ni 22.11.2016 (thawhlehni)


NO TOLERANCE WEEK HMANG TAN :
Nimin zing dar 6:30 khan Champhai ah No Tolerance Week hman tan a ni.
Kristiante hunpui lo thleng tur kan hmachhawn mekah mipui  leh lirthei a zin veivakten him tlang taka hun an hman theihna turin No Tolerance Week chu Champhaiah hman tan niin District chhunga Police Post hrang hrangah lirthei khalhtute Driving License, Motor Document  endik bakah zu an ruih leh ruih loh endik a ni dawn a. Hmun ruat bikah chauh kawngpu ikama lirthei dah phal niin Lirthei chetvelna dala kawngpui leh kawngkama insakte bungrua lehthil dang dahlo tur leh dan bawhchetute chungah na zawka khapna lekkawh a ni bawk ang.

Hei bakah hian Champhai khawpui hmun thenkhat a lirthei tawt lutuk thin tih ziaawm nan lirthei lianchite tan tlanluh theih hun bithliah a ni bawk. Dan bawhchetute chungah zahngaihna awm lo va, khauh taka hremna lek kawh a ni dawn a. Dan lova Mizoram chhunga Myanmar Two Wheelers lo lut thin lakah khauh zawka dan lekkawh niin kawng chhuat tichhe thei leh vantlang tana dipdal siam thei lirthei silna hmun siam an endik dawn bakah Champhai District magistrate in Lirthei ke 5 aia tam Champhai District chhunga tlan khapna thu chhuah a siam chu chak taka kenkawh zui zel ani bawk ang. Nimin atang khan Traffice Police bakah Champhai Police te chuan hmun hrang hrangah Duty insiamin lirthei te hi an endik tan nghal a ni.

TRAINING NEI :
Nimin khan RMSA Champhai District buatsaihin In Service Teachers Training 2016-17 chu nehi chhunzawm leh a ni.
Nimin khan Champhai District chhunga High School Zirtirtu Social Science Subject la te kohkhawm an ni a. he hun I&PR Auditorium, CHANEM Building a neih ah hian C. Hualrikhuma Dy, DPC RMSA chuan kaihruaiin Zirtirtute chu inpawh tlang taka awm a, zirlai naupangte hnena sawi chhawng leh thei tura uluk taka training hun hmang turin a chah a. he hun hi K. Lalrintluanga Addl. Director School Education Pensioner in khuallian niin a hmanpui a. Khuallian hnen atang hian zirtirtu kalkhawmte fuihna thuchah ngaihthlak a ni.

INTER HIGH SCHOOL QUIZ :
Champhai District Inter High School Quiz 2016, CCN leh RMSA te tangkawpa buatsaih chu nizan atang khan Second ROund khelh tan ani ta.
Second ROund ah hian team tinin zawhna 15 theuh an chhang a, knockout stage a nih tawh angin team hnih zel an intum ang a, point hmusang zawkin quarter final an lut dawn ani. 

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Service Tanky (Rs. 61.72/litre)
Diesel    : NIL (Rs. 52.22/litre) 
*Diesel hi a rawn thleng chuan Service Tanky a sem tur a ni.

FIRE  OFFICE : 
(03831)234026 

0 comments: