna tha leh Him thawh tur thlan thia kan mamawh em em a, State dang mai nilo, Ramdangah te pawh lehkha zir leh hnathawk kan awm ve nual tawh a, hengah te hian mahni thu thu a kala, khawsa mai lovin chinchang hre zawk leh lo awm tawh sate kan rawn thiam a pawimawh em em a ni a ti. Nimin a Zirlai kalkhawmte hnenah hian Khuallian chuan mahni ram ringawt a zir mai tum lovin state dang ;leh ramdang te pawh tinzawn ngam a, mahni ke a ding thei ngei tura hmathlir kan neih thiam a pawimawh ani a ti bawk. Nimina Awareness Campaign ah hian Jervis Lalramnghaka Director GIGA pawhin Carrier Training Institute leh Jimmy Laltlanmawia Director SG&DI te chuan kalkhawmte hnenah Safe Migration and Safe working environment to prevent Human Trafficking tih thupui hmangin zirtirna an pe bawk a ni. He hunah hian Champhai a High School hrang hrang naupangte an kal khawm a, Champhai District Welfare Committee ten an tawiawm bawk a ni.

KAWLKULH HIGH SCHOOL HAWNG :

    Nimin chawhma dar 10:30 khan Pu H Rohluna Minister chuan Govt. Kawlkulh high School building thar a hawng Hawnna inkhawm hi Pu C Hualrikhuma Dy DPC RMSA chuan kaihhruaiin, he hunah hian Khuallian Pu H Rohluna chuan, hetiang school building thar tha tak kan nei thei chu lawmawm atih thu a sawi a, hetiang nei thei tura tha leh zung seng tu zawng zawngte chungah lawmawm a tih thu a sawi. Khuallian chuan, zirna in tha tak hnuaiah chuan zirna pawh a tha tur a ni tih sawiin, zirtirtute pawh tan la lehzual turin a fuih a, khawtlang huapin zirna in thar kan nei a, mipui ten kan result an bawhzui ngei dawn a, kum tawpa result kan neih thatloh chuan, kan zirna hmun nen a inmil dawnlova, zirlai naupangte pawhin tan kan la tur a ni ati He High School Building thar hi Rs nuaih 21 leh sing 9 sang 5 senga sak a ni

KAISANG :

    F.Rualzakhuma, Champhai SE hlui chu Chief Engineer ah a kaisang a, E in C office ah a thu ang. P&E Deptt a EE te an siksawi bawk a. Champhai Power Project Division EE Lalnithanga chu Aizawla E in C office ah a awm dawn a, Laldinpuia EE Planning Aizawl division chu a aiawh tur hian Champhaiah a rawn awm thung ang.

THLA THARAH GRASSROOT :

    Champhai Dist Football Assn chuan thla thar ni 7 atanga tan turin Grass Root Football a kalpui leh dawn Grass Root Football hi naupang kum 6 atang kum 12 inkar a duh apiangte tana buatsaih leh tur niin, hemi atan bik hian Football coach training chhuakte rawih leh tur a ni ang a, naupang kum 6-12 inkar, football zir duhte chuan Application form Pu K Lalremsiama Vengthlang leh Pu Lalbulliana Vengthlang North te hnenah ngaihven theih a ni anga, Admission fee hi Rs 500 niin October ni 2 hma a thehluh leh vek tur a ni. Grass Root Football hi kumin kum laihawl khan kalpui tawh a nia, naupang engemaw zat ten football zirin, zing karah class neihpui thin a ni a, an thanlen chhoh zelna ah pawh hei hian nasa taka a puih tur thu CDFA hruaitute chuan an sawi

 TUIALHTHEI  DINHMUN :

MIZOFED :
    Petrol : Free Sale (Rs. 75.09)
    Diesel : Tanky full (Rs. 51.36)
RD PUMP :
    Petrol : Free Sale (Rs. 78.97)
    Diesel : Free Sale (Rs. 57.65)



 


ni 24.9.2013 (thawhlehni)

DISTRICT  HOSPITAL HAWNG LO TURIN DUH :

    Nimin khan Sub-Hqrs YMA chuan Champhai NGO pawl hrang hrang leh MJA te ko khawmin Champhai District Hosiptal tun Inriniia hawn tur chungchang an sawipui. Nimina tlawmngai pawl kalkhawmte hian Champhai District Hospital sak mek chu a hmunah tlawhin hna thawh tawh chin an enfiah a. Hospital-ah hian electrification tih mumal a la ni lova, elevator dah tur pawh dah a la nih loh bakah a chhuat leh kailawn te pawh zawhfel lohvin a la awm a. Tui chhe paihna tur leh tui dah khawlna tur te, tui lakluhna tur te thlengin tihfel a la ni lova. Damdawi in kal pawhna tur pakhat pawh siam a la nih loh bakah bang thenkhat chu pin fel loh a la ni bawk a. Tunah hian hnathawktute chuan chhum lo chat lovin damdawi in sak hna hi an thawk a, mahse a thawktu indaih loh avang leh hmanhmawh thila hnathawh chu tlawmngai pawlte hian tha ti lovin Inrinni-a District Hospital hawn tumna hi sorkarah thulh rih tura ngen nise an ti a, hei hian awmzia a nei lo a nih chuan na zawka hmalak an tum bawk a ni. Tlawmngai pawlte hian nimin khan Pi Lalbiaktluangi, Medical Superintendent pawh an kawm nghal a, tlawmngai pawlte hi leimin avanga damdawi in sakna tur hmanrua a tan avanga hnathawh chak a harsat thu lo hrilhin, damdawi in cheibawlna tur hi NRHM atangin sum a awm theih dawn thu a sawi a. Tunah hian nurse 11 awmin an indaih lo hle a, doctor-ah pawh specialist an awm kim loh bakah general lamah pawh harsatna an tawk a, rikrum thilah chuan MMU leh ART doctor te pawh an pun thin thu sawiin, an harsatna te hi department hotute hnenah an thlen tawh a, nurse lak turah hian hmuh thar an inbeisei thu a sawi tel bawk.

EVM TRAINING NEI :

    Nimin chawhma dar 11 khan Champhai DC leh DRDA staff te EVM hman dan leh enkawl dan traning neih pui an ni. Nimin khan Champhai DC Conference Hall-ah DC Office leh DRDA Office Staff-te EVM hman dan zirtir an niin, he hun hi DC leh DEO Pu Lalthangpuia Sailo chuan hmanpuiin, inthlanna khawl (EVM) nih phun leh a hman dan chip chiar taka hriat chu inthlan buaipuitu turte mawhphurhna anih thu leh tihsual palh hlek a thil pawi tak thleng thei anih thu a sawi a, inthlanna dik leh felfai tak kan neih theihna tura kawng hrang hranga inpuah chahna chu peihfel thawkhat anih tawh thu a sawi bawk. Inthlanpui neih huna inthlanna khawl (EVM) bik, awmhmun a mawh phur tura ruat DC Office leh DRDA Office Staff mi 30 thlan chhuahte hi AERO Pu Zoramthara Champhai BDO in zirtirna a pe a, ERO Pu Mark Lalthanliana’n a tawiawm a ni. He hunah hian EVM khawl nihphung leh hnathawh dan kimchang ataka zirtirna neih a nih bakah EVM kaltlang a vote thlak theih tura buatsaih dante, voters ten an duh tak candidate an vote theihna tura kawhhmuhna siam dante, vote thlak tawp hun a EVM khar dan leh khawih chingpen theihna laka a him theihna tura chhinchhiahna (sealing) buatsaih dante zirtir an ni. Heng mi 30 thlan chhuahte hian Inthlanpui neih huna Champhai District chhung A/c 5 tana EVM semchhuah leh a lo lut lam dawnsawn kawngah mawh an phur dawn a ni.

FAINA HAPTA CHUNGCHANG NGAIHTUAH :

    Nimin Chawhnu dar 3:00 khan DC Conference hall-ah District Level Cleanliness Committee neih a ni. He Committee hi District Level Cleanliness Committee Chairman Pu Lalthangpuia Sailo chuan a kaihruai a, Cleanliness Week October Ni 2-8, 2013 chhunga hman dan tur an rel ho a ni. Nimina Meeting te hian October ni 2, 2013 Zing dar 7:00 hian Week hawnna inkhawm, CHANEM tualah neih ni se la, he hunah hian Khuallian atan District Level Cleanliness Committee Chairman, Champhai DC ni bawk Pu Lalthangpuia Sailo chu hman ni se la, he hawnna inkhawmah hian Champhai a Office hrang hrang Head te leh Town Branch YMA, Champhai Town huamchhunga VC te sawm ni se la, hawnna Programme neih zawh ah Scout & Guide te’n Champhai khawlai tifaiin hnatlang nei chhunzawm nghal ang. Nimin a Committee chuan Champhai District huamchhunga BDO, VC leh YMA Branch hrang hrang te’n an huamchhunga faina kawnga a tam thei ang ber hmalakna nei tura sawm leh ngen ni se an ti bawk a, Kumdanga an lo tih thin angin Cleanliness Week denchhen hian Veng fai leh School Fai thlan niin a ti tha 3 te hnenah lawmman siam nise an ti bawk a ni. Veng fai endik tur hian Champhai Sub Hqrs. YMA chu ruat an ni a, School fai endik turin MJA Champhai ruat an ni bawk. Cleanliness Week Closing Function hi I&PR Auditorium-ah neih tura ruahmanna siam a ni bawk.

PANDAL SAK CHHUNZAWM ZEL :

    Nimin khân YMA Khawmpui Lian vawi 68-na Pandal sak hnatlâng chu thawh chhunzawm leh niin Tuipuiral Group YMA huam chhung a?angin Sesih (mi 35) leh Khuangthing (mi 38) an hnatlâng a ni. Tualchhung atangin KM School leh Pandal Committee te mi 86 thawk chhuakin, hnatlawng zawng zawng hi an vaiin mi 159 an ni. Nimina hnatlâng thawk chhuakte hian Pandal ban rawng hnawi te, a chhuat lei chap rual leh chil rual te, Election Office tur te, CYMA thil- lehkhabu leh thil dang zawrhna tur leh Exhibition tihna tur siam hna an thawk a ni. Sesih Branch YMA atang hian an hruaitu hlui Pu B.Sawngkhaw Jâma, kum 75 chuan hovin an thawk chhuak a. Khaungthing atangin an hruaitu hlui Pu F.Rothuama, kum 73 mi te chuan an hova. Khuangthing Branch YMA te chuan Khawbung kalkawngah Election Office châk tur thingtui an sât nghâl a, an sa zo nghâl bawk a ni.

MLA FUND IN KAWNG SIAM :

    Champhai North Bialtu MLA TT Zothansanga chuan AIzawl Road, Kanan Venga leimin/leikhi avanga ping leh thin helna atan a Fund atangin AOC Petrol Pump chhak kawng kual zau lai atanga PHE Venga lut chho turin JCB hmangin kawng a laihtir mek a, helai hmuna ram nei ten phal taka an ram an pek avangin an chungah an lawm hle. Hetihrual hian Sawrkar hnathawk ni khat hlawh pek atangin Khankawn atanga Zotlang kawng pawh chei mek a nih bakah Khankawn atanga Vengsang panna pawh ni 100 inhlawhna Material Component hmangin Vengsang VC ten an chei tha mek bawk.

TUIALHTHEI  DINHMUN :

MIZOFED :
    Petrol : Free Sale (Rs. 75.09)
    Diesel : Tanky full (Rs. 51.36)
RD PUMP :
    Petrol : Free Sale (Rs. 78.97)
    Diesel : Free Sale (Rs. 57.65)


ni 21.9.2013 (inrinni)



MARTAR TE NI HMANG :

    Nimin khan MNF Party chuan Martar te ni an hmang Nimin chawhma dar 10:30 khan Martar te pual hian CHanem a Martarte thlanah pangpar dah a ni a, he hun hi MNF Champhai North Block Secy Vanlalenga khiangte chuan kaihruaiin Block hrang hrang aiawhten pangpar dahin Gen Hqrs aiawh bakah Martar chhungte pawhin pangpar an dah bawk a ni Hemi hnu hian Kahrawt YMA Hall ah Martar te ni pual hian hun hman a ni a, he hun Pu HS Lalfakzuala President Champhai NOrth Block kaihhruaiah hian thusawiin Pu Ramzauva Adviser MNF Gen. Hqrs chuan, mizote hi CHanchintha hmangin Pathian in min zawng chhuak a, kan theihna leh thiamna, finna leh hausakna hmang chuan kan hnam tan dinchhuah ngaihna a awmlo tih sawiin, kan thenawm hnam dangte harsatna tawh dan a tarlang bawk a, a khawtual mi leh a ram neituten an ram an neih theih tawhloh dan te tarlangin, tunah hian Pathian in MNF Party a din a, he party hi awmlo se chuan Mizo hnam hian kan ram hi a nei tawh kherin a rinawmloh a ni ati a, Pathian leh kan ram tan tia hmalam pan zel turin kalkhawm party mi leh sate a fuih bawk ani

NLUP SEM :

    Nimin khan Venglai community hall-ah AH & Vety Dept hnuaia NLUP 3rd & 4th Phase 1st installment sem a ni a, Pu JH Rothuama leh Pu TT Zothansanga ten an hmanpui Nimin chawhma lam khan Champhai I huam chhung, Vengsang, Kahrawt Vengthlang, Vengthlang N, Zote, Ngur, N Khawbung, Hmunhmeltha, Electric, kanan veng te hnenah sem a ni a, chawhnu lamah Champhai II heng Tuipui, Dinthar, Zotlang, Bethel, Venglai, Chhungte, New Champhai, Tlangsam, Ruantlang, Vengthar, Zion Veng, te tana sem a ni, Chawhnu lam khan NLUP 3rd leh 4th phase semna puala inkhawm buatsaih a ni a, he hunah hian Champhai South bialtu Minister ni bawk Pu J.H Rothuam chu khuallian niin, MLA Pu T.T Zothansanga chu khual zahawm a. NLUP semna inkhawm kaihhruaitu AH & Vety Dept. DVO Pu laltlanmawia chuan Report tlangpui pein, chawhnu bikah hian beneficiaries 370 tana pek tum anih thu sawiin, abak zawng hi chawhma lam pek an ni tawh thu a sawi bawk, pawisa hi rs. 10000/- theuah pek an nih tur thu sawiin, AH & Vety Dept-in NLUP a lo sem tawh dan tlangpui tarlangin, 1st Phse-ah mi 1962 hnenah pek an lo tawh a, 2nd phse-ah khan mi 2022 hnenah 1st leh 2nd istallment pawh pek ani tawh a, tunah hian 3rd-ah mi 1534 leh 4th-ah mi 776 tan, an vaiin mi 2310 tana pek anih tur thu a sawi a ni. AH & Vety Dept-in tun sorkar chhung hian Champhai Dist. tan chhungkaw mi 6473 hnenah NLUp hi pek an ni tawh a, a vaia NLUP sum sem chhuah tawh zawng zawng zat chu Rs. 2821,66,221/- anih thu sawi bawk a ni. Dr K.lalnithanga S enior Vetenary Officer chuan kalkhawm te chu an pawisa dawn hman dan tur hrilhfiahna neiin, an pawisa dawn Rs. 10000/- chu ranin sakna tur anih thu sawiin,Ranin sak dan tur a hrilhfiah a, anihna anga sum hmanglo chu NLUP an dawn elh tur pawh hrensak an nih tur thu a sawi bawk a ni. He hunah hian Khualzahawm Pu T.T Zothansanga pawhin thusawiin, Sorkar lawmna ber chu NLUP a dawng tur dik ten an dawng chu a ni a ti a, Kum 20 rambuaia Mizoram a tan hnuah Party hrang hrangin chumi chhanchhuahna tur Ploicy an kalpui theuh va, P.C Sorkar khan Garden Colony a rawn vawrhlar a, chumi hnuah Congress Sorkarin NLUP a rawn sem a, MNF Sorkarin MIP a sem ve leh a, Chumi hnuah Congress a lo sorkar leh khan NLUP changtlung zawkin a rawn sem chhunzawm leh a ni a ti a, Sorkar chuan athlawna pawisa sema ain ngaih loh thu leh Mirethei dawmkanna tura NLUP chu a ngiahthu a sawi a, Bank buai dan chungchanga MNF sorkar hmasa leh Tun Congress sorkar in an lohna sawiin, MNF sorkar laia bank buai dan chu Lawngtlai bank atanga cheng Vbc 5 leh nuai 11 ruk bo a nih avangin, khatih lai khan bank zawng zawng khan ral an khel a, tun Sorkarah erawh chuan bank-in miretehi ten pawisa an dawn hman loh hlauin an buai ve thung a ni a ti a, kalkhawmte chu an pawisa dawn inang vek mahse, nakin hlawhtling leh hlawhtling lo an la awm dawn, a hlawtling zinga tangin kalkhawm te chu a duhsak thu a sawi bawk a ni. Khuallian Pu J.H Rothuama chuan thu sawiin, hetianga NLUP tanpuina sem nghak a mipui kalkhawm hi khawvel History-ah a la awm ngai loh thu sawiin, Mizoram chu rambuai hrehawm avangin kum 20 zet hmasawnna kalpui thei lovin a awm a, chuta tanga mipui nawllpuiin leirem an rah leh theihna turin Congress kum 10 sorkar hmasa khan NLUP hi Rs.30,000/- -in a lo sem tawh a, C ongress a lo sorkar leh kkhan Mizoram mipui ten eizawnna ngial nghet an neihna turin NLUP bawk chu Policy tha bera angaih avangin, NLUP changtlunbg zawk leh uluk zawkin Rs.1,00,000/—a sem chu a thain ahria, a tirah chuan chhungkaw 1,20,000/- tan cheng Vbc 1,500 sem turin ruahmanna a siam phawt a, Central sorkar lamin uluk taka NLUP policy te alo zir chuan hnuah mamawhna tur thil dang tam tak abehbawmah a awm dawn nia an hriat vangin, Vbc 1500 an ruahman chu Vbc 2800-ah a lo phalsak a, tunah hian a zatve pawh hman a la nih loh thu leh, a dang te chu NLUP dawngkim tawh la tuam hlawmna tur Exit Protocola tana hman tur a nih thu asawi bawk a ni. A tira cheng nuai khat hlawm a sorkarin asem lohna chhan chu a dawng tu ten hawlhtlinpui ngei tura a duhsak vang a nih thu sawiin, tunah chuan Sorkarin a tih tur a ti tawh a, a bak zawng chu a dawngtu lam mawhphurhna a ni a ti a, NLUP sem thei tura Congress poarty siamtu chu nimin lokal khawm te hi an ni a, chuvang chuan hetiang dinhmun a an awm ta hi lawmna chang hre turin kalkaahwm te chu a hrilh bawk a, NLUP Monitoring Cell te pawh nimin tanpuina pawisa dawng te hian anihna dik taka na hman leh hman loh enfiah zui turin a chah bawk a ni. Congress Sorkar chu mipuiten sorkarna siam tura an ngaih leh avngin, NLUP la dawng lo tam tak tan pawh Sorkar tharah sem chhunzawm zel Sorkar chuan a tum thu a sawi bawk. Nimina AH & Vety NLUP semna inkhawmah hian Minister leh MLA te hi Champhai N & S Block Congress hruaitu ten an tawiawm bawk a, hemi ni hian chhungkaw 103, beneficiaries 2310 te hnenah pawisa fai Rs. 10000/- theuhva sem a ni a, 3rd Phase bene fisciary te tana sum sem chhuah zawng zawng hi Rs. 153, 40,000/- a ni a, 4th Phase bene ficiary te tana Rs. 77,60,000/- sem chhuah a ni bawk.

TANPUINA PEK HUN SAWN HLA :

    Nimin chawhma dar 10 khan Sub Hqrs YMA Executive Committee neih a ni He hun Tlangrawta Sub Hqrs YMA Office a neih hi Pu PC Zohlira chuan kaihruaiin, tun hnaia Leikhi leh Leimin avanga harsatna tawk chhungkaw engemaw zat chhawmdawl dan tur ngaihtuah a ni a, Sub Hqrs YMA Executive Commt in a lo ruahman tawh angin Champhai khawpui chhunga YMA Branch tin ten veh bur khawn nise tia a lo rel tawh chu, tunah hian a tam zawk a lutkhawm tawh a, pawisa tlingkhawm zawng zawng hi a vaiin Rs 6,13,103/- niin hei baka lut tur a la awm avangin chhiattawk chhungte hnena pawisa pek hun hi Oct ni 4 nise tiin an rel a, an pek zat tur erawh ruahman mek a ni. Hei bakah hian Diversion Road atana sorkar hnathawk ten an ni khat hlawh an thawhkhawm chu tuna la thawhlo te hian leimin tuarte tan pe tawh se an duh thu Sub Hqrs YMA chuan an sawi bawk. Hei bakah hian Sub Hqrs YMA in alo ngen tawh angin DM&R hnena leimin tuartute thla khat ei leh in tum sak tura an ngen chu Central YMA in lo bawhzuiin, puitling tan ni khat ah Rs 40 hisap leh naupang tan ni khatah Rs 30 hisapa thlakhat chhung tumsak turin DM&R hian Order a tichhuak bawk a, Sub Hqrs YMA chuan DM&R chungah hian an lawm hle tih thu an sawi bawk a ni

HMANRUA SEM :

    Nimin chawhma dar 10 khan SJSRY Cell, UD&PA Dept chuan BPL training chhuakte hnenah hmanrua sem a ni He hun Swarna Jayanti Shahari Rojghar Yajona SJSRY semna inkhawm hi Pu Lalenglawma Pakhuangte DUDO chuan a kaihruai a, he hunah hian thusawiin khuallian Pu Lalthangpuia Sailo IAS Champhai DC chuan he programme hi kum 1997 December ni 1 khan central sorkar in a lo duan tawh thu leh kum 2009 ah tihlena nih thu a sawi a, hlawhtlinna an neih ah tanpuina dawngtu te chu a lawmpui thu leh sorkar in BPL chhungkua te chawikan a tumna chu taimakna leh thawhrimna nena dinchhuahpui ngei turin a chah a ni He hunah hian Pi F Ramnunengi CO chuan report pe in kum 2008 atanga hetiang training hi neih chhunnzwm zel a ni a, chung zinga hlawhtlinpuina tura mammawh leh hmanrua leina nei silo, harsa zual mi 35 thlanchhuah bikte hnenah tun tumah hian tanpuina hmanrua sem a nih thu a sawi a, tunah hian mi 90 in 2013 2nd batch training thla ruk awh tur an nei leh mek a ni ati. Inkhawm kaihruaitu Pu Lalenglawma Pakhuangte DPO chuan heng thil an dawn atnag hian BPL chhungkua atangin inkhaichhuah tum ngei turin a chah a, Pu Zahmingliana IS chuan lawmthu sawiin he hun hi khar a ni

NLUP SEM LEH DAWN :

    Vawiin dar 10 hian Agriculture Dept chuan an Office ah NLUP 3rd Phase leh 4th Phase account hawnglo leh account a la thunloh hawng tlaite tan NLUP 3rd Phase leh 4th Phase 1st installment a sem dawn a, mahni ngei kalin EPIC leh VLMC lehkha anmahni an ni ngei tih tihchianna lehkha kenga kal tur a ni tih thu kan dawng

 TUIALHTHEI  DINHMUN :

MIZOFED :
    Petrol : Tanky Full (Rs. 75.09)
    Diesel : DCSO Permit (Rs. 51.36)
RD PUMP :
    Petrol : Free Sale (Rs. 78.97)
    Diesel : Free Sale (Rs. 57.65)

 


ni 20.9.2013 (zirtawpni)



SOUTH BLOCK CONGRESS CONFERENCE :

    Nimin Chawhma Dar 10:30 khan Champhai South Block Congress te'n Kanan vengah Block Confenrence 2013 an nei. He Conference hi Champhai S Block President Pu C. Lalrintluanga'n a kaihruai a, Upa C. Vanlalnghaka Kanan Veng Presby. Kohhran Upa in hunserh hmangin Champhai South Block Secreatry in Tun Sorkar kum chhunga Champhai South huamchhunga Congress hmalakna leh hmasawnna hna a thawh te report a pe a ni. Nimina Block Conference ah hian Khuallian atan Ch. Lalngaihawma President ADCC niin Champhai South Bialtu Minister Pu Jh Rothuama chu Uaptu atan hman a ni bawk. He huna KHuallian Pu Ch. Lalngaihawma chuan thusawiin "Champhai South huamchhungah hian Party Assessment atanga a lan dan chuan Party dangte hi an hlauhawm tham lo a, a pawimawh berah chuan Party chunga inlungrualna leh thawhhona tha hi a nih avangin Partu Worker rang hrangte lungrual taka kan thawh ho a pawimawh ani a ti a, Congress Sorkarna chan chhung hian Mizoram in kawng hrang hrangin hmasawnna a hmu a, kawngpui chungchangah te, Sumdawnna leh Hydel Project leh Infiamna lamah hma nasa tak in a sawn a, heng piah lamah hian mipui nawlpui khaichhuah nan NLUP pawh tha taka kalpui a ni a, Congress Srkar ah hian Mizoram a mihring tam ber hi an lungawi a, Mizoram mipuite tana theihtawp a chhuahna avangin Congress ah mip[uite'n rinna an nghah avangin Inthlan leh hunah pawh Sorkarna kan chang leh ngei ang" a ti a ni. Block Conference Upatu Minister Pu Jh Rothuama pawhin thusawiin "Pathian tih leh amah hrereng chunga Ploitics hi khelh anih loh chuan hlawhtlinna tak tak a maw thei lo a ni ati a, tun kum 4 leh a chanve kalta chhung khan bialchung mipui zawng zawng an tih lawm kim vek theih loh a,Hmasawnna erawhchu a rualkhai thei ang ber a kalpui a ni a ti a, Inthlan chungchang sawiin tlin leh tlin loh chu pathian thu thu a ni a, kan Party hian pathian hrereng chunga hna kan thawh chuan Pathian in min tlin tir leh mai dawn a ni" a ti. Nimina Block Conferrence ah hian Mi thar lawmluhna hun hmang nghalin Mi thar 128 lawm luh an ni a, heng mi thar lawmluh te aiawh hian Pu Khualkhenkapa Dinthar veng chuan thusawina hun a nei a ni. Champhai South Block Vice President Pu Vanlalchhuanga Varte chuan nimin ah hian Resolution pu lutin tuna Congress Ministry chhunga Champhai South bial bika CM hmalakna tlangpui a tarlang a, Bialtu Minister Pu Jh Rothuama'n a bialchhunga mi harsa te tanpuinan ama sum senga mi tamtak a tanpui thu a sawi bawk a, tun election lo awm turah hian Champhai South bial ding tur hian MPCC in a rawn ruat apiang lawm taka a tlin ngei theih nan a theihtawp chuhah ni sela tih thu resolution a siam chu kalkhawmte hian lungrual takin an pawm tlang a ni. Nimina Champhai South Block Conference ah hian Champhai N bialtu MLA Pu TT Zothansanga pawhin thusawina hun a nei ve bawk ani. Nimina Block Conference ah hian PD Sena Hall-a lenglo khawp mipui an kalkhawm a ni.

ENGLISH MEDIUM SCHOOL ASSEMBLY NEI :

    Nimin khan Parish Hall ah Champhai Dist English Medium school Assn chuan general Conference an nei He hun Pu David Thangluaia President Champhai Dist English Medium school Assn kaihhruai ah hian school hrang hrangte chuan special items neiin zaithiam an neihte zaitir an ni bawk a, hei bakah hian Pu C Hualrikhuma National Awardee chuan thu sawi bawkin, Pu C. Hualrikhuma chuan zirtirtute pawimawhna a sawi a, zirlaite hmakhua hi kan kuta innghat a nih thu a sawi a, naupangte kan zirtirna kawngah theihtawp kan chhuah tur a ni tih sawiin, kan ti mai mai tur a ni lo ati a, hei bakah hian, kan zirtirtur thu kan hrechiang tawk tur a ni tih sawi bawkin, namnul tak leh pawlawh takin hna kan thawk tur a nilo a ti. Hei bakah hian Pu Lalhmingmawia Pachuau CHamphai Dist MJA President pawhin thu sawiin, nu leh pa te hian neih zawng zawng sengin kan fate school kan kaltir a, mi tha leh hlawhtlinga an chhuah kan duh a, mi puitling tak nise, chhungkua chawmzo ngei se kan duh a, chutiang tur chuan sum tam tak sengin beiseina sang tak nen kan fate school kan kal tir a, school lama lo zirtirtu te hian theihtawp kan lo chhuah pui tur a ni tih sawiin, nu leh pa tibeidawnglo tur leh naupangte mi tha taka chhuah thei tura tan la turin zirtirtu kalkhawmte a fuih bawk a ni.

SAWRKARAH LAWMTHU SAWI :

    Nimin khan Govt Champhai College SU, MZP leh MSU te chuan general Body meeting an nei Govt Champhai College zirlaite chuan sawrkarin an thil phutte a tihhlawhtlinsak chungchangah lawmawm an ti hle a, hruaitute kaihhruaina hnuaiah hmalak chhuzawm zel nise an ti a, a nawlpui ang chuan tihtawp nise an ti bawk a ni. Hei bakah hian thuchhuah siamin sawrkarin zirtirtu thar pali lakna tur a tihfel sak leh, hmun dang a attach pakhat a laklet sak hi lawmawm an ti hle a, Govt Champhai College zirlaite hmakhaw ngaia an ngenna an tihhlawhtlinsak chu an lawm hle tih an tarlang a, hei bakah hian Arts stream lama an indaihlohna, History, Economics leh MIzo subj ah te khawngaiha zirtirtu pakhat theuh tal pe leh turin sawrkar an ngen a, champhai mipui leh NGO hrang hrangte thlawpna ah lawmthu an sawi bakah Champhai hmasawnna atana thawkho zel turin an sawm bawk a ni.

NLUP SEM LEH DAWN :

    Vawiin chawhma dar 10 hian SJSRY Cell, UD & PA Dept chuan BPL member training chhuakte hnenah an hmanrua leh mamawh hlanna hun I&OR Auditorium ah an nei dawn He hunah hian Pu Lalenglawma Pakhuangte DUDO chuan a kaihruai anga, Champhai DC Pu Lalthangpuia Sailo IAS chu khuallian tur niin training chhuakte hnenah hian an hmanrua tur sem a ni ang.

AWARD LAWM DAWN :

    Champhai atanga zirtirtu National Award dawng thei pahnihna, C. Hualrikhuma`n tun thla ni 5 a Delhi-a National Award a dawn chu vawiin dar 1 hian chhungkhat laina leh thenrualthate sawmin a pa C. Sualneka te nupa chuan an lawm sak dawn. Champhai atang hian hetiang award hi kum 1977 khan Govt. GM HS Headmaster Pu Thanseia chuan a lo dawng tawh a ni.

CHEQUE CHAUH :

    Champhai Treasury Office a UPS a chhiat avangin AIzawlah thawn thlak a ni a, phai lamah a part chah mek a nih avangin Direct Cheque chauh a tih theih rih niin thu kan dawng.

TUIALHTHEI  DINHMUN :

MIZOFED :
    Petrol : Tanky Full (Rs. 75.09)
    Diesel : DCSO Permit (Rs. 51.36)
RD PUMP :
    Petrol : Free Sale (Rs. 78.97)
    Diesel : Free Sale (Rs. 57.65) 


ni 19.9.2013 (ningani)



ZIRLAITEN ZIRTIRTU PEK NGIAT ZEL :

    Champhai Zirlai pawl hrang hrang leh Govt. Champhai College Students` Union ten Lecturer an ngiatna chu chhunzawm lehin nimin khan Champhai cham mek Revenue Minister JH Rothuama thlenna Circuit Huse ah an pungkhawm. Zirlai pawl hian niminpiaha Total bandh an neih hnuah Minister JH Rothuama chu an thil ngiat sawipui hian Khankawnah an lo dang a, Home Minister in an thil ngiat hi Special File anga kalpui a nih tur thu a hrilh hnuah ngaihtha taka inthenin thil awmdan hi an ngaichang a, mahse nimina Aizawl lama thil kal dan  an chhui chian hnuah File hi File pangngai ang bawka kalpui leh a nih avangin nimin tlai khan Zirlai pawlte hi Minister thlenna Circuit House ah an pungkhawm a, zirtirtu dah a nih tur Order a chhuah hma chuan Circuit House kawta thut tumin nawrh hi an kalpui chhunzawm a, Education Minister leh Chief Minister Charge latu Home Minister te hian Zirtirtu 6 pekna turin nimin khan an tifel nghal a, Under Secretary pawh thleng nghalin Director hnena a thlen veleh order hi tihchhuah nghal tur a ni a, he order hi vawiina tihfel an intiam avangin zirlaite hi an tin leh ta a ni.

SPORTS  STADIUM LUNGPHUM PHUM :

    Nimin Chawhma Dar 11:00 khan Minister of Land Revenue & Settlement Pu JH Rothuama’n Champhai Zotlang-ah Sport Stadium Lungphum a phum.
    UD&PA Department buatsaih Sport Stadium Lungphum phum a nih hnu hian Zotlanga Mangkhaia Hall-ah Khuallian Pu Jh Rothuama  chuan thu sawiin, Champhai hi Sports lamah kan duai lova, Sokarin hetiang hmun min pe leh a ruangam a lang tan te, a hmunin a lo zir lehzel te hi a lawmawm em em a ni tiin kan thalai te’n practice na tur hmun tha an nei hi a lawmawm hle a ni. Champhai-ah Sports lamah lawmman lakannei teuh tawh a, nimin tlaiah ngei pawh hmuah turkannei a, Sport lamah hmingkanchher hle a ni tiin helai ram hmun petu; an chhungkaw ro hial lo ni reng thin khawtlang tana ui lova an phalnaah lawmthu a hrilh bawk.
    NLUP chungchang sawiin Minister chuan hlawhtling  ngei turte chu pek zel tum a ni a, eng party pawh nise, thleibik awm lova mite lo dinchhuah vena a tan pek zel tum a ni a, mahse engahmah chan lo te chu pek tawh pawh pek chhunzawm tawh loh mai tur an ni a ti a, Sorkar hmasawnna tur atan hian Minister leh MLA te chauh hi an pawimawh lova, mipui nena tanrual a ngaiin taihmakna leh rinawmna nen Zoram hian hma ala sawn zel ang tiin Zotlang Field leh Stadium chu Zotlang leh Champhai tan chauh ni lovin Zoram pum tan a ni tih thu a sawi bawk.
    Champhai South Bial chhunga zirna kawnga harsa zual bikte hnenah Labour & Employment kaltlangin tanpuina Rs. 2000/- chu Minister hian a sem nghal a, Ruantlang atangin In 100, Zotlang atangin In 100 hnenah nimin hian pek an ni a, zirlai pakhat zelah Rs.2000/- niin chhungkaw pakhat ah Unau pahnih zel pek theih a ni a, karleh lamah hian Champhai South huamchhunga khua leh veng dang te hnenah sem leh a la ni ang. Heng zirlai chawmna hi kumdangah pawh Card renew a lak zel theih a ni.
    Khualzahawm Pu TT Zothansanga pawhin thu sawiin nimina kan hun hman ang hi hman chak ve khawdang tamtak an awm a, heihi kan hruaitu leh hotute’n nasa taka hma an lak vanga Sport Stadium puitling nei thei kan ni a, tun Sorkarah hian Infiamna lama hmasawnna tur atan Sorkain Cheng Vaibelchhe 171 hmang tawh in a la hmang mek zel a ni tiin Infiamna lam a thalaite rualawhna hria Sorkar kan nei hi kan vanneihna a ni ti bawk. Pu TT Zothansanga chuan Sport Stadium puitling a awm tawh dawn avangin Zotlang mipuite chu lo inbuatsaih ve tura ngen nghalin an tan eizawnna tha tak a inhawng ve nghal dawn a ni, a ti bawk.
    Pu R. Lalhmuliana Jt. Director, UD&PA chuan Technical Report pein UD&PA Department Engineer te leh NBCC lam te’n  Survey an neih tawh dan leh National Building Construction Corporation Limited ten Detailed Report an siam dan leh an bawhzui dan te a sawi a, Central Sorkar chuan Zotlanga Stadium sakna atan hian cheng Nuai 2238.69 an rawn sanction a, hei hi 10% Lumpsum Grant for North Eastern Region including Sikkim hnuai atanga hmuh a nih thu a sawi bawk a ni.
    He sports stadium-a awm turte chu:-
1) International Standard Football Ground (100m x 64m). 2) Long Jump, Triple Jump & High Jump pit leh Runway. 3) 8-Lane Running Track 4) Weightlifting Hall 5) Concrete Gallery, mi 1500 vel thut theihna. 6) Commentary Room 7) VIP Room 8) Players changing room (Bathroom leh Toilet awmtel). 9) Sports Official Room te an ni.
He Prgramme DC Pu Lalthangpuia Sailo kaihhruaiah hian Zotlang VC Pu C. Laldenga pawhin he Stadium lo hlawhtlin theihnan a Zotlang mipuite hmalak dan a sawi a, Pu C. Lallianpuia Vice Chairman, Champhai Dist. Sport Committee pawhin infiamna lama Champhai hmasawnna leh hmingthatna te a sawi bawk a, Pu Lalenglawma Pakhoungte chuan lawmthu sawina hun neiin inkhawm hi tihtawp a ni.

BRONZE MEDALIST HMUAK :

    Nimin khan rit chawi a Bronze Medal latu TBC Lalchanhima chuan Champhai a rawn thleng a, Ruantlangah amah lo hmuahna hun hman a ni. TBC Lalchhanhima hmuahna hun hi Ruantlang Dawrkawnah neih a ni a, he hun hi C. Lalrivunga, VCP kaihhruaiah hian Mizoram Weight Lifting Assn. Coach Zohmangaiha chuan Technical Report a pe a ni. TBC Lalchhanhima hian May thla a Asian Weightlifting Championship, Doha, Qatar a neihah khan 56 kg a Bronze Medal a la a, Chna Nanjing a Asian Youth Games neihah khan India aiawh in 56 kg ah tho hian Bronze Medal a han la leh a, tetah hian Indian lifter zinga pa 2 chiah in medal an hawn thei a ni. Nimin khan District huap Sport Discipline aiawh, mimal leh khawtlang hruaituten lawmpuina thahnem tak an pe a. Khankhawnah Ruantlang VC in an lo hmuakin  thangchhuah kawr leh diar an lo pe a ni.

NAGALAND IN RAWN ZIR :

    Nagaland atanga Mizoram Horticulture leh Agriculture hmalakna rawn enfiah tura rawn kal  Officer rualte chuan nimin tlai khan Champhai an rawn thleng a, nimin tlai khan Champhai phaizawla thlai chin dan, Tlangsam Winery leh Mualkawi-a Grape chinan hmunte an en nghal a, an rawn kal pah hian Khawzawl leh a chheh vela hmalakna hrang hrang an rawn en pah nghal bawk a ni. Nagaland Agriculture leh Horticulture Officer te hian vawiin hian Champhai chhuahsanin Aizawl an pan lehnghal dawn a, heng Officer rualte hi Aizawl atangin Agriculture Director C. Lalzarliana leh a thawhpuiten an rawn tawiawm a ni.

TANPUINA PE DAWN :

    Naktuk Zirtawpni chawhma dar 10 hian Sub-Hqrs. YMA Executive Committee chuan leikhi/leimin tuarte tanpuina pek dan tur chungchang an ngaihtuah ang a, chhun dar 12 atangin leikhi/leimin tuarte hnenah hian tanpuina hlan zui nghal an tum a, hemi ni hi Executive Member ten ngai pawimawh theuh turin an inhriattir a ni.

ASSEMBLY NEI DAWN :

    Champhai District English Medium School Assn. (CDEMSA) chuan vawiin chhun dar 12 hian Parish Hall ah General Assembly an nei dawn.

TUIALHTHEI  DINHMUN :

MIZOFED :
    Petrol : Tanky Full (Rs. 75.09)
    Diesel : DCSO Permit (Rs. 51.36)
RD PUMP :
    Petrol : Free Sale (Rs. 78.97)
    Diesel : Free Sale (Rs. 57.65)

 


ni 18.9.2013 (nilaini)



CHAMPHAI ZIRLAITEN MINISTER AN DANG :

    Govt. Champhai College a zirtirtu indaihlohna avanga lungawilohna lantir nan Zielai ten dar 12 chhung awh bandh nimina an huaihawt chuan thlawp a hlawh hle a, Champhai ah hian nimin zing dar 5 atang khan Bandh hi huaihawt a ni a, chawhnu dar 3 ah hlipin hemi hun chhung hian thil duhawmlo thleng a awm lo.
    Bandh hlih hnu nimin tlai khan Revenue Minister leh Champhai South Bialtu JH Rothuama`n Champhai a tlawh dawn tih hriain zirlaite chu an pungkhawm leh a, Minister hi dangin Champhai thlen hma POlice Check Gate awmna Khankawn ah zirlaite hi kalkhawmin Minister lokal tur hi dangin kawngpui ah an thukhawm a. Helai hmuna zirlai pungkhawmte hi 400 zet an tling niin thu dawnna chuan a sawi a. Minister leh amah tawiawmtute hi Khankawn Check Gate thlangah awmin, Champhai lam atangin Police engemaw zat helai hmun pan hian an liamthla zui ve bawk a. Helai hmunah hian zirlaite leh Minister aiawhte h inbia in, nizan dar 7:30 pelh hnu khan inbiakna chu zi felin zirlaite chu an tin a, Minister pawh Champhai lamah a rawn tlang chho veleh ta a ni.
    Zirlai hruait aiawhte leh Minister aiawh hian Congrees hruaitu K. Lalsangliana te chu inbia in Chief Minister awm loh hlan a Charge la mektu Home Minister R. Lalzirliana chu biakpawh niin, Home Minister hian zirtirtu indaih lohan chungchangah hian Special File kaltir tiamin, zirlai hruaitute chuan File kal hun chhung atan tunkar chhung ngaihchan nise, tiin Minister hi an kaltlang tir ta niin thu kan dawng.
    Kan thudawnna in a sawi dan chuan vawiin ni 18.9.2013 (nilaini) lamah Zirlai Pawl hruaitute hian Home Minister hmu nghalin beidawng takin a lo chhan avangin an hmalak zel dan tur hi he thu buatsaih lai hian Zirlai hruaitute hian an ngaihtuah mek.

TLANGVAL CHHUANAWM HMUAK DAWN :

    Kumin May thla a Asian Weightlifting Championship Doha, Qatar a neiha 56 Kg a India aiawha Bronze Medal latu leh tunhnaia China, Nanjing Asian Youth Games neiha India aiawh in 56 kg ah Bronze medal la zui lehtu TBC Lalchhanhima s/o TBC Lianzuala, Ruantlang chu vaiin hian Aizawl atangin Champhai ah a lo haw dawn a, khawtlang huapin ropui taka lo hmuah a ni dawn.
    Tlangval chhuanawm lo haw tur hi Champhai District Sport Comtt. huaihawtin lirthei nen vawiin chawhnu dar 2 hian Khankawnah lo hmuah a ni dawn a.He hunah hian Champhai District chhunga Sports discipline hrang hranga hruaitute chu kal ngei turin District Sports Comt. chuan a ngen a, lirthei neitute pawh a tam thei ang ber kalturin an ngen a. Khankawn atang hian an veng Ruantlang thleng lirthei nen kawngzawh tura ruahman a ni a. Ruantlang kawnah amah lo lawmna leh chawimawina hun hman zui a ni ang.

KHEHPUAM MAN LEH TA :

    Nimin khan Champhai Police te chuan Zokhawtharah khehpuam mum 1022193 an man. Khehpuam neitute hian ni 6 khan Delhi rawn chhuahpuiin ni 10-12 khan Champhai leiminah an tang a. Ni 13 khan Zokhawthar panpui niin nimin khan Champhai Police te hian an man ta a ni. Khehpuam hi motor hnungah uluk taka a bika dahna tur an siam atangin man a ni a. An man lai hian Driver pakhat zawk Vanlaltluanga s/o Daniel Taunuk, Tahan D Gr. chiah awmin Driver pakhat zawk leh thil chinchang hre zawk Sangtea erawh a tlanbo hman a ni. An ruihhlo man hi Local market chuan Rs. 81,77,544 a ni. Champhai Police te hian tunlai hian ruihhlo an man nasa hle a, thenkhat phei chuan sum tam tak hmanga in thlanchhuah an tuma mahse Champhai Police te hian an la duh lo niin kan thudawnna chuan a sawi.

LUNGPHUM DAWN :

    Rs. nuai 2238 chuang senga Zotlang Stadium puitling sakna tur lungphum chu vawiin chawhma dar 11 hian Revenue Minister JH Rothuama`n a phum dawn. Lungphum inkhawm hi DC kaihhruai in Mangkhaia Hall ah neih a ni ang. He stadium sak tur hi National Building and Construction Company (NBCC) in an thawk dawn a, thla 24 chhunga zawh hman tura ruahman a ni.

TUIALHTHEI  DINHMUN :

MIZOFED :
    Petrol : Tanky Full (Rs. 75.09)
    Diesel : DCSO Permit (Rs. 51.36)
RD PUMP :
    Petrol : Free Sale (Rs. 78.97)
    Diesel : Free Sale (Rs. 57.65)


ni 17.9.2013 (thawhlehni)



ZIRLAITEN TOTAL BANDH BUATSAIH :

    Vawiin hian Govt Champhai College zirtirtu indaih lohna avanga zirlai pawlten bandh an nei dawn. He bandh hi zing dar 5 atanga tan tur niin he bandh hian bawnghnute sem, media, chanchinbu sem, emergency duty, damlo te a huam tel lovang. Zirlai pawlte hi vawiin hian Hospital, Vengsang biak in kawt, dawrkaikawn, darthangvunga point, DK traffic point, venglai biak in kawt, bethel kawn, vaihmun, new champhai, DC office, thingsulthliah kawn, zotlang leh kanan veng ah te an duty dawn a ni. Bandh tur chungchang ngaihtuah hian nimin khan DC office chamber-ah zirlai pawl hruaitute leh Champhai DC Pu Lalthangpuia Sailo te chuan meeting an nei a ni.
    Tarlan tawh angin GOvt. Champhai College Students` Union, MZP leh MSU huaihawtin tun thla Sept. ni 6 khan GOvt. CHamphai College a zirtirtu indaih lohna avanga zirtirtu pek ngiat hian Champhai kahwpui chhungah zirlai ten kawngzawh an lo huaihawt tawh a. Sept. ni 13 khan Zirlai pawl 3, NGO hrang hrang leh Political Party hrang hrangte chuan Joint Meeting neiin zirtirtu indaihlohna chungchanga hmalak zel dan tur an relho a.
    Mizoram chhunga College hrang hrangte dinhmun nen khaikhinin Govt. Champhai College ah hian zirtirtu indaih lohna nasa hi pawi an tih thu an sawi a. Nimin thleng kahn sawrkar ngaihchan nise, hmalkana awm loh chuan vawiin hian Total Bandh neih nise, an ti a. Total Bandh hian awmzia a la neih loh chuan naktuk ni 18.9.2013 (nilaini) atangin tiamchin awm lova chaw nghei a nawrh (Hunger Strike) leh Sawrkar Pisa zawng zawng leh zirna in zawng zawngte khar nise; hei hian awmzia a la neih loh fo a, Election Code of Conduct Rule tihchhuah hman a nih chuan Election Boycott thlenga hmalak nise, tiin thutlukna an siam a. An hmalakna hi mipui ten thlawp theuh turin an ngen bawk.

SAIKHUMPHAIAH TRAINING CENTRE HAWNG :

    Kar hmasa inrinni chawhnu dar 1 khan Pu Laldingliana DPC SSA Mission CHamphai District chuan Saikhumphai a Non Residential Special Training Centre a hawng Hawnna hun hi Saikhumphai UPS a neih niiin he hun hi Pu Lalhminghlua Dy. DPC SSA chuan a kaihruai a, he hunah hian thusawiin Pu Dingtea DPC SSA chuan, April ni 24 a Saikhumphai a kan avanga zirna chhunzam theih anih tak loh avangin naupang school kal rual, kallo mi 31 an awm ta a, New Education Centre thla thum chhung atan hawn phawt a ni a, anmahni zirtir tur hian special trainier 2 rawih an ni a, zirna tana mamawh chi hrang hrang te SSA Office atanga pek an ni a ti a, hei bakah hian, school te hi nimin atanga tan a nih tur thute, VEC Vaphai leh CRCC Vaphai Pu Johny Rengkhuma ten he New Education Centre hawng thei tura hma an lakna avangin lawmthu a sawi bawk a ni He New Education Centre hi nimin atanga tan tur a ni a, tunah hian naupang 31 awmin anmahni zirtir turin special trainer 2 rawih an ni bawk ani.

NLUP SUM BANK AH DAH FEL :

    Agriculture Dept hnuaia NLUP 3rd Phase leh 4th phase sum sem tur chu Mizoram Rural Bank ah dahfel a ni Agriculture Dept hnuaia NLUP 3rd Phase beneficiaries 256 te leh 4th phase beneficiaries 197 te hnena sum sem tur chu Agriculture Dept chuan Mizoram Rural Bank ah an dah fel ta a, Account la hawnglo ten an dawn ve thuai theih anan beneficiary ten account hawng thuai turin dept hotute chuan an duh a, beneficiary la tifellote tifel turin khawtlang hruaitute an chah bawk a ni. Hetihlai hian Tunkar nilaini hian Director Of Agriculture leh a hnuaia Officer 5 ten CHamphai an rawn tlawh dawn a, HE huanah hian Director Of Agriculture leh a hnuaia Officer 2 bakah Nagaland atanga lokal officer 5 ten champhai an rawn tlawh dawn a, tlai dar 3:30 ah Champhai leilet an tlawh anga, winery leh Mualkawi Grape Cultivation an tlawh bawk dawn bawk a ni.

TANPUINA SUM PE :

    Champhai a leikhi leh tawlh avanga chhiatna tawk chhungkua 10 te hnenah nimin khan Vengthlang Presbyterian Kohhran chuan tanpuina sum Rs. 80,000 an hlan. Chhawngkaw 7 te hi an kohhran member niin chhungkaw 3 te hi Kohhran dang member te an ni.
    Hetihlai hian Vengthlang VC leh Khawtlang hruaitute hnenah Zokhawthar leh champhaia Custom Deptt. chuan tanpuina sum Rs. 5000, New CHamphai Presbyterian Kohhran Hmeichhia ten Rs. 1000 an pe bawk.

 TUIALHTHEI  DINHMUN :

MIZOFED :
    Petrol : Free Sale (Rs. 73.31)
    Diesel : Free Sale (Rs. 51.36)
RD PUMP :
    Petrol : Free Sale (Rs. 78.97)
    Diesel : Free Sale (Rs. 57.65) 


ni 16.9.2013 (thawhlehni)



SAIKHUMPHAI AH BORDER TRADE HAWNG :

    Zirtawpni khan Saikhumphai-ah Pu Lalrinliana Sailo, Minister of Trade & Commerce chuan India leh Myanmar insumdawn tawnna tura Border Trade Centre lungphum a hawng a, he hunah hian Saikhumphai leh Vaphai khawtlang hruaituten ‘Remna Chibai’ inbukin, minister hian ‘Remna Bung’ a phun a, ‘Remna Tukthuan’ an kilho nghal bawk.
    Lungphun hawnna inkhawmah hian Minister chuan thu sawiin helai hmun hi thil duhawm lo tak lo thlenna hmun a ni tawh a, mahse tunah chuan Pathian hminga theihnghilh vek tawh turin mipuite chu sawmin thil duhawm zawk India leh Myanmar insumdawn tawnna hmunpui pakhat Border Trade Centre bul tanna hawn a ni ta chu lawmawm a tih thu a sawi a. He border trade siam nan hian Central sorkar chuan Cheng Vaibelchhe 8 a remti tawh a, tunah hian Cheng Nuai 50 chu bul lo tan nan ruahman mek a ni a, Land Development atan nuai 20, a hmunhma en felna tur (transit camp) atan Cheng nuai 15 leh ram hungna atan Cheng nuai 15 hman a nih tur thu sawiin helai hmunah hian In tam tak a lo la ding ang a, a hmasa berah kohhran nghet lo din tur leh sumdawnna thianghlim lo lam chia inrawlh lo turin helai chheh vela chengte chu a chah nghal a ni.
    Hemi hnu hian Minister hian Saikhumphai khawtlang hruaitu leh Vaphai VCP-te chu mipui hmaah ko chhuakin “Remna Chibai” a inbuk tir a, minister chuan vawiin atang hian Saikhumphai leh Vaphai khuate chu inrem takin i awm tawh ang u a ti a ni.
    Saikhumphai chairman Pu T.Lalchawivela chuan he hunah hian thu sawiin silpouline hnuaia kan awm lai pawhin sorkarin min ngaihsaknaah kan lawm takmeuh a, Saikhumphai khawi lai pawh hi Border Trade Centre atan hian kan phal a, Saikhumphai mipuite chuan compensation engmah claim kan tum lo a ni a ti. Vaphai VCP Pu Saithansiama pawhin thu sawiin Saikhumphai nen hun engemawchen inrem lohna kan neih thin chu kan minister-in remna min siam hi kan lawm a, Pathian-in a tum tawh chu mihringin kan tibuai thei lo a, tluang tak leh rem taka kan kal chhoh ngei ka beisei a ti.
    He hunah hian Pu B.Lalhmingthanga, Secretary, Trade & Commerce pawhin thu sawiin Border Trade Centre lo awm theihna hi Minister Pu Lalrinliana Sailo remhriatna, inpumpekna leh thawhrimna avang liau liau a nih thu a sawi a, helai hmun hi kan pi leh pute, Mizoram an rawn luh dawn khan helai Saikhumphai, Vaphai kaiah hian rawn tawlh lutin thlang an tla zel niin a lang a ti a, Border Trade Centre hi Saikhumphai-Vaphai, leh Mizoram mipuite tan chauh ni lovin India am pum tan pawh thil hlu leh tangkai, ramdangte nena kan insumdawn tawnna chhuahka pawimawh tak a la ni dawn a, chumi hre reng chuan kan minister chuan helai hmuna Trade Centre din a nih theih nan hian theihtawp chhuahin hma a la a ni a ti bawk.
    Champhai DC Pu Lalthangpuia Sailo chuan lawmthu sawina hun hmangin Saikhumphai hal hlimah a rilru a hah thu leh remna avanga hma latu department-te an fakawm thu sawiin remna hnuaia sorkar thu leh hla ngaichanga inrem taka awm chho zel turin a chah a, remna hnuaiah hian chak taka hmasawnna a kal a beisei thu a sawi bawk.
    Inkhawm zawhah hian minister Pu Lalrinliana Sailo hian ‘Remna Bung’ phunin Saikhumphai-ah hian ‘Remna Tukthuan’ an kilho nghal a ni. Border Trade hawnna inkhawm hi Vaphai khuaah pawh Primary School compound-ah neih chhunzawm nghal a ni a. He hunah hian Minister Pu Lalrinliana Sailo chuan thu sawiin Mizo Two hi tumah kan awm lo a, Zo hnahthlak zawng zawngte hi chhulkhat kual kan ni tih hi i pawm ang u a ti a, Pathian faa vuah tlaka remna siam thei zel turin mipuite chu a chah a, Border Trade neih theihna tura Trade & Commerce-a thawktute thahnemngaihna leh khaw mipuite inpeknaah lawmthu a sawi bawk. Vaphai khuaah hian tlaiah ran lu kimin ruai an kilho lehnghal a ni.
    Minister hian Champhai a panna kawngah Sesih, Dilkawn leh Leithum-ah te chawlin PHC hmun leh hmate a tlawh bakah khawtlang hruaituten an mamawh an lo thlente a ngaihthlak sak bawk a, minister hi Champhai zan riakin Inrinni-ah Zokhawthar a tlawhin chawhnu lamah Aizawl panin a haw thla nghal a ni.

KHEHPUAM QUINTAL 2 CHUANG MAN :

    Inrinni zing khan Champhai Police duty ten Hringlang tlang pengah Pseudoephedrine thahnem tak an man. Heng Pseudeophedrine mum 15,00,000 vel, Quintal 2 chuanga rit an man te hi Champhai to Zokhawthar inkar, Hringlang tlang penga hnim kara thuhruk niin, helai hmuna lo awm Lalhmingthanga (38) S/o Chhunthanga, Champhai Vengthlang, tuna Aizawl Khatla a cheng mek nia insawi chu man nghal a ni a, Lalhmingthanga sawi danin heng damdawite hi Rs 10000 hlawh turin Hringlang tlang peng atanga Hruaikawn thleng phur tura damdawi neitu nen an inbiakrem thu leh damdawi neitu hi a hriat loh thu a sawi. Lalhmingthanga kut atang hian pawisa fai Rs 2,50,000.00 an man bakah a motor kawl lai Maxicab an man tel bawk. Pseudeophedrine hi local market rate in Rs 121,00,000.00 man hu ni a chhut a ni a, damdawite hi sarang bawm 89 a fun a ni a, Kg 1 fun ah hian mum 6,800 vel a awm a ni. Champhai Police te hian thawktu indaih lo chung pawhin ruihhlo lut leh chhuak danna kawngah theih tawp an chhuah a, tun hnai mai pawh khan Champhai leh a chhehvelah ruihhlo thahnem tak an man tawh a ni.

ZIRLAI TEN HMALAKPUI TURIN MINISTER NGEN :

    Zirtawp zana Champhai lo thleng Health Minister Pu Lalrinliana Sailo chu a thlenna Circuit House-ah MZP, MSU leh Govt. Champhai College SU hruaituten hmuin Govt. Champhai College-a zirtirtu indaih lohna nasa lutuk chungchang an lo sawipui. Zirlai hruaitute hian Minister mobile phone hmangin Education Minister an be nghal a, an inbiak danah thu lungawi thlak a awm lem lo tiin thu kan dawng. Minister hnenah hian Champhai District MLA a nihna leh Cabinet Minister a nihna anga hma lo lakpui turin zirlai hruaitute hian an ngen nghal a, minister pawh hian theihtawp a lo chhuahpui tur thu leh Thawhtanni (vawiin)-ah hemi chungchang hi Chief Minister leh Education Minister-te a lo sawipui tur thu zirlai hruaitute hi a hrilh a ni. Zirlai hruaitute hian vawiin tlai thlenga thu lawmawm hriat tur an neih loh chuan an lo ruahman lawk anga kal an tum thu pawh minister hi an hrilh nghal a ni. Tarlan tawh angin zirlai pawl 3-te hian Govt. Champhai College-a zirtirtu indaih lohna phuhru tura sorkar an ngenna kal mekah thu lawmawm hriat tur an nei lo a nih chuan naktukah hian Total Bandh huaihawt an tum a, hei hian magistrate, force mi, emergency service, chanchinbu mite, chanchinbu sem, bawnghnute sem, emergency-a damdawi in pan ngai leh chhiat tawhna lam a huam tel lo ang.

MUP MUSIC FESTIVAL :

     Inrinni khan MUP Champhai East Area te chuan Venglai Community Hall-ah Music Festival an hmang a, he hun hi Pu Ngurbiaka, Director, Art & Culture-in a rawn hmanpui a ni. Khuallian Pu Ngurbiaka chuan thu sawiin tunlaia Mizotawng hman dan dik tawklo tawh lo leh ziah san diklo tam ta chu veiawm a tih thu sawiin kum upa zawk te chuan an tu leh fate leh thangtharte hnenah Mizotawng hman dan dik leh Mizo nundan mawi te nasa lehzual a zirtir turin a chah a ni. He Music Festival-ah hian MUP member te chuan lengkhawm zai a intihsiakna an nei a, MUP Champhai East Area chhungah hian Unit 9 awmin intihsiakah hian Unit 5 atangin an tel thei a, intihsiakah hian Bethel MUP Unit te chu Pakhatna niin Rs.1000 an dawng a, Vengthar leh Venglai MUP Unit te chu Pahnihna niin Rs.800 an dawng a, New Champhai Unit te chu Pathumna niin Rs.600 an dawng bawk a, Zion Veng Unit te hu Pali na niin Rs.500 an dawng bawk a ni.

KAWNGPING TLANG :

    Kanan Venga Aizawl-Champhai kawng tunhnai atanga leiminin a hnawh pin thin chu sial tlang a nih hnuah Inrinni zan ruahsur nasa avanga tlem a min leh avangin nimin khan motor lian a kaltlang theih loh a, heilai hmun hi BRTF-te chuan an vil renga, a pin veleh an siam tlang leh thin a, amaherawhchu, kawng chung lama ram zau tak huapa lei khi leh tawlh zel a awm avangin he kawng hi englai pawha ping leh maithei a ni. Hetih lai hian, he kawng chhe lai helna tur atana Khankawn leh Zotlang inkar kawng hlui siam that hna pawh ngawrh taka chhunzawm zel a ni a, kawng khuar lai leh diak zual laite chu lunga hnawhkhaha, Road Roller chil mam tir mek a ni a, tunkar tawp lamah chuan lirthei chitin kal theiha siam hman beisei a ni.

CONCERT BUATSAIH TUM :

    Champhai District NGO Coordination Committee buatsaihin October ni 18 zan hian Awmpui Phei-ah open air Charity Concert neih a ni dawn a, hemi atan hian zaithiam engemawzat leh live band engemawzat beisei an ni. Hemi atan hian Organising Committee pawh siam a ni a, MZP chuan Charity Coupon zuarin In tinah an lut dawn a, coupon hi Rs.100 leh Rs.200 man tur a ni a, chhiat tawkte tanpui nan tlawmngaia lo lei sak turin mitin ngen kan ni e.

HINDI DAY HMANG :

    Inrinni chawhma dar 10 khan Champhai Hindi School chuan Govt. Comprehensive Middle School ah 65th Hindi Day an hmang. He hun hi K.Vanlal-rema,Champhai Hindi School chuan a kaihruai a, Zaithiam chi hrang hrang zai ngaihthlak a nih bakah Zirlaite nu leh pate atangin Hindi Zirna chungchang sawihona hun hman a ni. He hunah hian Pu RB.Lalmalsawma Vice-Chairman MHPS Aizawl chu khuallian a ni.   

 TUIALHTHEI  DINHMUN :

MIZOFED :
    Petrol : Free Sale (Rs. 73.31)
    Diesel : Free Sale (Rs. 51.36)
RD PUMP :
    Petrol : Free Sale (Rs. 78.97)
    Diesel : Free Sale (Rs. 57.65)     


ni 13.9.2013 (inrinni)

THAWHLEHNI AH BANDH NEIH TUM :

    Nimin chawhnu dar 1:15 khan Champhai zirlai pawl hruaitute kaihhruaina in CHmaphaia tlawmngai pawl hrang hrangte leh Political Party hrang hrangten Joint Meeting an nei He hun Remnalalnghaka MZP Vice President kaihhruaiah hian, Sept Ni 6 a College zirtirtu indaihlohna avanga kawng zawh a nih tuma resolution an siam tak, nimin sept ni 13 thlenga sorkar an ngaihchanna chuan awmzia a neih takloh avangin nimin meeting hian Action Plan a duang a, an hun ruat leh an duh anga sorkar in hma a lak sak theihloh avangin tun thla sept ni 17 hian total bandh neih ni se an ti a, hemi hian awmzia a neih loh chuan, chawngheia nawrh mai bakah sorkar pisa leh zirna in zawng zawng khar an tum a, hemi hnua sorkar hmalakna hmuh zui a nih loh a, Election Code Of Conduct in a phuar hman chuan Election Boycott thlenga hmalak an tum thu an sawi a, he meeting ah hian, Zirlai pawl hruatute bakah, NGO Co-Ordination Commt, Champhai Thalai pawl, Prism leh Party hrang hrang aiawhte an tel tha hle. Sawrkar a an thil ngiat te a tih hlawhtling lo a nih chuan hetiang hian hmalak dan tur an sawi khawm :
    1. Dt 17.9.2013 hian champhai khawpui chhung TOTAL bandh huaihawt ani ang.
    2. Hemi in awmzia ala neihloh chuan 18th Sept 2013 atang tiamchin awmloa chawngei nawrh hunger strike leh champhai khawpui chhunga zirna in zawng zawng leh office te khar.
    3. Heng thil kan nawr chhunga model code of conduct a chhuah hman chuan inthlan boycott tur ani ang.

EMERGENCY MEETING NEI :

    Nimin chawhnu dar 2 khan Town Planning And Development Emergency Meeting neih a ni. He Meeting hi Circuit House ah neih niin Champhai North Bialtu MLA Pu TT Zothansanga chuan a kaihruai a, he meeting ah hian Champhai Vengthlang a leimin tuartute chhawmdawlna atan in hmun chungkaw 10 hnenah pek nise an ti a, Land Revenue & Settlement Dept in plot alo siam tawh sa Central Sericulture bul chu ek nise tiin he meeting hian a rel a ni. Town & Country Planning in a lo rel tawhsa nen insu buai lo tura ruahmanna siam a ni bawk a ni Hei bakah hian Diversion Road tur pawh thlir ho nghal a ni a, Master Plan nena insu buailo tura ruahman a ni bawk He meeting ah hian, Town Planning And Development Planner, S.A, Jt. Director bakah Addl DC, Joint VC President, PWD SDO, ASO, Champhai Thalai Pawl President, NGO President leh Secy bakah Champhai North Block Congress Commt President te an tel thei a ni.

TUI IN HLEUH SIAK :

    Nimin chawhma dar 11 khan MLA Pu TT Zothansanga chuan Champhai Dist Swimming Championship hmasa ber chu LAD Picnic Spot ah khuallian niin a hawng Intihsiakna tan hma a hawnna hun buatsaih hi Pu H. Vanlalrawna President Champhai Aquatic Assn chuan a kaihruai a, he hunah hian thusawiin khuallian chuan, hetianga Assn tha leh nung tak din alo ni chu lawmawm atih thu a sawi a, an kal zelna turah duhsakna hlanin, tui hleuh lama tuimi kalkhawmte chu an hmalam hun a eng hle a ni ati a, insawizawina zinga a tha ber te zing ami ani tih tarlang bawkin, tuihleuh lam tuimi te chu tan la zel turin a fuih bawk a ni. MLA chuan, Champhai Aquatic Assn te pualin pool tha tak ngaihtuahsak an nih tur thu a sawi bawk a ni. KHuallian PU Sangtea chuan, Cheng vaibelchhe 25 senga Keilungliah khuah tur thu pawh sawilangin tuihleuh mite tan hmasawnna tha tak anih a rin thu a sawi bawk ani He hunah hian Pu Sangthuama Hlawndo General Secy, Aquatics Assn of Mizoram pawhin thu sawiin, Mizoram a pawl hrang hrnag 38 awm zingah a naupang ber pawl kan ni a, heti chunga hma la chak ber kan ni chu lawmawm a tih thu a sawi a, tunah hian Aizawl ah Internationla Standard swimming & Diving Pool siam mek a nih thu a sawi. Pu Sangthuama chuan, infiamna zawng zawngah a hautaklo berte zing ami anih thu sawiin, infiamna dangah chuan, pheikhawk leh thawmhnaw dang manto tak takin kan lei thin a, tuihleuh ah erawh hi chuan, kan neihsate pawh kan phelh zawk ani tih sawiin, mizo te hian he infiamna hautaklo takah hian chance kan nei tha a ni ati a, a bikin diving lamah hian a ni lehzual tih tarlangin, kan pumrua a lianlova, sang tak tak atanga zuanthlak te pawh kan tan chance a tha bik a ni ati. Nimin Swimming Competition ah hian tuihleuh thiam kalkhawmte chu category hrang hranga then an ni a, mipa kum 13 hnuailam free style ah F Malsawmzuala New CHamphai a champion a, back stroke ah Lalsangzuala a champion bawk a, mipa kum 14 backstroke leh freee style ah Malsawmtluanga Govt. R Hranga HS a champion a, hmeichhia free style leh Back Stroke ah Lalhruaizeli a champion bawk a ni

RUIHHLO MAN :

    Nizan hmasa dar 8 vel khan Champhai Excise & Narcotics Dept te chuan Zokhawthar kawng Ruantlang daiah Heroin gram 4 leh BEDC fun 60 an man Heng dawmdawi leh BEDC te hi Laithuama kum 24, Zahmunga fapa Champhai Electric veng ta a ni a, Laithuama hian Champhai Electric veng a kum 14 mi mipa naupang phur bawkin anni pahnih hi nimin khan court ah hruai an ni a, Laithuama hi Dist Jail ah dahluh nghal niin mipa naupang pawh hi Remand Home ah dahluh a ni CHamphai Excise & Narcotics Dept hotute sawi danin, CHamphai hi Ruihhlo hluarna sensitive Area a ni a, heti chung hian hmanrua an nei thalo hle a, hei bakah hian thawktu an tam tawkloh avangin report an dawn ang pawh an umzui theiloh thu an sawi a, thuneitu leh helama thuneite chuan hmala zui se an duh thu an sawi.

TUIALHTHEI  DINHMUN :

MIZOFED :
    Petrol : Free Sale (Rs. 73.31)
    Diesel : Free Sale (Rs. 51.36)
RD PUMP :
    Petrol : Free Sale (Rs. 78.97)
    Diesel : Free Sale (Rs. 57.65)


ni 13.9.2013 (zirtawpni)



DAMDAWI MAN :

    Ni 11.9.2013 (Thawhlehni) tlai khan Champhai Khankawn Beat a Police duty te chuan Aizawl atanga Champhai pan lirthei pakhat atangin Damdawi Pseudoephedrine thahnem tak an man a, lirthei khalhtu chu mawhphurtu a puhin Police in a hreng mek. Pseudoephedrine phurtu lirthei Tata LTP 709 hi a thar, register loh a niin, angle rod tlem a zawng a phurh hmangin heng damdawi bag 3 a dahte hi hliah khuh nan a hmanga, Lirthei khalhtu Lallianmanga kum 31 Pu Zaliana fapa Champhai Vengthlang chuan heng damdawi man takte hi a ta anih loh thu leh a neitu pawh a hriat loh thu a sawi bakah, damdawi mum hi 3,80,000 vel niin a sawi a. Champhai Police ten damdawi zat an chhiar danin mum 5,13, 700 anih thu leh heng damdawi man tak hlut zawng hi Rs 46,23,300.00 a ni a, thu chiang zawk zawh chian turin Lallianmanga hi Police ten anla kawl rih dawn a ni. Heng damdawi man takte hi Company hrang hrangten hmawmsawm an siamna bawm (sarang) hmanga uluk taka fun (pack) a nih hlawm bakah Polythine dum lian hmanga fun a ni bawk. Champhai Police te hian lirthei lut leh chhuak te uluk taka an enfiah thin vangin Champhai Khankawn Beat-ah hian ruihhlo engemawzat an man tawh a ni.

TRAINING NEI :

     Nimin chawhma dar 11 khan I&PR Conference Hall ah Orientation Training for Community volunteers on Referrals. DOT Provision, sputum collection and transport chungchanga training neiha ni He training hi Champhai Dist chhunga TB natna laka kan khawtlang kan lo inven theihna tur atana neih a ni a, he training hi Pu Vanlalhruaia Dist. Co-ordinator, Christian Medical Assn Of India chuan a kaihruai a, Champhai khawpui chhung atangin New Horizon DIC leh Genesaret DIC atang te bakah, Ngopa, Tualte leh Zokhawthar atang te in volunteer an kal thei a ni. Champhai Dist huamchhunga TB natna zawnchhuah beihpui thlak turah zirtirna pek an ni a, heng zirtirnate hi Pu Vanlalhruaia Dist. Co-ordinator, Laltlanzuali STLS ,DTC leh Lalrinchhani DCPO ten zirtirna an pe a ni

MI TU TIH HRIATLOH TUIAH TLAHLUM :

    Nimin zing dar 6 vel khan Tiau Balu kaiah mi pakhat a tla Kan thudawnna in a sawi danin, Tiau Lui, Balu kai chhaka lui daikai tum chu chesual palhin Tiau Luiah a tla a, a rawn len thla hi balu la ten lo hmuin lo chhan an tum a, an chhan theih tak loh avangin Zokhawthar YMA ten zawng chhunzawm nghalin mi 70 velin vwaiin khan Tiau lei atanga Bulfek Kai inkarah zawngin he thu hi Hruaikawn, Hruaikawn North leh Bulfek khawthlang te hriattir an ni tawh a, he thu buatsaih lai thleng hian tui tla hi tunge a nih hriatchian ala nih loh mai bakah hmuh ala ni lo bawk a ni

KAWNG SIAM MEK :

    Nimin atangin Champhai NGO Co-ordination Commt leh Champhai DC hmalakna in Champhai kalpawhna kawng dang, Khankawn atanga Phaizau inkar kawng chu Boulder phah tan a ni NGO Co-Ordination Commt hotute sawi danin, Phai kawng phei atanga Phaizau dil inkar a chhe zual laiah phah tur a ni a, hemi thawh na atan hian Tuipui lei divert na tur sum dahthat Rs 6,00,000 ruahman anih thu an sawi a, heng sumte hmang hian Boulder leh thil tul dang ngaihtuah niin, BRTF ten boulder phah hna an thawk a ni. Hei bakah hian Kanan veng kawng pawh nimin khan lirthei te kal theiha tihtlang tum a ni a, BRTF ten JCB pahnih hmanga thawkin hemi hnu hian Private JCB hmanga thawhchhunzawm a ni a, he thu buatsaih lai thleng hian kawng hi a la tlang lo a ni.

THEHLUT TURIN TI :

    Champhai IB Veng huam chhunga leimin avanga In thiahsak ten an LSC/House Pass Xerox Copy, Champhai Revenue Deptt. ah ni 20.9.2013 ral hmaa thehlut tura hriattir an ni.

LUNGPHUM DAWN :

    Vawiin hian Vaphai ram Saikhumphaia Indo-Myanmar Border Trade Centre lungphum chu Lalrinliana Sailo Trade & Commerce Minister chuan a phum dawn a. Vaphai khawtlang chaun hei hi ran lu kima lawm an tum a ni. Lungphum Programme hi tukin zing dar 8 hian Saikhumphaiah hman tur niin zing dar 10 ah Vaphaiah a lawmna Programme hman leh tur a ni ang.

TUIALHTHEI  DINHMUN :

MIZOFED :
    Petrol : Free Sale (Rs. 73.31)
    Diesel : Free Sale (Rs. 51.36)
RD PUMP :
    Petrol : Free Sale (Rs. 78.97)
    Diesel : Free Sale (Rs. 57.65)


 ni 12.9.2013 (ningani)



NLUP SEM MLA IN HMANPUI :

    Nimin chawhma dar 11 khan a hmasa ber atan Fishery Dept chuan NLUP 3 Phase leh 4th Phase an sem He hun hi I&PR Auditorium Chanem Building ah neih a ni a, he hun Pu T Chalzawna AFO kaihhruai ah hian Pu BD Tyagi DFDO chuan inlawmna thu a sawi a, kan hna tih tak takna nena thawk a, hlawhtling ngei turin a fuih a, heng NLUP kan hmuh te hi anihna anga hmanga, nimina training kan neih tur pawh hi hlawk taka hmang turin a fuih a ni. He hunah hian Pu Hmingthanzama Champhai North Block Congress Committee President leh Dist NLUP Implementing Board Member pawhin thu a sawi a, sorkara lawm tur kan nih zia sawiin kan fate nupui, pasal neia indang turte hi Rs 10000 hian indan a har hle a, chutih kara kan sarkar in hetianga Rs 100000 dawn thei tura bul tanna min pe hi kan lawm tur a ni ati a, kan ngaihtuahna hi thianghlim se, kan sum dawn te a nihna ang takin i hmang ang u ti a mipuite chahin, tuna dawngte hian dikna leh tumruhna kan fate ah kan tuh mek a ni a ti a, tuna nu leh pate hian kan tih dikloh chuan kan fate pawn an rawn tidik dawnlo ani tiin Champhai hmasawn nan leh a lo than zel nan tun amite hian dik takin kan fate entawntlakin hna i thawk ang u ati, Pu Hmingthanzama chuan, Sorkar ngilneiin bul min tansak a lawmna chang hriat hi Pathian thu a ni tih a sawi a, hei bakah hian kan Chief Minister hi mi tha leh thutiama dingnghet mi a ni tih tarlang bawkin, Rs 100000 hmanga bultan, hlawhtlinna la nei lo te tana buatsaih Exit Protocol atan sum pawh a dah tawh thu a sawi a, kan Chief Minister hian a tihlawhtling dawn a ni ati bawk. Hei bakah hian khuallian Champhai North Bialtu MLA Pu TT Zothansanga chuan, khawchhak lam hi NLUP ti thalo te zing ami kan ni ati a, kal pah a ti mai mai kan awm chu pawi a tih thu a sawi a, tun aia tan la lehzuala, NLUP titha bial ni thei turin achah a ni. Khuallian chuan, TV leh Chanchinbu hrang hrangah a thlawna sum sem zawnga sawi a tam hle a, keini chuan a thlawna sem angah kan inngailo a ni tih sawiin, mi harsa leh lei rem rap thei tawhlo ten lei rem an rah leh theihna tur atana bul kan tan sak hi a thlawna sum sem ah kan inngailo a ni ati. Pu TTa chuan, MNF Party in chhanchhuahna kawngzawh an neih chungchang pawh sawilangin, point mumal tak hmanga inbeih a that zawk thu a sawi a, tuna an khel ber Minister Pu Rinliana chung chang pawh MNF hian hun rei tak atanga hre tawh angin an insawi a, tuna taka hetia an sawichhuak ta chauh chu thil diklo zawk a nih thu a sawi a, thilsual ti kan hriat chuan, a hunlaia lanchhuahtir hi thil tha zawk niin a sawi, khuallian chuan, leimin chung chang pawh sawilangin, tunah hian file a kal mek a ni ati a, sorkar in ngaihsaklo leh kalmuang tak anga mipuite ngaihna chu a dik berlo tih tarlangin, dan anga thil a kal avangin mipuiten nghak hram hram se a duh thu a sawi bawk a ni. Contract thawh chung chang pawh khuallian hian a sawilang a, eng sorkar hnuaiah pawh contract hmu mah ila, a khaw mi leh sate hian kan thawk chhe zawk a, mahni khaw hmangaihna kan neilo thin zawk ati a, Champhai khua a contract kan hmuh chu Champhai mi leh sate ngeiin thawk ila kan duh laiin, khawdang atanga rawn thawkte aiin kan thawkchhe zawk thin hi a pawi a ni ati. MLA chuan, tunah hian sorkar leh mipuite hian a chanve in chanvo kan insem a, NLUP hmangin sorkar in bul min tan a, a hlawhtlinna tak tak chu mipuite an ni tih sawiin, mi kan an ve theihna tur leh leirem kan rah leh theihna turin NLUP hi i hmang theuh ang u tiin kalkhawmte chu a sawm a ni. Nimin NLUP semna ah hian Construction of Fish Pond & Management tih thupui hmangin Pu Lalchhuanawma FD chuan zirtirna a pe a, hei bakah hian Integrated Fish Farming tih thupui hmangin Pu J Sanghnuna FD in zirtirna a pe bawk a ni Fisheries Dept hian 3rd phase ah beneficiaries 105 leh 4th phase ah beneficiaries 45 an nei a, Champhai North ah 3rd phase beneficiaries mi 24 awmin Champhai north ah mi 35 an awm bawk a, nimin khan Champhai North leh South te tan sum Rs 10000 theuh sem chhuah niin vawiin hian E. Tuipui, Tuichang leh Lengteng A/C te tan sum sem leh a ni ang.

