Skip to main content

Champhai Tualchhung Chanchinthar ni 23.3.2019

PRISM MP CANDIDATE IN RAM LEH KHAWTLANG TANA HMALAK TUM :            Nimin khan PRISM Party MP Official Candidate TBC Lalvenchhunga chuan Champhai MJA Press Club ah Press Conference neiin, kumin MP inthlan lo awm tura ram leh khawtlang tana hmalak a tum dan tlangpui thuthar thehdarhtute hmaah a sawi lang.             TBC Lalvenchhunga chuan Mizoram aiawha MP a thlantlin a nih chuan CAB dodal nan Mizoten kan chanvo dik tak kan neih theihna turin theihtawp a chhuah tur thu leh India ram rorelna sang ber Parliament ah RIght to Succession Bill a thehluh tur thu a sawi. MP a thlantlin a nih chuan CAB in Zo hnathlakte laka nekchepna leh a thalo zawnga nghawng a neih dan tur kawng hrang hrang a tarlang a. TBC Lalvenchhunga chuan Zo hnahthlakte ram, hnam tobul leh nihdan phung dik tak hmuchhuak turin Sawrkar in ziaka chhinchhiahna a neihte fawmkhawm a tum thu a sawi a.             MP LAD sum hmanga chhawrnahawm thilsiam chhuahna din a tum thu te, thenawm ram Bangladesh leh Myanmar sawrkar nena …

Vengchhung Chanchin

Budget Ruahman Dawn
Kum 2008-2009 Branch hrang hrangte Budget tur chu Ni 26.8.08 (Thawhlehni) hian Sub-Hqrs. Coordination Comt. in a ngaihtuah dawn ta. Hemi rual hian nakum Annual Conference neihna hmun leh hun tur pawh an rel nghal dawn bawk.

AIR FM Live Phone
Mobile phone pawhin a man theih tur FM radio chu August ni 15 India Independece Day hian AIR Aizawl chuan a pe chhuak dawn ta a. Tlai dar 5 atanga zan dar 10 thleng programee pechhuakin Mizo leh sap hla tha tak tak a ngaihthlak thei dawn a ni. He AIR FM hi 100.7 Megahertz-ah a man thei ang. Ni tin tlai dar 5:00-5:30 ah Gospel, dar 5:30-6:30 leh 8:00-9:00 thlen western music, dar 9:00-10:00 lengzem/lenglawng a pe chhuak dawn a. Nilaini, Inrinni leh Pathianniah dar 6:40-7:00 ah sap hla, dar 7:00-8:00 inkarah Hindi hla a pechhuak ang a. Thawhtanni, Thawhlehni leh Zirtawpniah dar 6:40-7:00 ah Hindi hla hi a pechhuak bawk dawn a ni.
NGO fakawm
Champhai Civil Hospital-ah hnrei tak Doctor te indaih lohna phuhrukna turin NGO Champhai te chuan Doctor tha tak mai an nawr chhuak leh ta a lawmawm thin nei mai.
Jt. VC in min ngen
Vengthlang huam chhung hi a lo thianghlim nan leh a nawm zawk theih nan Ui leh Ar te i khuahkhirh tha leh ang u. Tin, mahni In leh kawtko te pawh theih ang tawk tawk a thianfai leh turin Jt VC te chuan min ngen e.
Ni 100
NREGS hnuaia ni 100 inhlawhna chu tunah hian thawh chhunzawm leh tur a tih a ni a. Pu C. Tailova In chho kaw ngpui hi Oneway a kaltir tum a ni e.
Website Kan Nei Ve Ta
YMA Palai Editorial Board chuan YMA Palai a duh apiang ten Internet kaltlanga an lo chhiarve theihna turin www.ymapalai.blogspot.com chu a buatsaih ta. Hmun danga kan chhungte leh kan nau awmte i hrilh darh ang u.

