Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Bethel YMA (BYMA)

Branch Executive Comt. Vawi-13 na neih a ni.
Bethel. Nov.2 (Sunday) : Bethel Branch YMA Executive Committee Vawi 13 na chu YMA Office ah Pu K.Lalbiakhlira Vice President kaihhruaiin neih a ni.
Committee ah hian member 21 kalin, an rorel tlangpui chu hetiang hi a ni.
1. Member’s Meeting :- Member Meeting neih ngei nise tih a ni a, a hun chu Branch OB te kutah awm se tih a ni.
2. Ngaihdam dilna :- Pu Tuangsianpianga, Ch-Sec. Dt.11.4.2007- 11.4.2010 chhung Zu avanga ensan mek chu tunah sim tawh ngei nia hriat angin an dilna ang hian an chunga Ensanna lek kawh chu hlih sak an ni.
3. MPF atanga Sum dilna :- MPF atanga sum Branch YMA te hnena an rawn dil chu an dil angin Rs.500/- pek nise tih a ni.
4. Information hman dilna :- MPF Bethel Local Forum in kan hma MLA inthlan na atana Information hman an dil chu phalsak an ni bawk.
5. Pu Khupdothanga in bul leh Pu P.Lalhmingthanga te In bula bawlhhlawh paih thin chu Branch YMA chuan tha a ti lova, kan Village Council hruaituten LAD ah Pu Biakvela leh Tv.Lawmtea te In bulah hian Bawlhhlawh paih Motor hi ding ve turin ngen se tih te a ni.

&&&&&&&&&&&&&&&&&&&&&&&&&&&&&&&&&&&&&&&&&&&

CENTRAL YOUNG MIZO ASSOCIATION
INTHLAN THUCHAH 2008
1. Kan ram rorelna hi mipui siam a ni a, a chhiat a thatah mawhphurtu kan ni tih hriain, khua leh tui dik takte chuan vote i thlak theuh ang u.
2. Mizo hnahthlak zingah chibing/sakhaw bing inthliar hrang zawnga chetna hi CYMA chuan tha a ti lova. Kan hmaaa inthlanna kan neih turah pawh chutiang zawnga hma la lo tur leh chibing/sakhaw bing puala Candidate siam lo turin Political Party leh mipuite kan ngen a ni.
3. Inthlan hun puan a nih hnuah leh party hrang hrang ten Candidate an puan hnuah chuan Political Party emaw, Candidate-in khawtlang Ruai siam hi tha kan ti lova, tumahin khawtlang huap ruai siam loh nise.
4. Candidate te hi ram hruaitu turte an nih avangin Zu ruih hmangte, Eiruk chingte leh nungchang thlahdahte chu Party tin ten Candidate atan vawrh chhuah loh nise. Hetiang mi Candidate an lo awm palh anih pawhin vote loh ngam nise.
5. Naupang kum tling lo leh thil kalphung hre pha lote, inthlan boruaka hnuh luh loh leh hmanrua a hman loh nise.
6. Political Party Manifesto-ah a taka tihpuitlin theih ngei tur tarlan nise.
7. Inthlanna muanawm, boruak tha tak hnuaia kan neih theih nanthlangtu mipuite leh mawhphurtu zawng zawngte theihtawp chhuaha tan la turin kan ngen a ni.
8. Hel pawl hmanruaa hman leh ralthuam chelekna reng reng kan duh lova, mitinin an chhia leh tha hriatna thiang tak hmanga vote an thlak theih nan Sum leh Therhlo dang hmanga vote lei leh hralh hi tih lohg nise, mipui, pawl hrang hrang leh Kohhrante pawhin Party leh Candidate-te sum leh thildang dil loh nise.
Issued by : Central Young Mizo Association, Mizoram, Aizawl.

&&&&&&&&&&&&&&&&&&&&&&&&&&&&&&&&&&&&&&&&&&&&&&

DAMLO
4Lalramsangi D/o H.Lalrindika (Ch-Sec.) chu pum lam thalo avanga Damdawiina enkawl a nih hnuin thatlam pan zelin anmahni inah enkawl mek zel a ni.
4T.Lalruatfela, S/o T.Thla-muana V.sec Chu Aizawl Civil Hospital ah thluak TB natna in intensive care unit atangin cabin-ah sawn luh a ni.
4Rev. T.M Thangzaliana (Presbyterian) chu Manipur atanga an lo haw kawngah Sumo in an Accident a, tunah Durtlang damdawi in ah enkawl mek a ni.
IN SUIH THA
Vanapa Sec. Asst. Leader Remruatpuia S/o Lalzuii leh Lalremruati Chhungte te chu nimin zing khan Chhungte Chhungte Kohhran Upa Inah an in suih tha. Fanau maltluan chawia leng turin Editorial Board ten duhsakna sang ber kan hlan e.
SANGHA MAN
Neuva Section ten hmannia Sangha vengchhunga an zawrh tlawmngaia lo chan sak tu thenkhat a man lam la pe rem chang lo te hnenah Nilaini zing karah an rawn lam dawn a, a la pe remchang lo ten in lo ngaih ven hram dawn nia.
neithar
Pu K.Thuamluaia, V.sec. (Bethel Mission School neitu)te chuan 407 thar tha tak mai an nei thara kan lawmpuiin khawtlangin kan la hman tangkai ngei pawh kan beisei.
O FINAL DAWN
CDVA in Silver Jubilee lawmnaa Volleyball Tournament a siam a, final rokhawlhna avanga khelh loh kha ni 3.11.08(Thawhtanni) khian Chhura Hmunah Kahrawt S/C nen final khelh tur a ni a, player te in ring turin leh vengchhung mipui zawng zawng ten tawiawm theuh turin kan in ngen nghal bawk a ni e.
O PAIH TAWH LO ANG
Sub Centre bul kawrah te, Chhura Hmun Hall hnungah te, Pu P.Lalhmingliana Ch-Sec. te In bul ah te bawlhhlawh kan la paih fo mai. Tun hnuah paih lui kan la awm cheu a nih chuan hming hial tarlan a ni zel tawh ang. Chuvang chuan a paih thin ten tun hnuah chuan paih tawh lo turin kan in hriattir nawn leh a ni e

