Skip to main content

Champhai

CHAMPHAI IN EYE DOCTOR NEILO PAWI TI :
Champhai District Hospital a Eye Doctor awm ta lo chu MZP Hqrs. Champhai chuan pawi an tih thu an sawi.
Zirtawpni a Executive thukhawmah Champhai District Hospital a Eye Doctor awm ta lo chungchang an sawiho a. Zirlaiten thisen chhuak meuha theihtawp chhuaha Doctor an ngenna hliam dam fel hmaa Eye Doctor in hna dang zawm a, Champhai a chhuahsan chupawi an tih thu an sawi a. Sawrkar tana MIMER a hlut ang chiahin CHamphai tan pawh District Hospital hi a hlu em em a, mit Doctor kan neih thuai theih nan hian Health Minister hnenah ngenna hmanhmawh thlak lehkha ziak a pek nise, an ti. hei bakah hian Champhai DIET Lecturer Allision Byhnasa, Siaha DIET lama transfer chu a aiawh rawn dah thuai turin sawrkarah ngenna thlen vat nise, an ti bawk.
Hetih rual hian Champhai DIET a Mizo zirlaite dinhmun pawh uluk taka enzui nise, an chanvo dik tak an chang em tih zirchian nise tiin, MLA Election lo awm turah Party tin hnenah Champhai khua ngei, Champhai khaw…

Bethel YMA (BYMA)

Member Meet neih a ni.
Bethel. Nov.16 (Sunday) : Bethel Branch YMA Executive Committee in a lo rel tawh angin Dt. 13.11.08(Ningani) Dar 6:00 Pm khan Chhura Hmun Community Hall ah Member meet neih a ni ta.
He Member meet hi Pu K.LalBiakhlira Vice President kaihhruaina hnuaiah hman a ni a, kan hmanchhan dan te sawi hawnna te a nei nghal bawk a, Tv.C.Hranghluna N-Sec. chuan tanna hunserh a hmang zui leh nghal bawk. Serchhipa YMA General Conference report Pu Vanlalhriata hnen atangin thiam tak maia a sawi te ngaihthlakna neih a ni bawk a, a khat tawkin kan veng zaithiam Nl.Lalnunthari V-Sec., Nl.Lallawmzuali T-Sec. te mai bakah Mamit Tlangval Zoramchhana(Zo-Star Top-4) te chuan kalkhawmte chu thiam tak maiin an awi bawk Branch Sr.Adviser Pu K.Lalmawia hnen atangin thu tha tak ngaihthlak niin Member kalkhawm te chu kan Mizo nun zemawi tak chhawm nung thar leh tur te, Kristian nun dan tha vawng nung zel tur ten kalkhawm te chu a fuih a, tin, Branch President Pu H.Vanlalthanga pawn member te chu khawhar in kalah te, thlanlaih ni khua te, tlaivarah te, naupang zawk ten aia upa te zah thar leh turin leh YMA thil tihna hranga hranga tan la turin fuihna thu tha tak a sawi bawk a ni.
He hunah hian veng tihmingthatu te leh vengchhung mi huaisen te Chawimawina Nopui hlanna hun hman bawk a ni a, infiamna lama veng tihming thatu Nl.Lalhumliani V-Sec.(Taekwondo) leh Nl.DS Zovi N-Sec.(Arm Wrestling) te chu chawimawina Parthi awrhtir an nih mai bakah Sporting Club atangin Certificate hlan bawk an ni. Tin, nunna hial pawh thapa Lei min leh In chim kar atanga mi nunna chhanchhuaktu Pu P.Lalhmingliana, Tv.Ramengmawia leh Tv.Piangdeihsanga Ch-Sec. vek te hnenah huaisen chawimawina Parthi awrhtir an ni bawk. Tin, ISVSA atangin HIV/AIDS Awareness Campaign neih bawk niin, thu tha tak tak, ngaihthlak leh in zirtirna hun hman a ni bawk a, a kal ten he lam hawi zawnga in hrilh hriatna hun tha a la awm thei zel chu hlawk thlak an ti hle bawk.
Tin Member kalkhawmte nui leh mit ti tlai tur atan Pu R.Lalhmunsiama leh a nauten Mizo Thawnthu Chemtatrawta chanchin thiam tak maiin an Show bawk a, an thiamin a hmuhnawm hle a ni. Tin Chawnbawla Sec. ten Member kal zawng zawng te Theitui tui takin an hrai bawk. He Meeting-ah Member mai bakah Senior Adviser ten a atawp thlengin hun an hman pui bawk. Member kan tam ang hu erawh chuan kan kal tha lo hle a, nimahsela a kal chhun ten thu tha tak tak an ngaihthlak bakah mit leh beng tlai chu hlawkthlak an ti tlang hle a, tun hnu zel ah hetiang ang hun hi nei thei zel ila an ti hlawm bawk.

