Skip to main content

Champhai - Tualchhung Chanchinthar ni 21.6.2018 (ningani)

HEROIN HAWNG 11 MAN :
Nizan hmasa khan Champhai Khankawn Police Check Gate ah Zokhawthar to Aizawl Maxi Cab pakhat atangin Heroin Hawng 11 leh a neitu ni a puh hmeichhe pakhat chu Police ten an man.
Champhai Police hotute hnen atanga thu dawn danin, Zokhawthar to Aizawl Maxi Cab a chuangte an enfiahna lamah Zarzosangi (52) d/o Vanhnuaithanga (L)  Sazep khua ni a insawi hnen atangin Heroin Hawng 11 (Gram 143) an man a. Heroin neitu chuanna Maxi Cab Driver hi he ruihhlo chungchangah hian inhnamhnawihna a neih loh avangin thubuai siamsak a ni lo thung. Heroin man tak hlut zawng hi tualchhung hralhna a chhutin Rs. 5,50,000 man a ni.
ND&PS 21 (b) tlawhchhan a man Heroin man tak Hawng 11 (Gram 143) hi kum 10 lungin tan leh Rs. nuai khat thleng chawi tura hremna pek theih a ni.
Zarzosangi hi ND&PS Act tlawhchhanin thubuai siam sak a ni a, nizanhmasa khan Champhai Plice Station lock Up ah tantir a nih hnuin nimin khan District Court ah hruai niin Champhai District Jail ah dah luh nghal a …

Article

Kan Nu leh Pate Aiawh tur Keiniho hi !!
By : Lalhuapzauva

Hnah hlui an til a, hnah tharin a rawn thlak ang hian keini, tunlaia thalaite hian nakin lawkah chuan kan nu leh pate ai kan awh a tul dawn. Tuna mahni thatna tur pawh ngaihtuah pha mang lo keiniho hi chhungkaw enkawla kan phi buai ve fe ala tul ang. Chumi hun atan chuan tuna i awm dan kha tha tawkin i hria em?
Kan nu leh pate : Tuna kan nu leh pate zinga tam ber hian chhungkaw bul tanna tur min siam lawk sak hlawm a. Buai vak lova chhunzawm tur kan nei sa hlawm avangin kan hlawhtlin leh tlin loh chu kan kutah a innghat. Nu leh pate rethei ve tak pawhin, kan fate tan tiin kan mamawh ber pakhat zirnaah nasa takin hma min lak pui a. Hei hi kan vanneihna a ni. Vairamah chuan mi retheite tan lehkha zirna chance a awm lo tluk a ni. Zirna lama sorkar tanlakna pawh nu leh pate’n an fate tha an it vangin an ngai pawimawh zo lo va, tet te atangin kan chhawr thin. Keiniho chu hmalakna tur atana bul tanna tur kan nu leh pate’n min hnutchhiah deuh vek. Mahni chan thlirin vanduai intiin indawm kun ngawt suh. Nang aia dinhmun phet zawk tam tak an awm. Kan nu leh pa thenkhat chu kan tana thahnem an ngaih luatah an thawkrim lutuk a, an kulcho phah. A thente phei chuan sum felhlel thlengin an um phah a nih hi.
Keiniho ve hi : Tunlaia kan thalaite nun hi han thlir ve teh. Nu leh pate aiawh zo tur hi an tlem in i hre ve lo maw ? Thalai tam takin ruihhlo kan buaipui a. Chhungkaw tana thawhchhuah chu sawi loh, chungte thawhchhuah sa kan ru a, kan intirethei mek anih hi. Thlarau piantharna kan nei lo a nih pawhin mihring tumruhna tala sim ava hun em. Tuna i awm ang kha chuan nupui / pasal neia chhungkaw din chu i pha lo a nih kha. Ruihhlo a buailo kan thalai tam tak lah thawkchhuak rual ni siin, kan thawh theih tawk iaiin kan inla milian a. Kohhran leh pawl hrang hrangah kan inhmang a, a tha e. Mahse kan chhungkaw tan enge ka thawhchhuah ? tih hi kan inenfiahna nise a duhawm ngawt mai. Kohhran leh khawtlangin mitha taka kan ngaih, chhungkaw tana tangkai si lo kan awm fur lo maw ? Tunlai khawvel changkanna ruala ke pen ve duh siin Cigarettes leh Kuhva kan nghei thei lo va. A bill pek tur thawk chhuak uk lo khan Mobile Handset tha tha kan hum a, ren nachang hre lovin thiante Message thawn nan leh mi bawl velnan pawisa tam tak kan tiral a nih hi. Nu leh pate thla phena kan la awm rih avangin mi pangngai anga lang kan lo ni reng em le ? Mahniin ding dawn ta la, i ngam meuh em ? Tuna kan dinhmun en hi chuan kan tlahniam tial tial dawnin a lang tlat a ni. Keini rual, mi fel, thawhchhuah nei tlem te hi ngaisangin entawn i la. Kan ngaihsan zawng pawh i thlak ngam ang u.
Kan nu lah pate mawhphurhna la chhawng thei turin thalaite hi kan insiamtha dawn lo’m ni ??

