Skip to main content

Champhai Tualchhung Chanchinthar

LIRTHEI DAN CHUNGCHANGAH INBIAKNA NEI TURIN ZOKHAWTHAR VC LEH NGO TE A IN KAU RENG : Champhai Zokhawthar VC leh All NGO Coordination Committee chuan thuchhuah siamin Champhai Transport Union te chuan Zokhawthar atanga Bungraw phur lirthei ang dan chungchangah dikhlel taka thuchhuah a awm niin an thuchhuahah an tarlang. An thuchhuah a an tarlan danin CTu hian Zokhawthar khawtlang nen inremna an lo nei tawh a. Kum 1997 khan kha tih lai SDO (Civil) hriatpuina in AO ho in inremna an lo siam tawh a. Zokhawthar khawtlangin Special Load Trip khat an lak bakah khawtlang hriatute zinin Petrol man an phut remtih a nih thu an sawi a. Khawtlangin Special Load an lak chu duh loin thla khatah Rs. 10000 in anmahni thuin an bithliah a. Hun engemaw ti hnuah Rs. 8000 ah tihniam leh in pek tawhlo thlengin anmahni thu zelin thil an lakpui tak ah chuan Zokhawthar khawtlangin kawng dang a dap lo thei ta lo a, Zokhawthar Welfare Committee (ZWC) chu November ni 9, 2017 din alo nih thu an sawi. Zokha…

Vengthlang Kohhran (Kohhran Aw)

Sex Education zirna:
CHRISTIAN SEX EDUCATION FOR CHILDREN

Kan ramah hian Sex Education hi lo kalpui dawn tak tak ta ila, kan intiam reng em? Nu leh pa tam ber chuan a tulna pawh kan hre lova, tha pawh kan ti lemlo niin a lang. Sex Education chuan mipat hmeichhiat hman khawlohna a tipung ang, tiin tan kan khawh a, zalen taka sex hman duhna kawng hawn dawn nia ngai an la tam hle. Kan fate tihkhawloh kan hlauh vang pawh a ni thei tho vang chu. Thenkhat chuan an fate himna tha ber nia ngaiin sawipui/ an hriata sawi loh law law an duh a, an beng tihvar sak loh law law an duh niin a lang.
Chutihrual erawh chuan thenkhat chu rilru zau tak leh ngaihtuahna seng tak an awm tho bawk. Naupang thang mekte ngaihsakna kan nei thuk tial tial a, an rilru leh taksa mamawh dapsak kawngah kan lo taima deuh deuh ta bawk. Sex Education lamah pawh kan inhawng hle tawh in a langa, chutih lai chuan zalen tak leh a ngial a ngana sex education kalpui kawngah erawh chuan fimkhur tul tihna ni nu leh pa tam ber duh dan niin a ngaih theih bawk.
Sex Education chu engnge? Kan thlir dan leh kan hriatthiam dan hi a zim hle a. Mipat hmeichhiatna thil ngawr ngawr inzirtirna niin kan hria a, kan ngaihdan sawhsawn har kan ti hle. Sex Education hian a huam zau hle a, naupang thang mekte nun pum pui leh an mamawh hi a fun kim vek ang hiala sawi theih a ni.
Sex Education kalpui dan tur: Sex Education hi fimkhur taka kalpui tur a ni a, naupang kum mil zela zirtirna kalpui a tul. Sex Education hi Kawng hniha then theih a ni.
Informal Sex Education: Thu tak tehngun lova inzirtirna a kawk a, nitin kan khawsakhona pangngaia thil tul leh tha kan inkawhmuha inhrilhhriat hi a huam thei a, Nu in naupang a mutpui pahin la fanu leh la fapa inhmangaih tak chanchin a hrilh a, chu thawnthu hmang chuan mipa leh hmeichhe inlaichinna a zirtir a ni.
Formal Sex Education: Thuk deuh zawk leh chiang deuh zawka inzirtirna a ni a. Taksa bung hrang hna thawh dan te, mipa leh hmeichhe taksa awmdan te, an rilru put dan thlenga inzirtirna a ni bawk. Naupangin hriat tura a mamawh ang chu puitling ten fiah tak leh awmze nei takin an hrilh tur a ni a, an taksa a lo than len a, an lo puitlin hun thlenga an hriat tur awm te pawh thiam taka hrilh tur a ni. Sex thianghlim zia leh Pathian thilpek a nihzia hi Christian Sex Education in a tum ber a ni bawk.

Informal sex education thil tum
$: Fate hnenah mihring nihphung dik tak hriat chiantir.
$: An chenna atana chhungkaw him, hlim leh nuam siamsak.
$: Sum leh pai hlutnain a chim pil ngai loh nana venhim.
$: An tul lova hauh leh velh pumpelh a, huatna leh rilru tha lo pu lo tura beih.