&&&&&&&&&&&&&&&&&&&&&&&&&&&

DAMLO
(Kan Hriattheih Chin)
4 Zakiptlemi M/o PB Lalrinthanga V-Sec chu taksa chak lohna avangin anmahni chenna Inah enkawl mek a ni.
4 Tv. Laltlanzova S/o K.Rotluanga T-Sec. chu ni 14.11.08(Zirtawp) khan in check up turin Aizawl lamah an kal.
4 Pu C.Rokima V-Sec. chu hun rei tak phai lama a in enkawl hnuin ni 8.11.08(Inriinni) khan dam takin an lo haw.

MIN PE
Pu C.Lalthantluanga T-Sec. te chhungkua chuan Plastic Chawhtawlh pahnih min pe a, Tin, Pu Thiangina’n sound box minpe bawk a lawmthu an chungah kan sawi tak zet a ni.

THIANFAI
Pu R.Khawhluna F/o R.Lalhmunsiama T-Sec. chuan DC Road chhoh dawna zunin bul kawra bawlhhlawh awm chu hlawhfa ruaiin an thenfai tir.

FAMCHANG
b Pi Chindimi(76) Ch-Sec. chu Scitica natna avangin ni 9.11.08(Chawlhni) khan an mahni chenna Inah a boral a, ni 10.11.09(Thawhtanni) ah Thlanmual no. 2 ah vuiliam a ni.
b Pi Zachhingi M/o Laldinngheti V-Sec. chu Ashma natna avangin anmahni chenna Inah ni 10.11.08(Thawhtann) a boral a, hemi ni vek hian Thlanmual no.1 ah vuiliam nghal a ni. Khawhar chhungte Editorial Board ten kan tawrhpui tak zet zet a ni.

NAU NEI THAR
Kan Editor Pu H.Vanlalpeka te chuan ni 14.11.08(Zirtawp) zan khan Grace Nursing Home Aizawlah fapa thar duhawm tak mai a nei. Tin Editor pawh a fapa thar hmu turin ni 15.11.09(Inrinni) khan a liam thla ve nghal. Editorial Board ten kan lawmpui tak zet zet a ni.

INNEI DAWN
Rebecca Lalrinchhani D/o JC Lalruatliana, leh Saihmingliana Sailo Hmunpui chu Ni 27.11.08 khian Hmunpui IKK Kohhran Biakin ah Dan 1 na in an innei dawn. Ni 25 khian anmahni chenna In ah thlahna neih a ni ang.

SALVATION TLANGAU
Salvation Fair Deal 14 Buhfai etc. man chanve a lei tura thlan te khan Dt. 10-15.11.08 (Mon-Sat) 7:00 - 8:00 Am hian lak leh/lei theih a ni e. Rs. 160/- ken a ngai. A hmun CHANEM Building.

