Skip to main content

Champhai - Tualchhung Chanchinthar ni 19.5.2018 (inrinni)

TLAIZAWNG PHUN RUNPUI KALPUI TAN A NI TA :
Nimin khan Champhai leh a chheh vel hmun hrang hranga Tlaizawng phun runpui, Project Tlaizawng chu kalpui tan ani.
Champhai Nature Conservancy (CNC) leh Environment & Forest Change Dept. te tangkawpa buatsaih Project Tlaizawng hawnna hi CHANEM tualah neih a ni a. He hun hi Lalrammawii Chawngthu, President, CNC(www.champhai.net)  chuan a kaihruai a. C. Lalbiaka, Champhai DFO chuan a hmanpui a ni. DFO chuan thusawiin, India rama thing awm zawng zawng hi insem ta ila, mi pakhatin 28 vel zel kan chang thei a, khawvel ram dangte nena khaikhin chuan thing kan nei tlem hle a ni, a ti a. Mizoram pawh hi thing ngah tak angin lang mah ila State Forest Report tarlan danin kum 2015-2017 khan ramngaw km 531 bial kan hloh tawh a, a hmaa ramngaw 93% nei thin khan 8.7% chiah kan nei tawh  ani, tiin ramngaw chereu chhan ber chu ramkang leh kan loneih dan kalphung fuhlo vang a nih thu a sawi.
DFO chuan ramngaw humhalh tura hmalakna lian tham tak tak a lo awm …

Kahrawt YMA (Kahrawtians)

..... ... .................


“Y.M.A chu tanpui ngaite tanpuitu a ni”

Champhai Kahrawt Branch Y.M.A. Chanchinbu . Volume XVII . Issue No 49. Date.30.11.2008

Taitesena Section

Taitesena section chuan Kahrawt
veng paltlang kawngpui pahnih ah
(Welcome to Kahrawt) signboard
ziak thain an tar.

Central YMA in ‘Inthlan thuchah’ a chhuah thinte min ngaihpawimawh
sak thin avnagin leh min zahder sak thin avangin Central YMA chuan
Mizoram mipui leh Political Party te chungah lawmthu a sawi a. India
ram pum entawn tlak inthlanna felfai leh muanawm tak kan neih
theihna turin Central YMA chuan ‘Inthlan thuchah’ a siam leh a. He
inthlan thuchah hi ngai pawimawh a, zawm ngei turin Mizoram mipui
leh Political Party tinte a ngen a ni.

1. Kan ram rorelna hi mipui siam a ni a, a chhiat a thatah mawhphurtu
kan ni tih hriain, khua leh tui dik tak te chuan vote i thlak theuh
ang u.

2. Mizo hnahthlak zingah chibing/sakhaw bing inthliar hrang
zawnga chetna hi Central YMA chuan tha a ti lova, kan hmaa inthlanna
kan neih turah pawh chutiang zawnga hma la lo tur leh chibing/
sakhaw bing puala Candidate siam lo turin political party leh mipuite
kan ngen a ni.

3. Political party emaw, Candidate-in khawtlang ruai siam hi tha
kan ti lova, tumahin khawtlang huap ruai siam loh nise.

4. Candidate te hi ram hruaitu turte an nih avangin Zu ruih hmang
te, eiruk chingte leh nungchang thlahdahte Candidate te chu vote loh
ngam nise.

5. Naupang kum tlinglo leh thil kalphung hre phalo te, inthlan
boruaka hnuh luh loh leh hmanrua a hman loh nise.

6. Political Party Manifesto-ah a taka tihpuitlin theih ngei tur
tarlan nise.

7. Inthlanna muanawm, boruak tha tak hnuaia kan neih theihna
turin a thlangtu mipuite leh mawhphurtu zawng zawngte theihtawp
chhuaha tan la turin kan ngen a ni.

