Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Vengchhung

Sub-Headquarter in Committee nei
Thu pawimawh hrang hrang rel
Vengthlang,31st August (Pathianni) : Ni 26.8.2008 (Zirtawpni) khan Sub-Headquarters Commitee Hall Tlangrawtah Champhai Sub-Headquarter Committee a nei a. He Committtee hi Pu C. Lalawmpuia’n kaihhruaiin kum 2009 a Sub- Headquarters YMA Conference chungchang leh Sub- Headquarters YMA Budget an thlir ho a. Kum 2009 Sub- Headquarter Annual Conference neih ngei nise an ti a. A hun a tan April thla ruahman a ni a. Tin, a thleng tu tur pawh Champhai Sub- Headquarter nise anti. Tin, kum 2008-2009 atan Sub- Headquarter hnuaia Group leh Town Branch hrang hrangte budget tur thlir hona an nei a. Heng Group leh Branch hrang hrangte Budget tling khawm hi Rs. 33, 500/- tura ruahman chu an pawm tlang bawk.
Hengbakah hian khawpui chhung venhim chungchangah Branch hrang hrangte tan la lehzual tura hriattir nise an ti. kum 2008 a Mizo ram Assembly Election lo awm turah YMA tangkai na tur leh thawh tur hrna ghrang sawi hona an nei bawk a. Amah erawhchu YMA hminga hmalakna erawh neih rih loh nise an ti. Tin, Burma lama kan unau tan tuar mekte chungchangah Branch leh Group hrang hrang ten beng lo chhit nise an ti bawk. Committee neih zawh hnu hian Mautam turte eitur bik Canada atanga Humanitarian Aid, Mixed Soup chu sem nghal a ni a. Group hrang hrang box 78 semin Sub-Hqrs. huam chhung branch hrang hrang 22 ah Box khat theuh sem a ni bawk.

Branch OB Meeting
Ni 29.8.08 (Zirtawpni) zan khan Pu C, Hrangmanthanga Inah Branch OB Meeting pawimawh tak neih a ni a. Hetah hian Runmawi chung chang leh a kaihhnawihte sawihona neih a ni a. Tin, Canada atanga Mautam tuar tanpuina Humanitarian Aid, mixed soup sem dan chung chang sawiho a ni a. He soup hi a tlem tham deuh a vangin Runmawi luahtute leh Damlo leh kan veng chhunga tar chaklo deuhte tlem te te a sem nise an ti. Tin, MPF Champhai North-in MPF kal zel nana NGO hrnag hrnagte tanpuina an dil angin kan Branch chuan Rs. 1000/- pek nise an ti bawk. Sub- Headquarter YMA budget kan Branch Rs. 450 min tuk pawh pek nise an ti.

Hamthatna la
Tunlai Fur ruahsur denchhen in Septik Tank paih / thuah nana hamthatna la an awm leh zeuh thin i sim thar leh ang u. “Nang malsawmna ni ang che ......”
Hmu tha lo tan
YMA Palai hmu thalo kan awm chuan manni awmna Section hruaitute hnenah emaw Editorial Board hnenah emaw hriatir thin tur a ni e.
Runmawi peih fel
Hun rei tak tanga kan lo sak tawh Runmawi chu Electric wiring leh a tul ang ang te thawh zawh ani ta a, a hnuai erawhchu luah theih a la peih chiah loh a ni e.
NPSS khawmpui
Chawlhni leh khi NPSS Inkhawmpui a ni a, tunlai hian Inkhawmpuina turah zing leh tlaiah inbuatsaihna an nei ngawrh hlawm hle.Nimin tlai khan kan vengchhunga Presbyterian Kohhran pahnih chuan enchhinna hun an Biak In ve ve an hmang. Senior Department bik hi chu Ni 21.9.2008 ah nei turin an inbuatsaih mek. Hetiang hi NPSS Inkhawmpuina hmun tur ani e.
Inter/ S’ment : Venglai
Junior : Vengthlang N
Beg/ Pri. : Vengthlang
Senior : Venglai
Damlo
Pu Sangzuala, Pi Tlangbiaki pasal, Neuva Section, Damaska venga mi chu Champhai Civil Hospital-ah hun engngemaw chen an inenkawl hnuin Aizawl panpui a ni a, Aizawl atang hian Gauhati pan tura refer a ni leha, phai lam pan tur hian an inbuatsaih mek. Pu Sangzuala hi dam taka lo haw leh turin duhsakna kan hlan e.

Zun In thianfai thin
Champhai lunlaia Zun In pawimawh ber \awp thin lutuk chu Govt. P/S -II naupangte chuan kartin an thianfai thin a, zirtirtute leh naupangte an fakawm hle. Champhai khaw pui hi faina lamah kan thanharh a hun tak zet tawh e. Hnatlanga thenfai ngai kher lo hian mahni inbual a khawtlang zun in leh kawrh te hi thenfai i tum thin ang u.
Quiz Nei Leh Dawn
Tunkar Nilaini hian District pum huapin SSA chuan zirtirtute Quiz a buatsaih leh dawn.

