Skip to main content

Champhai - Tualchhung Chanchinthar ni 19.5.2018 (inrinni)

TLAIZAWNG PHUN RUNPUI KALPUI TAN A NI TA :
Nimin khan Champhai leh a chheh vel hmun hrang hranga Tlaizawng phun runpui, Project Tlaizawng chu kalpui tan ani.
Champhai Nature Conservancy (CNC) leh Environment & Forest Change Dept. te tangkawpa buatsaih Project Tlaizawng hawnna hi CHANEM tualah neih a ni a. He hun hi Lalrammawii Chawngthu, President, CNC(www.champhai.net)  chuan a kaihruai a. C. Lalbiaka, Champhai DFO chuan a hmanpui a ni. DFO chuan thusawiin, India rama thing awm zawng zawng hi insem ta ila, mi pakhatin 28 vel zel kan chang thei a, khawvel ram dangte nena khaikhin chuan thing kan nei tlem hle a ni, a ti a. Mizoram pawh hi thing ngah tak angin lang mah ila State Forest Report tarlan danin kum 2015-2017 khan ramngaw km 531 bial kan hloh tawh a, a hmaa ramngaw 93% nei thin khan 8.7% chiah kan nei tawh  ani, tiin ramngaw chereu chhan ber chu ramkang leh kan loneih dan kalphung fuhlo vang a nih thu a sawi.
DFO chuan ramngaw humhalh tura hmalakna lian tham tak tak a lo awm …

Vengchhung

Central YMA in Mipuite hnen a ngenna thuchhuah
Vengthlang,7st September (Pathianni) : Mizote hi inlainat tawn leh indawm taw thin hnam kan ni a. Chung kan nunphung thate chu chhawm nun a nih ze theih nan heng kawngah te hian mipui thlawpna kan ngen ani.
1. Mipuite ti thabar thei zawna hmalakna hrang hrang, ralthuam hmanga invau, inrikrap leh Bomb tihpuahte hi inpumkhatna tichhe thei a ni a. Chuvangin hemi kawnga hma la lo turin pawl hrang hrangte leh mipuite kan ngen ani.
2. Mautam tampui kan hmachhawn mek lai leh ei leh bar a harsatna kan tawh mek lai hian, veng leh khawtlang hamthatna nawrchhuah nana kawngpui dan (Road Block), Zirlai leh Thalai chinchang la hre pha lo hman khawloh leh Sawrkar/Vantlang bungraw ti chhe zawnga hmalak a awm loh nan mi zawng zawng kan ngen a ni.
3. Kumin 2008 hi MLA General Election neih tur anih avangin, Inthlanna thianghlim leh felfal, Roreltu tha thlan chhuah hi Central YMA duhdan leh beiseina ani a. Chuvangin mahni tanghma thlir luat avanga Ralthuam leklamte, Chibing hminga Politics khelhte, Mipui hrek bet zawnga chetna te leh Vote duh vanga thil tih theih loh tur intiam vak vakte, State pawn atanga lo kal- rawlrala che te, sum leh pai hmatheha vote zawnte hi Centrl YMA chuan tha a ti lova, a dodal tlat a ni. Inthlanna thianghlim leh felfai kan neih ngei theihna tur thurawn leh rawtna neite chuan Central YMA ah a thlen theih reng e.
4. Ramngaw, Nungcha leh Mihringte hi nungho leh khawsaho kan nih angin ramngaw tichereu zawnga hmalakna reng reng do ngam ila. Ram riak, ram kal leh khualzin mite kangmei lakah fimkhur nise, kut hlei avanga ram tikang thin hria chuan sorkar-ah leh Central YMA-ah a rang thei ang bera hlen thin nise. tura luisa leh sangha hrai ei hi hriselna tichhe thei a nih avangin miuite fimkhur ila, tun hnaiah khawtlang zahna nei hauh lova tui tlan hrai duh maite an lo awm tak avangin heng mite hi dap chhuaka, an phu tawk hremna pek ngei nise.

==========================================================

Section hriattirna
Section hrang hrangte khan kan huamchhung a thil thelngte bakah Section huam a damlo kan hriatte Editoriala-ah hriattir thin nise a lawmawm ngawt ang.
==========================================================
Hnatlang nei
Thawhtanni khan Pu Ngur zuala lungrem chim thianfaiin member 100 bawrzet mai kan hnatlang a, hnatlang a thawk chhuak zawng zawng chungah Br. chuan lawmthu a sawi mawlh mawlh e.
==========================================================
Runmawi luah ta
Hun rei tak tanga kan lo sak tawh Runmawi chu chhung kaw hnihin Nl. Kukpuii leh Pi Mawii te chhungin an luahfel ta. Tin, luah theih mai turin room ruak ala awm. A luah tur awm ang kan hriat chuan Br. Hruaitute hnenah thlen mai nise.
==========================================================
NPSS tan
Vawiin hian NPSS Vengthlang Pastor Bial-a Department hrang hrang chuan Inkhawpui ahnuaia tarlan ang hian an tan dawn ta. Senior erawhchu Ni 21hian khawmpui an nei ve leh ang. Sunday School Syllabus a tarlan dan chuan Pathian leh (Dt.14.9.08) hi Inkhawmpui tan hun a ni a, mahse kan Bial KTP Golden Jubilee lawm hun nen a innanchin avangin a hun hi sawn hma a ni ta a ni. Vawiina inkhawmpui tur leh a hmun turte
Inter/ S’ment : Venglai
Junior : Vengthlang N
Beg/ Pri. : Vengthlang
==========================================================
Zirtirtu Tlingthar
Keifangthlang Middle School zirtirtu (SSA) atan kan Branch atangin Tv. R. Lalhmachhuana, Leader V-Sec leh Pi J. Lalhma chhuani te an tlingthar kan lawmpui e.
==========================================================
Aircell Nung Ve Leh Ta
Kar hamsa Nilaini atang khan Champhaiah Aircell pawh inbiak pawh theihin an rawn ti nung ve ta. Heti hian Champhaiah BSNL, Airtel leh Aircell a awm ta.
==========================================================
Damlo an tam
Tunlai hian Champhai leh a chhehvelah Khaw sik, hritlang leh awmna a tam hle a, a bik takin naupang lamah a hluar bik. Chhung tinte fimkhur tlang ang u.
==========================================================
Jubillee lawm tan dawn
Zirtawpni atanga hian Vengthlang Pastor bial KTP chuan a dincham kum 50-na (Golden jubilee) bial Centre Veng thlangah an lawm dawn. A lawmna hi Pathianni thleng hman tur a ni ang a, Inrinni ah a lawmna ruai buatsaih an tum bawk. Jubilee hmanpui tur hian Zaithiam lar Bethsy Lalrinsangi a lokal dawn a, a ni bakah hian mimal leh kohhran zai pawl, bial zaipawl te pawh zai tura ruahman an ni bawk. Bial hruaitu hluite chawimawina hlan tur a ni a, jubilee den chhen hian souviner buatsaih a ni bawk.
==========================================================
College veng welfare entawn tlak
Colege veng welfare-te chuan an veng huam chhung kopang hnim lutuk leh kawr (side Drain)te tifaiin an hna tlang a, hnatlang a thawk chhuak zawng zawng chungah College veng chuan lawmthu an sawi e. Tin, veng dang pawh khan kan veng huam chhung singsak ngai lai leh thenfai ngai laite kha College veng ang hian a tih ve theih reng a, YMA hnatlang ngai kher lovin i thawk ve ang u.
==========================================================
Crusade hlut hle
Zoram chhanchhuahna Crusade Champhai Town Hall-a neih mek chu mipuiin an hlut thie hle. Chhun leh zana he Crusade neih mekah hian Pi Lalremsiami hnen atangin Pathian thu ngaihthlak thin a ni a, CCN chuan he Crusade hi LIVE in a pechhuak reng a ni. Pi Remsiami hi zaithiam Maggie leh Lalramchana ten an rawn tawiawm bawk.
==========================================================
Damlo
Pu Sangzuala, Pi Tlang- biaki pasal, Neuva Section, Damaska venga mi chu Aizawlah enkawl mek zel a ni a, zia awm lam a apan chho zel niin kan hria. Tin, Lalthazuala S/o Hual dingpuia N-sec chu Awmna vangin Zirtawp zan khan Champhai Civil Hospital-ah dah luh a ni a, nimin lam khan oxygen pek anih hnuah tunah chuan thatlam a pan chho mek.
==========================================================
Kan lawmpui
Kan Branch member Tv Lalsangliana s/o Rohnaa Sailo, K-Sec. chu tunhnaia MPSC-in AS a lak tharah a tlinga, Tv R.Lalhma chhuana, Vana pa Section Leader leh Pi J.Lalhma chhuani w/o Hualding puia te chu SSA teacher lak tharah an tlinga, Keifangtlanga thawk tur an ni. Tling tharte hi kan lawmpui tak zet e.
==========================================================
Ball Sawh Intihsiak Turin Inbuatsaih
Ni 30.9.08 (Thawhlehni) atanga tan tur Mizoram Basketball Tournament chu a vawi khatna atan CDBBA chuan a thleng dawn. Hemi tur hian Champhai Basketball Team pawh 2 chhuak turin inbuatsaihna an kal pui mek.
==========================================================
Ball Ben Runpui
Mizoram pumhuap Junior leh Sub-Junior Volleyball Tournament pawh tun thla ni 17 hian Chhura hmunah nei a ni dawn.
==========================================================
BDO Thar
Naktuk hian Champhai RD Block BDO tur Lalmuansanga chuan a hna zawm turin Champhai a rawn pan dawn ta. Amah tawiawm tur hian Pu Vanneihtluanga, Lengzem Editor leh Tv. Lalnghinglova Hmar, Vanglaini Jt. Editor ten an rawn kal dawn. Kan BDO thar Lalmuansanga hi Lengzem chanchinbu buaipuitute zinga mi a ni.

