Skip to main content

SAWRKAR UISA THIAMTEN NIHNIH CHHUNGIN RUIHHLO NUAI 7 MAN

SAWRKAR UISA THIAMTEN NIHNIH CHHUNGIN RUIHHLO NUAI 7 MAN : Champhai Police-te chuan nihnih chhung lekin Champhai Town huam chhungah Ruihhlo Cheng Nuai 7 man zet an man. Champhai Police hotute hnen atanga thu dawn danin, Police leh CID (SB) tangkawpte chuan nimin-zing khan New Champhai-ah rinhlelh thila an dapna lamah Lalthluaii kum 48, Kaphnawka fanu, Aizawl Bawngkawn ni a inchhal hnen atangin Heroin Hawng 6 (Gram 176) an man a. Champhai Police Station-ah ruihhlo neitu a puh hi ND&PS Act tlawh chhanin thubuai an siam sak a ni. Ruihhlo leh a neitu a puh hi nimin khan District Court-a hruai a nih hnuah Champhai District Jail-ah dahluh nghal a ni a. Ruihhlo (Heroin) man tak hlut zawng hi tualchhung hralhna a chhutin Cheng Nuai 3 (Rs. 300000) man a ni  Nimin chawhma khan Police Petrolling chuan Springdale School piah, Zotlangah Zokhawthar atanga Champhai pana tlan, Taxi MZ04 4049 atangin heroin Hawng 3, Gram 42, tualchhung hralhnaa chhutin Cheng 1,50,000 man chu an man a, a neitu ni-a…

Buatsaihtute Hmathlir

Vote I Thlak Ang U

December 2 hian Election Commission chuan kum nga chhunga Mizoram roreltutur thlanna ni atan a rawn sawn hla ta. Hemi ni hi ringtu zawng zawngte tan chuan kan ni pawimawh pakhatah kan ngai a pawimawh dawn a ni.
Mi tam tak chuan eng Party mah ka ni lova emaw kan Party-ah hlawkna pawh ka nei ve silo tih avangin Vote thlak hial an tumlo tih tawngtam te kan hre ta zeuh zeuh mai. Party a kan awm leh Party kan ruihchilh avangin Vote hi kan thlak tur a ni lova. India kua leh tui kan nih avang leh kan ram min kaihruaitu tur kan thlan chhuahna hun a nih avangin Vote hi kan thlak mai chauh zawk a ni. Vote kan thlak loh chuan mahni nihna pawh kengkawh zo lo mihring kan ni tihna a ni a, ransa nen danglamna pakhat mah kan awm dawn lo tihna a lo ni dawn a ni. Pathian-ah nunthar kan neih vang ngawtin vote hi kan thlak lo tur a ni lova Pathian tihmi mi tha a kan hriat kan thlang zawk tur a ni.
Chuvangin khua leh tui tha nihna kan lanchhuah tirna pawimawh tak mai Vote hi Vote nei tawh phawt chuan kan thlak ngei tur leh kan tihtur (Duty) a nih tih kan hriat a pawimawh leh zual awm e. Party Candidate en lovin Ram leh Hnam tan a mitha kan thlan chhuah thiam pawh a tul viau awm e.

Comments