Skip to main content

Champhai Tualchhung Chanchinthar ni 23.2.2018 (zirtawpni)

SYMA CONFERENCE ATAN INBUATSAIH :
SYMA Champhai Conference Vawi 6-na thlengtu tur Mimbung Branch YMA te chuan Pansal sak hna an thawk mek.
SYMA Champhai Confernence Vawi 6-na hi Mimbung ah neih tur niin COnference neihna tur Pandal Ralkapa Run chu sak mek ani a, Ralkapa Run hi a dung feet 125 leh a vang feet 64 a zauva(www.champhai.net) sakniin mipui a tlem berah 1500-2000 inkar vel leng zo tura ruahman ani. Nimin thlen gkhan a bang bel zawh tawh niin a chung hi chih leh tura ruahman mek ani a. Ralkapa Run hi Mimbung Branch YMA chuan Conference kal tur hian SYMA Champhai huamchhung a YMA Member zawng zawngte an sawm a. Hetih lai hian Conference kal tur te chu zu leh ruihtheih thil bakah mipat/hmeichhiana lama mualpho tur chu kalo mai turin (www.champhai.net) min ngen a. Motor keng tur ten Motor ah Counter No leh Driver/a neitu Phone No. tarlang vek turin an ngen bawka. YMA chu tanpui ngaite tanpuitu kannih ang hian mutbu leh hmanraw intawm chi lohte palai ten mahni intodelh vek leh Conf…

ni 17.10.2016 (thawhtanni)


CHAMPHAI PA LONEITU HLAWHTLING :
Champhai District a Horticulture Best Farmer Award, 2015 dawngtu C. Lalawmpuia, Champhai Vengsang chuan Green House ah hlawhtling taka Tomato chingin, kumin chhungin Tomato Quintal 40 vel zet thar a inbeisei.

C. Lalawmpuia hian Champhai Vengsanga a huanah Green House pahnih neiin, hlawhtling takin Tomato a ching mek a. Tunahhian a Tomato thar thawh khatna chu seng mekin, Tomato Quintal 15 vel zet chu Champhai ah chawh rualin kg khat Rs. 60 in a hralh a. Tomato thar hmasa chu a sengzo thawkhat tawh a, Tomato kungte hian hnah thar chhuah lehin, a thawh hnihna chu November leh December velahthar theih a inbeisei a, Rs. nuai 2 vel lei chhuah an inbeisei a ni. C. Lalawmpuia te chhug hian kumin khan an huan Hectare 2 a zauah Grape Quintal  124 tharin, Champhai leh a chheh vela Grape thar hnem ber an ni bawk a, Grape atang hian Rs. nuai 4 leh sing 3 vel an tel bawk.

TUIPUI LUIA SANGHA FUAN AN VENGHIM :
Tuipui tlawh chhan khaw hrang hrang intelkhawm, Jt. Committee ten an humhalh Tuipui luidunga Nghalim te chu Zirtawpni kalta zan atang khan him tak leh hlawhtling takin a duan tan a. Tuipui Tlawhchhan Jt. Committee ten Branch hran ghrang chanvo an inpek angin riak lutin nghafuante hi an venghim mek.
Zirtawpni zan khan Biate Branch YMA Duty na hmun Hmunte lui chhuahah Nghalim Quintal khat chuang him takin a fuan thei a. Khawbung Branch YMA Duty na hmun Tlaikuang lui chhuahah 15kg - 20kg vel him takin a fuan bawk. YMA Duty te hian him taka sangha a duan theih nana an ven bakah an tuite hi rannung dangten an riral loh nan an tui inchar that hnuah tui chim that theih turin tui tamna lamah an suan lut bawk.

DUNGTLANG PIPU SULHNU HUMHALHTU PAWL TEN AWARD DAWNG :
Mizo hnam leh pipute sulhnu humhalh kawnga an hnathawh that avangin ‘Pipu Sulhnu Humhalhtu Pawl, Dungtlang’ (Cultural and Environmental Protection and Preservation Society, Dungtlang) Champhai District hnenah Dalmia Bharat Cement chuan Young Achievers Award a hlan.
He Award hi Aizawl a ‘Mizoram, Gateway to Southeasr Asia’ tih thupui hmanga International  Seminar neih tum khan hlan an ni a. Confederation of Indian Industry (CII) nen tangduna Dalmia Bharat Cement-in an buatsaih Young Achievers Award hlanna inkhawmah Dalmia Cement Senior Executive Director Rajiv Prasad-a chuan kawng hrang hranga hma la tha leh thawk thate chuan chawimawi an phu an tih thu sawiin, tuma puihna tel lova Mizo pipute sulhnu, an lo khawsak dan leh in leh lote humhlah kawnga Dungtlang mipui te hmalakna chu ropui an ti a. hei bakah hian ramgnaw zau tak mai an humhalhte chu chawimawi tlak an nihzia tizualtu an ni, a ti.
Dungtlang khuaa Pipu Sulhnu Humhlahtu Pawl in an humhalhah hian Lal In, khawnbawl upate In, Lalnu In, mi challang dangte In leh khua leh tuite Inte a awm vek a. Kum tinin a thawmthat hna an thawk thin a. Kum 500 vel kal taa South East Asia lam atanga thlang rawn tla thlate kut hna ni ngeia ngaih, tlang a lung tohlawt an humhalh tel bawk a. Archaeological Society of India rama lung tohlawt lian ber ni turah an ngai a ni. Hetianga an hmalakna bakah hian Sawrkar puihna tel hauh lovin Kilometre 17 biala zau ramngaw an humhalh bawk.