Awmlai
Nilai zan dar 1: 30 bawr vel khan Pu Thanrawia, K-95 V-Section chu Pumna vangin anmahni chenna inah a boral a, hemi ni vek hian vuiliam leh nghal ani, khawhar chhungte kan tuarpui e.
Lawmthu
Vengthlang bialtu V/C te chuan Run Mawi sak kal mekah tanpui nan Rs. 5000 min pe a an chungah Vengthlang Branch YMA chuan lawmthu a sawi mawlh mawlh e.
Electric wiring zo
YMA bungrua dah nan a insak chu zawhfel a ni ta, kar hmasa khan Tv. H. Lalthanmawia, Pu Rualkhuma Hmar leh Pu K. Lalnuntluanga te chuan Electric wiring neiin an hnatlang an chungah kan lawm hle.
Hnatlang
Nimin zing khan Pu K. Lalthlengliana te inbul kawngpui chhe lutuk chu Branch O.B., Neuva Section O.B leh mithahnem tlemte ten Boulder phah in anhnatlang a, hnatlang thingpui min lum saktu Pu K. Lalthlengliana leh a chhungte chungah lawmthu kan sawi e.
Lang Camp nei
Nimin khan Vengtlang Pres byterian Naupang Sunday Sikul chuan Vengthlang Koh hrana Crusades neih chhun zawm nan Biak In ah Lang Camp an nei.

========================================
Sub-hqrs in Group leh Branch tan hriattirna chhuah
Vengthlang,10th August (Pathianni) :A hnuaia thupui hrang hrang tarlante hi Champhai Sub-Hqrs chuan Group leh Branch huam chhung a tan a hriatir: 1.Pem Lehkha chungchang : CYMA in pem lehkha siamchungchang a kaihhruaina a duan zulzuiin Pem lehkha hi dik taka siam a nih theih nan fimkhur leh uluk taka siam thin tur leh Executive Committee in relin, a thutlukna pawh Pem- lehkha ah hian tarlan ni ngei nise, tin, a dawngtu Branch YM pawhin uluk taka Pem lehkha hi enfiah ni ngei thei se. 2. Special Revision of Photo E/R 2008 Chungchang : Ram leh hnam hnuk khawih, hi thil pawimawh tak hi khua leh tui dik tak ten an chan theihna tur leh CYMA in ngenna a siam zuiin mahni hnam theuhah kum tling dikte thun an nih theih nan theih tawp chhuah turin kan in ngen ani. 3. Ram pum huap YMA Chhang pual Recitation Intihsiakna Vanapa Hall, Aizawlah October 2, 2008 hian neih tur a ni. 4. Sb-Hqrs. YMA Co-ordinator Committee din chungchang : July 24, 2008 a CYMA hruaitute leh Sub-Hqrs hruaitute, CYMA Committee Hall, tuikhuahtlang, Aizawl a Joint meeting-in thu phung a rem a tih angin July 31, 2008 a Sub-Hqrs. YMA Champhgai hruaitu thu khawm chuan kum 2008-2009 chhung a Sub-Hqrs. YMA Co-ordinator Committee member atan hian Sub-Hqrs. YMA Executive Committee member dinglai bakah a huam chhung Gr. YMA pariat (8) a President leh Secretary theuhte a ruat nghal. He Sub-Hqrs. YMA Co-ordinator Committee hi thla thum danah vawi khat tal Committee nei tura ruahman a niin Committee hmasa be neih hun atan August 26, 2008 11:00 Am ruat a ni a, A hmun atan Sub-Hqrs. YMA Committee Hall, Tlangrawt chu ruat a ni bawk. Thu ngaihtuah tur atan : 1) Sub-Hqrs YMA Champhai Annual Conference 2008, neihne tur hmun leh hun te, 2008-2009 Sub-Hqrs. YMA Budget chungchang leh thil dangte a ni ang.5. Human rights Commission in August 12-14, 2008 hian Champhai Vengsang YMA Hallah Seminar a buatsaih dawn a, he hun hmang tur hian Sub-Hqrs. YMA Champhai thut hmun Br. YMA President theuhte chu ruat an niin, DC, Champhai ah thehluh a ni a, he hun hmang ngei tur hiasn ngen leh beisei a n ni a, he lehkha hi hriattirna a ngaih nghal tur a ni. 6. July 20, 2008 (Thawhleh) a DC Pisa a Sub-Hqrs. YMA Champhai leh khawtlang hruaitute thukhawm chuan, Phone hrui rukbo vanga harsatna tawh dan thlir hona neiin vangtlang hmanrw pawimawh, tih chingpen vanga harsatna thleng thin sukiang tur hian YMA memberte tlawmngai a pen chuak turin ngen kan ni a, mahni huam theuhah venhimna hnathawk tur leh Information Centre hmanga a khat tawka tlangau thin turin kan in ngen a, Sub-Hqrs. YMA thut hmun Br. YMA te tanla zual turin a bikin kan in beisei nawn leh ani.
==============================
Vengthlang Branch Volleyball team chaktluang zel
Independence Day Volleyball tournament chu Bethel vengah khelh chhunzawm mek zel ani a. Kan veng Volleyball Team (men) chuan an khingpuite an la hneh zel a tunah hian Quarter final an lut fel der tawh ani. Kan veng nula te erawh Khuangleng lakah an tlawm hnuin Nimin khan an dinhmun tur a hriat theih chauh ang. Kan veng aiawh a tel zawng zawngte inchungah leh inchhungte chungah Vengthlang Branch chu lawm tak zet e. Vengthlang Branch Mipa Volleyball team te:
P.C. V.L.Remtluanga Captain K-Sec
P.C. Lalnienga K-Sec
R.T.C.Lalrosiama K-Sec
Lalrinchhana T-Sec
Laltanpuia K-Sec
Lalfakzuala N-Sec
Lalzathanga T-Sec
Michael Lalnunpuia T-Sec
Samuel Lalpektluanga K-Sec
===================================================