MEMBER KAL ZAT
Ni 13.11.08 a Member Meeting neih zawh taka Section hrang hrang te kal dan chu hetiang hi a ni.
Vanapa Section - 51
Chawngbawla Section - 30 Neuva Section - 24
Taitesena Section - 20

&&&&&&&&&&&&&&&&&&&&&&&&&&&&&&&&&

Tunlai Bethel

A hun leh ni lah chu Second tinin a hnai tual tual mai ta si a, tam tak te erawh mahni hna buaia kan buai a la ngai reng tho. Chutih lai erawh chuan thenkhat kil khat atanga âm tak maia hmang turin an in buatsaih ruk tan bawk hi.....!
Lehlamah Thlasikin an bu zawla min hruia luhna kalkawngah tam tak te chuan kan do zo lo tan der niin a lang bawk a, a bikin thalai te zingah Zing kar ni chhuak hmu hman lova Delhhlum sa ei tum kan tam tan niin a lang bawk....!
Chutih laiin Inthlanpui kan hmachhawn tur chu kan beng leh a pe chhuaktu lam kan ka a rim tlang hle niin a lang bawk a, ding zawng leh vei zawngin a hnarkaitu thenkhat te chu an vir tawn chhen bawk.........!!!!!!!
Member Meeting neih a ni a, an kal thain a hlawk thlak an ti hle a, tihfo atan pawh a tha a lawm tia an sawi let vung vung bawk hi. Tin a kal lo ten a nawmzia an hriatin an inchhirin a kal te hnunglam atanga an en zui vawng vawng bawk hi...!
Kan In timawitu a pawimawh ber lamah tumah rengin chang dang kan la kan thei lo tlang zel a, a thau leh a ti in pawlh tia, Sa sahna hmaa kan la pawt zuah zuah atang hian kan Choka rim zawng a la mawi chhunzawm zel a ni lawm ni........!!

&&&&&&&&&&&&&&&&&&&&&&&&&&&&&&&&

(MHIP THUCHHUAK)
THE MIZO DIVORCE ORDINANCE, 2008
(chhunzawmna)
BUNG III
NUPA INREM LEHNA
4. Nupui emaw pasal emawin chhuanlam tlinglo hmanga a pasal emaw a nupui amaw hi a mutpui duh loh chuan a tuartu zawk chuan an nupa a an awmdun leh theih nan Court ah dilna a thehlut anga, dilna a thu tarlan te hi a dik a, dilna hi phalsak loh na chhan tur awm lova a hriat chuan Court chuan nupa te hi awmdun leh turin a rel thei ang.
5. Court in nupa te hi inrem leh tura thutlukna a siam hi zawm anih loh chuan inthenna emaw inneih thiatna emaw dilna nupui in emaw pasal in emaw court ah a pulut anga, dilna a tarlan chu thudik a nih a, dan anga p[halsak lohna chhan tur a awmlo ni a angaih chuan court in inthenna leh inneih thiatna atan thutlukna a siam ang.
6. Inneihna thiat tura court thuneihna :
Inthen diltu hian engti kawng mahin inneihna tih khawlhkham tumin hma a la ngai lova, uirea puhna pawh a namnul lo tih hria a a lung a awi chuan court chuan inneih thiatna thu a puang ang.
7. Thutlukna puan hun :
Inneih thiatna hi thutlukna siam atanga ni 90 chhungin court-in a puang ang.
BUNG IV
NUPUI CHHAWMDAWLNA
8. Dam chhunga chhawmdawlna :
(1) Nupui emaw pasal emawin chhawmdawl dilna court-a a thehluh chuan court chuan he Dan tlawhchhana thutlukna a siam angin dilna pu luttu kawppui chu dilna pu luttu hnenah a dam chhungin chhawmdawlna tum khatah emaw thlatin emaw, a khat tawk emawa pe turin emaw thupek a chhuah ang a. Chhawmdawlna petu tur pawisa lakluh zat leh a thil neih te, chhawmdawlna dawngtu pawisa lakluh zat leh a thil neih te, an pahniha nungchang leh thil tul dangte ngaihtuaha dik tawka a hriat angin Court chuan chhawmdawlna pek tur zat a bithliah ang. Tul a tih chuan chhawmdawlna petu thil neihte pawh telh a ni ang.
(2) Sub sec(1) a sawi anga thupek chhuah a nih hnuah chhawmdawlna petu leh dawngtu dinhmun a lo danglam emaw chhawmdawlna dawngtu in nupui/pasal a lo nei leh tawh tih court-in a hriat chian chuan chhawmdawlna hi a ti danglam emaw thupek hi a titawp emaw ni ang.
(3) Bungraw tihral dan :
Inneih laia nupain an intawm tur bungraw pekte tihral dan tur chu he dan tlawhchhan hian tha a tih angin Court-in ro a rel ang.
BUNG V
NAUPANG ENKAWLNA
9. Naupang hamthat nana court tih tur :
He Dan tlawhchhanin court chuan naupang enkawltu, a chhawmdawlna leh a zirna chungchangah a theih chinah naupang duh dan hria in, thupek lailawk a chhuah thei ang. Naupang chhungten an dil chuan Court chuan thupek hi a sut lailawk emaw a tidanglam emaw thei anga, tul a tih chuan naupang chu court venhimna hnuaia dah turin a ngaihtuah tir thei ang.