Comments

Popular posts from this blog

Champhai Tualchhun Chanchinthar ni 18.6.2018 (thawhtanni)

RUAHSUR AVANGA CHHIATNA :
Kar hmasa Ningani leh Zirtawpni ruah sur avang khan Champhai khawpui chhungah chhiatna hrang hrang a thleng nual a, hriat theih china chhiatna thlengte :
1. Pu Topuia Tochhawng IB veng, a in bul a min a, leimin hian a in chu tih chhiat anei lo va, kawngkal a awm avangin a min belh zel tur ven nan silpaulin pek an ni.
2. Pu Muana Hangsing Kanan veng chu a ram in la sak lohna a min a, leimin hian a thenawm te in luhna tlemin a khoih tel deuh a. A thlang Kanan veng field panna leivungin a hnawh a, PWD hriattir tawh an ni.
3. Kanan veng to Electric veng inkal pawhna Sapsakei lamlian ni 13.6.2018 a min chu a min belh a, kawng hi a hnawh ping a, a bul hnaia cheng Pu Hrangthanzama chhungkaw member pathum (3) te chu engemaw palhah an inthiar chhuak a. Kawngping hi PWD EE hrilh tawh a, clear thuai tum a ni.
4. Tuipui leh Champhai inkar ah kawng block a awm a, tunah chuan clear fel a ni tawh.
5. Kanan veng hman kuma min nasa tak kha vawiin ruah sur avangin a min leh a, min n…

Champhai - Tualchhung Chanchinthar ni 21.6.2018 (ningani)

HEROIN HAWNG 11 MAN :
Nizan hmasa khan Champhai Khankawn Police Check Gate ah Zokhawthar to Aizawl Maxi Cab pakhat atangin Heroin Hawng 11 leh a neitu ni a puh hmeichhe pakhat chu Police ten an man.
Champhai Police hotute hnen atanga thu dawn danin, Zokhawthar to Aizawl Maxi Cab a chuangte an enfiahna lamah Zarzosangi (52) d/o Vanhnuaithanga (L)  Sazep khua ni a insawi hnen atangin Heroin Hawng 11 (Gram 143) an man a. Heroin neitu chuanna Maxi Cab Driver hi he ruihhlo chungchangah hian inhnamhnawihna a neih loh avangin thubuai siamsak a ni lo thung. Heroin man tak hlut zawng hi tualchhung hralhna a chhutin Rs. 5,50,000 man a ni.
ND&PS 21 (b) tlawhchhan a man Heroin man tak Hawng 11 (Gram 143) hi kum 10 lungin tan leh Rs. nuai khat thleng chawi tura hremna pek theih a ni.
Zarzosangi hi ND&PS Act tlawhchhanin thubuai siam sak a ni a, nizanhmasa khan Champhai Plice Station lock Up ah tantir a nih hnuin nimin khan District Court ah hruai niin Champhai District Jail ah dah luh nghal a …

Champhai Tualchhung Chanchinthar ni 14.6.2018 (ningani)

DISTRICT LIBRARY HLUT : Kumin chhungin District Library tlawhtu mi 2094 anawm tawh. Champhai District Library-ah member 1809 an awm mek a, puitling 1591 leh naupang 216 an an ni a, member thar puitling 3 leh naupang 2 an awm bawk. Lehkhabu thar 276 awmin lehkhabu 29,164 a awm mek a . Library tlawhtu hi mi 2094 an awm tawh ani. District Library ah hian mizo chanchinbu 5 awmin magazine mizo ziak 4 leh saptawnga ziah 1 a awm bawk. District Library member hi nih theih reng niin a duh apiang tán inziahluh theih reng a ni a, zirlai te tan zirna atana tangkai leh pawimawh tam tak en tur a awm a, zirlai ni lo tan pawh Pathian thu, hriatzauna leh thawnthu bu chi hrang hrang chhiartur a awm ani.
RUAHSUR NASA LEH CHAMPHAI : Ruahsur nasa avangin PHE Dept ten Tuipui lui, tui an pump na hmun thenkhat chu tuiin a chim tawh. Ruahsur nasa avang hian Champhai tui lakna ber, Tuipui lui chu a lianin a nu nasa hle a, pump tlak a nih loh avangin PHE Dept te hian ni 5 chhung chu Champhai khawpuiah tuisem a…