Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Tunkar Chhunga Champhai Thil Thleng (11-16.8.08)

11.8.2008 (Thawhtanni)
Lemziak Inelna
Art & Culture Deptt. buatsaihin Inrinni khan Primary School II ah lem ziak inelna neih a ni ta a, hetah hian Clas X hnuai lam zirlai, sikul hrang hrang a mi 64 an tel.

Circle Order Pe
Champhaia PHE Circle Office hawnna tura Sorkar Order chhuak thar Copy chu Inrinni khan NGO hruaitute hnenah hlan a ni. SE Office thar hi CHANEM buildinga dah a rem em tih rawn thli thlaiin Er. Lalhmachhuana SE Champhaiah a lokal. Hetihlai hian Champhai NGO hruaitute chuan Champhaia District Session Judge an awm ve theihna turin hma an la mek a, Guwahti High Court thuneitute hnenah leh Mizoram sorkar hotu te hnenah an dilna a pui tlin thuai theihna tura hma la turin an ngen a, he thu bawhzui tur hi Aizawlah palai an indah mek bawk.

Top Ten-ah Tling
Zoawi Lelte, Sumeon Zaithanpuia chu Skylinks in an buatsaih Zo Star inelna neih mekah Top 10 ah tling chho.Zaia hi intihsiakna a tel zingah a zai tha ber ber a ni phak a, endiktute pawhin an Comment tha thin hle. Nl.Lalrinchhungi erawh engemaw vang mai mai in a tling lo tih thu kan dawng a, endiktu 3 te chuan tlingah an pawm laiin khawimaw lai kil atangin an hnawl niin thu kan dawng. Zo Star Top 10 te hi Mizoram District khawpui hrang hrang fanpui an tum a, Cham phaiah lo dawngsawngtu tur an la awm remchang thei lo a ni

Report Turin Hriattir
Tukin zingkar hian CHA-NEM Complex ah CDVA Silver Jubilee hriatreng na Lung chu tundin a ni ang a, naktip, Nilai chaw hma dar 10:00 ah Pu H. Lalchhuanawma DLAO in Lungphun hi a hawng ang.Lungphun tur hi Pu B.Remmawia JCB hmangin tundin a ni ang.

=========================================================================
12.8.2008 (Thawhlehni)

Seminar Nei Dawn
Vawiin atanga Aug.14 thlengin Human Rights Commission in Champhai
Vengsang YMA Hall ah seminar a buatsaih dawn a, he huna tel tur hian Sub-Hqrs. YMA thut hmuna Branch tin President theuhte tel ngei tura hriattir an ni.

Training Hun Sawn
Vawiin leh naktuk a Champhai Block huam chhunga P/S zirtirtute tan SSA Training Hall-ah Refresher Course Training neihtura lo tih tawh chu remchan zawkna avangin August 19-20 a neih turin sawn hlat a ni e.

Town Br. Comtt.
Vawiin chawhma dar 11:00 atanga tanin Sub-Hqrs. YMA Office ah Champhai Town Branch YMA Comtt. neih a ni dawn a,an thu rel tur zingah Town Br. YMA kal zel dan tur a tel a, he Comtt. ah hian Town Branch YMA O/B te tel vek tura beisei an ni.

Tanpuina Lo Thleng
Canada rama Faser Valley Gleaners-in Vegetable Mixed Soup an rawn thawn chu District 4-a sem atan a niin nimin khan Champhai District a sem darh tur bur 100 chu Champhaia Sub-Hqrs. YMA hruaitute hnenah a lo thleng a, August ni 26 a Coordination Committee neih hunah a dawngtu turte thlan fel a ni ang.

IR Tur Thawn
5th I.R.Bn. tur a Intlar, tehfung chi hrang hrang paltlang ta mi 367 te hming chu Champhai S.P.Office atangin Hqrs. ah thawn thlak a ni ta. Champhai District ah hian mi 107 lak an ni ang.

Fimkhur Turin Chah
Sub-Hqrs. YMA chuan Branch tinte chu Pem lehkha pekchhuah leh lo dawnsawn chungchang ah fimkhur taka thil ti thin turin a chah a, Pem leh kha pek thuah kaih hruai na awmte ngai pawi mawh theuh turin an hrilh.

========================================================

13.8.2008 (Nilaini)

Jubilee Lungphun
Vawiin chawhma dar 10 hian Champhai District Volleyball Association chuan kum 25 (Silver Jubilee) an tlin hriatreng na lungphun CHANEM bula an phun chu Pu H.Lalchhuanawma DLAO a hawng dawn.

T.T Competition
Champhai District Table Tennis Association buat saih District Ranking Tournament chu vawiin chawhnu dar 3:00 hian Venglai Community Hall ah khelh tan a ni dawn a, chhun dar 12 thleng tel tumte tan OB te hnenah Entry Fee pek theih a ni e

Convener Ruat Fel
Nimin khan Pu Kalkhama In Vengthlangah ZKP, ZNP leh MPC hruaitute chu an thawhho dan tur chung changah a vawikhatna atan an inhmukhawm a. Pawl hrang hrang hruaitu kalkhawmte hian United Democratic Alliance (UDA) alo piang chu lawmawm an tih thu sawiin UDA-ah hian Zoram mipui intodelhna a pian chhuah ngei an beisei thu an sawi bawk. Hruaitu kalkhawmte chuan Convener atan heng mite hi an ruat nghal-R.Deng-kunga, President ZKP, Champhai Dist., C.Thang zama President ZNP Champhai North Block, F.Roliana,Vice President MPC South Block, C.Lal biakchhuanga, ZNP Champhai North leh Lal thangliana, Vice President, MPC Champhai North Block te an ni.

