Skip to main content

Champhai Tualchhung Chanchinthar ni 22.2.2018 (ningani)

CHANVO DIK TAK HMUH THEIHNA TUR INHRILHHRIA :
Nimin khan Mizoram Legal Services Authority (MLSA) bultumin Champhai Kahrawt YMA Community Hall-ah Legal Services Camp buatsaih a ni a.   He hunah hian India khua leh tuiten an chanvo dik tak an hmuh theihna tura kaihhruaina dan inhrilhhriatnna na neih niin  Sorkar Department hrang hrangten mipuite dawr theih tur leh thu zawhfiah theih turin Stall an hawng a ni. He hun hi Pu C.Lalhnunpuia, President, MJA Champhai District chuan khuallian niin a hmanpui a ni.
Pu C. Lalhnunpuia chuan Khawvel a Democracy ram ropui ber, State 29 leh UT 7 te infin khawm, mipui tluklehdingawn 1.34 awmna India ram mipuite tana Sorkar laipui leh State sorkar-ten hmasawnna rahbi hrang hrang a siamte mipui kut (www.champhai.net)a a thlen ngei theihna tur leh mahni chanvo dik tak an dawn theuh theihna tura mipuite zirtir leh hrilhhriat tir chu tihmakmawh a ni, a ti a.   Hetiang ruahmanna tha tak, mipui ban phak a awm theihna tur leh mipuiten an chhawr tangkai ngei thei…

ni 14.12.2016 (nilaini)


PES ZIRLAI TEN AN SUM THAWH KHAWMIN TANPUINA SEM :
UD&PA Dept. leh Presbyterian English School, Vengthlang te tangkawpa buatsaihin nimin khan faina kawngzawh neih a ni.
He hun hi CHANEM Building tual atanga tan a ni a. Upa C. Keikhuma, PES Vengthlang Board Member chuan kawngzawh hi tawngtaina nen a hawng a. CHANEM tual atang hian bazar lamah kawng hizawhin Awmpui pheiah hun an hmang a, DK Traffic Point ah a kharna an siam a ni. PES hi UD&PA Dept. in Swachh Bharat a kalpuia Model School an kal tawp ni a ni a, faina lama mipu izirtirna atan kawngzawh hi an buatsaih a. An kalnaah hian faina lama inzirtirna thu an puan chhuah bakah naupangte chuan faina lam hawi thuziak an keng bawk a. Awmpuiphei leh DK Traffic Point ah hian lam hmuhnawm tak tak entiriin mipui te chu faina lama hmasawn zel turin an sawm nghal bawk a ni.

PES hian nimin chawhnu khan Charity hun an hmang a, kumtluana Devotion huna naupangten thawhlawm an thawhkhawm Rs. 30,000 chuang chu Krismas pual hian mi harsa zawkte tanpuinan mimal leh pawl kutah an hlan nghal bawk.

IMR LEH MMR RATE HNIAM DAN TUR ZIR :
Nimin khan CMO Office Chamber, Champhai ah CBMDR, FBMDR and District Level CBMDR Trainers of Training, District Level Sensitization Workshop neih a ni.
He WOrkshop Dr R. Lianmawia SMO kaihhruaiah hian Champhai District chhung PHC a Medical Officer, Hnahlan PHC, Khawbung, Farkawn, Khawhai, Biate, Sialhawk, Kawlkulh, Khawzawl, NE Khawdungsei leh Bungzunga mite bakah Champhai District Hospital a Hmeichhe lam thiam Doctor leh Nursing Superintendent te zirtirna pek an ni a. Nu, nau chunga thi an awm a hmalak dan tur leh naupang kum 1 hnuai lam thi an awm a hmalak dan tur chungchang Dr Lalremmuana Ralte, DRCHO in Powerpoint Presentation hmangin zirtirna a pe a ni. He huna tarlan dan chuan kum 2016 chhung khan Champhai District chhungah Nu nau chunga thi 1, naupang kum 1 hnuai lam thi 23 leh kum 5 hnuai lam thi 7 an awm a. Champhai District chhunga pHC hrang hrang zingah Farkawn leh Khawzawl PHC ah naupang kum 1 hnuai lam thi tam berin 4 ve ve an awm a. Hnahlan, Khawbung, Rabung PHC ah te 2 theuh thi awmin,Biate, Mimbung leh Sialhawk PHC ah te 1 theuh thi an awm bawk a. Main Centre Champhaiah Naupang kum 1 hnuai lam thi 6 an awm bawk a. Hetih lai hian Ngopa PHC chiahin nu nauchunga thi neiin, 1 an nei a, Naupang kum 1 hnuai lam thi erawh an nei lo thung a ni.
Champhai District chhungah kum 2016 chhung hian Nau, dam apiang 954 awmin kum khat hnuai lam boral 23 awmin kum 1 atanga kum 5 inkar boral 7 an awm bawk. IMR Rate hi 24.10 niin MMR Rate hi 104.82 a ni thung.

