Skip to main content

Champhai Tualchhung Chanchinthar ni 23.2.2018 (zirtawpni)

SYMA CONFERENCE ATAN INBUATSAIH :
SYMA Champhai Conference Vawi 6-na thlengtu tur Mimbung Branch YMA te chuan Pansal sak hna an thawk mek.
SYMA Champhai Confernence Vawi 6-na hi Mimbung ah neih tur niin COnference neihna tur Pandal Ralkapa Run chu sak mek ani a, Ralkapa Run hi a dung feet 125 leh a vang feet 64 a zauva(www.champhai.net) sakniin mipui a tlem berah 1500-2000 inkar vel leng zo tura ruahman ani. Nimin thlen gkhan a bang bel zawh tawh niin a chung hi chih leh tura ruahman mek ani a. Ralkapa Run hi Mimbung Branch YMA chuan Conference kal tur hian SYMA Champhai huamchhung a YMA Member zawng zawngte an sawm a. Hetih lai hian Conference kal tur te chu zu leh ruihtheih thil bakah mipat/hmeichhiana lama mualpho tur chu kalo mai turin (www.champhai.net) min ngen a. Motor keng tur ten Motor ah Counter No leh Driver/a neitu Phone No. tarlang vek turin an ngen bawka. YMA chu tanpui ngaite tanpuitu kannih ang hian mutbu leh hmanraw intawm chi lohte palai ten mahni intodelh vek leh Conf…

ni 25.10.2016 (thawhlehni)


DUNGTLANG HRUAITUTE LEH GOVERNOR :
Nimin khan Mizoram Governor Lt Gen (Rtd) Pu Nirbhay Sharma, PVSM, UYSM, AVSM, VSM chuan Pipu Sulhnu Humhalhtu Pawl, Dungtlang hruaitute nen inkawmin an hmalakna hrang hrang an sawiho.

Pipu Sulhnu Humhalhtu Pawl-in Dungtlang-ah ‘Cultural Centre’ sak an duh thu an thlen chu Governor chuan an hmalakna a fak a, theihtawp a chhuahpui tur thuin a chhang a. Dungtlang khua chu rawn tlawh a, an hmalaknate a hmunah ngei rawn enpui tur thu a hrilh bawk.
Dungtlang khuaa hmun hluiah hian thlan hlui leh puk tam tak, pipute sulhnu thil awmna engmawzat khawih lovin a la awm a. INTACH Mizoram leh Director General ASI Pu Rakesh Tiwari te pawhin an tlawh tawh a, ASI team phei chuan vawi 4 lai Dungtlang leh a chhehvel pipu sulhnu zawngin an tlawh tawh a ni. Pipu sulhnu awmna chin ram, Dungtlang atanga 5kms bial hi khawtlangin an humhalh tlat a, hei hi ramngaw leh nungcha humhalh nan an hmalakna a ni nghal bawk.

VC TE TRAINING PE :
SIRD&PA hian RGSA Scheme hnuaia VC te tihchakna turin Mizoram District hrang hrangah training an buatsaih chho mek a. VCP leh VC Secretary te tan Computer training pe in Champhai District ah pawh nimin atang khan kalpui tan ani.
Champhai District a Block 4: Khawbung, Khawzawl, Champhai leh Ngopa atangin VC 18 a VCP leh VC Secretary te chu a thawh khatna atan hian training hi an pe a, Hnamte Institure Technology ah kalpui a ni. Training hian tun thla ni 28 thleng a awh dawn a, computer changchangte, operating system, microsoft word leh excel te zirin a takin practical class an nei nghal zel ang. SIRD&PA hnuaiah hian District Panchayat Resource Center, Champhai District-a dah turin tunah hian Office Building sa turin hma an la mek.

FOOTBALL INELNA :
Vawiin chawhma dar 10:30 atang hian CDFA buatsaih Vanbawia Memorial Football Tournament chu khelh tan ani dawn.
He Tournament hi 2nd Div. Club te tana buatsaih niin, Club 13 te an in lan thei dawn a. Pool 4 ah then niin Pool A-ah Zotlang FC, New Champhai FC, Vengthlang FC leh Vengthar FC te an awm a. Pool B- ah  Electric FC, Ruantlang FC leh Dinthar FC te an awm a, Pool C-ah Venglai FC, Police FC leh Kanan FC te an awm a. Pool D-ah FC Tlangsam, FC Vengthlang North leh Kahrawt FC te an awm a ni. Vawiin hian Match 4 khelh a ni ang a. Chawhma dar 10:30 ah Zotlang FC leh Vengthlang FC an inkhel ang a. Dar 12:00 ah New Champhai DC leh Vengthar FC; Dar 1:30 ah Electric FC leh Ruantlang FC; Dar 2:30 ah Police FC leh Venglai FC te an inkhel ve leh dawn a ni.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Free Sale (Rs. 62.26/litre)
Diesel    : Free Sale (Rs. 52.88/litre) 

