Skip to main content

ni 4.5.2017 (ningani)


CHAMPHAI-AH SESSION COURT KALPUI TAN A NI TA :
Additional District & Sessions Judge Court chu hawn a nih hnuah a nih dan tur anga kalpui tan a ni ta.
IIDC Complex, Zote a awm Champhai District Session Court hi R. Vanlalena, Addl. District & Session Judge chuan thutchilhin thla hmasaa Guahati High Court Chief Justice leh Mizoram Law & Judicial Minister ten an hawn hnuah a nih dan tur angin kalpui a ni a. Session Court a ngaihtuah ngai thubuai, Aizawl  lama thawn thlak thinte chu he Court hian a ngaihtuah thei tawh dawn a. Hei hian dan leh thupek kenkawh kawngah te, sualna pung zel tur ven kawngah te awmze thui tak a neih rin a ni a. Session Court pan a ngaih avanga Police leh dan kengkawhtu hrang hrangten thubuai chinfel loh thahnem tak a neih thin pawh Champhaia rel theih a nih dawn tak avangin dan leh thupek kengkawhtute hian an tangkaipui hle beisei a ni bawk.

Mizoram hi Judicial bikah hmun hnih : Aizawl leh Lunglei Area ah then a ni a, Champhai hi Aizawl Judicial hnuaia awm niin Champhai Additional District & Sessions Judge Court hi Aizawl Judicial huam chhunga Aizawl tih loh khaw danga Additional District & Sessions Judge Court hmasa er a ni a. Zote khawtlang chuan Court awmna tur hian Zote park chu pe mahse building sak a la nih loh avangin Session Court hian IIDC Complex a building luah lohte chu luahin, Tlangrawt a Court Building atangin Zote ah hian an insawn fel tawh bawk.

ZIRLAI 100% PASS AWMNA SCHOOL 3 :
MBSE in HSLC Examination 2017 result a tihchhuah takah Champhai atangin School pathum Matrict Candidate te chu zaa za an pass.
Hriat theih chinah Candidate 18 nei King Solomon`s School, Candidate 65 nei BC Lalthlamuana English Academy leh Candidate 12 nei Springdale Academy atangin fail an awm lo va, Matrict Exam hmachhawn zaa za an pass a ni. Bethel Mission School chuan candidate 45 nein 44 an pass a, Govt. Champhai High School atanga Exam 16 zingah 14 an pass bawk. Venglai Secondary School  chuan Candidate 26 neiin 22 an pass a, PES Zotlang atanga mi 25 Exam zinga 23 an pass a ni.
Govt. GM High School chuan Candidate 52 neiin 42 an pass a, Govt. R. Hranga HS chuan Candidate 29 neiin 25 an pass bawk a. Govt. Vengsang HS atanga Candidate 28 zinga 20 pass in Holy Cross atangin Candidate 21 zingah 19 an pass a. Bethel High School chuan Candidate 46 neiin 35 an pass a. Pine Hill Adventist Academy Candidate 21 atangin mi 12 na pass bakah, Einstein Higher Secondary School atangin Candidate 14 zingah 12 an pass a. Govt. Ruantlang HS atangin mi 38 exam in 12 an pass a, Govt. TM HS Zote chuan candidate 18 neiin 13 an pass bawk a ni.

DAN BAWHCHHIA :
April thla chhung khan Champhai Traffic Police te chuan lirthei dan bawhchhia 68 an man. Champhai Traffic Police ten lirthei dan bawhchhia an man zingah hian ke pali nei tam berin 31 man an ni. Lirthei dan bawhchhia te pawisa chawi tling khawm zawng zawng hi Rs. 18900 a ni a. Ke pahnih neiin dawtin 30 man an ni a, an pawisa chawi tling khawm hi Rs. 5400 a ni a, Ke pathum nei 7 manin an pawisa chawi tling khawm hi Rs. 1700 a ni.

JESAM HRUAITU :
Kum 2017-2018 chhunga Champhai District JESAM Sub-Committee hruaitute :
Chairman : Vanlallawma Colney, PHED
Vice Chairman : Ronald Lalfakzuala, P&E
Secy : Lallianmawia, PWD
Asst. Secy : Malsawmtluanga, P&E
Trea : C. Lalchhandami, PWD
Fin. Secy : VL Ngaihzuala, PHED

CASE 24 ZIAKLUT :
Child Welfare Protection ah April thla chhung khan Case 22 ziah luh a ni a, Juvenile Justice Board chuan Case 2 an nei bawk.

VAWIIN DINHMUN :
MIZOFED POL  (Tuialhthei) Ph :8414965293
(Mon - Sat :- 6:00 AM - 7:00 PM) (Sunday :- 12:00 Noon - 3:00 PM)
Petrol    : Free Sale (Rs. 64.87/litre)
Diesel    : Free Sale (Rs. 54.88/litre) 

Comments

Popular posts from this blog

Bethel YMA (BYMA)

BRANCH EXECUTIVE COMMITTEE NEIH A NI
Bethel. March.27Sunday) : Branch Executive Commiittee vawi thumna chu ni 24.3.09(Thawhleh) zanah YMA Office-ah neih a ni.
Branch Executive Committeee hi President Pu Lalsanglura Zote in kaihruaiin member sawm pariat an kal thei a, Pu C.Lalfaka Senior Adviser chuan Committee te tluang taka neih theih nan Pathian hnenah tawngtaina neiin rorel tan a ni.
Rorel I-na Kan Branch Vice President Pu S.Lalruatsanga chawlh dilna chu ngun taka sawi ho a nih hnuin a rawn dilna chu zahawm viau mahse tun atan chuan la pawm sak lo mai ni se an ti.
Rorel II-na Branch-ina a thunun mek Pu Nanghekmanga, Pi Nianglianchini, Pu Thangkhanlanga te ngaihdam dilna chu ngun taka ngaihtuah a nih hnuah an dilna pawm sakin thunun an nihna chu hlih sak a n ni.
Rorel III-na Central YMA atang Branch tina YMA chhang din theih ni se an tih chu kan Branch-ah pawh ngun taka sawi ho a nih hnuin kum 2009 atan kan Branch-ah pawh din ve nise an ti a, Section Wise-a din nise April thla chhunga …

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…
ni 14.2.2018 (nilaini) 
ZOKHAWTHAR ATANGIN FOREIGN BUNGRUA A CHHUAK TUR A NI LO :
Nimin chawhnu khan Champhai DC Charge lal mek tu Lalsangpuii Hmar chuan Zokhawthar Border Trade kaltlanga sumdawnna khawihtute chumeeting a neihpui.
He hunahhian Sumdawng pawl hrang hrang SITU, EXIM, ZTU leh CTU bakah YMA, Champhai Jt. VC leh MJA aiawhte an tel a. Lalsangpuii Hmar chuan Zokhawthar kaltlanga sumdawnnaah harsatna leh buaina awm thin chupawi a tih thu sawiin, hei hian nasa takin khawtlang a nghawng a. Chuvang chuan harsatna