Lungrem Mek
Police Thana hnuai Jt. YMA ten a kawng an zauh tunhnai ruahsurin a lei a timin chu Sub-Hqrs. hruaitute leh Police hotuten DC hnenah thlenin tunlai hian lungrem hnathawh mek a ni a. Lungrem hna hi Vengsang Branch YMA ten an enkawlin lungrem hi 50feet vela sang rem tum a ni.
Ram Ngaw leh Nungcha
Ram ngaw leh nungcha hunhalh tha te hnenah Central YMA chuan chawimawina a hlan leh dawn ta. Branch hrang hrang ten Sept. 15 ral hma ngeiin kan Branch dinhmun Sub-Hrqs. Office-ah theh lut theuh turin Sub-Hqrs. hruaituten min ngen a ni.
In Sawn Dawn
Kan member Pu R. Zarzo- sanga s/o Upa R. Khawbula tuna Addl. DC, Champhai a awm mek chu Mamit-ah sawn a ni a. Amah tlahna hun hi natuk 1.9.2008 hian a thawhpuiten an nei dawn a. Pu R. Zarzosanga hi kan Member MCS awm chhun niin kan chhuang takzet a ni. Tin, Pi Lalrampari w/o Pu Lalruatpuia (Puia), K-Sec pawh Lunglei Drug Inspector a awm dawn tih thu kan dawn. An ni pahnih hian thla thar lamah chuan an hna zawm turin Champhai an chhuahsan ve ve dawn a. An awmna apiangah Khawtlang tana mi tangkai tak nizel turin duhsakna kan hlan e.
Meeting nei
Nimin chawhnu dar 1:00 khan Vengthlang Kohhran Centenary Hall-ah Champhai North MPF hruaitute leh Political Party tin hruaitu aiawh mi 2 theuhte chuan inthlanna thianghlim leh felfai neih a nih theih dan tur kawng ngaihtuahin Committee an neia, kal tura an ngente an kim thawkhat hle. Hetiang bawk hian karleh ah Champhai South chuan Zotlangah Committee hi an nei leh ang.
F/Ball Players Kohna
Vawiin chawhma inkhawm ban hian Vengthlang Sporting Club Football Players zawng zawngte Pu F. Lalrinmuana Inah kim taka kal tur a ni. Chanchinbu hi kohnaah ngaih tur a ni.
Zuk leh Hmuam
Ni 5.9.2008 (Zirtawpni) hian Rampuam huap zuk leh hmuam chungchang sawihona CYMA buatsaih dawn a. He hun hmang tur hian Sub-Hqrs. Champhai hruaitu atanin mi 2 kal turin an inbuatsaih mek tithu kan dawng.

Boxing ah kal dawn
Senior Men National Boxing Champioship September ni 5 a Punjab hmuna neih tur ah Champhai District Amateaur Boxing Association President Pu Vanlalrona chuan Mizoram team chu hruaiin amah hi manager nghal tur a ni e.

Kawngzawh
Oriisa-a Kristiante tihduhdah duhlohna entir nan Zirtawpni khan Mission School naupang zawng zawngte chuan Cham phai khawpuiah kawng an zawh.

September ni 30-ah
Champhai District Football Association chu Dt.28.8.2008 khan Football House-ah Committee-in Mizoram pum huap Football intihsiak na Hawla & Rii Football Tournament neih tur chungchang an sawi hova, Committee chuan September ni 30 atang khelh tan nise tiin an rel fel ta. He Tournament-ah hian Mizorama Club hrang hrangte a duh apiang tan tel theih a ni. Lawmman hi Mizoram pum huap tur a nih avangin Champion team-in Rs.20,000.00 aia tlem lo an dawn ngei rin a ni a, a zat tur chiah la hrian chian theih a ni lo.

Malsawm Ruah
Tunlai hian Champhai leh a chheh velah mal sawm ruah a sur nasa hle a. Ruahsur avang hian inkal pawhna kawngpui leh leimin thu hriat erawh a la awm lo thung.

Concert nei
Zirtawp zan khan Champhai Town Hall-ah Rajiv Gandhi Akshay Urja Diwas, 2008 lawmna leh Communal Harmony puala inkhawm buatsaih ani a, hemi hunah hian Champhai a zaithiam tak takte zai ngaihthlak a nih bakah mithiamten Renewable Energy leh Communal Harmony chungchang thusawi ngaih nawm tak tak ngaihthlak ani bawk

Final E/Roll tar chhuak
Mizoram pum Aizawl Dist. tihloh District hrang hrangte nimin khan final E/Roll chu tarchhuah a ni ta a, Roll-a kan chuan leh chuan loh chu Election Office-ah en mai tur a ni e.

Sub-Headquarters YMA, Champhai hnuaia Budget
Group Budget


1. Khawzawl Rs. 3,000/-
2. Tuipuiral Rs. 3,000/-
3. Tuichangral N Rs. 2,500/-
4. Kawlkulh Rs. 2,500/-
5. Tuiphal Rs. 2,000/-
6. Rihdil Rs. 2,000/-
7. Vanapa Rs. 2,000/-
8. Sialkal Rs. 1,500/-

Branch hrang hrang Budget
1. Vengsang Rs. 450/-
2. Kahrawt Rs. 450/-
3. Vengthlang Rs. 450/-
4. Venglai Rs. 450/-
5. Kanan Rs. 450/-
6. Bethel Rs. 400/-
7. Zotlang Rs. 400/-
8. Hmunhmeltha Rs. 350-
9. Zote Rs. 350/-
10. Eletric Rs. 350/-
11. Tlangsam Rs. 350/-
12. Ruantlang Rs. 350/-
13. New Champhai Rs. 300/-
14. Vengthar Rs. 300/-
15. Ngur Rs. 300/-
16. N. Khawbung Rs. 200/-
17. Mualveng Rs. 200/-
18. Neihdawn Rs. 200/-
19. Tuipui Rs. 200/-
20. Ngur Vengsang Rs. 150/-
21. Chhungte Rs. 150/-
22. Dinthar Rs. 150/-

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…