HEALTH CAMP NEI :

    Nimin chawhma dar 10 a tanin Genesaret DIC chuan Communiy events leh Health Camp an hmang Genesaret DIC te hian Champhai khawchhunga addict te kokhawmin intihhlimna hun leh an hriselna endikna hun an hmang a, he hun puala inkhawm tawi buatsaih hi Pu F Lalrinawma Project Manager chuan kaihruaiin KC Thanga chuan hunserh a hmang bawk a ni. He hunah hian Thianghlimna tih thupui hmangin Lalnunsanga Accountant chuan thu a sawi a, kan nunphung leh khawsak dan tihthianghlim a ngaih bakah, kan incheina te leh kan chet velna te hi tih thianghlim a ngai a, hetiang kan ni tawh chung pawha thianghlimna kan ngaihpawimawhloh chuan midang tan harsatna nasa zawk kan thlen thei a ni ati. Nimin khan Champhai khawchhunga addict mi engemawzat kokhawmin intihhlimna hun buatsaihsak an ni a, infiamna chi hrang hrang hmanga inelna buatsaih anih bakah health camp buatsaih niin, an hriselna te endik a ni a, he huna hian mi 30 chuang an inentir a ni. Tlaiah chawhlui an kilho nghal bawk a ni.

INKALPAWHNA KAWNG SIAM TAN :

    Vengthlang leikhi leh min avanga Champhai kalpawhna kawng chu nimin atanga siam tan a ni Leimin avanga kanan veng kawng a pin avangin Champhai in kalpawhna kawng dang a neih chhun Khankawn atang Zotlang inkar kawng chu nimin khan PWD te chuan an thawk tan a, Dinthar veng mawng lam nimin khan thawktan in, a dang pawh siam zel tura ruahman a ni a, hei bakah hian, Kanan veng kawng pawh nimin khan BRTF te chuan a paih fai hna an thawk tan a, khawl hmanglova mihring tha a sial a nih avangin a tlang mai a la rinawmloh a, vawiin zing dar 6 atanga tlai dar khat thleng District NGO leh Champhai DC hmalakna in Khankawn-Zotlang inkar kawngah hian boulder phah a nih dawn avangin lirthei eng chi mah kaltlang phal a ni lo.

MEDIA CERTIFICATE & MONITORING COMMITTEE THUKHAWM :

    Nimin chawhma dar 10:00 Am khan Champhai DC Pu Lalthangpuia Sailo kaihhruaiin a Pisa-ah Media Certificate & Monitoring Committee thutkhawm a niin, 2014 General Election neih tur inbuatsaihna peng pakhat, Print Media leh Electronic Media kal tlanga Candidate- te fakna leh sawiselna lo enfiah dan tur chungchang sawiho a ni. Election Commission of India in kaihhruaina dan a siam zulzuiin Media Certificate & Monitoring Committee (MCMC) hi Assembly Constituency tina awm tura tih a niin, District Election Officer hona hnuaiah he Committee hi din a ni a, MCMC hian Thuthar theh darhna peng hrang hrang Print Media leh Electronic Media kal tlanga Candidate te thu leh hla puan zarna chi reng reng chu chhinchhiah in a enfiah vek dawn a, He MCMC hian an thu dawnte chu Returning Officer (RO) leh Election Expenditure Officer hnenah nitin thehlut tura tih a ni. MLA Candidate tinten thu chhuah an neih dawnin MCMC chu hriat tir phawt tawh tura tih a niin, MCMC in phalna a siamte chauh chhuah/tarlang tawh tura tih a niin, Candidate tinte Bank Account ah Rs 8,00,000.00 theuh dah tur leh an senso te Bank Draft/Cheque a siam tura tih a ni. Politics rawngkai hmanga infakna leh insawiselna chi reng reng chu MCMC phalna leh remtihna la hmasa lo chuan chhuah phal a ni lova, hetianga thuchhuah duh neite chuan MCMC- hnenah Form Annexure 27 hmangin dil tur a ni a, thuchhuahna man chu District Election Officer leh Local Publisher inbiakremna ang hman tur a niin, thuchhuah man hi Candidate senso ah ziakluh tur a ni. MCMC hriatpui emaw phalna lova thu chhuah siam anih chuan Candidate chu U/s 127 A of the RP Act 1951 dan tlawhchhanin thla 6 chhung Lungin tan emaw Rs 2000 chawi tir theih a ni a, MCMC hriatpui loh chhuahna man hi MCMC in Candidate senso-ah a ziakluh sak tho dawn bawk a ni.

KAWNG TLANG DAWN LO :

    Vawiin hian Saitual District Demand Committee chuan district ngiatin total bandh an huaihawt dawn a, Saitual leh Keifang paltlang tur lirthei eng chi mah kal tlang a remchang dawn lo niin thu kan dawng. Hemi avang hian Champhai - Aizawl inkal pawhna kawng chu dah chah belhchhah a ni.

TUIHEUH INELNA :

    Naktuk Zirtawpni dar 11 atanga khian LAD Picnic Spot. ah Champhai District Swimming Competition neih a ni dawn a. MJA Champhai District Member te he hun hmanpui tura an sawm bawka hemi tlai dar 3 ah Press Club ah Press Conference an ko nghal bawk.

PANDAL SA TAN :

    Thawhtanni khan Kum 2013 YMA Khawmpui Lian Pandal a hman tur mau chik hnatlan gneih tan a ni . Khawbung Branch YMA hnuaiah hian YMA Section 4 awmin Section tinte hi a inchhawka hnatlang tura ruahman a ni a. Pandal Comtt. te chuan ruah a sur duh em avangin Pandal chu duhthusamin an peih hman lovang tih an hlau hle a. Thawhtan khan ruahsur vangaleimin in Pandal hmun kopang chu hnawlin leimin a siam a, Pandal panna tur kawng pakhat zawk hnawh pingin thenfai a ngai dawn niin thu dawn a ni.

 TUIALHTHEI  DINHMUN :

MIZOFED :
    Petrol : Free Sale (Rs. 73.31)
    Diesel : Free Sale (Rs. 51.36)
RD PUMP :
    Petrol : Free Sale (Rs. 78.97)
    Diesel : Free Sale (Rs. 57.65) 


ni 10.9.2013 (thawhlehni)



INHMUN DILSAK DAWN :

    Vengthlang VC leh YMA te chuan tunhnaia an veng chhunga lei khi avanga in leh lo chante tan in hmun an dil sak Champhai Vengthlang a leikhi avangin chenna engemaw zat chu luah tlak lohva awmin tunhnai khan khawtlangin hnatlanga thiah sak a ni a, helai hmun hi nakin zelah pawh insak leh theihna hmun anih tawh loh avangin helaia inhmun neia khawsa thinte hi in leh lo nei tawhlovin tunah hian an awm mek a, hengte avang hian helai hmuna khawsa chhungkaw sawm te chu Vengthlang YMA leh VC te chuan inhmun an dil sak a, Inhmun an dilsak te chu, H Rakdoliana, Pi Chawntinthangi, Pu Lalchhuanthanga, Pi Sangliani, Pi Lallawmzuali, Pu Malsawmtluanga, Pu Joseph Lalhriatzuala, Pu Thanchhuma, Pu Sangliana leh Pu Lalzova te an ni. Hetih lai hian helai hmuna leite hi ala che reng nia hriat a ni a, nimin zing dar 3:30 vel khan Pu Lalzirliana in concrete chu tlusawpin hei bakah hian in dangte pawh tluk mai hlauhawmin a awm mek a ni.

NLUP SEM DAWN :

    Nilaini dar 10 hian NLUP a Fishery Trade thlangtute tan I&PR AUditorium ah 3rd phase leh 4th phase sum sem tur a ni a, a dawng tur zawng zawngte kim taka kal tur a ni tih thu kan dawng.

CHAMPHAIAH PAWH BANDH NEI DAWN :

    Vawiin zing dar 5 atanga tlai dar 5 thleng hian MNF Party chuan Total Bandh an huaihawt dawn Eptu MNF Party chuan ‘Mizoram chhanchuahna Total Bandh’ huaihawt an tum chungchangah Inrinni khan Aizawl Press Club-ah chanchinthar thehdarhtute an kawm a. Total Bandh avang hian harsatna hrang hrang awm thei mahse pumpelh theih a ni lo tih an sawi a ni. He Bandh huihawt an tum na chhan ah ruihhlo (drugs)-a sumdawnna-ah Health Minister Pu Lalrinliana Sailo a inhnamhnawih ngeia an hriat avang leh a Department enkawlah thil fel lo tam tak a awm a an hriat avang te. Congress Sorkar inthlahdah avanga sum lai pai leh nitin mamawh hrang hrang harsatna mipuiin an tawrh mek avang te, nitin mamawh chawkluh leh kalpawhna kawng chhe lutuk te, sakhua tibawrhbanga sakhaw dang betuten an hmuh hniam theih tur zawnga, phaia zin thin Pastor te’n chal an hnawih sen deuh veka a rin tlat thu Chief Minister Pu Lal Thanhawla'n a sawi avang te leh Sorkar inthlahdah avanga harsatna hrang hrang Mizoramin a tawrh mek duh loh lantir nan he chhanchhuahna kawngzawh hi tihmakmawh-ah an ngai tih an sawi a ni. MNF General Headquarters hruaitute chuan Drugs sumdawnnaa inhnamhnawih Pu Lalrinliana Sailo chu a ban hma chuan Zoram hmangaiin nawr chhunzawm zel an tum thu an sawi bawk. Chmaphai district ah pawh he bandh hi neih ve tur niin zing dar 5 atanga neih tan tur a ni a, he bandh hian, Police, Magistrate, Damdawi ina thawk leh damlo awmpuitute, Media, chanchinbu sem, bawnghnute sem, zing tawngtai kal leh PHE tui sem te a huam dawnlo a ni.

CHAMPHAI KAWNG PING :

    Tukin zing 6:00am vel khan Khawzawl lam atanga Champhai luh hma Chhungte khaw bulah Leimin a awma, kawng a hnawh ping, tin Kanan veng lei tlain kawng a hnawh bawk a, Khankawn-Zotlang kawng awm chhun lah a diak hle a, motor lian tan lo chuan kal ngaihna a awm ta lo.

TUIALHTHEI  DINHMUN :

MIZOFED :
    Petrol : Free Sale (Rs. 73.31)
    Diesel : Free Sale (Rs. 51.36)
RD PUMP :
    Petrol : Free Sale (Rs. 78.97)
    Diesel : Free Sale (Rs. 57.65)


ni 9.9.2013 (thawhtanni)



CHAMPHAI KAWNGPUI PING SIAL TLANG :

    Champhai Vengthlang huamchhunga Leikhi chu chet belh lehin hemi mawng lam Kanan Venga Aizawl panna kawngpui ko pawh nimin zing khan min zui lehin nimin nileng khan he kawngpui hi hnawhpin hnuah tlai thim hma deuh khan sial tlang a ni a. Leikhi huam chhunga In thiah hnatlang neih mek pawh ni 11 hnatlan a nih hnuah vawiin atangin chawlhsan rih a ni.
    Inrinni khan Vengthlang huamchhunga lei tla hniam avanga chim mai hlauhawm a awm te chu thiah chhunzawm leh a ni a. Sub-Hqrs. YMA Executive Comt. in a lo rel tawh angin YMA Branch hrang hrangte inhnatlanchhawk chu ningani atang khan tan a ni a, Inrinni khan Kanan branch YMA leh Hmunhmeltha Branch YMA te hantlangin member thawkchhuak pawh an thahnem hle. Inrinni a hnatlangte hian Pu C. Lalsanglura In chung Slab chu vawthiat leh in, rod te pawh an senghawi hman a, hei akah hian Pu Thanchhuma in pawh a slab thiat zo in, rod dahthat a ni bawk.
    Hnatlang hi kahwtlang huapa ni 8 chhung thawh a ni ta a, DM&R in a hlauhawm zual anga an ngaih chin ni a hriat chu Inrinni khan an thiat zo a, Mizo danah ruang zawn chungchangah te pawh ni 7 chhung hi hunbi pagngai anga ngaih a nih bakah tuna in thiah leh senghawi bak hi chu a thiambik deuh tan lo chuan thawh chi nia an hriat tawh rihloh avangin Inrinni tlai a Vengthlang VC leh YMA hruaitute thukhawm chuan hnatlang hi tunah rih chuan chawlhsan nise, tiin a rel a. Boruak a zir leh helai hmun awmdan a zirin hmalak zui leh nise an ti.
    He leikhi hi a chet zui leh avang hian nimin tlai kha chuan lei tlahniam zual lai hi chu feet 3 zet a thuk a ni tawh a. Inrinni atang khan khua a chhiat zui leh tak bawk avangin helai dinhmun tur hi sawi mai theih a ni lo. Hetihlai hian helai huamchhunga chhuankaw cheng insawn chhuakte pawh an chenna tur ngaihtuah a tul tawh hle tih thu kan dawng a. Sawrkar lam atanga tanpuina leh chhawmdawlna awmthei tur pawh DC lamin an ngaihtuah chho mek niin thu kan dawng bawk.

LUNGREM CHIM :

    Inrinni zan dar 9 vel khan Chhura Hmuna ZBC Biak In thlang lungrem chu a chim a, a thlang kawngpui chu kaltlang theih lohin a hnawhping. He leimin hi thenfai a la ni lo a, Champhai DC Office atangin a min zui zel tur ven nan Silpoulin 5 an dawn hmangin khuh a n ia, vawiin lam hian a thenfai hna hi thawh a ni dawn niin thu kan dawng.

INDIA AIAWH DAWN :

    Zonunmawia s/o Lalengliana, Champhai Venglai chu AFC Under-16 Qualifying khel turin India aiawh tur a thlan ani tih thu kan dawng.

 TUIALHTHEI  DINHMUN :

MIZOFED :
    Petrol : Free Sale (Rs. 73.31)
    Diesel : Free Sale (Rs. 51.36)
RD PUMP :
    Petrol : Free Sale (Rs. 78.97)
    Diesel : Free Sale (Rs. 57.65)

 


ni 7.9.2013 (inrinni)



ROLE PLAY COMPETITION :

    Nimin chawhma dar 10:00 khan DIET Champhai leh SCERT Aizawl bultumin District Level Role Play Competition buatsaih a ni. He Competition hi Sub-Hqrs. YMA Hall, Tlangrawt-ah neih niin Champhai District chhunga Class-IX zirlaite tana buatsaih a ni a, Rebecca Lalbiakdiki Lecturer, DIET Champhai chuan kaihhruaiin Pu C. Lalthianghlima Principal DIET Champhai chuan thusawina leh tawngtaina hun hmangin Pu C. Lalthianghlima chuan “Tunlai thangthar te hi in vanduai hle mai a, kan hunlai a Adolescense Period a kan awm lai chuan tunlai ang hian Ruihhlo leh sualna dang hian min la ti buai ve ngai lo a, nangni erawh chu sualna chi hrang hrang a tam tawh avangin tunhma a kan hriat ngai reng reng loh khan a tuam tawh che u a, chuvang chuan in nun in fimkhur a ngai bik em em a, Niminni he lai hmuna lokal te hian mawhphurhna in nei tih inhria ula, helai hmun rawn kal ve lo in thiante hnenah Ruihhlo thatloh zia leh HIV AIDS hlauhawm zia leh hetiang laka fihlim tura tan lak a ngaihzia in hrilh chhawn a ngai a ni.” a ti. Nimin a District level Role Play Competition-ah hian Team 5 an tel a, Team khat tan hian 6 minutes atanga 8 Minutes hun pek an ni a, English hmang veka lemchan a ni. He Role Play Competition endik tur hian mi 3, Pu C. Lalthianghlima Principal, DIET Champhai, Pi K. Laldingliani DIPRO Champhai leh Pu K. Hrangdawla Lecturer, Govt. GM Higher Secondary School te ruat an ni. Competition in a tum ber chu Nitin nuna harsatna leh thlemna chi hrang hrang an tawh mek leh an tawh theih te hmachhawn dan leh sutkian thiam dan tur nei thei tur zirtirna neih a ni a, Competition-a Pakhatna te chuan District aiawh in Aizawl-ah State level Role Play Competition an tel ang a, chuta Pakhatna an nih leh chuan National Levela tel leh turin Regional Level an paltlang leh dawn a ni

HNATLANG CHHUNZAWM ZEL :

    Nimin khan Vengthlang huamchhunga lei tla hniam avanga chim mai hlauhawma awm te chu thiah chhunzawm leh a ni Sub Hqrs YMA Executive Commt in alo rel tawh angin YMA branch hrang hrangte inhnatlanchhawk chu niminpiah atanga tan a ni a, nimin khan Kahrawt Branch YMA leh Dinthar Branch YMA te hnatlangin member thawkchhuak pawh an thahnem hle a. Nimin hnatlangte hian Pu C. Lalsanglura in chung slap chu vawthiat leh in Pu Thanchhuma In pawh a a slap thiat hman a, vawiin hian Hmunhmeltha Branch YMA leh Kanan Branch YMA te an hnatlang ve leh dawn a ni, State Disaster Response force te pawh an thawkrim hle a, Sub Hqrs YMA, Vengthlang Branch YMA leh Vethlang VC ten hnatlang hi an tawiawm tha hle a ni.

ZIRTIRTU MAMAWH KAWNGZAWH :

    Nimin khan Govt. Champhai College Zirlaite chuan zirtirtu indaihlohna avangin sorkar nawrnan kawng a zawh He kawngzawh hi Vengsang Biak In kawt atanga tan niin Bethel kawnah khar a ni a, zirlaite hian Champhaia zirtirtu nghet dah an phut thute, mizoram college tha te zing ami Champhai college zirtirtu lama a tlabal lutuk te, BCA zirtirtu nghet dah an phut thute, college danga zirtirtu hman senloh an neih laia Champhaiin kan mamawh ang zat pawh kan nei ve theilo te chu an au hla ber a ni a, hei bakah hian SU hruaitute chuan Education Minister in a lo chhan dante chu lungchhiatthlak an tih thu te an auchhuahpui ani. Nimin kawngzawh ah hian, Vengsang Biakin kawt, Dawrkai kawn, MLA Pu TT Zothansanga In bul, Darthangvunga Traffic Point, DK Point leh Bethel kawnah te thusawina hun an hmang bawk ani.

RUIHHLO MAN :

    Nimin zing dar 9:30 khan Champhai Excise & Narcotics Dept te chuan Ruantlang dai, Springdale bulah Heroin gram 15 an man. He damdawi hi Lalnunsiami kum 23, Lalneihthanga nupui Khawmawi Myanmar kut atanga an man a ni a, Champhai Excise & Narcotics Dept te chuan report an dawn bawhzuiin nimin khan an man ta a ni. Lalnunsiami sawi danin, damdawi hi Tiau ah Rs 45,00 a lak a ni a, Champhai ah Rs 50,000/- a pe tura an tih thu leh, amah hian Rs 3000 a hlawh tur angin a insawi a, Excise & Narcotics Dept te chuan a pekna tur hi bawhzui nghal in chanchin buatsaih lai thleng hian man a la nilo a ni.

AWARENESS CAMPAIGN NEI :

    Ministry of Food Processing, Govt of India chuan 12th Five Year Plan Period chhung atan Mizoram a Food Processing Industries chawi kan nan, Scheme thar a rawn ruahman, National Mission on Food Processing chungchangah nimin khan Champhaiah Awareness Campaign neih a ni. He awareness campaign hi Champhai Vengsang YMA Hall a neih niin Mizorama NMFP Awareness campaign kalpuitu Mizoram Food Processing Society leh Directorate of Industries te chuan zirtirna an pe a. Niminah hian Pu Lalthangpuia Sailo, Champhai District DC chu khuallian niin he awareness campaign hi a hawng a, mithiam hnen atangin he scheme hnuaia topic hrang hrangte zir leh sawiho a ni. NMFP hi Mizoram sorkar chuan kum 2007 atang khan a kalpui tan a ni

THLAWP TLAT DAWN :

    Champhai District Dawrkai Association chuan nimin khan Venglai Community Hall-ah hetiang lama inhnamhnawih eizawngtu hrang hrangte an ko khawm a. Resolution siamin Mizoram Merchant Association, Aizawl hmalakna chu tha an tih thu leh an thlawp tlat thu an resolution ah hian an tarlang.

TUIALHTHEI  DINHMUN :

MIZOFED :
    Petrol : Free Sale (Rs. 73.31)
    Diesel : Free Sale (Rs. 51.36)
RD PUMP :
    Petrol : Free Sale (Rs. 78.97)
    Diesel : Free Sale (Rs. 57.65) 


ni 6.9.2013 (zirtawpni)



CHAMPHAI ZIRTIRTU 2 TEN AWARD DAWNG :

    Nimin hi Zirtirtute ni a ni a, Champhaiah chuan he ni hi zirna in hrang hrangah hman a ni. Champhaia zirna in sang ber Govt CHamphai College chuan Students Union te kaihhruaina hnuaiah hun an hmanga , he hun hi C Lalpekmawia Asst GS chuan a kaihruai a, he hunah hian Principal Prof Lalnunmawia Chuan thusawiin, zirlaite leh zirtirtute hi kan inkar a tha tur a ni ati a, kan infinchhuah a, thil kan tihho thiam a ngai a ni ati a, hei bakah hian inrawn ngai leh inpuih ngaihna ah zirlaite inthlahrunglova zirtirtute pan hrehlo turin a fuih a, hei bakah hian Principal chuan, college ah hian Za 50 tal saptawng hman a ngaih thu a sawi a, tun aia saptawnga hmasawn leh zual turin zirlaite a fuih bawk a ni. Hei bakah hian, Mizoram college zawng zawng zingah a hmingtha pawl kan ni a ti a, sports leh academic lama an hmingthatna tam tak sawilangin, he mi bakah hian Zaipawl intihsiakna ah pawh 1-na an hauh tawh dan te, subject hrang hranga topper an neih tawh dante a sawi bawk a, BCA bikah Mizoram ah a titha ber an nih thu te leh college hmingthatna tihliau lo turin zirlai te a fuih bawk ani. Principal chuan a sawi zelna ah, zirtirtu chawimawina hun an hmang chu lawmawm a tih thu a sawi a, hei mai nilo, chawimawi dan dik leh tlo hmanga zirtirtute chawimawi turin a sawm a, chumi chu kumtawp ah a lang dawn a ni ti a, chawimawi dan dik a zirtirtu chawimawi tu ni theuh turin a fuih bawk ani GM HSS chuan CHamphai Town Hall ah hmangin he hunah hian Pu Vanlalhruaia Sailo Principal chuan thu sawiin, zirlaiten hetianga ropuia zirtirtute chawimawina hun an buatsaih chu lawmawm atih thu a sawi a, amaherawhchu, zirlaiten zirtirtu an chawimawi theih dan dik leh tha ber chu tun maia langlo, nakina la lang tur zawk hi a ni ati a, chuvangin nimin mai nilo nakin thlenga zirtirtu chawimawitu ni turin a fuih bawk a ni. Hei bakah hian, Principal chuan, he schoo zirtirtu 30 chuang awmna a tunlai khawvel sualna chi hrang hrang leh a bikin zu leh ruihhlo laka buai an awmlo chu lawmawm a tih thu a sawi bawk ani. He hunah hian zirlai ten zirtirtu te chawimawina an hlan bakah prog hlimawm tak an hmang zui bawk a ni. Teachers Day pual hian nimin khan zirtirtu thawk thate chawimawina pek chhuah a ni a, Champhai atangin Pu HT Vanlalsawma chuan State award dawngin Aizawlah hlan a ni a, Pu C.Hualrikhuma chuan National Award dawngin New Delhi-ah a dawng ve bawk a ni.

KAWNGZAWH DAWN :

    Nimin chawhnu dar 1 khan Govt Champhai College Principal chuan zirlai nu leh pate ko khawmin thu pawimawh tak a sawipui He meeting ah hian Pricipal mai bakah IQAC Co-Ordinator Ascte Prof. Zirsangliana Paite leh SU Adviser Prof BS Kailiana ten thu an sawi a, college hmachhawpte bakah tuna an kal dan phungte an sawi a, nu leh pate tawiawmna ngenin an finchhuah an ngai tak meuh a ni an ti a, tunah hian College hian Student Research Project keh Spoken English Class kalpui tum a ni a, heng bakah hian a remchan dan anga Magazine changtlung tak tihchhuah tum a nih tuh te an sawi a, zirlaite research Project pholanna tur leh Academic lam tana thil tangkai tarlanna tur buatsaih tum a nih thu te an sawi a ni. Hei bakah hian vawiina Zirlai naupangten zirtirtu indaihlohna avanga sawrkar nawrna atana kawngzawh an tum chu nu leh pa ten kawng zawhlo tura an fate ngen pui turin an sawm a, zirlaite thil duh hi awm tihpui tak chungin tun dinhmunah chuan sawrkar tan thil tihhlawhtlin nghal theih a nih loh avangin kawng zawh lo tura zirlaite ngen pui turin thu an titlu a, he meetingah hian zirlai nu leh pate aiawh mi 54 an kal thei a ni. Hetih lai hian Zirlai naupangte chuan duhthlan tur dang an neih tawhloh avangin kawngzawh an tum tlang tih an sawi a, kan khaw tana thil tha anih avangin mipui te pawhin hrethiam a, tawiawm tura an sawm bakah he an kawngzawh hian rah tha chhuah ngei se an duh thu an sawi bawk a ni.

IN THIAH HNATLANG KAL ZEL :

    Nimin khan Vengthlang huamchhunga lei tla hniam avanga chim mai hlauhawma awm, Pu C Lalsanglura leh Pu THanchhuma inte chu YMA ten an thiat tan ta Nimina sub Hqrs YMA Executive Commt in alo rel tawh angin YMA branch hrang hrangte inhnatlanchhawk chu nimin atanga tan a ni a, nimin khan Zotlang Branch YMA leh Vengthlang North YMA te hnatlangin member thawkchhuak pawh an thahnem hle a, Zotlang Branch atangin member 140 chuang rawn thawkchhuakin Vengthlang NOrth atangin member 40 bawr an thawkchhuak bawk a, hnatlang zingah hian Upa Challianngura kum 75 ZOtlang chu hnatlanga chhuak zinga upa ber a ni. Nimin hnatlangte hian PU C Lalsanglura in chung slap chu vawthiatin pu thanchhuma in pawh a ban thleng an thiat hman a, vawiin hian Dinthar Branch YMA leh Kahrawt Branch YMA te an hnatlang ve leh dawn a ni. Nimin hnatlangah hian YMA thawkchhuakte an taima a, Mizo ze diktak tanpui ngaite tanpuitu rilru pu thawk anih avangin hna pawh a sawt a, State Disaster Response force te pawh an thawkrim hle a, Sub Hqrs YMA, Vengthlang Branch YMA leh VC ten hnatlang hi an tawiawm tha hle a ni.

THUBUAI ZIAHLUH TLEM HRET :

    August thla chhung khan Champhai SP Office ah thilsual tih thubuai 17 ziahluh a ni a, July thla aiin case 8 in ziahluh tlem a ni Thla hmasa khan ruk ruk thubuai 7 ziahluh a ni a, July thla khan 8 ziahluh a ni a, heibakah hian, tualthah tum thubuai 1, damdawi case 4, zu case 3, inrukbo case 1 leh mi in rawk thubuai 1 avaiin thubuai 17 ziahluh a ni a, Police station bikah chuan KHawzawl PS ah thubuai 5, Damdawi case 2, zu case 1, ruk ruk case 1 leh mi rukbo case 1 ziahluh a ni a, Champhai Police station ah chuan ruk ruk thubuai 6, tualthah tum thubuai 1, damdawi case 2, zu case 2 he mi in rawk thubuai 1 ziahluh a ni a, sawi tawh angin, Champhai SP Office a August thla chhunga thubuai ziahluh zawng zawng chu case 17 a ni a, heng zingah hian ruk ruk thubuai a tam ber a ni Hei bakah hian, CHamphai Dist huamchhung atangin Promotion hmu thar mi 4 an awm bawk a, ASI H Lalengzama Kzl PS ami chu SI a hlankai niin Lawngtlai ah ahna a zawm anga, Champhai SP Office ami ASI Steno R Zomuanpuii chu SI a hlankai a ni bawk a, Constable Rothangin chu ASI a hlan kai ni bawkin Constable Lalrohlua Colney chu ASI ah hlankai a ni bawk

REGISTER TAM :

    August thla chhung khan Champhai Dist Transport Office ah motor 87 register an ni Heng zingah hian two wheelers tam berin 37 register a ni a, Auto rickshow 8, bus 2 Maxicab 6 bakh Motor car 12. Gypsy leh bolero 2, taxi 6, truck 13 leh excavator 1, avaiin motor 87 ziahluh thar a ni a, hei bakah hian, road tax atangin Rs 5,68,715 hmuh ani a, Passenger phur chi motor atangin Rs 45,300, bungraw phur chi motor atnagin Rs 57,000 leh M.V Fee atangin Rs 1,86,555 hmih a ni bawk

EISIAM DAN ZIRHONA :

    Vawiin hian Vengsang Community Hall ah Mizoram Food Processing Society chuan Awareness Campaign on National Mission on Food Processing an nei dawn a, he hunah hian Pu Lalthangpuia Sailo, Champhai District bawrhsap chu khuallian tura beisei a ni.

DAN SAKEI VANGIN INHMUKHAWM DAWN :

    Vawiin chawhnu dar 1 hian Champhai Disrtict Dawrkar Association bul tumin Champhai a sumdawng, dawrkai leh kuthnathawk te Dan Sakei chungchang a hmalak dan tur sawi ho turin Venglai Community Hal lah a kokhawm.

 TUIALHTHEI  DINHMUN :

MIZOFED :
    Petrol : Free Sale (Rs. 73.31)
    Diesel : Free Sale (Rs. 51.36)
RD PUMP :
    Petrol : Free Sale (Rs. 78.97)
    Diesel : Free Sale (Rs. 57.65)


 


ni 5.9.2013 (ningani)



SUB-HQRS. YMA CHAMPHAI IN TANPUINA KHAWN DAWN :

    Nimin khan Sub-Hqrs YMA Executive Committee chu Tlangrawt a an Office ah an thukhawm He meeting ah hian Champhai Kanan leh Vengthlanga lei tlahniam chung chang an rel a, helai hmunah hian In dinglai 13 thiah tawh a ni a, hetah hian chhungkaw 16 an cheng a, helai hmun a leite hi nitin ala chet zui zel avang leh hemi bak pawh hi nghawng ala awm theih avangin in thiah mekah hian Town Area Branch te a inchhawka hnatlan ni se an ti a, hnatlangturten inthiahna hmanrua neih ang ang thawhchhuah pui nise an ti bawk ani, hei bakah hian harsatna twak chhungkuate tanpui nan thuthmun branch ten vehbur khawn nise an ti bawk a, heng vehbur khawnte hi tun thla ni 14 hma a Sub Hqrs a pekluh hman vek nise an ti a ni. Nimin committee chuan Town Area Branch hrang hrangte hnatlan chhawk dantur a ruahman nghal a, vawiin hian Vengthlang North Branch leh Zotlang Branch te hnatlang in zirtawpni ah Kahrawt Branch leh Dinthar branch te an hnatlang leh dawn ani.

CHAMPHAI DIST. BANK HMALAKNA THLIRHO :

    Nimin Chawhma Dar 11:00 khan Champhai DC Conference hall-ah DCC/DLRC Meeting neih a ni. He Meeting, Champhai DC Pu Lalthangpuia Sailo kaihhruai-ah hian Chief Manager, SBI, leh Lead Bank Officers te an kal a, Champhai Dist. chhunga hmasawnna hrang hrangte sawi ho in June Quarter chhunga Champhai a Bank hrang hrangte hmalakna leh hnathawh te an sawi ho a ni. Champhai DC chuan Meetingah hian thusawiin Chungkaw tin te hian Bank Account kan neih a pawimawh a, chuvang chuan Bank Account hi an hawn ngei theih nan hmalak a duh thu kalkhawmte chu a hrilh a ni. Nimina meeting hian Sept. 13, 2013 hma ngeiin Bank zawng zawngte’n an an Service Area tlawh chhuak vek turin leh chungkaw pakhat in Account Pakhat tal nei vek tura hmalakna kalpui mek chu chak lehzuala kalpui ni se an ti a, Bank zawng zawngin pawisa lem rang taka man chuah anih zung zung theih nan Ultra Violet Lamp nei vek tura tih an ni a, CCTV leh Alarm System pawh vuah vek tawh tura tih an ni bawk. Nimina Meeting-ah hian Champhai Dist. chhunga Bank hrang hrangte hmalakna leh hnathawh chu RBI leh NABARD lam hotute chuan tha an tih thu leh lawmawm an tih thu an sawi a ni.He meeting-ah hian Reserved bank of India (RBI) leh NABARD lam atangin AGM leh DGM te’n an rawn hmanpui a, Champhai Dist. chhunga Bank hrang hrang te leh Dept. hrang hrangte he meeting ah hian an tel a ni.

TRAINING NEI :

    Nimin khan Election Expenditure Monitoring Cell te’n DRDA Conference Hall-ah Training an nei. He Training Programme hi Nimin chawhma Dar 11:00 khan neih niin Champhai DC pu lalthangpuia Sailo chuan a hawng a ni. Pu Mark Lalthanlian Eo in khuh hawnna a neih hnuah tan niin EMC Nodal Officcer Pu Zothanmawia, PD, DRDA in team hrang hrang te hnathawh tur leh thawh dan tur a hrilhfiah a ni. Chawhnu lamah Police Nodal Officer for EMC Pu V. Lalchawimawia, Addl. SP in Security Force lamin an tih turte leh Form hrang hrang te hman dan tur a hrilhfiah bawk a ni. Election Expenditure Monitoring Team ah hian AC tinah team 5 zel an awm a, chung team te chu Video Surveillance Team, Video Viewing Team, Accounting Team, Flying Squad, Static Surveillance Team te an ni a, heng team te hian mawhphurhna hrang hrang pawimawh tak tak an nei theuh a ni. Election Monitoring in a tum ber chu Candidate te’n sum hmatheh a Vote zawn khuahkhirh a ni a, Election rualkhai tak leh Fair taka neih a nih theih nan a hmanraw tangkai a nih beisei a ni.

AWARD DAWNG ANG :

    Vawiina New Delhi a National Level zirtirty tha chawimawina Award dawng turin Champhai atangin C. Hualrikhuma chu tunhnai khan Delhi a pan a, tunah hian he hun hmang tur hian Delhi ah a cham mek.

TUIALHTHEI  DINHMUN :

MIZOFED :
    Petrol : Free Sale (Rs. 73.31)
    Diesel : Free Sale (Rs. 51.36)
RD PUMP :
    Petrol : Free Sale (Rs. 78.97)
    Diesel : Free Sale (Rs. 57.65)

 


ni 4.9.2013 (nilaini)



IB VENG LEIKHI ZUAL ZEL :

    Nimin chawhma dar 11 khan DC`s Conference Hall ah Champhai DC Lalthangpuia Sailo kaihhruaiin Dist. Disaster & Management & Rehabilitation Committee thutkhawm a ni a, Champhai Vengthlang a leikhi chungchang thlirho a hmalak zui dan tur ngaihtuah a ni.
    He meeting ah hian helai leikhi Sq. m 900 zet a zau huamchhunga lei che zui zel vanga Aizawl panna kawngpui leh chak lakna kawng awmchhun a hnawh cheibawl dan tur ngaihtuah a niin, ritphur lirthei pawhin a zawh theih turin chak zawk a hmalak tha tih a ni a. District DM&R Committee chuan helai kawngpui cheithat nana sum mamawh rang zawka hmuh a nih theih nan Champhai khawpui cheithat nana sum mamawh rang zawka hmuh a nih theih nan Champhai khawpui chhunga Sawrkar hnathawkten tlawmngai a an nikhat hlawh chhungkhawm tura tih a ni a, heta sum tlingkhawmin a daih lo a nih chuan a tul dan ang zela ngaihtuah chhunzawm turin meeting hian a rel a. Zotlang lama a helna tur kawng bakah hian PHE Veng atanga Khankawn panna  leh PHE Veng atanga Mizofed Fillinf Station kawng pawh cheibawl tha tih a ni bawk.
    Leikhi in Aizawl ROad a kawngpui a hnawh a nih pawh a, thenfai hnathawk zui zel turin 74 RCC Champhai chu mawh la tura ruat a nih angin anni hian hmanraw tul ang apiang helai hmunah hian inchhawp zui tura tih a ni bawk. He kawngpuia lirthei kal vel pawh a khaihlak phah nasa tawh hle a. Nimin chawhnu khan leichetna hmun hi an tlawh nghal a ni.
    Champhai Vengthlang VC leh YMA huaihawtin In thiah leh bungraw senghawi hnatlang neih chhunzawm zel niin, leikhi in a tihchhiat building a hmanraw chuh theih apiang hmun him lamah senghawi hna an thawk a, niminatang khan Champhai District a State Disaster Response Force ten Concrete Building thiahna hmanrua hmangin in thiah hna an thawk bawk. Helai leikhi in a huam chhung chenna in 13 chhungkaw 16 chenna bungrua te a theih anga hmunhim lama senghawi mek zel a nih bakah Kawngpui thlanglam a chhungkaw 13 chenna In 19 chu fimkhur thilah an riak chhuak mek bawk.
    He leikhi hi tunah hian hmun hnihah IB Veng atanga Kahrawt Veng lam hawiin a awm a, a kak zau tawh hle a, helai hmun hi ruah a sur chho zel a nih phei chuan min mai thei dinhmunah a ding mek a. Tuna RCC building sak zawh fel tep an thiah mek pawh a ban hi a inelh nasa tawh hle a, a piah chiaha RCC Building sak mek phei chu thiah hlawhawm khawpin ltu sawp mai thei dinhmunah a ding mek.
    Vawiin hian Vengthlang VC leh YMA te chuan In thiah leh bungraw senghawi turin hnatlang an ko zui leh a. Hetihlai hian sawrkar lam chet lakna duhkhawp lohna thu pawh hriattur a tam sawt hle.

ZIRLAI TEN LUNGAWI LOHNA KAWNGZAWH TUM :

    Govt. Champhai College Students` Union chaun zirtirtu indaihlohna avangin tunkar zirtawp ni khian an lungawilohna lantir nan kawng an zawh dawn.
    Govt. Champhai College Students` Union te chuan an lungawiloh chungchang hi sawiin June thla atanga sawrkara an lo ngen tawh, zirtirtu indaihlohna chungchanga tun thlenga hmalakna an la hmulo chu pawi an tih thu an sawi a. Mizorama College hrang hrang 26 te zinga Arts, Science leh a dangte zirtheihna College 22 te zingah Champhai College dinhmun hi a chhe fal hle niin an sawi a. Hemi vang hian nimin khan Students` Body Meeting neiin Meeting chuan tunkar Zirtawpni khian lungawilohna lantir nan kawng zawh nise, an ti a. An hmalakna thlawp tur hian Champhai mipui zawng zawng an sawm bakah MZP Hqrs. Champhai chuan a thlawp thu an sawi lang bawk.

NULA CHHUANAWM :

    Lalhmingmuani d/o BS Kailiana, Champhai Vengthlang  chu Mizoram Legislative Assembly in Committee Officer (Group A, Gazetted) post 3 a lak zingah a tling. He hn alaka tling tur hian Hmingmuani hian June thla khan Written Exam in, nimin piah khan Interview a hmachhawn a, nimin khan result chhuakin mi pathum tlingte zingah 2-na a ni. Lalhmingmuani hi Champhai atanga he hna a tling hmasa ber  ani a, Mizo Hmeichhe zingah tling an la tam lo hle bawk.

INRAWNKHAWMNA :

    Mizoram State Road-II Project hnuaia Champhai - Zokhawthar kawng laih tur chungchangah PIU atangin Project Director  leh a hote an lokal a. Tukin zing dar 7:30 hian Tourist Lodge ah Champhai mipui te nen inrawnkhawmna hun an hmang ang.

ELECTION OFFICER SAWN :

    Mark Lalthanliana, Election Officer, Champhai chu Election Officer Lungleiah sawnin a hmun ruak hian Lunglei Election Officer R. Vanrengpuia a rawn awm thung dawn a ni.




NGO THUKHAWM :

    Nimin khan Champhai Dist. NGO Coordination Committee OB te thukhawmin Leimin tuarte tanpui dan tur ngaihtuah in Executive Committee ni 6.9.2013 (zirtawpni) ah koh ni se an ti a. He hunah hian Charity Concert for Leikhi tuarte leh tul dangte an ngaihtuah ang. Hei bakah hian Mizoram District tina chhiatna lo thlenna hmanrua hman tur Sawrkarin dah tura tih Champhai in a la nei ve lo chu a ran gthei ang bera nei tura Sawrkar hotute sawr thuai nise, an ti bawk. Nimin khan OB a thei piang hnatlangin an thawh chhuah bakah hnatlangte thingpui leh eitu District NGO hian a tum sak niin thu kan dawng.

 TUIALHTHEI  DINHMUN :

MIZOFED :
    Petrol : Free Sale (Rs. 73.31)
    Diesel : Free Sale (Rs. 51.36)
RD PUMP :
    Petrol : Free Sale (Rs. 78.97)
    Diesel : Free Sale (Rs. 57.65) 


ni 3.9.2013 (thawhlehni) :



LEIKHI AVANGIN CHHUNGKAW 40 IN LEHKHA THEHLUT :

    New Saron leh Kanan Veng lei khi chuan zual lam a pan zel a, Kanan Veng kawngpuiah lei tla lehin kawngpui pawh hun engemaw chen a hnawhping a ni. Nizan hmasa khan Kanan Veng VC te chu helai hmunah hian tlaivara Duty in nimin lam thleng khan helai hmun vil hian an Duty a, helai kawngpui hi motor kawngpui lun leh Champhai kalpawhna kawng pawimawh taka nih avangin nimin khan BRTF te chuan kawngpui a lei tla thin hi Alkatra Barrel hmangin an dawl a, hei bakah hian leitla zel tur venna atan hian retaining Wall tha zawk siam an tum niin an hotute chuan an sawi a, amaherawhchu ruahtui tlak tam lai chuan chet lak a har tur thu an sawi bawk. IB Veng lamah pawh lei hi a che renga hriat a ni a, min mai hlauhawma a awm avangin Pu Thanchhuma In pawh nimin khan khawtlang chuan an thiat a, hei bakah hian thiah tura hmalak tawh, chhunzawm tak loh Pu C. Lalsanglura In chu thiah tura hmalak a ni a. Vengthlang huamchhunga chhungkaw 27 leh Kanan Veng huamchhunga chhungkaw 13 ten Pu C. Lalsanglura In thiah a nih theihnan DC ah lehkha an thehlut niin. Vengthlang khawtlang chuan vawiinah he In hi an thiat dawn a ni.

AWARD DAWNG :

    India ram puma Tlangbawng vulh hlawhtling State 20 zinga mimal lawmman dawng tura thlan zingah Pu R. Lalrumvunga, IB Veng chu thlan a ni a, a ni hi India hmarchhak State atanga thlan awm chhun a ni. He lawmman Breed Saviour Award 2012-2013 hi tunhnai khan New Delhi ah RK Shadan, Director, AH & Vety chuan a hlan a, kal lam leh haw lam pawh tum sak vekin lawmman hian Rs. 30,000 a keng tel a ni.

DINNAWN TUM LO :

    Khawbung (East TUipui) Bial fang turin nimin tlai khan Chief Minister hlui Pu Zoramthanga, MNF President chu an Headquarters a mi pawimawh engemawzat nen Champhai an lo thleng. Pu Zorama leh a hote hian tukin zing dar 6 hian Champhai chhuahsanin Khawbung an pan ang. Pu Zorama hi nizan khan a thlenna Circuit House a MNF South Block hruaituten kawmin Champhai South biala din a tum leh tum loh an zawhna chu din a tum loh thuin a chhang a ni.

THISEN PE :

    MSU Champhai Hqrs. chuan nimin khan Champhai Civil Hospital ah a mamawh apiang hman atan thisen Unit 42 an pe. Nimina thisen pe te hi Mipa 26 leh hmeichhia 16 te niin thisen hi Hospital ah kal chilhin an pe a ni.

TUIALHTHEI  DINHMUN :

MIZOFED :
    Petrol : Free Sale (Rs. 73.31)
    Diesel : Free Sale (Rs. 51.36)
RD PUMP :
    Petrol : Free Sale (Rs. 78.97)
    Diesel : Free Sale (Rs. 57.65)


ni 2.9.2013 (thawhtanni)



NEW SARON VENG LEIKHI HLAUHAWM ZEL :

    Inrinni khan Vengthlang, New Saron Venga lei khi chu Director, DM&R C. Lalpeksanga leh Zirsanga, Geologist te, Champhai lam atangin Champhai North Bialtu MLA TT Zothansanga, DC Lalthangpuia Sailo, Joint VCP K. Lalmawia ten an thlir ho a, hma lak dan tur an sawiho nghal.
    Helai huam chhunga Concrete Building te chu thiah tur nia sawi a ni a. Lei hi a chet deuh reng avangin kawng hi ping thut thei a ni a. MLA TT Zothansanga rawtna angin Inrinni chahwma dar  11 khan Circuit House ah in hmuhkhawm a ni a. Hemi hnu hian Diversion Road tur ni thei turte an enfiah nghal. Ex MLA Lalhlira Road ah an kal tlang a, chumi zawhah Khankawn to Zotlang inkar an fangkual bawk. He leikhi ah hian chhungkaw 31 chenna In 25 chu dinhmun hlauhawm takah an awm a. Heng chhungkuate hi hmun himah sawn chhuah an ni tawh a. Chutih rualin Assam Type Building 8 chu thiah a ni tawh. He leikhi hi a zau zel nia sawi a ni a. Tunah hian Metre 900 bial vel huamchhung hi a khik zau zel bakah a che zui zel a. A thlang kawngpui tana hlauhawm tawh avangin kawng hi lirthei kal khap a ni a, kawng dangah kaltir an ni.
    Senior Geologist chuan helai hmunah hian lei tha pangngai chhah tak hnuaiah lung thuah thip a awm niin a sawi a, a thlang lamah Champhai atanga Aizawl panna kawng laih chuan lei tanchhan a ti derthawng tawh avangin lei hi zawi zawiin thlanglamah a tawlh niin a sawi a ni. Lei chetna ram chhungah hian mihring chenna in 13  awma, chung zinga in 5 te chu Concrete building a ni a, a bak 8 te chu Assam Type an ni a, Assam Type in te hi Zirtawpni khan thiah zawh hman vek a ni a, an in sakna hmanruate pawh singsak fel vek a ni. Concrete Building 5 zinga a lian ber chu thiah mai tha bera ngaih a ni a, hemi chungchangah hian Sawrkar hotute leh in neitute chu an indawr mek a ni a sawi a ni. Ruah a sur tam chuan he lei khi hi tawlh thla maithei a ngaih a ni a. Helai hmun hian mipui ngaihven a hlawhin chhun lamah phei chuan tlawhtu a nei deuh reng a ni.

ZORAMTHANGA LOKAL DAWN :

    Vawiin hian MNF President Zoramthanga chuan Champhai a rawn thlawh dawn a. Zanin dar 7 hian Pu Lalhmingmawia Pachuau In, Vengthlangah MNF Champhai North Block -I huaihawtin Members Meeting neih a ni ang.

SP-AH VAI BAWK :

    Champhai Police SP Brajesh Kumar Singh chu Lawngtlai SP ah sawn  ani a, a aiah Mahendra Nath Tiwari chu Champhai SP thar atan ruat  ani.

 TUIALHTHEI  DINHMUN :

MIZOFED :
    Petrol : Free Sale (Rs. 73.31)
    Diesel : Free Sale (Rs. 51.36)
RD PUMP :
    Petrol : Free Sale (Rs. 78.97)
    Diesel : Free Sale (Rs. 57.65) 


ni 31.8.2013 (inrinni)



IN THIATIN KHAWTLANG AN HNATLANG :

    Nimin khan New Saron-a leikhi bul vela inte chu Vengthlang khawtlang chuan hnatlangin an thiat. Niminpiah tlai khan in neitute leh Vengthlang Branch YMA hruaitute bakah VC te thukhawm chuan in thiah tur chungchang hi an ngaihtuah a, leikhi hi a ni telin a nasat bakah lei a tlakhniam zel avangin in neitute hian nidang nghak tawh lova an in chu thiah mai an duh thu khawtlang hruaitute hi an hrilh a, nimin khan Vengthlang khawtlang chuan hnatlang kovin in thiah hna hi an thawk ta a, hnatlangah hian mi 200 chuang an thawk chhuak a ni. Vawiina in thiahte hi Pu Malsawma, Pu C.Lalsanglura, Pu C.Lalfela, Pi Sangliani, Pu Buatsaiha, Pu Chhuanthanga, Pu Raldoliana, Pi Chawntinthangi leh Pu Thanchhuma te in a ni. Hnatlangah hian mi tlawmngai ten thingpui inna tur an thawhkhawm a, Vengthlang YMA leh VC te chuan mi inphalte hnenah hian lawmthu an sawi a ni. Hetihlai hian lei hi nimi zing lam khan nasa takin a tlahniam leh tawh bawk. Nimin chawhnu khan leikhi hi Disaster Manangement & Rehabilitation atangin Director Pu C.Lalpeksanga, Deputy Director PU C.Lalsangluaia leh Pu Zirtluanga, Geologist ten an en nghal a. Disaster Management & Rehabilitation hotute chuan lei khi insiam chhan nia an hriat sawiin, midumkawr bula kawng laih zauh a nih khan a chhak lam dotu hi a chak lo sawt a, hei bakah hian kawng chhak lam leiah tuihawk a luh tam avangin lei hi a rit a, hei vang hian lei hi a khiin a tlahniam ta a ni. Leikhi hi lungin a la dan avangin la la tawlh lo niin an sawi bawk a, mahse zawi muang emaw vawilehkhata tawlh thut thei a nih avangin helai biala chengte chu fimkhur turin an chah a, a theih chin chinah leikhi laiah hian tui lut lo tura ven nise an tih bakah, retaining wall tha tawk tak siam a nih loh chuan leimin hi dan zawh a ni dawn lova, tuiluankawr siam danglam a nih loh chuan awmzia a awm lo maithei niin an sawi bawk. Nimin tlai khan Disaster Management & Rehabilitation hotute hian Champhai DC Pu Lalthangpuia Sailo chu hmu nghalin thil awmdan leh hmalak dan turte an sawipui nghal a, tukin zing dar 7 hian DC ho hian leikhikna hmun hi an tlawh leh dawn a ni

IN SU :

    Nimin tlai Dar 4 vel khan Khuangthing daiah bike pahnih, Krizma leh CBZ an insu a, heng bike-ah hian mi pahnih ve ve chuangin Karizma khalhtu Vanlalsiama leh CBZ khalhtu Vanlalvena te chuan hliam na tak an tuar a, vawiin vek khan damdawi lam thiamte chuan buaipui nghalin an dinhmun hi a ngaihtuahawm lem loh niin an sawi.

ZO FEL TA :

    Tunkar thawhlehni atanga tan CHamphai Open Badminton Ranking Tournamet chu nimin khan Vanlallawma Indoor Stadium ah zawhfel a ni Nimin chawhnu dar 3 khan kharna hun buatsaih niin he hun hi Pu Lalnunmawia CDBA President chuan kaihruaiin, CHamphaiin khelhna hmun kan neih that ang ai hian coach kan neithalo ani ati a, tleirawl leh kum lama la naupang zawkte tan coach tha an pawimawh zia sawiin, tuna anmahni style hmanga an khelh chuan an puitlin hnuah an khelh dan thlak a har thin tih a sawi a, tuna MBA Observer te leh patron te hian Coaching lama Champhai min hrereng tura a duh thu a sawi. He hunah hian Khuallian Pu Lal Nghinglova IAS Education Commissioner chuan thusawiin, Mizo zingah hian mahni tualzawla thiam chu kan tam hle a, a tak ram thleng tur leh Vairengte pela inkhela chhuak thei kan tamlo chu a ngaihmawhawm ani ati a, a ngaihtuahna tithuitu ber anih thu a sawi a, khuallian chuan, tunlaiin IBL an khel a, player to tak takin an lei a, Korea leh ram dang atangin to tak takin an lei a, heng zingah hian MIzo kan tel ve thei a, kan thiamna hian a pha a ni tih sawiin, ram dang mite nen hian danglamna kan nei tamlo a ni ati, khuallian chuan, MIzoram number 1 pawh hian hun reitak a nihna a humhim tawh a, hei baka kal leh zel dan tur hi a tunah rih chuan a vang hle a ni tih tarlang bawkin Mizoram Badminton Assn hruaitute hian a hma lam hun mai bakah Mizoram Badminton hmalam hun ngaihtuah thei se a duh thu a sawi. Hei bakah hian khuallian chuan, Kan sorkar hian tanla se, ramdang mite mit hmuha kan lanchhuahna kawng pawimawh leh min hriatna tur kawng pawimawh tak chu Badminton hi a ni tih tarlang bawkin Champhai pawhin Mizoram mai nilo N.E a Hall tha berte zing ami kan neih atang hian Mizoram CHampion mai nilo, India ram champion a tam thei ang ber rawn chherchhuak turin a chah a ni. Khuallian chuan,a sawi zelna ah, mi teireipeih te an dingchhuak thin tih a sawi a, Mizote hian tih hram hramna kan tlachham a, hei hi kan hlawhtlin hleihtheihlohna niin a sawi bawk a ni. Nimin khan Final khelh niin, hmeichhia U-15 ah Ireene Lallawmawmi SBC a champion a, U-17 ah Rosemary Remsangpuii, Mipa single kum 35 chunglam ah Lalbiakmawia MPBC champion in Mipa U-13 ah Lallawmzuala MBC, U-17 ah Lawmsangzuala SBC a champion bawk a, Hmeichhe single ah Lalrinzuali CSC champion in mipa U-15 singles ah K LAlfakzuala MBC a champion bawk a, mipa single ah Samuel Lalnunmawia MBC a champion bawk a, mipa doubles kum 45 chunglam ah R Lalrinkima leh Zabiakthara te tangdun an champion bawk a, Mipa U-19 doubles ah H Lalruatfela leh lelmuanpuia te tangdun an champuin a, hmeichhia U19 ah Rosemary Remsangpuii, mipa U-19 ah Andrew VLH Sangzuala CDBA a champion bawk a ni. he tournament ah hian club 22 atangin payers 168 an tel thei a, heng zinga 47 te hi CHamphai Players an ni a, Events 15 ah Entries 222 awmin Match 207 khelh a ni

NLUP SEM DAWN :

    NLUP 3rd phase leh 4th phase sem tur chu Line dept hrang hrang ten an buaipui mek a, Line dept zingah AH&Vety Dept chuan 3rd phase ah Beneficiaries 1580 an nei AH&Vety Dept hian 3rd phase ah Lengteng AC ah beneficiaries 247 an nei a, Tuichang AC ah 264 CHamphai North ah 365 CHamphai South ah 397 leh East Tuipui ah beneficiaries 307 avaiin 1580 an nei a, 4th phase ah chuan CHamphai North ah tam berin beneficiaries 196 an nei a, Champhai south ah mi 185 an awm bawk a ni. Hei bakah hian tunlai hian AH &Vety Dept chuan Layer ar lei tur an neih tam lai niin, Layer ar a tui tan tir pum khat Rs 700 a lei theih reng a nih thu AH&Vety Dept hotute chuan an sawi

LAWM DAWN :

    All Mizoram Karate Assn Champhai Dist chuan vawiin chawhnu dar 2 hian Tourist Lodge ah Inter Dist Karate Championship a an champion an lawm dawn He hun hi Tourist Lodge Conference Hall a hman tur niin he hunah hian Pu H Lalluai DCSO chu khuallian tura beisei a ni a, CHamphai Dist Karate Assn hian tun thla tira Ineter Dist Karate Championship neih zawh takah khan Champion in Mipa best fighter an nei bawk a ni.

TUIALHTHEI  DINHMUN :

MIZOFED :
    Petrol : Free Sale (Rs. 70.31)
    Diesel : Free Sale (Rs. 50.80)
RD PUMP :
    Petrol : Free Sale (Rs. 76.46)
    Diesel : Free Sale (Rs. 56.93)


ni 30.8.2013 (zirtawpni)



IN THIAT DAWN :

    New Saron leikhi chuan zual lam a pan zel a, nimin lamah lei hi a tlahniam zel a. New Saron leikhi hi nizan khan inches hnih bawr velin a tlahniam a, heilai bawr vela chengte hi an ralkhelin nizan lam khan a tam zawk chu an riak chhuak a ni. Hetihlai hian Champahi DC Pu Lalthangpuia Sailo chuan thuchhuah siamin Champhai Vengthlang leh Kanan venga leimin leh leikhiin nunphung a tikhaihlak a, Hemi huamchhunga cheng chhungkaw 31 vel tan a hlauhawm a. Hei vang hian Disaster Manangement & Rehabiltation atangin Director Pu C.Lalpeksanga, Deputy Director Pu C.Lalsangluaia leh Pu Zirtluanga, Geologist te chu naktuk hian Aizawl atnagin he dinhmun zirchiang tur hian an lokal dawn a, an thuchhuak lo ngaichang turin mipuite kan ngen a ni, tih a tarlang a, mahse he leikhi hi a hlauhthawnawm vanga mahni in thiat duhte an awm a nih chuan anmahni duhthlannaa ngaih a ni ang tih tarlangin, he dinhmun vanga chhiatna a thlen thut theih avangin leimin leh leikhiin a nghawng theih chhungkua zawng zawngte hmun him zawka an insaseng leh inthiarfihlim hrih turin a ngen bawk a ni. Helai hmun a inte hi vawiin hian hnatlanga thiah tura ruahman a ni a, vawiin khan VC, YMA leh helai hmuna chengte inberawnin, vawiin hian helai hmuna inte hi khawtlanga thiah tura ruahman a ni

LUNG IN DELH HLUM :

    Champhai Zote dai a Pu Lalhmingliana Quarry chimin hnathawktu pakhat a delh hlum. Champhai Zote atanga Tuipui Tlabung kawng a Pu Lalhmingliana Quarry chu nimin chawhma dar 10:00 vel khan chimin, hnathawktu pahnih zinga pakhat Chinzatuang kum 36 w/o Chinlunmuan, Tidim Sakawrlam Veng chu lung tla hian a delh a, Champhai District Hospital pan pui anih laiin kawnglakah a boral. Quarry neitu Pu Lalhmingliana hnen atanga thu dawn danin, Chinzatuanga leh a thianpa hian lunglakna tur hmun hma an sialfai a, an chawlh laiin ko chhak lung lo chim chuan a rawn delh a, a thianpa hi inthiar fihlim hmanin, Chinzatuanga hi a awmbawr, a kawng a a delh bakah a dinglam ngalruh a tliak bawk a ni. Champhai Police ten tihtur tulte an tih zawh hnuah vawiin tlai khan Chinzatuanga ruang hi an khawlam Tiddim panpui a ni. Chinzatuanga hian a nupui leh fa 3 a kalsan a ni.

MIZORAM OPEN FINAL :

    Mizoram Open Badminton Ranking final chu vawiin chawhma dar 9 hian VANIS ah neih a ni dawn.

TUIALHTHEI  DINHMUN :

MIZOFED :
    Petrol : Free Sale (Rs. 70.31)
    Diesel : Free Sale (Rs. 50.80)
RD PUMP :
    Petrol : Free Sale (Rs. 76.46)
    Diesel : Free Sale (Rs. 56.93)


ni 29.8.2013 (ningani)



RUAHSUR AVANGIN IB VENGAH IN 13 RUHSAN :

    Champhai Vengthlang, IB Veng a mihring chenna ruam hmun zau tak chu tunlai ruahsur nasa vangin min chhe mai thei dinhmunah a din mek avangin In 13, chhungkaw 16 te luahlai chu insawn chhuah tir an ni.
    Helai huamchhungah hian niminpiah tlai ruahsur han hnuah leh Kanan Veng leh Vengthlang inrinna bula leiminin kawng a hnawh hnu, nizan hmasa zanlai dar 11 vel atang kha leikhi a awm tih hmuhchhuah a ni a. Hemi ni leh zan la la hian chhungkaw thenkhat chu an insuan chhuak a, nimin zing khan Champhai DC Lalthangpuia Sailo hovin District Level Disaster Committee hovin helai hmun hiendikin In 13 a cheng chhungkaw 16 te chu hmun him lama insawn turin an hrilh a ni.
    Helai leikhi hian leimin a thlen chuan Champhai atanga Aizawl panna kawngpui a hnawh theih dawn avangin kawng danga helna tur ngaihtuah nise tih Committee chuana rel nghal bawk a ni. Helai bialchhunga leikhi hi nimin khan Vengthlang khawtlangin a theih angin an hnawh a, silpoulin zar ngaihna laiah te an zar nghal bawk a. DC lam atang hian helai hmun himna atan hna thawhna tur hian Silpoulin 2, Cement bag 5 leh Balu TIn 40 an pe niin thu kan dawng a. heng hmang hian Vengthlang YMA hruaitu leh member te chuan helai leikhi thawm that leh a khuh hulna atan hian hnatlang neiin an thawk chhuak a. Nimin khan a theih ang angin Vengthlang YMA hian hma an la a ni.
    Leikhi hi tunah hian khik zau zelin hemi thu buatsaih lai pawh hian chhun lama an lo hnawh pawn awmzia awm lovin a khik belh zel a ni.

GRAPE UM MEK :

    Hnahlan Grape Growers` Society chuan kumin hian an Grape tharchhuah zinga QUintal 1,340 sawr in tanky lian 10 khat Grape Wine Zawlaidi  an um mek. Kumina Zawlaidi an um thar zawng zawng hi litre 1,20,000 vel a tling a, tunah hian nikuma an um, litre 54,000 vel hralh tur an la nei a, hengte hi mililitre 750 dawng, saidawiumah thunin sawrkar rate siamsak angin an hralh a, sawrkar rate hi vendor tan Hnahlanah um khat zelah Rs. 110 a ni a, Aizawlah Rs. 143 zelin an hralh a, Zoram khawpui dangah chuan hei ai hian cheng hnih khatin a sang hret.

MIBO HMU :

    Pu F. Lalnithanga (Ni-a) s/o FVL Tawna, Champhai Vengthlang kum 41 Sumo Counter nghak thin chu METAKHEN Champhai atangin ni 27.8.2013 tlai lam a chhuak bo chu vawiin ni 29.8.2013 (ningani) khan Sericulture thlam ah dam taka hmuh a ni.

  TUIALHTHEI  DINHMUN :

MIZOFED :
    Petrol : Free Sale (Rs. 70.31)
    Diesel : Free Sale (Rs. 50.80)
RD PUMP :
    Petrol : Free Sale (Rs. 76.46)
    Diesel : Free Sale (Rs. 56.93)

ni 28.8.2013 (nilaini)



REGISTRAR PUAIN TRAINING NEI :

    Nimin khan Kahrawt YMA Hall-ah Law and Judicial Dept buatsaihin Registration Of Marriages chungchanga inzirtirna neih a ni He hunah hian Champhai Dist huamchhunga registrar mi 94 te kohkhawm an ni a, he training pe tur hian Law & Judicial Dept atangin R. Lalmuankimi, Under Secy, David Lalhmangaihsanga UDC leh Lalsangliani Asst te an lokal a ni. He training-ah hian R. Lalmuankimi chuan Supreme Court in inneihna registered ngei ngei tura a tih chhan tlangpuite in hrilhhriat a ni a, Supreme court chuan Child marriage ven nan leh kumtlingte chauh an inneih theih nan te, innei turte duh dan ngaichang lova inneih a awmloh nan te, nupui/pasal pakhat aia tam neih ven nan te, hmeichhe pasal neite an pasalte ina an chen theihna leh chhawmdawlna te an hmuh theih nan te, hmeithai ten an pasal te thihhnu a an rochan tur diktak an chan theih nan te, mipa ten an nupui te an tlanbosan mai mai loh nan te leh nu leh pa enkawl tuten an fate midang hnena inneihna chhuanlama hmanga an hralh mai mailoh nante supreme court hian inneih registration hi a ngaipawimawh hle a ni an ti a, chutianga supreme court in a ngaihpawimawh em em lo buaipuitu Mizoram sorkar aiawhte hi kan pawimawh hle a ni a ti a, kan pawimawhna hria a, a hun taka reports leh return te ti thin tura fuihin report leh return kan tihthatloh chuan buaina tam tak a awm phah thei a ni tih te a sawi a, hei bakah hian nupaa foriegn kal dawnin inneih certificate a pawimawh zia sawiin visa buaipui kawngah harsatna tam tak a awm thei thin a ni a ti a, hei vang hian a hun taka registration of marriages tihfel hi sum leh hun tam tak humna a nih avangin awareness pawh kan pek that a ngai a ni tih a sawi bawk a ni. He bakah hian David Lalhmangaihsanga pawhin thusawiin, Registration hi tuna a pawimawh ai hian ala pawimawh tulh tulh dawn a ni tih sawiin, tunah hian Mizoram Law Commission in Divorce, Marriage leh Inheritance Bill te hi Assembly ah buaipui mek a ni tih sawiin, heng bill pathum te leh Registration of Marriage te hi inthlunzawm vek a nih avangin Marriage Certificate nei lo tan chuan inthen leh rokhawm chung changah buaina nasa tak a la thleng thei a ni tih a sawi bawk a ni. He training ah hian Champhai District chhunga Registrar mi 94 te koh khawm an ni a, training a kalte hian hlawk thlak an ti hle.

MIZORAM OPEN BADMINTON HAWNG :

    Nimin chawhnu dar 1 khan Champhai Open Badminton Ranking Tournament 2013 chu Champhai North Bialtu MLA Pu TT Zothansanga chuan a hawng Hawnna Inkhawm hi Pu C.Hualrikhuma Sr.Vice President CDBA kaihhruaiah hian Khuallian Pu TT Zothansanga chuan thusawiin "Tunlai khawvelah hian nawmsak kan duh luatna hian mi tamtak nun a ti chhia a, khawvel thang zelah hian kan nun kan hman thiam a pawimawh a, hmasawnna hian kan nun min hlauh tir mai ang tih a hlauhawm a, fimkhur taka kan nun leh hun te kan hman thiam a tul mai bakah kan thil ngaihhlut zawng te hi kan chhut ngun a tulin thil tul lovah kan hun leh tha hlutak hi kan khawhral mai mai a hlauhawm a, kan hriselna ngai pawimawhin hlawhtling tur chuan taimakna leh insumtheihna, tih tak takna kan neih a tul a ti. Pu TT Zothansanga chuan asawi zel na ah "Tunlai khawvel Indona pawimawh ber chu Infiamna hi a ni tih kan hriata Infiamna hmanrua changkang taktak kan neihte hi hlawhtlin pui tura kan hman thiam a tul a ni a ti bawk a, khuallian chuan, insum thei te leh mi ti tak tak peihte chauh an hlawhtling thin a ni tih sawiin, mahni inthunun a, kan game khelh apianga tih tak takna rilru kan put chuan, midang ai sangah kan awm thei a ni tih sawiin, mi talent nei tha tak tak, ti tha peihlote ai chuan, talent nei tha vaklo pawh mi teireipeih kan nih chuan kan la hlawhlting dawn ani ati. He Badmington hawnna Inkhawmah hian Pu C.Hualdingpuia Asst.Secy CDBA chuan In hmel hriattirna neiin Report tawi a pe a. Pu Lalnunmawia President CDBA chuan welcome speech a sawi bawk a, Champhai Open Badmington Ranking Tournament senso atan hian cheng nuai hnih singruk ruahman a ni a, tunkar zirtawp ni hian final khelh tura ruahman a ni.

COMMITTEE NEI :

    Nimin tlai khan Champhai DC Pu Lalthangpuia Sailo, IAS kaihhruainain Champhai DC Conference Hall-ah General Election lo awm tura Media Certificate & Monitoring chungchang committee neih a ni. He committee kaihruaitu Pu Lalthangpuia Sailo chuan Media Certificate & Monitoring Committee kalphung hrilhfiahin General Election lo awm tur atana tih tur leh tih loh turte sawiin thil fel lo awm thei laka khauh taka dan zawm a tul thu a sawifiah a ni. Pu Mark Lalthanliana, Election Officer, Champhai District chuan media hrang hrangte hriat tur sawiin candidates leh an lamtaang ten chanchinbu etc. chu ama tanghma atan emaw a khingpui sawichhiatna atan emaw a pahnihin emaw a hman chuan committee-in candidate sensoah telh zel a nih tur thu a sawi a. General Election lo awm tur atang hian candidate-te chuan inthlan a an hman ral theih chin Cheng nuai 8, nomination an file hma ngeiin Bank-ah deposit tur a ni a, chu an deposit hmang chuan an senso reng reng cheque hmangin an pe chhuak tawh tura tih a nih avangin chanchinbu emaw cable TV emawa an sensote pawh cheque hmanga pek vek tur a ni. Chanchinbu leh cable TV hmanga a puanzar duhte chu (Press Release) MCMC chairman-in a pawmpui hmasak vek a ngai tawh dawn bawk a ni. General Election-ah hian candidates tinte sum hman theih zat chu Rs.800,000/- a niin hemi bak hman phal a ni lo a ni. Print media leh electronics media hrang hrang hmanga candidates ten anmahni insawimawina chu candidate te sensoah pawm tur a ni. Media hrang hrang ten tan lam neih avanga candidates an lo fakmawina/sawichhiatna pawhin cash/in kind ah MCMC chuan a pawm vek tawh dawn a, chu chu candidates sensoah telh zel tur a ni. He committee-ah hian member-te pawh an kal tha hle a ni.

COMPUTER HMAN DAN TUR ZIRTIRNA HUN HMANG :

    Nimin khan Champhai District SSA, Champhai BRC Training Hall-ah Middle School zirtirtu Computer Aided Learning Scheme hnuaia Computer dawng tawhte tan Computer hman dan 'Installation of Teaching Capsule' zirtir an ni. Champhai District chhung Middle School 124 zinga school 77 te hnena sorkar-in Computer set pek tawh, zirtirtute hnena Computer hman dan zirtirna neih hi KZ Lalnunsanga (MIS) in kaih-hruaiin, he hun hmanpuitu Champhai DPC Pu Laldingliana chuan zirlai naupangten awlsam taka zirlai an hriat thiam theihna tura Computer hmanga zirtirna an neih chu thil tih makmawh leh tangkai tak a ni tih sawiin, M/s ACES Graphic in software tha tak mai an buatsaih leh zirtirtute hnena Software Developer Eric Lalmuanpuia leh B. Lalrinzuala Content Developer in zirtirna an pe thei chu lawmawm atih thu a sawi. Zirtirute hian he scheme hnuaia Laptop an dawnah naupangte zirtir dan tur kaihhruaina hrang hrang thunluh sak an ni a, zirtirna kawngah hmang chang hre taka an hman thiam theihna turin uluk taka zirtir an ni.

MIZORAM CHAMPION LO HAWNG :

    Nimin tlai khan All Mizoram Maxicab Football Tournament-a champion Champhai team chuan Champhai an lo thleng. All Mizoram Maxicab Football Tournament hi Mizoram chhunga Maxicab Driver te tana buatsaih niin August ni 19 atang khan Mualpui ah khelh tan a ni a, he tournament ah hian team 24 telin champion team Champhai hian final-ah Serchhip an tum a, hun pangngaiah 2-2 a inhnehtawkin extra time ah 3-2 in hnehna an chang ta a ni. Champion team Champhai hian Rs 10000 leh Trophy bakah certificate mawi tak an rawn hawn a, nimin tlai khan Sumo counter ah lo hmuah an ni.

ZUNIN TIFAI :

    Nimin zing kar khan Vengthlang Branch KTP te chuan Central KTP rorel bawhzui nan vantlang zunin tifaiin an hnatlang. Vengthlang Branch KTP te hian Central KTP kumpuan Midang tana malsawmna leh an Branch Kumpuan Midangte tanpui uar bawhzuina atana hnatlang an ni a, Central KTP in June, July leh August thla chhunga tih tura a ruahman a ni a, nimin zing khan member thahnem tak hnatlangin an thawkchhuak a, Vengthlang Biakin bul zunin leh Pu PC Zohlira inbul zunin tifaiin an hnatlang a ni

ni 27.8.2013 (thawhlehni)



MLA-IN SCHOOL HAWNG :

    Nimin khan Champhai District SSA Mission in Rs 25,87,600.00 senga a sak, Thinghrangkawn Primary School chu Champhai North Bialtu MLA Pu TT Zothansanga'n a hawng. Hawnna hun Tuipuiral Group YMA Chawlh Buk a neih, Champhai District DPC Pu Laldingliana kaihhruaiah hian Pu TT Zothansanga chuan hlawhtling turin harsatna tam tak hmachhawn leh hlenchhuah a tul a, hlimhlawpna lam hawi hian hnam nun a tih chhiat theih vangin ngaihsan tur leh hlut tur thliar hran thiam a tul tih tarlangin, khawtlang nun siam thatna kawngah Ram roreltute, Kohhran leh Tlawmngai pawlten mawhphurhna sang tak an nei a ni, a ti a. Thil tha leh rotling nei turin chawpchilh taka tihpuitlin theih a nih mai thin loh vangin dawh theih a tul a, khawvel hmasawnna hmanrua hman dan thiam a tul thu sawiin, Pu TT Zothansanga chuan heng hmanruate hi kan nitin nunah thil tangkai tak an nih rualin hman sual theih tak a nih vangin hman fimkhur a tul hle a ni, tih a sawi bakah NLUP chu tih tak zet a kut hnathawktute tanpuina a nih vangin hlemhle taka he hamthatna dawngtute tan chhunzawmna siam a ni dawn lova, rinawmna leh taimakna nena beitute hnenah eizawnna nghet an neih hma chuan tanpui chhun-zawm zel an ni ang, a ti. Thinghrangkawn Primary School-ah hian zirlai naupang 16 awmin, zirtirtu 2 an thawk mek a. School building hi 2.12.2012 khan sak tan a niin, 30.6.2013 ah zawhfel a ni. School sakna hmun hi mimal ram leisak a niin, he School building hi a dung feet 50 leh a vang feet 18 + 6 (Varanda) a zau a ni thung a, (Eirawng-bawlna) Choka leh zunram thiarna, mipa leh hmeichhe tan tha taka siam a ni. He hunah hian DPO Co-ordinator Pu C. Keilianthanga'n Technical Report a pe a, Deputy DPC (SSA) Champhai Pu H.Lalhminghlua'n lawmthu sawina a nei a, chawhlui tuihnai tak kilho nghal a ni bawk.

TUICHANGRAL HIGHER SECONDARY SCHOOL GAMES :

    Nimin chawhnu dar 1 khan Pu C Hualrikhuma Dy. DPC RMSA chuan Sialhawk Community Hall ah Tuichangral Higher Secondary School Games vawi 2-na chu khuallian niin a hawng. He hunah hian thusawiin Khuallian Pu C Hualrikhuma Dy. DPC RMSA chuan, hetianga khuallian nihna hun an siamsak chu lawmawm a tih thu a sawi a, vawiina infiammi kalkhawm te chu infiam an thei ang bawka lehkha zir lama theihtawp chhuah turin a fuih a, infiammite chu kan rilru a chak a, kan hrisel a, zirna lamah pawh midang ai kan sang ngei tur a ni ati a, infiam theite lehkha lama an hnufual thin chu pawi a tih thu sawi bawkin, kan infiamna khawih hian kan lehkha zirna a tibuai tur a ni lo tiin, infiamna a kan rilru kan seng ang hian lehkha lamah rilru seng ila tun ai hian kan rama zirlai infiammite hian hma kan sawn lehzul dawn a ni ati. Pu C Hualrikhuma chuan, infiamna leh ruih theihthil a inhal tlal a ni tih a sawi a, talent nei tha tak takte pawh ruihtheihthil an khawih chuan hun reilote ah an tlachhe mai thin a ni ati a, hei bakah hian khuallian chuan, mi ti tak takte chauh an ding chhuak thin tih sawi bawkin, midang tih ai baka ti thinte leh mi paractise loh huna hmasawn duh vanga ti hram hram peih ten hlawhtlinna tak tak an chang thin a ni a ti. Tuichangral Higher Secondary School Games vawi 2-na ah hian Football, volleyball, Badminton, Athletics, solo leh debate hmangte a inelna neih a ni a, Biate, Sialhawk leh Khawhai higher secondary school te an tel a, tunkar zirtawp ni hian khar a ni ang.

MIZORAM OPEN VAWIINAH :

    Mizoram pum huap Champhai Open Badminton Ranking Tournament 2013 chu vawiin hian Vanlallawma Indoor Stadium-ah tan a ni dawn. He tournament-ah hian Mizoram hmun hrang hrang atangin badminton players 182 an tel dawn a, Champhai khaw pawn atangin infiammi 147 an rawn tel dawn a ni. He tournament ah hian Mens singles leh doubles bakah kum 35 chunglam singles leh doubles, kum 45 chung lam doubles, hmeichhe singles leh, U-13, 17,19 leh U-15 boys & Girls a awm ang a, U-19 bikah hian doubles a awm tel dawn bawk a ni. Nimin khan a hmunhma tifai leh thawh tur awm ang angte thawkin Champhai Dist. Badminton Assn te an hnatlang a, he tournament hi tunkar zirtawp hian final a ni ang a, vawiin chawhma dar 9:00 atanga khelh tan tur a ni a, chawhnu dar 1 hawnna inkhawm neih a ni ang a, Champhai North Bialtu MLA Pu TT Zothansanga chuan a hawng dawn a ni. Hawnna inkhawm programme chu a hnuaia tarlan ang hi a ni-Opening Programme A hun : Dt. 27.08.2013 (01:00PM) A hmun : Vanlallawma Indoor Stadium Khuallian : Pu TT Zothansanga, MLA Chairman : Pu C.Hualrikhuma, Sr. Vice President, CDBA Report : Organising Secretary Speech : Khuallian Release of Mizo Shuttler Magazine : Conducted by Secretary, CDBA Welcome Speech : Pu Lalnunmawia, President, CDBA =

SIKUL NAUPANG  HRISELNA ENDIK SAK :

CMO Office chuan RBSK Scheme hnuaia Govt leh Aided School Health Programme hmang chhunzawm lehin nimin khan Govt GM Higher secondary school a naupangte hriselna endikin hun a hmang a. He hunah hian, mit, beng leh ha te endikin, damdawi te an chawh nghal a, hemi baka harsatna dang nei 46 chu OPD Card siam sakin OPD a in check up turin an refer nghal a, niminah chuan naupang 408 an en a ni. Health Prog an hmanna ah hian Arts stream a naupang te hriselna endik niin vawiin hian Stream dang, Science, Commerce, Vocational leh Horti a naupangte an endik leh ang a, He scheme hnuaiah hian Primary School leh Middle school 27 bakah Angan-wadi 12 te tlawh tawh a ni.

LUNGIN DENG HLUM :

    Thanhliri (57) W/o Zaluta, Tlangsam chu nimin khan an fehnaah lunglumin a deng hlum. Pi Thanhliri hi a fate pahnih nen Tlangsam bul Tiau kam, Khanghu Tlang an tihah fehin nimin tlai dar 3:00 vel khan lunglum hian a delh a, a hmunah hian boral nghalin a fate hian phone-in khaw chhung mite an pun a, a ruang hi nizan khan tlaivarpui a nih hnuah vawiin hian Tlangsam thlanmualah vuiliam a ni ang.

ZU  SIAMNA HMUN TICHHIA :

    Tun thla ni 17 leh ni 24 khan Tuipuia NGO hrang hrang YMA, MHIP leh MUP intelkhawm Tuipui Jt. Action Committee (JAC) chuan Mualzen hmunah hnatlang koin ni 17 khan Zu factory hmun 4 ami tihchhiat a ni a, zu barrel 8 leh thlawr zawh tawh litre 100 tihchhiat a ni a, bel lu pahnih leh bel mawngpawp 2 man a ni a, ni 24 khan zu barrel 12, thlawh tawh litre 60, belpui 5, bellai 3 leh bel mawngpawp 1 an man leh a, heng zute hi a hmunah tihchhiat nghal a ni.

LO HAWNG :

    Office thil pawimawh leh meeting pawimawha Aizawla zin SDC pahnih Pi Rochuangkimi Khenglawt leh Pu Alan Lalthanzara te chu nimin khan Champhai lo thlengin office an zawm nghal.

BUHFAI TAM :

    Tunlai hian Champhai Godown-ah August thla chhung Buhfai a lo thleng kim thawkhat tawh. Champhai Godown ah hian thla khat quota chu qtls 10,000 a ni a, tunah hian qtls 5000 kawngah a rawn thang mek a, a rawn thlen thuai beisei a ni. Hei bakah hian Champhai Godown in a huam Hnahlan, Farkawn, Bungzung, Vaphai, Khawbung leh Khuangleng ah te thawn kim tawh a ni a, Kelkang erawh la thawn a la ni lo a, tunkar hian thawn tum a ni bawk. Tunah hian Champhai tana kar 2 quota an la kawl mek a ni.

 TUIALHTHEI  DINHMUN :

MIZOFED :
    Petrol : Free Sale (Rs. 70.31)
    Diesel : Free Sale (Rs. 50.80)
RD PUMP :
    Petrol : Free Sale (Rs. 76.46)
    Diesel : Free Sale (Rs. 56.93)  


ni 24.8.2013 (thawhtanni)



BUANG KHUA PING :

    Tunlai ruahsur nasa avang khan Champhai District-a mi Buang khua kalna kawng chu hmun hnihah leiminin a dang ping a, an tuilakna ber pawh hmun hnihah leimin vekin a tichhe bawk. Buang khua hian kawngpui hi anmahniin an enkawl deuh ber a, tun thla hnih chhung khan an khaw kawng tifai hian tum 18 an hnatlang tawh a, lo lam hna pawh an thulh zing hle. An harsatna hi DC lamah thlen a ni tawh a, mahse tun thlengin hmalakna a la awm lo niin thu kan dawng. Kar hmasa khan leimin thianfai hian hnatlang neih a ni a, an zawh hman loh avangin karleh Thawhtanni hian thawh leh an tum.

FESTIVAL GIRL :

    Grape Fest. 2013 neih zawh takah khan Festival Girl atan Zothansiami, Zote thlan niin Lalhmachhuani, Zote chu Runner Up niin 2nd Runner Up atan hian Lalhmunghlui thlan a n bawk. Grape Fest neih chhung hian khuain a zir loh avangin lawmman sem hma a ni lo a, remchangah lawmman hi pek tum a ni.

DIET ENFIAH ANG :

    Champhai Mini DIET chu DIET puitlinga hlankai a nih hnuah tih changtlun dan tur enfiah turin vawiin hian SCER Dy. Director Pi Zothanmawii leh Lecturer Pi A. Chhandami te chu vawiin hian Champhai ah an rawn kal dawn a, DIET hmun an en pa hian Primary School leh Middle School zirtirtute training an pe nghal ang.

DC LO HAW DAWN :

    Tun kum inthlanna lo awm tur buaipuia zin DC Lalthangpuia Sailo IAS leh SDC te chu naktuk hian an lo haw beisei an ni.

SCHOOL HAWNG DAWN :

    Vawiin hian Thinghrangkawn a Zopui Primary School Building thar chu Champhai North Bialtu MLA TT Zothansanga`n a hawng dawn a, hawnna inkhawm hi DPC (SSA) Pu Laldingliana`n a kaihruai ang.

BADMINTON :

    Naktuk thawhlehni hian Vanlallawma Indoor Stadium ah Mizoram Ranking Tournament khel tan a ni dawn. Vawiin lamah infiammi tam zawk te Champhai an lo thleng tura beisei an ni.

TUIALHTHEI  DINHMUN :

MIZOFED :
    Petrol : Free Sale (Rs. 70.31)
    Diesel : Free Sale (Rs. 50.80)
RD PUMP :
    Petrol : Free Sale (Rs. 76.46)
    Diesel : Free Sale (Rs. 56.93) 


ni 24.8.2013 (inrinni) :



MIZO WOODSTOCK TIAK TA :

    Nimin khan Champhai a Grape Fest 2013 neih mek ni hnihna chu Champhai Zote IIDC ah neih chhun zawm niin, nimin chawhma lam khan a kharna hun buatsaih a ni a, he hun hi Champhai Bialtu MLA, Minister JH Rothuama`n a hmanpui.
    Horticulture Jt. Director R. Zatawna kaihhruaiah kharna hun buatsaihah hian JH Rothuama chuan kut hnathawktuten kan thlai thar chuah pho chhuahna tura hetiang hun hman a ni chu lawmawm a tih thu leh mahni kutke a din theihna khawp thar chhuak thei tura kut hnathawktuten tum mumal tak nei chunga hmathar kan lak a tul a ni, a ti.
    He hunah hian Horticulture Dept. lam atangin DHO V. Lalzuithanga leh SDHO C. Lalremsiama ten thu an sawi bakah Champhai Grape Growers` Society Vice Chairman HKL Thanga`n thu an sawi bawk. Hemi zawh hian zaithiamte kalkhawm mipuite zaia awmin hun hlimawm tak hman a ni.

CHAK ZO LO :

    Nimin khan University Football Final chu Govt. Champhai College leh Govt. Aizawl College ten khelin Champhai College 2-4 a vanduaiin an champion zo ta lo.

CHADBA HRUAITU :

    Nimin khan DSYO Office, CHANEM Building ah Champhai District Sports Comt. kaihhruaina hnuaiah Champhai District Boxing Association (CHADBA) hruaitu thlan a ni a. Heng a hnuaia mite hi thlan tlin an ni.
    Pre : Dr. R. Laldinthara
    Vice : K. Lalchhawnthanga
    Secy : Lalramchhuana
    A. Secy : R. Roluahpuia
    Trea : Lalneihthanga
    Fin. Secy : H. Zarzoliana
    Heng hruaitu thlante hian Sr. Vice President leh Jt. Secretary an ruat belh dawn a ni.

 TUIALHTHEI  DINHMUN :

MIZOFED :
    Petrol : Free Sale (Rs. 70.31)
    Diesel : Free Sale (Rs. 50.80)
RD PUMP :
    Petrol : Free Sale (Rs. 76.46)
    Diesel : Free Sale (Rs. 56.93)


ni 23.8.2013 (ningani) :



GRAPE  KUTPUI HAWN A NI :

    Ni 2 chhung awh tur Grape Fest 2013 chu nimin khan IIDC Champhai Zote ah Parliamentary Secretay Pu KS Thanga'n a hawng. Hawnna inkhawm, IIDC Conference Hall-a neih hi Horticulture Director PuSamuel Rosanglura'n kaihruaiin khuallian Pu KS Thanga chuan Champhai leh Hnahlan a Grape chin chhoh anih tan dan leh mi tam tak te eizawnna kawng lo inhawng ta leh hlawhtlinna lo inher chhuak ta chu lawmawm atih thu tarlangin, kut hnathawktute thawh rah pholana hun Horticulture, Grape Growers Society leh Zote khawtlang tangrualin hlawhtling taka an buatsaih chu lawmawm atih thu a sawi a,Grape sawngbawlna tluang taka a kal zui theih nan Hnahlan leh Champhai Grape Growers Society sum puk Rs 83 lakhs chu rulh loh a awmin, sorkar in ngaihhna thiamna nen ala ngaichang rih a ni a ti a, kut hnathawk tute dinchhuahna turin sorkar in nasa taka hma a lak thu sawiin, hetianga grape fest kan neih theih chhan pawh hi sorkar vang anih thu a sawi a, heti chung pawha lawmna chang kan la hrelo a nih chuan mi a tawp kan nih loh pawhin politics ah kan rui hle tihna a ni ang ati a, sorkarin kuthnathawktute hmakhaw ngaia hetiang a buatsaiha lawm tura fuihin Grape Fest 2013 chu a hawng a ni. He hun hmanpuitu Horticulture Secretary, khual zahawm ni bawk Pu T. Sangkunga pawhin thil siam leh deh chhuah pholan leh tlangzarh hi tihmakmawh leh hmasawnna thlentu anih thu sawiin, kumin chhungin Anthorium Festival leh Sial Festival pawh ropui taka neih tum anih thu a sawi a, hei bakah hian Pu T Sangkunga chuan, loneituten kan ti mai mai thin chu pawi a tih thu a sawi a, eng pawh ti ila, kan thil tih te a lo that na atan leh kan thlai chinte alo hlawkzawk theih nan kan thlaichinte kan duat tur a ni ati a, mi ti tak tak te leh hnathawktha te chu sorkar hian puih a inhuam reng a ni ati a, Sorkar a inghah luat vangin mahni hmalakna kawng theuhah inthlah dahna leh dawng dahna a thleng a,eizawnna bulfuk bik nei lovin thlai chitin kan thlawhhma-ah kan chin thin vangin hlawhtling taka thlai thar a harsat thu a sawi bawk. He hunah hian Champhai Grape Growers Soc Chairman Pu B Remmawia bakah Zote VCP Pu Rodina te pawhin thu sawi bawkin Chawhnu lamah hian Mizoram a zaithiam hrang hrangten zaiin mipui an awi a, hnam lam chi hrang hrangte entir a nih bakah Grape rah ineisiak leh Grape Wine in intam siak neih a ni bawk.

PU ROHLUNA`N BIAL FANG :

    E&F Minister Pu H. Rohluna chuan tun kar chhung hian a bial, Lengteng Constituency fangin a tlawh kual. He a bial fan na ah hian RMSA hnuaia cheng nuai 32.25 theuh a sak school building thar 3; Govt. Saichal H/S, Govt. Hliappui H/S leh Govt. Ngopa H/S; a hawng a. Heng school hawnna inkhawm hi Pu Hualrikhuma, Dy. DPC RMSA, Champhai District chuan kaihhruai in, School building sak dan tur nih phung te leh RMSA kalphung te a sawi a. RMSA in fund a pek te chu naupang tena hlawkna tam zawk an neih nan chauh a hmang turin school hotu te leh khawtlang hotu te a chah a. Pu. H. Rohluna, bialtu minister chuan, a bial chhungin hmasawnna duhawm tak a hmu chho zel chu lawmawm a tih thu a sawiin, school building tha leh hmunhma tha neih mai duhtawk lo a, thiamna tak tak char chhuak thei tur leh result tha tak nei thei turin zirlai te a fuih a. Zirtirtu te chu an naupang te thiamna ziktluak pe tur leh hlawhtlinna nei ngei tura chher turin a fuih bawk a. Tunlai inelna sang tak a ding chang thei turin zirlai bu a mi chauh ni lo thiamna leh hriatna pe theitu thildang te pawh hre tur leh zawng turin zirlai te leh zirtirtu te a chah nawn bawk. Pu H. Rohluna chuan ram hmasawnna leh zir thiamna hi a kalkawp tlat a ni ti in, zirna in tha leh zirna tha a awm chuan ramin hma a sawn zel dawn a ni a ti. Heng school building tharah hian class room naupang 32 thut theihna 2, computer room (computer 10) 1, science laboratory 1, library 1 leh art & craft room 1 theuh a awm a ni. Saichal HS leh Hliappui HS building thar hi 20/08/2013 a hawn ni in, Ngopa HS building thar hi a tuk 21/08/2013 ah hawn a ni. Minister bial fanna ah hian a staff te bak ah, Pu Rolungmuana SDC(P), DC Office Aizawl, Pu Vanlalchuailova DFO(Champhai District), E&F Dept leh Pu C. Hualrikhuma, Dy.DPC RMSA Champhai ten Ngopa thleng an tawiawm a ni.

THIAMTHU SAWI :

    Nimin Chhun Dar 12:00 khan I&PR Auditorium, CHANEM Building-ah Tunhnaia Apex Bank inthlan theihloh chhan thudik sawihona neih a ni. Vawiina Apex Bank inthlan theihloh chhan thudik puanchhuahna hi Pu Kungliana Ruantlang chuan kaihhruaiin Pu K. Vanlalzuata Kahrawt chuan hunserh a hmang a, Pu Robin HT Thuama hnen atanga thusawi ngaihthlak niin thusawi ngaihthlak a nih zawh hian Sawihona hun hman a ni bawk. Pu Rbin HT Thuama chuan "Dawrpui Vengthar Pig Producers Co-operative Society Ltd. chuan Apex Bank Board of Director ten an thu neihna hmang sual a, Dan phuahchawp hmanga Apex Bank General Election neih tura Society thenkhat te Election chuh ve theilo tura an tihna chu Gauhati High Court Mizoram Bench-ah a khing a. High Court chuan ngun taka vawili lai hearing a neih hnuah Dawrpui Vengthar Pig Producer Society te chuan thudik hai langin thiam an chang ta a ni" a ti. Vawiina I&PR Auditorium, CHANEM Building-a kalkhawmte hi Champhai leh a chhehvela Share holder 100 bawr vel an kalkhawm a ni.

KAISANG :

    Champhai DAO Office a Head Assistant hna chelh mek Vanlalhuma chu Superintendent ah a kaisang a, Champhai DC Office ah post tura tih a ni a. DC Office a Superintendent B. Zamkhawnanga chu Printing & Stationaries Dept. Aizawlah awm tura tih a ni. Order hi nimin khan tihchhuah a ni.

VAWIINAH FINAL :

    Govt. Champhai College chuan vawiin chawhnu dar 1 hian Rajiv Gandhi Stadium ah Univesity Football Final, Govt. Aizawl College nen an khel dawn.

TUIALHTHEI  DINHMUN :

MIZOFED :
    Petrol : Free Sale (Rs. 70.31)
    Diesel : Free Sale (Rs. 50.80)
RD PUMP :
    Petrol : Free Sale (Rs. 76.46)
    Diesel : Free Sale (Rs. 56.93) 


ni 22.8.2013 (ningani)



CHAMPHAI DISTRICT A AGRI DEPT. HMALAKNA ENFIAH :

    Agriculture Department in a hmalakna hlawhtling lehzuala kalpui a nih theihna tura Department hnathawh enfiahna Internal Mpnitoring Activities chu Champhai District chhungah neih mek a ni.
    Director of Agriculture atangin Deputy Sirector Rohmingthanga leh AEO Dr. Samuel Lalliansanga te chaun nimin khan Champhai DAO Office ah Staff Meeting an neihpui a. He hun kaihhruaitu DAO Lalthanzualal chuan mihring kan pun chhoh angin eitur dehchhuah kawngah buhbal tharchhuah a pun ve zel a tul rualin buhbal chinna leilung hi tih zauh theih loh leh harsa tak a nih avangin kan hmunhma neisate hlawk zawka thlai thar thei tura buatsaih a tula ni, a ti a. Hemi atan hian kut hnathawktuten thlai thar tam zawk an dehchhuah theih nan thlai chi tha leh thlai chinna kalphung tha zawk zirtirna pek a nih thu a sawi.
    SRI leh Hybrid RIce Technology hmanga buh chi nbakah Improved package of Practices chungchangah a taka kalpui a nih dan an enfiah a. Champhai District chhung khaw hrang hranga WRC leh JHUM Cultivation a hmalak dan an enfiah nghal bawk dawn a ni. Tuna thlai chindan phung thar leh thlai chi tha zawk hmanga buhbal enkalw mekah hlawk zawka thlai thar chhuah an beisei thu loneitute hnen atang hian dawn a ni a, kum kalta lamah pawh hetiang hmanga thlai an chin vang hian hlawhtling taka thar an awm thu dawn a ni bawk.

GRAPE KUTPUI :

    Vawiin hian IIDC Zote ah Grape Festival hawn a ni dawn. He kut hian naktuk thleng a awh ang. Vawiin hian a hawnna hun hman a ni ang a, parliamentary Secretary KS Thanga chu hawng tura beisei a ni. He hunah hian Festival Girl thlan a ni ang a, kuthnathawktute mamawh chi hrang hrang phochhuah a ni dawn bawk.

NAUPANG HUMHALH :

    Nimin khan District Child Protection Society, Champhai Dist. buatsaihin Sub-Hqrs. YMA thuthmun Branch te nen inkawmhona hun neih a ni. He hun Sub-Hqrs. YMA Office, Tlangrawta neih hi R Lalrinchhani, DCPO chuan a kaihruai a, Protection Officer J. Lalruatlawki leh Legal cum Probation Officer Lalsiammawii te hnen atangin Integrated Child Protection Society hnathawh hrang hrang te, naupangte dikna leh an chanvote bakah Juvenile Justice Act. 2000 te ngaihthlak a ni. Sub-Hqrs. YMA Champhai thuthmun Branch te nena thawhhona tha zawk an neih theih dan tur leh tun aia Champhai District huamchhunga naupang ten enkawlna tha zawk an dawn theih dan turte leh khawtlang hruaitute mawhphurhna hrang hrangte sawiho a ni bawk a, he hunah hian Sub-Hqrs. YMA thuthmun branch atangin member 2 theuh an tel.

TUIALHTHEI  DINHMUN :

MIZOFED :
    Petrol : Free Sale (Rs. 70.31)
    Diesel : Free Sale (Rs. 50.80)
RD PUMP :
    Petrol : Free Sale (Rs. 76.46)
    Diesel : Free Sale (Rs. 56.93)  


ni 21.8.2013 (nilaini)



SVEEP COMMITTEE THUTKHAWM NEIH A NI :

    Nimin chawhma dar 11:00 AM khan Champhai District Bawrhsap Pu Lalthangpuia Sailo kaihhruaina in Champhai DC Conference Hall, Keifang Tlang-ah SVEEP ( Systematic Voters Education and Electoral Participation ) Committee neih a ni. SVEEP thil tum leh nihpung sawi hawnna neiin Dist. Bawrhsap chuan voters te dinhmun leh mawhphurhna pawimawh zia sawiin vote nei reng si a, vote thlak loh chu mahni mawhphurhna hlen lohna a niin a tha lova, khua leh tui dik tak , vote thlak thei chin chuan vote thlak chu tih makmawh a niin vote la nei lo, la nei tur te pawhin hei hi kan hriat a, kan ngaih pawimawh a tul a ni a ti.
    Pu Zoengsanga, Addl. DC pawhin SVEEP chungchang hrilhfiah in General Election kan hmachhawn mek tur atan tun atanga chiang zawka kan lo in zir chhoh lawk ngai a, vote kan thlak hi citizen kan nih anga kan duty a nih thu leh SVEEP hian vote thlak thei tura enrollment a ngai pawimawh em em a, zirlai vote nei thei chin la nei lo te pawh nasa taka hotu ten vote an neih theih dan tur zawnpui a ngai a ni a ti.
    Pu Mark Lalthanliana, Champhai Election Officer chuan kum 2008 Election ah vote tla a tha in 81.42 % a ni a. MP Election ah erawh chuan 53 % chauh anih avang in tan lak a ngaih thu leh tun tum inthlan lo awm turah hi chuan 90 % chuang ni thei ngei tura hma lak a that thu sawiin hemi atan a hmalakna turin Training te pawh buatsaih zel tura hmalak mek a nih thu leh scheme tha tak buatsaih dan tur te sawiin hemi atan hian a tul dan anga Fund a rawn kal dan tur a sawifiah nghal a ni.
    Political nawrna ang ni lovin, Education ang zawnga kalpuiin Voter te a tul anga zirtir nise, a tul thu Pu Alan Lalthanzara, Nodal Officer chuan sawiin Election hmachhawn tawhte en nawn a , voter te vote thlak tura zirtir leh voter la ni mai turte lo zirtir lawk chu SVEEP tum a nih thu sawiin , vote kan thlak chuan rorelna ah kan telve a; ni tih mitin te in zirtir a tul thu a sawi bawk.
    Champhai District 3185 sq. Km ah hian mihring 1,25745 an cheng a. Committee chuan Champhai District chhung chu SVEEP in a duh anga, voter te mawhphurhna hriat nawn tir leh chu tha taka hlen tumin a rang thei ang bera committee neih leh an tum a ni.

MSU IN AWARENESS NEI :

    Nimin chawhma dar 10 khan Mizo Student Union leh Mizoram Social Defense & Rehabilitation tangkawpin Champhai khaw chhung Zirna in zawng zawnga Drugs Awareness Campaign neih an rel chu bawhzuiin vawiin khan venglai RMSA High School-ah leh Govt. R Hranga High School-ah te hun an hmang. He hunah hian M&E Accountant James Vanlalhruaitluanga chuan thusawiin tleirawl leh rawlthar te zinga ruihhlo a hluar ta hle chu a ngaimawh awm a. He campaign rawngbawlna hi a pawimawh a, Ruihhlovin mi a tihchhiat theih dan hi mitin hriat makmawh a nih thu te a sawi a,hei bakah hian Kohhran leh khawtlanga mi pawimawh, Kohhran Upa leh ram hruaitu la ni mai tur kan thalai tamtak ruih-hlovin a tihbuai chu a pawizia sawiin, Vawikhat tih chhin vangin nun pum leh hma hun zawng zawng a chhiat theih dan te a sawi a. Research & Questionaire hmanga survey neihna atanga a thil hriat chu a lungchhiatthlak zia sawiin ruihhlo bawih-a tlu lut reng reng sex ah pawh an fihlimlo deuh zel a. Tunlai thangtharten a ngaihzawngte sex hman-pui ngei ngei tur anga ngaihna a lian ta lutuk chu kan ngaihtuah chian a ngai a, thui tak kan dawn a ngai a ni a ti bawk. Vawiin Awareness Campaign ah hian Video playback hmangin Drugs hmansualna avanga na tuar te leh tunlai damdawi tawlhruk hluar em em pseudoephedrine chu a siam dan leh a hmangtute hmel danglam chak zia te sawifiahna en ho a ni. a. Pseudoephedrine dam-dawi chu hmansual theih a nih avangin a ruk a siamchhuahna a tam hle a. Mizoram ah pawh Champhai khua hi a kawng a ni a. He damdawi Pseudoephedrine dam-dawi a Oxygen atom pakhat paihchhuakin ruihhlo chak tak mai Methamphetamine siamchhuah a ni ta thin a ni. He damdawi hi a ruih a rei mai bakah a dangte aia a tlawm theih avangin hralh a tla hle a, mahse taksa a a nghawng chu ruihhlo rau rau ah pawh a hlauhawm ber a chhal ngam a ni. Skul naupang te hi pawl 9 leh pawl 10 te an ni a, eitur tui tak MSU te hian an buatsaih a ni. An kal zel dan tur sawiin tun kar chhung hian rokhawlhna a awm loh chuan skul dang panga a Campaign hi kalpui leh hman an tum a. Champhai khawchhunga Zirna In an hriattheih zawng zawng ah he awareness hi neih vek an tum a ni. An kaltawh te leh an kaltumna zawng zawng nen Sikul 18 an bitum dawn a ni.

RBSK SCHEME :

    Nimin khan CMO Office chuan RBSK Scheme hnuaia Govt leh Aided School Health Prog. chu an hmang chhuzawm nimin khan Champhai High School leh Vengsang High School a naupangte hriselna endikin hun a hmanga, heng hunah hian, mit, beng leh ha te endikin, damdawi te an chawh nghal a, hemi baka harsatna dang neite chu OPD Card siam sakin OPD a in check up turin an refer nghal a, vawiin Health Prog an hmanna ah hian school 2 a naupang zawng zawngte hriselna endik a ni a, he scheme hnuaiah hian Primary School leh Middle school 27 bakah Anganwadi 8 te tlawh tawh a ni.

GRAPE KUTPUI AH TEL DAWN LO :

    Ningani leh Zirtawpni-a Grape Festival hman turah Hnahlan Grape Growers Society chuan an tel theih loh tur thu an sawi a, tunlai hian Zowine an siam chhuah chu vendor ten an inchan loh avangin wine siam hna hi khaihlak theih a ni lova, hei vang hian tun tuma Grape Festival-ah pawh hian an tel thei dawn lo a ni. Hei bakah hian Hnahlan Branch YMA in he festival-a cultural items an neih tur pawh intihsiakna dang atana inbuatsaih a tul avangin a tel thei dawn lo bawk niin thu kan dawng. Hnahlan Winery ah hian kuminah grape quintal 1350 an lei tawh a ni.

ZUNIN TIHFAI HNATLANG NEI :

    Nimin zing khan Central KTP in branch hrang hrangte a ngenna bawhzuiin Vengthlang Branch KTP chuan an veng huam chhunga zun in tifaiin hnatlang an nei a, hnatlangah hian member an thawk chhuak tha hle a ni.

DAWR THEIH LOH :

    Minor Irrigation chuan vawiin hian Khawzawlah SDO Pu Zoramthanga an thlah dawn avangin office an dawr theih dawn lova, mipuite hriatthiamna an ngen a ni.
    Hei bakah DRDA Project Director Pu Zothanmawia chu naktuk hian training turin Champhai a chhuahsan dawn a,
    CMO pawh training-in Aizawlah a awm mek bawk a,
    PHE EE pawh department pawimawh avangin phai lamah a thang mek bawk a ni.

 TUIALHTHEI  DINHMUN :

MIZOFED :
    Petrol : Free Sale (Rs. 70.31)
    Diesel : Free Sale (Rs. 50.80)
RD PUMP :
    Petrol : Free Sale (Rs. 76.46)
    Diesel : Free Sale (Rs. 56.93) 


ni 20.8.2013 (thawhlehni) :



JOINT VC TEN KAWNG SIAM DAWN :

    Nimin khan Champhai Town Area Joint VC leh PWD hotute chuan Zotlang kawng siam dan tur a hmunah an enfiah a. Champhai Town Area Joint VC Executive Comt. in a lo rel tawh angin, Horticulture Offfice atanga Mualkawi peng thlenga kawng siam that hna chu tan a ni dawn ta a. Nimin khan Champhai Town Area Joint VC OB leh PWD hotute chuan kawng siam dan tur vel hi a hmuna kalin an enfiah a, tunah hian Boulder trip engngemawzat dah a ni tawh a, boulder te hi trip 50 dah phawt tur a ni a, hemi hnuah a daihloh dan a zirin dahbelh zel tur a ni a. Joint VC te hian Boulder an tum ang a, PWD in an thawk dawn a ni. Hei bakah hian Champhai Town Area Joint VC te chuan Ui leh Ar khuahkhirh chungchanga Meeting thurel bawhzuiin DC hnenah Order chhuah tura lehkha an thehluh tawh thu an sawi a, mipui te lo inring tur leh Order chhuah huna lo chiai lo turin an ngen nghal bawk.

GRAPE FESTIVAL :

    Tunkar ningani atanga tan tur Grape Festival neih tur chu inbuatsaihna ngawrh taka kaklpui mek zel a ni a. He Grape Festival hi IIDC, Zote ah neih tur a ruahman niin ni 23.8.2013 hian khar a ni ang. Hemi hun chhung hian Grape mai bakah kuthnathawktute mamawh chi hrang hrang hralh chhuah a ni dawn bawk.

BEDC LEH BEER MAN :

    Inrinni tlai dar 5:30 vel khan Zokhawthar POlice Duty ten BEDC leh Beer thahnem tak an man. He an BEDC leh Beer man neitu hi F. Lalsangpuia s/o F. Aihnuna (L) Camphai Vengsang niin a n ihnen atang hian Zokhawthar POlice, OC JH Chawnghmingthanga kaihhruaite hian BEDC fun 120, Dagon bur lian 500ml 42 case leh a te 330 ml 72 case Diablo Cane 120 an man a, hei bakah hian aphurhna Motor Maruti Car 800 MZ01 D - 0158 an man tel nghal a ni.  Zokhawthar Police te thil man hlut zawng hi Rs. 53,500 man hu vel nia chhut a ni a.

DC ZIN DAWN :

    Election thil pawimawh avangin Champhai DC Lalthangpuia Sailo IAS chu vawiin hian Aizawlah a zin thla dawn a, tunkar chhung a cham dawn a. Hetihlai hian meeting pawimawh avangin DC Office a Officer paiwmawh dangte pawh tunkar hian an zin chhuak  nual dawn niin thu dawn a ni.

KAWNG LAI DAWN :

    Tunlai hian Khankawn to Zokhawthar kawng lai turin Sawrkar chuan hma  la chho mek a. Hemi chungchang buaipui hian Collector/Special Land Acquisition Officer, Project Implementation Unit, PWD Mizoram leh a thahwpuite chuan Champhai an chamchilh mek.

TUIALHTHEI  DINHMUN :

MIZOFED :
    Petrol : Free Sale (Rs. 70.31)
    Diesel : Free Sale (Rs. 50.80)
RD PUMP :
    Petrol : Free Sale (Rs. 76.46)
    Diesel : Free Sale (Rs. 56.93) 


ni 19.8.2013 (thawhtanni)



CHAMPHAI  TLANGVAL CHHUANAWM :

    2nd Youth Games China-a neih mekah Champhai rawlthar TBC Lalchhanhima chuan Kg 56 huang inelnaah rit chawiin Bronze Medal a chawi chhuak . TBC-a hian Snach ah Kg 100 a chawi a, Clean & Jerk-ah Kg 128 zeta rit chawi leh a, heng a chawi kan zawng zawng hi kg 228 zeta rit niin ,hei hian Bronze Medal-a hlawh chhuah tir phah ta a ni.
    TBC Chantea hian thla 3 liam ta mai khan India tan Bronze Medal a lo la tawh a, Doha Qatar khawpuia Asian Youth Championship neiah khan India tan ropui takin a lo che tawh a ni. TBC Lalchhanhima hi Weightlifting inelnaa India beisei na ti sang tu berte zinga mi a ni mek a,harsatna dang a awm te anih loh chuan 2016 Olimpic Rio, Brazil khawpuia awm turah India tan a hmel kan hmuh ngei a beisei awm.

TUI TLA RUANG HMU :

    Inrinni tlai dar 3 vela Zokhawthar leh Khawmawi inkal pawhna Lei thlang lawk Tiau luia tla, Ruantlang khuaa Cheng SC Vanlalhmangaihdawngzela, Kum 23 mi ruang chu nimin zing dar 6:00 vel khan hmuh a ni. THudawn danin Tiau luia tlangval 3 inchiah daite zinga pahnih hi an chesual a, a thiante chhan tura zuanglut Vanlalhmangaihdawngzela hi tuiah a tlahlum ta a. A thiante pahnih erawh chu Saikhumphai mi tuithiam pahnihin an chhan chhuak thei hlauh a ni. A ruang hi Inrinni zan an zawn tlaivar hnuah nimin zing khan a tlakna atanga km 6 velah an hmu ta a ni.

SALVATION ARMY HOTU LOKAL :

    Salvation Army, Central South Divisional Commander Major F Biakliana chu Zirtawpni khan Champhai a lo thleng a. Bial hruaituten chawhlui an kilpui. Inrinni nilengin Champhai Corps ah rawngbawltu retreat neih a ni a, Maj F Biakliana hnen atangin Pathian thuchah ngaihthlak a ni. Inrinni zanah Vengthar Society ah hun a hmang anga, Pathianni Chawhmaah Champhai Corps ah hun hmangin Pathianni Chawhnuah Tlangsam Society ah hun a hmang ang. Pathianni Zan ah Vengthlang Corps ah hun a hmang anga, vawiin hian Zokhawthar leh Melbuk a tlawh nghal bawk dawn a ni.

RECITATION INTIHSIAKNA BUATSAIH :

    Zokhawthar a CCN&LCN Sub Operator ‘Faktei Vision’ te buatsaihin ni 16 August atanga tanin Recitation Competition neih a ni. He intihsiakna tel tura hmingpe hi mi 30 lai an ni a, September thla chhungin zawh hman beisei a ni. Intihsiaknaa telte hi category ‘A&B’ ah te then an ni a, A ah hian kum 6-10 an tel a, B ah hian kum 11-16 te an tel bawk a ni. Faktei Vision hian Zokh-awthar bakah Tiau leh Haimual te a huam a ni.

TUIALHTHEI  DINHMUN :

MIZOFED :
    Petrol : Free Sale (Rs. 70.31)
    Diesel : Free Sale (Rs. 50.80)
RD PUMP :
    Petrol : Free Sale (Rs. 76.46)
    Diesel : Free Sale (Rs. 56.93)


mi 14.8.2013 (nilaini) :



MATERIAL COMPONENT FELHLEL AWM ?

    Niminpiah khan BNRGSK Building Vengthlangah Champhai Joint VC Executive Meeting hmasa ber neih a ni.
    He meeting hi K. Lalmawia, Chairman Champhai Joint V chuan kaihhruaiin, he meetingah hian Hamphai District VC Assn. din chungchang ngaihtuah a ni a. Joint VC hruaituten zo khaw lam VC te a theih ang anga lo be rawnin an thu leh hla a zira la sawiho leh nise an ti a. Mizoram  VC Assn. in OB Post 4 hnahkhat tura an hriattirna chu sawiho a ni abawk a, Champai Dist. VC Assn din a la nih loh avangin Champhai Town Area Joint VC Chairman K. Lalmawia chu hemi chungchanga hma lo la a, Mizoram VC Assn hruaitute lo be zui turin an ruat bawk a ni. Hei bakah hian Meeting chuan Ui leh Ar khuahkhirh chungchang rualkhai zawka kalpui a nih theih nan Champhai DC hnenah Order chhuah thar a, hma la tura ngen nise an ti a. DC Dawr tur hian Champhai Town Area VCP zawng zawng kal vek nise an ti bakah ui leh ar neitute khuahkhirh tha lehzual tuar Joint VC hmnga ngen nise an ti bawk.
    Joint VC Meeting chuan Ni 100 inhlawhna chungchangah Village Council hrang hrangte Job Card neih teih zat bithliah tharah leh Material Component chungchangah thil fel tawklo a awm ngei hriat a nih avangin hemi chungchang hi Champhai DC sawipui nise, an ti bawk.
    Meeting haun Gram Sabha a kal lote hlawh cut BDO Office a lut thin chu vengchhung hmasawnna atana hman a nih theih nan BDO remchangah sawipui nise, an ti a. Hei bakah hian Champhai Town Area Joint VC in khawtlang tana rotling leh tangkai hna thawh dan tur sawi hovin Horticulture Office, New Champhai atanga Zotlang inkar kawng chhe lai chu PWD EE rawn chhungin Boulder phah nise, an ti a. Hemi atan hian VC hrang hrangten sum inthawhtawm nise, an ti bawk. Hei bakah hian Inral chungchang pawh sawiho a ni a. Champhai Town Area Joint VC huamchhunga VC member leh an nupui te boral an awm chuan Rs. 30,000 a inral nise, an ti a. Hei bakah hian thihna ni lo, natna khirhkhan leh harsatna nei an awm chuan Executive Comt. in a tla chawpin a rel dawn a ni. Hei bakah hian Meeting chuan VC lawmman chungchanga hmalakna kal mekah Mizoram VC Assn. hmalakna ngaichang chunga hmalak chungzawm ni se an ti.

VENGTHLANG NORTH CHAK BER :

    Independence Day Football Tournament nimina khelh zawh takah Vengthlang North SC chuan Kanan SC chu 1-0 a hnehin an champion, Champion team hian Independence Day lawmna hunah Rs. 20,000 an dawng ang a, pahnihna in Rs. 10,000 an dawng bawk dawn a ni.

AN LA MAN LO :

    Kar kalta Inrinni zana Pi Hranghluni, kum 31 Melbuk khua, a ina luhchilha kut a tawrh chungchangah nimin lam thleng khan he thil sual titu hi man a la ni lo.

KAWNGZAWH TUM AN SAWN LEH :

    Govt. Champhai College Students` Union huaihawta zirlai ten zirtirtu an neih loh chungchanga lungawi lohna lantira vawiina kawngzawh  huaihawt an tum chu thuneitute leh zirtirtute ngenna aavngin a hun a nsawn leh niin thu kan dawn.

SUM HMAN DIK LOH AVANGIN CHADBA THIAT :

    Champhai District Boxing Association (CHADBA) chu thiah a ni. Kan thudawnnain a sawi danin he pawl thiat a nih chhan president Pu H. Zosangzuala chu a thawhpui elected OB 5 ten pawl sum hman sual chungchangah thawhpui zel tlakah an ngai tawh loin banna lehkha chu Mizoram Boxing Association (MIZBA) ah an thehlut a ni. CHADBA harstna ching fel tur hian Thawhtanni khan MIZBA hruaitu pathum - President Pu Thangkhuma, Vice President Pu Lalnienga leh Gen. Secy Dr. Rozama te chu Champhai ah rawn kalin CHADBA OB leh Adviser te nen Tourist Lodge ah inkawmhona hun an nei a, thil dik lote chu a chin chhuakin report an ngaithlak hnuah Thawhlehni khan thutawp siamin CHADBA chu President tanglai hruainaah kal zel theihah an ngai lo a, thait a ni hthu ch uElected OB te hnenah hriatir an ni ta a ni. CHADBA inthlan ni atan hian August ni 23 turat a ni a, inthlan dan tur ngaihtuah turin covener mi 6 an ruat nghal bawk.

REVENUE MINISTER LOKAL :

    Champhai Independence Day lawman rawn hmanpui turin nimin tlai khan Champhai North Bialtu MLA JH Rothuama chuan Helicopter in Champhai a lo thleng. Pu JH Rothuama hi nimin tlai khan Zotlang VC te chuan Pu F. Aihnuna In, Zotlangah zanriah an kilpui a, he hunah hian Congress Party hruaitute chuan an party dinhmun report an pe nghal a ni. Pu JH-a hian tukin zing hian Ruantlangah zing chaw a ei ang a, chhunah Tlangsam tlawhin tlai chaw hi New Champhaiah a ei ang. Naktukah Chhangphut Field a Independence Day puala inkhawm a hmanpui ang a, Zirtawpni ah a bial chhung fangin Inrinniah Champhai chhuahsanin Aizawl a pan leh ang.

TUIALHTHEI  DINHMUN :

MIZOFED :
    Petrol : Free Sale (Rs. 70.31)
    Diesel : Free Sale (Rs. 50.80)
RD PUMP :
    Petrol : Free Sale (Rs. 76.46)
    Diesel : Free Sale (Rs. 56.93)


ni 13.8.2013 (thawhlehni) :



OFFICER LO HAW :

    SDO (S) James Lalnunmawia chu Office pawimawh tia Aizawl ahun engmawchena cham hnah Inrinni khan Champai lo thlengin Office a zawm leh tawh a, Office thul pawimawha Aizawla zin SDC pahnih - Alan Lalthanzara leh Pi V. Lalmuanpuii te pawh nimin khan Champhai an lo thleng. SDC, NLUP Nodal Officer ni abawk Rochuangkimi Khenglawt chu meeting pawimawh avangin Aizawl ala cham mek a, naktuk lamah Champhai a lo thlen beisei a ni.

MPF SEMINAR :

    Naktuk Chawhma dar 11 hian kahrawt YM AHall ah MPF chuan Seminar an buatsaih dawn a, chawhma lamah “MPF kalphung leh hmalak dan” tih thupuia hmangin chawhnu lamah “Ram rorelna tha siam tura mipuite mawhphurhna” tih thupui hmangin nei ha ni ang. He hun hmang tur hian Aizawl atangin Central YM APresident T. Sangkunga, Rev. C. Lalhmingsanga MPF Gen. Hqrs. Vice President leh Lalremruata Synod Revival Speaker te an lokal dawn a ni.

INDEPENDENCE DAY :

Football : Vawiinah Final Vengthlang North leh Kanan ten vawiin chawhnu dar 1 hian Final an khle dawn. Chairman ah C. Lalremsiama, CDFA Vice President a ni ang. I Day Football ah hian pakhatnain Rs. 20,000 lain pahnihna in Rs. 10,000 an dawng thung ang.
Basketball : Kahrawtians 47-57 Terminator; Pirates 62-86 Chief Luseia. Vawiin chhun dar 12 hian Semi Final khelh a ni dawn a, inkhel turte chu Chief Lusei Vs Ballers; Terminators Vs Da Dreamerz te an ni ang.

KAWNG ZAWH TUM :

    July ni 4 atanga Govt. Champhai College Department hrang hran gin daih lohna chungchangah Sawrkarin thu a tim reng chunga tun thlenga hma lak a la nih loh avangin  Govt. Champhai  College zirlaite chuan ni 14. August 3013 (nilaini) hian kawng zawh an tum.
    Tunah hian Govt. Champhai College ah hian Department hran ghrang 13 awmin heng zinga Department minumum requirement an phak lohna chu Science ah panga, Arts ah pali niin Bachelor of Computer Application ah ian Regular chu sawi loh contract takngial pawh an nei lo a ni.

TUIALHTHEI  DINHMUN :

MIZOFED :
    Petrol : Free Sale (Rs. 70.31)
    Diesel : Free Sale (Rs. 50.80)
RD PUMP :
    Petrol : Free Sale
    Diesel : Free Sale  


 ni 10.8.2013 (inrinni) :

    

SUB-HQRS. YMA CHAMPHAI IN CYMA HRUAITU NOMINATE NEI DAWN :

    Nimin chawhma dar 10:30 khan Sub Hqrs YMA Office Tlangrawt ah Sub Hqrs YMA Ex- Commt neih a ni He hun Pu PC Zohlira President kaihhruaiah hian Comittee chuan YMA General Conference 2013 Chungchang sawiin Kum 2013-2015 chhunga Central YMA hruaitu atan nomination neih ve nise an ti a, Pu K. Sapdanga chu hruaitu atan an nominate bawk a, hei bakah hian Special Items nei turin branch hrang hrangte an ruat nghal a, Vengthlang Branch YMA - Zonunpar (Cheraw) Solo Nl K. Zonunmawii - Tlangsam Branch YMA, Zaikunga Ralte leh K. Lalremruata - Vengthlang Branch YMA te an ruat a, hei bakah hian, ‘Ram leh Hnam Humhalh’ tih chu Kumpuan atan rawt nise an ti bawk. Commt chuan Chhiatni/Thatni a kan in sawngbawl dan te sawi hoin, Remchang ah Branch hrang hrang te kal dan leh ngaihdan te ziak a la in zawh leh nise; Chumi hnu ah kan kal dan te la sawi ho that leh nise an ti bawk a ni. Hei bakah hian Champhai District tan Kumtling lo awmthaduhlo te enkawlna Observation Cum Special Home din ve tur a hma lak nise tih te, Cement Mistiri Training Sub-Hqrs.YMA hminga buatsaih tum nise tih bakah Mikhual hnih thum deuh thlen ngai a thil huaihawt a awm a chawpchilh taka mikhual thleng tur leh sem tur a YMA kan inngen chawt thin chungchang kan sawiho bawkin ; Pawl hrang hrang leh Sports Discipline hrang hrang te kokhawm in Office Bearers ten lo sawipui se an ti bawk a, Kahrawt Branch YMA in hruaitu hlun chawimawina dilpui tura an rawn thlen Pu Thanghuliana chu Member ten lungrual taka pawm in Central YMA ah thlen nise an ti bawk a ni.

OBSERVER LOKAL DAWN :

    Champhai District Electoral Roll Obeserver R. Lalvena, IAS chuan a tum thumna atan Champhai a rawn tlawh leh dawn a. Karleh Thawhtanni khian Champhai lo thlengin tlia lam dar 3:30 ah DC Conference Hall ah Political Party, NGO leh Media te nen E/Roll chungchangah meeting an nei leh ang.

SEMI FINAL VAWIINAH :

    Vawiin chawhma dar 11 hian Independence Day Football tournament chu khelh chhunzawm a ni leh dawn ta. Zion Veng leh Vengthlang North te an khel hmasa ang a, a hnuhnung zawkah Venglai leh Kanan ten an khel ve leh ang.

TUIALHTHEI  DINHMUN :

MIZOFED :
    Petrol : Free Sale (Rs. 70.31)
    Diesel : Free Sale (Rs. 50.80)
RD PUMP :
    Petrol : Free Sale
    Diesel : Free Sale 


ni 9.8.2013 (zirtawpni) :



CHAMPHAI-AH GOVERNOR LEM HAL :

    Nimin Chawhma Dar 11:00 khan Champhai Ex-MNA te'n Mizoram Governor Vakkom B Purushothaman chunga an lungawihlohzia lantir nan Vengthlang Khawlaiah a lim an hal.
    He an lungawiloh chhan hi Ex-Mizo National Army Association General Hqrs. aiawh te'n June ni 16, 2013 khan Goernor hi a Office ah hmu in Mizoramin High Court ama pualin nei ve tawh se an duh thu te, Mizoram in buaina a hmachhawn laia India Sipaiin an man tun thlenga an la Court a Case la nei an thiante 3 thubuai tihtawp sak leh an rilru an thawidam nan India Sawrkarin Cheng Nuai 15 pe tura an duh thu an thlen a a, he an thu thlente hi Mizoram Governor Pu Vakkom B Purushothaman hian an beisei anga a chhan loh avang leh a lo chhan dan a an lungawiloh avangin Governor hi Mizorama awm reng tlak ah an ngai lo a, an duh loh zia entir nan a lim hi an hal ta a ni.
    Nimina Governor lim an hal bakah hian Ex-MNA chuan thuchhuah an siam nghal a, chu an thuchhuah ah chuan " Ex-MNA Assn, General Hqrs.in Remna thuthlung la tihpuitlinloh te tihpuitlin anih theih nan a hma an lakna ah June 18, 2013 a Governor Pu Vakkom B Purushothaman an hmuh a, Governor in a lo chhanna hi Mizoram Accord ngaihnepna, Mizo mipui zahlohna leh hmuhsitna ah Ex-MNA Assn. Gen. Hqrs. chuan a ngai a, a la thutak hle a ni. CHuvangin Governor Vakkom B Purushothaman hi Mizorama awm reng tlakah a ngai lo. Mizoram Accord tihpuitlinloh a nih avanga Zoramin thim (Mizoram 2nd Uprising) a hmachhawn a nih chuan, a mawh a phur ang. Governor hian a rang thei ang berin Mizoram chhuahsan nghal rawhse" an ti a ni.

I-DAY FOOTBALL SEMI FINAL KHEL TUR CHIANG :

    I-Day Football khelh mekah nimin khan Pool match khel zoin naktukah Semi Final khel tur tihchian fel a ni a. Semi final thleng zo ta lo - Tlangsam SC, Zotlang G&SA, Vengthar SC leh Kahrawt SC te chu 1st Division atangin 2nd Division ah an tla thla dawn bawk.
    Nimin inkhelah Kanan SC chuan Tlangsam SC chu 1-0 a hnehin, Kanan hi Pool A Runner Up an ni a, Pool A ah hian Zion Veng SC chu pool champion an ni. Inkhel vawi hnihnah Venglai SC chuan Vengthar DC chu 7-1 in an hneh a, Venglai DC hi Pool B Champion an ni a. Inkhel hnuhnung berah Vengthlang North SC chuan Kahrawt SC chu 4-1 a hnehin Vengthlang North hi Pool B Runner Up an ni.
    Vawiin hian inkhel chawl in naktukah Semi Final hi khelin Pool A Champion, Zion Veng SC leh Pool B Runner Up Vengthlang North SC nen an inbitum dawn a. Pool B Champion Venglai SC leh Pool A Runner Up Kanan SC te an inhmachhawn veleh dawn bawk.

A MAN TLAWM ZAWKIN :

    Vawiin leh naktuk hian CHAMUL chuan an bawnghnute pack khat Rs. 20 in an hralh dawn a, agent tin te hnenah lei theih a ni ang tih thu kan dawng.

TUIALHTHEI  DINHMUN :

MIZOFED :
    Petrol : Free Sale (Rs. 70.31)
    Diesel : Free Sale (Rs. 50.80)
RD PUMP :
    Petrol : Free Sale
    Diesel : Free Sale 


ni 7.8.2013 (nilaini) :



RISING DAY LAWM :

    Nimin chawhma dar 10 khan Govt Champhai College chuan Rising Day leh Graduation Day, College Multipurpose Hall ah an hmang He hunah hian Prof Lalnunmawia Principal chuan welcome speech sawiin vawiin hun hmang tura lokal, Doner, Pensioner leh SU leader hluite mai bakah BA chhuak tharte chungah lawmthu a sawi hnuah khuallian Pu Lalthangfala Sailo, Govt Champhai College Principal hlui chuan thusawiin, hetiang hun hlimawm a hmang thei leh khualliana an sawm chu lawmawm atih thu a sawi a, Champhai a a awm hunlai a a thawhpui te a ngainat htin zia thu sawiin, Champhai anga thawhpuite nena chhungkua ang taka inpawhtlanna hmun leh inngainattawnna hmun hi ala tawn ngailoh thu a sawi a, vawiin thlenga a thawh tawhna hmun a ala ngaih ber thin anih thu a sawi a, CHamphai hi an chhungkua hian an ngaina a, an lung a la len thin thu a sawi a ni. Khuallian chuan, Govt Champhai College than chhoh dan chu lawmawm a tih thu a sawi a, hengte hi zirlai leh zirtirtute thawhrimna mai bakah, khawtlang nu leh pa leh hruaitute thatna vang anih thu a sawi a, hma a sawn zel theih nana tangho zel turin a fuih bawk a ni. Pu Lalthangfala Sailo chuan, Plan mumal tak neiha thil tih that zia sawiin, Aizawl khawpui pawh sap ho awpna hnuaiah chuan khawpui nuam tak mai a ni thin a, tunah chuan khawpui tawt leh hrehawm tak a ni ta a ni ati a, hengte hi plan mumalloh vang a ni ati a, Champhai pawh hian chutiang chu kan la tawng ve thei ani tih hria a, engkim mumal taka ti thin tur leh plan fel tak nena kan thil tih apiang ti thin turin a sawm a ni. Khuallian chuan, Engpawh ti ila, kan thiltih a piang Krista chanchintha nen a inmawi tur a ni ati a, lehkha kan zir emaw, khawtlang hmansawnna tur thil kan ngaihtuahin kan ti emaw, Krista chanchintha nena inmawi taka kan nunte kan hman chuan kan hma ah hlawhtlinna a awm ani ati. He hunah hian Champhai North Bialtu MLA Pu TT Zothansanga pawhin thu sawiin, CHamphai hmachhuan leh kan neih hlu ber chu College zirlaite an ni ati a, champhai awm dan tur leh hma hun hi college zirlaite ah a innghat a, class room chhungah hian zirlaite leh zirtirtute hian Champhai hmalam hun hi an duang mek ani ati. MLA chuan, zirna hi indona chikhat ani tih sawiin, he indona hmachhawn tur hian zirlaite hi kan fit tawk tur a ni ati a, zirna tichhe thei thil, ruihhlo leh thatchhiatna kawngah kan inthiarfihlim tur ani tih sawiin, kan hma lam hunah hian kan chhiatna tur thil nuam leh tha awm taka lang tawktarh tam tak a awm a, chumi do tur leh hneh ngei tur chuan keimahni a theihna awm hi kan tipung zel tur a ni ati. MLA chuan, college building tha leh Hall tha kan neih avang te hian kan inchhuang ngawt tur a ni lo tih tarlangin, building tha tak hnuaiah chuan zirna pawh a tha ngei ngei tur a ni ati a, tun atanga kum 10 ral hnuah hian vawiina class room a thu dunte pawh hi kan la inthlau dawn a ni tih tarlang bawkin zir peih, taima leh mahni in thunun theite chuan hlawhtlinna an hmu anga, an thiante aia sangah an la awm dawn a ni ati. Pu TT Zothansanga chuan, mi ten college sawichhiatna remchangah zirlaite an hmang ang tih a hlauh thu sawiin, kan nun dan, kan inchei dan leh kan thawhrimna te hi college tan hlan ila, miten keimah avanga college an hmuh that a, keimah avanga he college hi alo hming that theihna tur rilru pu theuh turin zirlai kalkhawm te chu a chah bawk a ni. Vawiin rising day ah hian Govt. Champhai College a din tirh atanga vawiin thlenga a chanchin ziahna lehkhabu chu khuallian in a tlangzarh bawk a, hei bakah hian College dintu te mai bakah, zirtirtu pension tawh te, SU Leaders lo ni tawh te leh zirlaite an tel tha hle a, CHamphai Dist Deputy Commissioner Pu Lalthangpuia Sailo pawhin a telpui bawk a ni.
    

LAWMTHU SAWI :

    Champhai Distric Football Assn chuan Champhaiin kan nghahhlelh em em Artificial Turf kan neih tur chungchangah lawmthu sawiin thuchhuah an siam An thuchhuah a an tarlan danin Artificial Turf phah tura lungphum chief Minister zahawm tak in ni Aug ni 1 a a phum sak chu an lawm tak meuh a ni tih an tarlang a, hei bakah hian he hun pawimawh tak hun chep tak kara rawn hmanpuitu Sports Minister leh Health Minister te bakah, MLA Pu TT Zothansanga, C. Laltlanthanga Mizoram Sports Council Secy, Pi Lalliantluangi Jt. Director Sports & Youth Services leh an thawhpui te chungah thinlung takin an lawm a, hei bakah hian hemi ni denchhena Hawla & Rii Football Tournametn Final entu zawng zawngte chungah leh a tul anga puitu Champhai khawpui chhunga sorkar dept leh school naupangte chuangah lawmthu an sawi bawk a ni.

IIDC HMAN DAN TUR REL :

    Nimin chawhnu dar 1 khan DC Conference Hall ah IIDC Zote chungchanga meeting chu neih a ni He meeting Pu Lalthangpuia Sailo IAS CHamphai DC ni bawk kaihhruaiah hian EE PHED, Champhai Watson aiawh te, EE P&E aiawh te bakah, EE&PWD leh Director of Ondustries Aizawl te an tel a, he meeting ah hian IIDC Zote a mi luah dan tur leh a luah man turte thlirho a ni a, Deluxe Room chu ni khatah Rs 200, Semi Deluxe(Single) chu ni khatah Rs 150, Ordinary Room(Double) chu nikhatah Rs 150 leh Dormitory 4 bedded room chu ni khatah Rs50 a luah nise, Conference Hall cum Canteen chu ni khata hman man chu Rs 2000 ni se an ti a, hei bakah hian Electric Bill an lo bat tawh Rs nuai 2,40,120 chu pek nise, hemi hnu hian atul anga connection te tih nise an ti a, hei bakah hian Bee Keeping Industry ten luah an dilna chu remtih niin atul anga lo bawhzui turin concern dept kuta dah a ni bawk

I-DAY  FOOTBALL :

    Nimin khan Independence Day Football Tournament chu khelh chhunzawm leh a ni Vawiin inkhel ah Zion VEng SC chuan 2-1 in Tlangsam SC club an hneh a, Kanan S/C chuan Zotlang S/c chu 2-1 a hneh bawkin inkhel hnuhnung berah Vengthlang North S/c leh Venglai Sc te chu 1-1 in an inhnehtawk bawka, inkhel hnuhnung berah hian Venglai Striker Sangbawiah bakah Vengthlang North Striker C Lalfakzuala te an langsar hle a ni. Naktuk chawhma dar 10:30 hian khelh chhunzawm leh tur ani anga, match hmasa berah Vengthar SC leh Vengthlang North te an inkhel anga, dar 12:30 ah Kahrawt SC leh Venglai SC te inkhel lehin match hnuhnung berah Zion Veng SC leh Zotlang G&SA ten an khel leh dawn bawk a ni

ARHMUL INVUAK FUH SIAK :

    Tun thla ni 12-14 inkar hian Champhai Dist Badminton Tournament chu khelh tan tur a ni a, he tournament ah hian avaiin category 7 a awm dawn He tournament ah hian Grade A,B & C Doubles bakah, hmeichhia double awm bawk anga, hei bakah hian U-16 Mipa leh hmeichhia single leh Veteran Doubles a awm bawk dawn a ni. He tournament a tle turte chuan CDBA Hon Secy hnenah Aug ni 9 hmain Entry fee pekfel vek tur a ni anga, entry fee hi U-16 tan 50 niin abak zawng tan Rs 150 a ni ang.

 TUIALHTHEI  DINHMUN :

MIZOFED :
    Petrol : Tanky Full (Rs. 70.31)
    Diesel : Free Sale (Rs. 50.80)
RD PUMP :
    Petrol : Free Sale
    Diesel : Free Sale  


ni 6.8.2013 (thawlehni) :

   

DISTRICT EDUCATION DEPTT. SPORTS TAN :

    Nimin chawhnu khan Champhai Town Hall ah Champhai Dist. Education Dept. Sports chu tan a ni. Inkhelh tan hma a hawnna hun buatsaih C. Hualrikhuma, Dy. DPC RMSA kaihhruaiah hian thusawiin khuallian Lawmawma, DEO leh DPC RMSA chuan Education Department hrang hrangte kan inpawhtlanna atana hetiang buatsaih a ni chu lawmawm a tih thu a sawi a. Education Dept. a thawkte kan inpawh lehzualna leh an thawhhona te titha lehzualtu ni thei se a duh thu sawiin, he Sports ah hian Education Concern Dept. hrang hrang DEO, RMSA, SSA, DIET, BRC, GM HSS leh HS Combined te an tel a, he Sports a titha te hian Aug. ni 13 a Aizawl a Inter Dist. Sports. ah Champhai ai an awh ang. Nimin Sports ah hian Badminton, Carromboard leh Chess hmang te a inel a ni ang.

NAKTUKAH NLUP SEM RUNPUI NEI DAWN :

    Naktuk Aug. ni 7 hian Mizoram chhunga hmun hrang hrangah a rualin NLUP 2nd Phase sem chhunzawm leh tur a ni a, hemi chungchang ngaihtuah hian nimin khan NLUP Line Dept. hrang hrang te chuan DC Conf. Hall ah Meeting an nei.
    He meeting Lalthangpuia Sailo, Champhai DC ni bawk kaihhruai ah hian July ni 7 a BLUP 2nd Phase sem hmabak sem leh dan tur ngaihtuahin Sawrkar in a ruala sem tuma hma an lakna an ngaihtuah zui a, hemi ni hian Champhai North leh South huamchhunga beneficiaries 50 te tan cheque pekchhuah a ni ang a, Champhai ah JH Rothuama khuallian niin TT Zothansanga chu khual zahawm a ni ang. Ngopa ah chuan H. Rohluna khuallian niin Khawzawlah Lalrinliana Sailo leh Khawbungah R. lalrinawma khuallian a ni ang. Hemi ni hian Mizoram hmun hrang hrangah a rualin an sem dawn a ni.

I-DAY FOOTBALL :

    Nimin atanga khelh tan tak I-Day Football ah Zion Veng 2-2 Kanan SC; Tlangsam SC 3-1 Zotlang GSA; Vengthar SC 2-1 Kahrawt SC. Vawiin dar 10:30 atang hian inkhel tan leh a ni ang a, inkhel tur te : Zion Veng Vs Tlangsam; Kanan Vs Zotlang; Vengthlang N Vs Venglai

CHHUAHAWM :

    Inrinni a Aizawl Electric Venga Mizoram Chess Open Championship khelh zawh takah Davis Zoremsiama, Champhai Vengthlang chu a champion a; J. Lalmuankima Electric Veng Champhai chu 5-na leh Lallianmanga, Champhai Kanan chu 7-na a ni. He inelnaah hian Mizoram hmun hrang hrang atangin 78 telin Champhai atangin mi 5 an tel.

RUKRUK CASE TAM :

    July thla chhung khan Champhai POlice Station ah thilsial tih thubuai 25 ziahluh a ni a, heng zinga a tam ber chu ruk ruk thubuai a ni. July thla chhung khan tualthah tum thubuai 2 ziahluh a ni a, 188 IPC hmanga ziahluh hi 2 awm in foreigner Act 1 a awm bawk a, mi kutthlak avanga thubuai siam hi 2 a awm bawk. Mi bum case 1 awmin mi in rawk case 2 a awm a, damdawi case 2 leh zu case 3 ziahluh a ni bawk. June thla chhung khan case hi 25 tho ziahluh niin June thla aiin July thla ah ruk ruk thubuai ziahluh a tam zawk a, June thla khan Rukruk thubuai 3 ziahluh niin July thla khan ruk ruk case 8 ziah luh a ni.

TUIALHTHEI  DINHMUN :

MIZOFED :
    Petrol : Tanky Full (Rs. 70.31)
    Diesel : Free Sale (Rs. 50.80)
RD PUMP :
    Petrol : Free Sale
    Diesel : Free Sale  


ni 5.8.2013 (thawhtanni)



CHAMPHAI JT. KTP COMT. THUKHAWM :

    Zirtawp zan khan Champhai Jt. KTP Committee Vawi 3na neih a ni a. He hunah hian Champhai Jt. KTP in kum 2016 KTP General Conference an thlen turah Organising Committee a din puanzar leh Pathian hnena hlanna hun neih dan tur ngun taka ngaihtuah a ni a, Central KTP hruaitu lokal remchan lai chuhin he hun hi buatsaih tum a ni a. Organising Committee puan leh Pathian hnena hlanna hi Vengsang Presbyterian Kohhran Hall-ah nizan khan neih tura ruahman a ni a, mahse rokhawlhna avangin thulh leh rih a ni.

I-DAY FOOTBALL :

    Vawiin atang hian I-Day Football Tournament, 1st Division Clun te tana neih tur chu tan a ni ang. Tarlan tawh angin Pool then fel tawh niin Pool A ah Zion Veng, Tlangsam SC, Zotlang SC leh Kanan SC te an awm ang a, Pool B ah Venglai SC, Vengthar SC, Vengthlang North leh Kahrawt te an awm ang. He tournament a Semi Final thleng pha lote chu 2nd Division ah an tla thla ang.

HNATLANG NEI :

    Inrinni khan DFO leh a Staff te chuan Chhangphut Field atanga Chehrep kawn inkara thingphun te tifaiin hnatlang an nei. He hunah hian DFO Vanlalchuailova ho in Staff te an thawkchhuak tha hle a, Green Mizoram Day  hman zawh taka Chhangphut Field atanga Chehrepkawn inkara thingphun te tifaiin a thi te an thlak a, thing 50 chuang an phun th a, helai hmuna kalte chuan thingtiak phun te dim lehzial nise an duh thu an sawi lang bawk.

RISING DAY PUALIN :

    Inrinni khan Govt. Champhai College te chuan Rising Day hman tur denchhenin College Campus tifaiin hnatlang an nei. Naktuk hian Govt. Champhai College chuan Rising Day an hmang dawn a ni.

 TUIALHTHEI  DINHMUN :

MIZOFED :
    Petrol : Tanky Full (Rs. 70.31)
    Diesel : Free Sale (Rs. 50.80)
RD PUMP :
    Petrol : Free Sale
    Diesel : Free Sale 


ni 3.8.2013 (inrinni)

CHAMPHAI NORTH MLA INTIAM :

    Champhai North Bialtu MLA Pu TT Zothansanga chuan, 'term leh a MLA ka tlin leh chuan Champhai District tan Karate Mat tha tawk tak ka pe ang' a ti. He thu hi vawiina 12 Inter Dist Karate Championship Vanlallawma Indoor Stadium a khelh kharna huna a sawi a ni a, nimin chawhnu dar 3 khan 12 Inter Dist Karate Championship chu khar niin kharna inkhawm Pu H. Lalnuntluanga All Mizoram Karate Association Champhai District Vice President kaihhruai ah hian thusawiin khuallian Champhai North Bialtu MLA Pu TT Zothansanga chuan, he intihsiaka tel Karate thiam naupangte chu an chet dan a zahpuiawmloh a ni ati a, naupang te vanneih zia sawiin an kan naupan lai chuan karate hi a hming hre mah ila, atak taka zir turin zirtirtu kan nei velova, kan tan mahni inhumhimna atan pawh hetiang lam hi a thiam ve theihloh a ni ati a, naupangte in vannei a, thiamna ziktluak nei thei turin theitawp chhuah a zira, zuk leh hmuam ruihtheih thila insum hram hram turin a chah a ni, MLA chuan, tunlai khawvelah chuan infiamna hi indona chi khat a ni tawh tih sawiin ram leh ram, khua leh khua te hi ralthuam hmangin indo tawhlo mah ila, infiamna hmang hian nasa takin kan inel a, indona thianghlim kan bei mek a ni tih sawiin, vawiina naupang kalkhawmte chu kan khua mai nilo Mizoram tihming tha a, khaw dang leh ram dang laka hnehna chang thei tura inzir zel turin a fuih a ni. Khuallian chuan, mi tam takin nawmsak an duh avangin tunlai khawvel nawmnsakna hmangin hlimna leh nawmna an zawng a, thlanmualah kal ila, thalai tam tak, kum naupnag te tea mual liam ta tam tak hmuh tur an awm a, heng zinga tam tak hi chu khawvel nawmsakna zawnga tlan te an ni, chutiang zawng nilova, taksa hriselna leh mahni tuina zawng ber hmanga nun nuam taka hmang karate zirlai naupang te hi in vannei ani tih sawiin tunlai changkanna leh khawvel nawmsakna lama tlanlo tur leh kawng engkima insum turin naupangte a fuih a, eng pawh ti ila, mi tumruh leh a tawp thleng peihte chauhin hlawhtlinna an hmu thin tih sawiin, tunah thiam tak ni mah ila, kan insum a, kan huaisen loh chuan kan tlukchhiat hun ala thleng dawn a ni tih sawiin tuna medal la velo te pawh a tawp thlenga inzir a, tumruhna nei turin a fuih a, a tawp ber pawh a hmasa berah a awm leh thei ani tih hre turin a fuih a ni. MLA chuan, a term a tawp dawn hnaih avanga duh anga thil tihna hun a nei tlem tawh chu pawi atih thu sawiin, term leha MLA ka la tling leh a nih chuan Karate MAT tha tawk tak pek a tiam thu a sawi bawk a ni 12 Inter Dist Karate Championship ah hian Aizawl leh Champhai atangin infiammi naupang mi 146 an tel thei a, a pumpuiah Champhai chu Champion in Gold Medal 17, S-14 leh Bronze Medal 17 avaiin medal 48 an la a, Aizawl chuan G-13, S-15 leh B-11 avaiin medal 39 an la a ni. Best Fighter Mipa ah Lalnunsanga Champhai chu thlan a ni a, best fighter hmeichhia ah Melody Ramdinsangi Aizawl chu thlan niin Best Discipline ah Champhai chu thlantlin an ni bawk. He hunah hian AMKA Champhai District leh AMKA Aizawl District ten Demonstration show an nei bawk a ni. Demonstration show hi news zawhah tihchhuah chhunzawm a ni ang

NLUP :

    Nimin chawhma dar 10:30 khan AH&Vety Dept chuan NLUP 2nd phase 1st Installment Mualkawi Community Hall ah an sem He hunah hian Mualkawi, Kelkang, Melbuk, Zokhawthar, Dilkawn, Hruaikawn, New Hruaikawn leh Bulfekzawl a beneficiaries mi 84 te hnenah Rs 14,60,000/- sem ral a ni a, Piggery thlangtu mi 3 te hnenah Rs 15000 theuha sem niin Poultry thlangtu mi 36 te hnenah Rs 20000 theuh a sem a ni a, Hill Cattle thlangtu mi 9 te hnenah Rs 15000, Mithun thlangtu mi 2 te hnenah Rs 15000 leh Diary thlangtu mi 4 te hnenah Rs 2000 theuh pek an ni. He hunah hian AH & Vety mithiam ten a in sak dan tur chungchang training an pe bawk a ni

BNRGSK BUILDING HAWNG :

    Nimin khan Khuangthinga BNRGSK building, cheng nuai 7 sing 6 sang 5 a sak chu Khawungbung BDO Pu Lallawmawma, MCS chuan a hawng a, he building hi kumin May ni 14 atang khan sak tan niin vawiin hawnnaah hian Khuangthing NGO te an tel tha hle a ni.

I-DAY FOOTBALL KHELH DAN TUR :

    Tun thla ni 5 atanga khelh tan tur, Independence Day Football Tournament chungchang ngaihtuahin vawiin tlai khan Sports Office-ah CDFA hnuaia 1st division team manager leh coach meeting neih a ni a, he hunah hian I-day football tournament-a pool inthen dan tur siam felin Pool A ah Zion Veng SC, Tlangsam SC, Zotlang SC leh Kanan SC te an awm ang a, Pool B ah Venglai SC, Vengthar, Vengthlang North leh Kahrawt te an awm dawn a ni. He tournament-a Semi final thleng pha lote chu second division-ah an tla thla dawn a ni.

NULA CHHUANAWM :

    Lalnunsangi Chhakchhuak, Pu C.Lalrema fanu, Champhai Vengthlang chu Delhi University-ah LLM zir turin a tling a Delhi University-a LLM zir tura kum 5 chhunga Mizo tling leh thei hmasa ber a ni.

TUIALHTHEI  DINHMUN :

MIZOFED :
    Petrol : Tanky Full (Rs. 70.31)
    Diesel : Free Sale (Rs. 50.80)
RD PUMP :
    Petrol : Free Sale
    Diesel : Free Sale 


ni 2.7.2013 (zirtawpni) :



WWW.CHAMPHAI.NET IN KUM 5 TLING VE TA :

    Ni 2.8.2013 (Zirtawpni) hi Champhai tualchhung chanchin leh Pathianni chhuak veng hrang hrang chanchinbu Internet atanga chhiar theihna awmchhun www.champhai.net chuan kum 5 hmel a lo hmu ve ta. www.champhai.net hi a tirah chuan www.ymapalai.blogspot.com hmingin ni 2.8.2008 khan buatsaih tan a ni a. Zau zawka rawngbawlna a nih beiseiin website puitlingah siamin www.champhai.net hming hi a lo pu ta a ni. Website siam a nih atang hian nimin thleng khan tlawhtu mi 67,963 lai awm tawhin nitin Champhai tualchhung chanchinthar dah a nih piah lamah kartin chhuak Emmanuel for World (Emmanuel), Vengthlang YMA (YMA Palai), Vengthlang Kohhran (Kohhran Aw), Kahrawt Kohhran (Omega), Vengsang YMA (Vengsang), Vengsang Kohhran (Aletheia), Vengthlang North Kohhran (Shalom), Bethel YMA (BYMA), Bethel Kohhran (Bethel) leh Vengthar YMA (Vengthar) te dah thin a ni.

CHAMPHAI HMASAWNNA TUR THIL CHI HRANG HRANG HAWNG :

    Chief Minister Pu Lal Thanhawla chuan nimin khan Champhaiah Champhai Higher Secondary School leh Vanlallawma Indoor Stadium a hawng.
    Champhai Vengthlang North-a Higher Secondary School hawnnaah Chief Minister Pu Lal Thanhawla chuan ziak leh chhiara san hi a tawk mai loa, thiamna ziktluak kan neih a tul a ni a ti a. He school dintu Champhai Primary
    Agriculture Credit Society in zirlaite hmakhua ngaia thahnemngai tak chung leh sorkar hnik buai tum miah loa School an din chu a lawmawm hle a ni a ti a. Sorkara thil dil tur hria nih hi a zahawm loa, mahni kea din tum hi hmasawnna kawng pakhat a ni a ti. An kal zelna tura an mamawh sorkar hriatpuina chu pek thuai anihna turin hmalak nghal a ni ang Chief Minister chuan a ti.
    School hawn tak hi Kumin 2013 School session atanga tan a ni a.Champhai districtah Higher Secondary pakhat chauh a awm avang leh a buildingin zirlaite a zawh loh avangin inelna thianghlim a awm theih nan he school hi din a ni a. Tunah hian Govt Champhai College compund chhunga Women Hostel building an luah hawh mek a, sorkar ah permission leh recognition bak thil dang dil an tum loh thu Managing Board Chairman Pu Lalnunmawia chuan a sawi a. Tunah hian Arts Stream chauh la kalpuiin zirlai naupang 132 an awm mek, zirtirtu 9 non teaching staff pahnih an awm a ni.
    School hawnna neih zawh hian Chief Minister Pu Lal Thanhawla chuan Kahrawt Vengah Vanlallawma Indoor Stadium Rs. 1159.99 lakhs a sak chu a hawng bawk a. Hawnna inkhawm Basket Ball Court hmuna buatsaihah Chief Minister chuan Mizorama a tha ber tur nia ngaih Vanlallawma Indoor Stadium hawn theih a ni chu a lawmawm hle a, Champhai chauh nilo Mizoram pum ina kan hman theih tur ni a ti a. Stadium hmingah Vanlallawma hming chu lungrual taka thlan anih thu a sawi a. Vanlallawma hi zirtirtu, Champhai khaw tana mi thahnemngai tak thin anih thu Chief Minister chuan a tarlang a. Thalai ten infiamna chi hrnag hrangah hma an sawn theih nan leh world class sportsperson kan chherchhuah theihna turin nachang hria, arkhawthim dai ve mai mailo Sports Minister viak tha tak hoin chak taka hmalak chhoh mek zel a ni a ti a. Zirtirna pe tur pawhin Indian Coach mai bakah Foreign Coach te pawh chah chhuah thin an ni a ti.
    Indoor Stadium hawn zawh hian Stdium second floora combat hallah All Mizoram Karate Association, Champhai District buatsaih 12th Inter District Karate Championship 2013 chu Chief Minister hian a hawng bawk a. He Championshipa tel tur hian infiammi mipa leh hmeichhia 146 a lut a ni.
    Hawnna inkhawm hi Pu Lalzirmawia Chhangte, Director,Sports & Youth Services in a kaihruai a. chief Minister hi a nupui Pi Lal Riliani bakah Minister Pu Lalrinliana Sailo leh Pu Zodintluanga leh bialtu MLA Pu T.T.Zothansanga ten an tawiawm a ni.
    Indoor Stadium hawn tak hi DONER Ministry leh Mizoram sorkar bultuma sak a ni a, a satu hi Pu Hugh Sapthangliana Halliday, Chaltlang, Aizawl a ni a. Kum 2007 October thjla sak tan niin,2012 January thla khan sak zawh a ni. A building hi chhawng nga a sang niin,5263 Sqm a zau a ni a.A hnuai ber basementah hian choka,ddormitory leh dining hall te a awm a, a chung chiah ground floor hi motor park nan leh ticket counter atan a ni a.First floor hi gymnasium a ni a, second floor hi table tennis leh combat hall a ni a, a chhawng chung ber hi basket ball leh badminton court a ni. Lift dah a ni bawk bakah power chawkluh nan 100 Kva transformer leh 125 KVA automatic DC Generator dah a ni bawk.
    Chief Minister Pu Lal Thanhawla chuan vawiin khan Champhai Chhangphut Field a Astro Turf phah tur lungphum a phum a. He phullem phah tur hi Ministry of Sports & Youth Affairs hnuaia Urban Sports Infrastructure atanga Rs. 4.5 crores an rawn pek a ni a. Tunah hian Rs. 3 crores sanction tawh a niin hemi hi hman zawh hnuah a bak zawng chu rawn release leh a ni ang.
    Lungphum phumna ah hian CM hi Sports & Youth Services Minister Pu Zodintluanga; Health Minister Pu Lalrinlliana Sailo leh bialtu MLA Pu TT Zothansanga ten an tawiawm a ni.
    Lungphum phum inkhawm neih hnu hian Hawla & Rii Football Tournament Final khelh a ni a, hetah hian Tlangsam Football Club in Champhai Vengsang Football Club tie-breaker ah 3 - 1 a hnehin chak ber nihna lawmman an la a ni. Champion lawmman hian pawisa fai Rs. 70,000/- leh trophy a kengtel.

FREE CLINIC :

    Champhai-a Health Deptt. thawktute chuan MMU kengin nimin khan Khuangthingah Free Clinic an buatsaih a. Damlo 250 zet a thlawna an en bakah a thlawnin damdawi an sem nghal a. Ruahmanlawk ang chuan vawiin hian Zawlsei khua ah Free Clinic hi neih leh a ni ang.

EVM CHECKING :

    Nimin chawhma dar 10 khan DC Conference Hall, Keifangtlang ah Electrinic Voting Machine that leh that loh enchhinna 1st Level Checking neih chhunzawm a ni a, hetah hian Election Observer Dr. Jerome Rokima, Addl. DC Zoengsanga, Election Officer Mark Lalthanliana, Election Commission atangin engineer 2-te leh Political Party pahnih MNF leh Congress aiawhte an kal a ni. EVM enchhinnaah hian a that lohna lai hmuh a ni lo a, inthlanpui neih hma hian checking hi neih leh a ni ang.

ZNP HRUAITUTE :

    ZNP Champhai North Block West chuan nimin khan kum 2013-2015 chhunga hruaitu thlanna neiin heng mite hi thlan an ni.
    Pre : C. Lalbiakchunga
    Vice : PC Zachhunga
        Lalchhawnthanga
    Trea : V. Lalnunenga
    Block NCM : Tluangthanga

407 CHESUAL :

    Nimin a Hawla & Rii Tournament Final inkhel ena kal haw lam Tlangsam te zinga mi 407 pakhat chu Tuipui Kai thlen hmaa phai bial chhungah a chesual a, a chuag zinga pakhat Hospital panpui tih loh chu ngaihtuahawm an awm lo tih thu kan dawng.

