Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

YMA Palai

Sub-Headquarters YMA Champhai
Inthlan Thuchah
Vengthlang,19th Oct. (Pathianni) : 1. India khua leh tui kan nihna lantir turin mitin te’n rilru thianghlim leh ngaihtuahna zalen tak chunga ram rorel tura kan mi duh thlang (Vote) theuh turin.
2. Inthlanna neih chhungin Danin a phal bak sum leh pai seng lo tur leh Campaign ruaitheh buatsaih lo turin.
3. Inthlan Campaign laiin mipu tichiai zawng leh vantlang tana bengchheng lutuka Aurinna (Mike) hmang lo turin.
4. Khawlai dung leh vantlang hmunte tihmelhem khawpa Party Banner leh Flag te tar lo turin.
5. Hel leh ralthuam hmanga inrikrapna a awm lohna turin eng Party mahin hetianga ngaih theihte hmanruaa hmang lo turin.
6. Ram leh khawtlang tana tha leh hmasawnna, tihhlawhtlin theih ngei turte chauh mipuia tlangzarh turin Party tin Candidate te kan ngen bawk a ni.

&&&&&&&&&&&&&&&&&&&&&&&&&&&&&&&&&&&&&&&

Vengthlang Diary

Awmlai
Tv. Lalhmachhuana (47) S/o Rozama chu Pathianni tlai khan Aizawl-ah step-a a chetsual avangin a borala. A ruang hi Champhaiah rawn phurh chhoh niin Pu Lalthlamuana h/o Nukami iRahsi veng inah lak a ni a, a ruang hi tlaivarpui a nih hnuah Thawhtanni khan Kahrawt thlanmual, a chhungte awmnaah vuiliam ani a, lenkhawm erawh kan vengah neih vek a ni thung.
Lang Camp nei
Nimin khan Vengthlang Kohhran chuan Naupang lang Camp an buatsaih a, naupang Pathian thu ngaithla an thahnem hle a. Heng naupang lang Camp-a kal zawng zawngte hi Pathianah inhlan tharna hun an hmang thei vek a ni.

VC Lawmthu
VC Vengthlang ten Pu Vanenga Varte In atanga Synod Bookroom Inkar kawngpui an laih zau hna thawh mekah P/S II lungrem thiata kawng hi zauh a nia, ram phal taka petu Education Deptt. DEO, SDEO leh P/S II Headmaster leh a Staff-te chungah VC leh khawtlang hruaitute an lawm hle. Tin, Rahsi Veng Bazar bul kawng zauh hna thawh mekah Pu R. Zatluanga Dawr kawng siamrem tur pawh phal takin Pu R. Zatluanga-te chhungin siamrem an phal avangin an chunga VC-te an lawm hle.
Lawmthu
Pi Mangheti w/o Pu Saingura (Fam) chuan kan Branch YMA hman turin Bawng Tuhlawh pahnih min pe a. A chungah Branch hruaitute an lawm hle. Mi inpete avangin Branch-in thilpek tam tak kan dawng thin hi a lawmawmin min pe thintute an fakawm hle.
In dang thar
YMA Palai News Editor Pu Lalnunsanga Fanai chu Pu H.Vanlalhriata in, P/S-II bulah chhungkaw pa ber ni turin a indang thar ta. Amah be duh leh mamawh tan a chenna in hi panchilh mai tawh tur a ni ang.
Hnaltlang
Ni 14 leh 15 khan Thlanmual bakah veng chhung hmun thenkhat hnatlangin kan thianfai a, hnatlang a thawk chhuak zawng zawngte chungah Br. chuan lawmthu a sawi e. Tin, thlanmualah Thosi hlo kan tur anih avangin Thanmuala thlan neitu zawng zangten mahni chungte thlan theuh thlofai turin branch chuan min ngen nghal awk e.

&&&&&&&&&&&&&&&&&&&&&&&&&&&&&&&&&&&&&&&&&&&&


MZI Hruaitu Thar
Mizo Zaimi Inzawmkhawm (MZI) hruaitu thar thlanna neih a ni a chungte chu :
Pre : P. Lianhrima
V. Pre : D. Lalthangvunga
Secy : Vanrochhuanga
A/ Secy : Dr. Thiamsanga
Trea : Lalengmawia
F/Secy : Lt Romawia
Ngenna leh Sawmna
Vengthlang North Kohhran-a Special Camping neih mek chu chhunzawm zel a la ni a. Camping hi karhnih chhung neih a ni a, nimin zing khan a chhawng lina chhuakin thawhleh tlai dar 7-ah chaweia luhnghal tur a ni. Speaker atan Tv. Lalhming sanga, Venglai; Pu Zodinsanga Khiangte, Vengthlang-te an ni dawn a. Vengchhung mipuite tawngtaipui turin min sawm.
Chhawng Thumna
Vengthlang Kohhran Camping neih mek chhawng hnihna chu nimin zing khan an chhuak a, Camping Chhawnghnihna hi rawngbawltute pualin hun hman niin mi 117 an lut a. Naktuk tlai dar 5:30 atangin Camping chhawng thumna hi neih leh tur a ni a. A lut turte chuan Camp Fee Rs. 50/- leh buhfai Kg. 3 ken tur a ni. A nei remchang lo te pawh inthlah- rung loin a duh apiangte lut turin min sawm a ni.
VC E/Roll Entheih
DLAO Office-ah VC thlanna tur Draft Electoral Roll chu peih fel a ni tawh a. Vengchhung mipui a duh a piangin DLAO-ah Office hunchhungin a entheih a, mahni hming a chuan leh chuan lo enturin VC chuan mipuite min ngen a ni.
Bawlhhlawh A Bawmah
Chhungtin ten mahni In leh a vel vawng fai theuh tur leh tui luan kawrh a bawlhhlawh paih mai mai lo i ching thar leh teh ang u. Inchhung bungrua changkang tak nei si mahni In leh a vel vawng fai leh si loh hi thil inhmel lo tak a ni. Chuvangin Bawlhhlawh a bawmah i paih hram hram ang.
*Pi pute ten an lo sawi fo thin Khuangchawi thla ‘Full Moon’ chu phaizawl leh a chhehvelah lawmtu an tam hle.

