Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Kahrawt YMA (Kahrawtians)

CHAMPHAI NORTH MPF CONSTITUENCY FORUM OB & CHAMPHAI NORTH A PARTY HRANG HRANG BLOCK HRUAITUTE THUCHHUAK

Dt..30.8.2008 (Inrinni) a Champhai Vengthlang Presbyterian Kohhran Committee room-a Champhai North Constituency a MPF Constituency Forum OB te leh Party hrang hrang aiawhte inkawmhona neih a ni a. Hetiang hian kan hmaa inthlan lo awm tur atana hmalak nise tih a ni.
1. Aurinna hmangin eng pawl/party mah campaign loh nise. party Office ah pawh aurinna hi hman loh nise, tul bik thila hman ngai a awm anih chuan MPF Constituency Forum hriatpuia hman nise.
2. House to house campaign hi tih loh nise, kawngzawh pawh tihloh nise.
3. Sum leh therhlo dang hmanga vote leh leh hralh hi tih loh nise.
4. Ruaitheh leh picnic hi tih loh nise.
5. Invau leh inrikrap awm lo turin theihtawp chhuah theuh nise.
6. Party manifesto, policy & programme, candidate hriatchianna atana lehkhabu buatsaih etc. sem tur a awm chuan party malin buaipui lovin MPF in emaw, MPF kaihhruaina hnuaia party aiawhte nen buaipui nise, a theih chin chinah a rual tlanga sem tum nise.
7. MPF kaihhruaina hnuaiah Joint platform buatsaih nise, pawl dang leh midangin buatsaih loh nise. Party malin a hranpa a public meeting neih an duh anih pawhin MPF kaihhruaina hnuaiah ni theise.
8. Mipui, pawl hrang hrang leh Kohhrante pawhin party leh candidate-te hnenah thil phut neih tur a ni lo. Chutih rualin thil chi hrang hrang sem (silpoline, Football etc.) tih loh nise.
9. Flag, Poster, Banner etc. tar tur zat bithliah siam nise, tar da tur leh zar zat tur ruahmanna chu MPF in lo buaipui se.
INTHLAN NI AH
a) Vantlang tana thingpui lum leh polling booth area bul hnaia Electoral roll en hi Party ten tihloh nise, Electoral roll a serial No. lo enlawkna tur erawh chu MPF in lo buaipui se.
b) Vote thlak tur phurhkhawm hi election code of conduct in a phal loh avangin tih loh nise, tar leh damlo chaklo an awm chuan MPF in ruahmanna siam se.
INTHLAN ZAWH
a) Vote chhiar leh puan laiin bengchheng siam loh nise, halpuah leh puakthei lamchi thei chu khap bur nise.
b) A tlingte pawhin a tlinglo te tana hriat nuam zawnga boruak siam tlan tum nise, indeuhsawhna lam chi leh tawngkam tuihnailo, mi rilru tina zawnga neilo turin mahni party theuhah tanlak nise.
Heng ruahmanna neihte hi tihlawhtling tura theihtawpa hmalak theuh remtih a ni a, inthlan puan anih atanga hman tan nghal nise tih a ni.

&&&&&&&&&&&&&&&&&&&&&&&&&&&&&&&&&&&&&&&&&&&&&&

O/B Meeting nei
Dt.17.10.2008 zan khan Kahrawt Branch O/B meeting neih a ni a, YMA General Conference lo awm tura kan Branch in Lengkhawm Hlabu kan siam chu a zawrh dan tur te leh thil pawimawh tak tak te an sawiho.Kan hlabu zuar tur hian Palai kalte atangin a hmunah in ruat chawp mai nise, tin, hlabu zawrhna countera tar turin banner siam nise a lo buaipui turin Tv.C Zirlianthanga, Tv.Biakthanpuia, Pu.K.Lalramhluna te ruat an ni a. An ni hian an mahni pui tur chu lo sawm maise tih ani. Lei ngai ang angte lei na tur chu kan pawisa kawltute nen a in hriattirin lei ho mai tur ani ang

Gas thuk lei dawn
Dt.12.10.2008 a Branch rorel chuan kum 2008 faina Hapta denchhena veng fai lawmman pahnihna a kan lak Rs 4000/- chu a hmanna ngaihtuah a ni a. He lawmman hian Gas thuk lian lei nise tih a rel a, thuk hi aman a zirin pahnih lei nise. Tin, Gas hi commercial connection thar nei tura hma lak mek a ni bawk.