TUIALHTHEI  DINHMUN :

MIZOFED :
    Petrol : Tanky Full (Rs. 70.31)
    Diesel : Free Sale (Rs. 50.80)
RD PUMP :
    Petrol : Free Sale
    Diesel : Free Sale  


ni 1.8.2013 (ningani) :



HNAHLAN PHC HAWNG :

    Champhai leh a chhehvel khua tlawh tura nimina Aizawl chhuahsan Chief Minister Pu Lal Thanhawla chuan vawiin khan Hnahlan-ah damlo khum 10 awmna Primary Health Centre (PHC) building thar a hawng.
    Chief Minister chuan PHC building thar hawn tak chu Hnahlan leh a chhehvel khaw 10 ten an tangkaipui theihna tur chuan a thawktute an pawimawh hle dawn a ni, a ti a. Hriselna hi India sorkar-in a ngaihpawimawh ang bawkin Mizoram sorkar pawhin a ngaipawimawh hle a ni, a ti a. Hrisel loh chuan mi taima tan pawh a taimak theih loh avangin mahni hriselna ngaih pawimawh nachang hria a, ei leh in ah fimkhura min ti chhe theitu lakah kan fihlim a tul a ni, a ti. Mizote hi zuk leh hmuamah kan fihlim loh avangin kan hriselna in a tawrh nasat phah a, cancer vei tam ber kan nite hi a chhuanawm loh takzet a ni, a ti a. Zuk leh hmuama fihlim lote hi drugs ngawlvei ang tho an ni a, kan inbihchian hle a ngai a ni, a ti.
    Chief Minister chuan ringtu kan nih angin midangte aia hrisel zawk tur kan ni a ti a. Doctor leh Nurse te chu an hna lama khawvel thiamna chhuak thar zelah intuaihriam a, thiam ve zel (in update) hi kan tum tur a ni, a ti.
    Khual zahawm Pu Lalrinliana Sailo, Health Minister chuan sorkar-na an chan tirh atanga siamthat ngai tam tak awmte siamtha chho in leh theihtawp chhuah chunga an kalpui avangin tunah chuan Health Department chu department hlawhtling ber a rawn ni chho thei a ni, a ti a. Tunah hian National Rural Health Mission (NRHM) atan Rs. 31.66 crores lokal leh tur atang hian thingtlanga chengte hriselna nasa taka chawikan tel a beiseiawm thu a sawi bawk a ni.
    Hnahlanah PHC hi kum 1981 khan din a lo ni tawh a. Tuna building hawn tak hi Rs. 66,08,102/- senga sak niin kum 2008 September thlaa sa tanin 27th July, 2011 khan sak zawh a ni. A floor area hi 401.44 sq.mt. a ni.
    Hawnna inkhawm hi Dr. K. Ropari, Director, Health Service in a kaihruai a, bialtu MLA Pu TT Zothansanga’n lawmthu sawina hun a hmang bawk a ni.
    PHC hawn anih hma hian Chief Minister Pu Lal Thanhawla hi Hnahlan khawtlangin ropui takin an lo hmuak a. Amah lawmna vantlang inkhawm Pu Kapchhuanthanga, VCP Hnahlan kaihhruaina Mualveng Community Hall a buatsaihah Pu Lal Thanhawla chuan sorkar hmalakna hrang hrangah Hnahlan mipuiten lawm nachang an hria chu Pathian duhzawng anih avangin malsawmna tam zawk an dawn ngei a beiseipui thu a sawi a. Sorkar duh ber chu kuthnathawktu te, mirethei te, pachhiate leh chhumchhiaten leirem an raha ei leh bar leh sum leh paia an intodelh a, milian leh hausate tlawn ngai lova an awm hi a ni, a ti a. Hemi atana NLUP an kalpui chu a dawngtuten an eiruk emaw dik lo taka an hman a thianglo a ni tiin, rinawmna, taimakna, dikna leh Pathian tihna nung nen an thawh a ngai a ni, a ti. CM chuan sorkar-in hmasawnna hnathawh hrang hranga hmalak power lamah te, kawngpui siam ah te, ramdang nena insumdawn tawnna neihna tura hmalakna te a sawi bawk a ni.

PENSION THLAH :

    Nimin khan Govt. Champhai College Staff Welfare chuan Group D Staff Pi Biakzingi thlahna hun Staff Room ah an hmang.

VAWIIN FINAL :

    Vawiin hian hawla & Rii Tournament chu Final khelha khar a ni ang a, hemi rual hian Chief Minister chuan Phul lem, Astro Turf Phahna tur lungphum a phum nghal bawk ang. Khelmual cheibawl hian nimin khan CDFAhruaitute an hnatlang a, anni bakah hian Govt. Vengthlang Middle School zirlaite leh PWD te hnatlang hian an thawkchhuak bawk. Vawiin Final ah hian Vengsang leh Tlangsam te an inkhel dawn a, CDFA chuan sawmna hranpa siam lo a, mipui a tam thei ang ber kal turin an sawm.

CHAMUL RATE :

    CHAMUL Special Gen. Assembly lo rel tawh angin vawiin atang hian bawnghnute rate chu Rs. 50 a n itawh dawn a, dawr thintu ten dawr zui zel turin an ngen.
   

HAWNG DAWN :

    Tukin zing dar 10 hian Chief Minister Lalthanhawla chuan Champhai Higher Secondary School a hawng dawn a. Chhun dar 12 ah Vanlallawma Indoor Stadium hawng lehin he hunah hian khuallian a ni nghal ang a. Sports Minister Zodintluanga chu khualzahawm a n i ang.

TUIALHTHEI  DINHMUN :

MIZOFED :
    Petrol : Free Sale
    Diesel : Free Sale
RD PUMP :
    Petrol : Free Sale
    Diesel : Free Sale 


ni 31.7.2013 (nilaini) :



CHAMPHAI DISTRICT SCIENCE SEMINAR :

    Nimin chawhma dar 11 khan I&PR Auditorium, CHANEM Building Champhai -ah Champhai District chhunga High School zirlaite tana buatsaih Students Science Seminar 2013 chu Lawmawma, District Education Officer, Champhai District chuan a hawng.
    He Science Seminar hawnna inkhawm C. Hualrikhuma, Dy. DPC (RMSA) Champhai District kaihhruai ah hian THupui atan “Water Cooperation : Issues and Challenges” tih hmangin inelna neih a ni a, High School 5 ten he inelna ah hian an tel thei a. 1st Prize : BP Malsawmtluangi, Class IX, Vengsang H/S-Rs. 2000; 2nd Prize : Rodinpuii Class X, Govt. GMH/S - Rs. 1500 leh 3rd Prize Malsawmdawngliani Class IX, Bethel Mission School te an ni. Ruatfela, Class X Holy Cross H/S leh Ramchhanthanga Class IX, Champhai H.S te hnenah Consolation Prize Rs. 500 ve ve hlan a ni. He Intihsiaka lawmman pakhatna leh pahnihna latute hian Mizoram pum huap Science intihsiakna Aizawla neih turah Champhai District ai an awh dawn a ni.

RUIHHLO MAN :

    Nimin zing dar 9:30 vel khan Champhai Excise & narcotics te chuan Bazar ah Heroin hawng 1 (14 grams) an man. Heroin hi Lalrinchhani kum 40 d/o Tlangliana (L) Vengthlang North inti kut atanga man a ni a, Zokhawthar a chawhmeh a lak paha a rawn laktel niin a sawi a. Champhai Excise & Narcotics te chuan kar khat chhung chhun zan zawmin an lo chang tawh a, nimin zing khan Champhai Bazar a a chawhmeh zawrhnaah an man ta niin thu dawn a ni. Lalrinchhani inti hi thubuai siam sak niin dan angin a chungthu rel a ni ang. Heroin te hi local market ah Rs. 60,000 man hu vela chhut a ni.

FISHERIES DEPARTMENT TEN NLUP SEM :

    Nimin chawhma dar 11 khan Fisheries Dept. hnuaia NLUP thlangtute tan 2nd Phase Installment sem a ni.

HNATLANG :

    Mizoram Baptist Kohhran Thalai (TKP) din champhai vawi 62-na pualin nimin zing khan Champhai khawpui chhunga TKP te chuan Champhai khawpui hmun lun lai leh remchang laite thianfaiin hnatlang an nei. Bethel Unit TKP te chuan Ramthim ni puala thingphun sam fai hnatlang leh Champhai Behel kawn atanga kawngui dung, Forest Check Gate thla hmun lun lai kawng dunga bawlhhlawh thianfaiin hnatlang an nei a. Kahrawt Unit te chaun Vanlallawma Indoor Stadium atanga tanin Thlerpui thla leh Dawrkaikawn inkar bawlhhlawh thenfai hnatlang an nei a. Bethani Unit Venglai chuan nizan khan he ni pual hian inkhawm an nei. Champhai khawpui chhungah hian TKP Unit Pathum an awm a, member hi 100 vel an awm a ni.

KARATE INELNA :

    Vanlallawma Indoor Stadium ah 12th Inter District Karate Championship chu vawiin atang hian inelna tan a n idawn ta a. TUkin zing dar 10 atang hian inelna hi tan a ni ang. He hun hmanpui tur hian naktuk ah Aizawl atangin Hqrs. President R. Thanga chuan Champhai a rawn thleng ang.

TUIALHTHEI  DINHMUN :

MIZOFED :
    Petrol : Free Sale (Rs. 69.47)
    Diesel : Free Sale (50.10)
RD PUMP :
    Petrol : Free Sale
    Diesel : Free Sale   


ni 30.7.2013 (thawhlehni)



CM LOKAL DAWN :

    Vawiin tlai hian Chief Minister Lalthanhawla chuan ni 2/3 cham turin Champhai a lo thleng dawn a. Champhai DC chuan vawiin tlai dar 3:30 hian CM lo thleng tur lo dawngsawng turin Circuit House ah Head of Officers te kim taka lo awm vek turin a hriattir.
    Ruahman lawk ang chuan Chief Minister hi vawiin hian CHamphai lo thlengin, Circuit House ah a riak ang a, naktuk zingah Hnahlan PHC Building thar a hawng ang a, tlaiah Champhai a riak turin a lokir leh ang. Naktipah Champhai HSS hawngin, Vanlallawma Indoor Stadium a hawng ang a, Chhangphut Field a Synthetic Football Ground lungphuma phum dawn bawk a. Zirtawpni ah Champhaiah chamin Inrinni ah Rabung tlawhin AIzawl lam a pan zui leh ang.

SCIENCE SEMINAR :

    Vawiin chawhma dar 11 hian Students Science Seminar 2013 chu High School zirlaite tan I&PR Auditorium CHANEM Building ah neih a ni dawn.

NLUP SEM DAWN :

    Vawiin chawhma dar 11 hian Kahrawt YMA Hall ah Fisheries Dept. chuan NLUP 2nd Phase 2nd Installment an sem dawn. He hunah hian Champhai North atangin Beneficiaries chhungkaw 45 leh Champhai South atangin chhungkaw 57 te hnenah Rs. 7900 theuh pek an ni ang a, TT Zothansanga, Champhai North Bialtu MLA chu khuallian a ni ang.

COLLEGE WEEK HAWNG :

    Nimin khan Govt. Champhai College Week chu CHamphai Town Hall ah H. Lalluaia DCSO chuan a hawng.

HAWLA & RII TROPHY :

    Rs.. 70,000 inchuhna Hawla & Rii Trophy khelh mekah nimin khan Semi Final khelh niin Final khel  tur tihchian fel a ni ta. Nimin Semi Final inkhelah hian Tlangsam chuan Zotlang 2-1 a hnehin Final an lut a. Inkhel hnuhnung zawkah Vengsang chuan Kanna chu 1-0 a hnehin Final an lut bawk. Final hi naktip (Aug. 1) chawhnu dar 1 ah khleh a ni dawn a. He hun hmanpui tur leh Final inkhel thlir turin Chief Minister Lalthanhawla pawh Aizawl atangin vawiin hian a lokal  dawn.

TUIALHTHEI  DINHMUN :

MIZOFED :
    Petrol : Free Sale (Rs. 69.47)
    Diesel : Free Sale (50.10)
RD PUMP :
    Petrol : Free Sale
    Diesel : Free Sale  


ni 27.7.2013 (inrinni) :



HLAWK ZAWKA BUHBAL THAR THEIH DAN ZIRHO :

    Nimin chawhma dar 11:00 khan a tum hnihna atan Champhai I&PR Conference Hall-ah District Agriculture, ATMA leh Champhai-a Cable Operator te tangkawp chuan Farmers Scientists Interaction an buatsaih. He inkawmhona Pu Lalthanzuala, DAO & Project Director, ATMA Champhai District kaihhruai ah hian loneituten hlawk zawka buhbal an thar theih nan, thlai chi hrang hrang chin leh sawngbawl dan ziktluak zawka inzirtirna neih a niin, Champhai leh a chheh vel, Zau hrang hrang a loneitu kalkhawmte chu Agriculture Department-a mithiamten zirtirna an pe a, buhbal enkawlna kawnga tih dan tha zawk leh hlawk zawka thlai an thar chhuah theihna tur kawng kawhhmuha hrilhin, loneitute pawhin buhbal chinna kawnga an daihriat leh harsatna an tawhte sawi chhuakin, thlai chin dan leh-enkawlna kawngah inpawh tlang taka inkawmhona hun hman a ni. Agriculture Department lam atangin mithiam C. Lalnithanga Assistant Plant Protection Officer, Indian Council of Agriculture Research (ICAR), Kolasib Centre atangin Scientist pahnih Dr. T. Boopathi leh Dr. Rattan Kumar Singh, KVK Khawzawl atangin SMS Lalramengi te bakah District Agriculture atangin SDAO ten zirtirna an pe a, loneitute harsatna sukiang tura sorkarin hetiang hun a buatsaih sak thei chu hlawk thlak an tih thu leh lawmawm an tih thu an sawi a ni. He hun kaihruaitu Champhai DAO Pu Lalthanzuala chuan Champhai District chhunga Agriculture Department hnuaiah WRC Hectares 8697 a awm thu te, thlai chinna atana ram hman mek Hectare 3750 bakah thingtlang lo neihna atana hman zau zawng Hectare 9893 a awm thu te tarlangin, Buhbal thar chhuah zat chu metric tonne 15195 a ni thu te a sawilang tel bawk.
 

THI IN CHHAR :

    Nimin chawhnu khan Lalchhanhima, kum 38 Pu C.Lalnghakliana fapa, Kanan veng chu Chhungte hmun hluiah thi-a chhar a ni. YMA hruaituten kan palai an hrilh danin Lalchhanhima hi Thawhlehni khan ram riak turin a chhuak a, ni hnih a lo haw tawh loh avangin a chhungte mangang chuan Pu F.Tuanhleithanga chu zawng turin an tir a, a ruang hi Chhungte hmun hlui, bawk sang-ah a han hmu ta a ni. Vawiin khan khawtlang mipui inpunin a ruang hi lak a ni a, a ruangah hian sawisakna emaw hliam hnuhma engmah a awm lo a, a mah hi thisen sang leh zunthlum nei a ni a, a chau lutuk chu a muhlum ta mai niin an ngai a ni. Lalchhanhima hi zaninah tlaivar pui a ni ang a, naktukah vuiliam a ni ang.

MAXI CAB WELFARE ASSEMBLY :

    Nimin chawhma dar 11 khan Champhai-Aizawl Maxi-cab drivers welfare te chuan assembly vawi thumna an hmang. He hun, Pu Lalengliana, Welfare chairman kaihhruaiah hian thu sawiin khuallian Pu Chawimawia, Addl SP chuan driver te mawhphurhna a tarlang a, mi thih leh dam chungchangah driver te hian mawhphurhna thui tak kan nei a ni, a ti a, mahni motor khalh pawh ni ila mi tana khalh kan ni a, fimkhur tak leh hawihhawm takin motor kan khalh thin tur a ni tih sawiin, sum leh mahni chauh inngaihtuah lovin kan passenger te hi ka VIP an ni tih hre reng turin driver kalkawmte chu a fuih bawk. Khuallian chuan eng hna pawh thawk ila, kan hnathawhah taimakna leh rinawmna a tel ngei ngei tur a ni a ti bawk. Nimin assembly ah hian 2013-14 chhunga Champhai-Aizawl Maxi-cab drivers welfare hruaitu tur an thlang nghal a. Chiarman-F.Lalrintluanga, Vengsang, V.Chairman- Lalengliana Venglai, Secy-C.Lalfakmawia, Venglai, Asst Secy-Rodinpuia, Vengsang, Treasurer-F.Valalruata, Kahrawt leh Fin. Secy ah James Kunga, Aizawl te thlan tlin an ni.

RUIHHLO MAN :

    Nimin zing dar 9:10 khan Champhai Excise & narcotis deptt chuan AOC petrol pump-ah Tiau atanga lokal motor atangin Herion hawng khat, gram 18 an man. Herion hi N.Burbuyia kum 23, RH.Burbuyia fapaleh Nur Hussian Lashkar, kum 20, Rio Ali Lashkar fapa, Bagha Bazar a cheng ve ve nia insawi te hnen atangin man a ni a, a neitute sawi danin Meghalaya atanga herion hi laktir niin an insawi a, ruihhlo an lak avang hian cheng sing hnih hlawh turin an inbe rem niin an sawi. Herion hi Tiau-ah cheng sing 6 in an la nia thudawn a ni. Excise & Narcotics deptt te hian an thudawn bawhzuiin motor hi nimin zing khan an lo chang a, herion hi an lo man ta a ni.

NLUP SEM DAWN :

    Karleh Thawhtanni hian Kahrawt YMA Hall ah Champhai District Fisheries Deptt chuan NLUP 2nd phase 2nd installment-a fisheries beneficiaries te hnenah sum an sem chhuak dawn a, Thawhtanni hian Champhai North leh South a beneficiaries bikte hnenah sem chhuah a ni ang. Naktuk zing hian Champhai north a NLUP a sangha khawi thlangtute hnenah sangha chi 4000 an sem chhuak dawn bawk a ni.

JOINT VC DIN A NI :

    Nimin khan Champhai Joint VC chu siamfel niin I&PR Auditorium-ah hruaitu thar an thlang. He hunah hian Champhai Town area chhunga VC 17 aiawh an kalkhawm a, Joint VC hi din ngei tha an ti tlang a, hruaitu thar an thlang nghal a ni. Champhai Joint VC hruaitu atan hian Chairman ah Pu K.Lalmawia, VCP Vengthlang, Vice Chairman ah Pu R.Chalhnuna, VCP Venglai leh Pu H.Lianruma VCP Eletric, Secy ah Pu Vanlalenga Khiangte, VCP Vengthlang N, Asst Secy ah Pu Lalsanglura Zote, VCP Bethel, Treasurer ah Pu C.Lalawmpuia, VCP Vengsang leh Fin Secy ah Pu F.Lalrinnunga, VCP Kahrawt te an thlang a ni a, thla ruk chhung OB te hian an hna hi an chelh phawt dawn a ni. VC kalkhawmte hian VC lawmman Mizoram sorkarin a pek mek hi ennnawn se, Local Council hlawh ang zat tala siamsak turin Mizoram sorkar an phut tih leh VC te chavo laksak a, Material component leh thil dang work agency ni lo hnena pek a ni fo thin hi pawi an ti a, tun hnuah hetiang thil hi thleng tawh lo se an tih bakah an chanvo dik tak humhalh sak zawk turin sorkar an ngen a, hetiang thil a thleng leh a nihchuan a tawp thlenga a doldal tur thu resolution siamin an nemnghet bawk. Champhai Joint VC ah hian Vengsang, Kahrawt, Vengthlang, Vengthlang North, Venglai, Dinthar, Kanan, Electric, Zion veng, Vengthar, New Champhai, Zotlang, Ruantlang, Tlangsam, Zote, Hmunhmeltha leh Chhungte te an tel a ni. VCP theuh awmna Joint VC executive committee chu hun remchang hmasa berah thukhawm tum a ni bawk.

ni 25.7.2013 (ningani) :



THISEN PE :

    Nimin chawhma dar 9:30 khan Govt Champhai College zirlaite chuan Champhai Dist Hospital a a mamawh a piang hman a tan thisen Unit 32 an pe Thisen pek hmaa inkhawm tawi buatsaih Asst. Prof. RL Lalchhuanawma kaihhruaiah hian thusawiin Dr J Lalramchhuanga Blood Bank Officer chuan midang nun chhan na atana thisen pek duhna rilru an nei chu lawmawm a tih thu sawiin, mizo ze dik tak, thianchhan thihngam tih kan lantirna hun pawimawh tak a nih thu sawiin, thalai kalkhawm te chu tunlai sualna chi hrang hrang laka fihlim turin a fuih bawk a, nupui, pasal kan neih huna kan faten anmahni tihsual niloa harsatna an tawhlohna turin kan thatlai hun kan hmang thiam tur a ni ati. He hunah hian Pu C. Zaihmingthaga AVBD Secy pawhin thu sawiin YMA te routine siam sak an ni a, tunah hian Hospital ah thisen dah that a tlem em em a, YMA te han pun dawnin hnathawh tul vanglai a ni a, anni tan hun neih a harsa a, chutih laia College NSS te hetianga hun tha min siam sak hi a lawmawm hle a ni a ti a, thisen pek chungchang pawh sawiin, kan thisen hi pe lo mah ila, ni 120 hnuah a kalral tho tho a vangin thisen kan pek hian kan thisen a insiam tha nasa zawk ani a ti a, nimina hetianga hun tha an nei thei chu AVBD aiawh pawhin lawmawm a tih thu a sawi Nimin Blood Donation Camp ah hian mi pa 21 leh hmeichhia 11 ten thisen an pe a ni

SCIENCE EXIBITION ZAWH A NI TA :

    Nimin chawhnu dar 1 khan Inspired Award 2012-2013 hnuaia Dist Level Science Exicibition & Project Competition nimin atanga neih chu khar a ni He hun Pu C Hualrikhuma Dy DPC RMSA kaihhruaiah hian thusawiin khuallian Prof Lalnunmawia Govt Champhai College Principal chuan tunlai khawvela pawimawh ber chu mahni inthununna, tumruhna leh kan thil tiha inpekna a ni, a ti a, thil tihna kawng reng rengah hetiang hi kan nei lo a nih chuan hlawhtlin theih a ni lo, tih sawiin zirlai kalkhawmte chu an zirna kawngah tumruhna leh mahni inpekna nei turin a chah a ni. Science Exhibition hi zirlaite tan a tangkai hle a, Exhibition a project te hian zirlai naupangte leh zirtirtu te nasa takin science zirna lamah a chawk phurin hma an sawn phah thei a, Inspired Award dawngtu school naupang tin hian sum fai Rs 5000 an dawng thin a, heng an sum dawnte hi Project siam nan leh veivahna senso atana tih a ni. Inspired Award hi kum 2011 khan naupang 285 in an dawng a, 2012 ah naupang 105 in dawng lehin kumin hian naupang 184 in an dawng bawk a ni. Dist Level Exhibition atang hian state level science Exhibition a tel tur a thitha zual thlanchhuah an ni a, chuta tang chuan national level a tel tur thlan an ni leh dawn bawk a ni. Tun tum Exhibition-a titha zual 3 te chu- 1-na TC Ramchhuanmawia pawl X, Kingsolomons school niin, a project chu Speed Breakers Highway Power Generator tih a ni a, 2-na chu B Lalromawii Pawl VII, Holy Mission school niin a project chu Candle Power, steam engine boat ani bawk a, 3-na chu A. Angela pawl IX, Rabung High School niin a project chu Bio Sand Filter tih a ni Nimina kharna hunah hian Endiktute atangin Ascte Prof. Dr C Laldawngliana chuan thu a sawi a, hei bakah hian SCERT Dy Director RS Chauhan pawhin thu a sawi bawk a ni

GRAPE LEI MEK :

    A thawhhnihna atan Champhai Winery chuan Grape lak runpui a nei leh tan ta Grape hi kar khatah vawi 2 lak tur niin tunah hian grape Qtls 230 lak tawh a ni a, karleh Thawhleh ni atanga zirtawp ni thleng hian lak chhunzawm leh a ni ang.

TANPUI :

    Khuangthing khawtlang chuan Pu Lawmsanga, Khuangthing chu chhungkaw harsatna avanga an lo neih an enkawl mumal theih loh avangin hnatlangin hlo an thlawhsak a, hnatlangah hian mi 74 an thawk chhuak a ni. Pu Lawmsanga te lo hi tin hnih hmun niin hnatlang hian an thlo zo tawh niin thu kan dawng. Hetihlai hian Khuangthing-ah hian thil ruk hmang mi pahnih chu YMA ten an man a, vawiin khan Champhai Police kutah pek an ni a, hetianga thilsual ti thin hi Khuangthing YMA te chuan dim an tum lo niin thu kan dawng bawk.

HARSATNA THLEN THEIH :

    District Level Complain Committee on Sexual Harassement of Women at Work Places Committee pawh DC Chairman na hnuaiah a ding ve ta a, hetiang lama harsatna nei te chuan Committee ah in harsatna in thlen thei ang.
    1) Deputy Commissioner, Champhai
    2) Superintendent of Police, Champhai
    3) Chief Judicial Magistrate, Champhai
    4) President Sub-Hqrs, YMA leh MHIP
    5) Child Development Project Officer, Champhai

 TUIALHTHEI  DINHMUN :

MIZOFED :
    Petrol : Free Sale (Rs. 69.47)
    Diesel : Free Sale (50.10)
RD PUMP :
    Petrol : Free Sale
    Diesel : Free Sale 


ni 22.7.2013 (thawhtanni)



CHAMPHAI THALAI PAWL THUREL THENKHATTE :

    Zirtawpni Zan khan Champhai Thalai Pawl Committee neih a ni a, an thurel thenkhat te :
    1) Kawngpui tha kan duh a theihtawp kan chhuah laiin tunah hian kan duh tih hlawhtlinin a awm chho mek avangin lawmthu sawina neih nise.
    2) Hun remchang hmasa berah DC hnenah len a, Champhai in kan mamawh nia an hriat thenkhatte thlen nise.
    3) Champhai Thalaite zirna lam leh thil danga mi hlawhtlingte chawimawina hun hman nise, Champhai in Museum kan neih awmchhun Govt. GMHS Museum-ah Champhaia mi bikte hming leh thlalak tar chhuah nise.
    4) MLA inthlan dawnah MLA Candidate te kawmna hun hman nise.

THINGPHUN :

    Inrinni khan Vengthlang Branch KTP te chuan Central KTP Rorel bahzui nan Chhanchhuahna In velah thingphun hnatlang an nei. He hnatlangah hian thingtiak 160 chuang phunin Member 60 chuang an hnatlang.

TUIZEMAH TLAHLUM :

    Inrinni chawhma dar 9 vel khan Liansiansanga (2) s/o Pausawmmunga, Vengthar chu anmahni tuizemah a tlahlum. Liansiansanga hi naupang tho thang tha tak a ni a, Inrinni zing dar 9 vel khan In atanga chhuakin a chhungte chuan a pu te Ina kalah an ngai a, mahse, a rawn haw mai loh avangin a chhungte huan zawngin a pute in an en a, a lo awm loh avangin rinhleh thilah tuizem hi enin Liansiansanga h ituizem chhungah thi in an zu hmu ta a ni. An tuizem hi feet 4 a sang a ni a, tui hi feet 2 leh a chanve vel a awm a, a chhin hi rangva a siam niin a inchhin tha tawk lova, hei hi naute hian rap lekin zem chhungah hian a tla lut ta niah an ngai a, an zu hmuh lai hian tuizem chhin pawh tuizem chhungah hian a awm a ni. Kan Palai chuan vawiina chhittawkte hi tawrhpui rualin midangin fimkhur phahna atan hmang se an duh thu a sawi.

FOOTBALL TOURNER RESULT :

    Inrinnni khan hawla & Rii Football Tournament Village Council te tana buatsaih chu khelh chhunzawm leh a n ia, Inkhel hmasa berah Zotlang VC te chuan 3-0 a Electric Veng hnehin, Venglai VC team chuan Mualkawi VC team te 1-0 in an hneh bawk. Nre Champhai VC te chuan 2-1 in Hnahlan VC an hneh a, inkhel hnuhnung berah Ngur VC team an kalloh avangin Vengthlang VC team chu 3-0 a chaka puan an ni ta a ni.
    Vawiin hian Group Match khelh chhunzawm lehtur niin chawhma dar 10 ah Tlangsam leh Vengsang an inkhel anga, Match 2-na ah Bethel VC leh Vapar VC te an inkhel ang, Dar 1 ah Kanan VC leh Hnahlan VC, Match hnuhnungber ah Vengthar VC leh Ruantlang VC te an khel bawk dawn a ni.

TUIALHTHEI  DINHMUN :

MIZOFED :
    Petrol : Free Sale (Rs. 69.47)
    Diesel : Free Sale (50.10)
RD PUMP :
    Petrol : Free Sale
    Diesel : Free Sale


ni 19.7.2013 (zirtawpni)



CHAMPHAI-AH DRO OFFICE HAWNG :

    Nimin khan Champhai a Pu Lalthanzuala Building, Vengsangah District Research Officer`s Office thar chu CHamphai North Bialtu MLA TT Zothansanga chuan a hawng.
    Hawnna inkhawm Lalrikhuma Sailo Joint Director Economics & Statistics Deptt. kaihhruai ah hian thu sawiin MLA TT Zothansanga chuan he Department hi a pawimawh leh tangkai hle laiin mipui lam hian a pawimawhna hi kan hre tawk lo fo thin a. Champhai khua hian hmasawnna kan hmu chho zel a, hmasawnna dawngsawng thiam tur hian kan inzri chhoh zel a pawimawh a ni, a ti. Hmasawnna kan neih chhoh mek lai hian a tha lo lamah pawh hmasawnna chu a kal chho tel ve zel a. Zu leh ruihhlo lamah pawh nasa lehzuala tan kan lak tlan a tul a ni. Tunlai khawvel hmasawnna chak taka kal mekah hian a lo dawnsawn lamah pawh tan kan lak a tul a, Internet khawvel kan hman mekah hian Upa lam deuh zawkte pawhin thalaite hmasawnna khawvel man pha thei tur hian kan inbuatsaih a tul tak meuh a ni, a ti.
    District Reasearch Officer`s Office thar tak enkawl tur hian Directorate atangin District Research Officer tur C. Rohmingthanga hoin Staff 4 - Inspector, Asst. Inspector, UDC leh Field Assistant te chu Temporary Transfer in dah an ni.

NGUR VC TEN IN RAWK CHINGA PUH MAN :

    Nimin khan mi In rawkching ni a sawi Hnahlan khua Kaplianmanga Kum 25, Thangkhenpianga fapa chu Ngur VC ten Ngur ah manin, Champhai Police Station ah an hlan.
    Thudawn danin Kaplianmanga te nupa hian hna dang thawk lo in mi thil ruk tur zawngin Hnahlan leh a chheh velah an khawsa thin a. Hnahlan leh Ngur khawtlangin hun engemaw chen an zawn hnuah nimin khan Ngur ram chhungah Ngur VC ten an man a, Champhai POlice Station ah thu zawhfiah turin kawl mek a ni.
    Champhai POlice hotute sawi danin Kaplianmanga te nupa hian hun engemaw chen kalta atang khan mi thilruk an chin vangin khawchhungah pawh cheng lo in, ramhnuaiah an khawsa a, mi In chhungah lutin pawisa ruk tur an zawng thin a; hriat theih chinah Ngur khua ah In 13 vel an rawk tawk a, Hnahlanah mi engemawzat pawisa an ruk bakah thla hlui khan Mizoram Rural Bank, Hnahlan Branch chu rawk tumin an hlawhchham a. Heta tang hian Hnahlan leh Ngur khawtlang bakah Police ten an zawng a, nimin khan Ngur VC ten an ram chhungah an man ta a ni.

CHAMPHAI AH BUH NATNA LANG TAN :

    Champhai DAO Lalthanzuala hnen atanga ziaka thu kan dawn danin tunlai hian leilet Buh a na tan leh ta a, hmun thenkhatah phei chuan a thi thawl leh tawh a, nikuma Buh Turh natna ang kha niin a lang. Buh bul a dum a, a zung a bul a, pawh phawiin a chhe nasa hle.
    Hei bakah hian rannungin a bawm tan leh tawh bawk a. Buh tichhetu rannung phei chu Mizoram hmun hranghrangah hmuh tur a awm ni a report dawn a ni a. Hei vang hian nasa zawka chhiatna tawh a nih loh nan mahni LO ngun taka chian a, invenlawk nan leh rannung leh natna lang tawhte tireh turin leilet leh thingtlang Loneitu ten Tur hmangin thlai leh bialtlang te kah thuai a tul a. Heng Tur, Damdawite hi DAO Office, Champhai ah lam theih a ni e.

DOCTOR LAKAH TLING :

    Nimina MPSC kaltlanga Doctor a ngheta lak tur result a tihchhuah takah Champhai a thawk mek Surgeon C. Vanlalhlua s/o C. Lalthara (L), Tlangveng, NE Khawdungsei chu mi 88 tling zingah pathumna a ni a. Ani bakah hian Champhai District atangin Dr. Vanlalrengpuia s/o Rozuala, Khawbung, Kawn Veng, Champhai District a tling bawk.

GRAPE LEI MEK :

    Tunkar atangin Champhai Winery chuan Grape lak runpui a nei tan leh ta a. Grape hi kar khatah vawi 2 lak tur niin tunkar khan nilai leh nimin khan lak a ni a, grape Qtls 59 leh Kgs 86 lak niin karleh Thawhlehni leh Nilaini khian lak chhunzawm leh a ni ang.

TUIALHTHEI  DINHMUN :

MIZOFED :
    Petrol : Free Sale (Rs. 69.47)
    Diesel : Free Sale (50.10)
RD PUMP :
    Petrol : Free Sale
    Diesel : Free Sale 


ni 18.7.2013 (ningani)



CHAMPHAI-AH LAD PARK SIAM HAWNG :

    Nimin khan LAD changtu Minister PC Lalthanliana chuan Champhai LAD Department hmalaknaa Rs. 60,25,000 senga sak ‘Champhai Park’ a hawng.
    PC Lalthanliana chuan Champhai Park chu a chhawr tangkaitu Champhai mipuite hnenah tangkai taka an hman atan an hlan a ni tih sawiin, neitu rilru pu a, thianghlim leh duat tak, dimdawi taka enkawl turin a ngen. He hmun hi hmun hlu a ni tiin, a ropuina aiin a hlutna a pawimawh a, Champhai tinuamtu tur a nih theih avangin he hmun hi khualzin leh Mizoram hmun dang atanga lokal te pawhin tlawh chak khawpa lantir leh cheibawl a pawimawh thu a sawi. Park hi mimal chang nilo, pawl leh Kohhran te pawhin an hmang thei a, chumi atan chuan remhre taka thalaite tan intihhlimna hun duan leh buatsaih te kan inzir chhoh a pawimawh a ni, a ti bawk.
    Khawvel thangchho zelah mipui leh thalai ten intihhlimna hmun leh hmun tha an mamawh a, mahse Mizoramah duh anga hetiang hmun a awm loh thu sawiin Minister chuan, LAD hmalakna in tunhnaia Mizoram hmun hrang hrang- Muthi, Lengpui, Thenzawl leh Hmuifang Park hawn tak te hian mipuite tan chutiang lenna hmun tha a siamsak mai piah lamah hmasawnna bulpui pakhat a nih thu a sawi. Park te hi Department leh Sawrkar chuan nawmchenna hmun tur ni lo a, chen nawmna hmun atan a buatsaih a ni tih a hmangtu ten an thinlungah hre reng se a duhthu a sawi bawk.
    Bialtu MLA TT Zothansanga chuan Champhai Park hawn tak chu Champhai tan hmasawnna chikhat a nih thu a sawi a. Park hlutna chu a chenchiltu ten an enkawl danah thui tak a innghat dawn a ni, a ti. Tunhnai Champhai a Social Welfare Department in CDPO Office an dah leh LAD in Champhai DLAO Office enkawltu MCS Office an dah avangin Sawrkar chunga lawmthu sawiin khualkhua atanga VC lo zin te thlen In tur Champhai VC House an mamawh thu te a sawi lang bawk a ni.
    Champhai Park hawnna inkhawm Park tuala neih chu K. Lalmuana, Addl. Secretary in kaihhruaiin Rev. Rammawipuia Pachuau chuan hunserh a hmang a, Zosangliana, EE LAD chuan Park sak chhoh dan leh a chanchin tlangpui Technical Report a pe bawk.
    Champhai Park ram zau zawng hi bigha 6 niin a chhungah hian swimming pool te, Rest house leh Hall inkawp te, naupang infiamna thil te leh puipun ni atana hman theih bungrua hrang hrang a awmin a hmunhma hi mawi taka chei a ni. Park hi nitin hawn a ni dawn a, Pathianni chuan Picnic na atan hman phal a ni lo a, a luh man hi puitling tan Rs. 10 leh naupang tan Rs. 5 a ni. Picnic na atana hawh man chu Rs. 500 a ni ang.

INDIA AIAWHIN :

    Tun thla ni 20 atanga khelh tan tur South Asian Football Federation (SAFF) Championship Nepal a khelh turah India U-16 team zingah Mizo 3 an tel dawn a. Chung zingah chaun Zonunmawia s/o Lalengliana, Champhai Venglai a tel a, vawiin hian Nepal pan hian India Team te hi an feh chhuak ang.

NIMIN FOOTBALL :

    Hawla & Rii Football Tournament khelh mekah nimin khan Zotlang leh Bethel chu 2-2 in an inhnehtawk a. Mualkawi chuan 2-0 in Ngur an hneh bakah Khuangleng chuan 3-1 in Vapar an hneh a. kanan chuan 3-2 in New Champhai an hneh bawk.
    Vawiin hian Vengthar leh Vengsang, Khawzawl leh Hnahlan, Tlangsam leh Chhungte, Venglai leh Ngur te an inkhel leh ang.

RUIHHLO AN MAN :

    Nizan hmasa dar 8:30 vel khan Mizoram Excise & Narcotics chuan Myanmar lam atanga lokal Heroin (No 4) grams 500 chu Lalkhawsiama (45) s/o Lalhluna, Luangmual, Aizawl hnen atangin an man. Lalkawsiama hi Section 21(b) of ND&PS Act. 1985 hnuaiah thubuai an siam sak a. heng damdawite hi Tiau, Myanmar atanga lei, Aizawla hralh chhawn tur niin a neitu hian a sawi.

SELAM AN KHAP :

    Selam Branch YMA chuan an khua leh ram chhungah zu leh ruihtheih thil khap a ni tih sawiin, khapna pawisa lo chu an chungah action lak a ni ang, an ti.

OFFICE HAWNG ANG :

    Vawiin tlai lam dar 2:30 hian Pu Lalthanzuala (Zualtea) Building ah MLA TT Zothansanga chuan Champhai a Economics & Statistics Deptt. District Research Officer Office thar chu a hawng dawn. He hun hmang tur hian Director Saihlira leh Jt. Director Lalrikhuma Sailo te an lokal ang.

GOVERNOR LAKAH EX-MNA LUNGAWI LO :

    Nimina Champhai District MJA Press Club a Ex-MNA in Press mite an kawmnaah Ex-MNA te chuan MNF leh India Sawrkar Inremna 1986 thuthlung zingah tun thlenga la tih hlawhtlin loh awm chu an ngaimawh thu tarlangin an hmalakna tih hlawhtlin a nih theihna tura Mizoram Governor Vakkom B. Purushothaman an kawmna a Governor in a lo dawnsawn danah an lungawi lo hle tih thu an sawi.
    Inremna thuthlungin a huam zinga la tih hlawhtlin loh, Manipur State huam chhunga MNF 3 mante vawiin ni thlenga thubuai awrhtir an la nih chungchangah Ex-MNA chuan a rangthei ang bera an thubuai tih tawp an duh thu leh heng mi 3 te inbenbelna tur Rs. 15,00,000 teuh emaw an phu tawk hna siamsak tura an ngenpuina tarlangin, hemi tih hlawhtlin a nih theina tura India Sawrkar hotu luber an biak dan te tarlan a ni a. Mizoram State in High Court hranpa a neih thuai theihna tura an hmalkana tarlangin, tih hlawhtlin thuai anih theihna tura Zofaten mahn itheihna kawngah hmalakpui theuh turin an nge.   
    Nimin a Press Conference hi Corporal C. Zama, Treasurer Ex MNA Gen. Hqrs. Aizawl in akaihruai a, 2nd Leutenant B. Remmawia leh captain ROhnuna ten an tawiawm a, he hunah hian Champhai Media mite an tel tha hle.

I DAY MEETING :

    Vawiin chhun dar 12 ah DC Conference Hall ah Independence Day Celebration Comtt. an thukhawm dawn.

TUIALHTHEI  DINHMUN :

MIZOFED :
    Petrol : Free Sale (Rs. 69.47)
    Diesel : Free Sale (50.10)
RD PUMP :
    Petrol : Free Sale
    Diesel : Free Sale
 


ni 17.7.2013 (nilaini)



RORELNA DIK SEMINAR BUATSAIH :

    Nimin chawhma dar 11 khan Champhai Venglai Community Hall-ah Rorelna Dik Seminar chu Ethics Committee bultumin neih a ni a, PC Lalthanliana, Minister  in a hmangpui.
    He seminar ah hian Minister Lalthanliana chuan thusawiin he ramah hian rorelna dik chu luipui angin luang se la tih hi kan hotuten thuput an hmang a, hei hi seminar avang hian chawplehchilh chuan a awm nghal lo maithei a, mahse nakinah chuan awmzia a la nei ngei ang, tiin. A rah chhuah chuan Rorelna tha leh fel a keng tel ngei ang a, rorelna dik a awm theih nan chuan mipuite pawhin an zir a ngaih thu a sawi a. Rorelna dik awm tura mipuiten kan hmalakna reng rengah hian mimal leh pawl bik hamthatna tur lam ni loin rampum thatna turin ni thei se a duh thu a sawi. Dan dik leh fel taka awm sa piah lamah hian khawngaihna dar ri te pawh hi tel ve se tul a a hriat thu a sawi. Chutiang anga rorelna hi kalpui a nih chuan Mizoram hi ram nuam takah kan siam ngei ang, a ti a. Seminar hmangtu zawng zawngten hlawk taka an hman theih nan duhsakna a hlan bawk.
    He seminar hi hun hnihah then niin chawhm alam hun hi Member Ethics Committee Rev. R. Lalrinsanga`n a haihruai a, Major Dr. J. Thanruma, Secretary in report leh inhmelhriat tirna hun hmangin, Ethics Committee chu sawrkar in inthlan Manifesto ah a lo dah angin din a ni a, member atan Kohhran leh NGO hruaitute atangin mi rintlak ni a hriatte thlang chhuakin Ethics Committee chuan Terms of Reference mumal tak neiin Mizoram sawrkar venpui hna a thawk a ni, tiin Ethics Committee lo dinchhuah dan a sawi a ni.
    Chawhma hunah hian Seminar Paper ‘Rorelna Dik Bible in a sawi dan’ Rev. C. Rosiama, Chairman Ethics Committee leh Rorelna Dik Mizoramah Rev. C. Lalsangliana te buatsaih chu ngaihthlak a ni a. Chawhnu hun hi Upa Lalnilawma Kawlni, Member Ethics Committee Member chuan kaihhruai  in Seminar thupui hi sawiho zui a ni a. Catherine Laltanpuii, member Ethics Comt. chuan Seminar hlawhtling taka hman a nih avangin lawmthu a sawi. He Seminar ah hian Pol. Party leh NGO hrang hrang te an kal tha hle.

MELBUK KHAWTLANG LUNGAWI LO :

    Zokhawthar VC leh Revenue Dept. ten Melbuk VC ram chhunga Melbuk VC te pawh hriattir lo a, In hmun an theh hi Melbuk mipuite chuan kan dem takzet tih thuchhuah siamin an sawi a, mipui pawhin he thil thleng hi an dem takzet tih an sawi.
    Nimin khan Melbuk VC te chuan thuchhuah siamin, Revenur Dept. pawhin he ram hi an theh duh a nih chuan melbuk VC ram chhung a nih angin Melbuk VC hnuaiah an thehlut lui a ni, an ti a. Hei hi an theh lut a nih chuan Melbuk mipuite chuan a tul ang angin, dan hmangin hma kan la zel dawn, an ti a. Hemi chungchang hi Court ah kalpui mek a ni, an ti bawk.

HAWLA & RII TROPHY TAN TA :

    Nimin chawhma lam khan Chhangphut Field ah Hawla & Rii Football Tournament chu MLA TT Zothansanga`n khuallian niin a hawng.
    He Tournament hawnna hun IC Hranglura, Sr. Vice President CDFA kaihhruaiah hian Khuallian TT Zothansanga chuan thu sawiin tunlai khawvelah chuan Infiamna hi Indona pakhat a ni tawh a, chuvan chuan Champhai Thalaite hian Mizorama Champhai hming kan tih that theihnan theihtawp kan chhuah a tul a ni, a ti.
    Khuallian chuan CDFA hnenah Football NIVEA a pe a, hei bakah hian Tv. Ramnunsanga, Zotlang Mizoram Premiere League Champion Dinthar FC Captain leh MPL Trophy chawi hmasabertu chuan oath Taking a neih tir bawk.
    Nimin inkhelah Tlangsam VC chuan 5-0 a Vengthar hnehin, Vengsang VC chuan Chhungte VC chu 3-1 in an hneh a; inkhel hnuhnung berah Venglai VC leh Vengthlang VC te chu 2-2 in an indraw bawk.
    Vawiin hian zing dar 10 atangin inkhel tan a ni ang a, Zotlang VC leh Bethel VC te aninkhel ang a, Dar 11:30 ah Ngur VC leh Mualkawi VC te an inkhel ang, Dar 1 ah Khuangleng VC leh Vapar VC te an inkhel ang a, a hnuhnung berah Kanan VC leh New Champhai VC te an inkhel bawk ang.

VIDEO CONFERENCING :

    Vawiin tlai dar 3 atang hian election Monitoring chungchang sawiho turin Dr. Franklin Laltinkhuma, IAS DEO Aizawl kaihhruaiin Video Conferencing neih a ni dawn a. Champhai atangin Elelction Officer mark Lalthanliana hoin NIC Building, DC Office bulah Election lama hotute he hunah hian an tel dawn. DEO hi Jitender Yadav, IAS Asst. Commissioner chuan a tawiawm ang.

HAWNG DAWN :

    Vawiin chahwma dar 11 hian LAD Minister PC Lalthanliana chuan DC Road kianga LAD Park chu khuallian niin a hawng dawn a, MLA TT Zothansanga chu he hunah hian khual zahawm a ni ang.

PRESS CONFERENCE :

    Vawiin chawhnu dar 1 hian Champhai Press Club ah Ex-Mizo National Army Assn. Gen Hqrs. aiawhte chuan Press Conference an ko.

TUIALHTHEI  DINHMUN :

MIZOFED :
    Petrol : Free Sale (Rs. 69.47)
    Diesel : Free Sale (50.10)
RD PUMP :
    Petrol : Free Sale
    Diesel : Free Sale  


ni 16.7.2013 (thawhlehni)



HAWLA & RII TROPHY VAWIINAH :

    Vawiin chawhma dar 11 hian Champhai District Football Assn. buatsaih a lawmman tamna ber Hawla & Rii Trounament chu TT Zothansanga Champhai North MLA chuan Chhangphut Field ah a hawng dawn.
    Hawnna inkhawm hi IC Sanglura, Sr. Vice President CDFA chuan a kaihruai ang a, Ramnunsanga, Zotlang chaun Oath Taking a neih tir ang.
    Hawla & Rii Football Tournament hi Village Council inelna tur atana buatsaih tur a ni a, Group hran ghrang 4 ah then niin, Group A ah hian Tlangsam, Vengthar, Chhungte, Vengsang leh Ruantlang te awmin Group B ah Venglai, Vengthlang, Ngur, Mualkawi leh Tuipui te an awm bawk. Group C ah Zotlang, Bethel, Khuangleng, Vapar leh Electric Veng te awmin Group D ah Kanan, Khawzawl-V, New Champhai leh Hnahlan te an awm.
    Vawiin hawn zawhah hian Match 3 khelh nghal tur niin match hmasa berah Tlangsam leh Vengthar ten khelin Dar 12:30 ah Vengsang leh Chhungte ten an khel ang a, a hnuhnung berah Venglai VC leh Vengthlang VC te an inkhel dawn a ni.

SAIKHUMPHAI LAMAH :

    Kar hmasa khan Vaphai khaw mi pakhat chu Saikhumphai mi pathumin an sawisa nia sawi vangin boruak duhawm lo a thlen hlauhthawn avangin niminpiah khan Police leh Sipai thahnem tak chuan Saikhumphai lam hi an pan phei niin thu kan dawng. Electoral Roll hearing neih mekah tunkar hian Saikhumphai ah hearing hi neih a ni dawn a, boruak duhawmlo a thlen thulhah police leh sipaite hi an cham tlang dawn niin thu kan dawng.

MINISTER LO THLENG :

    LAD Minister PC Lalthanliana chuan nimin khan Champhai a rawn thleng a, Vawiin chawhma dar 11:00 hian Venglai Community hall ah Ethics Committee buatsaih Rorelna Dik Seminar neih turah khuallian niin a hmanpui dawn a. Naktuk chawhma dar 11 ah LAD Picnic Spot a hawng dawn bawk.

DIRECTOR LOKAL ANG :

    Industry Director Lalbiaktluanga chuan vawiin hian Champhai a rawn thleng dawn a, a cham chhung hian IIDC hmalakna leh Industry Deptt. hmunhma te a enfiah dawn a. Champhai leh a chhehvela Quarry hrang hrang a tlawh bawk ang. Industry Director hi Geology & Mining hotuten an rawn tawiawm ang.

TUIALHTHEI  DINHMUN :

MIZOFED :
    Petrol : Free Sale (Rs. 69.47)
    Diesel : Free Sale (50.10)
RD PUMP :
    Petrol : Free Sale
    Diesel : Free Sale 


ni 13.7.2013 (Inrinni)



WELFARE HO INHMUKHAWM :


    Nimin khan Champhai-Aizawl Maxi Cab Owners Welfare te chuan Tourist Lodge ah General Assembly an hmang.
    Assembly hi Pu F.Lalrintluanga, Chiarman CAMS chuan a kaihhruai a, he hun hmanpuitu Pu Chawimawia, Addl SP Champhai chuan thu sawiin, Maxi cab hi public carrier a nih avangin mipui rawngbawlna pawimawh tak a ni a, a bikin driver te nungchang leh khawsak dan te, an thil tih hian mipuiin maxi cab an hmuh dan a innghat thui hle a ni, a ti a, Aizawl leh Champhai inkarah sumo 117 service a awm chu lawmawm a tih thu sawiin, sorkarin mi pakhat pawh hna pek a harsat tawh laia hna nei lova awm tur mi 117 te hna neia maxi cab in a siam hi a lawmawm hle a ni a ti. Maxi cab neitu kalkhawmte chu driver thlan kawngah fimkhur tura chahin driver hi a neitu aiawha ding an ni a, driver that leh that loh hian maxi cab-a sumdawnna leh dan leh hrai zawmna thlengin a hril thui hle a ni, a ti a, an kal zelna turah duhsakna a hlan bawk a ni. He hunah hian Champhai-Aizawl Maxi Cab Owners Welfare secretary te hnen atangin report ngaihthlak a ni bawk a. Vawiin General Assembly ah hian rorel nghal niin stand chungchang an sawi a, Stand ah hian Aizawla sorkar in alo pek tawh sa bawngkawn a Night Bus dinna chu August thla atanga hman tan nise an ti a, hei bakah hian Champhaia Maxi Cab counter pawh August atangin DC Complex hluiah insawn ni tawh se an ti bawk a ni. Vawiin assembly Rorel ah hian Welfare membera inlakluh chungchang ngaihtuah ni bawkin member ni duh ten welfare Commt ah dilna siam nise an ti a, seniority chungchangah Group A leh B a inthen in kar khat te tea intlanchhawk nise an ti bawk ani. Hei bakah hian MJA te kaihhruaina in tlai lamah hruaitu thar an thlang bawk.
    Chairman        :    F. lalrintlaunga (F. Malsawm)
    Vice Chairman    :    Vanlalruata (J&M)
    Secretary        :    Lalengliana (Rem Rem)
    Asst. Secretary    :    Laldampuia (LR Zote)
    Treasurer        :    K. Zonunsanga (Lungen)
    Fin. Secretary        :    Vanlala (TC Lala)

RAN ENKAWL :

    Nimin khan AH&Vety Dept chuan Zokhawthar ah Free Animal Health Camp an nei. He hunah hian AH&Vety Dept a thawkte DVO Pu H. Laltlanmawia hovin an kal a, he hunah hian ran 160 chuang an en a, ui, vawk, ar leh bawng te en niin he hunah hian a damdawi leh vitamin te a thlawnin an sem a ni

CDFA THU :

    Nimin chawhnu khan Champhai District Football Association Executive Committee chu DSYO training hall-ah an thukhawm.He hun Pu C.Hualrikhuma, President CDFA kaihhruaiah hian Hawla & Rii Running trophy hawnna programme ngaihtuah a ni a. He tournament hi Thawhlehni dar 10:30 ah Chhangphut Field-ah hawn nise an ti a, khuallian atan Pu TT Zothansanga, Champhai North MLA chu beisei niin programme kimchang an duang nghal bawk a ni. Hawla & Rii Running trophy ah hian team 19 an tel dawn a. Champhai town area pawn atangin Hnahlan, Khawzawl leh Khuangleng te chu tel turin hming an pe lut tawh a ni. Hei bakah hian CDFA in Grassroot football training a kalpui mek khar hun ngaihtuah a ni bawk a, Grassroot football hi Thawhtanni zing dar 6:30 ah khian tum a ni a, CDFA chuan zirlaite bakah nu leh pate tel theuh turin an sawm a ni. Vawiin thutkhawmah hian CDFA executive committee member te an tel tha hle.

 ZOKHAWTHAR TLAWH :

    Nimin khan Pu Lalkhama IAS (rtd) State Planning Board Vice Chairman chuan Zokhawthar a tlawh.    He hunah hian Zokhawthar VC aiawhte nen inkawm hona hun an hmang a, NLUP chungchang sawiin 2nd Phase 1st Inst sem a nih tawh hnuah hmabak la awmte pawh sem thuai a nih tur thu sawiin sorkar ngaichang rih phawt turin a chah a, Pu Lalkhama hian nimin khan Rih Dil a tlawh nghal bawk ani

ZNP THU :

    Nimin khan Pu Danny L.Luaia te in, Electric vengah ZNP chuan an president Pu Lalduhawma hovin party workers training an nei a. He hunah hian ZNP president chuan party worker te fuih tharna a neih bakah an kalzelna tura thil pawimawh hrang hrang te, party inrelbawlnaa hriat tur leh hmalak zel dan tur te inhrilhhriatna an nei a, tlaiah chawhlui an kilho nghal a ni.

TUIALHTHEI  DINHMUN :

MIZOFED :
    Petrol : Free Sale (Rs. 67.72)
    Diesel : Free Sale (50.10)
RD PUMP : (Vawiin Chawhnu dar 2:30 atangin chhungkaw thilah an khar dawn)
    Petrol : Free Sale
    Diesel : Free Sale 




ni 12.7.2013 (zirtawpni)



PLANNING BOARD VICE CHAIRMAN HOIN MEETING NEI :

    Nimin khan Champhai DC COnference Hall ah State Planning Board Vice Chariman Lalkhama`n Champhai District chhunga sawrkar Department hotute kawmin District hmasawnna ruhrel hrang hrangte a sawipui.
    Lalkhama chuan Champhai District chu India hmar chhak tawp Myanmar ramri dep a awm a nih vangin ram inrelbawlna kawng a hmasawnna hrang hrangah District danga awmte eia tanla zual tura fuihin sawrkar laipui hmalakna ‘Look East Policy’ kalpui kawngah entawn tlaka mahni hna rinawm tak leh taima taka thawk tura a ngen bakah hmasawnna sum hailut tura ruahmanna tha neih a tul rualin leilung luahtu mipui a lununga tam in awmzia a neih thu a sawi bawk.
    He inkawmhona ah hian Champha District chhunga hmasawnna ruhrel lian tham deuhte tarlan a niin koritu zawk leh chak zawka hmalak a nih theih nan Champhai District Development Committee emaw District High Power Committee din ngei tul an tih thu leh State sawrkar pawhin hmasawnna siam tham sum ruahman tura an duh thu sawilan a ni a Lalkhama pawhin theih ang tawka lo bawhzui a inhuam thu a sawi.
    Champhai District chhunga hmasawnna ruhrel lian tham deuh tarlan zingah Champhai zawl Sesih tlang a Helipad siam leh Kelkang Ram, Lungdup tlanga Airport siam te, Champhai a Cold Storage tangkai zawka hma dan turte, Old DC Complex a Auditorium sak turte, Keilungliah lui khuah te, Tlangsama Aieng siamna hmunpui ruahman te, Indo-Myanma Border Trade tihpuitlin thuai an duh thu te, Inbiakpawhna BSNL Service khawpkhawm tawk lohna ti phuisui tur te, inkalpawhna kawngpui, a bikin Seling to Zokhawthar via Champhai Double Lane Highway laih thuai a nih theihna tura te, Zokhawthar to Falam leh Zokhawthar to Tidim Double Lane Highway laih a nih thuai theina tura chak zawka hmalak an duh thu he meeting ah hian tarlan a ni bawk.

INTHLANG DAWN :

    Tukin zing dar 10:30 atang hian Champhai ti Aizawl Maxi-Cab Owners Welfare Comt. chuan Champhai Tourist Lodge ah Gen Assembly an nei dawn a, Addl. SP Chawimawia chu khuallian a ni ang. Chawhnu lamah MJA Champhai District kaihhruaina hnuaiah kum 2013-2014 chhunga an pawl hruaitu tu r an thlang nghal ang.

HEALTH CAMP :

    Vawiin hian AH&Vety Dept. Champhai chuan Zokhawtharah Free Animal Health Camp a buatsaih dawn a. hetah hian a thlawnin ran chi hrang hrang an en ang a, a thlawnin damdawi an sem dawn a, vaccine pawh pek tura ruahman ani bawk.

ZIRLAI TITHA :

    MZU in BA Result a tihchhuah takah khan Govt. Champhai College zirlai C. Lalhruaitluanga BA Hons (Geog.) chu 1st Division ah passed in Mizoram pumah 7-na a ni a, amah hi tun tuma MPSC Combine Exam ah khan inziak tlingin Main Exam a hmachhawn dawn bawk.

TUIALHTHEI  DINHMUN :

MIZOFED :
    Petrol : Free Sale (Rs. 67.72)
    Diesel : Free Sale (50.10)

RD PUMP :
    Petrol : Free Sale
    Diesel : Free Sale 


ni 11.7.2013 (ningani)



TANG TLANCHHUAK MAN :

    Nimi zing khan Burma ram chhung Lianhna kawngah tunkar Thawhtanni a Aizawl Excise & Narcotics Lock Up-a Heroin hawng 8 vanga man, tlanchhuak Laldenga Khenthang kum 47 chu Zokhawthar POlice te chuan manin nimin khan Aizawl lama phurhthlak turin Khawzawl ah inhlanchhawn a ni. Laldenga Khenthang hian fa 3 neiin tun hma pawhin damdawi a lo tawlh tawh thin niin an sawi.

THISEN PE :

    Nimin khan Tuipui Branch YMA te chuan a mamawh apang hman atan thisen Unit 23 an pe. Tuipui Branch YMA hian YMA Day denchhen a pe an ni a, YMA Day a pekna hun remchang a awm loh avanga pe an nih thu an sawi. Nimin khan thisen Unit 23 pek niin thisen petute hi mipa 20 leh hmeichhia 3 an ni a. Champhai District Hospital a thawk ten Tuipui Community Hall ah kalchilh in thisen te hi an laksak a ni. Tuipui Branch YMA hnuaia Vanapa Section bultumin nikum Dec. ni 29 khan thisen unit 25 an lo pe tawh bawk.

PLANNING HOTU LOKAL :

    Nimin tlai khan Vice Chairman Mizoram State Planning Board Lalkhama, IAS (Rtd) chuan Champhai a lo thleng. A kaihhruaina hnuaiah hian tukin zing dar 10 hian DC COnference Hall ah meeting neih a ni ang a, naktuk zing dar 10 ah Zokhawthar ah NLUP Meeting Zokhawthar VC te nen an nei leh ang.

TUALTHATTU A PUH LEH RUANG MYANMAR SIPAI KUTAH HLAN :

    Tun thla July ni 7 Pathianni tlai khan Tuangzaliang, Vanzau, Myanmar ami chuan a thianpa Thawngneihthang chu chetea vit hlumin nizan hmasa khan a ruang hi Champhai rawn thlenpui a ni.
    Thu dawn danin tunkar thawhlehni khan Burma ram chhung Vanzau atangin Khuangphah khua ah zualko kalin, zualko hian Burma ram chhung Vanzau leh Khuailui inkar kawngah ruang an hmuh thu rawn sawiin he ruang an hmuh hi Thawngneihthang, Lehpanchhawng Burma khua thingzaia inhlawh a ni a, Pu Khenliana, Khuangphah thing zaia inhlawh a ni a. Zualko hian he ruang hi khuai zuk hlum nia rawn sawiin PU Khenliana hian YMA punin ruang la turin YMA Member te an kal nghal a, ruang an hmuh chuan zialko sawi khuai zuk a nih hmel loh avangin a ruang hi enfiah nghal a ni a.
    He ruang ah hian chemte a vihna hnuhma ni awm tak hmuh a nih avangin Thawngneihthanga thianpa, a thingzai pui Tuangzaling chu rinhleh niin thu zawhfiah a ni a, a tirah chuan tang viau mahse Tuangzaling hi a inpuang ta a. Thawngneih thang hian a thah dan sawiin, Pathianni tlai khan Burma ram chhung Vanzau ah zu kan in a, zanah Thawngneihthang nen hian kan thinzaina hmun ram hnuai lam panin kan haw thla a, kal kawngah inhnial buaiin ama chemte pai chuan ka vit ta a ni, a ti. Tuangzaling hian a zak hmun hnihah vitin a vih hnu hian Vanzau ah riak turin a haw leh ta niin thu dawn a ni.
    Nizan hmasa khan Mitthi ruang leh a thattu a puh hi Khuangphah YMA chuan Champhai rawn thlenpuiin Police Station a buaipui ngaite buaipui a nih hnuah nimi nkhan Myanmar Sipai hnenah hlanchhawn a ni.

TUIALHTHEI  DINHMUN :

MIZOFED :
    Petrol : Free Sale (Rs. 67.72)
    Diesel : Free Sale (50.10)

RD PUMP :
    Petrol : Free Sale
    Diesel : Free Sale 


ni 10.7.2013 (nilaini)



CHAMPHAI-AH AIDS DO NAN NUAI 2.5 :

    Nimin khan District AIDS Prevention and Control Committee chu an chairman Lalthangpuia Sailo IAS, Champhai DC hoin DC Conference Hall ah an thukhawm. He hunah hian Dr. R. Zonunmawii DPM DAPCU chuan Camphai District AIDS dinhmun, an hmalak da leh a darh zel tur venna kawnga a buaipuitute hmalak dan leh a darh zel tur venna kawnga a buaipuitut hmalak dan report a pe a. Aizawl bakah Champhai hi AIDS lamah ‘A’ group lama awm a nih thu te, January 2012 atanga 2013 May thla thlenga thisen an test zingah kum 14 hnuailam, Kum 15-24 inkar, kum 25-34 inkar leh kum 35-49 inkara mipa leh hmeichhia HIV positive an hmuhchhuah zat a tarlang.
    Hemi hnu hian Zuiliani Hrahsel DD IEC MSACS chuan Multimedia  Campaign in a tum ber chu thalai kum 15-34 inkarah HIV/AIDS a hluar em em a, hengte hi engtin nge kan ven ang a, engtin nge AIDS hlaur zel hi hma kan lak ang tih hi a ni a ti. Champhai ah kum 2011-2012 chhung khan HIV Positive kai zawng zawng zingah mipat hmeichhiatna avangin 50% ten kaiin damdawi ti thin kai hi 48.8% an ni, a ti a. Talaite tui zawng tak hmanga HIV/SIDA Awareness neih hi a tum pakhat a nih thu a sawi.
    Multimedia Campaign na atan hian Rs. 2,50,000/- Champhai District ah hmuh a nih thute tarlan a ni bawk.

MSU TEN FIR THEHLUT :

    Mizo Students` Union (MSU) Champhai District Hqrs. chuan Saikhumphai bawk naupangten zirna an chhunzawm theihna tura hmalakna daltute man chhuak tura ngenin nimin khan Champhai Police Station ah FIR an thehlut.

FAMCHANG :

    J. Lalchhandama (lum 37) SDO, P&E Dept. S. Khawbunga post mek, kahrawt Veng chu Pathianni Zanlai dar 12 khan Thawhah vangin S. Khawbungah a boral a, a ruang hi nimin khan Kahrawt Veng thlanmualah vuiliam a ni. Amah hi SDO hna a chelh hma hian MJA Champhai District Member niin, MJA ten an chhawr tangkai leh member a nih laia member tangkai tak thin a ni.

GRAPE  FESTIVAL :

    Thla thar August ni 22 leh 23 khian IIDC, Zote ah Horticulture Department  buatsaihin Grape Festival neih a ni leh dawn. Hemi chungchangah hian Zirtawpni khan Aizawl ah meeting neih niin Champhai SDHO PU C. Lalremsiama pawh a tel a ni. He Grape Festival hi Grape lam ngawr ngawr ni lovin Horticulture Fair ang deuha kalpuiin ropui taka neih a ni dawn a, thlai thar dang pawh zawrh tel a nih bakah Horticulture Dept. chuan leitha leh huan enkawlna hmanraw hrang hrangte subsidies rate in an zuar dawn a ni.

STATE AWARD :

    Govt. Champhai High School zirtirtu zinga mi Pu HT Vanlalsawma chuan State Award for Teacher 2013 a dawn dawn. Hetihlai hian Champhai High School atanga Zirtirtu kalchhuak ta Pu C. Hualrikhuma pawhin National Award for teacher 2013 a dawng dawn bawk.

SIKUL KHAR DAWN :

    Hmuncheng khawtlang hruaitte chuan an khaw M/S a Hindi Teacher hun rei tak atanga an neih tawh loh avanga sawrkar leh dept. lama an ngenna in awmzia a neih loh avangin vawiin atang hian an khaw MS hi an khar dawn niin thu kan dawng.

TUIALHTHEI  DINHMUN :

MIZOFED :
    Petrol : Free Sale (Rs. 67.72)
    Diesel : Free Sale (50.10)

RD PUMP :
    Petrol : Free Sale
    Diesel : Free Sale


ni 8.7.2013 (thawhtanni)



MISSIONARY  THLAH :

    Baptist Kohhran chuan Missionary Zodinmawii d/o C. Lianngenga thlahna hun chu nimin Chawhma khan Bethany Kohhran Biak Inah, Champhai Pastor Bial huapin an hmang. Pathian Biak inkhawm hi Upa F. Lalawia, Bial Chairman in a kaihhruai a, Bialtu Pastor B. Rothangpuia`n thuchah sawiin, Bial Zaipawl te an zai bawk. Nl Zodinmawii hian  Elim English School, Tripura ah zirtirtu hna a thawk dawn a ni.

LEIMIN VANGIN HARSATNA TAWK :

    Buang khaw panna kawng Khuangleng thlen hma, Khawbung Road peng atanga KM 1 leh a chanve velah leimin avangin Buang khua chu tlawh pawh theih lohin a awm mek. Helai hmun hi Buang khawtlangin tum 2/3 zet hnatlanga an thenfai hnuah tunah hian a min belh leh avangin  he khua hian ei leh bar an lakluhna kawngah pawh ahrsatna an tawk mek a, thuneitu lam ten ngaihtuahpui rang thei se an duh tih thu kan dawng.

FLORISTS’ ASSN. HRUAITUTE :

    Inrinni chawhma khan Champhai District Florists` Assn. chaun I&PR Auditorium CHANEM Building ah Members Meeting leh hruaitu thlanna hun an hmang a. Heng a hnuaia mite hi an thlanchhuahte an ni :
    Vanlalsangi, Kahrawt; C. Darthangpuii, Vengthlang; Lalthlamuani, Vengsang; Saihmingthangi Colney, Electric Veng; Eli Rothangpuii, Kahrawt; PC Lalhmachhuani, Bethel te an ni.

TUIALHTHEI  DINHMUN :

MIZOFED :
    Petrol : Free Sale (Rs. 67.72)
    Diesel : Free Sale (50.10)

RD PUMP :
    Petrol : Free Sale
    Diesel : Free Sale 


ni 6.7.2013 (inrinni)



AWMPUI  PHEI  BLACKTOP TAN DAWN :

    Vawiin atangin Awmpui Phei chu PWD ten Blacktop hna an thawk dawn ta. PWD EE hmalakna avanga Champhai ina kan la neih ngailoh Hot Mix Plan kan nei thar chu lawmawm an tih thu kan palaiin a sawi. PWD EE C. Lalkima chuan Champhai tan theihtawp a chhuah zel tur thu a sawi a. Hmasawnna tur tam tak ala awm tih sawiin TFC hnuaiah Khawbung leh Tuipui inkar bakah Khawbung atanga Mualkawi inkar pawh approve mai turin chhawp mek a ni, a ti a. Sept. thla ral hma hi chuan thawh theih a beisei thu a sawi. Awmpui phei kawng siam hna pawh chak taka thawh mek zel niin Road Roller hmanga rah rual a ni a. PWD chuan vawiin atang hian Alkatra luan an tum a, hei vang hian Awmpui Phei kawng pawh hnathawh hunlai zing dar 10 atanga hnathawktute ban hma khar tum a ni a, hnathawktuten chak leh tha zawka hna an thawh theih nan mipui ten thupek zawm hram turin PWD chuan mipuite a ngen a ni.

OBSERVER HOIN MEETING NEIH A NI :

    Nimin chawhma dar 10:30 khan R. Lalvena, Champhai District Election Observer hoin Electoral Roll Special Summary Revision chungchangah meeting neih a ni. He meeting DC Office Chamber a neih ah hian mi dik tak chauh Electoral Roll a thun an nih theih nan hmalak nise, an ti a. Political Party ten hearing an neih thinte sawiin meeting chuan AERO hoa thutlukna lo siam turin a ti a. Hei bakah hian POlling Station ven uluk zual ngai bik chungchang sawiho a ni a, a tlangpuiin Hnahlan tlangdung leh Farkawn tlangdung te hi uluk lehzuala venhimna kalpui leh dik taka thil tih a nih theih nan luk lehzual a ngai, an ti. Hemi hnu hian R. Lalvena chaun DCSO Office tlawhin an hnathawh dante a enpui a, tukin zing dar 7 hian Aizawl panin a chhuk leh ang.

ni 5.7.2013 (zirtawpni)



CHAMPHAI  THALAI TE CHE THA :

    MPSC in nilaini a Mizoram Civil Service (MCS) Preliminary Exam Result a tihchhuah ah Champhai atangin B. Lalzarliana s/o BS Kailiana, Vengthlang; H. Lalzirliana s/o Vankunga, Kahrawt; Laldawngliana Guite s/o Suiliana, Venglai; Lalhmingmuani d/o BS Kailiana, Vengthlang; Lalhruaitluangi d/o K. Vanlalhmuaka, Bethel; Lalrinpuia Ralte s/o RL Rohlira, Venglai leh Lalrinsiama s/o Vanlalvena, Vengsang te chuan Preliminary an paltlang a, Main an hmachhawn leh dawn a ni. Duhsakna kan hlan e.

OBSERVER LOKAL :

    Nimin tlai khan R. Lalvena, Electoral Roll Observer chuan Champhai lo thlengin James Lalnunmawia, SDO Sadar; DCSO leh a Staff ten Circuit House ah an lohmuak a. Hemi hnu hian BDO Office leh DRDA Office te tlawh nghalin tukin zing dar 10:30 hian DC Office Chamber ah electoral Roll Special Summary Revision chungchanga Meeting ama ho hian neih a ni ang a, Inrinni zing dar 7 ah Aizawl lam panin a chhuk leh dawn a ni.

TRAINING NEI :

    Nimin khan Fisheries Dept. chuan Farkawn ah RKVY Scheme hnuaiah Training an buatsaih. Nimin khan Theory Training neih niin member 70 an tel thei a, vawiinah Pi Lallianveli Dilah Practical Training neih leh a ni ang.

TUIALHTHEI  DINHMUN :

MIZOFED :
    Petrol : Free Sale (Rs. 67.72)
    Diesel : Free Sale (50.10)

RD PUMP :
    Petrol : Free Sale
    Diesel : Free Sale  


ni 4.7.2013 (ningani)



CHAMPHAI DISTRICT AH NAUPANG SCHOOL KAL LO 448 LA AWM :

    Champhai North Bialtu MLA TT Zothansanga chuan ‘tuna zirlaite hmang hian nakina kan ram dinhmun tur kan duang mek a ni’ a ti. He thu hi nimina SSA Mission Champhai District in Middle School 77 te hnena Computer Aided Teaching a hman tur Computer set a semnaa a sawi a ni a. He hun Lalhminghlua, Dy. DPC, SSA kaihhruaiin TT Zothansanga, MLA chu kuallian a ni.
    He hunah hian SSA DPC Laldinglana pawhin thusawiin, Champhai District ah naupang 448 School kal lo an la awm a, heng naupangte kalkim tir tur hian chak taka hma lak mek a ni, a ti a. Heng COmputer an sem hmangte hian naupangin an zielai awlsam leh zangkhai zawkin an zir thei tawh ang a, an thiamloh te Computer hmangin an ti zung zung thei tawh dawn a ni a ti.
    Nimin Computer semna hunah hian School 77 atangin School 75 aiawhte an kal thei a, Champhai Block ah School 25; Khawzawl Block ah 12; Khawbung Block ah 28 leh Ngopa Block ah School 14 te tan Computer Set, Laptop, Monitor Inches 32 leh IKVA UPS te pek an ni.

NLUP SEM ZEL :

    Nimin chawhma dar 10:30 khan AH&Vety Dept. chuan Zaingen Hall, Khawzawlah NLUP 2nd Phase 1st Installment an sem.

CKTP HRUAITUTE :

    Inrinni khian Central KTP hruaitu te Leader Rev. Lalrinmawia, Exe Secy Rev. Lalzuithanga, Asst. Leader Dr. Samuel Vanlalthlanga leh Gen. Secy Upa Zonunmawia te Khawzawlin nakuma KTP General Conference a thlen tur chungchangah hmalakna kal mek en leh a tul ang ang bawhzuia hmalak a nih theih nan Khawzawl an tlawh dawn.
    Karleh Thawhtanni khian Organising Committee leh Sub-Committee hrang hrangte leh bialtu Minister Lalrinliana Sailo, Champhai DC leh Khawzawl SDO leh EE zawng zawngte nen Zaingen Branch YMA Hall ah zing dar 10:30 ah Meeting an nei dawn bawk niin thu kan dawng.

OBSERVER THAR :

    E/Roll ennawn chhoh mekah Election Commission of India thupek angin Observer ruat a ni a, Champhai District tan R. Lalvena, IAS, Secretary, RD, FCS&CA, Sports etc chu ruat a ni a. Tunkar Zirtawpni zing dar 10:30 khian DC Office chamber ah Observer hian E/Roll chungchangah meeting a neihpui ang. E/Roll chungchangah zawhfiah duh tan Phone No. 9436960360 ah biak pawh theih a ni ang.

DAMDAWI HMANSUAL CHUNGCHANG :

    Nimin chawhnu dar 1 khan MSU Champhai Hqrs. leh MSD & RD te tangkawp chuan Govt. Champhai High School ah Drug Abuse Awareness Campaign an hun an hmang.

 TUIALHTHEI  DINHMUN :

MIZOFED :
    Petrol : Free Sale (Rs. 67.72)
    Diesel : Free Sale (49.67)

RD PUMP :
    Petrol : Free Sale
    Diesel : Free Sale 

ni 3.7.2013 (nilaini)



CHAMPHAI-AH REMNA NI HMANG :

    Nimin chawhma khan Venglai Community Hall ah MNF North Block I leh South Block buatsaihin Remna Ni vawi 27 na chu hman a ni. He hun HS Lalfakzuala President North Block I kaihhruaiah thusawiin khuallian Ex MP Vanlalzawma chuan vawiina remna kan neih hi Pathianmalsawmna a ni a. Pasaltha ramriakte kha thlangau in ram  chhan a ngaih thu a aupui an hriat vanga an hna leh an chhungte kalsanin theihtawpin ram tan an bei kha a ni a.
    Vanlalzawma bakah hian lalchhandama Ralte, Ex MLA, MNYF Gen. Secretary leh Biakthansanga Hqrs. Executive Member ten thu an sawi bawk.

KHEHPUAM MAN :

    Champhai Exise staff-te chuan nimin tlai dar 2:00 vel khan pseudoephedrine mum 2,20,000 an man a,a neitua puh sub-inspectors of police, Champhai CID a post mek Lalbiakmawii(40) d/o R Liamawia leh motor khalhtu CID (SP) a constable Robert Z Tochhawng s/o Sangzuala,Champhai Vengsang ve ve an man.Pseudoephedrine hi local market ah chuan cheng nuai 16.5 man vel a ni.
    Champhai Excise hnen atanga thudawn danin,maruti 800 hmangin damdawi hi Aizawl atanga Champhai pana phurh chhoh a ni a,Champhai daiah Lalbiakmawii te hian gypsy hmangin an lo la chhawng a ni.Champhai dai atanga an haw lam chu Excise-te chuan an check gate-ah lo endikin an man ta a ni.

TRADE  EXPO :

    Nimin khan North East International Trade Expo chu champhai DC Lalthangpuia Sailo, IAS chuan a hawng. Hawnna inkhawm David Thangluaia, NGO Coordination Committee kaihhruai ah hian thusawiin khuallian chuan hetianga hun danglam leh ropui kan tawng chu lawmawm a ti thu a sawi a, hmasawnna ropui tak kan neihna hmanrua ni thei se a duh thu a sawi bawk. He Expo hi Champhai Town hall-ah tun thla ni 13 thleng neih a ni ang a, Stall 23 siamin thi lchi hrang hrang engemaw zat pho chhuah a ni a, a man pangngai aia tlawmin hralhchhuah niin thu dawn a ni.

LIRTHEI CHESUAL :

    Nimin zing dar 9:30 vel khan Nikang hmunah Silchar atanga leichi (Urea) phur Truck chesualin, Handyman Habil Hussain Laskar kum 18 Silchar a boral.
    Champhai POlice hotute sawi danin Liethei chesual ta hian kawng chhak lama tpper lungphur ding a helna lamah kawng thlang lam leiin a sawl zawh loh vangin he leichi phur truck hi kawng thlangah feet 200 vel a lum a, lirthei a chuang handyman Habil Hussain Laskar leh Lirthei khalhtu chu District Hospital ah dahluh an niin, Habil Hussain Laskar hi Hospital thlenpui a nih hnuah a hliam tuar lovin a boral a. Lirthei khalhtu hi a ngalruh a tliak a, hmunpui lama enkawl zui tura tih a nih angin nimin chawhnu khan handyman ruang nen hian Silchar lamah phurh thlak nghal an ni.

COMPUTER SEM :

    Vawiin chawhm dar 11 hian SSA Champhai District chuan Venglai Community Hall ah Champhai District chhunga MS 77 hnenah computer Aided Teaching atan Computer an sem dawn a, he hun hi TT Zothansanga MLA in a hmanpui ang.

ZIRLAI ZIN DAWN :

    MZP Hqrs. Champhai Vice President Remnalalnghaka leh Govt. Champhai College SU  Gen. Secy. H. Lalramhluna te chu College zirtirtu indaih lohna chungchang buaipui turin vawiin hian Aizawl an pan dawn.

