Skip to main content

SAWRKAR UISA THIAMTEN NIHNIH CHHUNGIN RUIHHLO NUAI 7 MAN

SAWRKAR UISA THIAMTEN NIHNIH CHHUNGIN RUIHHLO NUAI 7 MAN : Champhai Police-te chuan nihnih chhung lekin Champhai Town huam chhungah Ruihhlo Cheng Nuai 7 man zet an man. Champhai Police hotute hnen atanga thu dawn danin, Police leh CID (SB) tangkawpte chuan nimin-zing khan New Champhai-ah rinhlelh thila an dapna lamah Lalthluaii kum 48, Kaphnawka fanu, Aizawl Bawngkawn ni a inchhal hnen atangin Heroin Hawng 6 (Gram 176) an man a. Champhai Police Station-ah ruihhlo neitu a puh hi ND&PS Act tlawh chhanin thubuai an siam sak a ni. Ruihhlo leh a neitu a puh hi nimin khan District Court-a hruai a nih hnuah Champhai District Jail-ah dahluh nghal a ni a. Ruihhlo (Heroin) man tak hlut zawng hi tualchhung hralhna a chhutin Cheng Nuai 3 (Rs. 300000) man a ni  Nimin chawhma khan Police Petrolling chuan Springdale School piah, Zotlangah Zokhawthar atanga Champhai pana tlan, Taxi MZ04 4049 atangin heroin Hawng 3, Gram 42, tualchhung hralhnaa chhutin Cheng 1,50,000 man chu an man a, a neitu ni-a…

Buatsaihtute Hmathlir

Thingphun Uar

A thupui leh kan thu ziah hun hi a inmil chiah lo a nih pawhin engngemaw ti kawng zawng tal chuan tan lak kan tum phah pawh a tha khawp mai. Thing phun tak phei hi chu hun tawh lo mahse a awmsa enkawl kawngah tan kan lakthar a tha khawp mai.
Nilai zan thupuiah kan zir nasaa, thingphun leh a awmsa humhalh hi kan hriselna atan a tha a, sik leh sa vawngtu a nih avangin hetiang kawngah hian kan thanharh thar lehzual a hun ta khawp mai. Mizoram hi tlangram lo nei hnam kan nih avangin kumtin ramngaw kan vata, ram chang tha leh ngaw dur pui pui kum tin zau tak tak kan thiata, hemi vang hian kumtin khua pawh a lum tial tial a nih hi. Tin, heng bakah hian Ozone pawp thlenga nghawng thei ani a, ni zung natna kan tih pawh thui tak chu hei hian a thunun a ni. Hengte avang hian thingphun hi kan uar leh zual a tul ta khawp mai.
Mizoten hmun nuam kan tih chu a tlangpuiin thing tamna hmun te hi a ni duh khawp mai. Hei hi a chhan ber chu a boruak a thengthaw thaa, tin, hmun hring tha hi mit tan pawh hian zu tha tel tlat bawk a mawle ! Hetiang taka a that leh tangkai avang hian Forest Deptt. pawhin Branch YMA intihsiakna atan thingphun te pawh a lo hmang thin a, a lawmawm. Mahse, intihsiakna piah lamah mipuite pawhin a tangkaina leh kan mamawhna zawn hi kan hriatthiam a pawimawh ta hle mai. Thing phun nun sa chema sah mai maite, tul lova kan kit fo mai te hi bansan a hun ta hle mai. Ram nuam kan siam theihna kawng tam tak zingah thingphun uar hi a kawng pawimawh tak pakhat a ni ve.

Comments