Skip to main content
ni 14.8.2017 (thawhtanni)

VOLLEYBALL TOURNAMENT ZO TA :
lnrinni-khan independence Day Volleyball Tournament chu a hmawr hawk a ni ta.
lnrinni Zing dar 7:00 khan mipa Semifinal khelh niin Vengthlang North-in 3-2 in Sazep an hneh a, PC Lalsangliana Memorial VC in MZ Home 3-1 in an hneh bawk. Chawhma dar 11 ah Hmeichhe final khelh niin PC Lalsangliana Memorial VC in 3-0  Dungtlang hnehin an Champion a, Mipa finalah Vengthlang North in 3-0 in PC Lalsangliana Memorial VC an hneh bawk. Mipa Best setter atan Zoramthara, Vengthlang North thlan niin Best Spiker-ah Lalbiakmuana, PC Lalsangliana Memorial VC, thlan a ni bawk. Hmeichhe Best Setter-ah Zothanpuii, PC Lalsangliana Memorial VC thlan a ni a, Best Spiker-ah Vardingliani, PC Lalsangliana Memorial VC thlan a ni bawk. Mipa Champion Team Vengthlang North hian Trophy leh Rs. 10,000 an dawng a, Pahnihna, PC Lalsangliana Memorial VC in Trophy leh Rs. 8000 an dawng a. Hmeichhe Champion Team PC Lalsangliana, Memorial VC hian Trophy leh Rs 8000 an dawng a, 2-na Dungtlang chuan Trophy leh Rs 5000 an dawng bawk.

SILAI INKAHSIAK :
lnrinni khan lndependence Day Air Rifles  Shooting Competition chu Champhai High School ah neih a ni.
He hun hi C. Lallianpuia, Chairman CDSC chuan khuallian niin a hmanpui a. Khuallian chuan Champhai hian sports decipline hrang hrangah hma kan sawn chho nasa em em a, Mizoram mai ni lovin India ram thleng a mi hriat hlawh te pawh an awm tawh tih sawiin Air Rifle kah tui mi te pawh hi Champhaiah chauh tawp tum lovin, Champhai aiawh thei tur te Mizoram aiawh turte inbuatsaih turin a chah a. Air Rifle Shooting Competition hi a hawng a ni. Silai kah dan tur leh tih dan tur te inhrilh hriat niin intihsiakna hi tan nghal a ni.
Shooting Competition-ah hian Veng hrang hrang atangin silal kah tui mi 39 te an kalkhawm a, mipa Ieh hmeichhia Category ah then niin, Mipa 33 leh hmeichhia 6 te an tel a, Iawmman pawh a hran ve ve a siam a ni. 0.177/4.5 MM silai hmangin inkahsiak a ni a, silai leh a mu hi a tel te hian an in tum vek a ni. lnrinni vek khan zawh fel nghal niin, Hmeichha Category ah C. Vanlalsangliani Vengsang chu Pakhatna a ni a, Rochhingpuii Vengthlang chu Pahnihna niin Lallianmawii Kanan chu Pathumna a ni.
Mipa Category ah C. Vanlalchhuanga, Traffic Police, Bethel veng chu Pakhatna a ni a, K. Huntharlawma Kahrawt chu Pahnihna niin Vanlalruata Zotlang chu Pathumna a ni. Lawmman te hi Independence Day-ah sem tur niin lawmman pakhatna la tu hian Rs. 3000 leh Certificate a dawng ang a, 2-na hian Rs. 2000 leh Certificate, 3-na hian Rs 1000 Ieh certificate 3 dawng bawk dawn a ni.

RUANG HMU:
Tun thla ni 10, Ningani tlaia Sihmit chhuah thlang Tiau Iuia chesual a tla, Lalthuthlungzauva, Kum 25, K. Lalpiangthara fapa Bulfek khua ruang chu nimin khan hmuh a ni.
Lalthuthlungzauva hi Ningani chawhnu dar 2 vel khan a nghakuai kam chu tuiah a tla a, Tuipuiral leh Vanapa Group YMA huam chhunga Čšiau lui hnaih Branch  hrang hrang ten zawn beihpui an thlak hnuah pawh hmuh a ni lo a, nimin khan Bulfekzawl, Hruaikawn, Melbuk, Mualkawi, Zokhawthar, Leisenzo, Sesih, Lianpui, Vangchhia, Vaphai leh Farkawn ten theihtawp chhuaha an zawn hnuin chawhnu Dar 1vel khan a tlakna atanga km 9 vela hIa-ah hmuh a ni.

BASKETBALL LAM :
Kar kalta Zirtawp zan khan Vanlallawma Indoor Stadium ah Independence Day Basketball Tournament chu Semi Final Match hmasa zawk khelh a ni a. Outlawz leh Kahrawtians te chu an inkhel a, lst Quarter ah Kahrawtians hian 15-13 in hma an hruai a, 2nd Quarter ah 30-30 a inhneh tawkin, 3rd Quarter ah pawh inhneh bawk chho zeiin 45-45 a ni a, 4th Quarter ah Kahrawtians te hian hnehna an chang ta a ni.

Comments

Popular posts from this blog

Bethel YMA (BYMA)

BRANCH EXECUTIVE COMMITTEE NEIH A NI
Bethel. March.27Sunday) : Branch Executive Commiittee vawi thumna chu ni 24.3.09(Thawhleh) zanah YMA Office-ah neih a ni.
Branch Executive Committeee hi President Pu Lalsanglura Zote in kaihruaiin member sawm pariat an kal thei a, Pu C.Lalfaka Senior Adviser chuan Committee te tluang taka neih theih nan Pathian hnenah tawngtaina neiin rorel tan a ni.
Rorel I-na Kan Branch Vice President Pu S.Lalruatsanga chawlh dilna chu ngun taka sawi ho a nih hnuin a rawn dilna chu zahawm viau mahse tun atan chuan la pawm sak lo mai ni se an ti.
Rorel II-na Branch-ina a thunun mek Pu Nanghekmanga, Pi Nianglianchini, Pu Thangkhanlanga te ngaihdam dilna chu ngun taka ngaihtuah a nih hnuah an dilna pawm sakin thunun an nihna chu hlih sak a n ni.
Rorel III-na Central YMA atang Branch tina YMA chhang din theih ni se an tih chu kan Branch-ah pawh ngun taka sawi ho a nih hnuin kum 2009 atan kan Branch-ah pawh din ve nise an ti a, Section Wise-a din nise April thla chhunga …

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…
ni 14.2.2018 (nilaini) 
ZOKHAWTHAR ATANGIN FOREIGN BUNGRUA A CHHUAK TUR A NI LO :
Nimin chawhnu khan Champhai DC Charge lal mek tu Lalsangpuii Hmar chuan Zokhawthar Border Trade kaltlanga sumdawnna khawihtute chumeeting a neihpui.
He hunahhian Sumdawng pawl hrang hrang SITU, EXIM, ZTU leh CTU bakah YMA, Champhai Jt. VC leh MJA aiawhte an tel a. Lalsangpuii Hmar chuan Zokhawthar kaltlanga sumdawnnaah harsatna leh buaina awm thin chupawi a tih thu sawiin, hei hian nasa takin khawtlang a nghawng a. Chuvang chuan harsatna