TUIALHTHEI  DINHMUN :

MIZOFED :
    Petrol : Free Sale (Rs. 67.72)
    Diesel : Free Sale (49.67)

RD PUMP :
    Petrol : Free Sale
    Diesel : Free Sale  


NI 2.7.2013 (thawhlehni)



NE  EXPO :

    Nimin atang khan North East International Trade Expo chu Champhai Town hall ah neih tan a ni.
    He Expo hian tun thla ni 13 thleng a awh ang a, he hunah hian India ram thilsiam mai bakah Thailang, Egypt, Bangladesh leh Nepal atang te in an thil siamchhuah an rawn zuar dawn a, nimin khan dawr thenkhat chu hawn niin, a tam zawk erawh an la hawnglo thung a, vawiin chawhnu dar 1 hian Champhai Town Hall ah a hawnna hun hman a ni ang a, Champhai DC Lalthangpuia Sailo IAS chu khuallian niin he Expo hi a hawng ang.

DIET TRAINING :

    DIET Champhai chuan vawiin atanga tunkar ningani thleng khian MS zirtirtu te tan Question Setting chungchangah Workshop an buatsaih dawn a. He hunah hian Champhai Circle hnuaia School 36 atangin language leh SS Zirtitu 72 tel tura beisei an ni.

VETY DEPT. TEN NLUP SEM  :

    Nimin chawhma khan Venglai Community Hall ah AH&Vety Dept. hnuaia NLUP dawngtute hnenah 2nd Pahse 1st Installment chu sem a ni.

 TUIALHTHEI  DINHMUN :

MIZOFED :
    Petrol : Free Sale (Rs. 67.72)
    Diesel : Free Sale (49.66)

RD PUMP :
    Petrol : Free Sale
    Diesel : Free Sale 


ni 1.7.2013 (thawhtanni)



DOCTOR NI PUALIN THISEN PE :

    Inrinni chawhma khan Indian Medical Association (AMA) Mizoram State branch Champhai District te chuan Doctors` Day pualin hun an hmang.
    He ni pual hian Champhai Doctor te hian CMO Dr. C. Zirliana kaihhruaiin inkhawm tawi an nei a, he ni pual hian a mamawh apianga te hman turin Thisen an pe a  ni. Thisen petute hi Mipa 3 Dr. Lalramchhuanga, Dr. Vanlalhlua leh Dr. KT-a te an ni a.
    Vawiin lamah Duty a zinbo an ngaih dawn avangin Champhai Doctor te hian Inrinni hian Thisen hi an pe ta a ni.

CHAMUL HOTUTEN CHAMUL TLAWH :

    Inrinni khan CHAMUL Board of Directors thlan thar te chuan Champhai Bawnghnute sawngbawlna hmun an tlawh.
    He hunah hian hnathawktute nene inkawmhona hun an hmang a, hemi rual hian Champhai mipuiten bawnghnute tha zawk an ei theih dan tur leh khawl chhe lai thawm that dan tur te an sawiho nghal a. Hei bakah CHAMUL hruaitute hian bawnghnute chauh nilo bawnghnute atanga thil siamchhuah dangte pawh hralhchhuah theiha siam an tum mek a. Hemi atana khawl mamawh belhte lo ngaihtuahpui turin TT Zothansanga, MLA pawh an ngen a. MLA pawhin theihtawp a chhuahpui tur thu sawiin ruahmanna te a lo siampui avangin CHAMUL hruaitute an lawm hle tih thu kan dawng.

JAPAN-AH KAL :

    Dr. C. Laldawngliana, Asst. Professor, Govt. Champhai College chu tun thla Jumy ni 5-8 chhunga Asia Pacific Conference on Sustainable Energy and Environmental Technology (APCSEET) Tokyo, Japan a neih turah paper present turin kar kalta khan Champhai chhuahsan in Tokyo panin a liam chho tih thu kan dawng.

EX-MP LOKAL ANG :

    Naktuka Champhai a MNF North leh South Block ten a huhoa Remna Ni puala hun an hman tur rawn hmanpui turin Ex-MP Lalzawmliana leh MNF Gen. Hqrs. a hruaitute chu vawiin hian Champhai an rawn thleng dawn a. Zanin hian Circuit House ah MNF Party mi leh sa te nen hun an hmangho dawn bawk.

ZAWLZAWNG LEHKHABU :

    Govt. Champhai College a Associate Professor C. Lalsiamthanga siam lehkhabu ‘Zawlzawng’ tih thu Beulah Book Store Awmpui pheiah Rs. 70 a lei theih a ni ta.

TUIALHTHEI  DINHMUN :

MIZOFED :
    Petrol : Free Sale (Rs. 67.72)
    Diesel : Free Sale (49.66)

RD PUMP :
    Petrol : Free Sale
    Diesel : Free Sale


ni 28.6.2013 (zirtawpni)



SECRETARY LOKAL :

    Nimin khan Principal Secretary PC Lallawmsanga, IPS, Industry, Trade & Commerce leh DM&R changtu chuan Champhai a rawn thleng a, nimin tlai khan DC Office ah Champhai DC leh Official te nen inkawmna neiin vawiin hian Zokhawthar-a Border Trade leh Land Custom Station hmun te, Melbuk a Border Trade Township te a tlawh hnuah Inrinni hian Aizawl lamah a kir leh ang.

CHAMPHAI HSS SPORTS ZO FEL :

    Nimin khan Champhai Higher Secondary School Sports Closong Function neih niin K. Lalrintluanga School Education Jt. Drector chu khuallian a ni.

ZDU IN NGEN :

    ZDU Sub-Hqrs. Champhai chuan Kanan Venga ZDU Run an sakna a tha, sum leh pai thawhtute chungah lawmthu an sawi a. ZDU Member te Sawrkar phal loh zu leh ruihhlo phur lo turin an ngen a, a phur lui chu an Dan Bu Article 23-na tlawhchhanin an chungah Action lak zel a ni ang, an ti.

OFFICER SIKSAWI :

    Mizoram Sawrkar chuan Transfer & POsting runpui a khawih mek a, Champhai district a Officer an siksawi te.
    R. Vanlalsawta, Asst. CEO SDO(C) Khawzawl with Addl. Charge of BDO Khawzawl
    C. Lalsangluaia SDO(C)/BDO, Khawzawl - Deputy Director, DM&R
    Mark Lalthanliana BDO, Champhai - Election Officer, Champhai
    Rolungmuana BDO, Ngopa - SDC Aizawl
    Zoremthanga Ralte SDC, Aizawl - BDO Champhai
    Lalnunmawii SDC, Champhai - BDO, Tlangnuam

TUIALHTHEI  DINHMUN :

MIZOFED :
    Petrol : Free Sale (Rs. 65.43)
    Diesel : Free Sale (49.66)

RD PUMP :
    Petrol : Free Sale
    Diesel : Free Sale  


ni 27.6.2013 (ningani)



RUIHHLO MAN :

    Nimin chhun dar 12:45 vel khan Vaihmun ah Champhai Excise & Narcotics Dept. te chuan Heroin Gram 28 an man.
    Heng ruihhlo hi C. Laltlanthangi, Kum 28 Zaithanpuia fanu Zokhawthar ni a insawi kut atana man a ni a, Siampuii hnena pek tur niin a sawi. C. Laltlanthangi hian Siampuii hnenah Rs. 5000 hlawha pe tura an tirh a nih thu a sawi a, nimin khan Champhai Excise & Narcotics Dept. te hian an lo man ta a ni. Heng damdawite hi Local Market ah hawng khat Rs. 70,000 man vel a ni a, nimina man te hi hawng hnih niin Rs. 1,40,000 man vel nia chhut a ni.

SITE  VISIT :

    Minor Irrigation Dept. chuan vawiin chhun dar 12:30 hian Vawngzawl ah Site Visit an neih dawn. He huna hian Vawngzawla Water Users Assn. te nen hun an hmang ang a, an tui lakdan te leh an hnathawh dan chi hrang hrangte a hmunah a enho dawn a, sawihona hun te an hmang dawn bawk.

WORKSHOP  NEI :

    Nimin chhun dar 12 khan Champhai Hospital ah Hospital Staff te tana buatsaih Sensitization/Workshop of Hospital Staff of Standard Work Precaution and Pep Drugs chu neih a ni.
    He hunah hian Dr. J. Lalramchhuanga, Nodal Officer ART Centre leh Dr. Lawrence Lalramenga Ralte, medical Officer ART Centre ten Zirtirna an pe a, Champhai District Hospital Staff te, Staff Nurse leh IV Grade bakah DM Hospital Staff Nurse leh IV Grade te he Workshop ah hian an kal a, he huna kal ten hlawkthlak an ti hle.

BLO TRAINING :

    Electoral Roll lo awm leh tur atan BLO Training koh a ni a, Champhai South Assembly Bial chhunga BLO te tan vawiin chawhma dar 11 atang hian I&PR Conference hall, CHANEM Building ah neih a ni ang a. Champhai South Bial huam chhunga BLO te tan naktuk chawhma dar 11 atangin a hmun ngaiah neih zui leh a ni ang.

KAWNG ZAWH :

    Nimin chawhma dar 10:30 atanga tanin International Day Against Drug Abuse & Illicit Trafficking kawngzawh chu Champhai khaw chhungah neih a ni a. He hunah hian Govt. GM HS, Govt. Champhai High School leh Govt. R. Hranga HS naupangte kawnzawh tur hian an thawkchhuaka. Dar 10:30 ah Kahrawt Field ah tan in R. Vanlalhruaia, DPR, MSD&RD chuan kaihruaiin Lalthlamuana OC Excise & Narcotics chuan thu a sawi a. Hemi hnu hian kawngzawh tan niin Darthangvunga Traffic Point ah VL Chama Hnamte Secy. Sub-Hqrs. YMA chuan thu a sawi bawk. Kawng zawh hi Bethel Kawnah kharna hun hmangin Lalchhuanawma, M&E DAPCU chuan thusawiin he hun hi khar a ni.

TUIALHTHEI  DINHMUN :

MIZOFED :
    Petrol : Free Sale (Rs. 65.43)
    Diesel : Free Sale (49.66)

RD PUMP :
    Petrol : Free Sale
    Diesel : Free Sale 


ni 26.6.2013 (nilaini)



CHAMPHAI KHAWPUI HMASAWNNA TUR NGAIHTUAH :

    Champhai North Bialtu MLA TT Zothansanga chuan ‘Kan ram leh hnam, kan tu leh fate tan hmingchhiat pawh kan huam tur a ni; a ti. He thu hi nimin a I&PR Conference Hall CHANEM Building a Champhai Town Planning & Development Committee thukhawma a sawi a ni. He hunah hian MLA chuan tuna mi te hian hmathlir kan neih that a ngai a, kan khua a lo nawm leh zualna tur chuan vawiina a hruaitute hian kan ram hnam, kan tu leh fate tan pawha hun laia mi sawichhiat pawh kan ngam tur a ni, a ti. Kan ram thatna turin mipuite hian kan thil tawn leh kan thil relte kan sawizui peih tawk lo a ni, a ti a. Kan khaw kar kawng zauh chungchangah te, border trade chungchangah te, mimal anga min rawn dawr hi an awm mang lo a; pawl leh sawrkar kuta dah mailo hian mimal tinte hian pawimawhna kan nei a ni, a ti.
    Nimina Champhai Town Palnning & Depvelopment Committee ah hian Champhai Master Plan buatsaih mek chu sawihoin AIzawl lam atanga lokal ten an Map ken hmuh a harsat deuh avangin AUgust thla chhunga ngaihtuah leh turin thu an dah a. Meeting chuan hotute Aizawl a an hawnthlak hunah Champhai Master plan hrialhfiahna leh a map te a bu in rawn siam se, rawn thawnchhoin chiang zawk a zirchian turin rawn buatsaih se, an ti a. Chumi atang chuan rawt duh leh rawtna kan neihte pawh rawt nise, August thla ah ngaihtuah leh nise, an ti a ni.
    UD&PA Dept. ten a rang lamin lo zirchiang se, August thla meeting leh huna ngaihtuah turin chhawpchhuah nise an ti bawk. He bakah hian Champhai Town Planning & Development Committee chuan Aizawl Development Authority te tih ang hian kan In sak dan leh kawngpui kan zauh dan chungchangah te pawh hmalak nise, an ti a. Hemi lo zirchiang hmasa tur hian PWD EE, DLAO, DUDO, NGO Coordination Comt. atangin David Thangluaia, Champhai Thalai Pawl atangin Samuel VL Muanpuia leh Sub-Hqrs. YMA Champhai atangin Lalhnunpuia te a ruat a, Meeting lehah rawtna rawn nei se, an ti bawk.
    Nimin meeting ah hian Aizawl atangin member Secretary Ralthuama, Deputy Director leh Zaithanmawia te lokalin, Member, Department hrang hrang aiawhte bakah mi sawm bikte an kal tha hle.

NCC TEN  CHARGE INHLAN FEL :

    Nimin chawhnu khan Govt. Champhai COllege NCC te chaun Senior Under Officer Charge inhlanna hun an hmang.
    He hun Prof. Lalthanpuia, Care Taker Officer kaihhruai ah hian thusawiin Principal Prof. Lalnunmawia chuan eng kawngah pawh thlawhtlinna tak tak nei thei tur chuan discipline kan ngai pawimawh tur a ni, a ti a. Govt. Champhai College NCC te puih an ngaihna hun apianga puih a inhuam thu a sawi. He hunah hian Care Taker Officer lo ni tawh Prof. Lalhmingzama pawhin thu a sawi bawk. Nimin charge inhlan hunah hian Senior Under Officer R. Vanlalvena chuan Ramngaihzuala hnenah charge a hlan a, H. Lalramhluna Under Officer in NCC Scope that zia sawiin camp chhuak te hnenah Certificate hlan nghal a ni bawk.

POWER TILLER :

    Champhai DAO Office ah Mini Power Tiller Subsidy hmu tur list en theih a ni a, a hmutu ten Delivery Order la in bawhzui nghal tur a ni tih thu kan dawng.

NLUP SEM ZEL :

    AH&Vety Dept. in NLUP an sem mekah vawiin hian Vaphai Community Hall ah Beneficiary 126 te hnenah NLUP 2nd phase 1st Installment an sem chhunzawm leh dawn. Vawiina an sum sem tur hi Rs. 19,50,000 a ni. Tarlan tawh angin nimin khan Khawbung Community Hall ah NLUP sum hi an lo sem tawh a, nimin khan Khuangleng Community Hall ah lo sem tawh bawkin he hunah hian Khuangleng Vety Doctor thar chuan a hmangpui.

TUIALHTHEI  DINHMUN :

MIZOFED :
    Petrol : Free Sale (Rs. 65.43)
    Diesel : Free Sale (49.66)

RD PUMP :
    Petrol : Free Sale
    Diesel : Free Sale 


ni 21.6.2013 (zirtawpni)



DISTRICT SPORTS COMMITTEE SECRETARY BANG :

    Nimin chhun dar 12 khan Champhai District Sports Comt. chu an Chairman Lalthangpuia Sailo, IAS hovin a Office Chamber ah an thukhawm.
    He thutkhawmah hian an Office Bearer zing a mi Secretary Pu K. Hrangdawla an a taksa lam harsatna avanga a hna a chelh chhunzawm theih dawn loh avanga lehkha a thehlh chu an ngaihtuah ho a. A phat ang hian pawm nise an tih bakah vawiin chawhnu dar 2 hian Sports Executive Committee neih nise, hehunah hian Secretary hi thlan ni bawk se an ti. Nimin meeting ah hian Champhai District Sports Committee OB leh Adviser te bakah Mizoram State Sports Council atangin Joint Secretary John Kima chuan a telpui.

NATIONAL  AWARD FOR TEACHERS DAWNG DAWN :

    Kum 2013 National Award for Teachers dawng turin C. Hualrikhuma Dy. DPC, RMSA chu Mizoram atanga tlan a ni.
    National Award for Teachers dawng tur hian Mizoram atangin kumtin mi 2 thlan thin an ni a, tun tumah hian Mizoram chhung atangin C. Hualrikhuma bakah F. Lalramliani, Headmistress, Dawrpui Mode Priamry School chu thlan a ni bawk a. He Award hi Sept ni 5 khian New Delhi a Vigyan Bhavan ah India ram President in a hlan dawn a ni. He Award hian pawisa Rs. 25000 bakah certificate leh Silver Medal a kengtel a ni. C. Hualrikhuama hian kum 1997 a sem tan State Award pawh kum 2001 khan lo dawng tawhin unaua hetiang dawng thei awmchhun an la ni a, a u C. Hualchhunga hian Kum 1999 khan State Award hi a lo dawng tawh bawk a ni. National Award hi Mizoram atangin mi 63 in an dawng tawh a, C. Hualrikhuama hi Champhai atanga National Award dawng thei 2-na a ni bawk.

SDO SAWN :

    PHED SDO Champhai Martin Lalrinsanga chu Aizawla awm tura sawn a ni a, a hna zawm turin nimin khan Aizawl a pan.

CAMPAIGN NEI ANG :

    Vawiin chawhnu dar 1 hian Govt. GMHSS ah Mizo Students Union Dist. Hqrs. Champai leh MSD & RD tangkawp ten Higher Secondary leh High School hrang hranga Drug Abuse Awareness Campaign neih tur chu Lalnunmawia Principal Govt. Champhai College chu khuallian niin a hawng ang.

RUIHHLO AN MAN :

    Nizan hmasa dar 10 vel khan Excise & Narcotics te chuan Zokhawthar Sumo atangin Zemabawk Forest Check Gate ah lo check in Lalhunvela (32) s/o Zairema (L) Champhai Venglaia awm nia insawi hnen atangin Heroin Gram 2 an man. BDPS Act 1985 hnuaiah thubaui an siamsak.

TUIALHTHEI  DINHMUN :

MIZOFED :
    Petrol : Free Sale (Rs. 65.43)
    Diesel : Free Sale (49.66)

RD PUMP :
    Petrol : Free Sale
    Diesel : Free Sale  


ni 20.6.2013 (ningani)



POLICE TE TEL LO CHUAN CHECK LOH TUR :

    Nimin chawhnu khan DC Office Chamber ah dan leh thupek kengkawhtu Deptt. hrang hrang ten Security chungchang an kalpui dan thlirho a ni.
    He hunah hian Champhai District Maxican Oweners Assn. te pawh telin tun thla tira Aizawl leh Champhai Sumo Service a 14 Assam Rifles ten M-16 silai mu 35 an man chungchang ngaihtuah a ni a. Maxi Cab Driver te chuan Assam RIfle ten an thil man leh check danah thil felhlel tam tak awma an hriat thu tarlang in, tun hma deuha an thil man dan report te leh an mi man ngeite sawi dan te an tarlang a. An zin nikhua a Assam Rifles ten an duhna hmun hmuna an lo check thin leh an thil man dan te chhuichian tlakloh tam tak a awm thu sawiin thil rinhleh check emaw man tur emaw an neih chuan Police Pakhat tal hruai tel thin se an duh thu an sawi a, tawng lama harsatna nei an nih deuh vek avangin Assam RIfle ten an l ocheck nikhua ah harsatna an tawk thin tih an sawi a. Rambuai kan nilo chnga khaw kar kawnga an lo check tawp tawp thin leh an thil phurhte dimdawi sak awm lova an tihchhiat sak thin thu an sawi bawk a ni.
    He meeting ah hian Assam RIfles aiawha kal chuan hetianga checking an neih dawn apiangin POlice an hruai tawh tur thu leh an duh ang tihlawhtling tura theihtawp a chhuah tur thu a sawi bawk.
    He hunah hian Security chungchang a mawhphurtu Dept. hrang hrangte an tel tha hle.

RUIHHLO CHUNGCHANG MEETING NEI :

    Nimin chawhnu khan DC Conference hall ah Lalthangpuia Sailo, IAS Champhai DC ni bawk hovin International Day Against Drug Abuse And Illicit Trafficking chungchang meeting neih a ni.
    He meeting ah hian Mizoram hmun dangte anga International Day Against Drug Abuse And Illicit Trafficking June ni 26 a hman dan tur rel a ni a. He hunah hian High School naupang sawmin Kahrawt Field atanga Bethel kawn thleng kawngzawh nise an tih bakah, Drug Abuse leh Trafficking chungchang te sawi nise, an ti a. Thusawi tur hian Excise & Narcotics Supt. , Sub-Hqrs. YMA Secy. bakah DAPCU aiawh te ruat an ni bawk a ni. Kawngzawhna ah hian ruihhlo hmansual leh a ruka ruihhlo tawlh chungchang duhlohna thuziak ken ni bawk se, an ti a. Ministry lam atanga fund engmah hmuh a ni hloh avangin nimin khan Dept. hrang hrang te tum tur ruahman nghal a ni. Hei bakah hian Chanchinbu hrang hrangah he lam hawi thuziak tura Editor te ngen ni bawk se an ti bakah Cable TV ah talk show buatsaih ni  bawk se an ti.

FIRE DEPTT. PHONE NUMBER :

    Champhai Fire & Emergency Services Landline Telephone chu a that loh  avangin kangmei chhuak chungchangah anmhani be duhte tan Ph. No. 9862859946 baka 9862614610 ah biak awh theih an ni ang.

TLANGZARH DAWN :

    Naktuk chawhnu dar 1 hian Champhai North MLA TT Zothansanga chuan DRDA Meeting  Hall Keifangtlang ah DRDA lehkhabu siam Rural Development Department hmasawnna lamtluang tihchu a tlangzarh dawn.
    He hunah hian khuallian bakah Lalthangpuia Sailo IAS Champhai DC leh Larry Lalbiaktluanga, Account Officer DRDA ten thu an sawi bakah zaithiam zai ngaihthlak a n ibawk  ang.

LEHKHA PEK TUM TAWH LO:

    Tunkar thawhlehni a Electric Veng VC huaihawta YMA, Welfare leh Kohhran hrang hrang Joint Meeting chuan an veng huamchhunga ruihhlo do kalpui dan an thlirlet bakah kalpui zel dan tur an relho a. Tuna an kalpui dan aia khauh zawka kalpui nise, an tih bakah a tawp thlenga thlawp an inhuam thu an sawi a. Thla thar July atangin khauh  zawka ruihhlo do hi kalpui nise an ti a. Ruihhlo avanga man tawk ten VC leh YMA a lehkha an lak thin chu pek tawh loh nise an ti bawk.

FOOTBALL INELNA :

    CDFA chuan Champhai Dist. huamchhunga VC tin te inelna tur hawla & Rii Trophy chu July ni 16 atang khian an buatsaih dawn a, June ni 25 atanga July ni 25 chhung hian Player Registration tih hun a hawng bawk.

 TUIALHTHEI  DINHMUN :

MIZOFED :
    Petrol : Free Sale (Rs. 65.43)
    Diesel : Free Sale (49.66)

RD PUMP :
    Petrol : Free Sale
    Diesel : Free Sale  


ni 19.6.2013 (nilaini)



WINERY TILIAN :

    Champhai Winery Tlangsam a mi chu tihlen tuma hmalak chhoh mek zel a ni.
    Champhai WInery tihlen nan hian APEDA New Delhi ah DPR Rs. nuai 159 thehluh a ni a, tunah hian nuai 50 hmuh tawh niin chak taka hmalak mek a ni a, Rs. nuai 109 hi nuai 50 atanga an hna an zawh hnuah verification te tih a ni ang a, hemi hnu hian hmuh leh tum a ni. TUnah hian building sak mek niin he building hi a dung ft. 82 leh avang ft. 24 a sak a ni a, he building ah hian Godown tha tak siam tum a ni bawk. Tarlan tawh angin Champhai Winery  ah hian Grape hmanga siam Wine bakah Sapthei, Apple leh sawhthing hmanga Wine siam chhuah tum a ni bawk a, sapthei hi litres 220 lei tawh niin tunah hian an um mek.

YMA IN REL DAWN :

    Sub-Hqrs. YMA, Champhai chuan Mualzen a cheng mek chungkaw 6 te chu zu zuar a eizawng an nih avangin tunkar chhunga an chenna in chhuahsan turin a ngen a. Hemi chungchanga hmalak zui dan tur chu tunkar Zirtawpni hian Executive Committee in a rel dawn niin thu dawn a ni.

KAWNG  SIAM :

    Nimin khan Zoram Drivers` Union, Tlangsam Unit member te chuan New CHamphai leh Tlangsam inkar kawng chhe lutuk siamtha in an hnatlang Tlangsam ZDU hian PWD atanga lung an hmu thei a nih chuan kawng siamthat hna thawh hi zawh vek an duh a, mahse tunlai khaw awmdan leh buh phun lai nen hnatlang koh zui zel dan tur erawh an chiang thei rih lo a ni. Kawng siam that hnatlangah hian mi 80 bawr vel thawk chhuakin MUP Tlangsam Unit chuan hnatlangte ei leh in tur an siam sak a, lung petu PWD chungah an lawm hle a, nikumah pawh hetiang tho hian hnatlang an lo nei tawh a ni.

TUIALHTHEI  DINHMUN :

MIZOFED :
    Petrol : Free Sale (Rs. 65.43)
    Diesel : Free Sale (49.66)

RD PUMP :
    Petrol : Free Sale
    Diesel : Free Sale 


ni 18.6.2013 (thawhlehni)



MUALZEN ATANGA IN SAWN CHHUAK TURIN TI:

    Nimin zing khan Sub-Hqrs. YMA Champhai te chuan Mualzen ah zu an vai a, zu fu n 80 bawr vel leh zu dahna thawl 12 an man bakah zu bilhlai pakhat an tichhia, hei bakah hian helaia chengte chu tunkar Zirtawpni hma a he hmun chhuahsan turin leh an In te lo thiat turin an hriattir nghal a, an chhuahsanlo a nih chuan hei aia nasa zawka an chet tawh tur thu leh an tan pawha pawi zawka tur thu an hrilh nghal niin thu kan dawng. Helai hmuna hian In 6 awmin a thente hi burma mi niin, nimin zing khan Sub-Hqrs. YMA chuan helai hmuna zu in avanga chhiatna thlen nasat tawh dan te sawiin, helai hmun hi thiah vek an duh thu an sawi a. He hmun hi awmlo se chuan tun ai hian helai kawnga chhiatna hi a tam zawk chu pumpelh theih an rin thu an sawi bawk. Nimin zinga thawkchhuakte hi Chhungte YMA, VC leh Sub-Hqrs. YMA OB leh Kumpuan Sub-Comt. te an n tih thu kan dawng.

PEOPLE`S ASSEMBLY :

    PRISM Hqrs. in a lo rel tawh angin nizan khan Venglai Community hall ah People`s Assembly neih tan a ni ta. he hunah hian Aizawl atanga rawn kal PRISM hruaitute chuan sawrkar kalphunga fel lo, siamthat ngai laite mipui hnenah tarlangin party tinte chu an manifesto ang ti hlawhtling ngei tura ngen an tum bawk. Mipui lam atanga zawhna leh chhanna bakah rawtna hrang hrangte ngaihthlak a ni a, PRISM hruaitute hian khaw hrang hrangah kalin mipui ngaihdan hi an lakhawm zel ang a, mipui duhdan anga kal an tum ani. Nizana zawhna leh chhanna hunah chuan Tiau Balu chungchang zawhna a lut a, mipuiten zalen taka lak theih a nih tawh thu Champhai PRISM hruaitute chuan an sawi. PRISM Hqrs. atang hian an President Pu Vanlalruat hovin OB an rawn kal kim thei a, PRISM hruaitute hi hmun hnihah inthenin Hnahlan tlandung. Khawbung tlangdung leh Biate tlangdung an fang ang a, Champhai District-ah khaw 50 vel lai an fang kual dawn a ni.

LITERATURE WEEK :

    Vengthlang Branch KTP chuan kar hmasa Thawhtan zan atanga an hman Literature Week chu nizan khan Vengthlang Presbyterian Kohhran Biak In, Centenary Hall ah kharna hun an hmang. Literature Week chhung hian thu leh hla lama hmasawn theihna tr intihsiakna hrang hrang neih a ni mai bakah hemi pual hian Synod Bookroom a an lehkhabu zawrh te 10% a discount a ni bawk.

PETROL MAN :

    June 15 zanlai atanga a India ram pumah Petrol man Rs. 2 a tihsan a ni avangin Champhai ah chuan Petrol man hi Rs. 65.43 a ni ta.

  TUIALHTHEI  DINHMUN :

MIZOFED :
    Petrol : Free Sale (Rs. 65.43)
    Diesel : Free Sale (49.66)

RD PUMP :
    Petrol : Free Sale
    Diesel : Free Sale

 


ni 17.6.2013 (thawhtanni)



YMA DAY HMAN DAN :

Sub-Hqrs. YMA Champhai :
    Inrinni chawhnu khan Sub-Hqrs. YMA Champhai chuan YMA Day denchhenin Champhai District Jail ah thilpek an hlan.
    Hlanna inkhawm PC Zohlira, President kaihhruai ah hian thusawiin Zamkhawnanga, Vice President chuan Jail tangte chu insit mai lova, an hun tawnin a zir loh vanga he hmuna awm mai an nih thu hrereng turin a chah a.
    Sub Hqrs. YMA hian Volleyball leh a nei bakah pawisa fai thahnem tak an hlan. Hei bakah hian hian Sub-Hqrs. YMA chuan YMA Day denchhen hian Champhai District Hospital a damlo awmte ei tur chawhmeh an siam sak a. He hunah hian Hospital a damlo leh thawktu zawng zawngte ei turin chawhmeh tuihnai tak an siam sak a, Inrinni tlai khan hlan nghal niin, Hospital a awmte leh thawktute an lawm hle tih thu kan dawng.

VENGTHLANG BRANCH :
    Vengthlang Branch YMA chuan Hospital Poor Fund atang pawisa fai an hlan.

ZOTLANG BRANCH :
    Inrinni khan Zotlang YMA leh VC te tangkawp chuan Hmeithai Pi Rochhingi In an sak sak.
    Pi Rochhingi hi hmeithai amah chauha awm a ni a, a in a chhiat tawh em avangin VC leh YMA te chuan pawisa thawhkhawmin a chenna In tur a chun rangva, a bang tile leh a chhuat thingphel, a dung ft. 24 leh avang ft. 15 in an sak sak a. Pi Rochhingi hian mirethei te in sak tanpuina rangva Champhai South Bialtu MLA JH Rothuama sem chu a dawng ve a, hei nakah hian NLUP hnuaiah Ar vulh pawh a dawng dawn niin an sawi.

KAHRAWT BRANCH :

    Kahrawt branch chuan YMA chhangte tan intihhlimna hun Kahrawt Field ah an hmang a, he hunah hian Kahrawt Branch YMA President R. Laldika chhuan thu sawiin YMA chhang mai bakah rawn tawiawmtu nu leh pa lokalte chungah lawmthu a sawi a. Hen bakah hian naupangte eiin leina tur YMA Member te leh New Horizon te chungah lawmthu a sawi bawk.
    YMA Day lawmna ah hian naupang 200 chuang te hnam lam chi hrang hrang leh items dang hmangin an inel a, tlaiah ruai an kilho nghal a. Hetih lai hian YMA Mmber te vengchhung thianfaiin hnatlang an nei bawk a. Zanlamah Lengkhawm zai hmanga intihsiakna an neih bakah kumpuan pualin hun hman a ni bawk.

MUAL VENG BRANCH :

    Ruantlang Mualveng Branch chuan YMA Dai pual hian an Veng hall tur ban an phun.
    Rualtlang Mualveng Branch ah hian member 200 chuang an awm a, VC leh hmundanga atanga hamthatna kal engmah an dawn ve ngai loh avangin anmahni in an vengchhung hmasawnna hi an ngaihtuah thin a, tun tuma an Hall sakna tur hi Section tinah Budget Rs. 5000 theuh intukin hemi hmang hian hall hi sak an tum niin thu sawn a ni.

VANIS TIFAIIN CDBA LEH CDBBA HNATLANG :

    Inrinni khan CDBA leh CDBBA te tangkawp chuan Vanlallawma Indoor Stadium tifaiin an hnatlang.
    He hunah hian Player leh member te hnatlanga thawk chhuak an thahnem hle a, he hmun hi a chung ber atangin tifaiin Hall pumpui hi an thianfai a. North East  a Indoor Stadium tha berte zing a mi VANIS hi enkawltu mumal siam a la nih loh avangin a balin a tawp hle a, hei bakah hian tleirawl hawklak lutru an awm thin nia hriat a ni a, thuneituten enkawltu mumal tak siam thuai sen an duh thu an sawi bakah lutru awm tawhlo se an duh thu leh lutru man an nih chuan na taka hrem an nih tur chuan sawi a bawk.

TUIALHTHEI  DINHMUN :

Mizofed :
    Petrol        : Free Sale
    Diesel        : Free Sale

RD Pump
    Petrol        : Free Sale
    Diesel        : Free Sale


ni 15.6.2013 (inrinni)



CHAMPHAI-A THISEN PE TAMTE LAWMMAN HLAN :

    Nimin chun dar 12:30 khan Association for Blood Donation (AVBD) te chuan Kahrawt YMA Hall ah World Blood Donors` Day pualin hun an hmang a, a thlawna thisen pe tamte hnenahchawimawina leh lawmman an hlan.
    He hunah hian C. Zaihmingthanga, AVBD Secretary chuan report pe in Champhai District Hospital Blood bank ah kum 2011 chhung khan thisen uni 204 pek a ni a, kum 2012 ah unit 226 pek niin kan hmasawnna ah lawmawm a tih thu a sawi a. Champhai Hospital ah hian pawl ho angin Vengthlang Branch YMA chuan thisen Unit 43 pein an pe tam ber a. Zotlang Branch YMA in Unit 39 leh Bethel Branch YMA in Unit 38 an pe. Mimal ah chuan Pu Lalchuangkima, Bethel chuan pe tam berin Unit 40 a e a, heng bakah chawimawina an pek  te :
    Lalmuanziva, Zotlang Unit 20
    PC Vanlalruata, Kahrawt Unit 20
    Lalsangpuia Fanai Unit 21
    F. Zomuankima, Venglai Unit 21
    H. Lalramsanga, Vengthlang Unit 22
    H. Lalramchullova, Electric Veng Unit 20 petu te hnenah chawimawina citation leh pawisa fai an hlan bakah thisen pe upa ber Pu C. Chawngthansanga, Kahrawt Kum 58 hnenah chawimawna hlan a ni bawk.

HOME SECRETARY LOKAL :

    Nimin chawhma dar 11 khan Home Secretary (Designate) Anila Goswami IAS chuan Champhai a rawn tlawh.
    Anil Goswami IAS hi Helicopter in dar 11:30 khan Champhai a rawn thleng a, Helipad ah hian Champhai DC Lalthangpuia Sailo, IAS leh Brajesh Kumar Superintendent of Police ten an lo hmuak a, hemi hnu hian inkhawmhona hun hman niin chaw chhun an kilho nghal bawk a ni. Anil Goswami hian Champhai leh a chhehvel boruak a rawn zirchian hnuahchawhnu lam khan Aizawl panin a thlawk haw lehnghal a, ama rawn tawiawm hian Gav Reddy AR Secretary Commander a rawn kal tel bawk.

TRAINING ZO FEL :

    Nimin khan ni 2 chhung awh Champhai Dist. VC te tana buatsaih Participatory Planning: Role of Village Council tih chu khar a ni.
    He training ah hian Champhai RD Block huam chhunga VC 22 atangin mi 38 ten training an nei a, thupui hrang hrang an zir ho.

CDFA THUKHAWM :

    Nimin chawhnu khan DSYO Office ah CDFA Executive Comt. hmasa ber neih a ni.
    He meeting hi C. hualrikhuma, President CDFA chuan kaihruaiin hawla & Rii Trophy khleh hun tur leh khelh dan tur chungchang an ngaihtuah a, Inter Village inelna atan hman nise an tih bakah 1-na Rs. 70,000 leh 2-na Rs. 30,000 pek nise an ti a. hei bakah hian kum 2013-15 player registration chungchang pawh sawiin Registration Board kutah an dah a, tul leh tha an tih angin hma lo la se an ti.

 TUIALHTHEI  DINHMUN :

MIZOFED :
    Petrol : Free Sale (Rs. 63.03)
    Diesel : Free Sale (49.66)

RD PUMP :
    Petrol : Free Sale
    Diesel : Free Sale


ni 14.6.2013 (zirtawpni)



GRAPE CHINGTU TANGRUAL TEN WINERY TICHANGTLUNG CHHO ZEL :

    Nimin chawhma dar 11 atang khan Vengsang YMA Hall ah Champhai Grape Growers Society te chuan General Body Meeting an hmang.
    He hun B. Remmawia Chairman Champhai Grape Growers SOciety kaihhruaiah hian C. Lalremsiama, SDHO, Nodal Officer ni bawk leh T. Lalhmingthanga Superintendent of Excise & Narcotics te chuan thu an sawi a. Hemi hnu hian rorel niin rorel zingahhian Society By Law ennawn chungchang te, Winery Workers te hnathawh hun chhung elh Society Member Grape zawng zawng lak nise, member nilo te Grape erawh laksak ni tawh lo rawh se, tih thu lut chu Executive Comt. kutah dah niin anni hian lo bawhzui se, an ti a. Heng bakah hian Grape chingtute tan Grape enkawlna tur lei tha hi Society Account hi kum khatah vawi 2 tal audit thin ni rawh se tih te chu Floor atangin an passed nghal bawk.
    He meeting a tarlan a nih dan chu CHamphai Grape Growers Society ah hian Branch 18 awmin member hi an vaiin mi 313 an ni a, nikum chhung khan winery ah hian Grape Quintal 1218 an lei a, heta tan hian Zawlaidi Case 8721 leh Zo Wine Case 4317 an hralhchhuak tawh a, tunah hian wine siamsa, la hralhchhuahloh lotres 61,120 an la nei mek a ni. Champhai Grape Growers Society hian June ni 1 khan Society Office cum Wine Shop chu Pu R. Laldawla Building, Vengthlang ah an hawng a, heta tang hian Zo Wone hralhchhuah thin a ni bawk a. Tunah hian winery ah hian regular staff 4, muster roll 11 leh wine seller 1 an awm mek a ni. Champhai Grapes Society hian an wine siamte chak zawka hrlah a nih theih nan sawrkar ah free sale vendor an dil a, an dil ang hian sawrkarin vendor awmlohna khuaah wine hralhtu dah a remti a, tunah hian khaw 32 ah free sale vendor neiin vendor pangngai hi 26 an awm mek bawk.
    Tunah hian Champhai WInery atang hian Wine, Sapthei rim nam siam tuma hmalak mek a ni a, hemi atan hian Chhingchhip atangin sapthei tui litre 220 an lei tawh a, chak takin hma an la mek a ni. Champhai Winery hi tihchangtlun a nih theih nan APEDAD Delhi ah DPR Rs. nuai 159 siam a theh luh tawh a ni a, heta tang hian nuai 50 hmuh niin hemi hmang hian winery hi tihchangtlun mek a ni a, tunah hian Rs. nuai 109 hmuh leh beisei mek niin, heibakah hian ABARD hnuai atangin SFAC loan hmuh tuma hma lak mek a ni tih he hunah hian tarlang a ni bawk.

THISEN PE :

    Nimin khan Leithum Branch YMA te chuan YMA Day, 2013 pualin Champhai Hospital ah a mamawh apiang tan thisen Unit 39 an pe.
    Thisen pek hmaainkhawm tawi buatsaihah thusawiin Leithum Branch YMA Presidet H. Lalhmingliana chuan thisen pek hi Mizo ten kan tihtur dik tak a ni, a ti a. Thisen pek hi a Kristian a, thianchhan thih ngam Mizo ten kan tihtur dik tak a ni a, vawi khat pek a duhtawk mai lovain vawi tam tak a mamawh te tan thisen pe thei turin keimahni pawh kan inbuatsaih tur a ni, a ti. Nimina thisen pete hi mipa 34 leh hmeichhia 5 an ni.

NLUP TRAINING :

    NLUP hnuaia pangang khawi thlangtute tan ATMA bultumin tukin zing dar 10 atang hian Govt. Mulberry Seed Farm, Champhai Dinthar Vengah Training neih a n idawn a, NLUP hnuaiah pangang khawi thlangtu 1st leh 2nd phase beneficiaries te kim taka kal turin an ngen a. TA/DA pek an ni ang.

POWER TILLER SUBSIDY :

    Champhai District Agriculture Office atanga thu kan dawn danin Agriculture Office ah Power Tiller Subsidy hmu tur list a en theih a, a hmututen Delivery Report la in bawhzui nghal turin an ngen bawk.

OSD LOKAL DAWN :

    Sawrkar Laipuia Ministry of Home Affairs-a OSD ni mek nakin maia Home Secretary hna chelh tur Anil Goswami chu zankhat riakin vawiin hian Mizoram rawn thlengin dar 11:30 hian Champhai Helicopter in a rawn pan ang a, DC leh SP bakah DIG 23 Sector Assam Rifles te kawmin chhung dar 1 ah Aizawl panin helicopter bawkin a chhuk thla leh ang. Pu Goswami hian helicopter bawkin Zokhawthar a tlawh nghal rin a ni.

TUIALHTHEI  DINHMUN :

MIZOFED :
    Petrol : Free Sale (Rs. 63.03)
    Diesel : Free Sale (49.66)

RD PUMP :
    Petrol : Free Sale
    Diesel : Free Sale

 


ni 13.6.2013 (Ningani) :

   

CHAMPHAIAH THINPHUN BEIHPUI THLAK :

    Green Mizoram Day Vawi 15-na chu nimin khan Champhai ah hman a ni.
    He ni puala thingphun tur vailiamna hun CHANEM building tualah buatsaih hi Vanlalchuailova, DFO, Member Secretary ni bawk chuan kaihhruaiin he hunahhian thingphun dan te leh a hung dante inhrilhhriat a ni a. Kangmei ven lama Chanchinbu ziak tha Lenrual Daily News Paper hnenah lawmman sum fai hlan a ni bawk.
    He huna khuallian Lalthangpuia Sailo, IAS, Champhai DC chuan thusawiin, thingphun tura kalkhawmte hnenah Champhai District Green Mizoram COmtt. Chairman a nih angin lawmthu a sawi a. Hei bakah hian khuallian chuan thing tangkai zia sawiin, kan nunna hnar pawimawh tak venhim hi kan tihmakmawh ani, a ti a; vawiin hian phun mah ila, a enkawl leh venhim kawnga tan kan lak leh siloh chuan vawiina tha leh zung, sum leh pai kan sen hian awmzia a nei dawn lo a ni, a ti. Tha takin phun ila, a enkawl zui leh a venhim kawngah nasa taka in hma la ila. Tichuan Green Mizoram Day kan hman hian awmzia a nei dawn a ni tiin, kalkhawm School naupangte leh sawrkar office thawktu kalkhawmte chu a chah a ni. Hemi hnu hian thingphuna chhuak turte a vailiam nghal bawk. Sawrkar hnathawk, zirlai leh tlawmngai pawl member te chuan thing hi District Level Comt. in a ruahmanna hmunah an phun a, nimina an thingphun hi a vaiin 673 niin thu dawn a ni.

CHAMUL MEETING :

    Nimin khan Vety Training Hall ah CHAMUL chuan General Body Meeting an nei a, he hunah hian CHAMUL By Law siam that a nih bakah bawnghnute quality tha lehzual neih theihna tura hmalakna tur hrang hrangte an rel a, chawhnu lamah hruaitu thar an thlang nghal bawk.

DISCOUNT  DAWN :

    Champhai Vengthlang Branch KTP ten Literature Week an hman mekah vawiin hian Synod Bookroom chuan an thil zawrhte 10% in a discount dawn a, hei hi Vengthlang KTP te Literature Week pual niin vawiin chiah hi discount a ni ang.

TREASURY  OFFICER :

    Champhai Treasury Officer Pu Chawngliansanga Chawngthu chu Printing & Stationery a awm mek  Pu David Paul Monie nen an post inthlengin Pu David-a hian hun rei loteah Champhai Treasury Officer hna hi zawm thuai tura beisei a ni. Pu David-a hi Champhai Venglai a awm PWD leh PHE a lo thawk tawh thin a ni.

CHHANGPHUT  FIELD PAWM :

    Union Sport Ministry chuan Urban Sports Infrastructure Scheme (USIS) hnuaiah nimin khan Football, Hockey leh Athletics bakah Multipurpose Indoor Hall sakna tur pawm chinte a tarlang a. heng zingah hian Chhangphut Field a Synthetic Turf phah nana sen tur Cheng Vbc 4.50 pawh a tel a ni.

ENG ZEUH ZEUH DAWN :

    Vawiin atanga Inrinni thleng hian P&E Dept.  chuan Saitual leh Champhai inkar, 132 KV Line an charge dawn avangin Power Supply a mumal dawn lo. He hun hmanpui tur leh rawn enpui turin vawiin hian P&E Dept. Engineer-in-Chief CL Thangliana chuan Champhai a rawn tlawh dawn. Champhai chawm tur hian 132 hi hman thar tura buatsaih mek niin, hemi atana inbuatsaina kalpui mek a nih avangin tin ni 2/1 chhung hian kan thimin, kan eng zing hle a; hei hi inbuatsaihna kalpui mek a nih vangin niin, vawiin lam pawh hian Power Supply hi a mumal lo thei niin thu kan dawng.

 


ni 12.6.2013 (nilaini)



FISHERIES TRAINING :

    Nimin khan Champhai District chhunga sangha khawitte tan I&PR CAuditorium ah Fisheries Department chuan RKVY hnuaiah training an buatsaih a, he hunah hian sangha dil siam dan leh sangha note leh sangha enkawl dan hrang hrangte zirtir an ni a, vawiin hian New Champhai ah Pu Biakvela Bil ah practical an neihpui dawn a ni. Hetraining hi Fisheries Office Pu BD Tiagi hovin neih niin sangha khawitu mi 156 an tel thei a ni.

CDBA LEH CDBBA :

    Pathianni khan Champhai District Basminton Association (CDBA) leh Champhai District Basketball Association (CDBBA) chuan Joint Meeting an nei a, hetah hian Badminton khelhna tur (Hava Court), Sport Minister hnenah Jt. Statement siama dil nise an ti a, tunkar Inrinni YMA Day hian Vanlallawma Indoor Stadium tifaiin Association pahnihte hian hnatlan neih nise an ti bawk.

AGRI. IN HMA LA :

    Tunlai hian Agriculture Deptt. chuan buh chi leh hlo tur te an sem chhuak mek a, loneitu nylon pipe mamawhte tan lei tur an nei bawk a, heng uh chi leh hlo tur te hi Khawzawl Sub-Division Office leh Champhai DAO Office ah te lei theih a ni a, Agriculture Deptt. hian kuminah Champhai zawla a hlawk thei ang bera buh thar a nih theih nan hma an la mek a ni.

FARMERS  CLUB :

    Nimin khan NABARD hotute chuan AMFU hnuaia Farmers Club leh a chheh velah hian Farmers Club 10 an awm a, vawiin hian Champhai a an hawn bakah Hnahlan ah an hawn chhunzawm ang. Heng an hawn takte hi NABARD chuan kum 3 chhung an enkawl zui dawn a ni.

GREEN  MIZORAM :

    Vawiin hian Champhai District ah Green Mizoram Day hman a ni dawn a, chawhma dar 10 ah CHANEM tualah Planting Ceremony neih a ni ang. He hunah hian Department zawng awng leh zirna In Govt. Champhai College, GMHSS, GMHS, MHIP, MUP, Green Mizoram Committee member te chu tel vek tura hriattir an ni. CHANEM Complex ah hian thingtiak phun tur pawh lak tur a ni. He hun hian mahni thingphunna tur ruat lawkah theih kal nghal tur a ni .

TUIALHTHEI  DINHMUN :

MIZOFED :
    Petrol : Free Sale (Rs. 63.03)
    Diesel : Free Sale (49.66)

RD PUMP :
    Petrol : Free Sale
    Diesel : Free Sale  


ni 11.6.2013 (thawhlehni)



ASSAM RIFLE LAKAH FIR THEH LUT :

    Nimin chawhnu dar 1 vel khan Tuichang buah Assam RIfles Duty te chuan M-16 m 35 an man.
    Heng silaimute hi Myanmar atanga Aizawla thawn tur, panhnah kara dah nia sawi a ni a Hemi chungchangah hian Champhai - Aizawl Maxi Cab Owners Welfare Committee chuan FIR thehutin Assam Rifles te hian promotion an duh avanga heng hi anmahni dah nia an hriat thu sawiin, a phurtu Sumo hi Assam Rifles te hian an lepse vek hnuah silaimu hi an la hmu lova, mahse an Major-in check nawn leh tura a tih hnuah awlsam takin an hmu chhuak ta a; hei vang hian an dah chawp na a an rin thu Champhai -Aizawl Maxi Cab Owners Welfare Comt. te chuan an sawi a. Assam Rifles te hian thangthat lak tum vanga hetianga che ni a an hriatthu kan palai an hrilh a, hemi chungchang chhui chiang tur hian Champhai Police Station-ah FIR an thehlut ta a ni.

LITERATURE  WEEK :

    Nizan atang khan Vengthlang Branch KTP te chuan Literature Week 2013 an hmang tan a, Week pual hian Synod Bookroom Champhai chuan an thil zawrh te chu ni 13.6.2013 (ningani) hian 10% discount in a hralh chhuak dawn a ni.

TOWER HLAUH AWM :

    Darthlalang Tlanga Aircel Tower chu min hlauhawma a awm avangin a thlanga chengte chu awm ngam lovin tunlai hian zan lamah an riah chhuah phah niin thu kan dawng.

TUIALHTHEI  DINHMUN :

MIZOFED :
    Petrol : Free Sale (Rs. 63.03)
    Diesel : Free Sale (49.66)

RD PUMP :
    Petrol : Free Sale
    Diesel : Free Sale 


ni 10.6.2013 (thawhtanni)



THIL ZUAR SENGHAWI :

    Inrinni khan DC thupekin C. Denga Colony Gate bula thil zuar inpho thinte chu senghawi an ni. Helai hmuna inzuar thinte an License hi renew emaw a thar emaw pek a ni lo a, inzawrh khapna kal lai mek bawhzui hian ADC Pi Rochuangkimi Khenglawt hovin UD&PA, Police bakah Vengthlang leh Electric Branch YMA leh VC te nen endik hna hi kalpui a ni a, helai hmuna inzuarte dawhkan chu UD&PA leh Police Motor a senghawi sak an ni.

CHEQUE TANG TAM :

    Sawrkar sum indaih lohna avangin tunlai hian Champhai Treasury ah cheque tangkhang a tamhle a, ni khata cheque nuai 20 thleng an passed theih thin chu kumin sawrkar kumthar April thla atang khan cheng nuai 5 a tihhniam a ni a, cheque te hi a thih dawn hnaih avangin an passed theih chin hi tihsan a nih thuai an rin thu thuneitute chuan an sawi.

DC ZIN :

    Vawiina NLUP Apex Board Meeting a tel turin DC Pu Lalthangpuia Sailo chuan Inrinni khan Champhai chhuahsanin AIzawl a pan.

PEOPLE`S ASSEMBLY :

    PRISM General Body Meeting in a lo rel tawh ang in People's Assembly - 2013 chu tun thla atang hian Mizoram khaw hrang hrang 50 chuang ah neih a ni dawn a. He programme ti hlawh tling tur hian hma lakna kal pui mek ni in, in puah chah na pawh peih thaw khat a ni tawh. People's Assembly -2013 hi a thawh khat nan Champhai District khaw hrang hrang ah neih tur a rua hman a ni a. A hmasa ber hi June 17, 2013 hian PRISM Hqrs leh Sub-Hqrs Champhai te tang kawp in Venglai Community Hall, Champhai ah neih a ni ang. He programme in a tum ber chu mipui tena sawrkar kal phung leh hma lakna a awareness an neih theih nan a ni. He programme a hlawh tlin theih na tur hian Action Aid International atang in financial assistance pawh hmuh a ni tawh a, khaw 50 chuang ah kal pui theih a nih beisei a ni. People's Assembly - 2013 a lo hlawh tlin theih nan hian mi zawng zawng lo tel turin PRISM Hqrs leh Sub - Hqrs Champhai te chuan a sawm a ni.

TUIALHTHEI  DINHMUN :

MIZOFED :
    Petrol : Free Sale (Rs. 63.03)
    Diesel : Free Sale (49.66)

RD PUMP :
    Petrol : Free Sale
    Diesel : Free Sale


 


ni 3.6.2013 (thawhtanni)



OFFICER LO HAW :

    Meeting pawimawha hun engemawchen Aizawla a cham hnuah Addl. DC Zoengsanga chuan Inrinni khan Champhai a lo thleng leh a, a ni bakah hian Election chungchanga training pawimawha Aizawla zin SDO (S) Election Officer ni bawk James Lalnunmawia leh SDC Lalnunmawii te chu Inrinni khan dam takin Champhai an rawn thleng leh ta.

ROADROLLER THA CHI :

    Zirtawpni khan Road Roller tha chi Vibratory Road Roller pahnih chu Mizoram Sawrkar chuan Champhai PWD te hman turin ape fel ta. Heng Road Roller khawih tur hian Operator turte a hranpaa training pek an ngai a. Champhai PWD Division a Operator pahnihte chu vawiin hian training turin Aizawl an pan dawn a, heng Road Roller te hi tunkar chhung hian Champhai a rawn thlen hman beisei a ni.

CDBBA REGISTRATION :

    Champhai District Basketball Association hnuaia Registration (2013-2014) ti tur tan June thla tawp thleng hun hawn a ni a, Affilation Form hi CDBBA President C. Vanlalnghaka Dawr Carver Plaza ah lam theih a ni. Affilation ti turten team 1 daih Jersey/form show nghal tur a ni ang.

LOCAL CHANNEL TI TAWP DAWN :

Ni 4.6.2012 (Thawhlehni) atang hian Champhai Cable Operator pahnih CCN leh LCN chuan TRAI dan angin Local Channel an pek chhuah thin chu tih tawp an tum ta. He thil thlen chhan chu Champhai Consumer Union nen a an in hmuh thiam loh vang niin kan thudawnna chuan a sawi.  

ni 1.6.2013 (inrinni)



RANGVA SEM :

    Nimin khan Champhai South Bialtu MLA JH Rothuama chuan BDO Office-ah rangva a sem chhuak a, heng rangvate hi tumah hian Rural Housing Scheme hnuaia mi niin Champhai RD Block huamchhunga South Const atangin chhungkaw 50 hnenah rangva bundle 4 zela pek an ni a. JH Rothuama chuan rangva semnaah hian MLA fund, mahni hamthatna atana hman hi thil sual lian tak a nih thu leh Sorkar flag ship programme NLUP-ah 1st & 2nd phase pek fel tawh a ni a, 3rd & 4th phase pawh inthlan hmaa tihfel hman anih tur thu sawi a sawi tel bawk.

WORLD NO TOBACCO DAY :

    Nimin chawhnu dar 1 khan GMHSS ah World No Tobacco day hman ani He hun hi Pu Lalnunmawia chuan kaihruaiin Mizoram state control tobacco leh Champhai Anti Tobacco squad te tangkawpa buatsaih ani ati a, District Education Officer thuchhuak anga school hrang hranga he hun hi hman tura tih a nih anga hmang an nih thu chairman chuan a sawi.
    He hunah hian khuallian Pu Lalthangpuia Sailo IAS, Champhai Deputy Commissioner ni bawk chuan thusawiin, hetiang hun kan hmang thei chu lawmawm a tih thu a sawi a, nunna suattu lian tak, vaihlo hi do a, ti velo turin zirlai te a fuih a, thuawihna a pawimawh tih pawh tarlangin zial zuk thatloh zia an sawi hi zawm a tha tih sawiin kan nunna leh midang te nun theih nan an sawi zawma thuawih turin a fuh bawk ani. DC chuan, kan zial zuk khu avang hian midangten natna thalo tak an nei thei a, mahni tan mai ni lo, midangte te tan pawh thil pawi tak a ni a ti. Vawiina World no Tobacco day kan hmanah ah hian a hmangtu mai nilovin, zu velo tura intiamtu leh kan intiamna tihlawhtlingtu pawimawh tak ni turin zirlaite a fuih bawk a ni.
    He hunah hian Dr.Thangsailova Colney chuan thu sawi bawkin, India rama chuap cancer a thi zawng zawng 90% hi vaihlo vang a ni a ti a. India pumah Champhai hi vaihlo vanga cancer tam lamah top 10 ah kan lang pha ani a ti. Dr.Thangtea chuan, vaihlo hlauhawm zia sawiin vaihlo ah hian chemical 4000 chuang a awm a, kan hmuah chi sah dah leh thildang ah hian chemical 3000 chuang a awm ani tih a sawi a, heng zingah hian cancer thlen theitu 43 lai an awm a ni a ti. Dr.Thangtea chuan, naupangte chu vaihlo hlauhawmzia uar zawka midangte hnena sawidarhtu pawimawh tak ni turin a sawm a, sum hmaralna ho tak ani tih sawi bawkin, Food Corporatin of India atanga kan buhfai lakna pawisa aiin zuk leh hmuama kan hmanral pawisa hi a tam zawk a ni a ti. Zirlai kalkhawmte chu natna hlauhawm tak thlen thei vaihlo hi ti velo turin a fuih a, a hlauhawm zia sawidarh zel turin a sawm bawk a ni.

SSA IN TRAINING PE :   

    Nimin khan SSA Mission Champhai District chuan Choka leh kudam sak thatna dawng school te tan Kahrawt YMA Hall-ah training a buatsaih. He training hi Pu Vanlalthafamkima, Coordinator chuan a kaihhruai a thu sawitu Pu H.Lalhminghlua, Dy.DPC SSA chuan choka leh kumdam sak dan tur hi ruahmanna siam sa vek a ni tawh a, ruahmanna ang lo chuan sak loh tur a ni, a ti a, mahse hmun thenkhatah chuan a sak dan tur ruangam leh a hmunhma inmil lo a awm thei a, chutiangah chuan VEC leh Headmaster te inbe rawn ruahmanna siam tur a ni tih sawiin choka leh kumdam chu school ta tur a nih avangin a sak chhiat leh that thuah school chu a pawimawh hle dawn a ni, a ti. Hemi hnu hian Pu Vanlalthlana Pachuau, Project Engineer, SSA chuan choka leh kumdam sak dan tur hi chipchiar takin zirtirna a pe a, kitchen shed hi a dung 12ft leh a vang 10ft, verandah 6ft aia te lova sak tur a nih thu te, building-ah hian step bakah wheelchair hmangte tan Ramps siam tur a nih thu te a tarlang ve bawk a ni. Kitchen Shed sakna hi Champhai District-a Primary school 76 in an dawng a, heng zingah hian Plinth Area I a dawngtu school 64 awmin kitchen shed sakna tur hi Rs.2,00,000 an dawng ang a. Plantih Area II-a dawngtu school 11 te chuan Rs.2,50,000 an dawng dawn thung a ni. Vawiin training-ah hian Kitchen shed sakna dawng Primary school headmaster leh VEC te an kal tha hle.

KHAWBUNG KAWNG SIAM TAN :

    Khawbung khawchhung kawng chu PWD te'n an siam tan ta. YMA General Conference 2013 Pandal panna tur kawng Parliamentary Secretary Pu Lalthanzara'n siam tura hma an lak tur thu a sawi chu Organising Secretary Pu C.Lalhmunsanga chuan Organising hmingin lawm thu a sawiin Khawbung khawchhung kawng pahnih Hlakungpui Road leh Zawlbuk Tual atanga CNV chu tunkar hian chak taka thawh?an a ni chu lawmawm an tih thu a tarlang bawk. PWD kawng siam hi Organising Committee chuan a tul ang a pui turin an inring reng ani tih he hna enkawltute hnenah hian an hriattir a ni.
    Heng khawchhung kawng an siam bakah hian Biate leh Tuipui inkar kawng pawh siam that mek a ni a. He kawng zawhtu Tuipuiral khaw tam zawk tan chuan thil lawmawm tak a nih thu an tarlang bawk. Hetih lai hian PWD-in SPA New Projects Proposal 2013-2014-a Biate-Khawbung-Dungtlang kawng kilometers 45 siam nâna cheng vbc 27 a telh te, Realignment and improvemnent of Khawbung to N. Vanlaiphai Road NEC Schemes 2013-2014-a chêng vbc 132 a ruahman te chu a hlawhtlin ngei theih nân Sorkar chuan hma lâk sak se an duh thu an tarlang bawk a ni.

CDFA HRUAITUTE :

    Nimin chawhma dar 11 khan Champhai District Football Association chuan I&PR Conference Hall-ah General Body Meeting an nei a, he hunah hian hruaitu thar an thlang nghal a:
    Pre: C.Hualrikhuma
    V.Pre: C.Lalremsiama
    Hony Secy: K.Lalbulliana
    Jt.Secy: KT Thangchhunga
    Trea: B.Lalramngheta
    Fin Secy: H.Vanlalpeka
    Heng mite hian Secy leh Asst.Secy an la ruat leh ang. CDFA General Body meeting hi PC Vanlalhruaia, Sr.Vice President MFA, Benjamin Laldinpuia leh Lallawmsanga, Executive member MFA ten an hmanpui a ni.

INTER OFFICE TOUR :

    Nimin khan Inter Office Badminton Tournament chu final khela zawhfel a ni. He tournament kharna inkhawmah hian khuallian Pu Brajesh Kumar Singh chuan Champhai District Badminton Association-in Champhaia Deptt. hrang hrangte inthianthatna leh an thawhhona that zawkna tur tournament an siam chu lawmawm a tih thu sawiin he tournament tluang taka neih a nih thu lawmawm a tih thu a sawi bawk. Inter Office Badminton Tournament champion te chu:
    Grade A doubles: K.Lalchhuanawma (Police) & Zothanmawia (DRDA)
    Grade B doubles: Joseph Lalhnehzela Ralte & V.Zarzohmingthanga (Police)
    Grade C doubles: Isaac Lalhruaitlunga & Zairimawia (DC)
    Gazetted A doubles: C.Lalremruata (Supply) & H.Vanlalrawna (N.Champhai Middle School)
    Gazetted B doubles: R.Lalzarliana (Police) & Lalruatpuia (Taxation)
    Women Doubles: Lalrinhlui (Khuangleng M/S) leh Zaliani (SMO)
    Grade A Open doubles: Lalrinsanga & Andrew VL H.Zuala
    Grade A open singles: K.Lalchhuanawma


ni 31.5.2013 (zirtawpni)



CHANEM RAWKTU MAN :

    Nimin zing dar 9 khan Champhai Police te chuan nizan hmasa a RMSA leh KVI Office rawk tu chu an man. RMSA leh KVI Office rawktu hi Robert Lalnghinglova (29), Project Veng niin, a thil lakte hi thenkhat hmuhlet leh niin pawisa fai a lak erawh a lo hmang zohman a ni. A thil lak zingah Handycam chu midang hnenah Rs. 1900 in lo hralh tawh a, mahse Police te hian la let lehin RMSA hnenah peklet leh a ni. Pawisa fai a lak erawh a zat chiah hriat a ni lova, zing karah a hman zawh vek thu Robert-a hian a sawi. Robert Lalnghinglova hian Champhai Police Station ah ruk ruk avang hian case 4 alo nei tawh bawk a ni. Champhai Police thuneitute chuan rukruk lo leisak chungchang sawiin mi thil ruk lo leisak man an nih chuan dan anga man an nih tur thu an sawi a, mitinte fimkhur a, mi thilruk lo leisak lo turin mipuite an ngen a ni.

ARAWN HUMHALH :

    Arawn (peacock/peafowl) India chhinchhiahna sava sawrkar laipuiin a ngai pawimawh hle  chu Myanmar ah a awm a, a thla kawm hring hian Mizoram a rawn tlawh ve zeuh zeuh va, mitinin uluk taka kan humhalh a tul a. Arawn tihliam emaw, tihlum emaw hria chuan DFO/AFC/RO Champhai hnenah hriattir tur a ni ang.

RANGVA SEM VE DAWN :

    Champhai South Bialtu MLA JH Rothuama chuan vawiin hian rangva a sem ve dawn.

A HMUN SAWN :

    Vawiin chawhma dar 11 hian Champhai District Football Association in Chhangphut Field a General Body Meeting a neih tur chu sipai lak an neih avangin I&PR Conference Hall, CHANEM ah neih zawk tur a ni.

BADMINTON FINAL :

    Inter Office Badminton Tournament khelh mekah nimin khan Semi Final khelh zawh a ni a, Final hi vawiinah khelh tur niin final lut zawng zawngte chu Fixture siam a la nih loh avangin vawiin chawhma dar 12 hian Champhai Town Hall ah kim vek tur a ni.

VETY RAN ENKAWL :

    May thla chhung hian Champhai Vety Hospital ah Bawng 58, Kel 15, Vawk 75, Ui 45, Ar 250, Zawhte 12 te an en a, hri danna hi ran chi hrang hrang te hnenah pein Ar bikah 200, Ui ah 14 pek chhuah a ni bawk.

VAIHLO DO NI :

    Vawiin chawhnu dar 1 hian World No Tobacco Day pualin Govt. GM Higher Secondary School ah hun hman tur a ni a. Pu Lalthangpuia Sailo Champhai Bawrhsap chu khuallian a ni ang. He hunah hian Vaihlo that lohna ngaithlak a ni ang.

TUIALHTHEI DINHMUN :

Mizofed :
    Petrol : Free Sale (Rs. 62.13)
    Diesel : Free Sale (Rs 48.09)

RD PUMP :
    Petrol : Free Sale
    Diesel : Free Sale



ni 30.5.2013 (ningani)



HUNTIAM  SAWM

    Special Summary Revision of Photo Electoral Roll, 2013 a hming thunluh emaw paih leh siamthat duhte tana form thehluh hun 1.7.13-31.7.13 tih kha 1.7.13-15.7.13 tih zawk tur a ni.

VAIHLO DO  NI :

    Naktuk hi World No Tobacco Day a ni a, Champhaiah chuan he ni pual hian Govt.GM Higher Secondary School-ah Champhai District Anti-Tobacco Squad buatsaihin hun hman tur a ni a, Champhai District DC Pu Lalthangpuia Sailo chuan World No Tobacco Day hi a hmanpui ang.

THUKHAWM

    Nimin zing khan Champhai District Kickboxing Association te chu 9th Mizoram Open Kickboxing Championship an thlen tur chungchang thlirin an thukhawm a, Kickboxing hi September ni 16-21 chhunga neih tur niin hemi atana lo inbuatsaih dan tur te an sawiho a. He championship hi CCN chuan live-in a pe chhuak dawn a, hemi chungchang pawh hi an ngaihtuah ho nghal bawk a ni.

SIPAI LA ZEL DAWN

    BSF leh Assam Rifle tur lakna chu nimin khan chhunzawm leh niin tun thla ni 31 thleng hian document fel leh fello te endik a ni anga, kum 16-27 inkar pawl 10 passed chin te tan ala intlar theih a ni tih thu kan dawng.

LEIMIN TUARTE TANPUINA HLAN

    Nimin chawhnu dar 2 khan Champhai District Promoters' Club in Laipuitlang Leimin tuarte tana vehbur an khawn chu Champhai DC hnenah an hlan. Champhai District Promoters' Club te hian Laipuitlang leimin tuarte tanpui nan hian May 20 khan CCN leh LCN Cable ah Live Phone In Programme hmangin vehbur hi an khawn tan a, hemi zan hian mi 130 hnen atanga Phone Call dawngin Mizoram chhung bakah Myanmar atang te in tanpui ngaite tanpui tur hian sum an rawn pe a ni, hemi zana phone hmanga tanpuina rawn petute pawisa hi nimin thleng khan ngaihven reng ani a, heta sum lut zawng zawng hi Rs.55400 ani a, May 21 khan khawlaiah Concert neiin vehbur khawn chhunzawm leh ani a, heta an sum hmuh zawng zawng hi Rs.73118 niin Laipuitlang leimin vanga chhiattawkte tanpuina tura an sum hmuh zawng zawng chu Rs.1,28,518 a ni a, hei hi nimin khan dist pa ber champhai dist bawrhsap Pu Lalthangpuia sailo hnenah an hlan ta ani
    Champhai District Promoters' Club chuan vehbur an khawn kawnga sum, hun leh tha senga a thlawna tanpuitu zawng zawngte chungah lawmthu an sawi a ni.

CHAMPHAI TLANGVAL-IN BRONZE MEDAL LA

    Mizo Weightlifter TBC Lalchhanhima, Ruantlang chuan Asia Youth Weightlifting Championship, Doha a neihah Kg 61 Weight Category ah khelin Bronze Medal a dawng. TBC Lalchhanhima hian clean and Jerk ah a Chawi rih zawng chu KG 220 niin Clean ah KG 90 a chawi a, Jerk ah hian Kg 130 a rit a chawi bawk a ni. Youth Championship a, Mizo Tlangvalin tumkhat Asia level a Medal alakna a ni bawk. TBC a hian India a rawn kir leh hunah a hriselnate a thata, Selection a paltlang leh anih chuan China ah India ai a awh leh beisei a ni a. Indian Weightlifting Federation hian Youth Programme an la final chiah loh avangin thuchiang an sawi thei hrihlo niin Mizoram Weightlifting Association President C.Rothianga chuan a sawia, An beisei ang ngeia Mizo Tlangval ngeiin Khawvel Game hlut leh hautak tak hmanga Asia huap inelna a Medal an la theive ta chuan Mizote Game a lo nih ve zia a tarlang nia an ngaih thu a sawi bawk.

BSNL PHONE HRUI RUTU MAN :

    Niminpiah chawhnu dar 1 vel khan Champhai Police te chuan Champhai Kanan Veng ah BSNL phone hrui rutu mi 2 an man. An mi mante hi Laltlanngheta kum 27, Remruata(L) fapa leh Vanlalchhanhimi Kum 21 C. Lalbiaktluanga fanu Kanan ve vete an ni a, Kanan Veng Bazar chhaka BSNL Phone hrui chu nimin chhun dar 11 vel khan an la a, report bawhzuiin Police te chuan chawhnu dar 1 vel khan an man ta a ni. An phone hrui rukte hi 20 pairs niin metre 70 vela sei ani a, BSNL thuneitute sawi danin Rs 6000 man hu vel ani.
    Heng phone hruite hi a chhunga dar chu lachhuakin thirchhe leite hnenah an hralh thin a, tunlai hian thirchhe leitute hian Kg 1 Rs 250 in an lei thin niin an sawi. Champhai Police te hian thirchhe dawr hrang hrang atangin phone hrui, rawh chhiat tawh, ruk ni ngeia hriat engemawzat an man tawh bawk.

RMSA LEH KVI OFFICE RAWK

    Nizan hmasa khan RMSA Office leh KVI Office Chanem Building a mi chu misual tu tih hriatloh ten an rawk. Heng misual te hian tukverh bar chhu chhia in an lut a, KVI Office ah hian tukverh atanga lutin Iron Safe karchhiat an tum a, an karchhiat theihloh avangin tukverh atanga lakchhuah an tum a, a lo len loh avangin engmah dang la lovin an kalsan ta nia hriat a ni. Hemi hnu hian RMSA Office ah kal leh in RMSA Office ah hian Handycam Camera leh BSI bawma pawisa Rs 3000 vel an la a, thildang lak an neih hriat a nilova, an tihchhiatna hmanrua Chem an hnutchhiah a ni. Nimin khan Champhai Police Station ah FIR thehlutin misual hi chhui mek a ni
    Tunlai hian Champhai leh a chheh velah thilbo a tam hle a, hemi chungchangah hian Champhai Police thuneitute chuan mipuite fimkhur leh zual tura fuihin misual manchhuahna kawngah mipuite tanpuina an ngen a, mi nazawng thil zawrh lo leilo tura chahin mi thil ruk lo lei tu chu dan anga a chunga action lak theih anih thu an sawi bawk a ni

VANLALDUATI LO HMUAK :

    14th Senior Women National Boxing Championships, Khatima, Uttrakhand-a May 22 tlaia Flyweight a Gold Medalist Vanlal Duati Khawbung chu nimin tlai khan Khawbung sasaw kawnah khawtlang hruaitute’n lo hmuakin, Zawlbuk Tualah hian amah lawmna leh chawimawina hun hman nghal a ni. 14th Senior Women National Boxing Championships, Khatima, Uttrakhand-a Ni May 18, 2013 atanga ni May 23, 2013chhunga neihah Mizoram atangin Vanlalduati chu Gold Medalist awm chhun a ni a, Final-ah a khingpui nu Sonia Lather Singh, Jind District, Haryana mi chu 8-4 in a hneh a ni. Duati lawmna inkhawm kaihruaitu Khawbung VCP Pu B.Vanlallawma chuan Mizoram kut ruaka rawn hawng lova siamtu Vanlalduati leh Jenny R. Lalremliani te chu chhuanawm a tih thu sawiin, Sorkar lam pawhin kan infiammi hlawhtlingte hi hma an sawn zel theih nân a theih anga nasain duhsakna hlân se a duhthu a sawi a, ngaihhlut tur dik ngaihhlut a, chawimawi tur dik chu chawimawi a pawimawh thu a sawi bawk a ni.

INTER OFFICE BADMINTON TOUR :

    Nimin chawhnu dar 1 khan Champhai Dist Badminton Assn buatsaih Inter Office Badminton Tournament chu Champhai Town Hall ah DC Pu Lalthangpuia Sailo IAS chuan khuallian niin a hawng. Hawnna inkhawm Pu Lalnunmawia kaihhruaiah hian Honorary Secy Lalchhuanawma chuan report pe in tun tournament ah hian infiammi 122 an tel a, Double ah pair 60 awmin single ah player 14 an awm a, avaiin match 69 khelh a ni ang.
    He hunah hian thusawiin khuallian Pu Lalthangpuia Sailo Champhai DC chuan office hrang hrangte inthianthat nan leh thawhhona tha tak kan neih theihna hmanrua ni ngei se a duh thu sawiin hetiang tih nachang CDBA in an hria chu lawmawm a tih thu a sawi a ni. Champhai Dist Badminton Assn hian tunah hian National Level Badminton court neih tumin hma an la mek a, nimin khan a hmun hma en niin Champhai DC leh BDO chungah an lawm hle a ni

VAWKSA 1KG RS 200 :

    Nimin chawhnu dar 3 khan DC Conference Hall ah Vawksa rate chungchang sawihovin meeting neih a ni. He meeting Pu Lalthangpuia Sailo IAS, Champhai DC kaihhruaiah hian tunlaia vawksa rate Kg 1 Rs 180 a zawrh thin chu Butcher Co-Operative Society te ngenna angin tihsan nise an ti a, sa thianghlim leh buk tling ngei Kg 1 Rs 200 a zawrh tawh nise an ti a, buktlinglo leh sa thianghlimlo zuarte chu dan anga hrem zel nise an tih bakaah, SBI luhna bawra chawhmeh leh thildang zuarte chungchang pawh sawiin dan dinglai anih angin hun remchang hmasa berah endik in pawisa chawitir nise an ti a, chumi hnua la tilui te chu man nise tiin an rel bawk a, tunlaia ar sa leh sa dang man kai dan pawh thlir hovin hun remchang dangah la ngaihtuah leh nise an ti bawk.

ni 29.5.2013 (nilaini) :



CHAWNGHEI  THULH  RIH :

    Tuipuiral NGO Coordination Committee chuan nimin atanga chawnghei huaihawt tuma ruahmanna an siam chu koki thlakin East Tuipui Constituency North Block leh South Block Congress-te nên hmalâk ho dan tur an rêl a, Block Congress 2 te chu theihtâwpa Sorkar lam dawr turin rem an ruat a. Sorkar hmalâkna thlir chung zêlin chawnghei lovin hmalâk an tum ta a ni.
    Khawbung BDO Pu Lallawmawma chuan Tuipuiral NGO te chu chawngeia sorkar nawr lo tur leh sorkar hmalâkna ngaichang turiin kar kalta Inrinni khan ngênna a lo siam tawh a. Nimin Thawhtanni khan Khawbung BDO Office-ah Block Congress 2 hruaitute leh Tuipuiral NGO Coordination Committee te nên BDO Pu Lallawmawma kaihhruainain hmalâk dan tur an rêlho a. Bial chhung harsatna hrang hrang an neihte chu an veiin Sorkar pawhin ruahmanna a siamte chu an thlirho a. Sorkar ruahmanna chu Block Congress hruaitute'n theihtawp chhuaha bawhzui tur leh, an hmalâkna te thlir chunga Chawngeia Sorkar nawrna pawh chu chawlhsan hrih turin thuthlukna an siam a ni.
    Chawngei tur hian Tuipuiral khaw hrang hrang atangin mi 70 vel zet Khawbung an thleng hman a, mi 40 vel chu thu thar an hriat avangin an lêt leh a, signal awm mumal lohna khua te a awm avangin tukin zing thleng khân hriattirna dawng lo engemaw zât chuan chaw ngei tur te hian Khawbung an la pan a ni.

BADMINTON TOURNAMENT 2013 :

    Naktuk chawhma dar 10 atang hian Champhai Town Hall-ah Inter Office Badminton Tournament 2013 khelh tan tur a ni a, he hunah hian a tel tur player zawng zawngte chu khel thei nghal tura lo inrin lawk tur a ni a, khelh huna awm lote chu walk over nghal tur a ni tih thu kan dawng.

LENGKHAWM ZAI ZIRCHIANGTU :

    Mizo Lengkhawm Zai chungchanga zirchiangtu Joanna chuan vawiin khan Hlakungpui tlawhin Mizo Hlakungpui Mual Committee te nên inkawmhona hun an hmang.
    Joanna hi London, UK atangin Academy of Integrated Christian Studies (AICS)-ah voluntary-in kum 2011 atangin rimawi zirtir hna a rawn thawk a, Mizo Lengkhawm Zai chu zirchian tham awma a hriat avangin Mizo ir-âwmchhuak khawhar hla hmasa ber Hla phuah thiam Patea phuah "Ka ropuina tur leh ka himna hmun" chungchang te, Christianna thlen hma leh thlen hnu, Mizo ir-âwmchhuak khawhar hla la awm hmaa khawhar chhungte thenrualin an inhnem dan chungchangte chu zawtin Khawbung MUP member thenkhatte kawmna hun a nei bawk.
    Doctor of Philosophy (PhD) tih tumin tunah hian a inbuatsaih leh mek a ni. Heti ang taka Mizo Lengkhawm Zai min zirchian sak a, a hlutna min haichhuahsaktu tur Joanna Heath chungah Mizo Hlakungpui Mual Committee chuan lawmthu a sawi a. Amah hi rimawi lama thiamna bik nei a nih avangin Mizo ir-âwmchhuak khawhar hla hmasa ber Hla phuah thiam Patea phuah "Ka ropuina tur leh ka himna hmun" leh a hla dangte, Damhauhva'n Pathian hla leh Nulât Tlangval hla kailawn khawtlang lunglên hla a phuahte chu a zirna puitu atân Mizo Hlakungpui Mual Committee-te hian an sak sak nghal bawk a ni.

