Skip to main content

ni 24.11.2016 (ningani)


ZANIN ATANGIN HIGH SCHOOL QUIZ QUARTER FINAL :
Champhai District Inter High School Quiz 2016 chu nizan hmasa khan 2nd ROund zo fel in, Quarter Final lut a chiang ta.
Nizan hmasa match hmasa berah Bethel Mission School I chuan Point 150 hmuh theihna ah Point 140 a hmu a, an bitum North Khawbung HS II te chuan Point 100 an thawk chhuak bawk a. Bethel Mission School I te hian Quarter Final an lut a. Holy Cross HS I chuan Point 80 hmu tling mah se point 120 hmutu Venglai Secondary SChool II an ngam lo thung. BC English Academy II chuan PES Zotlang II chu 130-90 in an hneh a, PES Khawzawl Vengthar II chuan 110-50 in R. Hranga HS I te a hneh bawk.

Quarter Final hi zanin atanga tan tur niin Zirtawp zan thleng a awh dawn a, intum turte chu Bethel Mission School II leh Venglai Secondary School I , BC English Academy I leh Einstein HS I; PES Khawzawl Vengthar II leh Venglai Sec School II; BC English Academy II leh Bethel Mission School I te an ni. Champhai District Inter High School Quiz 2016 hi CCN leh RMSA te tangkawpa buatsaih a ni.

PHED MEETING :
Champhai WATSAN Circle, PHED hnuaia JE/Selectional Officer chin chunglamte chuan vawiin leh naktuk hian New Champhai a SE Office ah kum 2030 a Champhai Circle (Champhai District leh Saitual Sub-Division) huam chhunga khaw tin ten tui hnianghnar an neih theih dan tur an sawiho dawn a. Er. C. Lalremsiama, CE, PHED Zone II chuan he hun hi a rawn hmanpui ang.

PANGPAR KHAWI ZIR :
KVK Champhai District chuan nimin khan I&PR Conf. Hall CHANEM Building ah Champhai District Florists` Assn member te tan pangpar khawi dan zirna an buatsaih a, resource person Lalrinmawii`n pangpar mawi taka khawi dan kalkhawmte a zirtir. Vawiin hian Khawzawlah zirtirna hi an neihpui leh ang.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Service Tanky (Rs. 61.72/litre)
Diesel    : Beisei (Rs. 52.22/litre) 

FIRE  OFFICE : 
(03831)234026 

Comments

Popular posts from this blog

Bethel YMA (BYMA)

BRANCH EXECUTIVE COMMITTEE NEIH A NI
Bethel. March.27Sunday) : Branch Executive Commiittee vawi thumna chu ni 24.3.09(Thawhleh) zanah YMA Office-ah neih a ni.
Branch Executive Committeee hi President Pu Lalsanglura Zote in kaihruaiin member sawm pariat an kal thei a, Pu C.Lalfaka Senior Adviser chuan Committee te tluang taka neih theih nan Pathian hnenah tawngtaina neiin rorel tan a ni.
Rorel I-na Kan Branch Vice President Pu S.Lalruatsanga chawlh dilna chu ngun taka sawi ho a nih hnuin a rawn dilna chu zahawm viau mahse tun atan chuan la pawm sak lo mai ni se an ti.
Rorel II-na Branch-ina a thunun mek Pu Nanghekmanga, Pi Nianglianchini, Pu Thangkhanlanga te ngaihdam dilna chu ngun taka ngaihtuah a nih hnuah an dilna pawm sakin thunun an nihna chu hlih sak a n ni.
Rorel III-na Central YMA atang Branch tina YMA chhang din theih ni se an tih chu kan Branch-ah pawh ngun taka sawi ho a nih hnuin kum 2009 atan kan Branch-ah pawh din ve nise an ti a, Section Wise-a din nise April thla chhunga …

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…
ni 14.2.2018 (nilaini) 
ZOKHAWTHAR ATANGIN FOREIGN BUNGRUA A CHHUAK TUR A NI LO :
Nimin chawhnu khan Champhai DC Charge lal mek tu Lalsangpuii Hmar chuan Zokhawthar Border Trade kaltlanga sumdawnna khawihtute chumeeting a neihpui.
He hunahhian Sumdawng pawl hrang hrang SITU, EXIM, ZTU leh CTU bakah YMA, Champhai Jt. VC leh MJA aiawhte an tel a. Lalsangpuii Hmar chuan Zokhawthar kaltlanga sumdawnnaah harsatna leh buaina awm thin chupawi a tih thu sawiin, hei hian nasa takin khawtlang a nghawng a. Chuvang chuan harsatna