Skip to main content

Champhai Tualchhung Chanchinthar ni 23.2.2018 (zirtawpni)

SYMA CONFERENCE ATAN INBUATSAIH :
SYMA Champhai Conference Vawi 6-na thlengtu tur Mimbung Branch YMA te chuan Pansal sak hna an thawk mek.
SYMA Champhai Confernence Vawi 6-na hi Mimbung ah neih tur niin COnference neihna tur Pandal Ralkapa Run chu sak mek ani a, Ralkapa Run hi a dung feet 125 leh a vang feet 64 a zauva(www.champhai.net) sakniin mipui a tlem berah 1500-2000 inkar vel leng zo tura ruahman ani. Nimin thlen gkhan a bang bel zawh tawh niin a chung hi chih leh tura ruahman mek ani a. Ralkapa Run hi Mimbung Branch YMA chuan Conference kal tur hian SYMA Champhai huamchhung a YMA Member zawng zawngte an sawm a. Hetih lai hian Conference kal tur te chu zu leh ruihtheih thil bakah mipat/hmeichhiana lama mualpho tur chu kalo mai turin (www.champhai.net) min ngen a. Motor keng tur ten Motor ah Counter No leh Driver/a neitu Phone No. tarlang vek turin an ngen bawka. YMA chu tanpui ngaite tanpuitu kannih ang hian mutbu leh hmanraw intawm chi lohte palai ten mahni intodelh vek leh Conf…

ni 28.10.2016 (zirtawpni)


CHAMPHAI  JOURNALIST 10 HNENAH PAC HLAN :
Nimin khan I&PRO Office, Champhai-ah Pu David L. Thangliana, Joint Director leh Chief Media Officer, I&PR/NIB ni bawk chuan Champhai District Journalist 10 hnenah Press Accreditation Card (PAC) a hlan.

Pu David L. Thangliana chuan, Press Accreditation Card chuan sum fai engzat mah keng tel lo mahse, he card hian a neitu chu Sorkar hriatpui journalist a ni tifiahtu a ni a, chuvang chuan accredited journalist-te chu mipui rintlak an nih a tul hle bawk a ni, a ti a. Khawi hmunah pawh journalist-te chu mipui leh Sorkar tan beng an nih tawh avangin, an thuziah ah fimkhur a ngaih thu tarlangin, Sorkar leh mimal chungchang kan ziah pawhin thudik a nih leh nihloh kan finfiah hmasak a pawimawh a ni, a ti.
Press Accreditation Card dawngtu tana hamthatna awm thenkhat te a tarlang a. Accredited journalist te emaw an chhungte damlo an awm nikhua in a enkawlna engemaw chen Sorkarin a tum sak thei a; Accreditation Journalist a lo boral palh chuan Sorkar in ralna Rs. 150,000 a pe ang a; Mizoram House hrang hrang leh Mizoram chhunga Guest House-ah te duty neia kal an nih chuan Sorkar Group ‘A’ Officer angin enkawl an ni dawn bawk a ni. PAC semna hunah hian Pu C. Lalhnunpuia MJA President, Champhai District chuan Sorkarin hetiang hun tha leh pawimawhna a pek ah lawmthu a sawi bawk. PAC dawngtute chu:
1. Pu C.Lalhnunpuia, News Reporter, DDK
2. Pu Lalhmingmawia Pachuau, Editor, Pasaltha Daily Newspaper
3. Pu Lalhlupuia, Editor, Lenrual, Daily Newspaper
4. Pu DK. Lalhruaitluanga, Editor, Rihlipui Daily Newspaper
5. Pu C.Lalrinsanga, Joint Editor, Pasaltha Daily Newspaper
6. Pu R.Lalfakawma, Joint Editor, Rihlipui Daily Newspaper
7. Pi Lalthlamuani Ralte, Editor, Si-Ar Daily Newspaper
8. Pu Lalrotluanga Ralte, Editor, Khawzawl Times Daily Newspaper
9. Pu Lalhmingliana, Editor, Champhai Cable Network (CCN) Champhai
10. Tv. Vanlalzawna Ralte, News Reporter, DDK

