Skip to main content

Champhai Tualchhung Chanchinthar ni 21.2.2018 (nilaini)

DOCTOR NEIHLOH AVANGA MIPUI HARSATNA KHA A PAWI :
Nimin khan MZP Hqrs. Champhai chuan Chhung Inkhawm leh kum 208-2020 hruaitu thlanna an nei. He hun hi I&PR Auditorium CHANEM Building ah hmangin Chawhma lamah MZP Chhung Inkhawmneih a ni a, he hun hi H.Lalramhluna, Secretary MZP Hqrs Champhai in a kaihruaia, President C.Lalthlenglianan thu a sawi bawk.
He hunah hian MZP hqrs Champhai Bakah a hnuaia Sub Hqrs hrang hrang- Farkawn, South Khawbung, Dungtlang, Khuangleng leh Hnahlan Bakah Hqrs Thuthmun Branch hrang hrang Hmunhmeltha, N.Khawbung, Zote, New Champhai, Tlangsam, Ruantlang leh Mualkawi atang te in Inthlang tur Palai kalkhawm in an hmalakna Report theuh an pe a, inpawh zawk leh nasa zawka zirlaite leh ram leh hnam tana ke pen Turin infuih thar ani bawk ani.
Chawhnu lamah hian Zirsangliana Paite Returning Officer leh HT Lalrokhuma Recording secy kaihhruai na in 2018-2020 hruaitu thlanna neih ani a, Heng mi te hi an thlangchhuak ani.
President: Remnalalnghaka, Vengthlang North
Vice …
ni 26.7.2017 (nilaini)

JT NGO TEN HMALA:
Nimin khan Champhai District Joint NGO hruaitute chuan Champhai mipui leh khawtlang mamawh hrang hrang thlenin Mizoram Chief Minister Lalthanhawla, Health Minister Lalthanzara, Home Minister R.Lalzirliana leh Health Director te an dawr.
Thu dawn danin, Champhai District Joint NGO hruaitute hian khawtiang mamawh hrang hrang an thlen a, Champhai district hospital-a ENT, Dr Lalramengi, sorkarin Lunglei-a a sawn chungchanga order awmsa chu tidanglam a, sawn chhuak lo turin an ngen a. Hemi chungchangah Champhai District Joint NGO te ngenna ang in Minister leh Director ta pawhin an bawhzui nghal a. Champhai District Joint NGO te ngenna hi a hlawhtlin ngei an beisei tih thu dawn a ni. Heng bakah hian Champhai mipui mamawh doctor dang te pawh pe turin sorkarah dilna an thlen bawk a. Champhai District Joint NGO hruaitute chuan sorkar hotute nen an indawr dan chungchangah lawmawm an ti hle niin thudawnna chuan a sawi.

TUILIAN TIHCHHIAT TLAWH:
Tun thla laihawl a fur ruahtui bawhawkin Tiau Iui a tih len vanga Tiau phai leilet Zau hrang hrang tui Iian-in a tih chhiatte Champhai DC Vanlalngaihsaka'n a hmunah a endik.
Tiau Iui lian in a tih chhiat Tiau kam phai leilet zau hrang hrangte DC hian a tlawh chhuak vek a. Tiau Iui lianin a tih chhiat zingah hian a Ieilet pumpui neih tlak tawh lova tuilian-in a tih chhiat chhungkaw thenkhat an awm laiin, a tam ber te chu a zahve chhia te a ni hlawm a.
Tuilian hian Iuipui kam leilet buh phun tawhte chu a hrut chhiat bakah leilet kam zawl a hrut chhe nasa hle a ni. Champhai DC Vanlalngaihsaka chuan tuilian in a tih chhiat leilet neitute chu an chhiat tawh dan dik tak anmahni bialtu VCP hnena thehlut tur leh a rang thei ang bera District thuneitute hnena thehlut turin a hriIh a ni. DC hi Champhai DAO James Vanlalluaia leh a thawhpuite bakah Champhai District Minor Irrigation Department atangin SDU C. Lalthianghlima leh a thawhpui te, Champhai District Disaster Management & Rehabilitation hotute leh leilet neitu bakah khawtlang hruaituten an tawiawm a ni.

THUPEK CHHUAH:
Champhai District SDC Remlalliana Hnamte chuan Air Gun nei zawn zawngte 
mahni awmna khua/veng VC hnena in report vek turin hriattirna a chhuah a. VC te hian Champhai DC Office-ah emaw an bialtu BDO hnenah August ni 4, 2017 hmaa heng report-ta hi thehlut leh vek turin a hriattir bawk.

REN A NGAI:
Naktuk atang hian Petrol leh Diesel phurtu, Tanker Truck Driver te chu tiam chin awm lovin an nuar dawn.
March leh June thlaa Petrol Pump thutlukna sorkarin a ngaihsak tawk lova an hriat avangin tiam chin awm lovin an nuar dawn s. Petrol Pump hi khar dawn lo mahse an nawrh chin tur hriat a ni lo va, an nawrh chhung hian Oil rawn phurh a nih dawn loh avangin ADC Manager chuan mipui te chu petrol leh Diesel renchem turin a ngen a ni.
Post a Comment

Popular posts from this blog

Bethel YMA (BYMA)

BRANCH EXECUTIVE COMMITTEE NEIH A NI
Bethel. March.27Sunday) : Branch Executive Commiittee vawi thumna chu ni 24.3.09(Thawhleh) zanah YMA Office-ah neih a ni.
Branch Executive Committeee hi President Pu Lalsanglura Zote in kaihruaiin member sawm pariat an kal thei a, Pu C.Lalfaka Senior Adviser chuan Committee te tluang taka neih theih nan Pathian hnenah tawngtaina neiin rorel tan a ni.
Rorel I-na Kan Branch Vice President Pu S.Lalruatsanga chawlh dilna chu ngun taka sawi ho a nih hnuin a rawn dilna chu zahawm viau mahse tun atan chuan la pawm sak lo mai ni se an ti.
Rorel II-na Branch-ina a thunun mek Pu Nanghekmanga, Pi Nianglianchini, Pu Thangkhanlanga te ngaihdam dilna chu ngun taka ngaihtuah a nih hnuah an dilna pawm sakin thunun an nihna chu hlih sak a n ni.
Rorel III-na Central YMA atang Branch tina YMA chhang din theih ni se an tih chu kan Branch-ah pawh ngun taka sawi ho a nih hnuin kum 2009 atan kan Branch-ah pawh din ve nise an ti a, Section Wise-a din nise April thla chhunga …

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…
ni 14.2.2018 (nilaini) 
ZOKHAWTHAR ATANGIN FOREIGN BUNGRUA A CHHUAK TUR A NI LO :
Nimin chawhnu khan Champhai DC Charge lal mek tu Lalsangpuii Hmar chuan Zokhawthar Border Trade kaltlanga sumdawnna khawihtute chumeeting a neihpui.
He hunahhian Sumdawng pawl hrang hrang SITU, EXIM, ZTU leh CTU bakah YMA, Champhai Jt. VC leh MJA aiawhte an tel a. Lalsangpuii Hmar chuan Zokhawthar kaltlanga sumdawnnaah harsatna leh buaina awm thin chupawi a tih thu sawiin, hei hian nasa takin khawtlang a nghawng a. Chuvang chuan harsatna