Kohna
Karleh thawhleh zan dar 7 hian Kahrawt Presbyterian Kohhran Hallah Kahrawt MPF Local Forum chuan Kahrawt VC huam chhunga Political Party hrang hranga Unit hruaitute nen inthlanna fel fai tak neih anih theih nana thawhho dan tur sawi ho turin committe pawimawh tak a ko a,Party hruaituten he kohna hi ngai pawimawh a kim taka kal theuh turin an ngen ani.

&&&&&&&&&&&&&&&&&&&&&&&&&&&&&&&&&&&&&&&&&&&&

Editorial

Mi zawng zawng ti lawm tura rorel hi thil theihloh tluk ani a. Mifing ber ber nia kan hriatte pawhin an ngaihtuah kim bik hauh lo. Chuvangin rorelna lai tak a awm tur anih chuan reltu leh relsaka te in karah in hriatthiamna a awm tur ani a chuti anih loh chuan hartsatna a lo hnai mai thin.
Tunlai kan veng chhung ti ti ah pawh Thlerpui mawng a VC te hna thawh chungchangah sawi neuh neuh a awm a, hei hi a pawi hle ani. Veng hmasawnna tur anih chuan a tuartu kan lo awm anih pawhin hma lam hun tur a eng zawng a thlir chungin kan in hriatthiam a pawimawh hle a, tin, a reltu lam te pawhin chutin aw, khatin aw ti a an mipuite an rawn hmasak fo hi an tih tur ani ve bawk ani. Veng lungrual, Khaw lungrualkan nih theihna turin in hriatthiam leh in dawh tawn kan ngaihnaah in hriatthiam a in dawh tawn hram hram i tum tlang zawk ang u.


&&&&&&&&&&&&&&&&&&&&&&&&&&&&&&&&&&&&&&&&&&&&&&


General Conference
Kum 2008 YMA General Conference Serchhip-a neih tura palai kal thei tur in report te :
1. Isaac Lalramlawma
2. Henry Lalmalsawma
3. C.Lalrempuii
4. K.Lalnunthari
5. Zonunpari
6. James Lalhruaitluanga
7. C.Vanlalhmangaihi
8. Pu NC.Langa
9. Pu Vanlalruata
Vawiin chawhnu inkhawm banah YMA Hall-ah in hmuhkhawm tur a ni a, in report lo kal thei tur/kal tum te pawh Hall-ah kal vek turin kan in hriattir nghal bawk.

Lawmthu
#Pu Lalhmuaka Contractor Engineer in Security Cell tanpui nan Rs 500 min pe a, a chungah Security member te an lawm hle.
#Pu Lalchhuanawma Sanitation Officer UD & PA chuan Faina Hapta kan hman zawh takah YMA ten a theihtawp an chhuahpui naah lawmthu a rawn sawi a, Branch YMA pawhin hetianga veng pumpui tanrualna avanga lawmman hial la thei kan nih zia hriain Pu Chhuanan Branch YMA chunga lawmthu a rawn sawi hi Branch pawhin lawmawm a ti takzet ani.

Rawn haw
Kan memberpui Lalhmangaihzuali D/o HL.Zaikunga chu Bangalore chu a lo hawng a, member tangkai tk anih zui zel kan duh a, tin, a nau Tv. Sena pawh chawlh lain tunah hian a lo haw mek bawk.

Chhuanawm
Kan memberpui C.Vanlalhmangai-
a S/o C.Chawngthansanga chuan Aizawla Higher Secondary School Games neih zawh takah Judo (Below 55 Kg) ah Bronze Medal a rawn hawn. Nizan khan Champhai an rawn thleng leh.

Pem lehkha
Vengthlang Branch YMA atangin Pu Larry Lalbiaktluanga te chhung pem lehkha dawn ani.

&&&&&&&&&&&&&&&&&&&&&&&&&&&&&&&&&&&&&&&&&&&&&&&&

CHKD

z Kan Pastor hi a insawn dawn anih rau rau chuan a aiawh turin Lalruotmawii pasal rawn awm se, an rawn awm theihna tura Synod dawr a ngai anih pawhin a tul chuan ka kal mai ang.. - Pu Tana (T.Sec)
z Gas harsat thu kan sawi kan sawi a, inrinni zan Kohhran tawngtai rualna a telh duh kan la awm hauh lo hi a mak ka ti...
- Pu Rina (K.Sec)
z Ka Politics khelh tum dan reng reng hi MPF hian min dal vek, ka buai phah hle mai....
- Zopuia C/o Hnam Run

Comments

Popular posts from this blog

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…