ni 12.5.2017 (zirtawpni)


CHAMPHAI ATANGIN TOP 10-AH 2 LANG :
Mizoram Board of School Education chuan Higher Secondary School Leaving Certificate Exam 2017 Result a tichhuahah Arts leh Science Subject-ah Champhai atangin top 10 ah mi pakhat ve ve an lang.
Arts Subjects ah Einstein Boarding School Zirlai TBC Zirnasangzuala s/o TBC Kaphmingthanga, Kelkang chu 7-na niin Mark 423 a hmu a, Economics ah Mark 95 a hmuin Mizoramaha ti tha ber a ni. Science Subject ah lalmuanawma Khiangte s/o K. Ramdinzauva, Champhai Vengthlang chu St. Paul’s Higher Secondary School a zir mek chu 7-na a ni a, Vocational Subkect ah Khawzawl HSS zirlai malsawmdawngi d/o Zadingliana chu pathumna a ni a, Mark 535 a hmu a ni. Arts Subkect ah hian Champhai District ah Candidate 567 awmin 448 an pass a, pass percentafe chu za zela 77.9 niin Science Subkect ah Champhai District atangin Candidate 67 awmin mi 41 an pass a, pass percentafe chu za zela 60.2 a ni. Commerce Subject ah Candidate 29 awmin mi 22 an pass a, pass percentafe chu 75.8 a ni bawk. Champhai District atangin Candidate 63 nei Khawzawl HSS Candidate 16 nei Kawlkulh HSS leh Hliappui HSS, Candidate 10 nei Mimbung HSS te an awm a ni.

ARTS :
School Appear Pass
GM HSS        150 122
Champhai HSS 90 49
Einstein HSS 35 31
Zokhawthar HSS 30 21
Khawzawl HSS 63 63

SCIENCE
GM HSS         47 37
Zokhawpui HSS 7 1
Einstein HSS 13 3

COMMERCE
GM HSS         29 22

VOCATIONAL
GM HSS         9 7
Khawzawl HSS 5 5

RAMRI KHUA TEN THUTHLUNG SIAM :
Nilaini khan Tiau lui tlawhchhan Myanmar khaw 21 leh India khaw 11 lam a khaw hrang hrang te chuan Tiau lui humhalh chungchang leh sual do kawngah Camp Victoria CNA CAMP Farkawn khaw kai ah an inhmukhawm a. Thawhhona thuthlung 5 siam a ni a, Sihmit lui chhuah atanga Tuipui chhuah Dawn ram zawn thleng Tiau luidung a nungchate chu chhuan lo kal zel turte tan pawh a chenfakawm taka a awm theih nan Len leh nghakuai baka Sangha man phal loh nise, tih te. Tiau lui dung humhalh kam tuakah chang zim, ui nen a sa um lo nise, tih te. Hmanraw dang hmanga luidung nungcha man leh sa zimte chu Myanmar lam chu Mizoram lam Police Kut ah pek a, Mizoram lam chu CNA Camp ah ni 2 aia tlem lo hren beh nise tih te, Sual do kawngah thawhhona tha zawk kan neih theih nan Tiau lui kaia Duty CNA te chuan nasa leh zualin hmalo la se, bike ru, ruihhlo tawlh, ramhmul leh sawrkar phalloh chi reng reng Tiau lui kana lak chhuk leh lak chhoh kawngah khirh takin hma lo lase, an hmalakna tichak tur in Tiau tlawhchhan khua ten theihtawp lo chhuahpui nise tih te, Mizoram leh Myanmar lam a kan mi leh sa  te chiat tawh thu ah a theih ang anga inpuih tawn a, inbiakpawh tawn thin ni se tih te lungrual takin thuthlung an siam a. He hun hi SYMA hruaitute chuan an telpui.

IWMP KHAR FEL A NI TA :
Thingtlang Lo neih bansanna tura Sawrkar hmalakna IWMP Champhai I kharna hun chu nimin khan Chhimluang Zau ah neih a ni.
Kum 2009-2010 atanga Rs. 663,15,000 a bul tan River Tuivawl Watershed huam a Kawlkulh leh a chheh vel khaw 3 : Dulte, Chhawrtui leh Puilo khuain kumtin a an hman thin IWMP Champhai I Exit Protocol Programme kharna hun hi Champhai DRDA Project Director  chuan sawrkarin Chhimluang Zau a loneitute anmahni kutke a an din theihna tur leh kumtin thingtlang loneih a eizawnna an ansan theih nan bul a tan sak tih a sawi a, Sawrkar lam atangin tanpuina tawp mahse, he zau hi hlamchhiah lova, theih tawp chhuah zui tur leh kum dang aia tam zawk thlai thar chhuak turin a chah a ni. He Project hian ram hectare 4421 huamin, hmang tangkaitu mi 675 awmin Self Help Group 20 din ani. 

DUTY TAN TA :
Sawrkarin Champhai a Pediatrician Duty tura a tih te chu Champhai Civil Hospital ah an Duty tan. Sawrkarin Champhai Civil Hospital a Duty tura a tih Doctor palite chu kar khatah an in duty chhawk dawn a. Dr. Rochhuanga chuan Thawhtanni khan Champhai lo thlengin Thawhlehni atang khan OPD (Pediatrict) ah a thu nghal a ni. A Duty ni atang hian Champhai leh a chhehvel khua te chuan pan nghalin, naupang engemaw zat entir an ni tawh a, vawiin thleng Duty in kar leh Thawhtanniah amah thlaktu tur Doctor dang an lo kal ve leh thung ang.

HEROIN MAN :
Champhai Excise & Narcotics Dept. te chuan Nilaini tlai khan Champhai Electrict Vengah Heroin No. 4 Gram 15 leh a neitu nia rin Engmawii d/o Lalawia (Fam), Champhai Electric Veng nia insawi an man a. ND&PS Act. hnuaiah thubuai siam sak niin nimin khan Court ah hruai nghal a ni.

GRADUATION DAY :
Nimin khan Pine Hill Adventist Academy te chuan a vawi sawmna atan Graduation Day Hostel Ground ah an hmang. Graduation Day ah hian khuallian Pastor Joseph VL Nunzira hnen atangin thu chah ngaihthlak a ni. Pine Hill atang hian Pawl 10 zirlai mi 21 te chuan exam beiin mi 12 te an pass thei a, 1st ah 3, 2nd ah 6, 3rd ah 3 te an pass a ni.

HRUAITU THLANG :
Nimin khan Champhai District Tennis Association chuan kum 2017-2019 atan hruaitu thar an thlang a, 
President : CC Lalchhuangkima
Senioe Vice Pre : Lalthanmawia
Vice Pre : Rochanga & Chalzama
Secy : C. Lalthlamuana
Asst. Secy : Zokhuma
Trea : T. Thanga
Fin. Secy : Lalrinsanga
Tennis One Day Tour siam nghalin CC Lalchhuangkima a champion.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Tanky Full (Rs. 64.89/litre)
Diesel    : Tanky Full (Rs. 55.38/litre) 

0 comments: