Skip to main content

Champhai Tualchhung Chanchinthar ni 22.2.2018 (ningani)

CHANVO DIK TAK HMUH THEIHNA TUR INHRILHHRIA :
Nimin khan Mizoram Legal Services Authority (MLSA) bultumin Champhai Kahrawt YMA Community Hall-ah Legal Services Camp buatsaih a ni a.   He hunah hian India khua leh tuiten an chanvo dik tak an hmuh theihna tura kaihhruaina dan inhrilhhriatnna na neih niin  Sorkar Department hrang hrangten mipuite dawr theih tur leh thu zawhfiah theih turin Stall an hawng a ni. He hun hi Pu C.Lalhnunpuia, President, MJA Champhai District chuan khuallian niin a hmanpui a ni.
Pu C. Lalhnunpuia chuan Khawvel a Democracy ram ropui ber, State 29 leh UT 7 te infin khawm, mipui tluklehdingawn 1.34 awmna India ram mipuite tana Sorkar laipui leh State sorkar-ten hmasawnna rahbi hrang hrang a siamte mipui kut (www.champhai.net)a a thlen ngei theihna tur leh mahni chanvo dik tak an dawn theuh theihna tura mipuite zirtir leh hrilhhriat tir chu tihmakmawh a ni, a ti a.   Hetiang ruahmanna tha tak, mipui ban phak a awm theihna tur leh mipuiten an chhawr tangkai ngei thei…

ni 15.12.2016 (ningani)


THISEN PE :
Nimin khan Govt GM Higher Secondary School NSS Unit te chuan a mamawh a piangte hman turin thisen an pe.
Nimin khan Govt Gm Higher Secondary School NSS Unit-Champhai te chuan te chuan Champhai District Hospital Blood Bank a dah turin thisen an pe, Thisen hi Zirlai naupang 25 te pein Mipa 28 leh hmeichhia 8 ten an pe a, Unit 53 an pe thei a ni. Tun hnaiah Champhai District Hospital Blood Bank-a vawikhata thisen pe hnem ber an ni a, nikum khan Unit 65 an lo pe tawh bawk a ni. Govt GM Higher Secondary School NSS Unit te hian tunkar zirtawpni hian N Khawbungah Special an nei dawn a, Tuikhur siam that hna an thawk ang a, zankhat riakin Inrinniah an lo haw leh ang.



CHAMPHAI DISTRICT ATANGIN MI 3 :
MPSC in competitive Exam a buatsaihah Champhai District atangin mi 3 an tling.
Mizoram Public Service Commission in Competive Exam September ni 6-9 chhunga a buatsaiha  tlingte chuan tun thla ni 12 leh 13 khan personal Interview neih leh niin hetah hian Champhai District atangin mi 3 tlingin Lalrinsanga Hnamte s/o RH Zachhunga Sialhawk khua chu pakhatna a ni a, ani bakah hian Samuel Zodinsanga s/o H Vanlalchhuanam Champhai Vengthlang chu 5-na niin Lalrinpuia Chenkual s/o C Lalrinawma, Arro Vengkhawzawl chu 11 na a ni bawk. Lalrinsanga Hnamte leh Samuel Zodinsanga te hian MCS an zawm anga, Lalrinpuia Chenkual hian MIS a zawm thung ang.

MOTOR 82 ZIAK LUT :
November thla chhung khan Champhai District Transport Office-ah Motor 82 ziah luh a ni.
Heng motor ziah luh zingah hian ke pahnih nei tam berin 33 ziah luh a ni a, Auto Rickshaw in dawtin 16 ziah luh a ni bawk. Heng bakah hian Bus 1, Maxi Cab 3, Car 12, Bolero 3, Taxi 4 leh Truck 10 ziah luh a ni bawk.
November thla chhung khan District Transport Office  hian chhiah chi hrang hrang atangin Rs 15,40,430 an hmu a. Heng zingah hian Road Tax atangin hmu tam berin Rs 8,31,144 hmuh a ni a, Passenger phur chi atangin Rs 1,37,375 hmuh a ni a, Bungraw phur chi atangin Rs 1,97,391 hmuh a ni a, MV Fees atangin Rs 3,74,520 hmuh a ni bawk

