ni 8.11.2016 (thawhlehni)


ERIC MARTIN-A LUNGTAT PAR DAWN :
November 15-a Tribal Art Centre, Tanhril-a Eric Martin concert huna opener tur tihfel a ni a, 'LungtÃĒr par' nena par chhuang mek Triau Trackx chuan concert hi an hawng dawn. Eric Martin concert tur atan ticket hi zawrh chhuah tan a ni a, inbuatsaihna a kal chho mek. Triau Trackx hian an hla sak tur hi an la thlang chiang lo a, hla panga sa turin ruahmanna an siam mek. Concert-ah hian Boomarang, Rosy K. Remsangpuii leh DJ Lalvenhimi te an zai bawk ang.


KVK CHAMPHAI DISTRICT TEN THLAI CHIN DAN ZIRTIR :
THlai leh thei chi (variety) tha zawk neih theih nan variety awm sa tawhte humhalh leh hemi kawnga tha thawhtu leh neitu farmer te dikna leh chanvo humhalh nan India sawrkarin dan a lo siam tawh “Protection of Plant Varieties & Farmers’ RIght Act, 2001” chungchang inzirtirna nimin khan KVK Champhai District chuan Ngopa ah kuthna thawktute tan a buatsaih.
He Awareness Campaign ah hian Lalrinawmi Renthlei, Sr. Scientist & Head chuan zirtirna pe in, Mizorama hmasawng a kan thlai lo chin tawhte chu a neitu nihna kan hauh tlat theih nan registration tih a tul tih a tarlang a. Protection of Plant Varieties & Farmers’ Right Act hnuaia kan thlai neih te hi a neitu nihna kan hauh hlawkna leh lukhawng a neih dan te leh Award te hial pawh dawn theih a nih dan a sawifiah a ni.
He hunah hian R. Vanlalduati, Soil Scientist chuan Soil Test based Fertilizer Recommendation ah zirtirna a pe bawk a. Soil sample lak dan te leh thlai chaw chi hrang hrang hnathawh dan te, lei chaw tha (nutrient) tlakchham vanga thlai in a tawrh dan te, a enkawl zui dan lehthlai chaw pek dan dik te zirtirna a pe a ni.
He Awareness Campaign ah hian zawhna leh chhanna hun hman niin, KVK Champhai District chuan kuthna thawktute mamawh tur thlai tana tangkai damdawi chi hrang hrang an sem nghal bawk a ni.

CHAMPHAI AIAWH TUR THLAH :
Nimin zing khan Meghalaya Invitation Football khelh tura Mizoram aiawha fehchhuak Champhai United leh Mizoram Inter District Women Football, Aizawl a khelh tura Champhai aiawh Zotlang Team te chu CDFA cdhuan an thlah liam a, C. Hualrikhuma, President chuan a vailiam a ni. Meghalaya Invitation ah hian Champhai United hian tun thla ni 10 ah Sikkim an khel ang. Hetihlai hian CDFA chuan Devember ni 1 khian First Division League a buatsawih dawn a, CDFA hnuaiah hian First Division  ah Team 6 an awm a ni.

ZIRTIRNA AN PE :
Nimin khan Khawbung Community Hall-ah Vigilance Awareness Week pualin khua leh tui tha ni tura rinawmna pawimawhzia inzirtirin hun hman a ni.
Vigilance Awareness Week hi Mizoram Rural Bank, Khawbung Branch huaihawta neih a ni a. Buh lu chuh lai a nih avangin hun hmang tur hian zirlaite sawm an ni. NGO hruaitute leh VC ten hun an hmanpui a. Zirlai naupangte chu Khua leh tui tha ni tura rinawmna pawimawhzia inzirtir a ni a. Hlemhletna laka fihlim tur chuan zirlai nih lai atanga dikna leh rinawmna nuna sengluh a pawimawh thute ngaihthlak niin R. Lalhmingthanga chuan Rinawmna thutiam a sawitir bawk.

RUIHHLO AN MAN :
YMA Sub-Hqrs. Kumpuan Squad te chuan niminpiah tlai khan Heroin Can 1 leh a neitu a puh Lalbiakremi, Champhai Kanan venga khawsa nia insawi chu an man. Champhai kumpuan Squad te hian Ruihhlo do beihpui thlakna kal zelah theihtawp chhuahin hma an la mek zel a, Champhai khawpui chhung bikah phei chuan ruihhlo hluar lutuk thin chuan ziaawm lam a pan zel niin a lang.

DAWR RAWK :
Inrinni zing khawvar hma vel khan Tlangsam khuaa Pu T. Lalzawmliana Dawr eichawp zawrhna ch urawk niin Inrinni zing khan dawr rawktu a puh Lalhriatpuia kum 21 Aizawl Zemabawk a cheng nia insawi chu Tlangsam khawtlang hian man nghal in, police kutah an hlan nghal.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Service Tanky (Rs. 62.26/litre)
Diesel    : Free Sale (Rs. 52.88/litre) 

FIRE  OFFICE : 
(03831)234026

0 comments: