Skip to main content

Champhai Tualchhung Chanchinthar ni 22.2.2018 (ningani)

CHANVO DIK TAK HMUH THEIHNA TUR INHRILHHRIA :
Nimin khan Mizoram Legal Services Authority (MLSA) bultumin Champhai Kahrawt YMA Community Hall-ah Legal Services Camp buatsaih a ni a.   He hunah hian India khua leh tuiten an chanvo dik tak an hmuh theihna tura kaihhruaina dan inhrilhhriatnna na neih niin  Sorkar Department hrang hrangten mipuite dawr theih tur leh thu zawhfiah theih turin Stall an hawng a ni. He hun hi Pu C.Lalhnunpuia, President, MJA Champhai District chuan khuallian niin a hmanpui a ni.
Pu C. Lalhnunpuia chuan Khawvel a Democracy ram ropui ber, State 29 leh UT 7 te infin khawm, mipui tluklehdingawn 1.34 awmna India ram mipuite tana Sorkar laipui leh State sorkar-ten hmasawnna rahbi hrang hrang a siamte mipui kut (www.champhai.net)a a thlen ngei theihna tur leh mahni chanvo dik tak an dawn theuh theihna tura mipuite zirtir leh hrilhhriat tir chu tihmakmawh a ni, a ti a.   Hetiang ruahmanna tha tak, mipui ban phak a awm theihna tur leh mipuiten an chhawr tangkai ngei thei…

ni 15.5.2017 (thawhtanni)


CHAMPHAI FOREST DIVISION IN THING TIAK 78,193 PHUN :
Kum 2010 atanga kum 2016 thlengin Champhai Forest Division hnuaiah thing tiak 78193 phun tawh a ni.
Heng thingtiakte hi Mizorama thingphun runpui hun, Green Mizoram Day-ah te phun a ni tlangpui a. Champhai Forest Division ah hian kum 2012 khan thing tiak hi 11368 sem chhuah niin heng zinga 10350 chu phun a ni a. Kum 2013-ah 30863 sem chhuah a ni a, 19500 phun a ni. Kum 2014 ah chuan 19978 sem chhuah niin 18325 phun a ni thung a, kum 2015 ah 16762 sem chhuah atangin thing tiak 12186 phun a ni. Nikum khan 8972 sem chhuah atangin thing tiak hi 7832 phun a ni bawk.

Nikum atang khan thingphunte vulzui tur inruat a ni a. Kum danga lo tih thin dan, ngaihsak zui lova thingphun chu kalsanin heng Voluntary Group te hian thingphunte hi an vilzui a,  thingphun zat atanga a nung zat statistics mumal zawk pawh a awm theih tawh beisei a nih bakah, nikum khan kum dang zawng aiin thingphun zat hi tlem mah se, a nung zat erawh atam zawk a beiseiawm hle a ni. DFO hnen atanga thudawn danin nikuma District Hospital bula thingphun te, DC Complex leh CHANEM Complex a thingphunte chu a nung tha hlawm hle a, heng te Champhai khawpui chhunga sawrkar hmun pawimawh a nih avangin Champhai khawpui cheitu tha tak a la ni dawn niin a sawi.
Thla thar June ni 5 hi World Environment Day hman a ni dawn a, ni 11 ah Green Mizoram Day hman leh tur niin kum danga lo tih thin tawh dan anga thingphun runpui chu kuminah pawh neih leh rin a ni. Green Mizoram Day h ikum 1998 atang khan hman a ni a, Mizoram pumah thing tiak nuai 40 bawr vel chu phun a lo ni tawh a. Hetihlai hian kum tina ram kang avangin thing elh mau erawh a chereu nasa hle a.  Kum 2012 atanga 2016 chhung khan Champhai District ah ram kang zau zawng hi belhkhawmin hectare 2446 a ni a. Kum 2015 khan ram hectare 733.35 kangin hei hi kum 5 chhunga ram kan nasat ber tum a ni a, chawhrualin ram hi kum tin Hectare 489.2 kang ziah ang a ni.

VENG HMASAWNNA HNA THAWK ZO TAN :
Kahrawt Branch YMA te chuan an veng Thlanmual kawng siam that hna an thawk.
Kahrawt Branch YMA chuan kumina an Project pakhat, thlanmual kawng siam that chu an zo fel ta a. He kawng hi kum 2004 khan Metal Road a siam ani a, kawng hi a chhiat tawh em avangin Kahrawt Branch YMA  chuan siam that hna an thawk ta ani. Thlanmual kawngah hian Road roller a kal ngam loh avangin kuta chhut bel a ni a. Kumin kumtir lam khan thlanmualah hian tui connection lak a ni tawh bawk.
Vengthlang khawtlang pawhin OB Veng atanga Pastor Quarters hrula Awmpui phei lam panna kawngpui zauh hna an thawh chu an zo fel thawkhat a. Kawngpui hi a hmaa Jeep Road ni thin chu Truck lengin an sial zau a, he kawng zauhna atana ram petute hnenah Vengthlang khawtlang chuan lawmthu an sawi a ni.

HRIATTIRNA CHHUAH :
Food Civil Supply and Consumer Affairs Department chuan Retailer chungchangah thuchhuah a siam.
Mizoram Sawrkarin NFSA, 2013 a kalpui tak avangin mipui hnenah sawrkarin buhfai quota a pek chu a thla bi a pek a lo ni ta a, FCS&CA Dept. hnuaia Fair Price Shop Dealer emaw Retailer zawng zawng ten thla pumpuiin an dawr an hawng tur a ni. Hei hi mipuiten sum leh paia harsatna an neih pawha huntiam chhunga an Quota an lak theihna tura ruahman a ni. Fair Price Shop te hian Pathianni tiam lovin zing dar 6:30 -8:30 inkar leh tlai dar 3:30 - 5:30 inkar chhung Fair Price Shop an hawng ngei ngei tur a ni tiin thuchhuahah chuan an tarlang.

JUBILEE KHUH HAWNG DAWN :
Vengthlang Branch KTP te chuan zanin dar 7 hian Gospel Centenary Hall-ah Diamond Jubilee khuh hawnna hun an hmang dawn. Diamond Jubilee hi kum 2018 Feb. ni 7 hian a hman tur niin kumin atang hian Jubilee lawmna hun hi an hmang tan dawn a. Khuh hawnna hun hi Bialtu Pastor Pastor R. Vanlalruata`n a hmang dawn a ni.
Vengthlang Branch KTP hian an Diamond Jubilee pual hian ni 60 midangte tana inpekna ni hmang turin an inbuatsaih a, a tum khatna atan ni 16.5.2017 (Thawhlehni) hian District Hospital Champhai a damlo leh a awmpui tute tan thingpui leh a hmeh a thlawnin an sem dawn a ni. Tin, Ni 24-27 May 2017 chhung hian Chalbawiha Resort, Zophai-ah thlarau lama intih chakna atan ‘Thawhhona tha’ tih thupuiah hmangin Summer Camp an nei dawn a, Speaker atan Rev. Jonathan Pachuau, Councellor FG&CC an hmang dawn.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Khawl chhia (Rs. 64.87/litre)
Diesel    : Free Sale (Rs. 54.88/litre) 
Post a Comment

Popular posts from this blog

Champhai Tualchhung Chanchinthar ni 20.2.2018 (thawhlehni)

PHAIZAWL THIL DANG ATAN HMAN KHAP :
Pu Vanlalngaihsaka, District Magistrate Champhai District chuan a hnuaia tarlan ang hian thupek a chhuah.
Sawrkar thuchhuak Notification No. LRR-80/73 (A) Dt. 14.th APril, 989 in Champhai Town (Khawpui) a a puan angin Phaizawl leilet hmun hi Town huamchhungah telh a ni lova. Town huamchhung sawrkarin a puan ni lova chenna tur In sak leh kudam etc. atana In sakte phal a ni hloh mai bakah Mizoram Revenue Dan (The Mizoram Revenue Laws) 10(6) na leh 11(1) na in an sawi leh tarlan, Agricultural LSC, Periodic Patta and Garden Pass te hi pass pek a nihna ang taka Agriculture (huan/thlai siam etc) atan ni lova thil dang atana hman khap tlat a ni a.
Chuvangin Champhai Leilet a Agriculture kaihhnawih atana ram neiten pek an nih chhan ang takin an hmang tur a ni a. Kudam sak leh chenna atana In sakte khap tlat a ni. Kudam sak mek leh sak tawhte endikin ram pek an nih chhan anga hmang lote chu Mizoram Revenue Dan 11(8) tlawhchhanin thiat tura hriattir vek an ni a.…

Champhai Tualchhung Chanchinthar ni 19.2.2018 (thawhtanni)

DAN ZAWM LOH AVANGIN CHHUNGKUA PAKHAT LEI CHAWI TIR :
Champhai Chhungte rama kawngpui kam huan/lo var chhuak luitu chhungkaw pakhat chu Chhungte Village COuncil/Court leh Champhai District Fire Prevention Committee chuan a hrem dawn.
Champhai Chhungte VC huamchhung Aizawl Road a huan/lo ram vattu chhungkaw pakhat chuan kawngpui chhuaka thing a vah/kihthluk avangin Champhai District Fire Prevention Comt chuan The Lushai Hills Regulation 1954 Section 5 & 8 tlawhchhana hriattirna pein, kawngpui Reserve feet 100 huam chhung hal lova, thianfai vek tur leh kawngpui thlanglam feet 100 chinah thingphun leh vek tura a tih bakah mumal taka meilam sial turin a ti a. Kumin June thla ral hma ngei a he ram humhalh ah hian thingphn leh vek turin a hriattir a. District Fire Prevention Committee chuan Champhai District chhunga Leipui leh huan ram lo vahte chu February thla ralhma ngeia hal vek turin a ti bawk.
CHamphai Chhungte Village COuncil/Court chuan he mite chhungkua in huan/lo ram an vah hma p…

Champhai Tualchhung Chanchinthar ni 16.2.2018 (zirtawpni)

GAS LOTHLENG TAN :
Tunkar chhung in Champhai Mizofed LPG ah Gas Trip 2 a lo thleng tawhin a hnuhnung zawk hi niminpiah khan alo thleng. Tarlan tawh angin Trip khatahhian Gas bur 300 vel bawr phurh thin a ni a. tunkar chhungin Champhai ah Bur 600 vel bawr alo thleng tawh a, vawiina rawn thleng turin kawngah Trip khat a thang mek bawk ani.
Hetihlai hian Champhai Bawrhsap Pu Vanlalngaihsaka leh NGO (YMA, MHIP, MZP) leh VC te hmalaknaa Gas phurh pawh nimin khan Trip khat rawn phurh thlen a ni a, heng rawn phurh thlen te hi a man pangngai aia Rs. 40 a sangin hralh chhuah a ni thung a. Thuleh awm hma chuan chhum lo chat lovin Champhai Bawrhsap, NGO leh VC te hmalakna angin Gas phur tur hi an hire zel dawn niin thudawn a ni.

KIWI CHINGTUTE HLAWHTLIN NGEI BEISEI :
Khawzawl Horitculture Divisin chuan Chawngtlai Bualpui rama KIWI chingtute chu an inlungrualna leh an thawhrimna avangin an hlawhtlinngei an beisei tih an sawi.
Chawngtlai Bualpui ramah hian Chawngtlai khua chhungkaw 35 chuan Chawngtlai …