INDUSTRY HNUAIAH NLUP TANPUINA SEM :
NLUP Implementing Board Chairman JH Rothuama chuan nimin khan Champhai North leh South chhunga Commerce & Industries Department hnuaia NLUP Beneficiary te hnenah NLUP 3rd Phase 2nd Installment tanpuina chu Champhai Commerce & Industries Dept. K&T Training Centre ah a sem.
He hunah hian beneficiary te chu Sawrkarin eizawnna bul tanna a thlawn a a pek te chu hlawhtlinpui ngei tura fuihin, hna zawngtu ni lova, hna siam chhuaktu ni thei tur khawpa thawhrim a tul ani, a ti. He NLUP sem inkhawmah hian Champhai District huam chhung a 3rd Phase NLUP Beneficiaries Tailoring Trade thlangtu chhungkaw 76 Puanthuikhawl set 76 (Sewing machine, Overlock leh Embroidery machine) leh pawisa faiin Rs. 21,480 theuh sem niin a vaiin Rs. 16,32,480 sem a ni.
Hei bakah hian Champhai North huam chhunga 3rd Phase NLUP Beneficiaries chhungkaw 48, Commerce & Industries hnuaia Trade chi hrang hrang thlangtute hnenah 2nf Installment Rs. 24,28,000 leh Champhai South huam chhunga 3rd Phase Beneficiaries chhungkaw 117 te hnenah Rs. 58,44,500 sem nghal a ni bawk. 
Nimina Commerce & Industries Department hnuaia NLUP tanpuina sem hi a pawisa faiin Rs. 99,04,980 leh puanthukhawl 76 sem a ni.

CHAMPHAI DISTRICT A HMALAKNA THLIRHO :
Kumin August 28 a Prime Minister Narendra Modi an a tlangzarh national Mission on Financial Inclusion leh Sawrkar laipuiin ramchhung mipui te hmasawnna tura ruahmanna a duan hrang hrang te Champhai District chhunga hmalak a nih dan thlriletna chu niminiah khan DC COnference Hall ah neih a ni.
Sawrkar Scheme Pradhan Mantri Jan Dhan Yojana, Prashan Mantri Mudra Yojana, Pradhan Mantri Jeevan Juoti Bima Yojana, Prashan Mantri Suraksha Bima Yojana, Atal Pension Yojana leh Stand Up India Scheme thlirletna hi DC Vanlalngaihsaka chuan kairhuaiin kum in September 15 leh October31 inkar chhunga heng hmasawnna rahbi te a taka kalpui a nih dan bihletna nei tur leh hemi hun chhung ngei a Special Drive nei tura ruahmanna siam chu eng chin nge tihhlawhtlin a nih dan tih thlirna thutkhawmah hian Champhai khawpui chhunga Bank Manager hrang hrangte atanga an kalpui tawh dan leh mipuiten engemaw chen an chhawr tangkai tawh dan tarlan a ni.
Sawrkar laipu iduh danah chuan ehgn ruahmannate hi mipuiten chiang tak an hriat theihna turin hemi kawnga mawhlatuten mipui hnena zirtirna mumal tak nei tur leh Media kaltlanga a hriattirna leh zirtirna fumfe tak pek a tul thu he thutkhawmah hian sawilan  a ni. Heng ruahmannate tih hlawhtlin a nih theihna tur leh mitinten Bank an hman tangkai theihna tura hmanraw pawimawh ber zing a mi Aadhar Card chu mitin ten an la neih theih loh avang leh Bank Account hawng tura Aadhar Card chu neih ngei ngai a nih si avangin mipu itan harsatna a la awm rih tih tarlan a ni a. Sawrkar laipuiin mitinte Aadhar Card nei vek tura a tih laiin, Supreme Court in Aadhar Card neih vek kher phut a ni lo tih a tarlang thung.

FLORIST FAIR :
Champhai District FLorists` Assn buatsaihin nimin khan nithum awh tur Florist Fair chu YMA SUb-Hqrs. Conference Hall Tlangrawtah tan a ni.
He Fair hawnna inkhawm PC Lalhmachhuani, Florist Assn President kaihhruaiah hian khuallian Lalvansanga, SDHO chuan pangpar kawituten eizawnna tlak a hna an thawk chu lawmawm a tih thu a sawi a, tun hma angin Hort. Dept ah pangpar khawitute tan tanpuina awm tawh lo mahse a theihna zawnah chuan Department chu a inhawng hle a ni, tiin Florist Fair chu hlawhtling taka a kal theihna turin duhsakna a hlan a ni. Florist Fair hi Inrinni thleng awh tur a ni a, Champhaia Pangpar khawitute chuan an pangpar leh thla ihrang hrangte chu phochhuak in, a duh tan lei theih a ni.

