Skip to main content

Champhai Tualchhung Chanchinthar ni 22.2.2018 (ningani)

CHANVO DIK TAK HMUH THEIHNA TUR INHRILHHRIA :
Nimin khan Mizoram Legal Services Authority (MLSA) bultumin Champhai Kahrawt YMA Community Hall-ah Legal Services Camp buatsaih a ni a.   He hunah hian India khua leh tuiten an chanvo dik tak an hmuh theihna tura kaihhruaina dan inhrilhhriatnna na neih niin  Sorkar Department hrang hrangten mipuite dawr theih tur leh thu zawhfiah theih turin Stall an hawng a ni. He hun hi Pu C.Lalhnunpuia, President, MJA Champhai District chuan khuallian niin a hmanpui a ni.
Pu C. Lalhnunpuia chuan Khawvel a Democracy ram ropui ber, State 29 leh UT 7 te infin khawm, mipui tluklehdingawn 1.34 awmna India ram mipuite tana Sorkar laipui leh State sorkar-ten hmasawnna rahbi hrang hrang a siamte mipui kut (www.champhai.net)a a thlen ngei theihna tur leh mahni chanvo dik tak an dawn theuh theihna tura mipuite zirtir leh hrilhhriat tir chu tihmakmawh a ni, a ti a.   Hetiang ruahmanna tha tak, mipui ban phak a awm theihna tur leh mipuiten an chhawr tangkai ngei thei…

ni 23.1.2017 (thawhtanni)


CAMPAIGN NEI :
Apex Bank Champhai Branch chuan Digital Financial Awaresness Campaign chu neih chhunzawm zelin Zawngtetui, Bungzung leh Vanzau ah te Mananger hovin Campaing hi neih leh  ani a. He hunah hian ATM pawimawhna leh a hman dan te, Mobile Banking, Pan Card leh Aadhaar Card pawimawhna te bakah e-wallet leh KCC Card chungchangah zirtirna an pe a. FLC Councillor chuan zirtirna hi a lem entir pahin a neihpui thin.


ZIRLAITE THINGPHUN SAVA IN TLAN NASA :
Nungcha humhalhna kawng khat atan Khawbung HSS ten sava tlan tur thing rah chi leh a par chi an phun thin chu a takin a hlawhtlinna an hmu tan a. Sava tlan chi Tlaizawng leh Chawmzil an phun te chuan rah leh par a chhuah tan a. Ruahtui tlak that avangin tlaizawngte hi Krismas hmain a par deuh vek a. A par tlai kung awmin kar kalta chhung khan Sava chi hrang hrangin an tlan nasa hle.

MELBUK LEH ZOKHAWTHAR INREM :
Ni 13.1.17 (Zirtawpni) khan Champhai police te hriatpuina hnuaiah Melbuk khawtlang leh Zokhawthar te chuan inremna an nei ta. 
Hun eng emaw chen atang khan Melbuk leh Zokhawthar te hian Burma lama bungraw phurh chhoh chungchangah thu in hmu lo te nau neiin Law and Order harsatna tenau poh alo awm zeuh zeuh thin a ni. Nimin chuan heng an ngaihdan hrang thin chu tih fel a ni ta. Bungraw chi hrang, thlan bikte chu Melbukah hian hlan thlakniin motorin Haimual (burma) lamah phurh chhoh tur niin threnkhat chu Zokhawthar lamah phurh tlang ani ang.
He Inremna ah hian khawii lam ve ve atangin VCP, VC members, Presidents YMA leh a kaihhnawih pawl hruaitute an kokim hle a ni. 

PU CHALBAWIHA’N A RAM PE THEN :
Ni 13.1.2017 (Zirtawpni) khan Champhai Police leh Pu Chalbawiha of Vengthlang, Champhai chuan Police Check Gate siam nan a ram pe then. 
Champhai kawtchhuah Khankawn-a Police ten Check Gate atana an hman hi Pu Chalbawiha ram chhungah, a remtihnain kum 2005 khan Police ten an din tan a. Mahse Khankawn to Zokhawthar kawng hi World Bank sum hmanga laih zauh mek niin Police Gate pawh hi avaiin a chhe vek dawn a ni. 
Khankawn hi Champhai kawtchhuah kawn pawimawh tak mai a nih avangin helai hmuna Check Gate siam leh dan tur kawng hi theihtawpin an dap a. Mizoram Sawrkar chuan a pawimawhna hriain a sakna tur sum pawh tunah hian an peihfel tawh a ni. 
Pu Chalbawiha hian phal takin Khankawna a ram chu Police Check post sak nan pe in Inremna thuthlung hi an ziak fel ta a ni. Champhai tana a pawimawh zia hria a phaltaka a ram petu Pu Chalbawiha hi a fakawmin a entawn tlak hle.

FOOTBALL TOURNAMENT KALZEL :
CDFA Republic Day Football Tournament chu Inrinni khan Quarterfinal khelh a ni.
Inkhel result :
Kanan FC 4-0 Kahrawt FC
Vengthar 4-2 Tlangsam FC
Police FC 2-3 Zotlang FC
Vengthlang North FC 2-0 Zote FC

Semi Final hi vawiin hian khel tur a ni a, dar 10 ah Kanan FC leh Vengthlang North FC an inkhel ang a, dar 12 ah Vengthar FC leh Zotlang FC te an inkhel bawk ang.

MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Tanky Full (Rs. 66.97/litre)
Diesel    : Coupon (Rs. 56.67/litre) 

RD PUMP
Petrol    : Khawchhia
Diesel    : Nil

FIRE  OFFICE : 
(03831)234026
Post a Comment

Popular posts from this blog

Champhai Tualchhung Chanchinthar ni 20.2.2018 (thawhlehni)

PHAIZAWL THIL DANG ATAN HMAN KHAP :
Pu Vanlalngaihsaka, District Magistrate Champhai District chuan a hnuaia tarlan ang hian thupek a chhuah.
Sawrkar thuchhuak Notification No. LRR-80/73 (A) Dt. 14.th APril, 989 in Champhai Town (Khawpui) a a puan angin Phaizawl leilet hmun hi Town huamchhungah telh a ni lova. Town huamchhung sawrkarin a puan ni lova chenna tur In sak leh kudam etc. atana In sakte phal a ni hloh mai bakah Mizoram Revenue Dan (The Mizoram Revenue Laws) 10(6) na leh 11(1) na in an sawi leh tarlan, Agricultural LSC, Periodic Patta and Garden Pass te hi pass pek a nihna ang taka Agriculture (huan/thlai siam etc) atan ni lova thil dang atana hman khap tlat a ni a.
Chuvangin Champhai Leilet a Agriculture kaihhnawih atana ram neiten pek an nih chhan ang takin an hmang tur a ni a. Kudam sak leh chenna atana In sakte khap tlat a ni. Kudam sak mek leh sak tawhte endikin ram pek an nih chhan anga hmang lote chu Mizoram Revenue Dan 11(8) tlawhchhanin thiat tura hriattir vek an ni a.…

Champhai Tualchhung Chanchinthar ni 19.2.2018 (thawhtanni)

DAN ZAWM LOH AVANGIN CHHUNGKUA PAKHAT LEI CHAWI TIR :
Champhai Chhungte rama kawngpui kam huan/lo var chhuak luitu chhungkaw pakhat chu Chhungte Village COuncil/Court leh Champhai District Fire Prevention Committee chuan a hrem dawn.
Champhai Chhungte VC huamchhung Aizawl Road a huan/lo ram vattu chhungkaw pakhat chuan kawngpui chhuaka thing a vah/kihthluk avangin Champhai District Fire Prevention Comt chuan The Lushai Hills Regulation 1954 Section 5 & 8 tlawhchhana hriattirna pein, kawngpui Reserve feet 100 huam chhung hal lova, thianfai vek tur leh kawngpui thlanglam feet 100 chinah thingphun leh vek tura a tih bakah mumal taka meilam sial turin a ti a. Kumin June thla ral hma ngei a he ram humhalh ah hian thingphn leh vek turin a hriattir a. District Fire Prevention Committee chuan Champhai District chhunga Leipui leh huan ram lo vahte chu February thla ralhma ngeia hal vek turin a ti bawk.
CHamphai Chhungte Village COuncil/Court chuan he mite chhungkua in huan/lo ram an vah hma p…

Champhai Tualchhung Chanchinthar ni 16.2.2018 (zirtawpni)

GAS LOTHLENG TAN :
Tunkar chhung in Champhai Mizofed LPG ah Gas Trip 2 a lo thleng tawhin a hnuhnung zawk hi niminpiah khan alo thleng. Tarlan tawh angin Trip khatahhian Gas bur 300 vel bawr phurh thin a ni a. tunkar chhungin Champhai ah Bur 600 vel bawr alo thleng tawh a, vawiina rawn thleng turin kawngah Trip khat a thang mek bawk ani.
Hetihlai hian Champhai Bawrhsap Pu Vanlalngaihsaka leh NGO (YMA, MHIP, MZP) leh VC te hmalaknaa Gas phurh pawh nimin khan Trip khat rawn phurh thlen a ni a, heng rawn phurh thlen te hi a man pangngai aia Rs. 40 a sangin hralh chhuah a ni thung a. Thuleh awm hma chuan chhum lo chat lovin Champhai Bawrhsap, NGO leh VC te hmalakna angin Gas phur tur hi an hire zel dawn niin thudawn a ni.

KIWI CHINGTUTE HLAWHTLIN NGEI BEISEI :
Khawzawl Horitculture Divisin chuan Chawngtlai Bualpui rama KIWI chingtute chu an inlungrualna leh an thawhrimna avangin an hlawhtlinngei an beisei tih an sawi.
Chawngtlai Bualpui ramah hian Chawngtlai khua chhungkaw 35 chuan Chawngtlai …