KUM 60 TLIN LAWM :
Kahrawt Branch KTP ten kum 60 an tlin, Diamond Jubilee lawmna chu nizan khan an tiak fel ta. Diamond Jubilee meidet, Zaipawl intihsiak, Souvenir tlangzarh, thlalak hlui pho chhuah, vengchhung tihfai, thisen pek leh Gospel Concert te neih hun an hmang a. Nimin khan hruaitu hlui chawimawina hun hmangin zanah Hranghlui Nite in an Jubilee hi an khar ta a ni.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Free Sale (Rs. 62.26/litre)
Diesel    : Free Sale (Rs. 52.88/litre) 

Post a Comment

Popular posts from this blog

Champhai Tualchhung Chanchinthar ni 20.2.2018 (thawhlehni)

PHAIZAWL THIL DANG ATAN HMAN KHAP :
Pu Vanlalngaihsaka, District Magistrate Champhai District chuan a hnuaia tarlan ang hian thupek a chhuah.
Sawrkar thuchhuak Notification No. LRR-80/73 (A) Dt. 14.th APril, 989 in Champhai Town (Khawpui) a a puan angin Phaizawl leilet hmun hi Town huamchhungah telh a ni lova. Town huamchhung sawrkarin a puan ni lova chenna tur In sak leh kudam etc. atana In sakte phal a ni hloh mai bakah Mizoram Revenue Dan (The Mizoram Revenue Laws) 10(6) na leh 11(1) na in an sawi leh tarlan, Agricultural LSC, Periodic Patta and Garden Pass te hi pass pek a nihna ang taka Agriculture (huan/thlai siam etc) atan ni lova thil dang atana hman khap tlat a ni a.
Chuvangin Champhai Leilet a Agriculture kaihhnawih atana ram neiten pek an nih chhan ang takin an hmang tur a ni a. Kudam sak leh chenna atana In sakte khap tlat a ni. Kudam sak mek leh sak tawhte endikin ram pek an nih chhan anga hmang lote chu Mizoram Revenue Dan 11(8) tlawhchhanin thiat tura hriattir vek an ni a.…

Champhai Tualchhung Chanchinthar ni 19.2.2018 (thawhtanni)

DAN ZAWM LOH AVANGIN CHHUNGKUA PAKHAT LEI CHAWI TIR :
Champhai Chhungte rama kawngpui kam huan/lo var chhuak luitu chhungkaw pakhat chu Chhungte Village COuncil/Court leh Champhai District Fire Prevention Committee chuan a hrem dawn.
Champhai Chhungte VC huamchhung Aizawl Road a huan/lo ram vattu chhungkaw pakhat chuan kawngpui chhuaka thing a vah/kihthluk avangin Champhai District Fire Prevention Comt chuan The Lushai Hills Regulation 1954 Section 5 & 8 tlawhchhana hriattirna pein, kawngpui Reserve feet 100 huam chhung hal lova, thianfai vek tur leh kawngpui thlanglam feet 100 chinah thingphun leh vek tura a tih bakah mumal taka meilam sial turin a ti a. Kumin June thla ral hma ngei a he ram humhalh ah hian thingphn leh vek turin a hriattir a. District Fire Prevention Committee chuan Champhai District chhunga Leipui leh huan ram lo vahte chu February thla ralhma ngeia hal vek turin a ti bawk.
CHamphai Chhungte Village COuncil/Court chuan he mite chhungkua in huan/lo ram an vah hma p…

Champhai Tualchhung Chanchinthar ni 21.2.2018 (nilaini)

DOCTOR NEIHLOH AVANGA MIPUI HARSATNA KHA A PAWI :
Nimin khan MZP Hqrs. Champhai chuan Chhung Inkhawm leh kum 208-2020 hruaitu thlanna an nei. He hun hi I&PR Auditorium CHANEM Building ah hmangin Chawhma lamah MZP Chhung Inkhawmneih a ni a, he hun hi H.Lalramhluna, Secretary MZP Hqrs Champhai in a kaihruaia, President C.Lalthlenglianan thu a sawi bawk.
He hunah hian MZP hqrs Champhai Bakah a hnuaia Sub Hqrs hrang hrang- Farkawn, South Khawbung, Dungtlang, Khuangleng leh Hnahlan Bakah Hqrs Thuthmun Branch hrang hrang Hmunhmeltha, N.Khawbung, Zote, New Champhai, Tlangsam, Ruantlang leh Mualkawi atang te in Inthlang tur Palai kalkhawm in an hmalakna Report theuh an pe a, inpawh zawk leh nasa zawka zirlaite leh ram leh hnam tana ke pen Turin infuih thar ani bawk ani.
Chawhnu lamah hian Zirsangliana Paite Returning Officer leh HT Lalrokhuma Recording secy kaihhruai na in 2018-2020 hruaitu thlanna neih ani a, Heng mi te hi an thlangchhuak ani.
President: Remnalalnghaka, Vengthlang North
Vice …