Skip to main content

Champhai Tualchhun Chanchinthar ni 18.6.2018 (thawhtanni)

RUAHSUR AVANGA CHHIATNA :
Kar hmasa Ningani leh Zirtawpni ruah sur avang khan Champhai khawpui chhungah chhiatna hrang hrang a thleng nual a, hriat theih china chhiatna thlengte :
1. Pu Topuia Tochhawng IB veng, a in bul a min a, leimin hian a in chu tih chhiat anei lo va, kawngkal a awm avangin a min belh zel tur ven nan silpaulin pek an ni.
2. Pu Muana Hangsing Kanan veng chu a ram in la sak lohna a min a, leimin hian a thenawm te in luhna tlemin a khoih tel deuh a. A thlang Kanan veng field panna leivungin a hnawh a, PWD hriattir tawh an ni.
3. Kanan veng to Electric veng inkal pawhna Sapsakei lamlian ni 13.6.2018 a min chu a min belh a, kawng hi a hnawh ping a, a bul hnaia cheng Pu Hrangthanzama chhungkaw member pathum (3) te chu engemaw palhah an inthiar chhuak a. Kawngping hi PWD EE hrilh tawh a, clear thuai tum a ni.
4. Tuipui leh Champhai inkar ah kawng block a awm a, tunah chuan clear fel a ni tawh.
5. Kanan veng hman kuma min nasa tak kha vawiin ruah sur avangin a min leh a, min n…

Bethel YMA (BYMA)

Branch Executive Committee Vawi - 12 na neih a ni
Bethel. Oct.19 (Sunday) : Ni 14.10.08 (Thawhleh) khan Branch Executive Committee chu YMA Office ah President Pu H.Vanlalthanga kaihhruaiin neih a ni.
He Committee-ah hian thu chi hrang hrang ngaihtuah a ni a, chung zinga langsar zualte chu :-
Pem lehkha chungchang : Tun hnaia kan Branch chhunga lo pem lut chhungkaw pathumte te chungchang ngaihtuah a ni a, Branch OB te lo chhui zui tura dah a ni.
YMA General Conference chungchang : Conference kal dan tur chungchangah chuan a kal man chanve Branch in a tum ang a, a chanve chu kal tur ten in tum chawp ni se tih a ni.
Ruihhlo man : Chawlhni hmasa a ruihhlo Beer kan man sak te chungchang sawi ho a ni a, An ni chhungkua hi Bethel Veng lo chhuahsan rih tura hrilh hriat ni se tih a ni.
Ensan hlih dilna : Branch YMA in kan ensan lai mek chhungkaw pakhatin hlihsak a rawn dilna chu ngun taka ngaihtuah ho a nih hnuin a hunin a la zir loh deuh avang leh an ruihhlo tih an sim leh sim lohte la en zui leh deuh tura tih a ni.
No dahna siam : No kan neih belh zel avang leh kan No dahna ten a daih tawk tawh loh avangin, a dahna tur a bawm pathum siam belh ni se tih a ni.
Champhai khawchhung Branch OB te thu rel : Chawlhni (Sunday) a mitthi vui tur a awm chuan dar 12:00 a vui thin ni se.
Hmun hrana boral ruang rawn thleng mai lo tur chu zanlaiah Information Centre atanga puang nghal mai lovin, a tuk zingah in hriattir thin mai nise.
Hmun hran atanga ruang lo thleng tur chu Town area pawnah in hmuah tawh loh ni se.
Mitthi hminga pangpar pek thin pawh, a petu hming ziah lan tawh loh nise.
Zualko a tam thei ang ber chu Telephone -a in hriattir thin ni se. Tin, mitthi Ina awm tawh te chu a hranpa a hriattir nawn kher ngai tawh lo se tih te a ni.
Heng Branch hrang hrang OB te rorel ang hian kan Branch-ahpawh hman nghal ni se tih a ni.
&&&&&&&&&&&&&&&&&&&&&&&&&&&&&&&&&&&&&&&&&&&&&&&&

DAMLO
4Tv. T.Lalruatfela S/o T.Thlamuana V-Sec chu Ni 13.10.08 (Thawhtanni) khan dam lohna avangin Aizawl lamah phurh thlak a ni a, a natna hi thluak TB a lo ni a, amah hi a tha vak thei lova Oxygen te pawh pek a ni.
4Saimawipuii D/o Saihmingliana V-Sec chu khawsik natna avangin anmahni chenna inah enkawl mek a ni.
4Tv. R.Lalmalsawma S/o R.Lalthangliana V-Sec pawh Ni 13.10.08 khan Aizawl lam ah in check up turin a chhukthla a, tunah hian a in entirna result hi phai lama thawn thlak a nih avangin an la hre thei lo niin thu kan dawng.
4Pu Liankhawhauva F/o Robert (Padeiha) N-Sec chu pumnâ avangin anmahni chenna Inah enkawl mek a ni.