&&&&&&&&&&&&&&&&&&&&&&&&&&&&&&&

Mihring tungchhova kal zawng zawngte hian nupui/pasal neih hi kan hmabak leh tihtur a ni theuh awm e. Chuvang tak chuan hnamdang nupui/pasal neih chungchang hi a pawimawh em em a, a pawimawh zia hriain YMA te pawhin thupuiah an thlang hi lawmawm ka ti hle mai.
Hnamdang nupui pasal neih chungchang hi sawifiah awl tak, leh sawi chian harsa tak a ni. A bul zawka kan nih dan han chhui chuan thlahtu hmunkhat atanga lo peng darh ta kan ni mai a, tawng hrang hrang kan lo neih na chhan pawh hi Babel in sang sak atang khan niin Bibleah kan hmu a. Mizote pawh hi Mongolian thlah kan in ti a, kan hnam chanchin ziaktu te chuan China ram atanga lo kal a, Burma kal tlang a, Mizorama lo cheng ta niin an sawi a, dik tur ah ngai ila.
A nih leh hnamdang kan tih te chu engtin nge kan thliarfel tak ang le? Hnam dang han tih hian tawng inang lo te, vun rawng inang lo te, sakhaw biak dan inang lo te leh nunphung leh thil thlir dan pawh inang lo te hi hnamdang te chu a ni tiin hrilhfiah ta mai ila a dik awm e.
Hnamdang nupui atana nei ai chuan hnamdang pasala atana nei hi mizote zingah a tam zawk kan nih a rinawm a.Hei hi engnge a chhan ni ang tih ngun taka ngaihtuah tur awmin a lang. Hnamdang rau rauah kan Indian-pui, vai or kan tlangmi pui te nei ai chuan mingo (Sap) kan tih te hi nei an tam ber mai thei ani. Hei hi ngun taka kan ngaituah chuan, hnamdang pasal or nupui atana nei te hian an hmangaih em em vang niin a lang lova, mizo tam tak chuan hmangaihna ai chuan awm awlna leh khawsak nuam zawka kan awm theihna tur lam hi kan ngaihtuah fo thin a, nu leh pa tam tak pawhin chumi khami chu nei rawh i tan a nuam ang tih te kan ching hle a ni. Chumi khami i neih chuan hnathawh hah a ngai loving, te kan ti fo thin. Chumi avang chuan nula tam tak te’n, an mahni nawmsak zawkna tur ngaihtuahin mizo tlangval te zingah han ti nuamsa thei tur leh chawm zo veh vawh tu an awma an hriatloh avangin hnamdang hi pasal atan an melh thin niin ka hre ve tlat. Chutih karah mizo mipa hnamdang nupui neite pawh sawi tur kan awm ve nual tawh a ni.
Hnamdang nupui/pasala neih that loh na thenkhat te:
1. Hnamdang neih rau rauah pawh sakhaw biak thuhmun lote inneih hi a buaithlak zual, mi thenkhat hnamdang pasal nei te pawh hian hreawm an tih ngawih ngawih ni pawh a tam ve thin hle a ni. Sakhaw biak a inan loh chuan in pawhna tak tak neih a harsa a, an chhungkua a va in pumpek tak tak a harsa em em a ni.. Chubakah an chhungte leh an kawppuite nen inpawh tak tak a harsa thin. Mizo nula, vai nei pakhat chuan” kan sakhawbiak a inang si lova, kan inpawh tak tak thei lo a ti”
2. Hnamdang nupui/pasala neih chuan ei leh in duhzawng a lo in ang tak tak lova, kan va neiha te tan leh keimahni tan pawh in adjust harna lai tam tak a awm thin a ni. Ei leh in hi nupa karah thil pawimawh tak mai pakhat a ni a, pasal te duhzawng tak ei leh in siam a han ei tir te hi nupa karah inpawhna tha tak siamtu a ni ve fo thin,ei duhzawng a in an miau loh chuan harsatna neuh neuh awm thei thin a ni.
3. Tawng thuah kan tawng emaw anmahni tawng hmang pawhin han inbiain hlimpui viau thin mahse, mahni pianpui tawng lo hmang thang tan mahni tawng a ngaihawm duh hle a niang, kan nau pakhat American nei pawhin a email rawn thawn ah chuan “Mizo tawng ka rawp” a ti.( Mizo tawnga tawng a chak ngawih ngawih tih na a nih chu)
(Karlehah a chhunzawm.....)