MODEL SCHOOL :
V. Lalmuapuii, District Urban Development Officer chuan nimin khan Swachh Bharat Mission-a Model School te a tlawh.
Champhai khawpui chhungah Swachh Bharat Mission hian model School atan Govt. Kanan MS, Bethel Mission School, PES Vengthlang te an hmang a. Nimin khan V. Lalmuanpuii, DUDO hian heng School ten faina lama hma an lakan tur tanpuina pawisa fai leh an banner tar turte a pe a. Zirlai naupangte chu faina kawngah Model School-a zirlaite an nih angin entawntlak ni turin a chah a. School huam chhung bakah pawn lam thlenga faina kawnga mite zirtirtu ni tur leh midang tihhmuhtu ni turin a fuih bawk.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Service Tanky (Rs. 62.26/litre)
Diesel    : Semrual (Rs. 52.88/litre) 

FIRE  OFFICE : 
(03831)234026
Post a Comment

Popular posts from this blog

Champhai Tualchhung Chanchinthar ni 20.2.2018 (thawhlehni)

PHAIZAWL THIL DANG ATAN HMAN KHAP :
Pu Vanlalngaihsaka, District Magistrate Champhai District chuan a hnuaia tarlan ang hian thupek a chhuah.
Sawrkar thuchhuak Notification No. LRR-80/73 (A) Dt. 14.th APril, 989 in Champhai Town (Khawpui) a a puan angin Phaizawl leilet hmun hi Town huamchhungah telh a ni lova. Town huamchhung sawrkarin a puan ni lova chenna tur In sak leh kudam etc. atana In sakte phal a ni hloh mai bakah Mizoram Revenue Dan (The Mizoram Revenue Laws) 10(6) na leh 11(1) na in an sawi leh tarlan, Agricultural LSC, Periodic Patta and Garden Pass te hi pass pek a nihna ang taka Agriculture (huan/thlai siam etc) atan ni lova thil dang atana hman khap tlat a ni a.
Chuvangin Champhai Leilet a Agriculture kaihhnawih atana ram neiten pek an nih chhan ang takin an hmang tur a ni a. Kudam sak leh chenna atana In sakte khap tlat a ni. Kudam sak mek leh sak tawhte endikin ram pek an nih chhan anga hmang lote chu Mizoram Revenue Dan 11(8) tlawhchhanin thiat tura hriattir vek an ni a.…

Champhai Tualchhung Chanchinthar ni 19.2.2018 (thawhtanni)

DAN ZAWM LOH AVANGIN CHHUNGKUA PAKHAT LEI CHAWI TIR :
Champhai Chhungte rama kawngpui kam huan/lo var chhuak luitu chhungkaw pakhat chu Chhungte Village COuncil/Court leh Champhai District Fire Prevention Committee chuan a hrem dawn.
Champhai Chhungte VC huamchhung Aizawl Road a huan/lo ram vattu chhungkaw pakhat chuan kawngpui chhuaka thing a vah/kihthluk avangin Champhai District Fire Prevention Comt chuan The Lushai Hills Regulation 1954 Section 5 & 8 tlawhchhana hriattirna pein, kawngpui Reserve feet 100 huam chhung hal lova, thianfai vek tur leh kawngpui thlanglam feet 100 chinah thingphun leh vek tura a tih bakah mumal taka meilam sial turin a ti a. Kumin June thla ral hma ngei a he ram humhalh ah hian thingphn leh vek turin a hriattir a. District Fire Prevention Committee chuan Champhai District chhunga Leipui leh huan ram lo vahte chu February thla ralhma ngeia hal vek turin a ti bawk.
CHamphai Chhungte Village COuncil/Court chuan he mite chhungkua in huan/lo ram an vah hma p…

Champhai Tualchhung Chanchinthar ni 21.2.2018 (nilaini)

DOCTOR NEIHLOH AVANGA MIPUI HARSATNA KHA A PAWI :
Nimin khan MZP Hqrs. Champhai chuan Chhung Inkhawm leh kum 208-2020 hruaitu thlanna an nei. He hun hi I&PR Auditorium CHANEM Building ah hmangin Chawhma lamah MZP Chhung Inkhawmneih a ni a, he hun hi H.Lalramhluna, Secretary MZP Hqrs Champhai in a kaihruaia, President C.Lalthlenglianan thu a sawi bawk.
He hunah hian MZP hqrs Champhai Bakah a hnuaia Sub Hqrs hrang hrang- Farkawn, South Khawbung, Dungtlang, Khuangleng leh Hnahlan Bakah Hqrs Thuthmun Branch hrang hrang Hmunhmeltha, N.Khawbung, Zote, New Champhai, Tlangsam, Ruantlang leh Mualkawi atang te in Inthlang tur Palai kalkhawm in an hmalakna Report theuh an pe a, inpawh zawk leh nasa zawka zirlaite leh ram leh hnam tana ke pen Turin infuih thar ani bawk ani.
Chawhnu lamah hian Zirsangliana Paite Returning Officer leh HT Lalrokhuma Recording secy kaihhruai na in 2018-2020 hruaitu thlanna neih ani a, Heng mi te hi an thlangchhuak ani.
President: Remnalalnghaka, Vengthlang North
Vice …