CHAMPHAI AH DIGITAL PAYMENT CHUNGCHANG SAWIHONA NEI DAWN :
Thawhtanni khan Champhai khawpui chhunga bank Manager zawng zawngte nen DC Conference Hall, Keifangtlangah Digital Payment chungchanga hmalak dan tur chungchang relho a ni.
He meeting hi CC Lalchhuangkima, Champhai DC Charge la mektu chuan kaihruaiin tunhnaia pawisa tih thih avanga sum harsatna sut kiang atanga Digital Payment hman tangkai a tul thu leh hemi chungchanga mipuiten he Digital Payment/Cashless payment hi an hman tangkai theih zawkna tura hmalak a tul thu a sawi.
December ni 16,2016 zan dar 7 ah I&PR Auditorium CHANEM Building ah Talk Show neih nise, Champhai Local Cable Operator pahnih LCN leh CCN te LIVE ape chhuak tura ngen nise, LIVE Telephone in mipui tan zawhna hun siam nise tih a ni bawk.  He Talk Show hi mipuiten an hman tangkai a, an hlawkpui ngei theih nan DIPRO, MJA Champhai leh Local Cable Operator te hnenah puangzar tura ngenna siam nise tih a ni bawk. Governor Secretariat atanga lehkha dawn bawhzuiin Champhai District chhungah Grand Bank Account Opening Mela neih tura ruahmanna siam ni se, an ti a; Deputy Commissioner Champhai kutha ahun leh a hmun ruahman tura dah a ni bawk.

KAWNG CHEI THA :
PWD te chuan tunlai hian Champhai khawpui chhunga kawng chhe zual leh khuar lei te cheithat hna an thawk mek a, kawng siam hna hi chak zawka thawh a nih theih nan PWD hotute chuan hnathawk tibuai zawnga tlan lo turin lirthei khalhtute an ngen a. kawng chei that hna hi DK Traffic Point leh District Hospital inkar thawh niin Krismas hmaa thawh zawh hman beisei a ni.

CHAK ZO TA LO :
Guwahati a All India Senior Men Boxing Championship khelh mekah Tuipui tlangval John Kenty Vanhlimpuia chuan nimin khan Final a a bitum Army Service Boxer lakah chak zo lovin a champion zo ta lo. John Kenty a bitum, Army Services Boxer hi Split Decision a chakin  a Champion tih thu kan dawng.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Service Tanky (Rs. 61.88/litre)
Diesel    : Nil (Rs. 52.08/litre) 

FIRE  OFFICE : 
(03831)234026
Post a Comment

Popular posts from this blog

Champhai Tualchhung Chanchinthar ni 20.2.2018 (thawhlehni)