SUMMARY  REVISION :

    Election Commission of India-in thupek a chhuah angin Special Summary Revision of Photo Electoral Roll, 2013 neih leh tur a ni a. Hming thuluh emaw paih leh siam that duhte chuan bialtu BLO te hnen atanga form la chhuakin Dt.1.713 atanga Dt.31.7.13 chhungin dilna an thehlut tur a ni. Hemi atana tehfung chu Dt.1.1.13-a kum 18 tling chin a ni ang. Hun tiam hnulama mi dilna chu pawm theih a ni lovang tih thu kan dawng.

SIPAI LA :

    Vawiin chawhma dar 11 khan Chhangphut Field ah BSF leh Assam Rifle lak chu tan a ni
BSF leh Assam Rifle la tur hian hotute Aizawl atangin an lokal a, sipai lak zat tur tak hi hriatchian nilo mah se, Champhai Dist ah hian mi 100 chuang lak an tum niin an sawi a, Vawiin intlar te hi an vaiin document tifel mi 87 an ni a, naktuk dar 10 hian chhunzawm leh ani ang

BUH CHI :

    Tunlai hian Champhai leilet ah buh chi dah mek niin Agriculture dept hotute chuan buh chi dahtu thenkhat ten buh chi damdawia bual loh an dah thin chu a pawi thu an sawi a, tun hnua buh chi dah tur reng rengin damdawiin bual ngei se an duh thu sawiin, buh phun dawna buh chi chiahna tur damdawi pawh office ah lak theih reng a ni an ti.

DC HMUN HLUI :

    Champhai DC hmun hlui hman zui zel dan tur chungchangah nimin khan DC hovin Revenue Deptt. PWD, DCSO, Bethel VC leh NGO Coordination Committee ten meeting an nei a, helai hmun hi sawrkar hmun pawimawha hman dan tur leh mipui vantlang tana hman zel dan tur enfiahin vawiin hian a hmun hi an en thlithlai dawn a ni.

LAWMPUINA :

    MBSE-in nimina State Technical Entrance Examination (STEE) Exam result a tihchhuah takah TC Lalramengmawia s/o TC Lalmuanpuia, Venglai chu Mizoramah Engineering-ah pakhatna niin Medical ah pakuana a ni bawk.

ZIN BO :

    Champhai SDO (S) Pu james Lalnunmawia, Election Master Trainer chu Mizoram Election lo awm chungchanga ERO leh AERO trianig pe turin nimin khan Aizawl panin Champhai a chhuahsan.

SA  RATE :

    Vawiin tlai dar 3hian DC Conference Hall, Keifangtlang ah DC hovin champhai sa rate chungchang chu VCP, Sazuar Association leh a kaihhnawih Sawrkar Department hrang hrangte an thukhawm dawn.

HRIATTIRNA :

    Champhai District Consumers Union chuan Champhai Cable TV pechhuaktu CCN leh LCN ten monthly fee Rs. 200 an pek avanga disconnect zawng zawngte chu anmahni hnena inreport turin an ngen e.

ni 28.5.2013 (thawhlehni)



TANPUI NA PE CHHUAK :

    Kumin to ruah haw avanga veng hrang hranga chhiatna thlengah Disaster Management & Rehabilitation Champhai chuan mi 420 hnenah Silpauline 849 an semchhuak tawh a, hei bakah hian pawisa fai pawh mi 62 hnenah Rs 9,50,300/- pekchhuah a ni tawh bawk

THUKHAWM :

    Tun thla ni 22 khan Champhai District Level Core Group on SVEEP committee member ruat fel a ni a, District Election Officer chu chairman a ni a, Nodal Officer/Election chu Member Secy niin District Education Officer, Govt. Champhai College Principal, Sub-Division Education Officer, Sub-Hqrs YMA President emaw Secretary, Mizo Zirlai Pawl President emaw Secy, NGO Coordination Committee President emaw Secy, MJA Champhai President emaw secy leh MHIP President emaw Secy te chu member an ni.

KHELMUAL-AH BAWLHHLAWH :

    Bawlhhlawh paih that loh avangin Champhai khelmual neih that ber Chhangphut Field-ah tun to haw khan bawlhhlawh a len lut nasa hle.
    Chhangphut field-a tuihawkin bawlhhlawh a len luh hi bawlhhlawh paih kawnga mipuite fimkhur loh vang leh tuiluankawr siamdanin a zir loh vang niin a lang a, field chhungah hian darthlalang keh them a tam bakah hnawm a lenluh hi a tam hle a, hei vang hian Chhangphut field hi inkhelhna tlak mang lohvin a awm phah a ni.

TANPUI NA PE :

    Aizawl to Zokhawthar Maxi-Cab Owners Welfare te chuan Champhai DC Kaltlangin vawiin khan Saikhumphai tanpui nan Rs.10000 an hlan tih thu kan dawng.

MLA ZIN :

    Champhai North bialtu MLA TT Zothangsanga chuan nimin khan Champhai chhuahsanin Aizawl a pan a, MLA hian vawiin hian Chief Minister Lalthanhawla hmuin Champhai kawngpui chei thatna chungchang leh Champhai hmasawnna hrang hrang a sawipui dawn a ni.

ni 24.5.2013 (zirtawpni)



CHAMPHAI BLOG TANPUINA :

    Facebook a Champhai Blog Member te chuan Dam lo pakhat, Runzathanga (28) Falam, tuna Champhai Civil Hospital a beng kherh thluaka lut, Aizawla refer pawisa neih loh avanga kal thei lo chu nimin khan tanpuina sumfai an thawh khawm Rs. 6900 an hlan.

SSA DPC IN AN HMALAKNA SAWI :

    Nimin khan SSA Mission, Champhai District DPC Laldingliana chuan Champhai chanchinthar thehdarhtute chu thingpui inah sawmin tunhnaia an hmalakna leh hmachhawn hrang hrangte a sawipui.
    Pu Laldingliana chuan Mid Day Meal chu P/S naupang pakhat tan Rs. 0.70 atangin Rs. 1.25 ah tihpun anih thu sawiin chhun chaw chhumna choka sak that ngai 76 pawh sa tha tura approved tawh a nih thu a sawi a, heng sum h VEC hnena pekchhuah tura peihfel a ni tawh a ni a ti a, VEC te hi training pek an nih veleh sum hi pekchhuah a ni ang a ti.
    Computer hmanga zirna tih hmasawn nan tuna Computer Centre, M/S 56 a dah tawh chu Central atanga sum lokal tihtawp thut a nih hnuah tunah a aia thain a awm sa bakah centre thar 47 hawn belh tur a ruahman chu pawm fel a ni tawh a, Champhai District ah hian Computer Aided Teaching Centres 103 kan nei dawn a ni a ti a, tunhmaa School pakhata Computer Centre daha school dang atanga pan khawm ngai lovin School hrang hrangah semrual a ni dawn  ani a ti a, Champhai M/S pangngai chin chu an cover vek theih a beisei thu a sawi bawk. Computer Supply tur hian Computer World chu thlan fel niin bungruaa pawh Silchar a lo thleng tawh a, tun atanga thla 1 chhunga bun fel hman vek an inbeisei a ni a ti.
    DPC chuan nZirtirtu pek belh te term chu tun kum Feb. ni 28 khan a tawp vek a, tuna zirtirtu indaih lohna School report atangin Special  Trainers te hi rawih tharna turin Education Minister pawhin a pawmpui tawh a ni a ti a, champhai District chhunga indaih lohna School ah RTE norms angin Special Training te hi dah vek an n iang ti a sawi bawk.
    DPC Laldingliana hi nikum November ni 30 atang khan Champhai a rawn awm tanin hemi hma hian Mamit leh Kolasib ah te DRC lo ni tawhin Mamit a a awm lai phei chuan Mamit District a Officer thawk tha bera thlan a lo ni tawh a ni.

EXCISE IN KHAW THIANGHLIM NAN TAN LA :

    Champhai Excise & Narcotics Dept. te chuan Champhai khawchhung a lo thianghlim zawk theihnan tunlai hian tan lain an duty ngawrh hle. Tunhnai atang khan Champhai Excise & Narcotics Dept. te chuan TUipui Bazar leh DK Traffic Point peng velah te nitin duty indahin an vil ngun hle a. Zu leh Ruihtheih thil a bikin No 4 ti thinte nitin mi engemawzat an man thin a ni. Champhai Excise Superintendent T. Lalhmingliana chuan helai hmun hi Champhai kawtchhuah leh Champhai hmellanna ber a nih avanga tan lak nan hmang an nih thu a sawi a, RUihhlo tite an rem theihna tur a nih beiseiin duty hi an chhunzawm reng dawn a ni tih a sawi a. Pu Hmingtea chuan ualau taka injection leh zurui hmute chuan Excise hnenah report pe thuaithin turin mitinte a ngen thu a sawi a, Zurui leh No. 4 ti an man te chu case an siamsak zel dawn a ni a ti bawk. Nimina helai hmun Excise Duty te chuan ruihhlo zuar thin leh ti mi 5 manin thubuai an siamsak nghal niin kan thusawnna chuan a sawi bawk a ni. Helai hmun Tuipui Bazar leh a chhehvel hi tunhma atang tawh khan RUihhlo titen RUihhlo inpekchhawn nan leh tihna hmun atana hmangin ualau takin an khawsa tawh thin a, Vengthlang Br. YMA te pawhin helai hmunah hian Ruihhlo ti an rem theihna turin Lock Up te pawh an lo siam tawh a ni.

TUIPUIRAL IN LUNGAWI LOHNA LANTIR TUM TA :

    Tuipuiral NGO Coordination Comt. chuan Kawngpui siam that, zirtirtu indaih loh leh Police Station chungchanga Sawrkar an nawrna kal zelah sawrkar lam atanga innghahna tlak hmalakna an la hmuh loh avangin may 27 karleh Thawhtanni atang khian chawngheia lungawi lohna lantir an tum. Tuipuiral NGO Coordination Comt. thu chhuah angin tunkar chhung hian TUipuiral khaw tinah puandum zar chhunzawm zel a ni a. May ni 27 Thawhtanni  khian Khawbung Centeanry AUditorium ah chawngeia lungawi lohna lantir an tum a ni.

PASS LAWMPUINA :

    Vawiin hian Khawzawl MZP Hqrs. te chuan Khawzawl Vengthar YMA Hall ah an huamchhunga HSSLC pass tharte lawmpuina hun an hmang dawn a, bialtu MLA Health Minister Lalrinliana Sailo in a hmanpui ang.

ni 23.5.2013 (ningani)



CHAMPHAI BLOG IN TANPUI DAWN :

    Facebook a Champhai Thalai awmkhawmna Champhai Blog chuan Champhai Civil Hospital a enkawl mek beng kherh thluaka lut Aizawl a Refer pawisa harsatna avanga kal thei lo chuFacebook kal tlangin pawisa an khawn mek a. Vawiin hian a awm ang ang an pe dawn.

CHAMPHAI SDHO :

    Aizawla cham mek Champhai SDHO C. Lalremsiama chu nimin leh niminpiaha Horticulture Minister hova Quarterly Meeting a a tel hnuin vawiin hian Champhai lam panin a rawn chho leh ang.

CELING FAN HLAN :

    Nimin khan State Bank of India Champhai Branch chuan BC English Academy hnenah celing fan 10 an hlan. Hlanna inkhawm neih pah hian SBI, Champhai Branch Manager Pu Lalchangkima chuan zirlai naupangte hnenah Career Guidance a neihpui nghal a, a chungah school thuneitute an lawm hle.

SIPAI LA DAWN :

    Karleh Thawhtanni (27.5.2013) atanga thla thar June ni 8 chhung hian Chhangphut Field ah BSF leh Assam Rifles, General Duty lak a ni dawn a, hetah hian kum 18-23 (SC/ST tan a upa lamah kum 5 ngaihhnathiam) chin tan intlar theih a ni a, minute 24 chhungin 5 km tlan theih tur a ni. Lehkhathiamna lamah HSLC chin chunglam tur a ni. Document ken ngaite chuTribal Certificate, Residential, Educational leh Birth Certificate te a ni e.

TOURNAMENT :

    Inter Office Badminton Tournament chu karleh Nilaini khian Vanlallawma Indoor Stadium ah neih a n idawn a, hetah inbuatsaih nan hian tunkar Inrinni hian Badminton Players zawng zawngte hnatlang koh a ni a, hnathlanna hmun tur hi VANIS ni mahse hnatlan gtu zawng zawng Inrinni chawhma dar 10:30 ah Champhai Town Hall ah inghahkhawm tur a ni.

MJA CALLING :

    Vawiin chawhm dar 12 ah DPC, SSA chuan Champhai District MJA Member te chu thingpui inah a sawm a, member tinte kim taka kal tura hriattir kan ni a, chawhma dar 11:30 ah MJA President Pu Lalhmingmawia Pachuau Inah innghahkhawm tur a ni.

ni 22.5.2013 (nilaini)



TUIPUIRAL NGO TEN DC HMU :

    Nimin chhun dar 12 khan Tuipuiral NGO Co-ordination Comt. ten Champhai DC an hmu a, Tuipuiral in harsatna an tawh mek te an sawipui. He hunah hian Tuipuiral NGO Co-ordination Comt. te hian harsatna chi hrang hrang an neih zingah a lianzual 3 te an thlen a ni.
    Chung an harsatna thlen te chu :
    1) Champhai - N. Vanlaiphai via Khawbung kawng chhe lutuk
    2) Tuipuiral huam chhunga zirtirtu indaihloh.
    3) Tuipuiral huam chhung khaw 25 vil tura Dungthlangah Police 5 an awm a, an vil hneh loh avangin Police Station dah turin.
    Heng avanga an lungawilohna hi puandum zarin May 13 atang khan an lantir a, hei hian awmzia a neih loh chuan May 27-31 ah Khawbung Auditorium ah chawngheia lungawi lohna lan tir a ni anga, awmzia a la neih loh fo chuan June 6, 2013 atangin tiam  chin awm lova Tuipuiral huam chhunga a sawrkar pisa zawng zawng khar an tum tih an sawi. Heng an thiltum te hi DC chuan tilo turin a ngen a, a theih chin china hmalak pui a tum thu a sawi a ni. Champhai DEO pawhin TUipuiral khuate zirna chungchanga an harsatna tawhte sawrkarin a hriatpui a, tunah hian hmalakna a kal mek a ni a ti bawk. Addl. SP Pu Chawia chuan Dungtlang Outpost siamna tur a Proposal a kal mek thu a sawi bawk a ni.

CHAMPHAI NORTH FANG KUAL :

    Parliamentary Secretary Pu Lalthanzara chuan Champhai rawn kalin Champhai N Constituency huamchhunga khaw hrang hrang a fang kual a. Pu Patea hian ni 20.5.2013 (thawhtanni) khan Aizawl atangin Champhai a lo kal a, hemi ni hian Hnahlan ah tlangnghalin, nimin khan Khuangphah ah Public Meeting neih a ni a, he hunah hian Congress Party hian MNF VC member leh Party Worker mi tlemte tih loh chu Congress ah lawm luh vek nia thudawn a ni. Pu Patea chuan thu sawiin Ramin harsatna a tawh apianga a chhanna awmchhun leh Pathian Programme anga kal tlat Party awmchhun kan nih avangin kan hmalawka inthlanpuilo awm turah mipuiten COngress Party hi thuneihna min pe leh ngei dawn a ni a ti.
    Pu Patea hi a nupui Zohmingthangi bakah Champhai N bialtu MLA  TT Zothansanga, MPCC Legal & Human RIghts Dept. Secretary Christopher K. Thanga, Pu Lalngaihawma Secy. MPYCC bakah Champhai N leh S Block hruaituten an tawiawm a ni. Ruahman lawk ang chuan Pu Patea hian nimin khan Khuangleng tlawhin Community hall ah Public Meeting a nei ang a, E Tuipui Bial a fang leh ang a, Zirtawpni khian Aizawl panin a haw dawn a ni.

TURIN HRAI :

    Champhai mipui tui tlan mek Tuipui tui chu Tur a hrai tih report a awm a, hemi avang hian Darthlalang Tlanga PHE tui pump chhuah khawlsa chu PAIH vek a ngai a, Chhungkaw tinte tui renchem a tul dawn a, tui kan dawn tlem deuh anih chuan PHE chuan hriatthiamna a ngen.

HUAISEN  LAWMMAN :

    Nimin chawhma dar 11 khan Champhai DC Lalthangpuia Sailo chuan ama Chamber ah Huaisen Lawmman Award a sem. Huaisen lawmman DC in a semchhuah hi chi hnih niin Liankamlova s/0 Kapthanga, Saichal leh K. Lalthianghlima d/o C. Thankhuma (L), Zawlsei ten Sarvatham Jheevan Rakhsha padak dawngin hei hian Rs. 6000 a kengtel a ni. Lalramchhan s/o PC Pahlira, Aiduzawl chuan Utham Jheevan Raksha padak dawngin hei hian Rs. 40000 a dawng bawk a. Certificate leh Medal hi Independence Day ah a hranpa a hlan leh an ni ang.

CHAMPHAI LO THLENG :

    Biman Bihari Das IAS Rtd. chuan Champhai a lo thlenga DC Conference Hall ah RD Dept.  leh a kaihhnawih Dept. hrang hrang hruaitu te nen meeting an nei. National Level Monitors Biman Bihari Das hi Champhai Dist. chhunga RD Dept. hmalakna hrang hrangte endik tura lokal a ni.

 


ni 21.5.2013 (thawhlehni)



LEIMIN TUARTE TANPUINA :

    Laipuitlang leimin avanga chhiatna rapthlak tuarte tanpuina chu nizan atang khan Champhai Dist. Promoters Club te bultumin neih tan ani. Champhai a Local Cable CCN leh LCN ah te a bultan nan LIVE Phone hmangin tanpuina pe duhten tanpuina sum an pek theih zat turte sawiin an thawhkhawm a, heta tanga tanpuina hmuh theih zat tur a tlingkhawm chu Rs 60000 bawr vel ani. Vawiin hian tanpuina vehbur khawn hi chhunzawm leh tur ani a, vawiin hi chuan Champhai khawpui chhung hmun lun lai deuh deuh hmun nga(5)ah a darkar bi te te in Open Air Concert neih ani anga, concert an neihna hmun ah hian bawm dawh ani dawn ani. Prog. hi chawhma dar 10 ah tan ani anga, Bethel kawn atanga tanin, DK Traffic Point, Darthangvunga Point, Dawrkaikawn leh GM HSS ah kharna hun hman ani ang.

RAN ENKAWLNA PE :

    Sawrkar kum kal ta 2012-13chhungin Champhai District AH & Vety Department chuan a huamchhungah ran 41883 enkawlna a pe a, Champhai  a State Vety Hospital bikah ran damlo 9648 pek anih thu Champhai DVO Dr. H. Lalthlanmawia hnen atangin dawn a ni.

CHAMPHAI LO THLENG :

    Parliamentary Secretary Lalthanzara chu nimin khan Champhai lo thlengin Hnahlan ah a tlang nghal a, vawiin hian Vaikhawtlangah Party zawm tharte lawmlihna hun a hmang ang a, zanin hian Champhaiah riakin naktuakah Khuangleng ah East Tuipui Congress Block  Conference a hmanpui hnuin Vaphai a tlawh leh dawn a ni.

NATIONAL LEVEL MONITOR CHAMPHAI-AH :

    National Level Monitir Pu BB Das chuan vawiin hian Aizawl atangin helicopter-in Champhai a lo thleng dawn. Pu BB Das hi Champhai District a Rural Development hmalakna hrang hrang endik tura lokal a ni a, a chamchhung hian Champhai District ah hian khaw hrang hrang 10 Khawbung Block ah Khawzawl Bloch ah khaw 3, Ngopa Block ah khaw 4, Khawbung Block ah khaw 3 a fang dawn a, naktuk Nilaini atang hian a fang tan dawn a ni. Zirtawpnia MP CL Ruala hova Champhai District Vigilance & Monitoring Committee thutkhawm hunah BB Das hi a tel ve nghal dawn a ni.

MKHC CHAMPHAI-AH :

    Nimin tlai khan Mizoram Kohhran Hruaitu Committee (MKHC) te chu nimin khan Champhai rawn thelngin Saikhumphai hal chungchang ah Champhai DC Pu Lalthangpuia an kawm nghal a, Saikhumphai tlawh tura lokal an ni a, MKHC ah hian Synod Moderator, Baptist, Catholic leh Kohhran dang hruaitute an lokal a ni.

SILAI NEN CHANG :

    Tunlai hian Champhai leilet zawl hmun hrang hranga thlam bang leh chung rangva kar phawka ruk ching an awm a, he misualte hi loneitu intiam rualte chuan silai nena an chan avangin thil pawi a thlen hmaa an sim lo a nih chuan an chungah engpawh thleng se anmahni cho chhuah a nih tur thu an sawi a ni.

E-IN-C KAWM :

    Ni 19.5.2013 (Pathianni) zing dar 7 khan Champhai North MLA TT Zothansanga chenna Inah Champhai Thalai Pawl, NGO Co-ordination leh MZP te leh PWD E-in-C Pu Lianchungnunga te nen Champhai kawngpui siam that dan tur inkawm hona hun an hmang. He inkawmhona hi Pu TT Zothansanga`n kaihruaiin Pathianni ni mahse hun dang a awm theih tawh dawn loh avangin he hun hi buaitsaih chawp chung chung a nih thu a sawi hnuah E-in-C Lianchungnunga chuan Champhai a rawn kal chhan te a sawiin, Champhai District kawng siamna tur sum a awm lohna chhante sawifiahin tum reng vanga Champhai District hi dah lo lui an ni lova, Sum rawn kal tur anga beisei dang a awm avangin District hrang hrangte sem rual a ni a, chutah beisei pakhat zawk kan hmuh leh dawn loh avangin hetiang thil hi a thleng ta a ni tiin pawi a tih thu a sawi nghal bawk. Champhai District NGO Co-ordination Chairman Pu David Thangluaia chuan thu sawiin Champhai kawng siam that kan duh luatah No Vehicle Day hial kan lo siam tawh thu leh theih tawpa kan PWD EE dawr thin a lo nih thu te a sawi bakah hetiang hun siam a nih hi lawmawm a tih thu a sawi lang nghal bawk. CTP aiawh chuan thusawiin Champhai in kawng tha kan neih na tura kan mamawh hmanruate kan neih chhiat thu leh hmanraw tha kan mamawh thu a sawi ve nghal bawk. Hemi hnu hian sawihona hun hmang nghalin inpawhtlang takin Champhai kawng siam dan tur bakah thil chi hrang hrangte an sawi ho nghal. E-in-C Pu Lianchungnunga chuan theihtawpa hma la ho tur leh kawng neitu dik tak chu mipuite kan ni a PWD chu a siamtu ve mai kan ni a ti a. Champhai kawngpui Tlawmngaipawlte hmalaknaa zauh a nih chu lawmawm a tih thu leh neitu chang taka kawng enkawl zel turin kal kawmte a sawm nghal bawk.
    Champhai Thalai Pawl, NGO Co-ordination leh MZP te chuan Champhai District khaw hrang hrang kawng 25 siam ngai lai chu E-in-C hnenah hian ziakin an thehlut nghal bawk.
    E-in-C Pu Lianchungnunga hian inkawmhona hun an hman hma hian Champhai khawchhung hmun hrang hrangte a fang kual bakah vawiin lamah pawh fan chhunzawm a tum a. Chawhnu lamah Zokhawthar kawng an en leh ang a, naktuk lamah S. Khawbung kawng lam an en leh nghal dawn a ni.
    Champhai Thalai Pawl, NGO Co-ordination leh MZP te chuan Champhai North MLA TT Zothansanga leh PWD EE Pu Lalkima te hmalaknaah an lawm hle.


ni 18.5.2013 (inrinni)



RANGVA SEM DAWN :

    Champhai North bialtu MLA TT Zothansanga`n a bial chhunga Di In nuaibo Prog. a kalpui mekah vawiin hian an chenna Inah rangva semna a neih leh dawn a, Vengsang, Kahrawt, Vengthlang, Vengthlang North, N. Khawbung, Hmunhmeltha leh Zptehuam chhung, mi 50 vel hnenah rangval  bundle 4 theuh pek leh an ni dawn a, dar 11 ah rangva semna hun hi tan a ni ang.

LO THLEN BEISEI :

    Vawiin hian PWD Engineer-in-Chief Lianchungnunga chu CHamphai lo theng tura beisei a ni a, naktuk Pathianni zing hian Champhai North Bialtu MLA chuan a chenna Inah thinpui In puiin hetah hian Champhai Thalai Pawl, NGO leh MZP te nen inkawmhona hun an hmang dawn.

THUKHAWM DAWN :

    Vawiin chawhma dar 11 hian Sub-Hqrs. YMA Executive Committee chu Tlangrawta an Office ah an thukhawm dawn a, hetah hian palai rorel inkhawm an neih zawh taka an thurel bawhzui tura an dahte an thlirho dawn a ni.

ni 16.5.2013 (ningani)



ANTI TOBACCO SQUAD TEN SQUAD DRIVE NEI :


    Mizoram State Tobacco Control Society hmalkana in Anti TObacco Squad Champhai te chuan niminpiah leh nimin khan Champhai a puipunna hmun hrang hrang Zirna In leh Office hrang hrangah te Squad Drive an nei.He Squad Dieve hiEloy Zonunpari, Coordinator kaihhruaina a neih a ni a, Champhai ah hian Member ten an tawiawm tha hle. Nimin khan Champhai khawchhunga Puipunna hmun leh Zirna Inah Meizial zukna hmun lova zu zawnchuahna hun hi hman a ni a, niminpiah  biakah mi 2 manin heng an mi mante hi dan anga pawisa chawitir an ni. Nimin khan Champhai DC Office, DRDA, SP Office, PWD Office leh DFO ah te Meizial zu an awm leh awm loh enkual leh a ni a, man tur an awm lo niin thu dawn a ni. Meizuk phal lohna Banner hrang hrang leh Sticker an neih ang ang te chu Office hrang hrang ah te hian an semchhuak nghal a. Nimin chawhnu dar 2 khan Anti TObacco Squad leh Task Force te chuan Joint Meeting Champhai College Seminar Room ah an nei nghal a, hmalak dan tur te leh hmalak tawhna te thlir letin an sawiho a ni.

RIFLE GRENADE 5 MAN :


    Cheng nuai 7 leh sing 5 hu Rifle Grenade 5 Champhai Police ten an man a, hemi kahhnawihah hian mi 4 manin Champhai Police Station ah thuzawhfiah turin an kawl a ni. Nimin piah khan Hotel Holiday Home ah Rifle Grenade pakhat Lalnuntluangi kum 38 Tahah A Group hnen atangin an man a, Police ten a dang man tur a la awm a ni tih hriain an zawng zui a, nimin zing khan RIfle Grenade 4 dang an man leh a, he thila inhnamhnawih Lalengkimi kum 32 Vaphai khua, Thangkhenmang kum 40 Champhai Bethel leh LH Nanglama kum 50 Champhai Vengthar te chu manin thubaui an siamsak a ni.

THISEN PE :


    Nimin khan Champhai 7th Day Adventist Thalai ten a thlawnin MED-Aim Hospital ah thisen an pe. Seventh day Adventist Youht Federation Champhai chuan Champhai District Hospital a damlo mangang ten a thlawna an hman turin thisen hi an pe a. Thisen petute hi mipa leh hmeichhia niin, Thise Unit 31an pe a. District Hospital a hnathawktu ten Champhai Zotlanga  Seventh Day Adventist Hospital kal chil in thisen hi an pe a ni.




JCB CHESUAL :


    Nimin tlai khan Mualzen thlen hma Pioneer Camp thlang lawk kawng ngil laiah JCB Pu Lawmzuala, Vengthlang ta chu chesualin a chuang zinga pakhat chu a hliam tuar lovin nizan zantir lam khan Champhai Damdawi Inah a boral. JCB-ah hian Operator Malsawmtluanga nen mi 4 an chuang a, kawng thlangah tlan liamin 100m vela thui a lum a, a chetsual hun tak hi hriat a ni lo a, Champhai Police Station hi dar 7 bawr vel khan hriattir niin Champhai Police te pawh a hmunah an kal nghal a, hliamte pawh Damdawi Inah phurh nghal vek an ni a, an zinga mi Lalhmingliana (20) s/o Lianzuala, Zotlang chu a hliam tuar lovin nizan dar 8:30 bawr vel khan a boral.

DC IN THUCHHUAH SIAM :

    Tun thla hi May thla- Mizoten Tomir thla an tih hun lai a ni a, thll leh ruah, rial ten thawm an nei nasa in khuarel chhiatna pawh thleng thei zel a ni a. Hemi chungchangah hian Champhai District Bawrhsap chuan mi tumah chiai lo tura chahin chhiatna thleng thei lakah erawh chuan theih anga lo fimkhur tur leh lo inralring turin mipuite a ngen a ni.

    Khawchin zirmiten tun hnai ah Indian Ocean a insiam ‘Mahasen Cyclone’ in Bay of Bengal leh a chhehvel hmun thenkhat a nuai dawn niin an sawi lawk a. Ningani vel atangin Bangladesh leh Myanmar inrina vel a thleng tura ngaih a niin Mizoram pawh a siper in a tuam tel tur a sawi a ni a.

    Naktuk ni 16, Ningani zan dar 9:30 - 10:00 vela Mizoram lo thleng tura rin a ni. Mithiamte chuan Mahasen hi Lunglei leh Chhim lamah chuan 45-55 kmph vela tleh turin an ngai a, 65 kmph pawh a thleng thei a ni. He thll chhia hi ruahpui pai thliin a zui rin a ni a,hei hian darker 24 thleng awh tura ngai a ni bawk.

    A kawng hi Lunglei atangin hmar lamah Aizawl lo pheiin, Champhai lampang a chho dawn ni a hriat thar a ni. Chuvang chuan naktuk May 16 a Tropical Cyclone (Mahasen) tleh tur chanchin thar a lo lang chungchangah District Bawrhsap chuan tumah chiai lo turin a ngen a, thlipui lo thleng tur hi Mizoram ah hian a na dawn nge dawn lo hriat ani lova, chutm lai chuan a theih ang anga lo inralring turin mipuite a chah a nghal a. Mitinte pawn chhuak tarn lo tur leh mahni in leh a vel dinhmun en tha a,a tul thut huna tanpui ngai te tanpui thei turin a ngen a ni.


ni 15.5.2013 (nilaini)



FIR THEHLUT :

    MZP leh MSU hruaitute chuan nimin khan Champhai Police te hnenah FIR thehlutin Saikhumphai hal chungchanga mawhphurtute man vat tur leh Vaphai ah ralthuam leh ruihhlo a awm nia an hriat chu thuneitu lamin endik turin FIR an thehlut a, a rang thei ang bera hma la turin an ngen a, a hlawhtlin loh chuan na zawka hmalak an tum thu MZP hruaitute chuan an sawi a ni. MZP leh MSU hruaitute hian nimin vek khan Champhai DC hnenah an vehbur khawnte an hlan nghal bawk.

THULH LEH RIH :

    Champhai District in PWD hnuaia kawng chei thatna tur kan hmuh ve loh avanga endik leh tuma nimin a Champhai a lokal tum PWD Engineer-in-Chief Pu Lianchungnunga chu Cycplone tleh tur a hlauh avangin a thulh leh nia thu dawn a ni. E-in-C hnena thlen tur ngaihtuah thukhawm tlawmngai pawlte pawh an hrilhhai hle.
    Kan thudawn dan chuan E-in-C hian Inrinni ah rawn kal a tum zawk a ni.

MEIZU  MAN :

    Champhai District Anti Tobacco Suqd te chuan nimin khan Champhia Sawrkar Office hrang hrang fangkualin meizu mi 2 an man a, pawisa chawi tur an ni. Anti Tobacco Squad te hian vawiin chawhnu lam hian Govt. Champhai College Seminar Room ah meeting an nei leh dawn.

MEETING NEI DAWN :

    P&E Dept. a JE chin chunglam chuan tunkar Ningani leh Zirtawpni khian Aizawlah meeting an nei dawn a, heta tel tur hian vawiin hian Champhai atangin JE chin chunglam zawng chuan Aizawl an pan dawn a, hemi chhung hian Office ah dawr tur an awm dawn loh avangin mipuite hriatthiamna an ngen a ni.

RALTHUAM  MAN :

    Champhai Police, SIB leh Assam Rifles tangkawp ten  Myanmar atanga lakluh ni a hriat ralthuam (Rifle Grenade) 5 an man a, Heng ralthuam a inhnamhnawih ni ngeia hriat mi pali man nghalin, Rs 7,50,000.00 a hralh an tum thu in hnamhnawih a puhte hnen atang hian thudawn a ni.

ni 8.5.2013 (nilaini)



MZP IN KHAWN DAWN :

    Nimin khan Mizo Zirlai Pawl (MZP) Headquarters, Champhai OB te chuan an Pisa pui, LB Mini Market ah thukhawmin tunhnaia Saikhumphaia thil thleng chungchanga an Gen. Headquarters atanga lehkha an hmuh angin Champhai khawpui chhungah kangmei tuarte tanpuina khawn an rel a, Bethel Kawn, DK Traffic POint, Darthangvunga Traffic Point, Awmpui Ogeum CHANEM Gate bul, Dawrkaikawn , Vengsang Biak In kawt leh Kanan bazar bakah Zote leh Zotlangah te bawm an hun dawn a, hei bakah hian dawr hrang hranga lut kualin tanpuina hi khawn an tum bawk.
    Hetihlai hian Sub-Hqrs. YMA chuan Central YMA atanga hmalak dan tur an hmu lem lo a, Central YMA pawhin ngaihchan rih nise a tih chauh avangin thildang khap bur anga dodal zawnga hmalak erawh an tum lo a ni.

SAWHTHING KUT :

    Khawzawl a Sawhthing ching Association chuan May ni 10 khian Khawzawl Zaingen Veng Community Hall ah Sawhthing Kut an hmang dawn a, he hun hi Tuichang Bialtu MLA Lalrinliana Sailo in a hmanpui dawn a ni. He Sawhthing Kut ah hian Khawzawl leh a chheh vela Sawhthing thar tam chawimawina neih a ni dawn bawk a ni. He hun hmang tur hian MAMCO Managing Director leh a thawhpuite an lo kal dawn bawk a ni.

MINISTER-IN TLAWH :

    Champhaia cham mek Revenue Minister JH Rothuama chuan nimin zing khan Venglai Group in tukthuan an siam a ei zawh hnuin Zion Veng a tlawh a, Kanan leh Dinthar mithite an ral hnuin Bethel Group hruaitute nen inkawm hona hun hman leh a ni. Tukin zing hian Vengthar ah tukthuan eiin chhunah DC Conference Hall ah Champhai a Department hrang hrang hotute a kawm ang a, chawhnu lamah Champhai South huam chhunga HSLC leh HSSLC a tithate lawmpuina hun hmangin tlaiah South Block President Pu C. Lalrintluanga Inah zanriah a ei ang.

ni 7.5.2013 (thawhlehni)



MINISTER LO THLENG :

    Nimin tlai khan Champhai South Bialtu MLA, Revenue Minister Pu JH Rothuama chuan Champhai a rawn thleng. Minister hian vawiin hian tlawmngai pawl leh party hruaitute kawmin naktukah hian DC Conference Hall-ah Champhaia Department hrang hrang hotute kawmin tun sawrkar chhunga hmalak dan a sawipui dawn a ni.

INSAK TANPUINA :

    UP&PA Dept. hnuaia insak tanpuna 3rd Batch dawngtute tan Final Installment a lka theih a. Office lamah ngaihven tur a ni ang. In sakna hmun LSC Xerox Copy thehluh nghal tur a ni. Tin, In sak tanpuina 4th Batch dawngtute tan matply a rawn thleng tawh a, a rang lama lak tur a ni ang.

MLA CHAM MEK :

    Champhai North Bialtu MLA TT Zothansanga chu Aizawl ah cham mekin PWD hnuaia Champhai kawng siaman tur sawipui turin Chief Minister Lalthanhawla, New Delhi a zin a nghak mek a. CM hi naktuk Nilaini hian lo haw tura beisei a ni.

TUIAH TLAHLUM :

    Lalhunhlua (3) s/o Vulthanga Champhai Kanan Veng chu nimin chawhnu khan an thenawm In sakna khur laih tuitlingah a tla hlum. Lalhunhlua ruang hi nimin tlai kha Champhai Damdawi Ina postmortem a nih hnuah nizan khan an chenna In KananVengah thlanmualah vui a ni ang. Vulthanga Pa hi anmahni Maxicab khalhin nimin zing khan Champhai atangin Aizawlin panin a zin a ni.

 


ni 3.5.2013 (zirtawpni)



CHAMPHAI-AH THLI, RUAH LEH RIAL THAWK :

    Nizan hmasa zanlai atanga thli leh ruah thawk chuan Champhai hmun hrang hrangah tihchhiat a nei nual.
    Nizan hmasa dar 12:30 vel khan Pu Telzatina In, Vengthar a mi chu a chunglam thlir hian a la a, he inah hian in luahtu mi 2 bakah School naupang inkhel tura kalte leh a in neitute nen an vaiin mi 9 an riak a, he in chung rangva hi thli hian la in kawngchhak lam metres 20 velah a thlawh chho a, hliam tuar erawh an awm lo thung. Hei bakah hian Zion Venga Paudolianthanga, Lalkhawchhana leh Thangsawmsinga te in chu nizan hmasa thli leh ruah khan a chung a hawk bawk a. Nimin vek khan Zion Veng VC leh khawtlang tlawmngai te chuan siamthat hna hi an thawk nghal a ni.

HIGH SCHOOL SPORTS KHAR ANG :

    10th Champhai District H/S Sports neih mek chu vawiin hian kharna hun buatsaiha zawhfel tum a ni. Kharna hun hi vawiin chhun dar 12 hian Chhangphut Field ah neih a ni ang a, Lawmawma, DEO & DPC (RMSA) chu khuallian tura beisei a ni. Tarlan tawh angin he inelna neih mekah hian High School 27 an tel thei a ni.

SUB-DIVISION THAR :

    Nimin khan tun hnaia rawn dah thar PWD Project Sub-Division, Champhai hawnna hun hman a ni a. he Office thar hi Office leh Quarters sak a nih hma chuan PWD Staff Lodge building hnuaiah an awm rih dawn a, SDO Samuel Zothankhuma hovin Staff dang 7 ten tunah hian an thutchilh mek a ni.

SUB-HQRS. YMA ROREL INKHAWM :

    Vawiin hian Sub-Hqrs. YMA Champhai huam chhunga YMA Branch leh Group te chuan Champhai Town hall ah Rorel Inkhawm, Sub-Hqrs. YMA Rorel Inkhawm Vawi 3-na an nei dawn.
    Tukin zing dar 10:30 atang hian rorel inkhawm hi neih a ni ang a, he huna rorel tur langsar zual zingah chuan - Pseudoephidrine (Kheh) dan lova sum dawnna tihtawp nih theih nan hmalak te, Birth Certificate dik taka lakchhuah a nih theih nana hmalak te, Champhaia Tourism Deptt. Office hawn a nih teih nana hmalak te, Mizorama cheng eng hnam hnenah mah OBC pek loh tih te a ni ang.
 

TUIALHTHEI DINHMUN :


Mizofed :
    Petrol : Free Sale (Rs. 62.13)
    Diesel : Free Sale (Rs 48.09)

RD PUMP :
    Petrol : Free Sale
    Diesel : Free Sale


ni 1.5.2013 (nilaini)



KHAPNA THUPEK CHHUAH :

    Vaphai khaw mipuite chuan Guwahati High Court Aizawl Bench in Judgement Order a tihchhuah chu a diklo tih sawiin, he thupek chhuah duhloh entir nan nimin khan an khawchhungah kawng an zawh.
    Vaphai mipui kawng zawhte hian Dan lova khaw din, Saikhum Bawk hi Vaphai ram chhungah engti kawng mahni a awm kan phal lo tih t, Saikhumphai Bawk thiah a nih avang hian Vaphai khaw mi tumah man an ni tur a ni lo, man an awm a nih chuan an hmaah mipui kan ding zel ang tih te; Saikhumphai Bawk hi vaphai hal ni lovin Guwahati High Court Bench hal a ni tih te, Guwahati High Court Aizawl bench in Judgement Order dik lo taka a tih chhuah hi kan duh lo tih te leh POlice in Vaphai mipui beih nana bomb an hmang hi kan sem tak zet tih te chu au hla atan an hmang niin thu kan dawng a. khawngzawhah hian Police Duty te Bomb tihpuah avanga hliam tuarte hi Sawrkarin zangnadawmna pe rawh se, tih leh tun atangin Saikhumphai ah hian VC remtihna lovin mihring cheng an awm tur a ni lo, tih resolution an siam niin thu kan dawng bawk.
    Hetihlai hian Champhai Magistrate chuan nimin khan Khapna Thupek chhuahin chu thupek chhuahah chuan - Tunlai Saikhumphai thil thleng avangin mi thenkhat, Vaphai leh Saikhumphai vel bawra mi, Saikhumphai ah bengchheng leh buaina siam tum an awm nia hriat  ani a, Thil duhawm lo leh lian zawk a thlen lohna turin Saikhumphai mipuite himna ngaihtuah a tul a. hei vang hian lalthangpuia Sailo, District Magistrate leh DC ni bawk chuan thupek a tichhuak a. Saikhumphai leh Vaphaiah mi 5 aia tam awmkhawm phal a ni  lo tih te, Ralthuam leh hmanrua engpawh tumahin an kawl tur a ni lo tih bakah tumah`n midang bungrua leh thawmhnaw te phalna an nei a nih loh chuan an suasamin an tichhe tur a ni lo, tih te niin heng thupekte hi a bawhchhia chu an chungah hremna lekkawh a ni ang a; he khapna thupek hian thupek chhuah a nih atanga thla hnih chhung a huam ang tih a ni.

HIGH SCHOOL 27 INELNA HAWNG :

    Nimin khan Champhai District High School Sports Vawi 10 na chu Chhangphut Field ah tan a ni a, C. Hualrikhuama Dy. DPC (RMSA) chu khuallian niin a hawng.
    Tuna Champhai District H/S Sports tan takah hian School hrang hrang 27 an tel thei a, Inter-District H/S Sports (Mizoram School Games) neih tur atana Champhai aiawh tur thlanna leh Champhai a High School hrang hrang te inelna a ni. Champhai district bika inelna te hi medal tally a Over All Champion thlan tur a ni dawn a, Intihsiak hi May ni 3, 2013 khian zawhfel beisei a ni.

RIH DIL TEH TURIN SAIRANG YMA LOKAL :

    Nimin tlai khan Rihdil hleuh chuah leh a thuk zawng teh tuma lokal Sairang Branch YMA member te chuan Champhai an rawn thleng.
    Sairang Branch YMA te lo hmuahna inkhawm hi Sub-Hqrs. YMA Office Tlangrawtah neih niin he hun hi VL Chama Hnamte, Sub-Hqrs. YMA Secy. chuan a kaihruai a, Mizo te hmun pawimawh Rihdil ngai pawimawha Sairang Branch YMA ten an rawn tlawh chu lawmawm a tih thu sawiin, an tih tur a hlawhtlinna a chan ngei theih nan duhsakna a hlan a ni. Sairang Branch YMA atang hian OB 4 leh member 62 lokalin vawiin hian RIhdil hi hleuh chhuah leh a thuk zawng teh an tum a ni. An branch YMA President Pi Teresa Rothangpuii chuan hemi tur hian hmanrua an neih ang ang an rawn ken thu a sawi. Sairang Branch YMA hian RIhdil hleuh chhuahah hian Mizoram Record siam an tum dawn a ni.

PRISM IN FIR THEHLUT :

    PRISM Hqrs. chuan nimin khan Trade & Commerce Department  in Land Custom Station, Zokhawthar a hna a thawh dan chungchang ah thil fel o tam tak awma an hriat avangin Anti-Corruption Bureau (ACB) ah FIR a thehlut. He FIR hi kum 2008 December hnu lama he Department in Zokhawthar a hma a lka dan information an dil chhuah atanga zirchian a nih hnuah an thehlut niin thu kan dawng.

CM NGHAK DAWN :

    Nimin khan Champhai North Bialtu MLA TT Zothansanga chuan kawng chungchangah Parl. Secy. Thanzara PS leh PWD a an hotute a bia a. Parl. Secy hian CM leh Cabinet Minister thenkhat te Plan sum buaipuia Delhi a zin mek ten Champhai kawng siamna tur sum an rawn hawn ngei a rin thu MLA hi hrilhin, Champhai Thalai Pawl te pawh CM rawn haw lo nghak turin MLA kaltlang hian a rawn ngen nghal bawk a. Champhai North MLA chuan a rawn hawn lo a nih pawhin kawng siamna tur hian a tawp thlenga hmalak a tum niin thu kan dawng.

 


ni 30.4.2013 (nilaini)



DIRECTOR LOKAL ANG :

    Nimin a Saikhumphai Bawk a In 43 hla chungchangah vawiin hian Champhai DLAO Staff 5 te chu assessment la turin Saikhumphai ah hian an kal dawn a. he thil thleng chungchang avang bawk hian LAD Director A. Biaklawma chu vawiin hian Aizawl atangin Champhai ah a rawn dawn niin thu dawn a ni.

HIGH SHCOOL SPORTS :

    10th Champhai District H/S Sports chu vawiin atang hian tan a ni dawn a. Tukin zing dar 10:30 atang hian Chhangphut Field ah tan ani ang a, hawnna inkhawm hi lalbuatsaiha, Organising Chairman chuan kaihruaiin C. Hualrikhuma, Dy. DPC (RMSA) Champhai chu khuallian niin a hawng ang.

FREE CLINIC :

    14 Assam Rifles buatsaih naktuk leh naktop (May 1&2) hian Zotlang Hall ah a thlawna inentirna buatsaih a ni dawn a. Zing dar 10 atangin inentirna hi buatsaih tan a ni ang a, Doctor thiam an lokal dawn a, damdawi pawh a thlawnin an pe nghal dawn bawk niin thu kan dawng.

MLA ZIN CHHUAK :

    Champhai North Bialtu MLA TT Zothansanga chu nimin khan thil pawimawh ti turin Aizawl lam a pan a, Champhai District in kawng siam thatna tur sum ruahman a chan ve loh chungchang chu sawrkar thuneitute a sawipui dawn niin thu kan dawng. District dang zawngin sum an chan laia Champhai District chauhin a chang ve ta lo hi MJA Champhai District chuan pawi an tih thu an lo dawi chhuak tawh a, Champhai Thalai Pawl chuan MLA thu hi ngaihchan a, sum ruahman hi a awm lo zui zel a nih chuan hmalak an tum tih an sawi.

RIH DIL HLEUH CHHUAH :

    Sairang Branch YMA te chuan naktuk (may ni 1) hiana huhoa Rih Dil hleuh kaia Mizoram Record siam an tum niin hriat  ani.



ni 29.4.2013 (thawhlehni)



PASTOR BIAL INKHAWMPUI A TIAK TA :

    Presbyterian Kohhran chuan zirtawp zan atanga nizan thleng khan Pastor Bial Hrang hrangah Pastor Bial Inkhawmpui an hmang a, nizan kha he khawmpui hi a tiak ta a ni.
    Vengsang Pastor Bial chuan Vengsang ah hmangin, inkhamwpui thupui ‘Insengso a rawngbawlna’ tih chu Upa Vanlalliana`n a sawi a. Vengthlang Pastor Bial chu Electric Veng Kohhran ah nghatin, Thupui ‘Krista Thuhretu’ tih chu Upa Dr. Thangsailova Colney in a sawi a. Zote Pastor Bial chuan Ngur Vengsangah hmangin thupui ‘Khawvel mamawh Isua’ tih chu Upa Lalchhandama Renthlei in a sawi. Bethel Pastor Bial chuan Tlangsamah hmangin ‘I dinthar leh ang u’ tih chu Upa Hleikapa`n a sawi a. Zokhawthar Pastor Bial chuan Melbukah hmangin thupui ‘Pathian Kohhrna’ tih chu Upa Lalzamliana`n a sawi a. Ruantlang Pastor Bial chuan Melbuk ah an hmang a, Upa Khawlmawia`n thupui a sawi a. Kahrawt Pastor Bial chuan Kahrawtah hmangin ‘Min venpui rawh u’ tih thupui Rev. Rammawipuia Pachuau in a sawi. Kanan Pastor Bial chuan inkhawmpui hi an lo hmang tawh thung a ni.

1ST DIVISION LEAGUE-AH ZION VENG CHAMPION :

    Champhai Disrtict Football Assn. buatsaih 1st Divisionn League chu Inrinni khan Match hnuhnung ber theuh khelin zawhfel a ni ta a, Zion Veng SC chuan Point 17 hmuin an champion.
    Inrinni khan Match 4 khleh tura ruahman niin Electric Veng leh Vengthlang inkhel tur erawh chu Vengthlang an kalloh avangin Electric Veng chu chaka puan an ni ta a. Inkhel dangah Zion Veng chuan 3-0 in Kanan Veng an hneh a, Kahrawt Veng chuan Zotlang chu 0-3 a hneh lovin Tlangsam chuan Vengthlan North chu 2-1 in an hneh bawk a ni.
    Inkhleh zawh hnu hian kharna leh lawmman semna hun hman a ni a, 1st Division League hi Team 8 ten khelin Zion Veng SC chuan points 17 hmuin an champion a, khel tluanlo Vengthlang leh Electric Vengte chu 2nd Division ah tla in, Venglai leh Vengthar ten 1st Division an kaithar thung a ni. Champion hian Rs. 10,000 dawngin adang zawng hian Rs. 1000 theuh an dawng  ani.

VENGTHLANG 10-NA :

    Mizorama Kohhran lian ber Presbyterian Kohhranin kum 2012-2013 chhunga Synod sum hmuh a tarlan zinga, Kohhran thawhlawm thawh tam 10 a tarlan zingah Champhai Vengthlang Presbyterian Kohhran chu 10-naah a lang phak a, thawhlawm hi Rs. 2,49,43,634 an thawh niin a tarlang.

 


ni 26.4.2013 (zirtawpni)



KAWNG SIAMNA TUR KAN NEI VE LO :

    Nikum lama Champhai Thalai Pawl leh a thawhpui ten kawng tha kan duh avangin No Vehicle Day hial kan buatsaih tawh hnuah theihtawpin kan Sawrkar hruaitute dawrin hma lak a ni a. Tichuan Sawrkar chuan Rs. 250 crores pe tur anga an sawi laiin engmah kan chang dawn lo tih hriat a ni.  District hrang hrangten an hmuh dan chu :
    Aizawl - 1367 lakhs
    Lunglei - 830 lakhs
    Kolasib - 225 lakhs
    Saiha - 85 lakhs
    Serchhip - On going
    Lawngtlai - 150 lakhs
    Mamit - 120 lakhs
    Champhai - Nil
    TOTAL - 2777.8 lakhs
    Champhai Thalai Pawl chuan kan MLA TT Zothansanga hmu nghalin amah hi ngaihchan phawt an tum a. Ahma lakna in awmzia a awm lo a nih chuan Champhai Thalai Pawl te na taka hma lak an tum. Hei hi Political Party fuihpawrh vang leh mimal inbeihna a ni lo tih erawh kan hriat a tha. Champhai Hmangaihtute Champhai tana pen chhuak turin i lo in ring ang u.
    SPA of Special Programme for Road Development-ah hian pawisa awm angin sawi mahse kan thudawnna chuan hmuh loh tur anga ngaih tur a ni a ti.

MIZORAM INCHAI CHAMPION THAR CHAMPHAI NULA :

    Mizoram Wrestling Association buatsaih Mizoram pum huap Inchaipui 2013 chu nimin khan Aizawl Sipai Lammualah neih a ni a. He inchaipui neih zawh takah hian Champhai nula pahnihte chuan an bitum leh champion lai ve ve hnehin Champion thar an ni.
    Nute Title Fight ah Champion lai Anita Lalsiamkimi, Serchhip  chuan amah chotu Champhai nula Lalnilawmi d/o Zothangluaia, Tlangsam a hneh zo lova. Nulian ah Champhai vengsang nula kum 17 chauhva upa Lalnunmawii d/o Sailuta (L) chuan Champion lai Lallawmzuali, Chaltlang chu a hneh bawk.
    Champhai nula chhuanawm pahnihte hi vawiin hian Aizawl atangin Champhai ah an lo haw chho dawn a, vawiin thlai dar 3:30 hian Darthangvunga Traffic Point ah Champhai District Wrestling Assn. huaihawtin anmahni lo hmuahna hun buatsaih a ni dawn a. Hemi hunah hian lawmpuina thilpek pe duh tan pek theih a ni ang. He hun hmang tur leh Champhai nula chhuanawm pahnih lo hmuak tur hian Champhai mipui a tam thei ang ber kal turin min sawm e.

A THLAWNIN :

    Naktuk 27.4.2013 hi World Veterinary Day vawi 13 na a ni a. He ni hi khawl pumah hman thin niin, kumin thupui atan hian ‘Vaccination : to prevent and protect’ tih chu hman a ni ang. He ni pual hian AH & Vety Deptt. Champhai chuan State Vety Hospital, Champhai ah a hnuaia vaccine te hi a thlawnin a duh apiang tan lak theih a ni ang : ARV (Ui a hri venna) FMD (Bawng ke na hri venna) HS/BO (Bawng pul hri venna) leh RD Vaccine (Ar pul hri venna) te a ni.

AKEDAH PAHNIHNA :

    Sports & Youth Services buatsaih Mizoram pum huap District hrang hrang aiawha inelna Beat Contest neih zawh takah Champhai aiawha tel Akedah Band chu pahnihna an ni.

PRISM IN FIR THEHLUT :

    Nimin chawhma khan PRISM chuan ACB ah Minor Irrigation hmalakna chungchang a thil diklo awm chhuichiang tura ngen na FIR an thehlut.
    Champhai Sub Division Minor Irrigation project hnuaiah hian site camp hmun sawmpahnih siamnan fund a lokal a, a vaia sum belhkhawm chu Rs 48,38,778.00 a ni. Heng a hnuaia mite hi site camp sakna hmun tura ruahman te chu an ni.
    1) Awmpui phai, Champhai
    2) Luangdarh, Champhai
    3) Dilhnuai, Hnahlan
    4) Vaparhnuai, Vapar
    5) Lungloh, Zokhawthar
    6) Midumphai phase II, Champhai
    7) Tlabung,
    8) Tuipuite, Tlangsam
    9) Lungreh, Dungtlang
    10) Lungverh, Zotlang
    11) Thlikva, Bungzung
    12) Vawngzawl H, Hmunhmeltha.
    Heng zianga hmun 5 chauhah siam niin hmun 7 chu siamloh a nia, heng siam a an insawi hmun nga pawh hi an sum hman leh an hnathawh a in millo in an siam te hi a chhe takzet a ni tiin an lehkha theh luhah chuan an tarlang.

TUIALHTHEI DINHMUN :

Mizofed :
    Petrol : Free Sale (Rs. 65.13)
    Diesel : Free Sale (Rs 48.09)

RD PUMP :
    Petrol : Free Sale
    Diesel : Free Sale  


ni 25.4.2013 (ningani)



DC LO HAW :

    Hun engemaw chen chhung phai lama training a neih zawh hnuah Champhai DC Lalthangpuia Sailo chu nimin tlai khan Champhai lo thlengin, vawiin atang hian a Office a luahlum tan leh tawh dawn niin thu kan dawng.

ZIRLAI TI THA :

    Tunhnaia National Talent Search Exam-ah TC Lalramchhuanmawia s/o TC Lalmuanpuia leh Lalramchansangi d/o Kamlova, King Solomon`s School ve ve te chu inziak tlingin thla thar, May ni 12 khian AIzawlah State Level Exam bei turin an kal dawn tih thu kan dawng.

NLUP SEM :

    Champhai Industries Deptt. in NLUP 2nd Phase Ist Installment an sem kal mekah nimin khan Khawzawl leh a chhehvel khuatetan Khawzawlah trainingbuatsaihin NLUP hi sem zuii leh a ni a, ruahman lawk ang chuan vawiin hian Chawngtlai leh Tualte khuaa mite pualin Chawngtlaiah Training neiin NLUP hi sem zui leh a ni ang a. Tun thla ni 29-30 khian Lengten bilah kalin NLUP hi sem zui leh a ni ang.

DWMYF KHAWMPUI :

    District Wesleyan Methodist Youth Fellowship (DWMYF) Inkhawmpui vawi 13-na chu Zirtawpni Zan atanga Pathianni Zan thlen gkhian Champhai Local Biak In, Vengthlangah neih a ni dawn a. Thupui atan ‘Hma i sawn zel ang u’ tih chu hman a ni ang a, Speaker atan Rev. Dr. ROhmingliana hman a ni ang. He inkhawmpui chhim tur hian mi zawnng zawng sawm a ni.

RAM ENFIAH :

    YMA SUb-Hqrs. Champhai chuan tuihna humhalh kawnga hmalakna an kalpui mekah N. Khawbung VC ten ram an pek enfel leh hmalak dan tur enfelin nimni khan N. Khawbung ramah hian YMA hruaitute an kal.

NULIAN INCHAI :

    Vawiin hian Mizo Inchai championship Fight neih a ni dawn a,hetah hian tarlan tawh angin hmeichhe lamah Champhai mi challenger pahnih an awm a, Nulian Champion tum tur hi Lalnunmawii d/o Sailuta, Vengsang a ni a, Nute Challenger hi Lalnilawmi d/o Zathangluaia, Tlangsam a ni bawk. He inchai hi chawhma dar 10 ah tan a ni dawn a. Nute inchai hi a hmasa ber ang. Champhai  mi, mikhualna hmunah hian Aizawla awm zawng zawngte leh mahni chhungte Champhai nula te tawiawm turin kan inchah theuh a tul dawn a ni.

 TUIALHTHEI DINHMUN :

Mizofed :
    Petrol : Free Sale (Rs. 65.13)
    Diesel : Free Sale (Rs 48.09)


RD PUMP :
    Petrol : Free Sale
    Diesel : Free Sale 


ni 24.4.2013 (nilaini)



ZOTE  BRANCH YMA IN AN BRANCH DINCHAMAH HMEITHAI IN SA :

    Champhai Zote Branch YMA chuan an Branch YMA Rising Day 44-na lawmna pualin an Vengchhunga Hmeithai In an sa. Zote Branch YMA hian kumina an Branch YMA dincham Vawi 44-na hi ropui taka lawm an tum a, hemi lawmna pual hian an huamchhunga Hmeithai Pi Lianthluaii (66) s/o Hranglinga (L) chenna in tur chu sak hnatlang an nei a,
    In hmun hi Zote VC in an pe a, In hi 12 x 12 feet a zau a sak niin, a chung Rangva, a bang Tile leh a chhuat thingphel a sak a ni a, tunkar chhung hian invawm luh theih a peih hman an inbeisei thu Branch YMA hruaitute hnen atangin dawn a ni a. Hmeithai Pi Lianthluaii insakna tur chakleh mamawhhi YMA leh VC tangkawpten vengchhungah vehbur khawnin, heta tlingkhawm hmang hian nimin khan in sak hnatlang hi an nei a, hnatlanga thawk chhuak hi mi 70 vel niin, he hnathlang hi Branch YMA leh VC tangkawpten an buatsaih a ni a, hetah hian Zote MUP Unit leh Branch MHIP member te pawh an tel a ni. Branch YMA dincham lawmna pual hian Champhai District Hospital a damlo mangangte hman turin thisen pek  an tum thu dawn a ni bawk. Branch YMA dincham lawmna hi April 30 2013 hian khawtlangin awmni khamin ruai nen lawm an tum thu dawn a ni bawk.

AMBULANCE PE :

    Nimin zing dar 10 khan NBCC Lrd. Aizawl CSR Scheme hnuai atanga hmuh District Hospital Champhai dah tur Ambulance-cum-Morgue Van chu Hospital thuneitute hnenah hlan a ni.
    Hemi puala hlanna inkhawm tawi buaitsaihah hian Addl. DC Zoengsanga chuan lawmawm a tih thu sawiin hmasawnna ropui tak a ni, a ti a. Champhai mipui ten tangkai taka kan hman theih nan a enkawl lamah pawh uluk a ngai hle a ni, a ti. he hunah hian Medical Supdt. pawhin thusawiinn an ambulance neihte a hui deuh tawh laia hetianga motor thar an nei thei chu Hospital aiawhin lawmthu a sawi bawk a ni. He ambulance-cum-morgue van hi Rs. 4,30,000 bawr vel man a ni a, Champhaiah registration tih niin nimin khan Hospital thlenpui nghal a ni.

SECRETARY LOKAL :

    Soil&Water Conservation Department leh Fisheries Department Secretary K. Thanzama chuan thawhtanni khan Khawzawl S&WC Office a tlawh a, DO R. Lalramliana leh a Staff ten lo dawngsawngin DO Quarters ah thingpui an inpui a, District Office leh thil dang tihchangthlun dan turte enfiahin, DO hian an mamawh chi hrang hrang ziakin alothlen a ni. Secretary hi Champhai ah riakin nimin khan Champhai Fisheries Department hmalakna hrang hragte a hmunah a fangkual.

PAKHAT CHIAH TLING :

    Department of Taxation hnuaia hnathawk tur Inspector of Taxes lak tharah Champhai District atangin T. Lalchhandama s/o T. Thangmunga (L) Mimbung chiah a tling, kan lawmpui e.

TUIALHTHEI DINHMUN :

Mizofed :
    Petrol : Free Sale (Rs. 65.13)
    Diesel : Free Sale (Rs 48.09)

RD PUMP :
    Petrol : Free Sale
    Diesel : Free Sale

 


ni 23.4.2013 (thawhlehni)



NGO-IN ADDL. DC HMU :

    NGO Coordination Committee chuan nimin khan Addl. DC Zoengsanga hmuin Champhai tana thil pawimawh leh hmasawnna tura hmalakna kal mek chungchang an sawipui. He hunah hian sa rate bituk chungchangte, ran talhna hmun Slaughter House Phaizau tuilak na bula sak tum chungchangte, IIDC hmun chei that dan tur chungchangte leh khaw chhun gkawng zauh chungchangte bakah DC hmun hlui humhalh dan tur chungchangte an sawipui a. Addl. DC hian NGO hruaitute ngaihdan mai bakah amah pawhin Champhai tana hmasawnna tur a lo ngaihtuah thinte inpawh takin an sawi tlang a, tunkar maia DC Lalthangpuia Sailo a lo haw dawn avangin thutawp erawh siam a ni rih lo thung.

RANGVA SEM DAWN :

    Champhai North Bialtu MLA Pu TT Zothansanga`n a bial chhunga Di In Nuaibo Programmea kalpui mekah vawiin chawhma hian hahlan ah 2nd Phase dawngtu mi 58 hnenah rangva bundle 4 zel a sem dawn.

AMBULANCE HLAN DAWN :

    NBCC Ltd. Aizawl chuan CSR Scheme hnuaiah Champhai District Hospital hman atan vawiin chawhma dar 10 hian Ambulance -Cum-Morgue Van an hlan dawn a, inhlanna hun hi DC Office Chamber ah neih a ni ang.

CHAMPHAI SDO SAWN :

    Champhai Power Sub-Division-a SDO Lalthanzuala chu Bilkhawthlir ah sawn a ni a, vawiin hian SDO Staff te chuan amah thlahna hun an hman dawn avangin dawr theih a ni dawn lo a, mipuite hriatthiamna an ngen e. Champhai SDO ah hian E-in-C Office a awm mek Lalthanliana a rawn awm ang.

DPC (SSA) ZIN :

    Champhai DPC (SSA) laldingliana chu vawiina MSOA Office, Aizawl Khatla a Scouts & Guides Meeting a tel turin Aizawlah a cham mek a, kar tawp lam kkhian Champhai ah a lokir theih beisei a ni.

ECONOMIC CENSUS :

    Economics & Statistics Deptt. chuan nilaini atang khian Champhai District ah 6th Economic Census a rawn nei dawn a. he Deptt hnauia Enumerator zawng zawngte ni laini zing dar 9:30 ah Vengthlang YMA Run ah kim taka kal turin an hriattir.

 TUIALHTHEI DINHMUN :

Mizofed :
    Petrol : Free Sale (Rs. 65.13)
    Diesel : Free Sale (Rs 48.09)

RD PUMP :
    Petrol : Free Sale
    Diesel : Free Sale  


ni 20.4.2013 (Inrinni)



CHAMPHAI DLMC LEH LINE DEPARTMENT HOTUTE THUKHAWM :

    Nimin khan District Level NLUP Monitoring Committee (DLMC) leh NLUP Line Department hrang hrangte chu an Chairman MLA TT Zothansanga hovin DC Conference Hall ah an thukhawm a, thuhma sawiin Pu TT-a chuan tun thlenga Champhai District chhunga NLUP hmalak dan leh kalpui dan chu tha thawkhata a hriat thu a sawi a.
    He meeting ah hian NLUP 1st Phase atanga tun thlenga hmalak tawh dan leh harsatna an tawh hrang hrangte an sawiho a, hmala tha tawk lote umzuia an chunga action lak dan turte pawh an sawiho nghal a ni. Co-Chairman Add. DC Zoengsanga chuan Department hrang hrangin 1st Phase atanga tun thlenga NLUP kalpui tawh dan report kimchang takin a pe a. Line department hrang hrangte pawhin an hmalak dan theuh report kimchang takin an pe a,  tun dinhmunah chuan 1st phase a tanpuina awm ang ang chu an sem zo fel vek tawh a ni.
    He hunah hian AG Mizoram in an Audit mek avangin Horticulture lam an kal thei lo a, Department hotu dangte erawh an tel kim hle a ni.

TOP 10-AH TLING :

    MBSE in nimin a HSLC Exam Result a tihchhuah takah BC Lalthlamuana English Academy zirlai Christina Lalawmpuii d/o Lalhmangaihzuala, Hospital Veng chu top ten ah langin Mizoram pumah 9-na a ni pha.

SIALSAWM KUT :

    Ngaizawl khua chuan kum tin an tih thin danin nimin atang khan Sialsawm Kut an hmang a, Khawzawl BDO C. Lalsangluaia MCS chuan khuallian niin a hmanpui. Kut jawn ni nimin khan chawhma lamah Cultural Show chi hrang hrang an entir bakah naupang infiamna buatsaih a ni a, vawiin lamah hian puitlingin infiamna chi hrang hrang hmangin intihhlimna an nei dawn a ni. He kut hian Pathianni thleng a awh dawn a, vangtlang ruai buatsaih a ni lo chungin chhungkua in kut pual hian ei leh in an buatsaih thung a ni. September thla hian Khawdo Kut an hmang leh dawn nia thu dawn a ni.

MPCC INVITEE AH RUAT :

    Chief Minister Lalthanhawla, President MPCC chuan Pu Lalhlawhliana, Vengthlang chu MPCC Invitee atan ruatin nimin khan order tihchhuah a ni.

CHARGE INHLAN :

    Champhai District Sericulture Officer PC Darthankhuma chu AIzawl Zemabawka Training Centre ah sawn niin a hmunah hian J. Lalthankima a rawn awm dawn a, nimin khan charge an inhlan fel.

FOOTBALL  LEAGUE :

    CDFA 1st Division League khleh mekah vawiin hian Thlangsam Playground ah Match 4 khelh leh a ni ang a. Zing dar 10 atangin inkhel hi tan ani ang a, chuta inkhel turte chu  :
    Electric Vs Zion Veng
    Tlangsam Vs Zotlang
    Vengthlang N Vs Kanan
    Kahrawt Vs Vengthlang

TUIALHTHEI DINHMUN :

Mizofed :
    Petrol : Free Sale (Rs. 65.13)
    Diesel : Free Sale (Rs 48.09)

RD PUMP :
    Petrol : Free Sale
    Diesel : Free Sale 


ni 18.4.2013 (ningani)



NGO IN COMMITTEE NEI :

    Nimni zing khan Champhai District NGO Coordination Committee chu an Chairman Pu David Thangluaia In, Kahrawt ah an thukhawm a, he hunah hian Champhai tana ran talhna hmun Slaughter House sak tum chungchang an sawi ho a, TUipui hnara Slaughter House sak tum chungchang hi mipuiin chiang zawka an la hre lo chu pawi an tih thu sawiin Slaughter House in a nghawng tur Phaizau, Tuipui hnar leh Luangdarh zau a loneitute chu hemi chungchang hi sawipui leh nise an ti bawk. hei bakah hian Champhai khaw chhunga sa rate mumal lo lutuk chungchang pawh relin mumal zawka sa rate hi kalpui a nih theih nan DC sawipui nise an ti bawk.

RUIHHLO TI HLUAR :

    Tunlai hian SBI peng bul leh a chheh velah ruihhlo ti an huangtau hle a. Mipui kal vel pawh zah zo lova kawng sira lo hmuthlu pawh hmu tur an awm deuh reng niin thu dawn a ni.

TUIALHTHEI DINHMUN :

Mizofed :
    Petrol : Beisei (Rs. 65.13)
    Diesel : Free Sale (Rs 48.09)

RD PUMP :
    Petrol : Free Sale
    Diesel : Free Sale


ni 17.4.2013 (nilaini)



TETANUS  HRIK NEI CHHINCHHIAHTU TURTE TRAINING :

    Nimin chawhma dar 10 khan Maternal Tetanus Elimination (MNTE) Validation Survey  neih tur atan District Level training, ni hnih awh tur chu I&PR Auditorium CHANEM ah tan a ni. Training ah hian Champhai District chhunga Health Workers, Health Supervisor leh Pharmacist zawng zawngte kohkhawm an ni a, training hi WHO atanga mithiam lokal ten an pe a ni. Training zawh hian H/W, H/S leh Pharmacist te hian Champhai District chhunga Nu leh naute, Tetanus avanga thi an awm leh awm loh an zawng chhuak ang a, naupang thla 1 thling loa thi zawng zawngte thih chhan zawng chhuakin Tetanus avanga thi an nih leh nih loh an enfiah dawn a ni. Tetanus avanga thi kan nei lo tih fihfiah leh hriattirna hi a pawimawh em avangin tunah hian MNTE Validation Survey hi Mizoram State pumpuiah neih tur a ni.

INDUSTRY HNUAIA NLUP DAWNGTUTE HNENAH SEM :

    Nimin chawhma dar 11 khan Industry Department hnuaia NLUP hamthatna dawngtu chhungkaw 71 hnenah tanpuina sum Rs. 20,000 theuh pekchhuah a ni. NLUP tanpuina sem chhuah inkhawmah hian Pu Siamhlira, SDIO Champhai chuan NLUP dawngtute hnenah hamthatna dawn chu hlawhtlinpui ngei tura fuihin rinawmna nena hnathawk turin a chah a ni. NLUP tanpuina semchhuah hi 2nd Phase, 1st Installment a ni a, Champhai vengthlang huamchhung mite hnenah sem a ni. Hamthatna dawngtute hian an trade thlan atan hian training a nei zui nghal dawn a ni.

NI 7 INHLAWHNA :

    2012-2013 kum atanga NREGS a ni 7 inhlawhna chu BDO te hnenah pekchhuah a ni tawh a, Champhai BDO pawhin buaipui mekin VC te hnenah an semchhuah thuai beisei a ni. 2012-2013 kum chhunga inhlawhnaah hian Champhai District hian ni 97 kan tlin a, Champhai DRDA chuan ni 10 inhlawhna an dil laiin Central atanga sum lokalin ni 7 chauh a daih a, he sum hi March ni 28 ah chauh hmuh a ni a, sawrkar kum a tawp zui leh mai avangin a dang dilna hman a awm ta lo a ni. Mizoram ah ni 100 inhlawh thei Kolasib leh Aizawl District an ni a, heng district tih lohah chuan Champhai hi tlin theuh ber kan ni.

MINISTER CHAMPHAI AH    :

    Champhai South Bialtu MLA JH Rothuama chu a bial fang turin nimnpiah tlai khan Champhai a lo tleng a, nimin khan a bial chhung hmun hrang hranga mitthite a ral a, tukin zing hian Dilkawnah tukthuan eiin Kelkang a tlawh leh ang a, tlai lamah chuan Ruantlangah zanriah a ei leh ang, Minister hian Inrinni hian Champhai chhuahsanin Aizawl lam a pna leh dawn a ni.
    Hetihlai hian Champhai North Bialtu MLA TT Zothansanga pawn a bial chhung Hnahlan tlangdung fangin a zin mek a, naktuk Ningani hian Champhai alo haw leh ang.

NGO THUKHAWM :

    Tukin zing dar 7 khan Champhai District NGO Coordination Committee chu an Chairman Pu David Thangluaia In, kahrawt ah thukhawmin hetah hian Tuipui hnara ran talhna Slaughter House din tum chungchang an sawi ho.

CHAWIMAWI DAWN :   

    Presbyterian Kohhran kahrawt Bialtu Pastor Rev. Rammawipuia Pachuau nupui Pi Lalruotmawii chu vawiin hian MUP Hqrs. chuan Aizawl Vanapa Hall ah an chawimawi dawn.

ni 16.4.2013 (thawhlehni)



SUB-HQRS. YMA EXECUTIVE THUKHAWM :

    Nimin chawhma dar 11 khan Sub-Hqrs YM A Executive Committee neih a ni a, hetah hian kumin a Sub-Hqrs. YMA Conference (Rorel Inkhawm) chu Ni 3.5.2013 (Zirtawpni) nise a hmun atan Town Hall nise an ti. Rorel Inkhawm neih huna ngaihtuah tur thuthmun Branch hrang hrang atanga thehluh te an thlir ho a, Rorel inkhawmpui neih huna ngaihtuah atan Birth Certificate lem chungchang te, Dan phalloh thil (Damdawi lam) a sumdawngte chungchang te, Champhai District a pi leh pu sulhnu chulhnum leh zual a nih dan turte an chhawp chhuak ang a, heng bakah hian Group hrang hrang atanga Agenda lo lutte an ngaihtuah bawk ang. Sub-Hqrs. YMA thuthmun Branch te tan Rorel Inkhawmpui neih kumah member nawlpui inhmuh khawmna hun thil engemaw siam rawtna awm chu nimin a Executive thukhawm chuan tha an ti a, OB te hmalak zui atan an dah bawk. Nimina kalkhawmte hnenah hian Budget leh Annual Fee la pe lo ten a rang lama pe fel vat turin an inchah nghal bawk a ni.

THISEN PE :

    Nimin khan Tlangsam Branch YMA chuan Champhai District Hospital ah a mamawh apiangte tana hman turin thisen unit 28 an pe a, thisen petute hi mipa 13 leh hmeichhia 15 an ni a, thisen hi Tlangsam VC Hall ah Blood Bank a thawk ten a an laksak a ni. Tlangsam Branch YMA hian Sub-Hqrs. YMA in thisen pek routine a lo siam tawh anga an Branch pek thla a nih avangin thisen hi an pe a ni.

VAWKSA RATE :

    Nimin khan Addl. DC Pu Zoengsanga hovin DC Conference Hall ah Champhai khaw chhunga vawk sa rate chungchang sawiho a ni. He huna kalkhawmte chuan vawk sa rate hman lai Rs. 180 chu buk tling ngeia hralh chhuah nise an ti a, vawk talhna hmun VC te hriatpuina ngeiah chauh talh nise, a zawrhna hmunah pawh sawrkarin a siam bazarah chauh zawrh nise an ti bawk. he meeting ah hian sa zuartu Champhai Butchers Society, SP, NGO Co-ordination COmmittee leh VC aiawhte bakah sawrkar department leh pawl hrang hrang aiawh te an tel.

CABLE TV LEH  CONSUMERS INREM THEI LO :

    Nimin khan Champhai District Consumer Association leh Champhai a Cable TV neitute chuan Cable TV Fee chungchangah Press Club-ah inkhawmna hun an nei. He hunah hian Cable neitute chuan an harsatna te sawiin thla khata Cable TV Fee Rs. 250 a khawn tumna kal mek chu an Headquarters MICODA atanga an thu hmuh a ni a, Headquarter atanga an thu hmuh chu kaltlangpui an tum thu an sawi a. Hei hi Consumers Assn. lam hian an Headquarters - Aizawl lam atanga thu an hmuh ang thovin an remti thei bik lo a ni. He inkhawmna hunah hian Cable TV neitute hian thla khat fee Rs. 250 chu kaltlangpui zel an tum thu an sawi a, Rs. 200 petute chu disconnect an nih tur thu an sawi bawk. Consumers Assn chuan mipuite chu chi ai lo tur leh Rs. 200 aia tam pe lo turin an ngen a, disconnect an nih chuan Rs. 200 a pe thei tur an zawn tur thu an sawi ve thung.

MLA SUNNA HUN :

    Vawiin chawhma dar 11:30 hian nimin a boral East TUipui bialtu MLA PU B. Lalthlengliana sunna hun Champhai South Block  President Pu R . Thangseia, Bethel Veng Inah neih tur a ni a, he hunah hian Champhai mipui a thei apiang tel tura sawm kan ni e.

MZP IN TAN AN LA :

    Tunlai hian MZP Hqrs. Champhai chuan tan la tharin Branch hrang hrang an hawng a, nimin khan R. hranga HS ah Branch hawngin vawiin hian Khawbung a Sub-Hqrs tlawhin Farkawn ah Sub-Hqrs. din nghal an tum bawk. Hemi hnu hian Hnahlan ah pawh Sub-Hqrs. an tlawh leh dawn a ni. MZP Office thar tur atan LB Mini Market chung biak mek a ni.

ni 15.4.2013 (thawhtanni)



MEETING NEI ANG :

    Champhai khawpui chhunga Vawksa rate chungchang sawiho turin Champhai Addl. DC Zoengsanga chuan vawiin chawhnu dar 2 hian DC`s Conference Hall ah Officer te leh hemi kaihhnawih pawl hrang hrang hruaitute meeting a ko.

CONSUMER UNION IN CABLE FEE SAWI KHAWM :

    Inrinni khan Champhai District Consumer Union hmalaknain Champhai a NGO hrang hrang YMA Sub-Hqrs. Champhai, MHIP, MUP leh Champhai District NGO te nen Cable Fee chungchang an sawi ho. He meeting ah hian Cable Fee Rs. 250 a tih san hi Rs. 200 a khawn leh nise an ti.

CDFA LEAGUE :

    Electric 1-4 Kahrawt; Tlangsam 1-2 Kanan; Zotlang 3-1 Vengthlang; Vengthlang N 1-3 Zion Veng SC
    Tuna an dinhmun
    Zion Veng SC        10
    Zotlang GSA        9
    Kahrawt SC        9
    Tlangsam SC        7
    Vengthlang N SC    6
    Kanan SC        6
    Vengthlang SC    0
    Electric SC        0

FIFA GRASSROOT :

    Vawiin hian Mizoram hmun hran ghrangah Football zirna FIFA Grassroot chu hawn a ni dawn a. Champhai ah chuan tukin zing hian Chhangphut Field ah Jersey sem a ni ang a, naupang registration ti fel tawh zawng zawngte tukin zing dar 6 hian Chhangphut Field ah kim taka kal turin CDFA chuan a hriattir a. A hawnna hi Chhangphut Field ah vek hian tlai dar 4 ah neih a ni ang. He hunah hian CDFA chuan Executive member chin chu kim taka kal turin an hriattir bawk a ni.

 


ni 12.4.2013 (zirtawpni)



NAUPANG CHANVO LEH DIKNA SAWIHO :

    Nimin chawhma dar 11 khan Champhai Excise & Narcotics Office ah Advocacy meeting on Child RIght, District Child Protection Society Champhai District leh Gan Sabra tangkawp buatsaihin naupang chanvo leh dikna pawimawhna sawiho a ni. he Aeareness hi Champhai Excise & narcotics SE PU T. Lalhmingthanga kaihhruaina hnuaiah neih niin Champhai Excise & Narcotics SE Pu T. Lalhmingthanga chuan thusawiin naupangte enkawlna tha pke a pawimawhna leh Excise te tangkaina hrang hrang leh hetiang lama naupangte chanvo leh dikna humhalhna chungchang an office a an rawn kal chu lawmawm a tih thu a sawi a. Lalrinchhani DCPO in naupangte dikn aleh chanvo chungchangte, Dist. Child Protection Society hnathawh te an sawi a, Pu Vanlalzawni SDPO Champhai pawhin thusawina hun neiin naupangte dikna humhalh kawnga Excise te tih tur leh an mawhphurhna chi hrang hrangte sawina hun a nei a, Pu Vincent Lalrokima, 1st Class Judicial magistrate Champhai in Nuapng kum 18 la tling lo te tan a bik a dan Juvenile Justice Act. chu a chipchiar takin saiwna hun a nei bawk.

GAS LEI THEIH :

    Tun thla APril chhung hian Mizofed LPG Office, Champhai ah Gas Trip 4 a lo thleng tawhin, heng te hi Project Veng, R. Thanliana Point, Khawbung, Saitual, Bungzung, Sialhawk, Nazareth Veng, Vengthlang, Vengthlang N ah te sem tawh a ni a, tunah hian gas sem tur stock sa awm rih lo.
    Gas phur motor nuar te an lungawi leh tak avangin a lo thlen beisei mek a ni. Fas sem tur awm lo mahse Non-Subsidiesed a lei tur bur khat Rs. 1070 in a awm reng a. Non Subsidised hi Chhungkaw khat kum kat quata bur 9 a zawh huna, card hmang lova consumer ten an lei tur rate sang zawka rawn thawn thina n a. hei erawh hi chu engtik lai pawhin a hmunah lei tur a awm reng thung.

TNT CAMPING :

    Tun thla ni 15-25 chhung khian MZ Home, TNT Champhai ah RUihhlo ngaite pual Camping buatsaih a ni dawn a, a lut duh te tan ni 13-15 chhungin admission tih theih a ni ang. Speaker atan hian Dr. Sangthankima, Pu Lalhmangaiha leh Pu Lalnunzira Sailo te an ni dawn a ni.

TUIALHTHEI DINHMUN :

Mizofed :
    Petrol : Free Sale
    Diesel : Free Sale
RD Pump :
    Petrol : Free Sale
    Diesel : Free Sale
    

 

ni 11.4.2013 (ningani)



MULUKAWLH HUMHALH :

    Tunlai hian Ruantlang khaw dai, Tiau kawng velah Mulukawlh rual awmin, Ruantlang Branch YMA te chuan an humhalh a. Heng mulukawlh te hi mitin ten humhalhpui tura an sawm rualin tumahin khawih/tina lo turin an ngen a. He ngenna pawisa lo te chu an chungah a na thei ang bera action lak bakah thuneitute hnena thlen an tum tih thu dawn a ni.

CHAMPHAI-AH PMEGP TRAINING HAWNG :

    Nimin chawhma khan GOvt. Champhai College Seminar Hall-ah PMEGP hnuaia Loan la tute tana Chawlhkar hnih chhung awh tur EDP training chu hawn a ni.
    Hawnna hun C. Vanlalruat DVIO kaihhruaiah hian thusawiin khuallian Tinkhandala, Cheif Executive Officer, Mizoram KVI Board chuan Champhai hi mi taima awmkhawmna a ni a, hetiang vangte pawh hian Aizawl lam pawhin nangmahni ah beiseina sang tak kan nei a ni, a ti. Hlawhtling tur chuan huaisen a ngai thu sawiin mi huaisen tan lo chuan hlawhtlinna hi neih a har a ni, tiin loan te la ve mahse, tumruhna leh huaisenna an neih loh chuan thil tam tak ngaihtuahna in an rilru a tibuai a, rulh theihloh te an hlau a, hetia an inngaihtuah chhung hian an sum chu a ni lo lamah an hmang leh mai thin a ni a ti.
    He hunah hian K. Siamhlira SDIO DIC, K. Lalramlawma, JEI leh Pu Lalnunmawia, Principal GOvt. Champhai COllege te chuan thu a sawi a ni. He training ah hian thupui hrang hrang hmangin mithiam thlan bikte leh Asst. Professor ten training an pe ang a, tun thla ni 20 ah khar a ni ang.

TUIPUI KHUA R. MALSAWMA RUANG CHHAR :

    Thawhlehni khan R. Malsawma, TUipui khua chu thi a chhar a ni a, amaha chesual palh ni a ngaih a ni.
    Thudawnna sawi danin R. Malsawma hi Ningani kalta khan sangha man turin a chhuak a, Saphaili chhuahah nul an nei a, helai hmun velah hian a khawsa tura ngaih a ni a. Pathianni thlen gkhan a chanchin hriat a nih loh hnuah a chhungte chuan zawn hna an thawk tan ta a. A nupui hian Buangkai thleng zawngin beidawnga a haw leh lam chuan kham hnuaia lo bulah a ruang hia  hmu ta a, khawtlang punin a ruang hi lak a ni ta a, niminpiah khan Champhai Civil Hospital ah POst mortem niin nimin khan vuilian a ni. R. Malsawma hi a ramvahnaah hian mahni intipalh nia hriat a ni a, a chetsualna lai hi hriat ni chiah lo mahse a ruang an hmuhna atanga hmun hla takah thisen hmuh a ni a, hei vang hian a hliam hi a tuar dawn lo a a inngaih avangin a ruang an hmuh theihna turah a insaseng zui ta nia ngaih a ni.

VAWK HRI LENG ZIAAWM LO :

    Tunlaia Champhai leh a chheh vela darh mek Vawk pul hri leng mek chuan zual lam a pan zel tih thu  dawn a ni.

ZAWNGTETUI KANG TEP :

    Nimin chawhnu lam khan Zawngtetui ram, Khawhai hnaih lam chu a kang a, meikhu hian Zawngtetui khua hi a tuam chhuak hman vek a, mipuite an chiai hman hle. Khaw daia In thenkhat pehi chu a hnuai lam a mut hman a, inhnuaiah bungrua an dahte pawh kang hman in Zawngtetui Presbyterian Kohhran Sunday School Hall pawh a bang a kang hman niin thu dawn a ni. Kang thelh tur hian Zawngtetui khawtlang chuan Bungzung punin mi 100 vel an thawk chhuak a, kangmei hi a pawi a nasat hma in an thleh mit hman a ni.

FINAL LUT :

    Manipur a North East Game neih mekah Champhai Kahrawt Tlangval Lalrindika chuan Badminton mens singles ah final lutin vawiin hian Manipur No. 1 nen an in tum dawn a ni.

 

ni 2.4.2013 (thawhlehni)



CHAMPHAI EXCISE TEN RED SANDAL WOOD MAN :

    Nizan hmasa dar 7:30 vel khan Champhai Excise & Narcotic Department  Duty te chuan Red Sandal Wood tlawn 280 (Qtl 61) vel, chu Champhai DC Complex hluiah an man a, heng Red Sandal Wood hlut zawng hi Tiau ramri vela an pekna hlut zawng hi Cheng 12200000 vela nia hriat  ani. Red Sandal Wood vela ni ahriat a ni. Red Sandal Wood hi Pu Lalremluaia, Ramhlun South Aizawl Motor 1109 Truck MZ01 G 2900 phurh a ni. He thing man to neitu hi Pu K. Lalhmingliana s/o Hranghminga Venglai Champhai ta nia hriat a ni a, Excise Deptt te hian an Office ah la chhoin Aizawl lam atangin Directorate of Revenue Intelligence, Aizawl Unit a mite an rawn tlan chho nghal a, thil tul leh pawimawhte ziahfel a nih hnuah an ni kutah hian hlan fel tur a ni ang. Excise & Narcotic te hian an thu dawn damdawi ruihtheih thil phur an umzuina lamah Red Sandal wood hi an thawng chhuak ta a ni. Hetianga Champhai khawchhung lo lut tur hian POlice, Custim leh Forest Check Gate tam tak an rawn paltlang thei hi a hria apiangin mak an tih thu kan dawng bawk.

RUANTLANG IN KANG SAK THAT HNATLANG :

    Kar hmasa 28.3.2013 a Ruantlanga Khawtinlianga (Pasira) In kang chu nimin khan Ruantlang khawtlangin hnatlangin an sak that sak. Kangmei tuarte chhungkua hian an In sak hi that tuma hma an lak mek lai a ni a. Good Friday nen a innan avangin sak that hna pawh hi an thawk zui nghal lo a ni. Pu Khawtinlianga hian VC leh YMA te phungbawma sawmin nimin khan khawtlangin In sak that hnatlang an nei a, hnatlangah hian mi 200 chuang an thawk chhuak a, a chak hi In neitute neih sa leh mi tlawmngaite ken khawm a ni a, kum 70 chunglam mi 10 vel an awm a, hnatlang zinga upa ber hi Pu Rualhnudala, kum 91 a ni. In hi a dung 24ft a vang ft 16 a zau a sak a ni a, a bang leh chung hi rangva a ni a, a chhuat hi cement a zut kual a ni ang a, vawiin hian hnatlan gneih chhunzawm a ni ang. Champhai BDO chuan In sak tanpui nan hian Rs. 2000 a pe a, SOuth Block Congress Rs. 2000 bakah bialtu MLA JH Rothuama`n rangva bundle 4 a pe bawk.

AGRICULTURE NLUP :

    Champhai District huam chhunga Agriculture Department hnuaia NLUP WRC I, WRC II leh Fu thlangtute mi 1234 tan Second Phase 1st Installment pawisa sem mek a n ia, pawisa la turte chuan VLMC lehkha kengin District Agriculture Office-ah pay order lak theih a ni a, VLMC ten lehkha an pekchhuah uluk tak leh a nihna ang taka ziah sak turin department lam chuan an ngen a ni. NLUP sem programme hi ni 8.3.2013 khan Champhai Town Hall ah hman a ni tawh a, hemi tuma sem ve hman lohte tunah hian pek chhuah leh mek a ni.

NIB HOTU LOKAL DAWN :

    Vawiin hian NLUP Implementing Board Vice Chairman Pu PL Thanga IAS (Rtd) chu NLUP thil pawimawh hrang hrang enfiah turin Champhai a lokal dawn a, vawiin tlai lamah Champhai lo thlengin naktuk lamah NLUP hmalakna hrang hrang a endik bakah Zote Road a Cold Storage a tlawh nghal bawk ang.

CENTRAL TEAM LOKAL :

    Ministry of Human Resource Development (MHRD) Government of India, New Delhi atangin Mizoram Training Institute hrang hrang te tlawh turin Joint Review Mission Team an lokal a, Tlawh tur zingah DIET, Champhai pawh telin Prof. Poonam Bhushan leh Dr. Nirmal Khandpur leh SCERT Officer te nimni khan Champhai an lo thleng. Joint Review Mission Team te hian vawiin dar 10 ah DIET an tlawh ang a, Cultural Programme neihpui an ni ang a, lunch ei zawhah Aizawl panin an kir leh ang.

THISEN PE :

    Nimni khan Vengthar Branch YMA chuan an kum 17 tlin lawm nan Champhai District Hospital ah a mamawh apiang hman turin thisen Unit 17 an pe a, thisen petute hi mipa 14 leh hmeichhia 3 an ni.

IN RAWKTU MAN :

    Nizan hmasa Pathianni Zan inkhawm hunlai khan Pu F. Lalrosanga, Kanan Veng, In chu misualin an rawk a, Rs. 40,000 an ru chhuak. Police ten rang taka chhuizui nghalin a rutu MS Dawngliana (23) s/o Vanlalchhuanga, Chawngtlai chu nimn zing dar 8 bawr vel khan Sapianmaksak ah an lo man a, MS Dawngliana hian Rs. 1000 vel lo hmang hmanin a bak zawng chu kim taka hmuhlet leh a ni.

ni 1.4.2013 (thawhtanni)



TLANGSAM SC LEH TNT TEAM CHAMPION :

    Inrinni khan Lal Thanghlianga Sailo hriatrengna atana buatsaih Football leh Volleyball Tournament chu Final khela khar fel a ni.
    Football Final hi Tlangsam Field ah khelh niin inkhelh tan hma a inkhawm buatsaih ah Khuallian TNT Founder Chairman Dr. Sangthankima chuan a pu hriatrengna atana hetiang an buatsaih chu lawmawm a tih thu sawiin, Tiau ral atanga rawn tel, Rih Lentlang Youth Assn. (RLYA) te chungah a lawm hle tih sawiin, Zofate kan inpumkhatna tizualtu a nih a beisei thu a sawi bawk.
    C. Hualrikhuma CDFA President pawhin thusawiin Pu Thanghlianga thlah ten infiammite tan hetiang an buatsaih chu lawmawm a tih thu sawiin, Champhai hmasawnna a nih ngei a beisei thua sawi bawk a ni. Football Final hi Tlangsam DC leh Zion Veng ten khelin Tlangsam hian Penalty ah 3-2 a hnehna changin an Champioin a ni. Best Player ah MS Dawngzela leh Top Scorer ah Khawpuimawia, Zion Veng ve ve te chu thlan an ni.
    Football Final khelh zawhah hian Volleyball Final pawh PS I Volleyball Court ah KT Thangchhunga Organising COmmittee Chairman kaihhruaina hnuaiah khelh a ni bawk a, khuallian Zothanmawia, MCS DRDA Project Director ni bawk chuan thusawiin hetiang infiamna hautak tak maia Trophy leh mamawh chi hrang hrang petu Pu THanghlianga Sailo chhungte chungah lawmthu a sawia . Infiammite hmangaihna thinlung nen hetianga TOurnament ropui an buatsaih chu lawmawm a tih thu sawiin, infiammite chu tih tak takna nena infiam zel turin a fuih a ni. Khuallian chuan hlawhtlinna tak tak neitute chungchang sawiin, thalaite hian thil engpawh hi kan thiam mai zel a, mahse hlawhtlinna tak tak nei tur chuan tei rei peih a ngai a, hrehawm tawrh a ngai a, a tawp thlenga tuar peihte chuan hlawhtlinna tak tak an hmu thin a ni, a ti a. Kalkhawmte chu engpawh ti ila rintlak tak ni tur leh a tawp thleng peih turin a fuih bawk.
    He hunah hian Lal Chhungte atangin  Dr. Sangthankima pawhin thu sawin, PLYA te fakin Aizawl lamah pawh tun aia nasa zawka tihlar a tum thu leh an hma lam hunah eng kawng pawha puih a inhuam thu a sawi bawk a ni.
    Volleyball Final ah hian TNT Mz Home leh RLYA ten khelin TNT Mz Home hian 3-2 a hnehna changin an Champion a ni.

SAMATO CHAMPION :

    Inrinni chawhnu lam khan Hnahlan Zone Football Tournament chu final khelha zawh fel a ni. Kharna inkhawm Hnahlan Zone President Ramfangzauva kaihhruaiah hian CDFA President C. Hualrikhuma chu khuallian a ni. Final ah Samato FC chuan 1-0 a Boys United hnehin an champion. Champhai hian Rs. 10,000 leh Runners Up hian Rs. 7000 an dawng. he lawmman hi MLA TT Zothansanga tum sak niin, a chungah hian Hnahlan Zone leh CDFA hruaitute an lawm hle tih thu kan dawng.

 

ni 30.3.2013 (Inrinni)



LAL THANGHLIANGA MEMORIAL FINAL :

    Ningani khan Lal Thanghlianga Memorial Tournament chu Tlangsamah semi final khelh a nia. Vawiin hian Final khelin a hmawr bawk fel a nidawn ta.
    Volleyball Semi Final ah RLYA chuan 3-0 a SLC hnehin Final an inhlangkai a, TNT Mz Home chuan 3-1 a Tlangsam hnehin final an inhlankai bawk.
    Football Semi Final match hmasa zawkah Zion Veng chuan 2-1 in Vengthar an hneh a, Tlangsam SC in 2-1 bawka Kanan hnehin final alut bawk.
    Final hi tukin zing dar 10 hian khelh tan ni ang a. Football ah Zion Veng leh Tlangsam SC ten Final an khel ang. Dr. Sangthankima chu khuallian a ni ang.
    Volleyball inelna lamah DRDA Project Director Zothanmawia, MCS chu khuallian niin, RLYA leh TNT Mz Home ten final an khel ang. Lawmman te hi Volleyball court ah sem tur a ni ang a, TNT naupang ten an thiam thil entirin Free Concert neih zui nghal a ni bawk ang.

NEIHDAWN KHUA-AH IN KANG :

    Pu Darthanmawia, Neihdawn khua chenna In chhunkaw member 3 ten an luahlai chu nimin khan bungrua engmah chuh hman lohin a kangral.
    He In hi a chung rangva, a bang dap niin an mutna lam atanga kan tan nia thudawn niin, In kan lai hian a neitute hi an awm loh lai a nih avangin a kan chhan chiah hi hriat a ni lo a, Electric kalsual vanga kang a nih an ring. He Inah hian sawhthing chawhsa bag 14 a awm bakah In sakna tur thingzai chhekkhawl a awm bawk a, bungrua kangral hi Rs. nuai khat leh sing 5 vel hu ni a ngaih a ni.

INTERNET BANKING :

    Mizoram Rural Bank Champhai Branch hotute hnen atanga thu dawn danin NEFT leh Internet Banking a tih theih tawh a, MRB a account nei ten Office hun chhungin dilna ngaihven theih a ni.

ATHLETE LO THLENG :

    Ningani tlai khan Mizoram Open Athletics Meet a Champhai aiawh ten Champhai an lo thleng.
    He Athletics Meet Rajiv Gandhi Stadium Mualpui a neih hi Junior leh Sub-Junior tana buatsaih a ni a, a pumpuiah Champhai chu titha berin Gold 13, Silver 7 leh Bronze 7, avaiin medal  27 an rawn hawn a. Best Athlete Lalrinchhunga Ruantlang chuan medal 6 lain Lalbiakhlui, Hmunhmeltha chuan medal 7 a la bawk. Biakremmawia Khuangleng chuan medal 4, Rohlupuii, Khawzawl in medal 7 a l a, Hmingmawii Zote chuan medal 3 a la bawk. He Athletics Meet ah hian team 4 telin Champhai hi an titha ber a ni.

NO 4 MAN :

    Mizoram Excise & Narcotics Deptt, Champhai chuan nizan hmasa khan Heroin No 4 Sahbawn bawm pathum (3) chhunga dah chu Tiau Road, Zokhawthar leh Champhai inkara an duty naah Zokhawthar - Aizawl sumo Service a Passenger Pakhat H.Vanlalvena (27) S/o H.Kaphleisanga, Zokhawthar kut atang in an man. Heroin No 4 hi uluk taka saranga pack anih hnu ah sahbawn bawm chhung ah hian khung leh a ni a, gram 36 a rit a ni. Excise & Narcotic Deptt Champhai te chuan thil tul ang ang an tih fel hnu ah no 4 kawltu H.Vanlalvena hi District Council Court Champhai ah hruaiin,District Jail Champhai ah dah luh nghal ani.

ni 26.3.2013 (thawhlehni)



HNAHLAN  SUMO CHESUAL AH MI PAKHAT BORAL :

    Nimin tlai dar 1 khan Champhai atanga km 27 vela hla, Tuipui bulah Aizawl atanga Hnahlan pan tur KIMKIM Sumo MZ 04-6044, Zoramchhanthanga (25) s/o Darchhuna, Rabung khaw khalh chu chesualin, kawngthlangah a tlan liam a, a hmunah hian Pi Kapthangi (60) w/o Ralngena, Aizawl Electric veng chu ka pawh chhawn lovin a boral nghal a ni. He motor hi kawngpui atanga Metre 18 vel a lum in, Teak thingin a lo dang a, He motor ah hian Driver telin mi 10 an chuang a ni. He chhiat tawh thu hi hriat a nih veleh  Tuipui khawtlang mipui te chuan Chhanchhuah hna thawk nghalin a theih ang angin hliam te an buaipui a, Champhai POlice Station atangin Police engemawzat te chuan chhiattawh hriat a nih veleh hian Accident na hmun hi an pan nghal a ni. He motor a chuang te hi chhungkhat laina hnai deuh vek niin naktuk (nilaini) a Hnahlan a inneihna hmang tur a kal an ni a. He motor a chuangte chu - C. Zomuanpuia (12) s/o C. Lalngaihawma, Sairang, Pu C. Lalngaihawma, Sairang, Lalduhawmi (45) Ramhlun Venglai, Lalnunmawii (12) Ramhlun Venglai, Vanrammawii (30) Zemabawk, Hmangaihzuali (40) Electric Aizawl, Zamtei (43) Electric Aizawl te an ni. Motor a chuang te hi District Hospital Champhai thlenpui an nih hnuah First Aid pek a chhuahtir leh nghal vek an ni a,  hliam na lutuk an awm l oa ni. Pi Kapthangi hi District Hospital ah Post Mortem a nih hnuah nimin tlai khan a ruang hi Aizawl panpui nghal a ni.

GAN SABRA :

    Naupangte hamthatna leh hmasawnna atan thawk Fan Sabra Society chuan Champhai District ah hma thar rawn laiin District Child Protection Office, Vengthlang North ah an hmalkana hawnna hun chu vawiin hian an nei dawn a. hetah hian Addl. DC Pu Zoengsanga chu khuallian a ni ang.

KUMPUAN HAWNG DAWN :

    Zanin hian Vengthlang Branch YMA chuan Champhai Town Hall-ah YMA Kumpuan hawnna hun leh Member Meeting neih tur  ani a. Kumpuan hi Branch Adviser Pu F. Lalfamkima`n a hawng dawn a ni.

HMING THLAK :

    Champhai Zotlang chuan hun rei tak an lo hman thin Zotlang ‘E’ tih chu VC kaihhruainain YMA, MUP leh MHIP te inhmukhawm chuan Zotlang ‘E’ ti tawh lovin Zotlang Champhai tiin an hming an thlak.

ni 20.3.2013 (nilaini)



BANK  LEH A KAIHHNAWIH CHUNGCHANG MEETING :

    Nimin chawhma khan DC Conference Hall, Keidangtlangah DCC/DLRC/DLSC Meeting neih a ni.
    He meeting Zoengsanga Addl. DC kaihhruai ah hian District chhunga Development hrang hrangte sawiho a ni a, bank hrang hrang atang leh sawrkar Dept. atang tein nikum Devember Quarter chhunga District chhunga hmasawnna te thlirho a ni bawk. Bank hrang hrang security chungchang sawiho a ni bawk a, bank zawng zawngah CCTV dah kim ni se tih te, loan rual thalote recovery chungchang te sawiin, chhung tin ten bank account an neih theih nan tun aia nasa zawka tanlak nise, a theih anga sawrkar deptt te nen thawhho nise, an ti bawk.
    Nimin meeting ah hian Champhai Dist. Annual Credit Plan 2013-2014 chu sawiho a pawm a ni a. He meeting ah hian AM, NABARD, ADC leh Govt. Department hotute bakah Champhai a bank zawng zawng atangin Manager te an tel a ni.

LAL THANGHLIANGA FOOTBALL KHEL TAN :

    Nimin khan Thanghlianga Memorial Football TOurnament chu Boris Lalnunzoa, APO chuan Tlangsam Field ah a hawng.
    Hawnna inkhawm, Organising Comt. Vice Chairman K. Lalengliana Kaihhruai ah hian thu sawiin khuallian chuan, tunlai thalaite khawvelah hian thalaite chu nun kimkhur taka hmanga ruihhlo laka fihlim turin a chah a, infiamna leh ruaihhlo hi a inhal tlat a ni tih hria a, tive lo tur leh an that lai hun hmang thiam a infiamna hmanga hmingchher ngei turin a fuih bawk. Hawnna inkhawmah hian Lal Thanghlianga chhungkua atangin Pu Rolura Sailo chuan thu a sawi a, Lalnunmawia Hon`ry MFA Vice President chuan Lal Thanghlianga chanchin a sawi bawk. He Tournament ah hain team 21 telin Pool 8 ah then an ni a, Myanmar atangin RLYA ten an rawn khel bawk a ni.
    Nimni inkhel ah Kanan SC chuan 4-0 in Vengsang an hneh a, Zawlbuk FC Vengthlang chuan 1-0 in New Champhai an hneh a. TUkin zing dar 10:30 ah khelh leh tur niin match 4 a awm ang a, 1st Match ah Tlangsam SC II leh Vengthar I te an inkhel anga, Vengthlang North leh Venglai; Electric leh Dungtlang bakah Kahrawt leh Vengthar II te an inkhel ang.

CHAMPHAI-AH  PROMOTIONAL TOUR KHEL TAN :

    Nimin chawhma dar 11 khan Mizoram Basketball Assn. buatsaih Promotional TOur 2013 chu Vanlallawma Indoor Stadium ah DSYO Laltanpuia chuan a hawng.
    C. Vanlalnghaka President Champhai District Basketball Assn. kaihhruai hawnna inkhawmah hian thusawiin khuallian chuan kalkhawmte chu thalai infiammi an nih anga insumtheihna nei turin a fuih a, ruihhlo hian nakin lawkah mi ang lo ah min lo siam dawn a a ni tih hria a, insum turin a fuih bawk. Sawrkar in Indoor Stadium tha leh changtlung tak Champhai tan a rawn siam chu lawmawm a tih thu sawiin, hei h ihmang tangkai tur leh theihtawp chhuah turin infiammi kalkhawmte a fuih bawk a ni.
    Nimin inkhel result  TBL 72-68 Dawrpui Vengthar, Vikings 101-60 Ballerz, nizanah BCA 76-70 Terminator. Vawiin chawhma dar 10 ah khelh chhunzawm leh a ni ang a, TBL vrs Terminators, BCA vrs Dawrpui Vengthar, Terminator vrs Vikings, TBL vrs The Ballerz.

DAK IN HRIATTIRNA :

    Kumin 2012-13 Financial Year a lo tawp dawn tak avangin Champhai Dak in a Telephone Bill, PLI, RPLI, RD, PRSS dah thin zawng zawng ten ni 25.3.2013 thleng chauh a dawr theih dawn avangin hemi hma a tifel vek turin Champhai Sub-Post master chuan mipuite a ngen a ni.

CHHAWKHLEI KUT :

    Tualcheng khua chuan vawiin atanga naktip thleng khian Chhawkhlei Kut an hmang dawn a, he hun hmang tur hian khawchhuak zawng zawngte an sawm.

FREE MEDICAL CAMP :

    Social Welfare Dept. hmalakna in naktuk zing dar 10 atanga chhun dar 12 inkar chhung hian Govt. P/S II, Champhai Vengthlangah Medical Assessment Camp buatsaih a ni dawn a, naktuk chawhnu dar 2 atanga tlai dar 5 thleng Zokhawtharah neih zui leh a ni dawn. He hunah hian rualbanlote tan a thlawna inentir thehi a ni ang a, rualbanloten hamthatna an dawn theihna tur Disabled Certificate an pe nghal dawn a; rualbanlohna nei apiangte chu inentir vek tura beisei an ni. Doctor lokal turte : ENT Specialist; Eye Specialist, Orthologist (ruh doctor) leh Psychiatrist (rilru lam doctor) ten an ni ang.

GAN SABRA :

    Karleh thawhlehni khian Champhai District chhunga naupangte dawmkan leh hmasawnna kawnga hmalatu Gan Sabra an hmalakna tizauna atan an hmalakna thar hawnna hun, District Child Protection Office, Vengthlang North ah buatsaih a ni dawn.

SE THAR LO THLENG :

    Champhai SE P&E Dept thar David C. Zahmuaka chuan niminpiah khan Champhai lo thlengin nimn lam khan charge a la fel a, a Office luahlum tan ta.

 

ni 19.3.2013 (thawhlehni)



MUP ASSEMBLY :

    Naktuk chawhma dar 11 hian MUP Sub-Hqrs. Champhai chuan Kahrawt YMA Hall ah Assembly an nei dawn a.He hunah hian member a tam thei ang ber kal turin an inhriattir a ni.

BASKETBALL TAN ANG :

    Vawiin chawhma dar 11 hian MBBA Promotional Tour chu VANIS ah tan a ni dawn ta a, Champhai DSYO Laltanpuia chu khuallian niin a hawng ang. He inelna neih turah hian team tin te an intum kual vek ang a, a chakin point 2 leh a chaklo ten point 1 hlawhin, point hmu sang 2 ten tun thla ni 23-ah Final an khel ang. A kharna hunah hian Sports Council Chief Coach Lalremsanga chu khuallian tura beisei a ni.

FOOTBALL TRAINING :

    TUkin zing dar 6:30 hian FIFA Grassroot register ti tawh leh la tiduh zawng zawngte Chhangphut Field ah kal vek tur a ni tih CDFA President hnen atangin thu kan dawng.

KARATE FEHCHHUAK :

    Naktuk atanga Aizawla tan tur Mizoram pum huap Karate inelna neih tura tel turin nimin khan CHamphai Karate player 20 zet te chu an coach Lenghmingthang hovin Aizawl panin an liam thla.

IN SAK TANPUINA :

    UD&PA Deptt. hnuaia In sak tanpuia dawngtu 4th Barch te tan 2nd Installment a lak theih a, Office ah ngaihven tur a ni ang, Veng hrang hrang a mite lak hun siam niin - vawiin ah Hmunhmeltha, Zote, Tlangsam, Chhungte, Zotlang leh Ruantlang. Naktukah Vengsang, Kahrawt, Vengthlang, Venglai, Kanan, Electric, Bethel leh Vengthar a mi te tan lak theih a ni ang.

CLASS KALPUI :

    RMSA Scheme Remedial Teaching School chawlh chhunga neih tuah Govt. GM H/S chuan nimin atang khan Pawl 9 pass te class an kalpui tan a. Naktuk atangin Champhai H/S chuan an tan ve thung ang.

THANGHLIANGA MEMORIAL :

    Tlangsam Lal Thanghlianga Sailo hriatrengna atan football leh volleyball tournament buatsaih chu vawiin hian tan ani dawn ta. He tournament hi vawiin chawhma dar 10:30 ah tanin Champhai BDO chu khuallian a ni ang a, match hmasa berah Kanan I leh Vengsang an inkhel dawn ani. Hawnna inkhawm ah hian team tel zawng zawng aiawh mi 2 tal tel theuh tur ani ang. Football bikah chuan team 21 an tel dawn a, hetah hian Myanmar lam unaute atangin football leh volleyball ah Rih Len tlang Youth Assn. an rawn tel dawn ani. He tournament ah hian CDFA affilated club te chu reinforce nan mi 3 bak lak theih a ni lo ang.

ni 18.3.2013 (thawhlehni)



CHAMPHAI-AH NI ZA INHLAWHTLIN NGEI TUM :

    Tun sawrkar kum kal mek 2012-13 hian MGNREGA hnuiah Champhai District chuan Central Sawrkar atangin Rs. nuai 4170.08 leh state sawrkar atangin Rs. nuai 357.86 hmuh tawh a ni a. He sum hmang hian Champhai District chhunga Job Card nei chhungkua 27,366 te tan ni 90 inhlawhna kalpui tawh a n i a. Ni a tlinna turin ni 10 chhung inhlawhna buatsaih leh turin kar kalta a Aizawla lo zin Central sawrkara MGNREGA Director hnenah dilna thehlut niin, tun sawrkar kum 2012-13 hian Job Card nei chhungkuate tan ni za inhlawh tlin leh ngei tura hmalak mek a ni.

INKANG SA THA :

    Hnahlan Darnam Venga Pu Zamhehthanga In, Assam Type zirtawpni chhuna bungraw engmah chuh hman lova kang ral chu VC, YMA, MHIP leh MUP Joint Meeting thu chhuak angin Inrinni khan khawtlanga sak that a ni a. Assam Type in thar, Feet 24 bialin tha tawk taka sak a ni a, a chung rangva, a bang tile a chhuat thingphela sak mek a ni a. Nikhat lekah a chung chih theih a sak hman a ni a, vawiin lamah sak zawh theih beisei a ni. In chung tur rangva hi Champhai North Bialtu MLA TT Zothansanga`n a tumsak dawn.

BASKETBALL INELNA :

    Champhai District Basketball Assn. chuan VANIS, Kahrawt ah Mizoram Open Basketball Tournament a thleng dawn a. He tournament hi naktuk atang hian tan ani dawn a, Champhai atangin team 2, Aizawl atangin 1st division team 4 an tel dawn bakah Mizoram hmun hrang hrang atangin Player engemaw zat lo tel tura beisei an ni bawk.

TUIALHTHEI  DINHMUN :

Mizofed
    Petrol : Free Sale
    Diesel : Tanky Full
RD Petrol
    Petrol : Free Sale
    Diesel : Free Sale

ni 15.3.2013 (zirtawpni)



DOCTOR LEM MAN :

    Med-Aim 7th Day Adventist Hospital, Zotlang Champhai a thawk lai KH Thangkholal Baite (38) s/0 Holkhothang Baite (L) rengkai Manipur khua chu Doctor lem a chan avangin man a ni. KH Thangkholal Baite hi June 2012 khan Doctor anga in sawiin Med Aim ah hian midang Document hmang a thawk tanin ni 19.2.2013 thleng a thawk a, damlo a enkawl dan ah Med Aim Hospital Director H. Lalramchullova chuan a rinhleh avangin RIIMS ah a zawtfiah a, a document leh roll number te chu midang ta daih a lo hman avangin Med Aim Hospital Director chuan CHamphai Police Station ah FIR Lemchan Case chu ni 9.3.2013 khan thehlutin a mah hi zawn nghal a ni a, thawhlehni zan khan Imperial Hotel Zarkawtah Aizawl ah a boru lai man chhuah niin Thangkhilal Baite hi Aizawl atangin Manipur ho tur a a insiam lai chu Champhai Police ten nang ching in an man ta a ni. Nilai zan dar 10 vel khan Champhai POlice Station thlenpui niin, Champhai POlice te chuan mipui thinrim an hlauh avangin hemi zan lala hian Court ah hruaiin thubuai rip tak siam sak a nih hnuah District Jail Champhai ah thawn thlak nghal a ni.

ENG ZEUH ZEUH DAWN LO :

    Naktuk Inrinni hian Serchhip leh AIzawl inkar bakah Khawzawl leh Saitual inkar Power Line siamthat a nih dawn avangin zing dar 6 atanga tlai dar 5 thleng Power kan eng zeuh zeuh dawn lo.

CHAMPHAI LO THLENG :

    Lunglei a 8th Junior Inter District Championship an khelh zawh hnuah Champhai Under 17 team chuan nimin thlai dar 6 vel khan Champhai an lo thleng. Champhai hian Semifinal ah Serchhip an hnehlo a ni.

KEITE HRANG :

    Tunlai hian Vengthar-ah Keite a hrang hle a, vawk vulh lai 3 lai a lak sak tawh a ni.

ni 6.3.2013 (nilaini)



MLA IN NLUP BAWNG SEM TUR VAILIAM :

    Champhai District a AH & Vety Deptt. hnuai a NLUP Bawng Lian thlangtute dawn tur Thingdawl Quarantine Shed atanga lo thleng bawng truck trip 8, Bawng 32 chu nimin tlai khan TT Zothansanga, Champhai North Bialtu MLA chuan Kahrawt Field ah Khaw hrang hrang a sem turin a vailiam.
    Champhai District ah hian bawng thlangtu Beneficiaries 111 tan Bawng lian 222 mamawh a ni a, nimin khan Truck trip 7 lo thlengin vawiin hian truck trip 6 alo thleng leh tura beisei a ni. Truck trip khatah hian bawng 8 zel sem niin nimina an sem chhuah te chu Sialhawk, Chawngtlai, Khawhai-2 theuh sem a ni a. Khuangthing, Khawbung South, Sazep a sem turin trip khat tirh liam a ni bawk.

CHAMPHAI CHAK :

    8th Junior Inter-District Football Tournament Thuamluaia mual a khelh mekah nimin tlai khan Champhai chan 3-1 in Kolasib an hneh. Goal khung lova hun chanve an hman hnuah 2nd Hald ah Chhanrinpianga`n Goal 3 thun in, Kolasib lam hian Extra time ah Goal khat an thun ve bawk. Champhai hi naktukah Mamit District an hmachhawn leh ang.

ni 5.3.2013 (thawhlehni)



CHAMPHAI DISTRICT DEVELOPMENT COMT :

    Nimin chawhnu dar 2 khan Champhai DC Office ah Champhai District Development Committee chu TT Zothansanga MLA hovin neih a ni.
    He meeting kaihhruaitu MLA TT Zothansanga chuan Champhai district Development atana sum lo kal tur Rs. nuai sawmnga sem darh dan tura hmalak dan tur leh he sum atanga District hmasawn ngeina tur siam thiam turin Committee te chu a sawm a. Hun a tepter tawh avangin Estimate thehlut tura chet lak vat a ngai thu a sawi a, Champhai District ah khawtlang hruaitute mai bakah hmun dang atanga lokal Officer te thahnem ngaihna ah leh neitu nihna thinlung pu a an thawh thinnaah lawmthu sawiin Champhai hmasawnna tura Officer te finchhuahna a pawimawh avangin chumi atana thawk tur chuan a sawm mawlh mawlh a ni.
    Zoengsanga DC pawhin Development  hian hmasawnna tam tak akalpui thei a. Hmasawnna kawnga hmachhawp lo enpui a lo bawhzui pui turin MLA chu a sawm a, Development atana sum hman chu a hnu a endik leh tlak ngei ni tura tan la turin Committee chu a sawm nghal a ni.
    Champhai District chhunga Constituency 5 aiawha kalkhawmte hian he hum hi rualkhai leh tangkai taka hman dan tur an rel ho a ni.

YMA GROUP CONFERENCE HMANPUI ANG :

    YMA Sub-Hqrs. Champhai hnuaia YMA Group hrang hrangte chuan tunkar chho hian Group Conference an hmang dawn a, Sub-Hqrs. YMA Champhai hruaituten he hun hi an hmanpui dawn a ni.
    Sialkal Gr. chuan vawiin hia Selamah Conference an hmang dawn a, Sub-Hqrs. President PC Zohlira`n a hmanpui ang a, Tuipuiral Group chuan Leisenzo ah hmangin Vice President B. Zamkhawnang chuan a hmanpui ang. Tuichangral North chuan Riantlei ah hmangin Gen. Secy. VL Chama Hnamte chuan a hmanpui ang. Vanhnuailiana Gr. ten Kelkangah hmangin Treasurer C. Lalhnunpuia`n a hmanpui dawn a, Tuiphal Gr. ten Ngopa Chim Vengah hmangin Asst. Secy. Lalrochharliana Varte chuan a hmanpui ang. Karleh khian Vanapa Gr. chuan Pamchungah Conf. hmagin Fin. Secy. K. Lalramhluna`n a hmanpui ang. Hetihlai hian Kawlkulh leh Khawzawl Gr. chuan karleh hun remchangah an hmang ve thung dawn niin thu kan dawng.

SAREP HAL :

    Champhai Forest Division hnuaia Protection Squad ten 25.2.2013 a Venglai Bazar a ramsa rep an man chu nimin khan halral ani. Ramsa repte hi Sanghal sa khai 52 leh Sakhi sarep khai 20 niin, Sub-Hqrs. YMA Champhai President PC Zohlira`n  Champhai DFO Office tualah a halral. Ramsa rep halralna ah hian Sub-Hqrs. YMA Champhai hruaitute, Divisional Forest Staff te leh Protection Squad te an tel a ni.

ni 4.3.2013 (thawhtanni)



CHENG NUAI 1 HMANGIN KUT HMANG VE :

    Mizoram Sawrkar Art & Culture Department in District Headquarters tina Chapchar Kut 2013 hmang theuh tura a hriattir angin, Champhai District chuan zirtawpni khan Kahrawt Field ah urhsun leh ropui takin Chapchar Kut a hmang a, he hunah hian Lalrinliana Sailo Minister Health & Family Welfare chu Kut Pa a ni.
    Kut Pa chuan thu sawiin Chapchar Kut chu Hliman Ni a ni a, Upate chuan Chapchar Kut ni chuan Nupa pawh inhauh loh tur, an ti thin a, thenawm khawveng te nen inremna Ni a ni a, kut sa te, an neih ang ang te an inpe tawh thin a. Pipute atangin Kut Ni Vangthla chu hah taka hna an thawh zawh hnu a an chawlh hahdamna hun a ni a, inremna, induhsakna, inhmangaihna, innghirnghona bona Ni a ni tiin hlim tak ahmang turin Kut hmangtute chu a sawm. Kan ram hi thil chi hrang hrangah han lang ve thin mahila, khawvel huapa Mizote min phochhuaktu chu Chapchar Kut hi a ni a, he Kut kan hman lai hian ramdang atangin khualzin an lo kal thin a, khualzin an tam phah a, chu chu kan ram economy tan pawh a that phah dawn ani, a ti. Champhai District khawpia hetiang hunpui hlawhtling taka hmang thei tura buaipuitute hnenah lawmthu sawiin, a bik taka upa lam ten an tuipui chu lawmawm a tih thu a sawi bawk a. Kut pa hian a thusawi lai hian Kut ni induhsak tawnna entirnan Dawnfawh a phel a, a chaw fun thet bawk a, chu chu a sem a ni.
    Chapchar Kut thlengtu Zoengsanga, DC chuan Kut buatsaih turin Committee in uluk takin a hman dan tur an ngaihtuah a, Sub-Hqrs. YMA Champhai kutah a awm ta a ni, tiin Kut hmang  tura kal mipuite hnenah lawmthu a sawi a ni.
    Chapchar Kut Champhai a hmannaah hian PC Zohlira, President Sub-Hqrs. YMA Champhai chuan Kut hman dan chungchang sawi hawnna a nei a. Programme ah hian items hrang hrang hmuhnawm taktak entir a ni. Sub Hqrs. YMA Zaipawl in Kut hawnna hla an sak hnuah MUP Sub-Hqrs. Champhai in Hlado Chham leh Thlangthlir an entir a, Cheraw Buh Za Aih leh Kan Tluang, Branch YMA 12 in an entir a. YMA chhangin Zoram khuallam entir in, Branch YMA 6 infinkhawmin Sarlamkai an entir a. MHIP Branch 12 ten Par Lam an entir bawk. Heng bakah hian Zaithiam zai ngaihnawm tak tak ngaihthlak a ni a. YMA Branch hrang hrangin Chai leh Mizawn Inchuh te an entir bawk.
    Branch YMA zinga thisen pe tam ber Champhai Vengthlang Branch hnenah TT Zothansanga MLA chuan Citation a hlan bawk. Kut hmantu mipuite hi eiturtui tak tak a hrai an ni a, tlai lamah Chhawng hnawh a ni bawk.

CHAMPHAI DISTRICT HANDICAPPED PAWL DIN THAR :

    National Institute for the Mentally Handicapped (NIMH) Hyderabad professor te, Social Welfare Deptt. leh SSA atanga thurawn angin Champhai District handicapped Parents` Association chu ni 26.2.2013 khan SSA Hall, Kahrawtah din a ni a. Heng a hnuaia mite hi hruaitu atana  ruat an ni. Champhai District khaw hrang hrang leh Town chhung veng hrang hrang atanga member ni dhu tan membership fee Rs. 10 leh an case (harsatna) ziakin a hnuaia veng chan theuhah hian inziahluh theih a ni.
    President     : J. Lalhmachhuana (Venglai, Bethel & Vengthar)
    Vice Pre    : V. Kapthanga (Kahrawt, Vengsang)
    Secretary    : C. Zarzosanga (Vengthlang, Vengthlang N)
    Treasurer    : C. Lalhlupuii (Electric Veng, Zion Veng, New Champhai)
              H. Zathanga (Kanan Veng, Dinthar Veng, Jail Veng)

SANGHA KHAWITUTE HNENAH NLUP SEM ANG :

    Fisheries Department chuan vawiin hian NLUP 2nd Phase 1st Installment chu Champhai North leh South circle a chhungkaw 90 vel hnenah a sem dawn.
    NLUP semna inkhawm hi tunkin zing dar 10 hian I&PR Auditorium CHENEM ah neih a ni dawn a, TT Zothansanga, MLA chu khuallian niin DC Zoengsanga chu khualzahawm ani ang. Fisheries Dept. hnuaia NLUP dawngtute hnenah hian Rs. 50000 theuh sem a ni ang a, naktukah sangha khawi dan chungchangah training neih zui leh a ni ang.

VAPAR VC TREASURER IN KANG :

    Inrinni zan dar 8:45 vel khan Vapar Village Council Treasurer Thangngaihliana chenna in Assam Type chu bungrua engmah chuh hman lohin a kang ral.
    Pu Thangngaihliana chuan a inchhung bungrua kangral ta hlur zawng hi Rs. 3,50,000 hu vel a nih thu leh anmahni pawisa bakah Vapar Village Council pawisa a kawllai Rs. 3,50,000 a kanral thu a sawi bawk. Inkang hriat a nih a thelh hleih theih a nih tawh loh avangin in dang kangkai zel tur hi Vapar khawtlangin an veng a, insakna chak leh bungrua thawhkhawm hmangin nimin khan in tundin hnatlang neih zui nghal a ni a, nimin hnatlangah hian Vapar khawtlang bakah Ngur leh Hnahlan atangin mi tlawmngai an thawk chhuak a. Vanapa Gr. YMA hruaitute, Hnahlan Village Council hruaitute leh Champhai North Block II Congress hruaitute hnatlangin an thawk chhuak bawk.

KANGMEI VANGIN CHAMPHAI MIPUI BUAI :

    Inrinni khan Champhai Kanan veng huam chhungah ram zau tak a kang a, Fire Deptt. leh mi tlawmngaite`n kangmei hi darkar hnih vel an thleh a, chenna in a kangkai tur an veng thei hram a; he kangmei hi Nikang han hnuai atanga intan ni a hria t ani. Mei hi thlehmit tawha an inhriat hnuah kahrawt Veng thlanmual hnuai a kang leh a, hei pawh hi mi tlawmngaite`n an thleh mit leh thei hram a. Hemi hnu hian he kangmei kal zel nia hriat chuan PHE Veng hnuaia a man kai leh a, mi tlawmngaite`n darkar khat chuang an thelh hnuah mei hi a mit thei hram a ni.

COMMISSIONER LOKAL ANG :

    Naktuk hian Commissioner of Education K. Lalnghinglova, IAS chu Champhai ah rawn kalin naktuk chawhnu dar 2:30 ah Govt. Ngur H/S Building thar a hawng ang a, zan dar 7 ah Venglai Community Hall ah Champhai Town chhung zirtirtu zawng zawng meeting a neihpui ang. Venglai Hall ah hian zirtirtu attendance lak a ni dawn tih thu kan dawng.

PENSION THLAH ANG :

    Vawiin hian Champhai Treasury Staff te chuan an thahwpui Treasury Accountant ni 28.2.2013 a pension a chhuak ta Pu Lalzidinga thlahna hun an hmang dawn.

ZIRLAI TI THA :

    Springdale Academy a Pawl 8 zirlai 12 te chuan kumin 2013 chhunga NMMS Scholarship dawng thei tura tunhnaia Exam neihah Champhai District atang eh Scholarship dawng thei tura quota awm chu an hui fai vek. Heng zirlaite hian NCERT Scholarship thlatin Rs 500 an dawng dawn bawk.




 

ni 1.3.2013 (zirtawpni)



CHAMPHAI-AH KVK MEETING NEIH A NI :

    Nimin khan Champhai I&PR Conf. Hall, CHANEM building ah C. Lalniliana, Director of Agriculture (R&E) kaihhruaiin Krishi Vigyan Kendra (KVK) Khawzawl, Champhai District huaihawt in Scientific Advisory Committee (SAC) neih a ni.
    He meeting kaihhruaitu C. Lalniliana chuan KVK kalphung leh tobulte sawifiahin India rama KVK thanlen chhoh dan leh hetiang KVK hi 1000 dawn a tlin tawh thu a sawi a. Mizoramah pawh kum 2003 vel atanga bul tanin kum 2008 ah phei chuan District tinah a din kum vek thu a sawi a, Kut hnathawktu hrang hrang, Loneitu, huanthlai siam tute hlawkpui tur atana enchhinna hrang hrang an lo hlawhtlin dan te a sawi a. heng huan thlai enkawlpui tura KCK hnuaia Subkect Matters Specialist ten hneh taka an enkawl chhoh dan te lawmawm a tih thu sawiin an hmalak zel dan turte a tarlang bawk. Scientist te hmalakna leh report an pekte chu uluk taka ngaithla tura kalkhawmte chu sawmin Mizoram tana tha leh tha lo turte sawiho tur a ni tih a sawi a, kan Scientist te hi an awm mai mai lova, an thawh rah chu a takin a lo lang tawh a ni a ti.
    KVK Khawzawl Office thangduang takah hian thawktu Officer leh Staff 16 an awm mek a, KVK in a kaihhnawih department  hrang hrang - Agriculture, Horticulture, AH&Vety, Fisheries, Soil etc. te nen tha taka an inthlunkhawm dane a atarlang bawk.
    He meeting ah hian mithiam hrang hrang ten thlai enkawl chungchang zirtirna an pe a. Department aiawhte, Kuthnathawktute leh Loneitu te an kal tha hle a; zawhna leh chhan hun tha tak hmangin Malsawmkimi, SMS (Horti) chuan lawmthu sawiin hun a khar a ni.

RELEASE DAWN :

    Champhai District Promoters Club chuan vawiin tlai dar 3 hian Venglai Community Hall ah Music Video (Collection) Album release an tum a. He hunah hian health Minister Lalrinliana Sailo chu Khuallian tura beisei niin Jt. Director FCS&CA Lalhmingliana chu khual zahawm a ni ang.

KHAWZAWL NUAR DAWN :

    Khawzawl District Implementation Demand Committee leh Khawzawl khawchhung NGO hrang hrang leh VC te huaihawtin March ni 4 hian Khawzawlah District Demand Day dar 10 :00 AM - 1:00 PM thleng hman a ni dawn a, hemi chhung hian Khawzawl khawchhunga dawrkai zawng zawng ten dawr khar a ni ang a, Cable TV neituten hemi hun chhung hian Programme an pe chhuak lovang. Tin, kawhdang atanga Khawzawl paltlanga lirthei lut leh chhuak pawh kaltlang phal a ni lovang. Sawrkar Department pawh pisa kai lo tura ngen an ni a, hemi ni hian kawng an zawh ang.

TUISEM THA THEI LO :

    Champhai chawmtu tui pump khawl part thlak a ngaih avangin vawiin atangin mipuite hnenah tui an pe tha thei dawn lova, mipui ten lo hrethiam turin Department hotu ten an ngen a, a part hi chah mek a ni.

CHANCHINBU CHAWLH :

    Naktuk hi MJA Champhai District in a lo rel tawh angin Champhai Nitin chhuak Chanchinbu an chawl dawn.

 TUIALHTHEI  DINHMUN :

Mizofed
    Petrol : Tanky Full  (Rs. 66.27)
    Diesel : Tanky Full (Rs. 47.04)
RD Petrol
    Petrol : Free Sale
    Diesel : Free Sale
 

ni 28.2.2013 (ningani)



MAU NI KAWNGZAWH :

    Nimin khan Champhai Sub Hqrs. YMA huaihawtin bamboo Day denchhen kawngzawh a ni a, he hunah hian Champhai Sub-Hqrs. YMA hnuaia branch hrang hranga member te an kal tha hle. Kawngzawh hi kahrawt Field atanga tanin DK Traffic Point thleng neih a ni a, kawng laka Darthangvunga Point a inkhawm tawi buatsaihah DFO Vanlalchuailova chuan thusawiin mau humhalh a tulzia leh kan tana a pawimawhna uar takin a sawi a, kangmei laka fimkhur turin mitinte chhain Bamboo Day kan hman hian nasa lehzuala mau humhalh a tulzia kan hriat thar lehna ni a nih theihna turin mitin thinlungah ha thawk se a duh thu a sawi.

SAZA HUMHALH :

    Tunlai hian Champhai khawchhung lam atanga Keifangtlang thlen hma lawkah Saza ngampa taka tla an awm mek a, heng saza te hi Sub-Hqrs. YMA chuan humhalh nghalin veng hnai Branch YMA te chuan an veng nghal a, an laka pawikhaiwh lo turin mitinte min ngen.

TRAINING NEI DAWN :   

    Vawiin leh naktuk hian Champhai School hrang hranga School Management & Development  Committee (SMDC) te chuan I&PR Conference Hall ah RMsA buatsaihin training an nei dawn.

NLUP VETY :

    Champhai District AH&Vety Department hnuaia NLUP Bawng lian thlangtute an bawng dawn hun a hnaih tawh avangin bawng In lo tuaihnum tha leh turin Champhai DVO chuan a hriattir a ni.

 

ni 27.2.2013 (nilaini)



DISTRICT  SPORTS COMMITTEE FEHCHHUAK :

    Vanlallawma Indoor Stadium Top FLoor a Badminton leh Basketball inkawp siamna tur kal mekah nimin chawhnu khan Champhai District Sports Committee aiawha Sports Minister dawr turin nimin khan Vice President C. Lallianpuia, Secretary K. Hrangdawla leh Asst. Secy Dr. R. Laldinthara te chuan Champhai chhuahsanin Aizawl an pan a, Indoor stadium chungchang bakah hian Champhai infiammite mamawh an thlen nghal dawn bawk a ni.

CHAMPHAI FISHERIES DEPT. :

    Champhai Fisheries Department chuan nimni khan March ni 1 thleng hian Khawzawl leh Ngopa biala NLUP hnuaia sangha khawi thlangtute hnenah NLUP 2nd Phase, 1st Installment an sem dawn a, Champhai DFDO BD Tyagi leh a staff ho chu fehchhuakin tun tumah hian chhungkaw 60 vel hnenah semin chhungkaw tin hnenah Rs. 50000 theuhin an sem ang a, sangha khawi training an neihpui nghal ang.

CHAMPHAI WINERY :

    Champhai Winery tihchangtlunna atana hmalakna kal zelah nimin khan Central SFAC hmunpui Delhi atanga rawn kal mithiamte chuan winery an rawn endik a, winery tihchangtlunna tura hmalak dan turte a hmunah thlirin SDHO C. Lalremsiama hovin winery hotute nen hmalak dan tur an sawiho a, nimin vek khan Champhai an chhuahsan lehnghal a, heng mi pawimawhte hian winery tihchangtlunna atana DPR te an siam dawn niin thu kan dawng.

N. KHAWBUNG ZONE FOOTBALL :

    Nimin zing dar 10:30 khan N. Khawbung ZOne Football TOurnament, 2013 chu Neihdawn Field ah khelh tan a ni a. hawnna inkhawm N. Khawbung Zone President Kapchungnunga kaihhruaiah hian MJA Champhai District President Lalhmingmawia Pachuau chu khuallian niin he inelna neih tan tak hi a hawng a ni. He zone football tournament khelh tan takah hian khaw 4 - N. Khawbung, Ngaizawl, neihdawn leh Tualpui atangin team 9 an chhuak.

LPG HRIATTIRNA :

    LPG in kum 2012 February hnu lama Connection nei la double loh ten SV Card leh Consumer Card kengin inreport tur a ni.

CHAMPHAI DVO :

    Champhai DVO Laltlanmawia chu Aizawla NLUP meeting pawimawh a tel turin  nimin khan Champhai a chhuahsan.

NGO COMMITTEE :

    Naktuk chawhma dar 11 hian Champhai District NGO Coordination Committee neih a ni dawn a, hetah hian DC hun hlui, Sawrkar Department  hrang hrang hnena thendarh chuangchang leh thil pawimawh dang an relho ang.



 

ni  26.2.2013 (thawhlehni)



JUDGE 2 LOKAL :

    Nimin khan Delhi atangin Judge pahnih - Poorand Chand, Secy, West Delhi DLSA leh Satish Kumar, Secy, North West Delhi DJ SA te chuan Champhai an lo thleng. Heng mi paiwmawhte hi Champhaia Legal Services hmalakna rawn endika zirchiang tura rawn kal an ni a, vawiin chawhnu lam hian Champhai District Court Office an fangkual ang a, naktukah Champhai an chhuahsan leh dawn a ni.

VAWKSA RATE CHUNGCHANG SAWI HO :

    Nimin khan tunhnaia Champhaia vawk talh tur a tlem avanga sa zuarten vawk sa man an tihsan chungchang Addl. DC Zoengsanga leh Champhai Butcher Society chuan an sawiho a, vawksa rate hi nikum June thla khan Rs. 180 ah lo tihsan a ni tawh a, he rate hi kum khat pawh hman a nih hmaa a talh tur tlem avanga lo tihsan ngawt chu meeting hian awm lo tiin a rate ngai Rs. 180 a hralh chhunzawm turin an ti a, Rs. 180 aia toa hralhtute chu man nghal tur a ni ang.

SDC AIZAWL ZIN :

    SDC Rochuangkimi Khenglawt chu vawiin hian Office thil pawimawh  hrang hrang buaipuiin Champhai chhuahsanin Aizawl a pan ang.

ECO CENSUS :

    Economics & Statistics Deptt. chuan 18.2.2013 atang khan 6th Economics Census, Champhai District khaw thenkhat - Khankawn, Khuangleng, Zawlsei, Lungtan, Vapar, Ngopa, Kawlbem leh Lungphunlian ah te nei turin ruahmanna a siam a. Mipui ten lo tawiawm a, zawhna te tha taka lo chhan sak turin anngen tih Research Officer hnen atangin ziakin thu kan dawng.

MJA OB MEETING :

    Nimni khan Press Club ah MJA Champhai District OB Meeting neih a ni a, Inrinni kalta a Khawzawl a Annual Conference neih zawh tak thlir letin karleh nilaini a MJA Gen. Conf. Lawngtlai a neih tur chungchang an thlirho bawk. Hemi hnu hian Addl. DC Zoengsanga Pisa ah an hmuzui nghal a, MJA tanpuina atan Rs. 2000 a lo hlan nghal bawk a ni.

TUIALHTHEI  DINHMUN :

Mizofed
    Petrol : Free Sale (Rs. 66.27)
    Diesel : Tanky Full (Rs. 47.04)
RD Petrol
    Petrol : Free Sale
    Diesel : Free Sale

 

ni 25.2.2013 (thawhtanni)



LIRTHEI A KALTE NGEN :

    Hospital panna kawng siam that mekah chak zawka hna thawh a nih theih nan Hospital lamah lirthei kal lam leh MPRO Office lamah haw lam kal theuh turin PWD chuan mipuite min ngen.

THISEN PE :

    Kahrawt Bial KTP chuan Inrinni khan Champhai Civil Hospital a a mamawh apiangte hman atan kahrawt Kohhran hall ah thisen Unit 43 an pe a, thisen petute hi Mipa 39 leh Hmeichhia 4 an nia. Kahrawt Bial KTP ah hian Kahrawt, Hmunghmeltha, Hunthar, N. Khawbung leh Keifangtlang Branch te an awm a ni.

NULA CHHUANAWM :

    Dr. Lalrinhlui s/o PL Chhuanthanga, Champhai Vengthlang North chu tunhnaia MPSC in AH & Vety Serive hnuaia Officer Grade V atan mi 6 a lak zingah a tel.

MJA OB MEETING :

    Vawiin chhun dar 12 hian Press Club ah MJA Champhai District OB Meeting neih a ni dawn a, Conference neih zawh tak thlirlet pahin thil pawimawh hrang hrang an thlirho nghal ang.

TUIALHTHEI  DINHMUN :

Mizofed
    Petrol : Free Sale (Rs. 66.27)
    Diesel : Tanky Full (Rs. 47.04)
RD Petrol
    Petrol : Free Sale
    Diesel : Free Sale  

ni 23.2.2013 (Inrinni)



CHAMPHAI MJA TEN KAWNG CHHIA NGAIMAWH :

    Ningani khan MJA Champhai District Annual COnference Vawi 25-na chu DC Rest House Khawzawlah neih a ni a,Champhai Addl. DC Zoengsanga, DC Charge la mektu chu khuallian niin he hun hi a hmanpui a ni.
    Thusawiin khuallian chuan chanchinbumite chu mipui ththar hrilhtu ber an nih avangin belhchian dawl thudik, finfiah ngam ngei ziak thin turin a duih a. Sawrkar hnathawkte nen chanchinbumite chu mipui rawngbawltu an nih avangin thawhhona tha tak nei zel tur leh inkungkaihna tha an neih zel theih nan theihtawp chhuah zui zel turin a chah bawk. He hunah hian MJA Champhai District Adviser K.Laldingliani, DIPRO pawhin MJA te nena thawhhona tha tak an neih avanga lawmthu sawiin thahnemngai tak an hna te thawk zui zel thei turin duhsakna a hlan bawk a ni.
    Chawhnu lamah MJA President Lalhmingmawia Pachuau kaihhruaiin rorel ani a. Kumin 2013 chhunga MJA Holiday atan Chapchar Kut, YMA Day leh Independence Day chu chanchinbu chawlh atanhman nise tih thu an pawmtlang a.MJA Gen. Conference March ni 6 a Lawngtlaia neih turah member a tam thei ang ber kal nise; kumin MJA Champhai District SIlver Jubilee chu lawmngei nise, an ti. MJA Member luh dil mi 4 te hi MJA Member an nih theih nan MJA Gen. Hqrs. ah thlen nise, an tia. Seling to Zokhawthar via Champhai National Highway leh Border Trade chungchangah, Central Sawrkarin hun rei tak kalta atanga min loruahman sak tawh hi a puitling thuai theih nan thuneitute nawr nise, an ti bawk.
    MJA Annual Conference ah hian Resolution 3 an pass a. Chungte chu - Champhai District chhunga PWD enkawl inkalpawhna kawngpui hun reitak siam that mumallova awm avangin mipuiten harsatna kan tawk nasa ta hle a, hen gkawngpui hi tha taka min siam that sak thuai turin Mizoram Sawrkar kan ngen a ni, tih te; Khawzawl vengthar BRTF enkawl kawngpui, Vengthar Field penga kumtina lei tlahniam thin chuan mipuite tawrhna nasa zawk a thlen hma ngeiin mithiamte endiah tir a, siamtha thuai turin Mizoram Sawrkar leh BRTF thuneitute kan ngen a ni, tih leh Mizorama khawpui lianzual enkawl tura Municipality kalpui a ni ta chu lawmawm a, District khawpui leh khawpui lian zual deuhah te Municipal Council emaw Board emaw din ve thuai turin Mizoram Sawrkar kan ngen a ni, tih te a ni.

 

ni 20.2.2013 (nilaini)



KHAPNA THUPEK CHHUAH :

    Champhai Sub-Divisional Magistrate James Lalnunmawia chuan Champhai khawpui chhung kawngpui dunga chawhmeh leh thil chi hrang hrang phalna nei lova zuarte chu Traffic leh mipui tan him lohna/harsatna tam tak a thlen thin avangin khapna thupek a chhuah a. He thupek hi ni 18.2.2013 atanga thuleh awm hma a hman zui tur a ni tih sawiin thupek zawm lo chu hrem an nihtur thu thupek a chhuahah chuan tarlan a ni bawk.

LIRTHEI HALTU MAN :

    Zirtawpni kalta zana Electric Venga Scooty leh Auto Richshaw haltu chu Champhai Police ten ngawrh taka an chhui zui hnuah man a ni tawh a, mahse amah hi kum tlinglo a nih avangin Juvenile Justice Board kutah an hlan tih thu kan dawng. Champhai Police te chuan mipui an him theihnan leh rukruk leh thilsual tih kawnga kan fihlim zawk theih nan nasa lehzuala tanlak an tum tih an sawi bawk.

MJA HRIATTIRNA :

    Nimin Press Club a MJA Champhai District OB thukhawm chuan tunkar zirtawpni a MJA Annual COnference Khawzawl neih tura ruahmanna an lo siam tawh chu remchhan zawkna avangin naktuk, Ningani ah a hmun leh hun ngai a neih nise, tiin thutlukna an siam. He huna khuallian turin Addl. DC Zoengsanga chu beisei a ni bawk.

DC TRAINING TURIN :

    Champhai DC Lalthangpuia Sailo chu Mussouri a IAS Induction training tun thla ni 25 atanga April ni 19 chhung nei turin nimin khan Champhai a chhuahsan ta a. DC awm loh chhung a charge la turin hian Addl. DC Zoengsanga hnenah nimin khan charge hi a hlan fel.

TUIALHTHEI DINHMUN :

Mizofed :
    Petrol    : Khawlchhia
    Diesel    : Free Sale
 

ni 19.2.2013 (thawhlehni)

KAWNG SIAM THAT CHUNGCHANG SAWIPUI :

    Nimin chawhma khan Champhai Thalai Pawl chuan PWD EE C. Lalkima an kawm a, Champhai khawpui chhunga kawngpui siam chungchang an sawipui.
    He hunah hian Champhai Thalai pawl hruaitute chuan Champhai khawpui chhung kawngpui siam that mekah estimate awmna chin chu a tha thei ang bera siamthat an duh thu PWD EE hi an hrilh a. Estimate in a daih lo a nih pawhin a daih chin leh kawngpui siamthat hna an thawh chin chu a tha thei ang bera thawh nise, an ti a. PWD EE pawhin theihtawp chhuah a tum thu Champhai Thalai pawl hruaitute hi lo hrilhin kawngpui tha tak siam tur chuan hun leh sum a duh dawn avangin hmalak chak a har dawn a, mipuite pawhin lo hrethiam se a duh tihi a sawi bawk. Champhai Thalai Pawl te chuan PWD hi an hmalaknaah hian puih an ngaihna lai apianga puih an inhuam thu PWD EE hi an hrilh a ni. Hetihlai hian PWD hian Hospital panna kawngpui chu siam that leh hmasa ber tura an hmachhawpah an dah niin thu kan dawng.

FOOTPATH SIAM :

    Vengthlang VC te chuan Awmpui phei ah Footpath an siam mek. Footpath siamna atan hian MGNREGA atangin Rs. 4,70,000 an nei a, tunah hian bazar step  thlenga he footpath  hi siam tum a ni a, hemi zawh hunah hian lehlam pawh siam leh tura ruahman a nih thu VCP K. Lalmawia chuan a sawi. VCP chuan Champhai hmel lanna ber pakhat a nih avanga an ngaih pawimawh thu te, PWD Engineer te nen tangkawpa an siam a nih thu te a sawi a, Awmpui phei kawngpui chei that, re-surfacing tih hma ngeia zawh hman an tum thu a sawi.

FREE ANIMAL HEALTH CAMP :

    Dt. 19.2.2013 (Thawhlehni) hian AH & Vety Department chuan Tualcheng ah Free Animal Health Camp a buatsaih dawn a, hetah hian Ran chi hrang hrang a thlawnin an en ang a, damdawi pawh a thlawna sem a ni ang. Champhai atangin District AH & Vety Officer leh a Staff te he hnathawk tur hian an kal dawn a ni.

CHAMPHAI DFO :

    Nimin khan Champhai DFO Pu Vanlalchuailova chuan kangmei veng ura YMA te phungbawma a sawm Branch hrang hrangte hnenah kangmei ven lawmman tur Rs. 4200 theuh a hlan.

NGO MEETING DAWN :

    Naktuk chawhnu dar 1 hian I&PR Conference Hall, CHANEM ah Champhai District NGO Coordination Committee Executive Meeting  neih a ni dawn a, hetah hian tun kuma Mizoram inthlanpui lo awm turah Champhai biala Champhai kahwtual mi ngei Candidate tura party tinte ngen chungchangte, High Security Registration Plate chungchanga Champhai in harsatna kan tawh mek chungchangte leh thil dang pawimawh an relho ang.

ni 18.2.2013 (thawhtanni)

TUIPUI BAZAR VELA THIL ZUAR SUANCHHUAK :

    Thawhtanni kalta a Addl. DC Zoengsanga hoa thukhawm in a n lo rel tawh, Tuipui Bazar vela chawhmeh zuarte suan chhuah chu inrinni khan kalpui a ni.
    Inrinni a an suanchhuah te hi Champhai khawpui tawt zualna bik State Bank of India, Champhai Branch luh dawn leh Tuipui Bazar vela chawhmeh zuarte an ni a. He hmuna License nei lo chu Bazarpuiah emaw Venglai Bazar ah te sawn luh niin license nei te pawh kawngpui nek lo zawnga siam rem niin an license hi sawrkar kumtharah chuan renew tawh lo tur a ni a, helai hmuna chawhmeh zawrhna hi a rem dawn ta a ni.
    Inrinni a a chawhmeh pho sawn chhuahnaah hian Sub-Hqrs. YMA leh Vengthlang Branch YMA hruaitute bakah US&PA, Excise & Narcotic Deptt., Police, Traffic Police leh thuneitu te an tel a, Champhai Vengthlang thla leh Awmpui phei a kawng dunga thl zuarte an endik nghal bawk.
    Inrinni a an suan chhuah tak Tuipui bazar bawra chawhmeh zawrh hi kawng a zim avangin mipui him zawkna atana te, helai hmun hi ruihhlo zawrhna atana hmang an lo awm thin avangin a tihtawp nan leh khawpui a thawl zawkna tura tih a ni. He hmalakna hi hun remchangah Addl. DC hovin thlirlet leh tura ruahman a ni.

CHAMPHAI KAWNG SIAMAN TUR SUM :

    PWD hnuaiah Champhai leh a chhehvel kawngpui siam thatna atana sum ruahman fel chhoh a ni.
    Thudawn danin Special Plan Assistant hnuaiah Champhai khawpui chhunga kawngpui hrang hrang 31 siamna turin Rs. nuai 250 a awm a. SPA of Special Programme for Road Development hnuaiah Champhai Town kawngpui hrang hrang 13 siam that nan nuai 280 a awm bawk. Tunah hian 13th Finance Commission hnuaiah Champhai Khawbung inkar kawngpui a chhe lai lai siam that nan Rs nuai 195 awmin hma lak mek a ni a. Mualkawi - Zokhawthar inkar chu a siamthatn tur Rs. nuai 55 awmin hmalak mek a ni bawk.

FIFA GRASSROOT COURSE :

    Nimin khan CDFA Executive Meeting chu an President C. Hualrikhuma Inah neih a ni a, hetah hian naupang atanga Football zirtirna tur FIFA Grassroot Course, Champhai a kalpui dan tur chungchang an rel.
    FIFA Grassroot Course hi Champhai ahchuan March thla laihawl vela kalpui tur a ni a, naupangte zietir tur hian tun thla ni 19 atanga 23 hian Aizawlah training a awm dawn a, hetah hian Lalfakzuala, Vengthlang North leh Lalduhawma, Vengthlang te chu tirh nise, anti. Fifa Grassroot Course kalpui turin CDFA hian Coach  engemaw zat training turin Aizawl ah an lo tir tawh a ni.

LIRTHEI 2 HAL :

    Zirtawpni zan dar 10:30 vel khan Champhai Electric Veng Middle School thlang, BNRGSK Hall kawt sira dah Autorikshaw Pu Zothangkima ta leh Scooty C. Lalhmangaiha ta chu misualin an hal a, a chhe hneh hle. Aneitute hi Electric Veng ve ve an ni. Pawikhawihtu hriat tumin Police lamin hma an la mek.

JT. DIRECTOR AH KAISANG :

    Champhai DCSO Lalhmingliana chu Jt. Director ah a kaisang a, zirtawpni kalta khan a kaisanna Order hi tihchhuah a ni. DCSO hi kaisang mahse a pension thleng CHamphai ah awmin, kumin March thla tawpah a pension ang.

ni 13.2.2013 (nilaini)



VC LAWMMAN :

    Nikum October atanga December thla thleng VC lawmman chu Champhai DLAO Office ah lam theih a ni tih thu kan dawng.

SIPAI LAL LOKAL :

    Sipai hotu Lt. Gen. Arun Kumar Shahni, GOC 3 Corp, Dimapur chuan tunlai hian hmarchhak bial hmun hrang hrang tlawhin a zinkual mek a, nimin khan Champhai ah Sipai helicopter in a rawn kal a, nimin vek khan Rihsil tlawh nghalin Lt. Gen. Arun Kumar Shahni hi Major Gen. Satish Dua, IG Assam Rifles (east), Masimpur, Silchar in a rawn tawiawm a, vawiin hian Aizawlah an kir leh ang.

SDHO ZIN ANG :

    Champhai SDHO Pu Lalremsiama chu Aizawla an Department Officer te, Horticulture Minister Pu Liansailova hova meetin gneih turin vawiin hian Champhai a chhuahsan ang.

HLAWHTLING HNAI :

    Hun rei tak Keilungliah khuah tuma hmalak a nih hnuah Mizoram lam atanga tih fel ngai awm ang angte Mizoram Sawrkar chuan a tifel ta a, tunah hian Sawrkar laipui lamah thawn thlak niin a hlawhtlinna hmuh thuai beisei a ni ta.

TUIALHTHEI  DINHMUN :

Mizofed
    Petrol : Free Sale (Rs. 66.27)
    Diesel : Free Sale (Rs. 47.04)
RD Petrol
    Petrol : Free Sale
    Diesel : Free Sale 

ni 12.2.2013 (thawhlehni)



CHAPCHAR KUT HMAN DAN TUR REL :

    Nimin chawhma dar 11 khan DC`s Conference Hall. Keifangtlanga Chapchar Kut Celebretion Committee chu kumina Champhaia Chapchar Kut hman dan tur relin an thukhawm.
    He meeting hi Zoengsanga, Addl. DC chuan a kaihhruai a. State level in alo rel tawh angin kumin Chapchar Kut hi March ni 1 a hman tur a ni a, Champhaiin an hmanna atan hian Rs. nuai 1 ruahman niin Lalrinliana Sailo, Health Minister chu khuallian a ni ang.
    Committee chuan kumin Chapchar Kut hi kum dang zawng aia ropui leh nuam zawkin hman nise, an ti a. Kahrawt Field ah dar 10:30 AM ah tanin, Branch Participation a that dawn chuan hmun dang pawh lo ngaihtuah leh mai se tiin Sub-Hqrs. YMA kutah a dah a. Sub-Hqrs. YMA President PC Zohlira pawhin theihtawp an chhuah tur thu a sawi, Committee chuan Deptt. hrang hrangte chanvo tur pawh a siam fel nghal bawk a ni.

KAWNGPUI CHEP CHUNGCHANG SAWI HO :

    Nimin chhun khan Addl. DC Chamber ah DK Traffic point vel chungchangah meeting neih a ni.
    He meeting, Zoengsanga, Addl. DC kaihhruaiah hian DK Traffic Point leh State Bank of India luhna bawr vela kawngpui chep lutuk chungchang sawiho a ni a, Helai hmuna dan lova thil zuarte chu dapchhuah a, thil zuar lo tura tih nise, an ti a. License nei tawhte pawh Financial Year tharah chuan an License tinung thawr tawh lovin helai hmuna inpho zawng zawngte chu Bazar pui leh Venglai Bazar ah sawn vek nise an ti a. Hemi chungchangah hian DC chuan thuchhuah siam hnuah checking hi neih nise, an ti.
    Hei bakah hian State Bank of India pan pheina bawr vela thil zuarte zingah ruihhlo lo zuar thin an awm ni a hriat a nih avangin he inphona hmun hi thenfai hrim hrim nise, an ti a. mahse helaia inphote hi eizawnna atana hmang tam tak an zawm avangin an inphona tur hi Trade & Commerce Deptt. in ngaihtuah se an ti bakah March thla khian hemi chungchang hi ennawn leh atan an dah a ni. Addl. DC Zoengsanga chuan Tuipui Bazar thlang lama inphona sawn chhuah chungchangah tunah rih chuan mipuiten sawisel mahse nakinah mipuite lawmna tur zawk a la ni ang, a ti.

CHAMPHAI AIAWHA KAL TUR FEHCHHUAK TA :

    Tunkar 13-14 Feb. 2013 chunga Aizawla State Level PYKKA for WOmen 2013 neih turah nimin khan SUb-Hqrs. YMA aiawhte chuan Champhai an chhuahsan.

FREE CLINIC :

    26 Assam Rifles chuan February ni 13 leh 14 Feb. 2013 hian Vaikhawtlang khuaah Medical Camp an buatsaih dawn. He Medical Camp hi an Programme pakhat OP Samaritan (Military Civic Astion) bultuma tih a ni. Damlo kal duh apiangte tan a thlawnainentirna te, hriselna hmanrua a thlawna thingtlang mite hnena chhawp chhuah a ni.  Damlo te chu thurawn, checkup leh damdawite a thlawna pek an ni ang.

KHAWBUNG TANPUI ANG :

    Zirtawpni khan Sub-Hqrs. YMA Executive thukhawm chuan kumin YMA Gen. Conference, South Khawbung  Tuipuiral Group YMA-in an thlen turah a thlengtute chu Sub-Hqrs. YMA Champhai huam chhung a nih angin Cheng nuai 1 a puih ve nise an ti.

NGO TEN HMA LA :

    Nimin khan Champhai District NGO Coordination hruaitute chuan BRTF hotute an kawm a, hetah hian BRTF OC chuan kawngpui an repair dan kalphung bak deuha tun kuma khaw chhunga Black Top chin an zauh chu Khawzawl, Kawlkulh leh Saitual chinah Central atanga pawmpui a nih tawh avangin kum tin dil hranpa ngai lovin an repair tel ve ziah tawh dawn tih thu a lo hrilh a ni.

TUIALHTHEI  DINHMUN :

Mizofed
    Petrol : Free Sale (Rs. 66.27)
    Diesel : Free Sale (Rs. 47.04)
RD Petrol
    Petrol : Free Sale
    Diesel : Free Sale 

ni 11.2.2013 (thawhtanni)



MISSIONARY  LA DAWN :

    Champhai Ramthim Veitute chuan Arunachal leh Tripura a thawk tur Missionary an la dawn a. Dilna hi ni 22 Feb. 13 thleng theh luh theih a ni ang. interview hi ni 23 feb 2013 khian Vengsang Presbyterian Committee Room-ah neih a ni ang.

CHAMPHAI DC ZIN DAWN:

    Aizawla District hrang hrang DC te leh NLUP line Department hotute Chief Minister hova vawiin a NLUP chungchanga meeting an neihnaa tel turin tukin zing hian Champhai DC Pu Lalthangpuia Sailo chuan Champhai a chhuahsan ang. Zirtawpni khan Champhai a line department hrang hrangte chu thukhawmin hma an lo lak tawh dan leh an harsatna tawhte an lo sawiho tawh a, DC hian he meeting ah hian Champhai District chhunga NLUP hmalak dan leh harsatna te hi report a pe dawn a ni. He meeting a tel tur hian Champhai District chhunga NLUP line department a head of Offices ho zawng zawngte chu an tel bawk ang. Vawiin vek hian 14th Finance Commission chungchang meeting neih hunah DC hi a tel nghal dawn bawk a ni.

ZOTE YMA IN NGEN :

    Zote branch YMA chuan IIDC ram chhungah ruihhlo chi hrang hrang lakluh leh mipat hmeichhiatna khaw lo taka hman an khap a, tilui an awma man an nih chuan an chungah engpawhthleng se an sawisel thei lo  ang tiin hriattirna an siam a ni.

 TUIALHTHEI  DINHMUN :

Mizofed
    Petrol : Free Sale (Rs. 66.27)
    Diesel : Free Sale (Rs. 47.04)
RD Petrol
    Petrol : Free Sale
    Diesel : Free Sale 

ni 9.2.2013 (inrinni)



CHAMPHAI DFO HOVIN KANGMEI VEN DAN REL :

    Ni 8.2.2013 (Zirtawpni) Chawhma Dar 10:00 khan Champhai Forest Division leh Champhai Branch YMA hruaitute chu DFO office chamber-ah Kangmei ven an tur chungchang ngaihtuahin Champhai DFO Pu Vanlalchuailova hovin an thukhawm.
    Khua lo thal chho mek leh lo vah hunt e a nih avangin Kangmei laka inven dan tur chungchang sawiho a ni a. Champhai Town Area chhung leh a chhehvel  kangmei laka a him theih nan kum tina lo tih thin angin Champhai Town Area chhunga YMA Branch ten rualkhai zawka hma an lak theih nan, kangmei ven bik tur laite insemin kangmei lo chhuah palh pawha thelh mih a nih vat theih nan information inpek zung zung a pawimawh avangin inrawn khawmna hi neih a ni.

CHAMPHAI NORTH MLA :

    Champhai North bialtu MLA TT Zothansanga chu Chalfilh biala By-election neih turah Congress Candidate Dr. Ngurdingliana pui turin niminpiah tlai lam khan Aizawl panin a chhuak a, Champhai a a lo haw leh tur chin hriat a ni rih lo.

GRAPE CHI THAR :

    Horticulture Department hnaia Grape chi thar ‘Tempreanillo’ chin chhin tura thlan mi 50 te chuan Mualkawi Serzawl ramah hma an la mek a, scientist te duhdanin January thla khan Department hotu lamte chuan an phun fel tir vek a, a zamna tur pawh siam tawhin tunah hian a chawmna tur turi pawh an huanah theuh pek thlen tawh a ni bawk.

CHAMPHAI-AH DRIVER TE TAN TRAINING BUATSAIH :

    Nimin chawhma khan Champhai Town Hall ah Road Safety Week denchhenin One Day Training for Drivers neih a ni.
    He hun James Lalnunmawia, DTO kaihhruaiah hian Zoengsanga, Addl. DC chu khuallian chuan, Central Sawrkar chuan Janaury kar hmasa ber hi Road Safety Week atana hman turin duang mahse Mizoram chuan kan hunpui avangin February ni 4-8 ah a hmang thin a. Tunah pawh hian driver te intuaitharna atan sawrkar thuchhuak angin kan hmang a ni, a ti.

TUIALHTHEI  DINHMUN :

Mizofed
    Petrol : Free Sale (Rs. 66.27)
    Diesel : Free Sale (Rs. 47.04)
RD Petrol
    Petrol : Free Sale
    Diesel : Free Sale 

ni 8.2.2013 (zirtawpni)



VIGILANCE & MONITORING COMMITTEE :

    Central sorkar atanga development scheme hrang hrang kalpui dan thlirletin nimin khan DC’s Conference Hall-ah Champhai District Level Vigilance & Monitoring Committee chu an chairman Lalhmingliana, MP, Rajya Sabha hovin an thukhawm.
    Nimin meeting-ah hian DRDA kaltlanga Mahatma Gandhi NREGA, SGSY, IAY, IWDP leh IWMP te, PWD hnuaia PMGSY te, PHE hnuaia RWSP te, P&E Deptt hnuaia RGGVY bakah ICDS hnuaia NSAP Champhai District a kalpui dan te thlirlet a ni a. RGGCY ah hian Electric pek thar khaw 9 awmin heng zinga khaw 8 te chu zawhfel tawh a ni a, intensification pawh ngawrh taka kalpui a ni tih te tarlan a ni a. Committee chuan contractor te chu chak zawka hna an thawh theihna turin thu dah nise, an ti a. Farkawna tranformer siam thar tur leh sawn tur te pawh a rang lama bawhzui tura tih nise, an ti.
    PMGSY ah PWD, Khawzawl Division-ah hna tam zawk zawh tawh a ni a, kumin hian hna awm zawng zawng chu zawhfel theih beisei a ni tih tarlan niin contractor pakhat erawh a contract tih tawp a ni a, tunah hian tender chhuah a la ni chiah lo tih sawilan a ni bawk. Champhai Division hnuaiah erawh nikum khan Khuangleng leh Lianpui inkar kawng siam chu lunglakna lamah contractor ten harsatna an tawh avangin thawh zawm hleitheih a ni lova, he harsatna hi kuminah a kian tawh avangin hnathawh chhunzawm leh turin hmalak nise, an ti a; tun thal hi hnathawhna hun atana am taka hmang tura hmalak nise, an ti bawk.
    Hetihlai hian Mahatma Gandhi NREGA-ah material component atana sum dah thin chu VEC te kaltlang ngeia thawh thin nise, an ti a. NREGA ah hian kumin hian Rs. Nuai 69.335 hman tawh niin Champhai District-a job card 27,304 tana pawisa rawn sanction thar leh nen ni 90 a tlin theih dawn a, kumin chhung hian ni 100 inhlawh tlin a beiseiawm thu sawi a nih bakah NREGA-a hnathawh thin chu a huam zauhtirin vantlang sangha khawina te, Anganwadi leh school ek in sak leh thil dang dangah hman tangkai mek a ni a. IAY hmanga insak thin chu Total Sanitation Campaign-a ek in sem nen a inrual dan ngaihtuah nise, an ti bawk.
    NSAP ah central sorkarin pawisa dawn zat a bithliah chu tihpun a ni a, tunah hian IGNOAP, Disable pension leh Widow pension te chu siksawi kual mek a ni a, NSAP ah hian BPL te chauh thun an nih theih nan a dawng turte chu BPL card nei ngei ni thei se an duh thu te tarlan a ni bawk.
    Nimin meeting-ah hian East Tuipui bialtu MLA B.Lalthlengliana; Champhai North bialtu MLA TT. Zothansanga te telin Committee member te an kal tha hle a ni. Champhai District chhunga Minister te erawh nidanga an tih ang bawkin an rawn kal leh lo a ni.

ROAD  SAFETY WEEK :

    Vawiin chawhma dar 11:00 hian Champhai Town Hall-ah Feb. ni 4-8 chhunga Road Safety Week denchhenin Driver te pualin training buatsaih a ni dawn a.DTO James Lalnun-mawia chuan he hun hi kaihruaiin Addl DC. Zoengsanga chu khual-lian a ni ang. First Session-ah Valalrema, MVI Champhai in ‘Motor Vehicle Act & Rules’ chungchangah training hi a pe ang a; Second Session-ah LT. Fala, Champhai OC in ‘Traffic Rules’ chungchang a sawi ve thung ang. Training neih zawh hian category hrang hranga Diver tha ber thlanchhuahte hnenah chawimawina hlan a ni ang.

CHAPCHAR KUT :

Thla thar, March ni 1-a Chapchar Kut lo thleng tur hman dan tur chungchang rel turin karleh thawhtanni chawhma dar 11:00 khian DC’s Conference Hall-ah Chapchar Kut Celebration Comtt. chu an chairman, DC Lalthangpuia Sailo ho-in an thukhawm dawn.

PIC ZO DAWN :

    Khawbunga PIC neih mek chu vawiin hian a hmawr bawk a ni dawn ta a. Khawbung Community Hall-ah tukin zing dar 10:30 hian Mangjagam Touthang, IIS, Core Comtt. PIC Mizoram chairman kaihhruaiin hun hman a ni ang a, Champhai DC Lalthangpuia Sailo chu khuallian a ni ang. Chhun dar 12:30 atanga technical session neih tan tur chu MJA Champhai Dist. Treasurer C.Lalhnunpuia’n a kaihruai dawn a ni.

TRAINING NEI MEK :

    I&PR Auditorium-a In-service teachers training chu chhunzawm zel a ni a, nimin khan chawhma lamah Lesson planning leh communication in the teaching, learning process tih zirho niin chawhnu lamah inclusive education leh zirtirtute tana Education psychology pawimawhna te zirho a ni bawk. He training hi vawiin chawhnu dar 2-ah khar a ni ang.

NLUP SEM DAWN:

    Champhai District NLUP cluster 5-a Industries Department in NLUP Phase I 3rd instalment a tanpuina a sem chhuak leh dawn.
    Champhai North beneficiary 117 te hnenah Rs.31,80,500; Champhai South a beneficiary 229 hnenah Rs.55,51,100; East Tuipui beneficiary 51 hnenah Rs.14,03,000; Tuichang Cluster a beneficiary 47 Rs.12,51,800; Lengteng-a beneficiary 37 hnenah Rs.9,62,300 in an sem dawn a. NLUP dawngtu chhungkaw 481 te zingah hian beneficiary thenkhat chu an hmalakna beisei ang a nih loh avangin la pek chhuah theih loh an awm a. Chungte chu an khua Monitoring Committee ten an endik hunah hmalakna tha zawk an lo nei tawh anih chuan an sum dawn tur hrensak te chu pek chhunzawm leh nghal tur a ni tih nimina sorkar thuchhuah chuan a sawi.

TUIALHTHEI  DINHMUN :

Mizofed
    Petrol : Free Sale (Rs. 66.27)
    Diesel : Free Sale (Rs. 47.04)
RD Petrol
    Petrol : Free Sale
    Diesel : Free Sale   

ni 7.2.2012 (ningani)

CAMPAIGN NEI MEK :

    Mizoram hi hmasawnna kairualna hmun a nih thu vawiin khan Land Revenue and Settlement Minister Pu JH Rothuaman Khawbung ah a sawi.
Sawrkar Laipui hmalakna hrang hrang mipui te hnena puanchhuahna Bharat Nirman Flagship Program Public Information Campaign (PIC) vawiin a Khawbunga neih ah khuallian Land and Revenue Settlement Minister Pu JH Rothuama chuan Mizoram hi hmasawnna kairualna hmun a ni a, Aizawl khawpuia awm ang hmun kilkhawr berah pawh a awm a, heng ang hmasawnna kairual hi India ram hmun dangah hmuh tur a awm lo a ni a ti. Mizoram chu India ramah lehkhathiam awm tamna state a nih angin ram chhungah state hmasawn ber kan nei thei a ni a ti. PIC Khawbunga neih hawnna hunah hian Pu JH Rothuama chuan ni 100 inhlawhna MGNREGA chungchang sawiin sawrkar laipui atanga kan hmuh sum hi a tawp mai dawn lova,amaherawhchu taimakna kan hlauh a hlauhawmthu a sawi a, kan tu leh fate chhawr tangkai theih tura hna kan thawh a ngai a ni a ti.
Mizoram sawrkarin NLUP a kal pui mek chawr tangkai tura chhungkaw thlanchhuah te chu Minister hian taima taka thawkturin Khawbung ah hian a hrilh nghal a, NLUP ah hian sawrkar laipuiin sum a pek hman zawh loh cheng vbch 1800 a awm avangin an hmabak chhunzawm na tur leh an tharchhuahte hralhna tur ngaihtuah mek ani a ti a, mahni trade theuh a tan la a, ti puitling turin a ngen nghal bawk a ni.PIC Core Committee Chairman Pu Mangjangam Touthang chuan India Sawrkar ropui takin khua leh tui tha kan nih na tura a ruahman te ngailnghet taka hmasawnna kan neih theih na turin mipui ten theihtawp chhuah a tanla zel turin a sawm a, PIC hlawhtlinna tura hmala tute zawng zawng chung ah lawmthu a sawi a ni.
Bharat Nirman Flagship Programme Public Information Campaign (PIC) neihna ah DAVP, BADP leh Field Publicity te buatsaih photo exhibition Minister hian a hawng nghal a, NRHM buatsaih a thlawnna inentirna pawh a hmunah a tlawh nghal a ni.Public Information Campaign hawnna inkhawm hi DIPRO Champhai Pi K.Laldingliani'n kahruaiin Field Publicity Officer Pu MC Lianmawia'n a sawi a ni.PIC hawnna inkhawm neih zawh hian Sawrkar laipui Scheme hrang hrang Dept aiawhten sawifiah na hun hmangin zawhna leh chhanna hun hman niin Mizoram Journalist Association MJA Champhai Dist palai Pu Lalnunsanga Fanai leh Pi Lalthlamuani Ralte ten an kaihruai a. Vawiin hian Khawbung Community Hall ah neih chhunzawm leh niin zing dar 10:30 ah tanin Lalneihkunga Khobung, Prog. Executive, AIR Lunglei chuan inkhawm kaihruaiin, Khawbung VCP Vanlallawma chu khuallian a ni ang a, chhun dar 12 atanga hun hman zui leh tur chu Lalhlupuia, Lenrual Editor in a kaihruai ang.

BANK HAWN TUM :

    February ni 15 khian MCAB Chairman KC Chawngvawra chu NABARD hotute nen Champhai a lo chhoh an tum a, hetah hian LAMPS Society Bank an hawng ang a, Champhai leh a chheh vela Society Bank thar tur pawh hawn nghal an tum niin thu kan dawng.

VENGTHLANG YMA IN HRIATTIRNA CHHUH:

    Vengthlang huamchhung, Tuipui Bazar leh a chhehvelah ruihtheih thil, ruihhlo zawrh leh tih khap tlat a ni a, a tilui in awm a, man in awm chuan in chungah engpawhthleng se in sawi sel thei lovang.

DRIVERS TRAINING :

    DTO leh DC thupek angin naktuk Zirtawpni hian Champhai - Aizawl Maxi Cab Service khalhtute tan DTO buatsaihin Champhai Town hall ah Drivers Training neih a ni dawn a, hemi ni hian Mzi-Cab Service a awm lo ang. He Training hi Session hnih a then tur niin MVI leh Traffic Police lamin an in sem dawn a ni.

PHE DEPARTMENT :

    Champhai PHE Department Officer te chu WOrk Review Meeting, Aizawl ah neih a nih avangin Officer-te chu Office ah dawr tur an awm lo a, tunkar Zirtawpni ah chuan Er. Martin Lalrinsanga, SDO erawh chu dawr theih a nih beisei a ni.

MED-AIM HOSPITAL :

    Med Aim Adventist Hospital Zotlangah hun engemaw chen Doctor naupang Specialist a zinbo hnuah a lo haw leh tawh a, vawiin atangin inentir leh theih a ni ta e.

 TUIALHTHEI  DINHMUN :

Mizofed
    Petrol : Free Sale (Rs. 66.27)
    Diesel : Free Sale (Rs. 47.04)
RD Petrol
    Petrol : Free Sale
    Diesel : Free Sale  

ni 5.2.2013 (thawhlehni)



DI IN NUAIBO HUN HMANG :

    Nimin khan Champhai North Bialtu MLA TT Zothansanga chuan a bialchhunga Di In nuai bo nana a MLA Fund hmanga rangva a lei Bundle 4 zela chhungkaw 92 hnena a semchhuahna hun Dawrkaikawnah neih a ni.
    Bialtu MLA TT Zothansanga chuan thusawiin MLA a mipuite khawngaihna avanga thlantlin a nih hnua a bial fanga a kal kualnaah Di In hnuaia la awm tam tak a hmu a, rethei zawkte hian engtin nge leirem an rah ang tih a ngaihtuah thu sawiin MLA Fund hi ama ta nilovin amah thlang tlingtute avanga a neih a nih avangin mipuite hian an thawhchhuah rah chu atam thei ang berin an zo tura a ngaih thu a sawi a, a dun atang hian khaw hrang hrangah YMA tan te, Hall cheina atan bakah Zirtirtu indaih lohna khua ah zirtirtu 18 lai a dung atang hian a ruai tawh bawk a ni.
    MLA hian kum khat chhung atan Fund hi cheng nuai 30 an nei a, kum 2011 leh 2012 chhung khan chhungkaw engemaw zat hnenah pek an lo ni tawh a ni.

PIC RELHO ANG :

    Tunkar Nilaini atanga Inrinni chhunga Press Information Bureau (PIB) bul tuma Champhai District chhung Khawbung, Zawlsei leh Dungtlang a Bharat Nirman/Flagship Programme Public Information Campaign neih tur chungchang sawiho turin MJA, Champhai District leh DIPRO te chu vawiin hian DIPRO Office, CHANEM ah an thukhawm dawn.

RAM A KANG LEH TA :

    Nimin tlai lam khan Zote kawnga Chhanchhuahna In ral leh lam a mual hmun zau tha tak a kang a, New Champhai khawtlangin an thelh hnuah nizan zantir khan a kang tha leh a, New Champhai khawtlang hi kang thelhin an thawk chhuak leh a, zan dar 7 velah an thelh mit thie a, ram hi a kang zau hman hle. Kangmei hi naupang ninhlei thil tih nia hriat  ani.

TRAINING DAWN :

    Vawiin chawhma dar 10 atangin I&PR Conference Hall, CHANEM ah Adhoc Aided leh Lump Sum High School zirtirtu zawng zawng tan RMSA, Champhai District chuan ni 5 chhung training an neihpui dawn.

SOUTH MLA LOKAL :

    Champhai South Bialtu MLA JH Rothuama, Revenue Minister chuan nimin khan Champhai a lo thleng a, vawiin hian Khawbung lam panin naktukah Bharat Nirman Public Information Campaign Khawbung Community Hall a hawn turah khuallian a ni ang a, champhai lamah hian lo let tawh lovin Lungdar lam atangin Aizawl a pan tawh dawn a ni.

DFO LO HAW :

    Champhai DFO Pu Vanlalchuailova chu Office thil pawimawha Aizawla hun engemawchen a zinbo hnuah nimin khan Champhai a rawn thleng leh ta.

TUIALHTHEI  DINHMUN :

Mizofed
    Petrol : Free Sale (Rs. 66.27)
    Diesel : Free Sale (Rs. 47.04)
RD Petrol
    Petrol : Free Sale
    Diesel : Free Sale 

 ni 4.2.2013 (thawhtanni)



BSI MEET :

    Champhai North Branch BSI Annual Meet chu Hnahlan Presbyterian Kohhran Biak Ina neih chu nizan khan a tiak ta. Inrinni zan inkhawm ah Branch leh Area Report ngaihthlak a ni a, C. Denga, Vice President hnen atangin Pathian thuchhah ngaihthlak a ni. Nimin, Pathianni chawhma ah PC Vanlalchhuana CS, Vice President, Chawhnu ah Upa L. Khuma Varte, Asst. Secretary, Pathianni Zan Upa C. Lalrizapa, President ten thuchhah an sawi a. Chawhnu inkhawmah hian Chief Patron Certificate mi 62 hnenah hlanna hun an hmang bawk.

RANGVA SEM ANG :

    Vawiin chawhma dar 11 hian Dawrkarkawnah MLA Fund hmanga Champhai North Bial huam chhunga Di In Nuaibo Prog. Phase - I chu hman ani dawn a. Champhai North Bialtu MLA TT Zothansanga chuan a MLA Fund atanga lei Rangva a sem chhuak ang.

KARATE ASSN. IN HUN HMANG :

    Inrinni chawhnu khan Champhai District karate Association chuan Parish Hall ah medal lak lawmna leh Pathian hnena inhlan tharna hun TT Zothansanga, Champhai North Bialtu MLA hovin an hmang.
    Champhai District Karate Asociation hian International Level tumkhat hmachhawn tawhin Bronze Medal 2 an la tawh a; tum hnih National Level ah Mizoram aiawhin infiammi an tir tawh a, heta tang hian Gold - 4, Silver - 3 leh Bronze-1 an hawn tawh a. Mizoram pum huap AMKA buatsaih ah Gold - 21, Silver-18 leh Bronze - 22 an la tawh thung a ni.
    He hun hmang tur hian Hqrs. lam atangin R. Lalthanga, President AMKA a rawn kal bawk a ni.

LENRUAL OFFICE RAWK :

    Nimin chhun khan Venglai Bazar bula Lenrual Site Office chu electric veng a mi pakhatin a rawk a, mi thenkhatin lo hmuin a thil lak thenkhat an chhuhsak a. A thi lak thenkhat chu la hmuh loh niin rukrutu leh Lenrual Editor te hi an in dawr mek a ni.
    Tunlai hian Rukruk a hluar avangin mitinte i fimkhur theuh ang u.

TUIALHTHEI  DINHMUN :

Mizofed
    Petrol : Free Sale (Rs. 66.27)
    Diesel : Free Sale (Rs. 47.04)
RD Petrol
    Petrol : Free Sale 
    Diesel : Free Sale 

ni 2.2.2013 (Inrinni)



DC INBUATSAIH :

    Champhai DC Lalthangpuia Sailo chu Mussouri-a IAS Induction training tun thla ni 25 atanga April ni 19 chhung nei turin a kal chhuak dawn a. Hemi atan hian tunlai hian a inbuatsaih chho mek a, Office hna thawh tul bawk nen a buai thei hle niin thu kan dawng.

RUKRUK HLUAR :

    Tunlai hian Champhai khawpui chhungah rukruk leh dawr rawk adt. a tam thar hle a, Champhai Police hnenah tun thla chhung ringawt hian thubuai 22 ziahluh a awm tawh a, heng zingah hian rukruk thubuai a tam ber niin thu kan dawng.

ADDL. DC ZIN DAWN :

    Addl. DC Zoengsanga chu Office pawimawh buaipui turin vawiin hian Aizawl lamah a liam thla dawn a, karleh nilaini velah lokir leh tura beisei a ni.

JJB THUKHAWM :

    Nimin khan Champhai District Juvenile Justice Board chu thukhawmin naupang pakhat thubuai an tihtawp sak a, tunah hian thubuai chinfel loh an nei tawh meuh lo.

GAS MAN TO CHAUHIN :

    DC leh DCSO permit lo chuan LPG Office, Champhai ah Gas a pekchhuah theih tawh lova, Non-Subsidized in Office ah bur khat Rs. 1110 in a lak  theih a, hetianga la duh tan lo chuan Office ah Gas lak theih a ni tawh dawn lo tih Champhai LPG Manager hnen atangin thu kan dawng.

TLAWN 400 MAN :

    Nimnipiah tlai dar 2 vel khan Farkawn Tlangval Association Duty te chuan Farkawn thlen hma tawngtaina hmun leh MNF lungphun inkar culvert hnuaiah hmun 4 ah BEDC tlawn 400 chuang zet, bag 8 a thuhruk an man. Farkawn Tlangval Assn. hian a neitu man chhuah ngei tumin nizan hmasa zanrei tak thleng khan an chang zui nghal a, mahse thu a than chak deuh avangin a neitute hian an lo hre hman niin a lang a, chang chhuak zo lovin nimin zing khan Farkawn VC te nen an thil man te hi an halral a, heng BEDC mante hi local market ah Cheng nuai 2 leh sing 5 man hun vela chhut a ni.

 TUIALHTHEI  DINHMUN :

Mizofed
    Petrol : Free Sale (Rs. 66.27) 
    Diesel : Free Sale (Rs. 47.04)
RD Petrol
    Petrol : Free Sale  
    Diesel : Free Sale   

ni 1.2.2013 (zirtawpni)



KHAWBUNG TUILAKNA TUR CE IN TLAWH :   

    Rs. vbc 7, nuai 22 senna tur, Khawbung Water Supply Scheme siam mek chu PHE Chief Engineer, Lalmuanzova`n nilaini khan a tlawh a, Chief Engineer hi SE, R. Lalmalsawma, Executive Engineer, Zohmingthanga, SDO, C. Lalchawimawia leh Khawbung khawtlang hruaituten an tawiawm a ni.
    Khawbung Water Supply Scheme atan hian Khawbung leh Lungdar inkara TUipui Pump chhoh tum a ni a, an en zingah hian Tuipui kama Pump House sak dan tur te, Jug wall siam dan tur te a tel a. he Water Supply Scheme ah hian tun thlengin km 8 chuang tui pipe lian, milimeter 125 phum tawh a ni a, tunah hian tui pipe phum hmabak la awm chu km 1 leh a chanve vel chauh a ni tawh a, harsatna dang a awm loh chuan tui pipe phum hna hi thla khat leh a chanve chhungin zawh fel theih beisei a ni.

MLA HOVIN HMANG ANG :

    Naktuk chawhnu dar 2 hian Parish Hall, Chhura Hmunah Champhai District Karate Assn. chuan Meal an lak tawh zawng zawng lawmna leh Pathian hnena inhlantharna hun Champhai North Bilatu MLA TT Zothansanga hovin an hmang dawn a. Khualzahawm atan AMKA Gen. Hqrs. President leh High Court Registrar R. Thanga a ni ang. He hunah hian Karate zirlai nu leh pa te chu a kim thei ang.

HAWNG DAWN :

    Tukin zing dar 7:30 hian Vengthlang North Branch YMA Committee Room, MP CL Ruala leh MLA TT Zothangsanga ten an fund atanga an pek hmanga sak chu MLA TT Zothansanga chuan a hawng dawn. Tarlan tawh angin MLA hian chawhnu dar 2 ah Govt. TM High School Zote building sak thar a hawng zui leh dawn.

DOCTOR ZIN :

    Med-Aim damdawi in, Zotlanga Doctor chu chhungkaw harsatna avangin a zin a, hei vang hian tun thla, Februaryni 7 ah chauh arawn thu leh thei dawn tih thu kan dawng.

DC LO HAW :

    Meeting pawimawh a zin Champhai DC Lalthangpuia Sailo chu nizan khan Champhai lo thleng chho tura beisei a ni.

LOVAT CHESUAL THI :

    Tv. Daniela (k-48) s/o Laia (L) N. Serzawl chu nimin chhun dar 1 vel khan Hmundo rama a Lo vah naah a thing koh in a delhhlum. A tute pahnih hruaiin Lo an vat a Tv. Daniela hi a vanduai ta a ni.

HRUAITU THLANNA :

    Naktuk hian SM Primary School ah Champhai Transport Union chuan General Assemblu an nei dawn a, he hunah hian pawl hruaitu thlanna buatsaih a ni dawn a, MJA Member te hruaitu thlanna buatsaih sak turin an nge.

ZAWM DAWN LO :

    Kumin Academic Session atanga hian Mizoram pumah English Medium School neituten fee chi hrang hrang an ti sang chiam dawn a, mahse Presbyterian Church School leh Sikul thenkhat chuan an thu tlukna hi an zawm ve dawn lova, Champhai English Medium School neitute pawhin zawm an tum lo tih thu kan dawng.

TUIALHTHEI  DINHMUN :

Mizofed
    Petrol : Free Sale (Rs. 66.27)  
    Diesel : Free Sale (Rs. 47.04)
RD Petrol
    Petrol : Free Sale   
    Diesel : Free Sale  

ni 30.1.2013 (nilaini)



NATIONALISM RALLY :

    Mizo National Youth Front Joint Block Committee, Champhai bultumin tukin zing dar 10 atang hian Nationalism Rally, lirthei nena neih a ni dawn a. Kahrawt Field ah in nghahkhawm tur a ni. He hun hmanpui tur hian MNYF Gen. Hqrs. President PC Laltlansanga leh a thawhpui mi 15 te chuan nimin khan Champhai an rawn thleng.

NLUP SEM MEK :

    AH&Vety Deptt. Champhai chuan NLUP 1st Phase Final Installment a hnuaia mi ang hian an sem mek Piggery - Rs. 33,863/- Hill Cattle/Mithun - Rs. 40,200/- Poultry Rs. 24,437/- bawng lian thlangtu ten an bawng dawn tur a lo thlen hnaih tawh avangin an bawng in leh a vel  lo tuaihnum thar leh turin an hriattir nghal bawk.

JUBILEE LAWM ANG :

    Govt. Samthang High School chuan thal thar, ni 1 khian an School Silver Jubilee an lawm dawn a. Jubilee lawmna hunah hian he School a lo thawk tawh leh zirlai lo ni tawh zawng zawngte tel vek turin an sawm.

 TUIALHTHEI  DINHMUN :

Mizofed
    Petrol : Free Sale (Rs. 66.27)   
    Diesel : Free Sale (Rs. 47.04)
RD Petrol
    Petrol : Free Sale    
    Diesel : Free Sale 

ni 29.1.2013 (thawhlehni)



BEER MAN HNEM :

    Nizan dar 8 bawr vel khan Champhai Excise and Narcotic Cell chuan Champhai a tum khata Beer an man tam ber ni turin Beer Case 88 an man.
    Beer hi 407 Truck  MZ04 5988 C. Lalruatthanga (33) s/o Tlangbuaia (L) nia in sawi khalh atanga man niin a chungah hian meihawl bag 90 an dah hnan tih thu kan dawng. Heng Beer te hi Aizawl a phurh thlak tur niin an sawi bawk. Beer hi tualchhung Rate ah chuan Rs. 3,16,800 man bawr vela chhut a ni.
    Beer hi 407 Truck  MZ04 5988 C. Lalruatthanga (33) s/o Tlangbuaia (L) nia in sawi khalh atanga man niin a chungah hian meihawl bag 90 an dah hnan tih thu kan dawng. Heng Beer te hi Aizawl a phurh thlak tur niin an sawi bawk. Beer hi tualchhung Rate ah chuan Rs. 3,16,800 man bawr vela chhut a ni.

YMA LEH PRESS MITE KAWM :

    Nimin khan Champhai DFO Vanlalchuailova chuan a bial chhunga ramngaw, plantation, nungcha, nauban leh thil dang humhalh dan tur leh kangmei laka invenna tur bakah hmalak dan tur sawipuiin a Office chamber ah Sub-Hqrs. YMA, Champhai hruaitute nen meeting an nei a. Chawhnu lamah MJA Champhai District Member te nen hemi chungchangah hian hun an hmangzui leh bawk.
    YMA hruaitute leh MJA te nen hian inpawhtlang takin hmalakho dan tur leh thawhhona tha neih a nih theih dan turte an sawiho a ni.

DPC (SSA) ZIN :

    Champhai District SSA Mission, District Project Coordinator Dy. DPC leh Planning Team te chu kum 2013-14 District Plan approval turin nimin khan Aizawl panin an liam thla.

KARATE INBUATSAIH :

    Champhai District Karate Assn. chuan an zirlai naupangten medal an lak tawh zawng zawng lawmna leh Kumthara Pathian hnen inhlan tharna hun hmang turin tunlai hian an inbuatsaih mek.

NATIONALISM RALLY :

    Naktuk ni 30.1.2013 (Nilaini) hian MNF North leh South Block thalaite bul tumin Nationalism Vehicle Rally neih a ni dawn a , he hunah hian MNYF hruaitute chuan hnam rilru pu zawng zawngte lirthei nena thawk chhuak turin an ngen a, MNF mi leh sate phei chu an motor neih ang ang thawh chhuahpui ngei turin an ngen a ni. Kawng zawh turte chu chawhma dar 10 ah Kahrawt Field ah innghahkhawm tur a ni a, Kahrawt Field atanga tanin Dawrkar kawn, DK Traffic Point leh Bethel Traffic Point ah te chawlin hun an hmang ang a, Zotlang ah kharna hun an siam dawn a ni.

TUIALHTHEI  DINHMUN :

Mizofed
    Petrol : Free Sale (Rs. 66.27)    
    Diesel : Free Sale (Rs. 47.04)

RD Petrol
    Petrol : Free Sale     
    Diesel : Free Sale

 

ni 28.1.2013 (thawhtanni)



BIAL KTP INKHAWMPUI TIAK TA :

    Presbyterian Kohhran hnuaia Pastor Bial hrang hranga Kristian Thalai Pawlte chuan Zirtawp Zan atang khan nizan thleng awh anmhani Bial theuhah inkhawmpui an hman chu an tiak zel ta. Zirtawp Zan khan Palai lawm Inkhawm neih a ni a, Inrinni nileng khan palai rorel a ni.
    Vengthlang Pastor Bial chuan Vengthlang North Kohhran Biak Inah Inkhawmpui hmangin, thupui ‘Thalaite mamawh Isua Krista’ tih chu Rev. Vanlalzuata`n a sawi a ni.
    Vengsang Pastor Bial chuan Vengsang Kohhran-ah Inkhawmpui hi an hmang a, Thupui ‘Thlen chin atanga hmasawn’ tih chu Speaker Bialtu Pastor Rev. Lalparchhuana hnen atanga ngaihthlak thin a ni.
    Kahrawt Pastor Bial khawmpui chu Hunthar Kohhran in an thleng a, Thupui  ‘Lalpa hman tlak’ tih chu Rev. Rammawipuia Pachuau hnen atangin ngaihthlak a ni a.
    Kanan Pastor Bial chuan inkhawmpui hi Dinthar Veng-ah an hmang a, Thupui ‘Lal Isua a lokal leh dawn’ tih chu Upa Lalhmangaiha, Tuipuiin a sawi.
    Bethel Pastor Bial chuan Tlangsam ah Inkhawmpui an hmang a, Thupui ‘Thlarau Thianghlim’ tih chu Rev. C. Lalremruata hnen atangin ngaihthlak a ni.
    Zote Pastor Bial chuan Zote-ah Inkhawmpui an hmang a, Thupui ‘Rawngbawl tura Chhandam’ tih chu Pu R. Thangdailova hnen atangin Pathianni chawhmaah an ngaithla.
    Hnahlan Pastor Bial chu hnahlanah an inkhawmpui a, Speaker atan Rev. C. Lianhmingthanga a ni.

COMMON SENSE LEHKHABU TLANGZARH :

    Lallianmanga lehlin Common Sense chu Inrinni chawhnu khan BRC Training Hall ah Champhai North Bialtu MLA TT Zothansanga`n a tlangzarh.
    Tlangzarh inkhawmah hian thu sawiin khuallian chuan, Lehkha chhiar  kawngah hian Champhai hi kan tlachhe nasa hle a, hemi kawngah hian tan kan lak a ngai hle a ni , a ti a. Hmanlai chuan kan pipute khan zawlbukah fina an zir thin a, tunlai chuan finna chu lehkhabu ah a awm tawh a. Finna siamtu chu hriatna niin hriatna hi tunlaia thil tihtheihna ropui ber a n ia, thalaite tan phei chuan internet hmangin lehkhabu tha chhiar tur a tam tawh hle a. Hengte hi kan hman tangkai thiam a, kan hriatna tizau zel tura tan kan lak a duhawm hle a ni, a ti. he lehkhabu hi zirchian tham a ni a, ram kal dan tur atana thil pawimawh tak a nih angin belhchian a dawl hle a ni, a ti a; a duh apiang lei theih turin he lehkhabu hia tlangzarh nghal a ni.
    He Inkhawm, B. Vanlalchenpuia kaihhruaiah hian C. Lalhmunliana chuan lehkhabu a review a, he lehkhabu hi American Political Bible tia vuah niin, America in British laka zalenna an sual duhna tura fuihtu paiwmawh tak a ni tih a tarlang bawk.

ENG NEI THA LO :

    Tunhnai atang khan Champhai leha chheh velah power supply a thalo zual hle a, zirlai naupang kumtawp exam lo hnai tawh nen power supply hi tha zawk a neih theih a duhawm hle tih thu kan dawng. Hetihlai hian HSLC leh HSSLC exam chu thla thar ni 26 ah neih a ni ang a, a hnuai lam exam erawh chu hemi hma hian neih a ni thung ang.

REPUBLIC DAY VAWI 64-NA HMANG :

    Inrinnni khan India ram hmun dangte ang bawkin Champhai ah pawh India Republic Day vawi 64-na chu Chhangphut Field ah Champhai District Bawrhsap Lalthangpuia Sailo, IAS hovin tluang taka hman a ni.

 TUIALHTHEI  DINHMUN :

Mizofed
    Petrol : Free Sale (Rs. 66.27)     
    Diesel : Free Sale (Rs. 47.04)

RD Petrol
    Petrol : Free Sale      
    Diesel : Free Sale

ni 24.1.2013 (ningani)



GIRL CHILD PUALIN CHAMPHAI-AH HUN HMANG :

    India ram puma Observation & Celebration of National Girl Child, January ni 18-24 chhunga hman tura tih a nih angin Champhai ah pawh hman niin, nimin khan Venglai Community Hall ah Lalbanglova, CDPO kaihhruai in hemi pual hian inkhawm buatsaih a ni.
    He hunah hian ‘Mipa leh Hmeichhia thlei hranna avanga hmeichhe naupangte harsatna tawh chungchang’ Laldingngheti, MHIP Sub-Hqrs. Champhai chuan a sawi a. District Child Protectoin Office R. Lalrinchhangi`n ‘Hmeichhe naupangte dikna leh chanvo’ tih thupui hmangin thu a sawi bawk a. Lalsiammawii, Protection Officer chuan ‘Naupangte himna leh a kiahhnawih Dan’ tih chungchang a sawi bawk a ni. Hmeichhe naupangte ni puala hun hmanah hian Quiz Competition leh Poster inziahsiak buatsaih a ni a. Lawmman dawngtute chu hetiang hi an ni.
    Quiz Competion :
    1-na Lalsangpuii, Vengthlang
    2-na K. Lalbiakthangi, Bethel
    3-na R. Lalkhawngaihi Kahrawt
    Poster Inziahsiak :
    1-na Lalthlanthiangi, Kanan
    2-na Lalthlamuani, Vengthar
    3-na Lalventhangi, Vengthlang
    Nimin he ni puala hun hmanah hian Champhai Town huam chhunga Anganwadi Worker zawng zawngte leh MHIP Branch hrang hrangte hruaitute an tel a ni.

SAH LO TURIN NGEN :

    CHamphai leilet zawl Tuipui dung hmun hrang hranga Horticulture Dept. in check dam a siama an khuah belhna loneituten an siam chu sangha mantuten an lo sah thin a, hei hian loneitute tan harsatna a siam avangin ti tawh lo turin an ngen a, a tilui hriat chhuah an awm a nih chuan an chungah na taka action lak an tum.

THEIHTAWP CHHUAH :

    Industries Dept. Champhai District hnuaia NLUP hmalakna kal zelah tun dinhmunah report chu hetiang hia  ni.
    NLUP dawngtu zat    :    733
    Trade awm zat        :    22
    Trade zawh tawh zat    :    8
    Jan 2013 chhunga zawh tum : 4
    NLUP 1st Phase hi tun thla, January chhunga zawh hman tumin Industries Dept. a Officer leh Staff ten theihtawp an chhuah mek.

NATIONAL VOTER`S DAY :

    Election Commission of India thuchhuak angin ni 25.1.2013 chawhma dar 11 hian a tum thumna atan national Voters` Day chu I&PR Auditorium, CHANEM Building ah hman a ni dawn.

HONORARY WARDEN :

    Mizoram Sawrkar Environment & Forest Dept. chuan Honorary Wildlife Warden, Champhai District atan MJA Champhai District Treasurer C. Lalhnunpuia chu tunhnai khan a rawn ruat thar.

SDC THAR PAHNIH :

    Champhai SDC turin Sawrkar chuan MCS tlin gthar V. Lalmuanpuii, Aizawl bawngkawn leh Alan Lalthanzara, Aizawl Kulikawn te a rawn dah thar a, heng Officer pahnihte hian an hna thar hi an rawn zawm fel tawh a ni.

SPORTS BUNGRUA SEM :

    Nimni khan Nehru Yuva Kendra (NYK) Champhai chuan Venglai Community Hall-ah Convention hmangin he hunah hian NYK-a inziaklut Club leh YMA branch hrang hrangte hnenah Sports bungrua semin Bluc/Branch pakhat tan - Badminton racket pahnih cork bawm khat leh net , Football pakhat, Volleyball pakhat leh net pakhat theuh an sem a, club/branch pakhat chan hlut zawng hi Rs. 4000 man vel nia hriat a ni.

REPUBLIC DAY TOURNAMENT :

Football :
    Mualkawi 4-1 Chhungte
    Zotlang 3-0 Kanan
Volleyball :
    Hmeichhia
    Zotlang GSA 2-0 The Friends
    Vengsang SC 2-0 Vengthar
    Vengsang SC 2-0 The Friends
    Mipa
    L&R Kahrawt 2-0 Zotlang GSA
    Ruantlang GSA 1-2 Solakristo
    Bethel GSA 1-2 Vengsang SC
    Zotlang GSA 1-2 Tlangsam GSA
    Vengsang SC 1-2 Solakristo
Baketball :
    Da Dreamers 0-30 Power
    Sober Youth 38-57 Ballers
    Kahrawtians 60-79 Terminators

 TUIALHTHEI  DINHMUN :

Mizofed
    Petrol : Free Sale (Rs. 66.27)     
    Diesel : Free Sale (Rs. 47.04)

RD Petrol
    Petrol : Free Sale      
    Diesel : Free Sale 



    

ni 23.1.2013 (nilaini)



CHAMPHAI ANTI-TOBACCO SQUAD IN TAN AN LA :

    Nimin zing kar khan ANti TObacco Squad Champhai te chuan Champhai Bazar ah Anti Tobacco Drive neiin phal lohna hmun, puipunnaa Meizial zu Mihring 10 man in an hnen atang hian Anto Tobacco Control Act in a phut angin pawisa Cheng 380 chawi tir an ni a, tun hnuah chuan puipuinna hmun Meizial zu tawhlo tura hriattir leh ngen an ni.
    Tun sawrkar kum kal mekah hian Anti Tobacco Squad Champhai chuan phal lohna hmuna Meizial Zu mi 376 an man tawh a, an hnen atang hian Rs. 16025 chawi tir tawhin Sawrkar Treasury Challan hmangin Rs. 14495 an chhunglut tawh a, Rs. 1530 sawrkar a la chhun luh loh an kawl mek a ni.
    Anti Tobacco Squad te hi sawrkar kum kal mekah hian bazar ah vawi 79 Duty tawh in Office hrang hrangah Vawi 22 an Duty tawh bawk a ni.

FREE CLINIC :

    Med-Aim Adventist Hospital chuan nimin khan HDFC Bank, Champhai Branch nena tangkawpin Zotlang leh RUantlang tan Free Clinic an buatsaih a, hetah hian damlo 60 chuang an inentir a ni. HDFC hian Zotlang leh Ruantlang a kum khata Cheng sing 5 lalut tling lo tan a thlawnin Bank Account an hawn sak a, HDFC hian Zotlanga BRTF Camp-ah hun rei loteah ATM khawl bun an tum bawk a ni.

PIC ATAN INRUAT :

    MJA, Champhai District chu nimin khan Press Club ah thukhawmin thla thara Khawbung, Zawlsei leh Dungtlang a Public Information Campaign neih tur chungchang an sawiho. PIC hi February ni 6,7 leh ni 8 hian neih a ni dawn a, hetah hian Champhai atanga kal thei tur leh he campaign a inkhawm kaihhruai turte an inruat fel nghal a ni.

MI 5445 PE :

    Zenghri danna pek beihpui thlak kal mekah Champhai District chhungah nimni thleng khan naupang kum 5 chin hnuailam 5445 hnenah pek an ni a. Zenghri danna pek beihpui thlak chhunzawm zel tur niin in tina lutin a la ei lote hnenah pek zui leh a ni ang.

LUNGIN DELH HLUM :

    Nimin khan Ngur khaw bula Quarry a BRTF ten an lung lakna hmunah lung lumin an hnathawktu pakhat chu delhin Champhai damdawi in rawn panpui a nih mek laiin Ngur kawn an thlen laiin a hliam tuar lovin a boral ta niin thu kan dawng.

TENDER CHHUAH :

    LAD Champhai hnuaiah khawpui chhung hmun hrang hranga hnathawh tur 107 tihchhuah thar a ni a, Tender chhang duh tan 8.2.2013 chawhnu dar 1 thleng Champhai DLAO Office ah ngaihven theih a ni ang.

REPUBLIC DAY TOURNAMENT :

Football Result :
    Tuipui 2-1 Hmunhmeltha
    Zion Veng 3-0 Kahrawt
   
Volleyball :
    Hmeichhia
    Zotlang GSA 2-0 Vemgtjar
    Zotlang GSA 2-0 Vengthar
    Vengthar 2-1 The Friends
    Mipa
    Bethel 2-1 Solakusto
    Tlangsam 2-1 L&R Kahrawt
Basketball :
    Power 66-57 Galarims
    Terminator 85-59 Pirates

TUIALHTHEI  DINHMUN :

Mizofed
    Petrol : Free Sale (Rs. 66.27)      
    Diesel : Free Sale (Rs. 47.04) 

RD Petrol
    Petrol : Free Sale       
    Diesel : Free Sale 

ni 22.1.2013 (thawhlehni)



ASSAM  RIFLES-TEN CHAMPHAI MIPUI TI RALTI :

    Tunlai hian Champhai khawpui chhungah Assam Rifles ten mipui leng velte Lirthei ti dingin an lirthei piah lamah mihring taksa thlengin a Check thin tih thu dawn a ni. Kan thudawnna chuan Champhai - Aizawl inkar Tawngtaina hmunah te pawh Motor hi an lo Check thin bawk. Assam Rifles te hian Ruihhlo (Zu) te pawh man thinin heng an zu man te pawh hi Police ah thlen lovin an mahniin an pumbilh niin a sawi bawk. Peace State a puan Mizoram khawchhungah hetiang thil thleng hi Champhai Thalai Pawl leh NGO hruaitute chuan hrethiam lovin hma lak an tum mek tih thu kan dawng bawk.

NUABAN MAN :

    Vaphai Branch YMA te chuan Vaphai, Darkawn leh Samthang ram chhunga Nauban lakruk ni ngei a hriat buara khat an man a, he nauban la rutute hi an tlanchhia a, an man hman lo a, nauban an man sa te hi Orchids Sanctuary Khawbunga khawi turin an pe nghal a ni. Vaphai Branch YMA hruaitute chuan Vaphai ram chhunga nungcha te hi an humhalh tlat tih an sawi a, uluk taka vil an tum thu leh phalloh titute chu an man a nih chuan dim an tum loh thu an sawi.

THUTKHAWMNA NEI :

    Nimin khan Socio-Economic & Caste Census 2011 chungchanga chhungkaw thenkhatte dinhmun chiang tawk lo nia langte tihchian dan tur zirchiangin DC COnference Hall Keidanglangah Master Trainer Supervisors leh Enumerator thenkhatte an thukhawm a. Modul pawimawh hrang hrangte hi charge Office hrang hranga Enumerator te nen verification leh tura sem darh nghal a ni. Hemi chungchang bawk ngaihtuaha meeting nimin vek a neihah hian SDC Pi Lalnunmawii pawh Aizawl ah a thang mek a ni.

DVO ZIN :

    Meeting pawimawha  tel turin vawiin hian DVO Pu Laltlanmawia chuan Aizawl panin Champhai a chhuahsan ang.

REPUBLIC DAY  FOOTBALL :

Result :
    Vengthlang N 1-1 Chhungte
    Venglai II 0-8 Mualkawi
    Electric 0-6 Vengthlang N (1st Div)




 TUIALHTHEI  DINHMUN :

Mizofed
    Petrol : Free Sale (Rs. 66.27)       
    Diesel : Free Sale (Rs. 47.04)  

RD Petrol
    Petrol : Free Sale        
    Diesel : Free Sale

ni 21.1.2013 (thawhtanni)



ORISSA FOR CHRIST TEN TANPUINA DIL :

    Mizorama mithahnemngai intelkhawm Kristiante tihduhdahna State, Orissa hmuna rawngbawlna kalpui mektu Orissa For Christ  hruaitute chaun Inrinni chawhnu khan Champhaia Chanchinbu mite, Press Club ah kawmna hun hmangin, an hmalakna leh an hmachhawp hrang hrangte an puangzar.
    Champhaia hun hmang mek Orissa hmuna rawngbawlna kalpui meka Mission Field Director R. Vanlalkunga leh Orissa for Christ pawla Executive Member; Orissa For Christ Bulletin (thlakip chhuak) Editor ni bawk Zosangzuala ten Orissa State chhunga Kristiante an tihduhdah nasatna hmun Kandhamal District a rawngbawlna an kalpui mek chungchang hi an puangzar a ni.

 FIRE EVACUATION :

    Vawiin chawhnu dar 1 khian Champhai Fire & Emergency Service te chuan Ministry of Home Affairs in India ram puma State hrang hranga District tina neih tura a ruahman Fire Evacuation Drill chu Govt. GM High School ah an nei dawn.

CDFA THUKHAWM :

    Inrinni tlai khan CDFA an thukhawm a, February thla tawp lama 8th Sub-Junior Inter District Championship (Boys) Lunglei a neih turah tel nise, an ti a. 1st Division club te tan bik 1st Division League Tournament Day 2 atanga hman tan turin player registration (transfer) 2nd window hawn nise, an ti.

 TUIALHTHEI  DINHMUN :

Mizofed
    Petrol : Free Sale (Rs. 66.27)       
    Diesel : Free Sale (Rs. 47.04)  

RD Petrol
    Petrol : Free Sale        
    Diesel : Free Sale

 

ni 19.1.2013 (inrinni)



MJA CALLING :

    Vawiin chawhnu dar 1 hian Press Club ah Orissa Missionary R. Vanlalkunga chuan CHamphaia Chanchinbu mite kawmna hun a hmang dawn a, he huna tel tur hian MJA Champhai District Member te kim taka kal tura ngen kan ni e.

FIRE EVACUATION :

    Karleh Thawhtanni chawhnu dar 1 khian Champhai Fire & Emergency Service te chuan Ministry of Home Affairs in India ram puma State hrang hranga District tina neih tura a ruahman Fire Evacuation Drill chu Govt. GM High School ah an nei dawn.

INHLANTHARNA NEI :

    Sub-Hqrs. YMA hruaitute chuan nimin khan Town Branch hruaitu thlan tharte ko khawmin Pathian hnena inhlanna an hmanpui. he hunah hian Chhiatni thatni a inkaihhruaina dan hman mek an thlir nawn a. Kalphung siam danglam a awm lo a. Vengthlang North atanga rawtna lut mitthi tlaivarpui ngaite, khawhar In lenkhawm zanah tlaivar zan hi chhiar tel nise tih chu hun remchanga kokim zawka sawiho leh nise an ti a ni.

GANJA MAN :

    Nizan hmasa khan Zote branch YMA Duty te chuan Ganja 10 kg an man a, a neitu hi an man tel hman lo a, Fartlang lam mi nia hriat a ni tih thu kan dawng.

MPF HRUAITUTE :

    President : Rev. Rammawipuia Pachuau
    Vice pre. Sr : Rev. C. Lalremruata
    Vice pre : C. Thawma, B. Zamkhawmanga
    Secy :    : Upa C. Lalremliana
    Jt. Secy : Lalnunmawia, Bro. Anthony Biakthanpara, PC Lalrinchhuanga
    Treasurer : Upa Sangmanthanga
    Fin. Secy : K. Lalnuntluangi

REPUBLIC  DAY  FOOTBALL :

Result :
    New Champhai 2-2 Chhungte
    Vengthar 0-0 Mualkawi
    Tlangsam 3-0 Electric (1st Div)

TUIALHTHEI  DINHMUN :

    Petrol : Free Sale (Rs. 66.27)
    Diesel : Free Sale (Rs. 47.04)   

ni 18.1.2013 (zirtawpni)



CHAMPHAI-AH STATISTICS DISTRICT OFFICE :

    Nimin chawhma dar 10 khan Champhai Venglai Community Hall-ah Economics & Statistics Department, Mizoram buatsaihin Champhai District huam chhunga khawtin leh veng tin VC te kal tlanga thlan Enumerators ten Survey an neih tur atan training an nei.
    India sawrkarin a ngaih pawimawh em em State tinte thawhchhuah leh sum lakluh chhutchhuah nana thil tul- Dan hmang sumdawngte leh thil dang atana in register te dinhmun buatsaih nan te, Local Council/Village Council te sum thawhchhuah leh lakluh chhinchhiahna buatsaih anan leh kuthnathawktute dinhmun atan te he survey hi Mizoram khawtin leh veng tinah neih tur a ni a. Hemi atan hian Sawrkar pawhin Finance Commission 13-na hnuaiah sum a ruahman a ni.
    Lalrinkhuma Sailo, Jt Director Economics & Statistics chuan he training hawnna thu sawiin Survey hi mimal intih mualphona tur lam ni lovin ram leh hnam hmasawnna tur atana thil tulleh pawimawh a nih avangin mipuite pawh Enumerator te an in a an lokal huna tha taka lo dawng dawng a, an thil hriat duh ang apiang zep nei lova tha taka lo tawiawm turin a ngen a. Sawrkar hmasawnna ruhrel ruahmanna siam nan statistics rintlak neih a pawimawh tih hriatin statistics district Office la awm lohna District panga, tun sawrkar kum nga chhunga hawn tur zingah Champhai pawh a tel ve thu a sawi bawk.
    He training rawn neihpui tur hian Directorate of Economics & Statistics atangin Lalrinkhuma Sailo, Jt. Director bakah hian midang pali an lokal a, nimni training ah hian Champhai District chhunga khua leh veng tina Enumerator te an kal tha hle.

SILAI  NEN  ZU TAWLH :

    Buang Khua YMA Branch hruaitute hnen atang thu kan dawn danin tunlai hian Buang khua paltlangin Zu phurh thin a ni a, Buang, Vangthlang leh Chalrang YMA tangkawp ten theihtawp chhuahin hma an la chho mek a, kar kalta pawh khan Rs. 36,000 man hu vel zu hi an man a. Hetihlai hian zan rei lamah silai nen Zu tawlh  hi an awm thin avangin thuneitu lam ten ngaihven thei se tih YMA hruaitute hnen atang hian thu kan dawng.

RUAI NAWN LEH :

    Special Trainers (SSA hnuaia zirtirtu indaih loh zualna a rawih) ni 15.12.2012 a appointment  tawp tawhte re-engaged leh vek an nih avangin ni 21.1.2013 atanga 28.2.2013 thleng thawh chhunzawm tur a ni tih DPC (SSA) Champhai hnen atangin ziakin thu kan dawng.

CHAK ZO LO :

    All Mizoram Joshua L. Zama Memorial Basketball Tournament U-19 khelh mekah Champhai chuan nimin khan Quarter Final ah Ramthar chu 42-49 in an hneh zo ta lo.

NLUP HRIATTIRNA :

    Champhai District chhunga Sericulture Dept. hnuaia NLUP dawngtu 1st phase te tan a hnuhnung ber atan vawiin hian sem leh a ni dawn a, a dawngtu turte chu vawiin hian DSO ah kim taka kal tur a ni.

SUB-HQRS. YMA :

    Vawiin hian Sub-Hqrs. YMA chuan an Office Tlangrawtah kum 2013 a Branch hrang hrang hruaitu tharte Pathian hnena hlanna hun leh chhiatni thatni chungchanga inkaihhruaina dante sawihona hun an hmang dawn.

TUIALHTHEI DINHMUN :

    Petrol : Beisei (Rs. 66.56)
    Diesel : Free Sale (Rs. 46.53)  

ni 17.1.2013 (ningani)



CHAMPHAI LOTHLENG :

    World bank leh Neelam Sood (Professor, NCERT) te chuan Champhai an lo thleng. Champhai District ah hian Khawzawl H/S, Vaphai H/S, Ruantlang H/S leh Zokhawthar H/S an endik ang a, vawiin hian endik hna hi thawkin vawiin vek hian Aizawl lam panin an chhuk thla lehnghal dawn a ni.

LA CHAK ZEL :

    All Mizoram Joshua L. Zama Memorial U-19 Basketball, Aizawla neih mekah Nancy Fashion Store Sponsor a Champhai aiawh kalte chuan niminpiah khan College Veng 68-63 in an hneh a, nimin khan Bethlehem 62-31 in an hneh leh a, vawiin hian Ramthar nen Quarter Final an khel ang. Champhai BDO a lo thawk tawh thin Pu Laltanpuia te chuan lo buaipuiin vawiin hian chawhlui an buatsaih sak dawn a, an chungah players te an lawm hle tih thu kan dawng.

NGOPA MLA :

    Ngopa Haw Runpui hmang turin bialtu MLA H. Rohluna, Supplies Minister chuan nimin zing khan Aizawl chhuahsanin Ngopa a pan a. Ngopa Haw Runpui hi vawiin leh naktukah te hmangin ruai te an theh ang a, Minister hian Inrinniah Aizawl a pan leh ang.

LEITHA RATE :

    Champhai District chhunga Sawrkarin Fertilizer hralhna tur rate a bituk chu hetiang hi a ni :
    Urea - 1170 (Qtl)
    DAP - 3212(Qtl)
    MOP - 2577 (Qtl)
    SSP - 1270 (Qtl)

REPUBLIC DAY FOOTBALL :

Result :
    New Champhai 1-2 Vengthlang N
    Vengthar SC 2-1 Venglai SC II
    Kahrawt 4-1 Kanan

TUIALHTHEI DINHMUN :

    Petrol : Free Sale (Rs. 66.56)
    Diesel : Free Sale (Rs. 46.53) 

ni 16.1.2013 (nilaini)



FIRE PREVENTION WEEK HMAN DAN TUR REL :

    Nimin chawhnu dar 1:30 khan DC`s Conference Hall, Keifangtlangah District Level Fire Prevention Committee chu an Chairman Lalthangpuia Sailo, Champhai District DC hovin an thukhawm.
    He meeting ah hian kumina Champhai District a Fire Prevention Week hman dan tur rel a ni a, Member Secy chuan nikum lama he hun hman anih dan te report ngaihthlak a nih hnuah kumin hian Fire Prevention Week hawnna hman ngei nise, an ti a. Venglai Community Hall ah inkhawm buatsaihin Lalthangpuia Sailo, Chairman leh Pu C. Lalhnunpuia, Treasurer Sub-Hqrs. YMA Champhai hnen atangin thusawi ngaithlak nise tih relin he hun hmang tur hian High School  naupangte sawm nise, an ti a. Hei hi DEO in a lo buaipui dawn a, hei bakah hian Fire Prevention Week pual hian School hrang hranga chhiar chhuah tur thu buatsaih tum ani bawk. Fire Prevention  Week hman hun tur leh a hawn hun turte, lo hal ni te chu State Level in ruahmanna a rawn siam anga hman nise tih relin meilam sial tura inhrilhhriatna uar thei ang bera neih nise, Fire Prevention Week hun chhung hian veng tina Information Centre atangin kangmei tichhuak lo tura fimkhurna thu puan chhuah thin nise, an ti. Hei bakah hian meilam sialna atan hian MGHREGS chu hman tangkai dan dap leh nise an ti bawk.
    He hapta pual hian hmun hrang hrangah banner tar tum ani a, Fire Prevention Slogan chu TV Scroll a tihchhuah bakah tualchhung chanchinbu ah tihchhuah bawk nise tih relin kangmei tichhuak lo tura inzirtirna hi chanchinbu a ziak tha te thlan chungchang pawh sawilan a ni bawk.

CHAMPHAI DISTRICT CHHUNG A/C 5-A VOTERS 77,439 :

    Nimin khan Champhai District Electoral Officer leh Deputy Commissioner ni bawk Lalthangpuia Sailo chuan a Pisa ah Electoral Roll Final Publication a tlangzarh a. He hunah hian election Officer, ERO Champhai South, Political Party hrang hrang aiawhte leh Tlawmngai Pawl aiawhte an tel a ni.
    Champhai District chhung Assembly Constituency (A/C) 5 huam chhunga Final Electoral Roll Publication neih takah hian Coters 77,439 awmin, hetah hian mipa 38,536 leh hmeichhia 38,903 an awm a ni. 2012 Final Electoral Roll a voters aia a punna hi voters 3110 niin, 4.18% in a pung a ni. A/C 5 huamah hian Service vote 619 awmin, Service Voters te nen a pumpuiah Voters 78,058 an awm dawn ta a ni.
    Champhai District chhung A/C 5 huam chhung Final Electoral Roll Publication a voters awm dan chu hetian ghi a ni : 21 - Lengteng 16124; 22-Tuichang 14,953; 23-Champhai Noeth 16,844; 24-Champhai South 15,628, 25-East Tuipui 13,890 a ni a.

TRAINING NEI ANG :

    Economic & Statistics Deptt. chuan Champhai District huam chhunga Block 4- Champhai, Ngopa, Khawbung leh Khawzawl Block atangin hnathawk tur enumerator 110 a ko khawm in ningani hian Venglai Community Hall ah training an nei dawn a ni.

KHAPNA THUPEK :

    Champhai District SP Charge la mektu Addl. SP thar Pu Lalchawimawia, MCS thupek angin Traffic Police te chuan bike Silencer a Proton vuah, mipui tana hnawksak khawpa ri bengchheng lutuk khap hna chu khauh taka kenkawh an tum a, hetiang bike ri bengchheng lutukte hi ngaihdamna tel lova man hmak hmak an tum a ni.

REPUBLIC DAY FOOTBALL :

Result :
    Bethel SC 2-1 Vengthlang S/C
    Vengsang SC 0-3 Venglai I
   

TUIALHTHEI DINHMUN :

    Petrol : Beisei (Rs. 66.56)
    Diesel : Free Sale (Rs. 46.53)   

ni 15.1.2013 (thawhlehni)



KUT HNATHAWKTUTE NI HMANG :

    Nimin khan Champhai Venglai Community hall ah Kuthnathawktute Ni ropui taka hman a n ia. Champhai District chhunga NLUP hnuaia hma la tha mimal hnenah lawmman hlan a ni.
    Champhai DC Lalthangpuia Sailo kaihhruai Kut hnathawktute Ni hmanna ah hian Parliamentary Secy KS Thanga chuan Mizoram Sawrkar Flagship Prog. NLUP avangin Mizoram a eizawnna kawnga rahbi tleu tawh chhungkaw tam tak khaichhuah mek an ni, a ti a. Vawiin Kuthnathawktute Ni pual hian ZOram pum huap Kuthnathawk tha khua leh chhungkua bakah District huapa titha ber thlan chhuahte hnenah lawmman pek an ni, a ti. Champhai District huapa mimal kuthnathawk tha thlanchhuahte 1) B. Lalhruaia s/o Thanglinga, Vaphai WRC II; 2) Tlanglawma s/o Dokunga (L) Hliappui, Hill Cattle; 3) Khamsialthanga s/o Phunthanga, Melbuk, Hill Cattle te puangin lawmman a hlan nghal bawk. Lawmman pakhatna hi Rs. 75,000, Pahnihna Rs. 50,000 leh pathumna Rs. 30,000 niin lawmpuina thuziak a keng tel a ni. Champhai District chhunga Hliappui khua chuan Mizoram puma khaw titha lawmman a dawng bawk.
    Kuthnathawktute Ni hmannaah hian AMFU Hqrs. atangin C. Lalhlahwliana leh Hnamchhantu Pawl Hqrs. atangin C. Lalthafamkima te thu an sawi a. He hun hmannaah hian Kuthnathawktu leh Champhai District a Sawrkar Department hotute an kal tha hle a ni.

ENFIAH DAWN :

    Tunkar hian RMSA hnuaia hmalakna rawn enfiah turin Central lam hotute an lokal dawn a, Champhai ah RMSA hmalakna te an rawn enfiah dawn niin thu dawn a ni.

PINE HILL PAKHATNA :

    Tun thla n i3 atanga ni 7 chhunga Haryana a neih National Level Standard Judging Camp (Scouts leh Guides inelna sang ber) a Mizoram aiawha tel Pine Hill Adventist Academy a Scout 8 leh Guides 8 te chu State hrang hrang 18 tel zingah pakhatna an ni a, heng intihsiakna a telte hi vawiin tlai hian Champhai an rawn thleng ang. He inelnaa telte hi Scout Master Hmingthantluanga leh Guide Captian Lalthantluangi ten an hruai a, Mizoram Scout leh Guide lama hotute pawh an lawm hle. He inelnaah hian Scout leh Guide lama sang tak Tritya Sopan zo tawh chin chauh tel phal a ni.

TUIALHTHEI DINHMUN :

    Petrol : Free Sale (Rs. 66.56)
    Diesel : Free Sale (Rs. 46.53)  

ni 14.1.2013 (thawhtanni)



KUTHNATHAWKTUTE NI :

    Vawiin chawhma dar 11 hian Venglai Community Hall ah Kut hnathawktute ni hman tur a ni a, he hunah hian NLUP dawng tawh leh la dawng tute bakah tlawmngai pawl leh deptt hotute tel tura beisei an ni a. He hunah hian KS Thanga Parliamentary Secy chu khuallian tura beisei a ni.

INHLAWHNA ATAN :

    DRDA chuan kum 2013 a a hmasa ber atan ni 100 inhlawhna ni 14 thawh tur chu kar kalta khan a tichhuak a, tunkar atang hian hna tan theih tura ruahman a ni. Hetihlai hian DRDA in kum 2012 chhunga a hnathawh hrang hrang chu a buin an siam a, tunkar hian TT Zothansanga, MLA chuan a tlangzarh dawn.

KUM 2012 DINHMUN :

    Nikum 2012 chhungin Champhai Police Station-ah Case 203 ziah luh niin heng zinga 123 chu rukruk/ In rawk case a ni a. Tualthat (Murder) Case 4 leh Pawlsual Case 9. Accident avanga Case siam 4, Hurt Case 10, Act dang 24, IPC 6 te an ni. Case luh zawng zawng atang hian Case 16 bawr vel la chinfel loh a lawm.
    Champhai Excise & Narcotics Dept. chuan nikum 2012 chhung khan zu litre 7394.400 an man a, zu bilh lai tin 1893, dawidim kg 22, a senchi um 14, beer um puilting 657 leh a can 5114 an man bakah zu thlawrna bel 96 an man a, ruihhlo phurhna atana hman motor 25 manin nikum chhung khan heroin gram 514.510 leh Opium gram 302 manin pseudophedrine mum 1,00,88,000 bakah ganja kg 43.8 an man bawk. MLTP Act hmangin Case 216 ziahluh a ni a, mi 204 man an ni a. ND&PS Hmangin case 48 ziahluh niin mi 41 an man bawk.

CDFA CHANCHINTHAR :

    Nimin khan CDFA meeting neih a ni a, Republic Day Football TOurnament neih tur chungchang an thlirho a. He tournament hi screening a ni nghal dawn a, First division tournament nen naktuk atang hian khelh tan ani ang. He Tournament ah hian 1st Div Team 8 leh 2nd Division  Team 12 tel thei tura beisei a ni. February thla tawp lamah Tlangsam Lal Thanghlianga memorial Football Tournament neih theih beisei a nih thu he meeting ah hian tarlan a ni a. Chhangphut Field a Artificial Grass phah tur pawh Central lamah pawmpui tawh niin chak taka bawhzui zel a ni a, Chhangphut Field ah hian phah ve theih thuai beisei a ni tih tarlan ani bawk.

THUKHAWM DAWN :

    Vawiin chawhnu lam hian Champhai District Juvenile Justice Board meeting neih a ni dawn.

TUIALHTHEI DINHMUN :

    Petrol : Free Sale (Rs. 66.56)
    Diesel : Free Sale (Rs. 46.53) 

ni 12.1.2013 (inrinni)



CHAMPHAI TEL DAWN :

    All Mizoram Joshua L. Zama Memorial U-19 Basketball Tournament ni 14.1.13 atanga tan turah Champhai team te chuan vawiin hian Champhai an chhuahsan dawn a. Champhai team tel theihna atana sum tum saktu Champhai North MLA TT Zothansanga chungah leh main sponsor Nancy Fashion Store bakah sum leh thil danga tanpuitu zawng zawngte chungah CDBBA hruaituten lawmthu an sawi.

SUMO CHHUAH DAN :

    Champhai Maxi Cab Owners Association remtihna leh SP Order angin Champhai khawchhung kawng chep a lo ziaawm nan zing dar 10 a Maxi Cab chhuak zawng zawngte Circuit House kawt atanga chhuah vek tawh tur a ni ang.

PIC  NEI DAWN :

    PIC Core Committee thukhawm chuan January - march chhunga Public Information Campaign (PIC) neih dan tur relin hetah hian Champhai District bikah chuan February ni 6, ni 7 leh ni 8 ah hian Khawbung Zawlsei leh Dungtlang a neih turin ruahmanna siam a ni.

TUIALHTHEI DINHMUN :

    Petrol : Beisei
    Diesel : Free Sale (Rs. 46.53) 

ni 11.1.2013 (zirtawpni)



CHAMPHAI-A REPUBLIC DAY HMAN DAN TUR REL :

    Nimin chawhma dar 11 khan Champhai DC`s Conference Hall ah India Republic Day vawi 64 na hman dan tur Champhai District Bawrhsap Lalthangpuia Sailo hovin rel a ni.
    Kum 2013 Republic Day hi India rampumah hman a nih rualin Champhai ah pawh 26 janaury  2013 zing dar 10 atangin Chhangphut Field ah hman tur a ni a, Khuallian tur chu Mizoram Sawrkarin a neih loh chuan Champhai DC a ni ang.
    Republic Day lawmna tur inbuatsaihna atan hian sawrkar department hrang hrangte hnenah tihtur leh chanvo te pek an ni a, National Anthem sa turin SSA Pipe Band te ruat an niin School naupang ten march past anentir ang a, Republic Day pualin infiamna chi hrang hrang - Football, Volleyball, Basketball leh Badminton ah te inelna buatsaih tur a ni a. Chhun dar 12 ah Jericho Garden, Keifangtlang ah mi sawm bikte pualin ‘At Home’ neih a ni bawk ang.

IN KANG HNATLANG :

    Thawhleh zana Vengsang a Pu Thangzama In kang sak that hna chu nimin khan Vengsang khawtlangin hnatlangin an thawk, Hnatlang hi Bialtu MLA Pu TT Zothansanga chuan a hmunah tlawhin rangva bundle 4 leh hnatlang thingpui tlumna tur chini a pe a. Hei bakah hian Champhai DC chuan Disaster Manangement & Rehabilation atangin kang tuar tanpui nan Rs. 30000 leh he kang mei chhuaka boral ta  In neitupa Pu Thanzama luman atan Rs. 130000 a hlan bawk. Hei bakah hian Vengsang Branch YMA in an veng chhunga vehbur an khawn leh Town Branch hrang hrangten kang tanpuina an pek tling khawm chu Rs. 35000 chuang a tling tawh bawk.

MINISTER TE :

@ Karleh thawhtannia Mizoram pum huap Kut Hnathawktute Ni hman turah Champhai a khuallian turin nimin khan Parliamentary Secretary KS Thanga chu tih fel a ni ta, KS Thanga  hi Pathianni tlaiah Champhai a rawn thlen beisei a ni.
@ Nimina Leithum a a nu lungphun hmanga lokal Agriculture Minister Pu H. Liansailova chu vawiin hian Champhai lam panin a rawn phei ang a, Aizawl panin a chhuk thla tlang nghal ang.

TUIALHTHEI DINHMUN :

    Petrol : Tanky Full (Rs. 66.56)
    Diesel : Free Sale (Rs. 46.53)  

ni 10.1.2013 (ningani)



KUTHNATHAWKTUTE NI HMAN DAN TUR REL :

    Nimin chawhma dar 11 khan DC`s Conference Hall ah Champhai District a Kuthnathawktute Ni hman dan tur chungchang Champhai DC Lalthangpuia Sailo kaihhruai in ngaihtuah a ni.
    Kuthnathawktute Ni hi Champhai District huapin Champhai Venglai Community hall ah ropui taka hman turin ruahmnana duan a ni a, he ni ah hian Champhai District huapa NLUP hamthatna dawngtute zinga hnathawk tha ber chhungkaw 3 te chawimawina hun hmang tura tih a niin, Champhai District atanga State Level atan a thlan chhuah chhunkaw 3 te hnenah pawh chawimawina thuziak leh sumdai hlan tura tih a ni bawk.
    Champhai a Kuthnathawktute Ni hmanna, Champhai DC Lalthangpuia kaihhruai a neih turah hian All Mizoram Farmers` Union (AMFU) leh Hnamchhantu Pawl aiawh a thusawi ngaihthlak a ni dawn a, Mizoram sawrkar in Khuallian tura a ruahman hnen atangin thusawiina ngaihthlak a ni dawn bakah Zaithiamten hun an hmang dawn a, thingpui ruai tuihnai tak siam a ni bawk ang.
    He Ni hi ropui taka hman a nih theih nan Champhai District chhunga AMFU Member te, NLUP hamthatna dawngtu zawng zawng te, NLUP Line Department te, Sawrkar Department hotute leh Gazetted Officer te chu tel ngei tura tih an ni a, he ni hman tur pual hian CHamphai khawlai ah Banner tar nise tiin nimin a COmmittee chuan a rel bawk.

THILPEK PE :

    Champhai Venglai Branch YMA chuan an kum 25 tlin, Silver Jubilee pualin nimin khan Genesaret Home ah T-Shirt 30 an hlan a ni.

SELAM KHUA LAWM :

    Ni 27.12.2012 khan MNF Champhai North Block II te chuan an President Zabula ho in anmahni sum sengin Selam Public Playground ah Pavillion tha tak an sak sak avangin Selam G&SA leh mipuite an chungah an lawm hle tih thu kan dawng.

FOMTU THUCHHUAH :

    FOMTU District Hqrs. Champhai chuan thuchhuah siamin kuthnathawktu zawng zawngte Kumthar chibai an buk a, rilru thar nen rinawm leh taima taka thawk theuh turin an ngen a. Kuthnathawktute dikna leh chanvo haichhuak zel turin a kal mek zel tih an sawi.

INNEIH JUBILEE :

    Champhai South Bialtu MLA JH Rothuama te nupa chuan vawiin hian an inneih Golden Jubilee an chenna In Aizawl Vaivakawn ah an lawm dawn a, lawmpui tur hian Champhai atang pawhin an kal nual tih thu kan dawng.

IN SAK HNATLANG :

    Nizan hmasa a Pu Thangzama, Vengsang In kang chu nimin zing khan a senghawi hnathawh niin vawiin hian Vengsang Branch YMA, VC leh MHIP tangkawp huaihawtin In sak that hnatlang hi neih a ni dawn.

ZO-WINE THUN TAN :

    Kumin a vawi khatna turin Zo Wine chu vawiin atang hian thun tan tur a ni. Wine hi Krismas leh Kumthar inkar vel khan mipui duhkhawp an pe thei lo niin kan thudawnna chuan a sawi.

TUIALHTHEI DINHMUN :

    Petrol : Tanky Full (Rs. 66.56)
    Diesel : Free Sale (Rs. 46.53)   


ni 9.1.2013 (nilaini)



VENGSANG-AH IN KANG :

    Nizan dar 9:30 vel bawr khan Pu Thangzama, Vengsang (Irridation Office ral, SDPO Qtrs. peng bul) a Assam Type in chu kangin a neitu hi a hmunah a kanghlum. Thudawn danin he In kan chhan hi hriat a ni lova, khawtlang leh thenawm ten an hriata a thelh tura an kal hnuah bang te thiata In chhung an han luh chuan a neitupa hi a lo chat thla hman tawh a; eirawngbawlna Gas lo puak zui veleh bawk nen chet lak ngaihna a awm ta lo a ni. A ruang hi a fanu Pi Tothangi, Vengsang Inah la in tlaivarpui a nih hnuah vawiin hian Vengsang thlanmualah vuiliam a ni ang.

PICK UP CHESUALAH MI 2 THI :

    Nimin chhun dar 12:50 vel khan Lungphunlian khawchhungah TUalcheng Motor, Pick Up chesualin he lirthei a chuang zinga mi 2 a hmunah an thi.
    Lungphunlian YMA hruaitute hnen atanga thu kan dawn danin nimin chhunlai vel khan Pu KT Lalsawmliana, Kum 65, Tualcheng Motor, Retailer Buhfai phur chu Lungphunlian Venglai li ah a hnung tawlh lam chu chesualin kawng thlangah feet 12 vel a lum a, a hmunah hian he lirthei a chuang Pu C. Lalthangliana s/o Chhunthanga (L), Lungphunlian P/S zirtirtu leh Zothanzauva s/o Ramngaihzuala, Kum 10 Lungphunlian khua ve ve chu an thi nghal a, he lirthei a chuang midang zingah naupang pakhat a hliam bawk a, mahse a ni hi chu ngaihtuahawm a ni lo tih thu kan dawng. Thu dawnna sawi danin he lirthei hi he chetsualna thlenga thi ta naupang kum 10 Zothanzauva te kawt bulah hian hnung tawlhin a break that tawk loh avanga ding zo lovin kawng thlangah hian a liam ta a. He chhiatna thleng a thi ruangte hi nizan khan tlaivarpuiin vawiinah vuiliam a ni ang.

OBSERVER-IN CHAMPHAI A HMALAKNA THA TI :

    Nimin chawhnu khan DC`s Conference Hall ah Champhai District Election Observer hovin Champhai District chhung Assembly Constituency 5 a Electoral Roll chungchang thlirhova thutkhawm a ni.
    Observer Ranbir Singh kaihhruai he thutkhawmah hian District Election Branch chuan Champhai District chhung A/s 5 E/Roll siamthar ber tarchhuahna January 15 atan engkim peihfel a nih tawh dan te, E/Roll a thun thar mi 5000 chuang an nih thu leh heng thunthar te EPIC tur pawh National Voters Day (January 25) a pek chhuah theih vek tura buatsaih a nih bakah kum kalta aia Voters punna chu mi 3000 chuang a nih thu tarlangin, Final ROll tarchhhuah hunah Champhai District dinhmun dik tak chu hriat theih a nih tur thu he hunah hian tarlan a ni bawk.
    Electoral Roll thar berah hian 21 A/C Lengteng ah Voters 15605, 22 A/C Tuichang ah Voters 14316, 23 A/C Champhai North ah Voters 16047, 25 A/C Champhai South ah Voters 14878 leh 26 A/C East Tuipui ah Voters 13482 te awmin, a vaiin voters 74329 an awm mek a ni.
    He thutkhawm ah hian Champhai DC leh DEO Lalthangpuia Sailo, ERO; James Lalnunmawia, AERO te, Political Party aiawhte leh NGO te bakah thuthar thehdarhtute an tel a ni. Observer Ranbir Singh hian tum thum a rawn telpuina niin, Champhai District chhunga E.Roll inbuatsaihna chu tha a tih thu leh hnathawktute inpekna chu fakawm a tih thu a sawi.

GRAPE CUT DAN ZIR HO DAWN :

    Vawiin 9.1.2013 chawhma dar 11 atang hian horticulture Training Hall, New Champhai ah Grape Cut dan Training neih a ni dawn a. Champhai Grape Growers` SOciety member te he training neih turah hian kal theuh tura hriattir an ni.

MINISTER LOKAL :

    Minister Liansailova chuan nizan khan Champhai lo thlengin vawiin hian Vaphai khua a tlawh ang a, naktukah Leithumah Lungphum hawnna hun a hmanpui hnuah naktip khian Aizawl lam panin a kirthla leh tawh ang.

TUIALHTHEI DINHMUN :

    Petrol : Tanky Full (Rs. 66.56)
    Diesel : Free Sale (Rs. 46.53)  


2013