Comments

zt said…
Mi remhria leh thahnimngaite zar YMA PALAI website lo awm ve ta hi a lawmawm takzet a ni.. Vengchhung hmasawnna ropui tak tilangtu pawimawhtak ani..Tan in han la zual sauh sauh ang u,Kan Mizo zia hlutakte kha hre rengin Vengthlang hi veng nuam leh changkangah siamzel i tum tlang ang u...YMA PALAI dam reng rawh se..

Popular posts from this blog

Champhai Tualchhung Chanchinthar ni 23.3.2019

PRISM MP CANDIDATE IN RAM LEH KHAWTLANG TANA HMALAK TUM :            Nimin khan PRISM Party MP Official Candidate TBC Lalvenchhunga chuan Champhai MJA Press Club ah Press Conference neiin, kumin MP inthlan lo awm tura ram leh khawtlang tana hmalak a tum dan tlangpui thuthar thehdarhtute hmaah a sawi lang.             TBC Lalvenchhunga chuan Mizoram aiawha MP a thlantlin a nih chuan CAB dodal nan Mizoten kan chanvo dik tak kan neih theihna turin theihtawp a chhuah tur thu leh India ram rorelna sang ber Parliament ah RIght to Succession Bill a thehluh tur thu a sawi. MP a thlantlin a nih chuan CAB in Zo hnathlakte laka nekchepna leh a thalo zawnga nghawng a neih dan tur kawng hrang hrang a tarlang a. TBC Lalvenchhunga chuan Zo hnahthlakte ram, hnam tobul leh nihdan phung dik tak hmuchhuak turin Sawrkar in ziaka chhinchhiahna a neihte fawmkhawm a tum thu a sawi a.             MP LAD sum hmanga chhawrnahawm thilsiam chhuahna din a tum thu te, thenawm ram Bangladesh leh Myanmar sawrkar nena …

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Sermon

Ringtute Hi Khawvel Eng Kan Ni
Chang thlan : Matthaia 5 : 14 - 16
Eng tel lo chuan khawvela nunna neite hi an dam khawchhuak thei lo. Eng hmanga chaw siam thei chauh vek an ni. Thil, a nihna ang taka kan hmuh fiah theihnan pawh eng a ngai a, eng awm lohna ah chuan kan chetvelna pawh a buai zo vek a nih hi. Thimah chuan kawng kan hmu thei lo va, hlauhawm leh hlauhawm lo kan thliar thei lo va, kan mit kan chhawr tangkai thei hek lo. Eng tel lo chuan kan khawsa thei lo a ni
Khawvel Eng - Isua : Isua hi khawvel eng a nih thu Johana 1:9, 8:12 ah te kan hmu. Isua tel lova khawvela nun kan hman chhung chuan thimah kan cheng tihna a ni. Nuamsa takin awm mah ila, Kawng leh Thutak leh Nunna Isua kan neih loh chuan kawngbo kan ni tho. Kan hlawhtlinna te, ropuina leh hmingthatna te pawhin kan damchhung bak a daih lo. Tin, kan nunna atana tha leh tha lo pawh kan finna atangin kan teh ang a, a dik zik tluak chuang lo . Kan hlimna leh lawmna pawh hian tawp chin a nei a, lungngaihn…