&&&&&&&&&&&&&&&&&&&&&&&&&&&&&&&&

BYMA SHOTGUN
U ‘Engnge ni Chiahpuam in tih in tih hi, kan Nupa hi Chiahpuam chu kan ni mai lo maw...!!’
.......Pu Lalmawia T-Sec.
U Ka zing Ni chhuak ai hi ka hawi chho leh vung vung thin.
.....Tv.Muanzuala N-Sec.
U Ka Hmuihmul a fai leh a fai loh hian ka nitin hun hman dan chu a hril tlangpui. A buk chhurh chuan biak ka nuam leh zual ang.
.....Pu Rammawia(Driver) V-Sec.
U ‘Nova Lawng Tuk’ leh ‘Mei Khu Dum Ram’ ngaithla peih lo chu YMA loh mai tur.
.....Pu Thaduha Ch-Sec.
U Dik tak chuan kan sawi leh mai angnge, keimah zawk a lawm Kolasib aia Darlawn Vote zawk chu. Mahse kan Nu mawlh hi...!
......Br.Treasurer
U Thil tih khawm reng reng ah a Mâwl berah min tan tir ziah a, kan nu in min hau nasa thei lutuk, thu te sawi ve tawh rawh min ti.
....Br. Asst. Secretary
U Fapa neih dan hi min lo zirtir ve teh u, ka lehkhabu kawl hi chu a dik tawk lo tawp mai. 500 man lai asin mawle....
.....Pu Lalmama T-Sec.
U Tun Masi chu ‘Dendrite leh Boney-M’ awm chuan tawk mai.
.....Tv. Zothana V-Sec.


&&&&&&&&&&&&&&&&&&&&&&&&&&&&

Editorial

Member’s meet kan hmang zo chiah bawk a, tun tum chu han chhui let lawk ang aw.
Keichu kan President thusawi ber mai khan ka rilru a hneh in keipawhin ka lo vei zawng tak a ni ve tlat mai. Khawhar in kan kal dan chungchang bik ah hian YMA ten kan tih tur leh kan tih loh tur hi kan hra ta lo a ang ta khawp mai. YMA leh khawtlang a mi langsar leh mitha deuh ten chhiat an tawh hi chuan kan fel in kan tha teh meuh mai mahse hetiang lama mi langsar ni lemlo leh mi chhumchhia leh rethei zawk te, veng kilkhawr deuh hleka awm te tan hian YMA chu ‘Tanpui ngaite tanpuitu’ kan la ni tak meuh em tih hi kan in chhut chian a ngai hle in a lang ta. Mi hausa leh mi langsar te chauh kan tanpui thin a nih chuan YMA thil tum leh dinchhan hi kan thelh deuh ta lo maw??
Khawhar In riah chung-chang hi tunlaia ka thil vei ber pakhat chu a ni ta. Han ti ve khanglang ila keini hunlai te kha chuan riahna in chan mangloh chang te kha a awm thin a ni ngai a..., mahse tunlai ah hi chuan mi kan hman ta lo nge, kan tlangval leh rawlthar deuh te hian khawhar in ah hian riah tur tih hi kan hre talo zawk!!! Kan President in ‘tlangval te riak tur in awm loh chuan Branch Ob te kan inpu lut ang’ a tih phei kha chu YMA tlangval tan chuan a va tlawm thlak tak em. Khatianga kan hruaitu ten an tih pawha zahna chang kan la hre lo a nih chuan mi pangai ni lovin mi â nileng kan ni ah keichuan ka ngai. Hriatlohna hian mihring hi a ti â thei an tih ang deuhin khawhar in riah nachang kan hrelo hian tlangval vengva lo leh khawtlang tana mi tangkai lo kan ni tih hji i in hre thar leh ang u. Section dang leh veng danga kan ti theilo a nih pawhin mahni section ah leh vengchhung ah tal hi chuan tan i la thar leh theuh ang u.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai Tualchhung Chanchinthar

ni 19.9.2016 (thawhtanni)
DC IN FAI ZUI ZEL TURIN MIPUI TE NGEN :
Champhai District in faina leh thianghlimna kawnga hma a sawn zel theih nan Champhai District Bawrhsap chuan thuchhuah a siam.
DC chuan India Sawrkar laipui hmalaknain Swachh Bharat Mission hnuaiah Faina leh thianghlimna chu thupuia neihin hemi kawng ahmalakna hi chak taka kalpui mek ani a. Rampum huapa inthiarna neih dan chungchanga tlang mite chenna Hill State zingah pawh mizoram chu 6-na niin, District bil tehnaah District fai ber 10 thlan chhuahah Champhai chu 9-na kan lo ni thei ta hi a chhuanawmin, mimal leh sawrkar hmalakna hi a lawmawmin a fak tlak hle a ni, a ti a. Tunah kan State leh District dinhmun atanga hmasawn zel hi kan tum leh hmabak a ni tih hriat theuh hi a pawimawh takzet a. Chuvangin tun atang chuan mi tupawh In sa tur reng rengin Ek In an sa tel ngei ngei tur  ani, tih a tarlang.
Hei hi Village Council tinin an veng/khuaah khawng taka ken kawha nih theih nan hma an la theuh tur a ni a. Tin, an bial chh…

Bethel YMA (BYMA)

BRANCH EXECUTIVE COMMITTEE NEIH A NI
Bethel. March.27Sunday) : Branch Executive Commiittee vawi thumna chu ni 24.3.09(Thawhleh) zanah YMA Office-ah neih a ni.
Branch Executive Committeee hi President Pu Lalsanglura Zote in kaihruaiin member sawm pariat an kal thei a, Pu C.Lalfaka Senior Adviser chuan Committee te tluang taka neih theih nan Pathian hnenah tawngtaina neiin rorel tan a ni.
Rorel I-na Kan Branch Vice President Pu S.Lalruatsanga chawlh dilna chu ngun taka sawi ho a nih hnuin a rawn dilna chu zahawm viau mahse tun atan chuan la pawm sak lo mai ni se an ti.
Rorel II-na Branch-ina a thunun mek Pu Nanghekmanga, Pi Nianglianchini, Pu Thangkhanlanga te ngaihdam dilna chu ngun taka ngaihtuah a nih hnuah an dilna pawm sakin thunun an nihna chu hlih sak a n ni.
Rorel III-na Central YMA atang Branch tina YMA chhang din theih ni se an tih chu kan Branch-ah pawh ngun taka sawi ho a nih hnuin kum 2009 atan kan Branch-ah pawh din ve nise an ti a, Section Wise-a din nise April thla chhunga …