I-Day Chess
Vawiin chawhma dar 11 atang hian Venglai Community Hall-ah Champhai Dist. Chess Association buatsaihin Independence Day Chess Tournament khelh tan a ni dawn a, Pu Lalnunmawia Vice President Champhai District Sports Committee khual lian a ni ang.

Interview Nei Ta
Nimin atang khan DEO Office Chamber-ah Hindi zirtirtu tur atana personal inreview neih tan a ni.

============================================================

14.8.2008 (Ningani)

Lo Thleng Ang
Naktuka Champhaia I-Day Chhangphut Field-a hmanna tura khuallian tur H&TE Minister Dr.Lalzama chuan vawiin tlai dar 4:00 bawr hian Tourist Lodge alo thleng ang.

Chess Zo Fel Ang
Nimin Chawhma dar 11:00 khan Venglai Community Hall ah Independence Day Chess Tournament khelh tan a ni a, he competition hi Pu Lalnun mawia, Vice President, Champhai Dist. Sports COmmittee in a hawng. He inelna hi vawiinah chhunzawmin zawhfel theih beisei a ni.

NGO Kokhawm
Nimin khan Venglai Community Hall ah Champhai NGO hruaitute leh Restaurant & Tea Stall neitu te an thukhawm a, he hunah hian kohhran hruai tute pawh sawm an nih angin an kal tha hle a, Tea Stall neitute erawh an kal tha lo hle thung.Dan ang thlapa Gas Connection pekchhuah a nih theihna turin Tea Stall & Restaurant neitute leh NGO hruaitute bakah LPG thu neitute inhmuhkhawm leh nise an ti.

Vuiliam A Ni
Pu Rokunga(80) New Champhai chu nimin zing dar 2:00 vel khan thisen sang vangin an mahni chenna In ah a boral a, nimin vek khan New Champhai thlanmual ah vuiliam a ni

Zirtirtu Interview
SSA Mission, Champhai District hnuaia Upgraded Upper Primary School zirtirtu hna diltute Personal Interview chu neih zui zel a ni a. Vawiin hian Serial No. 281 chin chunglam zawng tan interview hi neih zui leh a ni ang a vawiin hian zawhfel theih beisei a ni.

Science Congress
Vawiin chawhma dar 10:00 atang hian Cham phai District Teacher Orientation Workshop for Children Science Congress chu DSYO Meeting Hall, CHANEM-ah neih a ni dawn a. He workshop-ah hian M/S leh H/S tin atangin Science Teacher pakhat theuh kal tur a ni.

===============================================================

16.8.2008 (Inrinni)

Tlangsam 1-na
Beautification of Cham-phai Town Comtt. hnuaia thingphun inelna chu nimin khan I-Day lawmna inkhawmah result puan niin lawmman sem nghal a ni a:-1.Tlangsam Br. YMA 2.Ruantlang Br. 3. Mualveng Br. te niin hma la tha leh enkawl uluk consolation prize dawng te chu GMHSS NSS. Vengthlang Br., HHTha Br.YMA, Venglai Br., Be-thel Br leh MUP te an ni.

Joint Meeting
Vawiin chawhma dar 10 hian ZNP South Block leh North Block hruaitute chuan Pu C.Thangzama In Bethel Vengah Joint Meeting an nei dawn a. Hetah hian mithar lawm luhna hun tur leh Joint Block din chungchang an ngaihtuahho dawn a ni.

Scholarship Exam
Vawiin chawhma dar 10:00 hian District dang te rual Champhaiah pawh Govt. GM HSS Champhai-ah National Means Scholarship cum Merit Scholarship Exam, 2008 neih a ni dawn a. He exam hi Class IX tana buatsaih niin, a ti tha zual thlan chhuah ten Aizawl ah State Level exam an nei leh dawn a, hemi hnu hian national level exam neih zui leh a ni ang. Zirlai talent nei tha leh beisei awm zual a tam thei ang berin he exam hi neih theih a duhawm hle.

Jail-ah I-Day
Champhai District Jail tang mekte leh MZI tangrualin vawiin hian Jail ah Independence Day 2008 lawmna hun hman a ni dawn a, DC Pu T.V.Fambawl chu khual lian a ni ang a, Jail tang ten kawng hrang hranga intihsiakna an neih lawm mante chu DC nupui Pi Nihluani'n a sem ang a, chawhnu lamah zai leh lama intihlimna hun hmang in tlaiah lawmna ruai an kilho ang.Vawiin Jail tang te senso tur sum hi DC in a pe a ni

Comments

Popular posts from this blog

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…