O HRIATTIRNA
Bethel kawn lunlai ah leh kawngpui thenkhatah te naupang ball pet leh infiamna chi dang dang ti thin kan awm a, lirthei laka kan him zawk nan tunhnu ah chuan kawngpui dungah hian infiam tawhlo turin nu leh pate pawhin kan fate i khuahkhirh theuh ang u.
O LUAH HAWH DAWN
Tun tum in thlan chhung hian Bethel Local MPF te chuan Office atan Pu Roliana In sak lai chu an luah hawh dawn. YMA Office an hman turah pawh an lawm hle.

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

TUNLAI BETHEL
Am taka maia a tam zawkin thlansa phul kaia kan thawh hun chhun ni chuan hun min hman rei lo pui tial tial zel a, Khuantevik lai atanga Daifim tawn tlang tan erawh chuan duh ang thala thawk lah kan bo chuang lo niin a lang. Chutih laiin thalai tam tak te erawh kan zingkar a tawi leh zual ni te pawn a lang bawk...!!!
Kan hmaa inthlanpui lo awm tur chu a te a lian, a pui apangin kan kawtkaiah kan lam ri chhen tlang bawk. In tam takah Party flag in tar hmuh tur pawh a tam namen bawk e. Sawrkar tur in rin siakin mahni tan lam te tam tak chuan kan sawi vul chuk reng vei bawk. Mahse a awm ve reng a lawm i ti mai ang, a hun lai ni miau hek le.!
Zan lam pangah zirlai ten an hna rim takin an thawk ngawrh tlang a, chutih laiin vawt do zo lo deuh te chuan Sikri an hual mawi tan bawk......!!!!!
Hmun tam takah duh dah taka bawlhhlawh paih mai mai thin kan la awm cheu reng bawk. Keimahni tan a tha lo a ni tih pawh hriat kan tum zel a niang chu...!!!!
Choka chhung lamah ‘V’ chuan min la ho thei chhunzawm zel a, a thuih hruai turin thlai chitin reng an tam hun lai a ni a, nu ber tan pawh ko a rit lutuk lo niin a lang tlang hrih bawk......!!!!!!!!!!!!


&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

Shotgun

U Nimina an thu chham kan hriat kha chuan tih ve nghal ka chak ve tak tak a nia aw..!
..........Tv.Hminga V-Sec.
U Hmân zana ka hla hril kha chu maw, face to face-a kan awm vang zuk ni reng a.
.......Nl.Chatei V-Sec.
U Keia khuangpu kha alawm, hla pawh ka sa lo hrim hrim, ka khuang vuak rihngawt kha ka ngaihtuah ve tho a lawm.
......Tv.Hruaia N-Sec.
U Tunlai chu tumah hian in hre si lova le ! kan in be hle thei a sin, ram pawn ngat le. A rawn haw hun chuan duh duh ka lei dawn.
........Br.Vice President
U Ka taksa chu hetah, ka thinlung chu Khawzawl ah daih a ni a awm.
.......Nl.Muani N-Sec.
U Volleyball hi chu ka ti thei vak lo a, mahse Badminton erawh hi chu ka ti thei chuang lova.
......LT. Chhakchhuak N-Sec.
U ‘Lâm ang ka lo let leh ta e Vala’ ka tih ve nasat nen, Khankawn Police Duty hovin AR te min sipel tir vel chu le. Kei ai chuan Tangkaia khan a ang zawk daih..
......Pu Mafela V-Sec.
U Tleirawl laia hapui tawp ber han phawi ringawt mai chu. Miin min hmu senior vek alawm..
......Nl. Biaklawmi T-Sec.
U Tunah chuan keimah deuh chiah ka bang ta!! Lo ngai reng rawh u, World Cup leh hma chuan ka ri ve zak tawh ang..
.......Tvvvv. Lawmtea Ch-Sec.

Comments

Popular posts from this blog

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…