RUAHTUI 2039.03 MM TLA :
Kumin January ni 1 atanga December ni 10 chhung khan Champhaiah Ruahtui 2039.03 mm a tla.
Kumin a ruahtui tla zat hi nikum aiin 159.72 mm in a tam zawk a, January, April, July, August tih loh thla dang zawngah chuan nikum aiin kuminah ruahtui a tla tam zawk a. Kumin January thla khan 4.5 mm tlain nikumah 9.525 mm a tla thung a. February thlaah 6.30 mm tlaiin nikumah 4.40 mm a tla thung a. March thlaah 54. 9 mm tlain nikumah 31.78 a tla thung a. April thlaah 105 mm a tlak laiin kikumah 267.37 a tla thung a. May thlaah 261.3 mm talin nikumah 108.625 a tla thung a. June thla hi nikum leh kumina ruahtui tlak inthlauh tamna ber niin 166.87 mm laiin kumin hian ruahtui a tla tam zawk a. Kuminah 349.18 mm tlaiin kumin chhunga ruahtui tlak that ber tum a ni a, nikumah 182.31 mm a tla thung a ni. July thlaah  359.05 mm tlain nikumah 437.90 mm a tla thung a, hei hi nikum chhunga ruahtui a tlak that ber tum a ni bawk.
August thlaah 345.8 mm tlain nikumah 427.20 mm a tl a, September thlaah  308.7 mm tlain nikumah 227.1 mm a tla thung a, October thlaah 176.3 mm tlain nikumah 17.5 mm a tla a, November thlaah 68 mm tlain nikumah 7.7 a tla thung a ni, Kumin November thlaa rauhtui tla a tam avang hian Champhai zawla loneitute chuan buhseng laiin harsatna an tawk nasa hle a, buh thar pawh a hlawk tur angin a hlawk loh phah niin a lang bawk. Nikum December thla khan ruahtui tla a awm lova, Kumin December ni 10 thleng khan ruahtui thla hi Champhaiah a la awm lo bawk a ni.

BUH THAR LAWM DAWN :
Vawiin hian Champhaia buh thar tam ber Pu F Laltanpuia Champhai Venglai chuan hmun hrang hranga a buh thar te chhungkhawmin a lawmna hun a hmang dawn.
Pu F Laltanpuia hian hmun hrang hrang 5 ah leilet neiin heng a buh thar te hi hmun khatah chhungkhawmin a vaiin tin 1900 a thar a, a buh thar lawmna hi naktuk chawhnu dar 1 hian Sesih tlang New Champhaiah ruai nen lawmna hun a hmang dawn a, he huna tel tur hian Champhai mipui zawng zawngte a sawm a ni. Pu F Laltanpuia hian heng a buh thar atang te hian tanpui ngaite pual tur dahin naktuk hian mi thlak bik te a buh thar hi a ruh tir dawn bawk a, Nizan khan Champhai District Promoters Club-te chuan Champhaia Buh thar tam ber award an lo hlan tawh bawk a ni.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Semrual (Rs. 61.88/litre)
Diesel    : Semrual (Rs. 52.08/litre) 

FIRE  OFFICE : 
(03831)234026
Post a Comment

Popular posts from this blog

Champhai Tualchhung Chanchinthar ni 20.2.2018 (thawhlehni)