Formal sex education thil tum
$: Naupangte hnena mihring taksa peng hrang hrang hnathawh hriattir.
$: Mipa leh hmeichhe taksa awm dan leh rilru puthmang hriattir.
$: An hma lawka an taksa rawn than danglam dan tur hrilh.
$: Inneihna pawn lama sex hman thatlohzia hrilh.
$: Mi sual leh mi thalo laka an him theih nana zirtir.

&&&&&&&&&&&&&&&&&&&&&&&&&&&&&&&&&&&&&

Mission Consultation
Synod Mission Board chuan October ni 30 & 31 khian Zarkawt Biak In ah Mission Consultation an buatsaih dawn a, Rev. Zosangliana Colney, Rev. Vanlalbela leh Rev.K.Lalhming-liana ten thupui an sawi ang a, sawihona a awm bawk ang.

PCI ah hnaruak
Presbyterian Church of India, General Assembly Office, Shillong a thawk tur Superintendent hna a aruak a, October ni 31 thlengin PCI Admn. Secretary Rev.Laldawngliana, Shillong hnenah plain paper a dilna ziakin thehluh theih a ni. Diltu chu Graduate, kum 30 chin, Computer thiam a ni tur a ni. Chiang zawka hre duh tan www.mizoramsynod.org Notice/information ah en theih a ni.

&&&&&&&&&&&&&&&&&&&&&&&&&&&&&&&&&&&&&&

Vawiin Inkhawm dan tur
Puitling: Vawiin Chawhma atangin Biak Inpui ah Camping Follow-up programme hman tan a ni ang a, Puitling Sunday School a awm lovang.
Inter, Sacrament leh Senior Deptt.: Senior Room ah a huhovin inkhawm tur a ni a.
Beginner, Primary leh Junior Deptt.: Beginner Room ah inkhawm tur a ni.
Camping Vawi 3-na
Mipui Camp hlawhtling
Tunkar kalta chhunga Camping neih ah mi 428 lai an lut thei a, heng zinga 190 hi hmeichhia niin mipa 238 an ni. Chung zingah chuan kohhran veng dang atanga lo lut mi 70 an ni a, kohhran pawl dang mi 12 an awm bawk.Rawngbawltu mipa 37 leh hmeichhiaa 38 zet an ni.

Camping Vawi 4-na
Mipui Camp bawk in
Naktuk ni 27.10.08 (Thawhtanni) atang hian Camping vawi 4-na chu neih theih a ni leh dawn hlauh mai a, Inrinni ah chhuah tur a ni ang.
Camper-te hriattur:
1. Registration: 10:00Am-4:00 P.m
Biak in Veranda ah.
2.Camp Fee : Rs 50 & Buhfai 3 Kgs.
3. Luh dan : Tlai dar 4 ah luh kim tur a ni a, Camp- ah zanriah ei tawh tur a ni ang.
4. Sermon tan : 7:00 P.m.
5. Mobile Phone : Campers te tan kenluh phal a ni lova, Pawnlam biak mamawh zual tan Biak In kawtah landline dah a ni.
6. Ruih loh tur: Camp-na hmun hi Biak In a nih avangin zah tur a ni a, Camp lut tur te Ruih phal a nilo.

Committee turin kal ang
Tunkar Nilaini (29/10/08) a Synod Pastoral Committee Aizawl a neih turah kan kohhran atanga member Upa JC Rohnuna pawh Committee tur hian Aizawl ah a kal dawn. Ani bakah hian kan Presbytery atangin Upa K.Lal-biakkunga(Kr) leh Upa Ro-chhuma (Zote) an kal bawk ang.

Naupang Lang Camp
Nimin nileng khan Team hoten Naupang Lang Camp an buatsaih leh a, kan kohhran naupang thahnem tak an kal a, hlawkthlak an ti hle.

Thilpek pe/ pek zel theih
Kan Kohhran Camping tanpui nan mi inphal ten pawisa leh chawhmeh te an pe zel thin a, Camping hruaitute an lawm hle. Mi inphal te tan Camp tanpui na hi pe zel turin an sawm bawk a ni.

Tawngtai Khawl
Camping puala tawngtaina chu PS-II hnuai, Education Conf. Hall ah neih thin a ni a, Chhun ah leh zanah hun hman thin a ni a, mahni hman hun apiangah tawngtaina hun hmanga kal tur hian Committee hruaituten kohhran mite an sawm a ni.

Rampum huap tawngtai
Mizoram Kohhran Hruaitute Committee (MKHC) chuan inthlan thuchah an tichhuak a, Inthlan tluang taka kan neih theih nan leh Pathian tih mi, roreltu tha kan thlan chhuah theih nan November ni 1 (tunkar lo awm tur Inrinni) zanah Mizoram puma Kohhran mipui zawng zawng te tawngtaina nei turin an ngen.