&&&&&&&&&&&&&&&&&&&&&&&&&&&&&&&&&&&&&&&&&&&

NAUTE NEI THAR
4Teresa Ngurliansangi D/o Lalhmangaiha T-Sec chuan Ni 17.10.08(Zirtawpni) khan Aizawl ah fapa thar duhawm tak a nei. A naute hi zai chhuah a ni a, heta tan hian thisen te pawh pek a ni.

NEI THAR
4Chhiatni/thatnia hman tur Microphone FM Rs.3300/- man chi chu kan Branch in kan nei thar ve ta.
YMA Amplifier tur Pu Thiangina’n min siam sak avangin a chungah Branch YMA in lawmthu a sawi nghal bawk a ni.

SAMFAI ANG
4Bethel thlanmual no 1 leh 2 a thlan awm te hi a hnimin a hnawk hlawm hle tawh a, chuvangin Bethel Branch YMA chuan mahni chhungte thlan theuh samfai turin a ngen a ni

Beer man
Ni 12.10.08(Chawlhni) tlai lam khan Pu GK Manga V-Sec te hnen atangin Kumpuan Duty te chuan Beer um 101 lai an man. Anni hnen atang hian a hma pawh in Excise Deptt. ten Beer Um 800 chuang lai man a lo ni tawh bawk a ni.
Hemi ni vek hian Pu Lalzama, Ch-Sec hnen atangin BEDC fun 4 man a ni bawk.

Tanpuina tur hlan

Bethel VC te chuan Ni 100 inhlawhna atanga mi thahnemngaite thawhlawm Rs. 5450/- chu MHIP te hnenah a remchan dan anga pek chhuah leh turin an hlan.

Mizoram aiawh
Nl. Lalhumliani D/o Chalnghilhlovi V-Sec chu 27th National Senior Taekwondo Championship, 2008 Jalandhar Punjab a neih mek ah Mizoram aiawh in a kal. A hlawhtlin ngei kan duhsak in kan chhuang hle.

In report tur
Ni 20.10.08(thawhtanni) khian YMA General Conference a kal tur te chu kal a ngaih tawh dawn a, Motor hman tur ngaihtuah a ngaih tawh avangin vawiin chhun dar 12:00 thleng hian kal tum te chu in report theih a la ni e. Hemi huna kal duh in report lo te chuan mahni a in buaipui a ngai tawh ang.

&&&&&&&&&&&&&&&&&&&&&&&&&&&&&&&&&&&&&&&&&

Editorial

Karleh mai atang khian YMA General Conference chu Serchhip khuaah an tan leh dawn ta reng mai, hmun hrang hrang atangin YMA member chi hrang hrang an fuan khawm leh dawn a ni a.Mihring kan hmel a in an loh ang bawkin kan mizia pawh a dang theuh a, kan duh zawng pawh a in ang lo hlawm leh pek viau ang.
Kan Veng atang pawhin member engemaw zah chu kan kal leh ngei ngei dawn a, mi khuaah mikhual kan va nih dawn avangin a kal tur te chu fimkhur taka kan va awm theuh a pawimawh hle ang. Chuvangin a kal tur te chuan kan kal chhan leh kan tih tur chiang taka kan hriat hmasak phawt a ngai awm e. A kal chhun chhun te chu kan Veng hmel ti langtu turte kan nih avangin engtiangin nge ka mikhualnaah chuan ka va khawsak ang tih chu kan rilrua cham reng tur pakhat a ni. Kan va thlenna tur te chuan khual tha thlenin min lo thleng ngei ang a, amaherawhchu kan haw leh hnuah eng angin nge min sawi zui ang tih leh engtiang hian nge awm ila kan Veng hming kan tih that theih ang tih chu rilrua awm reng tur pakhat ni bawk sela.
Conference kal hi thil hautak tak leh hun tha khawralna mai mai a ni duh khawp lehnghal a, fimkhur taka awm a tha khawp mai. Thenkhat chuan YMA Conference te chu nuam tawlna mai mai a lawm, a kala te pawh hian hlawkna tak tak an nei ngai chuang lo te pawh an ti maithei. Amaherawh chu member te kan fin tawh mai bakah Kumpuan “RUIHHLO DO” an puan atang phei kha chuan YMA General Conference hi thalai khawmpui thenkhat aia chuan a thianghlim tawh zawk daih an ti.

&&&&&&&&&&&&&&&&&&&&&&&&&&&&&&&&&&&&&&&&&&&&&&


Mizo Damdawi


ZAWNGTAH.
1. Hliam/Pem naran:- A rah ziahna pil tuia tihhnawm hleka a tui sawi chu pem a hnawih a tha.
2. Panchhia/Pan dam thei lo:- Kua thuah phawt a, chumi hnuah a zaina pil hnawih a tha.
3. Uithak/Thaksip:- A ziahna pil nawi tui tlema chiaha a tui sawr hnawih a tha.
4. Thi ngah lutuk tihtlemna:- A kung pil leh a rah ei a, arah leh a pil den sawm tui chu puma hnawih bawk a tha.
5. Vawksa eisual:- A mu ei a tha. A rah mu a awm loh pawhin a chawrno pawh, a pil pawh ei a tha tho.
6. Kawthalo:- A rah, ziahfai lohva a pil chawpa ei mai a tha. A zik no emaw, a kau bulbawk emaw chhutsawm tuisawr in pawh a tha.
7. Santen:- A rah ziahfai loh a pil chawpa ei mai a tha. A zik no emaw, a kau bulbawk emaw chhut sawm tuisawr in pawh atha. A ziahna tui in pawh a tha.
8. Pumna:- Zawngtah(a pil chawpin) leh Theihai zung pil den sawm chhum tui in a tha. Hei hi Rulhut damdawi atan pawh a tha.
9. Tuihulut(Tuifulh):- Zawngtah zaihna pil phak bel/hnawih a tha.
10. Kang:- A ziahna pil phak hi nuai phuanin a na laiah chuan belin kang chuan a ngeih a, a sernung lo bawk.
11. Rulhutpui:- Zawngtah pil hawng hring leh theihai pil hawng hring inzat (inbuk tawk) chhumpawlh tui in a tha. Ni khatah thingpui in no khat emaw zelin vawi 3 thingpui angin in tur a ni.
&&&&&&&&&&&&&&&&&&&&&&&&&&&&&&&&&&&&&&&&&&&&&&&&

TUNLAI BETHEL

Hun lah chuan hma lam min pan chhoh pui zel a, Ni chhuak pawh a ding ngil ta churh tan. Lum lam aiin vawt lam in min tuam chho tan ta bawk. Mahse thenkhat tan erawh kan duhthusam boruak a ni ve reng bawk.......!
Ni 100 inhlawhna a za tel ve meuhin kan la hlawm a, a man hla pawh kan ti tlang bawk a lawm le. Chutih laiin buhfai pawh kan la deuh reng thin a.Chhungkaw Budget pawh nasa takin a chhawk zangkhai hle niin a lang.....!
Vengchhungah chhiat kan tawk leh a, member tam zawk ten kan tih tur leh kan tih loh tur thlengin kan thliar hrang zel bawk. Chutih laiin Chawlhtui Ningzu Par Tlan tam tak ten a hmun leh a huna awm dan tur an la thliar fel thei lo bawk.
Tuisik leka kan awm lai atanga kan hmelhma ZU chuan kiam lam min pan san zel a, amaherawh chu khawi emaw laiah hmuh tur a awm leh zeuh thin. Mahse tih rem tuma tan kan lak chhunzawm zel hi. Tan fung nei lo a a wm chep tan tawh bawk hi................!
A pawimawh ber a luta chhuak leh lamah Dawhkan LALPA Riteh leh a ho te chuan min la awi nung tlang chhunzawm zel a, an ni pawhin kan ei lo hlau a a tam hun lai a nih vang nge Kawlbahra pawh a bara an bar tun tun hi. Engpawhnisela muang lovin hmalam i pan zel ang u.....!!!!!!

&&&&&&&&&&&&&&&&&&&&&&&&&&&&&&&&

BYMA SHOTGUN

U A rawn phone dawn meuh chuan Committee zawh pawh kan nghak hman tawh hleinem maw le.
........Nl.Thani N-Sec
U Jeep hmaa chuangah chuan ka lo in hmeh ber mai a ni hi...hi...
Nu Bawltei V-sec
U Tunlai chu Sihdim road chung lamah hian ka tlei ta ruai mai, min dem lul suA lenrual te u....
.......Tv. Ruata V-sec
U Heta tang chuan khalai kha a rawn lang thei mang lo.
....Nl. Ruati Ch-Sec.
U Ka awm lohna turah hian ka awm leh nulh reuh thin a..
........Tv. Mavala V-Sec.
U Tunlai chu Service aiin insakna dawr ka nghak ngun mah mah.
......Tv. Chhana T-Sec.
UPalian pui aw sin deuh a lo kal chuan Keimah tihna aniang.
.........Tv. Rodina V-Sec.