PHAIZAWL THIL DANG ATAN HMAN KHAP :
Pu Vanlalngaihsaka, District Magistrate Champhai District chuan a hnuaia tarlan ang hian thupek a chhuah.
Sawrkar thuchhuak Notification No. LRR-80/73 (A) Dt. 14.th APril, 989 in Champhai Town (Khawpui) a a puan angin Phaizawl leilet hmun hi Town huamchhungah telh a ni lova. Town huamchhung sawrkarin a puan ni lova chenna tur In sak leh kudam etc. atana In sakte phal a ni hloh mai bakah Mizoram Revenue Dan (The Mizoram Revenue Laws) 10(6) na leh 11(1) na in an sawi leh tarlan, Agricultural LSC, Periodic Patta and Garden Pass te hi pass pek a nihna ang taka Agriculture (huan/thlai siam etc) atan ni lova thil dang atana hman khap tlat a ni a.
Chuvangin Champhai Leilet a Agriculture kaihhnawih atana ram neiten pek an nih chhan ang takin an hmang tur a ni a. Kudam sak leh chenna atana In sakte khap tlat a ni. Kudam sak mek leh sak tawhte endikin ram pek an nih chhan anga hmang lote chu Mizoram Revenue Dan 11(8) tlawhchhanin thiat tura hriattir vek an ni a.…

Champhai Tualchhung Chanchinthar ni 19.2.2018 (thawhtanni)

DAN ZAWM LOH AVANGIN CHHUNGKUA PAKHAT LEI CHAWI TIR :
Champhai Chhungte rama kawngpui kam huan/lo var chhuak luitu chhungkaw pakhat chu Chhungte Village COuncil/Court leh Champhai District Fire Prevention Committee chuan a hrem dawn.
Champhai Chhungte VC huamchhung Aizawl Road a huan/lo ram vattu chhungkaw pakhat chuan kawngpui chhuaka thing a vah/kihthluk avangin Champhai District Fire Prevention Comt chuan The Lushai Hills Regulation 1954 Section 5 & 8 tlawhchhana hriattirna pein, kawngpui Reserve feet 100 huam chhung hal lova, thianfai vek tur leh kawngpui thlanglam feet 100 chinah thingphun leh vek tura a tih bakah mumal taka meilam sial turin a ti a. Kumin June thla ral hma ngei a he ram humhalh ah hian thingphn leh vek turin a hriattir a. District Fire Prevention Committee chuan Champhai District chhunga Leipui leh huan ram lo vahte chu February thla ralhma ngeia hal vek turin a ti bawk.
CHamphai Chhungte Village COuncil/Court chuan he mite chhungkua in huan/lo ram an vah hma p…

Champhai Tualchhung Chanchinthar ni 16.2.2018 (zirtawpni)

GAS LOTHLENG TAN :
Tunkar chhung in Champhai Mizofed LPG ah Gas Trip 2 a lo thleng tawhin a hnuhnung zawk hi niminpiah khan alo thleng. Tarlan tawh angin Trip khatahhian Gas bur 300 vel bawr phurh thin a ni a. tunkar chhungin Champhai ah Bur 600 vel bawr alo thleng tawh a, vawiina rawn thleng turin kawngah Trip khat a thang mek bawk ani.
Hetihlai hian Champhai Bawrhsap Pu Vanlalngaihsaka leh NGO (YMA, MHIP, MZP) leh VC te hmalaknaa Gas phurh pawh nimin khan Trip khat rawn phurh thlen a ni a, heng rawn phurh thlen te hi a man pangngai aia Rs. 40 a sangin hralh chhuah a ni thung a. Thuleh awm hma chuan chhum lo chat lovin Champhai Bawrhsap, NGO leh VC te hmalakna angin Gas phur tur hi an hire zel dawn niin thudawn a ni.

KIWI CHINGTUTE HLAWHTLIN NGEI BEISEI :
Khawzawl Horitculture Divisin chuan Chawngtlai Bualpui rama KIWI chingtute chu an inlungrualna leh an thawhrimna avangin an hlawhtlinngei an beisei tih an sawi.
Chawngtlai Bualpui ramah hian Chawngtlai khua chhungkaw 35 chuan Chawngtlai …