Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Bethel YMA (BYMA)

Member’s Meet nei dawn.
Bethel. Nov.9 (Sunday) : Bethel Branch YMA Executive Committee in a lo rel tawh angin Dt. 13.11.08(ningani) Dar 6:00 Pm khian Chhura Hmun Community Hall ah Member’s meet neih a ni dawn.
He Member’s meet hi member te kan in pawh tlan zawk nan leh thildang pawimawh chi hrang hrang in hrilhhriatna leh infuih tharna hun atan leh member chawimawi tlak te chawimawina hun atan hman tur a ni. Tin, he hunah hian ISVSA ten Awareness Campaign an nei bawk ang. A hnuai a mi ang hian hun hman a ni ang:-
A Hmun : Chhura Hmun Community Hall
A Hun : Dt. 13.11.08(Ningani) Dar 6:00 Pm.
Chairman : Pu K.Lalbiakhlira, Vice President.
Tanna Hla : ‘Aw Nang Kan Lal Kan Pathian’
Hunserh : Tv.C.Hranghluna, Speaker
(Emmanuel After Care Centre)
Conference Report : Pu Vanlalhriata, Treasurer
Solo : Nl.Lalnunthari V-Sec.
Fuihna Thusawi : Pu H.Lalmawia, Sr. Adviser.
Solo : Nl.K.Lallawmzuali T-Sec.
Tlawmngai/Huaisen
Chawimawina : 1) Pu P.Lalhmingthanga Ch-Sec.
2) Tv. Ramengmawia Ch-Sec.
3) Tv. Piangdeihsanga Ch-Sec.
Parthi hlantu : Pu C.Lalfaka, Sr. Adviser.
Thusawi : Pu H.Vanlalthanga, President.
Solo : Nl.Zairemthangi T-Sec.
Chawimawina(Sports) : Nl.Lalhumliani (Taekwondo), N-Sec.
Nl. DS Zovi (Arm Wrestling), V-Sec.
Parthi hlantu : Pu K.Zakhuma, Sr. Adviser.
Awareness Campaign : ISVSA
Drama : Pu R.Lalhmunsiama & Party.
Vote of thanks : Pu F.Lalbuatsaiha, Fin. Secretary.
Programme hi a tul anga tih danglam theih a ni ang a. Tin, Seat Arrangement, Light & Sound, Ushering te hi Vanapa Section kutah dah a ni.

&&&&&&&&&&&&&&&&&&&&&&&&&&&&&&&&&&&&&&&

DAMLO
(Kan Hriattheih Chin)
4Tv.Laltlanzova S/o K.Rotluanga chu khawsik avanga an training na(Sesawng) atanga Champhai Damdawiin-a a awm hnuin ni 7.11.08(Zirtawp) khan dam takin an lo chhuak.
4Pi Notiali N-Sec chu Khawsik, Santen natna in a tlak buaka, an chenna Ina enkawl a nih hnuin ziaawm lam a pan zel.
4Pu Khuangbuaia N-Sec. chu Cancer natna avangin hun engemaw chen atang khan anmahni chenna Inah enkawl a ni.

BRANCH AIAWH
5th Nov khan AH & Vety buatsaihin Avian Influenza (Bird Flu) chungchangah awareness campaign neih a ni a. Hetah hian Tv. Lalruatsanga, Tv. Vanlalhruaia leh Pu Zoherliana ten kan veng ai an awh a ni.

neithar
Pu B.Hranghlira T-Sec. te chuan Sumo nalh tha tak mai an nei thar a, kan lawmpuiin vengchhung tan pawh kan la hman tangkai ngei kan beisei.

tuakthar
J.Lalramthleni(Mami) D/o Ramhnehzauva, T-Sec. leh Reuben Zasai Hlychho, Khatla Aizawl te chu Ni 14.11.08 khian Circuit House, Khatla Aizawl ah an in kutsuih dawn a, Ni 11.11.08(Thawhlehni) khian Soil Complex ah a thlahna hun hman a ni ang.
Peter Mawia N-Sec leh J.Fanmawii V-Sec te chu YMA Certificate dawnglo zawngin an in hruai ve ta rup mai.
Laldanmawii leh Lalthlahliana te chu ni 13.11.08 khian Vengthlang Presbyterian Centenary Hall ah an in suih tha dawn.

Tunlai Bethel
U â Mâ a hnai tawh zia lantir nan khaw awm dan leh kan chetzia chuan kan ti lang tan ta hle niin a lang a, Pa tling tam tak pawn Thlasik rorelna hnuaia kun chu an hreh ru tlang hle niin a lang bawk.
Chutih laiin kan hma maia kan chunga roreltu tur thlanna awm tur chu kan sawi cham chi a, mahni party te an tling dawn tiin a hnar kaitu thenkhat chuan kan sawi bang thei lo tan ta bawk...!!!
Lehlamah inthlang tura a tam zawk an buai laiin Chiahpuam rawn buai chuan hmun tam takah harsatna a thlen niin a lang a, nimahsela vengchhungah chuan harsatna lian lutuk a awm lo niin a lang........!
Zirlai naupang ten thawhrah seng tumin Exam hmachhawn mek leh hmachhawn tur an awm zel a, hemi vang nge ni, zan lam pangah naupang veivak an vang deuh niin a lang.Chutih rualin a rual u thenkhat Ningzu par tlan am deuha khawlaia hmuh tur an la awm cheu. Mahse, a tunlai tawh lo a ni tih hre tanin an kimki ve tan niin a lang bawk...!!
Kawla ni chhuak chhiara kan thawh chhan lamah Favai heha te ho chu to hle mahsela in tin a la hrut chhuak tlang bawk a ni lawm ni..........!.