Chhuanawm
Champhai RD Block huam chhunga National scholarship dawng thei tura Secondary Stage for Talented Children (Cl-VIII zirlai) puala Aug 22 a test neihah Zosiamkimi d/o TBC Biakthansanga Champhai H/S (K-Sec.) chu 10-na a ni.
Tlanglawn zir
Himalayan Moutaineering Institute, Darjeeling (W.B) a thla khat chhung mountaineering nei turin Champhai Youth Adventure club mermber 2 Lalhmingzauva s/o Lalnghing- lova Colney leh Pendenthanga s/o Luni (N-Sec) te chuan Darjeeling an thleng ta.
Hlawhtling
Synod Book Room, Vengthlang chuan an lehkhabu zawrh lai nimin thleng khan an discount-a, mipui dawrtu an thahnem hle tih thu Bookroom Sales Manager Tv. Lalram- sanga hnen atangin kan dawng.

Hmui leh dang kak tan pan theih
Greenwood Hospital, Aizawl chuan American NGO- The Smile Train nen thehona an siam angin Plastic Surgery thiam leh hmingthang ber zing a mi Prof. Sashanka Chatterjee an chah chhuak a, Dang leh hmui kak a thlawnin Sept. 8-11 chhung khan an lo zai tawh a ni. Greenwood Hospital hian hetiang lama harsatna neite chu a thlawnin an zaisak leh thei daw a. The Smile Train hnuaiah hian zaiman, khum man, damdawi man leh chaw ei man thlengin a man pek ngai lovin a thlawn veka tih tur a ni. Hetiang lama harsatna nei chuan a hnuaia hmign ziak hnena hian inhrittir tur a ni ang. Dr. L.B. Ralte - 0389-2341395 / 2341397
Email - lbralte@hotmail.com

&&&&&&&&&&&&&&&&&&&&&&&&&&&&&&&&&&&&&&&&

AK 47

J Khawnge chintawk nei lek lovin i han che tak tak teh ang. Pu LT-a, New Saron
J Ste-a Pa-in Sumeone-a Thangchhuah Diar an khimtir lai kha chu, Tingtang nena min rawn rim lai kha ka ngaihtuah chhuak zawk nia. Madam Partei w/o Pu Masthanga
J Kan thianho hi nula chu ni tak tak ilang chuan Zaupuia hian thingpui a lum tui lo thei ngawt ang. Ch.l.a, N-Sec.
J Chanchinmawia hi Sap Tawng chuan Champhai Vengthlang Lerhber tihna an ti. Lalsena, N-Sec
J Kar hmasa kha chu damdawi zawng zawngin a tihdam theih loh lunglen natna ka vei a, mahse ka cher phah chuang lo. Mapuii, T-Sec
J Nimin naupang lang Camp neih a hming ziak langsar zualte :
1) Nl. Hmingi d/o Upa Lalruma (Beginner-ah hming a ziak)
2) Pi Biaki w/o Pu Manuna (Inter-ah hming a ziak)
3) Pi Teii w/o Pu Famkima (Primary-ah hming a ziak)
4) Pi Hmingtei w/o Pu Marema (Beginner-ah hming a ziak)
5) Pu Mantea, President Br. (Beginner-ah hming a ziak)
J Full Moon zan kha chu Vengthlang Sakira ka ni tawp mai. Kei tluka mawng ti shake thiam an awm ka ring lo. Te-a, V-Sec
JThe Good - Moses-a , The Bad - Sasa-a & The Ugly - T.p.a

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Sermon

Ringtute Hi Khawvel Eng Kan Ni
Chang thlan : Matthaia 5 : 14 - 16
Eng tel lo chuan khawvela nunna neite hi an dam khawchhuak thei lo. Eng hmanga chaw siam thei chauh vek an ni. Thil, a nihna ang taka kan hmuh fiah theihnan pawh eng a ngai a, eng awm lohna ah chuan kan chetvelna pawh a buai zo vek a nih hi. Thimah chuan kawng kan hmu thei lo va, hlauhawm leh hlauhawm lo kan thliar thei lo va, kan mit kan chhawr tangkai thei hek lo. Eng tel lo chuan kan khawsa thei lo a ni
Khawvel Eng - Isua : Isua hi khawvel eng a nih thu Johana 1:9, 8:12 ah te kan hmu. Isua tel lova khawvela nun kan hman chhung chuan thimah kan cheng tihna a ni. Nuamsa takin awm mah ila, Kawng leh Thutak leh Nunna Isua kan neih loh chuan kawngbo kan ni tho. Kan hlawhtlinna te, ropuina leh hmingthatna te pawhin kan damchhung bak a daih lo. Tin, kan nunna atana tha leh tha lo pawh kan finna atangin kan teh ang a, a dik zik tluak chuang lo . Kan hlimna leh lawmna pawh hian tawp chin a nei a, lungngaihn…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…