FIRE  OFFICE : 
(03831)234106
Post a Comment

Popular posts from this blog

Champhai Tualchhung Chanchinthar ni 20.2.2018 (thawhlehni)

PHAIZAWL THIL DANG ATAN HMAN KHAP :
Pu Vanlalngaihsaka, District Magistrate Champhai District chuan a hnuaia tarlan ang hian thupek a chhuah.
Sawrkar thuchhuak Notification No. LRR-80/73 (A) Dt. 14.th APril, 989 in Champhai Town (Khawpui) a a puan angin Phaizawl leilet hmun hi Town huamchhungah telh a ni lova. Town huamchhung sawrkarin a puan ni lova chenna tur In sak leh kudam etc. atana In sakte phal a ni hloh mai bakah Mizoram Revenue Dan (The Mizoram Revenue Laws) 10(6) na leh 11(1) na in an sawi leh tarlan, Agricultural LSC, Periodic Patta and Garden Pass te hi pass pek a nihna ang taka Agriculture (huan/thlai siam etc) atan ni lova thil dang atana hman khap tlat a ni a.
Chuvangin Champhai Leilet a Agriculture kaihhnawih atana ram neiten pek an nih chhan ang takin an hmang tur a ni a. Kudam sak leh chenna atana In sakte khap tlat a ni. Kudam sak mek leh sak tawhte endikin ram pek an nih chhan anga hmang lote chu Mizoram Revenue Dan 11(8) tlawhchhanin thiat tura hriattir vek an ni a.…

Champhai Tualchhung Chanchinthar ni 19.2.2018 (thawhtanni)

DAN ZAWM LOH AVANGIN CHHUNGKUA PAKHAT LEI CHAWI TIR :
Champhai Chhungte rama kawngpui kam huan/lo var chhuak luitu chhungkaw pakhat chu Chhungte Village COuncil/Court leh Champhai District Fire Prevention Committee chuan a hrem dawn.
Champhai Chhungte VC huamchhung Aizawl Road a huan/lo ram vattu chhungkaw pakhat chuan kawngpui chhuaka thing a vah/kihthluk avangin Champhai District Fire Prevention Comt chuan The Lushai Hills Regulation 1954 Section 5 & 8 tlawhchhana hriattirna pein, kawngpui Reserve feet 100 huam chhung hal lova, thianfai vek tur leh kawngpui thlanglam feet 100 chinah thingphun leh vek tura a tih bakah mumal taka meilam sial turin a ti a. Kumin June thla ral hma ngei a he ram humhalh ah hian thingphn leh vek turin a hriattir a. District Fire Prevention Committee chuan Champhai District chhunga Leipui leh huan ram lo vahte chu February thla ralhma ngeia hal vek turin a ti bawk.
CHamphai Chhungte Village COuncil/Court chuan he mite chhungkua in huan/lo ram an vah hma p…

Champhai Tualchhung Chanchinthar ni 21.2.2018 (nilaini)

DOCTOR NEIHLOH AVANGA MIPUI HARSATNA KHA A PAWI :
Nimin khan MZP Hqrs. Champhai chuan Chhung Inkhawm leh kum 208-2020 hruaitu thlanna an nei. He hun hi I&PR Auditorium CHANEM Building ah hmangin Chawhma lamah MZP Chhung Inkhawmneih a ni a, he hun hi H.Lalramhluna, Secretary MZP Hqrs Champhai in a kaihruaia, President C.Lalthlenglianan thu a sawi bawk.
He hunah hian MZP hqrs Champhai Bakah a hnuaia Sub Hqrs hrang hrang- Farkawn, South Khawbung, Dungtlang, Khuangleng leh Hnahlan Bakah Hqrs Thuthmun Branch hrang hrang Hmunhmeltha, N.Khawbung, Zote, New Champhai, Tlangsam, Ruantlang leh Mualkawi atang te in Inthlang tur Palai kalkhawm in an hmalakna Report theuh an pe a, inpawh zawk leh nasa zawka zirlaite leh ram leh hnam tana ke pen Turin infuih thar ani bawk ani.
Chawhnu lamah hian Zirsangliana Paite Returning Officer leh HT Lalrokhuma Recording secy kaihhruai na in 2018-2020 hruaitu thlanna neih ani a, Heng mi te hi an thlangchhuak ani.
President: Remnalalnghaka, Vengthlang North
Vice …