&&&&&&&&&&&&&&&&&&&&&&&&&&&&&&&&&&&&&&&&&&&&&&&&

Pathian ram thilpek
Vawiin hi Kohhranhoten October thla chhung atana Pathian ram thilpek kan lakkhawm ni hnuhnung ber a lo ni leh ta. La pe ve lo zawng zawngten hria ila a tha ange.

Vawiinah hian Buhfaitham room ah Lawmbawm hawn tur a ni e. Memberte kal theuh nise.
Khawvel Sunday School Ni
Pathianni leh khi Khawvel Sunday School Ni a ni a, Puitling ah chuan Sunday School than zel dan leh a pawimawhna, Upa R.Lalmalsawma ziak leh C.H. Spurgeon a chanchin, Rev. K.Lalrongheta ziak chu zir a ni ang a, NPSS ah chuan Crusade chanchin Rev.Dr.Vanlalnghaka Ralte ziak leh Ira D.Sankeya chanchin, Upa Dr. PC Biaksiama ziak te zir a ni ang.

Champhai Jt. KTP Meet
Champhai Town Jt. KTP Meet chu December ni 6 & 7 khian neih a ni dawn a, Speaker atan Rev.C.Chanchinmawia, Bawngkawn chu biak fel a ni tawh. Hemi hma hian Jt. KTP hian KTP Branch hrang hrang te tan Lemchan intihsiak a buatsaih bawk ang.
MPF in hma la zel
MPF Champhai North Constituency chuan hetiang hian Party hrang hrang Poster, Banner leh Flag tar dan a ruahman ta:
1. Poster: Vengsang, Kahrawt leh Vengthlang te tan 50 aia tam lo.
2.Banner hi Party in tul an tih chuan pakhat theuh tar nise.
3.Flag hi tar In lamah tar miah loh a tha ber.

Comments

Popular posts from this blog

Sermon

Thawhlehna - Thihna Hnehna
Chang thlante : I Kor 15: 1-34, Hebrai 2 : 14-15
Thawhlehna hi Bible zirtirna chiang tak leh kohhran thurin nghet tak a ni. Isua thawhlehna thuchah atang hian thurinte hi an lo to chhuak thar vek a ni. Thuthlung Thar kohhranah hian Krista thawhlehna hi kawng hnihin a inlan a. (1) Chhangphel : Hei hi sacrament rawngbawlna a ni. A tir atang rengin zirtirte khan inkhawmnaah chhang phel an ching thin. Hei hi Isua a tholeh ngei a ni tih hre lo tan chuan lungngaihna tuar rual loh hriatrengna a ni a, a hretu tan chuan ‘Chhang phel atang chuan a hmel an lo hre ta’ tih chu an testimony a ni ang. (2) Thu : Lalpa an khenbeh hnu chawlhkar tlemte chhungin zirtirte khan Lal Isua thiamlohchantirtute kha hmachhawnin a thawhleh thu leh lalna thu an hril a ni. Paula pawhin Felika hmaa a din khan ‘Mitthi thawhlehna thuah vawiinah hian in hmaah chhuahchhalhin ka awm a nih hi’ a tih kha. Tin, Thuthlung Thar ziaktute chuan Krista thawhlehna hi Pathian thu puanlawk tihkimna ni…

Sermon

Lal Isua i chawimawi ang u
Chang thlante : Matthaia 21;1-9, I Petera 3:15
Vawiin hi Tumkau Ni a ni a, Isua chu vawiin angah hian hmanah Jerusalem khawpuiah lal angin sabengtung no chunga chuangin a lut a ni. He khawvela hun a hman chhung zawng khan, vawikhat chiah, he Tumkau ni ah hian chawimawi a hlawh ve a ni. Pharisaite chuan mipui hlim taka Isua hmuaka lo au te chu a bengchheng tiin khap turin an la ngen lehnghal a. Keini, ringtute nunah pawh hian kan pianthar hlimchhawn bak hian Isua hian chawimawi a hlawh meuh lo em aw?? Vawiin hian kan thinlungah Isua hi Lalah i pawm thar leh ila, i chawimawi thar leh ang u.
Lal dangdai : Isua hian Pilata hmaah khan lal a nih thu hi a pha lo. Mahse, khawvel lal te angin leilungah lalram a nei lo va, tisa takin ralthuam nen hmelmate a bei lo va, a khawnbawl ve te lah chu sangha mantu Petera, Johana tih vel an ni. Chuvangin, a hunlaia Judate khan lal a nihna hi an pawm thei lo. An beisei Messia, Rom- ho awpbehna lak ata chhanch…

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…