BSC NEWS

CDVA -in Silver Jubilee puala Volleyball Tournament a buatsaihah Final chu hun rei tak khelh theih loh a nih hnuin tunkar thawhtanni khan khelh a ni a, hemi tum hian kan vanduai ta hlauh mai a, pahnihna kan niin Rs.2,500/- leh trophy mawi tak kan dawng a ni. Tin, an lawmman lak atangin sawma pakhat pein an member Tv.Lalruatfela chu Rs.250/- in an kan.Volleyball player te chungah te, nu leh pate chungah te leh vengchhung mipui tawiawm thin zawng zawng te chungah lawmthu kan sawi tak zet zet a ni.
Tin, hun remchang hmasa berah vengchhung bik tan Badminton Tournament buatsaih tum a ni a, a khel thin te in ring tan turin kan in hriattir a ni. Tin kan VC ten kan in hlawhna Rs.3000/- min pe a, an chungah lawmthu kan sawi tak zet bawk a ni.
Kan member pui Tv. Christopher Lalthlamuana chu hman ni deuh khan Sikkim-a Football Tournament-ah Mizoram aiawhin a kal a, hetah hian an zu Champion nghe nghe a nia ni.
Kan member pui Nl. Lalhumliani Taekwondo a Mizoram aiawha a kal pawh ningani khan a lo haw thleng leh ta.
Heng mite kan veng chhung ti hmingtha tute zawng zawng hi Bethel Sporting Club chuan a chhuang che u a, in hlawhtlinnaah a lawmpui tak zet zet che u a ni.

&&&&&&&&&&&&&&&&&&&&&&&&&&&&&&&&&&&&&&&&&&&

SHOTGUN

U Pawisa chauh nilovin mihring chiahpuam na hi a awm lo maw??? Kan va mamawh em em ve.
---Nl. Bektei, T-Sec.
U In rin ang hian ka awm mai mai lo tih in la hre mai ang. Engmah lah hi in hre si lo....
Nl. Hmingi V-Sec.
U Pastor Bial an han sik sawi zet chu mi dang tana malsawmna ni lem lo mahse kei a tan chuan Vanram tlafual a lo ni e.
---Tv.Nelson V-Sec
U Aw Lalpa, tun thlasik ah te hi chuan phal ve tawh mai la? Inzui reng ringawt ai chuan.
---Nl. Rokhumi T-Sec.
U Inthlan a hnai tawh bawk a khulamah ka in chiahpuam deuh reng mai.
---Pu Ruatsanga T-Sec.
U Ka pawisa (nuai ....) tam tham tak ka lo chiahpuam ve si a, zanlam pawh ka muhil thei mang lo. (Ed. Board te chuan chiahpuam tur a neih kan hre lo)
---Tv Tangkaia T-Sec.
U Tlangval laia lunglen aiin pathlawi lunglen hi alo na daih zawk, balhla kung hnuaiah ngaihdam kan dil duk duk reng mai alawm.
---Pu Lalsawma T-Sec.

Comments

Popular posts from this blog

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Champhai Tualchhung

ni 21.11.2015 (inrinni)
COLLEGE PRINCIPAL “HMABAK - LAIZAWN PHUBA”:
    C.Vanlalpekhlua lehkhabu ziah "Hmabak-Laizawn Phuba" chu nimin khan Govt. Champhai College Seminar hall-ah tlangzarh a ni.
    Tlangzarhna inkhawm hi Pu Lalnunsanga Fanai chuan a kaihhruai a, Lalsiammawia Sailo chuan lehkhabu thlirlawkna a neih hnuah Pu Lalnunmawia, Govt. Champhai College Principal chuan he lehkhabu hi a tlangzarh a ni. Tlangzarh pah hian thu sawiin GCC Principal chuan, thu leh hla lamah Champhai hi Mizoramah chuan kan la hnufual hle a. Mi thenkhat chuan thuziak mi hi engtikah emaw Champhaiah hian an rawn la chhuak ve mai dawn niin an sawi thin a. Tunah hian chu hun chu kan thleng mek niin a lang a, a lawmawm hle a ni, a ti a, lehkha ziak leh chhiar kawngah thangtharte chu hmasawn tura a duhthu sawiin, hemi atan hian C.Vanlalpekhlua chu a entawntlak hlea a hriat thu a sawi tel bawk a ni.
    Lehkhabu ziak C.Vanlalpekhlua pawhin thu sawiin, he lehkhabu hi thawnthu tawi a lo ziah tawhte a khaw…

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…