ni 15.10.2016 (inrinni)


KUT SIL DAN INZIRTIRNA :
Global Hand Washing Day chu Champhai District chhungah nimin khan zirna intinah leh hmun ruat bikah hman a ni.

October 15 hi Global Hand Washing Day atan ruat ani chungin Inrinni aniih dawn vangin vawiinah hman a ni a. Champhai District bikah chuan vawiin chawhma lam khan zirna intinah Kutsil hun hi hman anih nakah Champhai khawpui chhung hmun ruatbik zirna in 10 ah Champhai PHED leh Education Department hotuten an hmanpui a.
Hemi rual hian Champhai Chhangphut Field a Tata Trust Grassroot Football nei mekte pawhin Champhai DPC SSA Pi K.Lalsiamliani kaihhruaina-in hman a ni bawk.
Kutsilfai ni hmanna-ah hian zirlaite hnenah fai leh thianghlim taka kut sil dan, a taka lantirna uluk taka zirtirna pek anih bakah kut silfai pawimawhna chi hrang hrang hrilh hriatna zirlai naupangte hnenah pek a ni bawk.

DEPARTMENT HRANG HRANG THUKHAWM :
Nimin khan D.C. Conference Hall ah Pu Vanlalngaihsaka, IAS, D.C Champhai hoin Line Department hrang hrang te an thu khawm.
Nimin chawhnu dar 1:00 PM khan D.C. Conference Hall ah Pu Vanlalngaihsaka, IAS, D.C Champhai hoin Line Department hrang hrang ten Champhai District chhunga NLUP dawngtu (beneficiary) ti tha te NLUP Implementing Board Media Cell in vide coverage an tih sak tur chungchang an sawi ho a. Champhai District chhunga NLUP hmalakna atana tul dangte an sawi ho bawk.
Pu Vanlalngaihsaka, Deputy Commissioner Champhai hian Champhai District chhungah NLUP dawng ti tha tak tak an awm rualin theihtawp chhuah chunga harsatna hrang hrang avanga duhthusama hlawhtling zo lo an awm chuan an harsatna te zir chian saka hmalak pui a that thu a sawi a. Line Department hrang hrangte pawh an hmalaknaah tang zel turin a fuih a ni.

CHILDREN SCIENCE CONGRESS NEI :
Nimin khan I&PR Auditorim CHANEM Building-ah  District Level Children Science Congress 2016 neih a ni.
District Level Children Science Congress hi Pu C Rodala DEO, DPC(RMSA) chuan khuallian niin a hmanpui a, thusawii Science thiamna hi a tha zawng leh a tha lo zawngin a hman theih a, he khawvel chhiatna thlen thei khawpin buaina a thlen theih avangin kan thiamna leh theihna te a tangkai zawng leh tha zawnga hman leh chhawr tangkai kan tum tur ani ti a. Zirnaa hlawhtling tura kawng pawimawh ber chu saptawng thiam a ni a ti a, Mizo tawng hi dam khaw chhuahna atan a la len tawk loh avangin saptawng nal taka kan thiam angai a ni a ti a, ram dang leh hnam dang te thiamna kan lak luha ka chhawr tangkai thiam angai ani a ti a. Kan thiamna leh  kan ngaihtuahna te sawichhuah leh tihhlawhtlin kawngah tan kan lak loh chuan kan thiamna in awmzia a nei dawn lo a, kan ngaihtuahna te lanchhuah tir dan kan thiam a tul hle ani a ti bawk.
District Level Children Science Congress I&PR Auditorium CHANEM Buildingah neih hi Session hnihah then niin First Session hi Pu H Darhmingliana CSC Co-ordinator Children Science Congress, Champhai District in a kaihruai a, Chawhnu lamah Pu Vanlalchhana Hmar Academic Coordinator, Children Science Congress, Champhai District in a kaihruai bawk a, lawmman semna neih nghal a ni.
District Level Children Science Congress-ah hian thupui atan " Science technology and innovation for sustainable Development" tih hman niin Middle School leh High School zirlaiten inelna an nei a. Middle School-ah hian Vengthlang M/S pakhatnain Bethel Mission School pahnihna an ni a, Venglai M/S te pathumna an ni bawk. High School-ah Bethel Mission School pakhatnain GM High School pahnihna an ni a, Govt Sialhawk High School pathumna an ni bawk.

CAREER GUIDANCE NEI :
Vawiin chawhnu dar 1:00 khan GM Higher Secondary School NSS Unit leh SYMA Champhai tawngkawp buatsaihin Career Guidance neih a ni.
He hun hi Pu F Lalrinmuana SYMA Vice President chuan kaihruaiin khuallian Pu K Pazawna, GM HSS Principal hnen atangin thusawi ngaihthlak a ni a, Pu K Hrangdawla, Secretary Education & Human Resources Sub Committee SYMA leh Pu Lalduhzuala Chawngthu, Programme Officee, NSS GMHSS hnen atangin inhmelhriattirna leh report ngaithlak ani bawk. He Career Guidance ah hian Career in Conventional Studies chungchang Dr. F Lalfakawmi. Asst Proff Govt Champhai College hnen atangin ngaihthlak ani a. Career in Competitive Examinations chungchang Pi Lalfakzuali Rokhum, MF&AS Treasury Officer hnen atangin ngaihthlak anih bakah Career in Technical Lines chungchang Pu V Laldanmawia, SDO PHE Dept hnen atangin ngaihthlak a ni a. Zirlai kalkhawmten'n hlawlthlak an ti hle a. He hun hi Pu Lalthantluanga Tochhawng P.O NSS, Vice Chairman Education & Human Resources Sub Committee SYMA in lawmthu sawiin a khar a ni.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Tanky Full (Rs. 60.63/litre)
Diesel    : Tanky Full (Rs. 50.22/litre) 

0 comments: