Skip to main content

Champhai Tualchhung Chanchinthar

ADDL. SECRETARY HOIN ZOKHAWTHAR CHUNGCHANG SAWIHO :Zokhawthar Welfare leh CTU te buaina kal zel avangin Champhai Bazarah chawhmeh hralh chhuah tur a vang tan hle. Bazar a chawhmeh zuar te hnen atanga thu kan dawn danin, chawhmeh tam zawk hi Zokhawthar lam atanga lakluh ani a.CTU te'n Zokhawthar kawng an dan atang hian chawhmeh an khawlsa in a daih lo tan mek a. Tualchhung thar tlem azawng chauh zawrh tur an hmu tawh a, nitin chawhmeh zuara ei zawngte'n an eizawnna ber hetianga dan beh a ni chu pawi an tih thu sawiin, he an buaina hi chinfel thuai ni se an duh thu an tarlang a. 
Hetianga Zokhawthar kawng dan a nih avanga chawhmeh hralh tur avan tak avang hian chawhmeh man pawh a to phah ni a sawiin, thlai chi hrang hrangte hi Cheng-40 leh 50 inkar velin a man pangngai aiin a to tawh niin an sawi bawk. Zokhawthar atanga lakluh nepnawi zuartute pawhin an neih sa a zawh tep tawh thu an tarlang a, an dawr a kawrawng tan hle a, an thil zawrh man erawh a man pangngai rengin an la zuar…

Article

INDEPENDENCE DAY I HMANGLO NGAM ANG
-Uncle^Shabby
Thankhat lian teh meuh mai India-in British a\anga zalenna a sual chhuah lâwmna chu Mizoram pawn kan hmang ve ta. Mizoram chhûng hmun hrang hrangah pawh urhsun takin hnam puanzar pawt parhin lâwmna hun kan hmang ve \hin. Amaherawhchu hemi lâwmna tûra sum kan sem dân erawh hi chuan lung a van ti awi lo tâk êm?
Aizâwl khawpui Independence Day lâwmna pêng pakhat Football Tournament-ah ringawt pawh Rs. 2 nuai an seng a, Mizoram hmun hrang hrangah erawh chuan Rs. 2 nuai hi District pakhat hman tûr hian mi pe em le? Independence Day chauh pawh hi a nilo Chapchar Kût, Republic Day thlêng hian a ni vêk. Aizâwl-ah duh tâwk a an hman tûr pawisa an lâk pen hnuah District hrang hrangah min sem kual leh ni ber hian a hriat. A van lungchhiat thlâk tak êm?
Hetiang dinhmuna ding reng chûng hian ngatinge kan khawtlâng hruaitute hian Aizâwl lama kan hruaitute hi an nawr ve loh le. Nge sum tlêmtêah hian kan la lungawi tâwk. Hmasâwnna kawng hrang hrang pawh nise Aizâwl leh District dang hi kan in ang vêk dawn lâwm ni, ngatinge hmasâwnna tûr kawng hrang hrang hi Aizawlin an neih vêk bîkna chhân. District hrang hrang pawh hian hmasâwn chu kan duhin sum pawh kan mamawh ve tho a ni lâwm ni? Tun anga kan kal reng anih hi chuan Aizâwl khuan min la tham lo ngawt ang le. Champhai District hian Aizâwl ho hmai phih nana sum tlêmtê min rawn thehchhuahah hian i lâwm tâwk tawh lovang u, kan chan tur leh kan dawn tûr zât dawng ve thei tûrin i harh tar ang u. Sum tlêmtê hmanga tih lâwm theih District kan la nih chhûng chuan Aizâwl pa ho khuan Champhai District thau hi an duh tâwk an sawk a ni tih hi kan rilruah i vawng reng teh ang. Chutilo zâwng Aizâwl ho fin chelh loh khua Champhai District hi hmasâwn tak tak si lo hian kan kual kan kual ve ringawt ang tih a hlauhawm a lâwm le. Champhai Bialtu MLA zahawm tak Pu Zoramthanga‘n Rs. 2 nuai Independence Day Football Tournament khelh nan a tum laiin, a dinhmuna din tirtu a bial mipuite hi enge min tihsak ve.
Hêng hunpui hi kan hman ngei ngei tûr tih kan hriat chian sa a ni a, a rawn thlen dawn hian a hma lâmin DC hian Committee ko se chutah chuan thil chi hrang hranga kan sum hmantur ruahman lawkin hotute hriattîr ta se. Chuta kan mamawh ang min pe thei lo a nih chuan Champhai District hian i hmang lo ngam ang u. Entirnan : School hrang hrang Parade a tel te School 30 a\angin lo ni se Rs. 1,000/- \heuh pe se, Parade a Pakhatna Rs.5,000/-, Pahnihna Rs. 3,000/-, Pathumna Rs. 2,000/- a vaiin Rs. 40,000/-, Football Rs. 35,000/-, Basket Ball Rs. 17,000/-; Volleyball Rs. 17,000/-; Decoration Rs. 20,000/-, a tûl apianga hman tûr Rs. 21,000/- a vaiin in Rs. 1,50,000/- ruahman ta se, Block pakhatin an lâwmna tûr Rs. 30000/- \euh ruahman tel bawk se. Mihring chuan duh tâwk chin neilo mah ila hêng zât pawisa kan neih hi chuan mawihnai tak leh ropui ve tak chuan kan lâwm theiin a rinawm tlat a ni.
Ruahmanna fel tak nena kan hotuten an thlen tawh min lo pawmsak lo a, kan mamawh ang zât pawisa min pe thei lo a nih chuan an duh leh Aizawlah chiah lâwm mup mup mai se ani mai a lâwm. Kan mamawh ang zât sum min pêk ve hma chu hmang duh lo ngat ngat ila engtik hunah emaw chuan kan sum mamawh kan sawi apiang hi mi pe lo ngam dawn lo tih hi a chiang reng. Independence Day lo thlêng tûr hi kan lâwm lo nilovin a lâwmna tûr sum kan ngeih tlêm em avâng zâwkin Independence Day hi Champhai District hian i hmanglo ngam ang u.

Comments