&&&&&&&&&&&&&&&&&&&&&&&&&&&&&&&&&&&&&&&&&&&&&

Comments

Popular posts from this blog

Champhai Tualchhun Chanchinthar ni 18.6.2018 (thawhtanni)

RUAHSUR AVANGA CHHIATNA :
Kar hmasa Ningani leh Zirtawpni ruah sur avang khan Champhai khawpui chhungah chhiatna hrang hrang a thleng nual a, hriat theih china chhiatna thlengte :
1. Pu Topuia Tochhawng IB veng, a in bul a min a, leimin hian a in chu tih chhiat anei lo va, kawngkal a awm avangin a min belh zel tur ven nan silpaulin pek an ni.
2. Pu Muana Hangsing Kanan veng chu a ram in la sak lohna a min a, leimin hian a thenawm te in luhna tlemin a khoih tel deuh a. A thlang Kanan veng field panna leivungin a hnawh a, PWD hriattir tawh an ni.
3. Kanan veng to Electric veng inkal pawhna Sapsakei lamlian ni 13.6.2018 a min chu a min belh a, kawng hi a hnawh ping a, a bul hnaia cheng Pu Hrangthanzama chhungkaw member pathum (3) te chu engemaw palhah an inthiar chhuak a. Kawngping hi PWD EE hrilh tawh a, clear thuai tum a ni.
4. Tuipui leh Champhai inkar ah kawng block a awm a, tunah chuan clear fel a ni tawh.
5. Kanan veng hman kuma min nasa tak kha vawiin ruah sur avangin a min leh a, min n…

Champhai Tualchhung Chanchinthar ni 13.6.2018 (nilaini)

THUPEK KENGKAWH TURA PHUT :
Champhai Nature Conservency chuan thuchhuah hetiang hian an siam : Deputy Commissioner, Champhai District in 19 february 2018 a Champhai leilet zawl Agricultural land (Agricultural LSC, Periodic patta leh Garden pass) a Kudam leh Chenna in sak thiat tur leh sak khapna order a lo chhuah tawh chu huntiam hnuhnung leh insawifiahna hun pek a ral hnuah pawh thupek zawma thiat an awm lo hi pawi kan tiin kan dem takzet a. He thupek kenkawh dan hian Champhai awm zel dan tur thui tak a hril avangin Thupek chhuahtu Deputy Commissioner leh thupek bawhzui tura din Task Force te hian khauh tak leh huaisen taka thupek hi kengkawh turin kan phut a, huntiam a ral tawh avangin thupek zawm lo te chungah dan anga action la turin kan phut tlat a ni.

CHAMPHAI POLICE TEN RUIHHLO MAN TAM :
January atanga June thla chhungin Champhai District Police ten ND&PS Act tlawhchhan a thubuai 33 an ziahluh ah Heroin Gram 2687.9 leh Ganja Kg 82.6 an man.
Ruihhlo an man zawng zawng hlut zawng…

Champhai Tualchhung Chanchinthar ni 14.6.2018 (ningani)

DISTRICT LIBRARY HLUT : Kumin chhungin District Library tlawhtu mi 2094 anawm tawh. Champhai District Library-ah member 1809 an awm mek a, puitling 1591 leh naupang 216 an an ni a, member thar puitling 3 leh naupang 2 an awm bawk. Lehkhabu thar 276 awmin lehkhabu 29,164 a awm mek a . Library tlawhtu hi mi 2094 an awm tawh ani. District Library ah hian mizo chanchinbu 5 awmin magazine mizo ziak 4 leh saptawnga ziah 1 a awm bawk. District Library member hi nih theih reng niin a duh apiang tán inziahluh theih reng a ni a, zirlai te tan zirna atana tangkai leh pawimawh tam tak en tur a awm a, zirlai ni lo tan pawh Pathian thu, hriatzauna leh thawnthu bu chi hrang hrang chhiartur a awm ani.
RUAHSUR NASA LEH CHAMPHAI : Ruahsur nasa avangin PHE Dept ten Tuipui lui, tui an pump na hmun thenkhat chu tuiin a chim tawh. Ruahsur nasa avang hian Champhai tui lakna ber, Tuipui lui chu a lianin a nu nasa hle a, pump tlak a nih loh avangin PHE Dept te hian ni 5 chhung chu Champhai khawpuiah tuisem a…