Comments

Popular posts from this blog

Champhai - Tualchhung Chanchinthar ni 15.5.2018 (thawhlehni)

CHAMPHAI LEILET ZAWLA KUDAM LEH IN SA THIAH LOH CHHAN ZAWT :
Champhai Task Force te hmalakna kal zelah phaizawla kudam sa te chu thiahsak an nih lohna tur chhan leh vang sawifiah tura hriattir an ni.
Champhai leilet zawl hi Sawrkar dan dinglai angin loneih leh a kaihhnawih atan chauhva hman theih a ni a. Hetiang tur hian LSC leh ram pass pawh pek chhuah a ni a, hei vang hian Kudam sa lo tur leh a sa tawhte pawh thiat tura thupek chhuah a ni a, sa lai te pawh a hmuna kal chilh a tihtawp tir an ni tawh a. APril thla chhung a hriat vek tura tih an ni a, tun dinhmunah thiat emaw thiahsak engmah ala awm lova, thudawn danin heng kudam neitute hnenah hian hriattirna tawp ber pek a ni tawh a. Thiahsak an la nih loh chhan chu Kudam neitute hi COurt lam thu ngaihchan vang leh ni 8 khan Kudam neitute chu Dan ang thlapa thiahsak lo a nih chuan anmahni a thiat tura tih an ni a. Lehkha hi an dawng vek tih finfiah a ni a, lehkha an pek atanga ni 15 hmaa sawi tur nei silova, kudam thiat lo te chu thiah…

Champhai - Tualchhung Chanchinthar ni 17.5.2018 (ningani)

VANTLANG SIKUL - CHAWNCHHIM HSS :
Vantlang zirna In, Chawnchhim Higher Secondary School din tura hmalak mekah a tula ngte tihfel thawkhat tawh a ni.
Chawnchhim Higher Secondary School hi Champhai khawpui chhunga Higher Secindary  School indaih lohna avanga khawtlang hruaitu hrang hrangte leh tlawmngaipawl intel khawmin an din a ni a. HIgh School atanga pawl 10 passed chhuak ten Sawrkar sikul a Admission an hmuh vek theih loh avang te, veng chuan hnuai lam tana sikul panna hla lutuk vangte leh khawtlnga zirna boruak nasa zawk a awm theihna tura din a ni, Sikul hi khawtlang mipuiin an din a nih avangin khawtlang hruaitu kal khawm chuan Monthly Fee lak loh nise an ti a. Admission fee erawh Rs. 1000 a ni ang. Admission hi tunah Bethel Br. YMA in ah kalpui mek a ni a, Ziritrtu leh Staff  dang ten admission hi an buapui mek ani. Class tanna tur hmun pawh rei lote ah peih fel thuai a ni dawn a, Bethel veng huam chhungah Class hi tan tur a ni. Subject lak theihte chu ENglish, Mizo, Pol. Science…

Champhai - Tualchhung Chanchinthar ni 16.5.2018 (nilaini)

MAXI CAB SERVICE TURAH LA INREM THEI LO :
Champhai to ZOkhawthar Maxi Cab Welfare te chu Ruantlang daiah an la duty chhunzawm zel.
Champhai District Transport Officer in CHamphai ti Zokhawthar Maxi Cab  Welfare chu Rs. 100 a tlan tura a tih hnuah Rs. 100 a tlan chu a theih ngang loh avangin Sunday zan khan Champhai to Zokhawthar Maxi Cab  Welfare te chu thukhawmin an awm dan tur an rel a. He an thutkhawmah hian Rs. 130 a tawlh hniam nise tiin an rate  Rs. 150 atangin an tawlh hniam a, Zokhawthar lam leh STO te pawh he an tlan theihna tura an suan Rs. 130 hi an sawipui tawh a, nimin khan Zokhawthar lam pawh thukhawm ve nghal in Champhai To Zokhawthar Maxi Cab  Welfare te thutlukna Rs. 130 chu an pawm theih leh theih loh an sawi ho a, an pawm thei a nih chuan a pangngaiin Champhai to Zokhawthar Maxi Cab Welfare te hi Zokhawthar ah an Service leh nghal ang a, an pawm theilo a nih erawh chuan Ruantlang dai ah Duty chhunzawm zel an la tum niin thudawn a ni.
Hetihlai hian Zokhawthar Joint Meet…