PHAIZAWL THIL DANG ATAN HMAN KHAP :
Pu Vanlalngaihsaka, District Magistrate Champhai District chuan a hnuaia tarlan ang hian thupek a chhuah.
Sawrkar thuchhuak Notification No. LRR-80/73 (A) Dt. 14.th APril, 989 in Champhai Town (Khawpui) a a puan angin Phaizawl leilet hmun hi Town huamchhungah telh a ni lova. Town huamchhung sawrkarin a puan ni lova chenna tur In sak leh kudam etc. atana In sakte phal a ni hloh mai bakah Mizoram Revenue Dan (The Mizoram Revenue Laws) 10(6) na leh 11(1) na in an sawi leh tarlan, Agricultural LSC, Periodic Patta and Garden Pass te hi pass pek a nihna ang taka Agriculture (huan/thlai siam etc) atan ni lova thil dang atana hman khap tlat a ni a.
Chuvangin Champhai Leilet a Agriculture kaihhnawih atana ram neiten pek an nih chhan ang takin an hmang tur a ni a. Kudam sak leh chenna atana In sakte khap tlat a ni. Kudam sak mek leh sak tawhte endikin ram pek an nih chhan anga hmang lote chu Mizoram Revenue Dan 11(8) tlawhchhanin thiat tura hriattir vek an ni a.…

Champhai Tualchhung Chanchinthar ni 19.2.2018 (thawhtanni)

DAN ZAWM LOH AVANGIN CHHUNGKUA PAKHAT LEI CHAWI TIR :
Champhai Chhungte rama kawngpui kam huan/lo var chhuak luitu chhungkaw pakhat chu Chhungte Village COuncil/Court leh Champhai District Fire Prevention Committee chuan a hrem dawn.
Champhai Chhungte VC huamchhung Aizawl Road a huan/lo ram vattu chhungkaw pakhat chuan kawngpui chhuaka thing a vah/kihthluk avangin Champhai District Fire Prevention Comt chuan The Lushai Hills Regulation 1954 Section 5 & 8 tlawhchhana hriattirna pein, kawngpui Reserve feet 100 huam chhung hal lova, thianfai vek tur leh kawngpui thlanglam feet 100 chinah thingphun leh vek tura a tih bakah mumal taka meilam sial turin a ti a. Kumin June thla ral hma ngei a he ram humhalh ah hian thingphn leh vek turin a hriattir a. District Fire Prevention Committee chuan Champhai District chhunga Leipui leh huan ram lo vahte chu February thla ralhma ngeia hal vek turin a ti bawk.
CHamphai Chhungte Village COuncil/Court chuan he mite chhungkua in huan/lo ram an vah hma p…

Champhai Tualchhung Chanchinthar ni 16.2.2018 (zirtawpni)

GAS LOTHLENG TAN :
Tunkar chhung in Champhai Mizofed LPG ah Gas Trip 2 a lo thleng tawhin a hnuhnung zawk hi niminpiah khan alo thleng. Tarlan tawh angin Trip khatahhian Gas bur 300 vel bawr phurh thin a ni a. tunkar chhungin Champhai ah Bur 600 vel bawr alo thleng tawh a, vawiina rawn thleng turin kawngah Trip khat a thang mek bawk ani.
Hetihlai hian Champhai Bawrhsap Pu Vanlalngaihsaka leh NGO (YMA, MHIP, MZP) leh VC te hmalaknaa Gas phurh pawh nimin khan Trip khat rawn phurh thlen a ni a, heng rawn phurh thlen te hi a man pangngai aia Rs. 40 a sangin hralh chhuah a ni thung a. Thuleh awm hma chuan chhum lo chat lovin Champhai Bawrhsap, NGO leh VC te hmalakna angin Gas phur tur hi an hire zel dawn niin thudawn a ni.

KIWI CHINGTUTE HLAWHTLIN NGEI BEISEI :
Khawzawl Horitculture Divisin chuan Chawngtlai Bualpui rama KIWI chingtute chu an inlungrualna leh an thawhrimna avangin an hlawhtlinngei an beisei tih an sawi.
Chawngtlai Bualpui ramah hian Chawngtlai khua chhungkaw 35 chuan Chawngtlai …