8. Hel pawl hmanruaa hman leh ralthuam chelekna reng reng kan
duh lova, mitinin an chhia leh tha hriatna thiang tak hmanga vote an
thlak theih nan sum leh therhlo dang hmanga vote leh leh hralh hi tih

EPIC

Tun tum MLA Election lo awm
turah hian EPIC hman tur a ni a,
vote thlak dawna EPIC card zawn
buai ngai lova lo in dap fel sa vek
turin mitin te ngen kan ni a. EPIC
neilo tan pawh Ration card, Driving
License leh NREGS card etc.
te hman theih a ni ang.

Training dawn

Dt.12.12.2008 (friday) hian Champhai
District chhunga Registrar of
Births and Deaths Annual Training
chu kan Branch YMA Hall-ah
an nei dawn.

Inthlan

Dt.2.12.2008 (Thawhlehni) hian
Mizoram Lagislative Assmebly
member thlanna chu Mizoram
pumah neih tur a ni a, vote thlak
theih hun hi zing dar 6:00-4:00
PM thleng thlak theih a ni anga.
Kahrawt ah hian Booth hnih,
North Booth leh South Booth
siam a niin North Booth in Primary
School-I ah thlak tur a ni
a, South Booth in Govt. Middle
School ah thlak tur a ni ang. North
Booth ah hian Vanapa Section
leh Khuangchera Section huamchhung
a mite bakah Pu Zuata
kawmchhak chin in an thlak ang
a, South Booth ah Chawngbawla
Section leh Taitesena Section Pu
Zuata in chin thlanglam zawngin
an thlak thung ang. Vote thlak hi
mitin te chanvo anih avangin thlak

Branch Executive

Kahrawt Branch YMA Kumtawp
Executive Committee Meeting chu
Dt.5.12.2008 (Zirtawp) zan Dara
6:15 PM hian Kaharawt Branch
YMA Hall ah neih tur a ni a, hemi
hunah hian Branch Executive
Committee Memberte kim taka kal
turin leh lo in ringlawk turin kan in
hriattir a ni. Agenda thawh duh tur
te pawhin Secretary hnenah hriattir
reng theih a ni bawk.

Tanpuina pe

MPF Local Forum Kahrawt in
Kahrawt Branch YMA hnena
tanpuina Rs 1000/- an rawn dil
chu Dt.27.11.2008 zana Branch
Office Bearer Meeting chuan
pek ve ngei nise a tih angin tanpuina
hi pek ve nghal a ni

MPF Kahrawt Local te
chuan YMA Hall ah Information
Office an luah mek a, dawr duhte
tan dawr theih reng an ni bawk.

Champhai Kahrawt Branch YMA Chanchinbu Kârtin chhuak. YMA Hall . 234728







BRANCH O.B. 2008

President : Thanghuliana

Vice President : R. Laldika

Secretary : R. Malsawmdawngliana

Asst. Secretary : PC.Zairemthanga

Treasurer. : F.Lalhmachhuana

Fin.Secretary : C. Chawngthansanga

Editorial Board

Editor : R.Malsawmdawngliana

Jt. Ed. : R.Lalnunpuia,
K.Lalnunkima

News Editors

C.Lalrawngbawla, Manasia Lalduh


Cir. managers

R.C. Lalsangzuala


Electronic Voting Machine hmandan

1. Vote thlak tura i kal hunah EPIC i neih chuan keng ngei ang che.

2. Vote thlakna pindan a i luh in vote thlakna khawl a lo awm anga,
khawl chung lamah eng hring (ready lamp) a eng ngei tur ani.A en loh
chuan Presiding Officer hriattir ang che. Tichuan, i duhber Candidate
leh symbol zawn ding lama hmehna tur ‘Button’ pawl-ah i hmet ang
.

3. I hmehna veilamah khan ‘Fei lem’ a senin a eng ang.

4. Voting Machine-ah vote a thlak theih tih hriat nan ‘Ready’ tih bula
a rin bial chhung a mi hi a rawn eng ang.

5. Ready tih bula rin bial hi a en hnuah mahni vote duhber hming zawna
hmehna turah vawikhat hmeh tur a ni.On leh Off hmasak a ngai lo,
Candidate zawna hmehna tur awmah vawi khat hmeh a tawk.

6. A hmehna tura hmeh hnuah a rawn kiu anga, chu chuan vote i thlak
ngei ani tih a nemnghet a ni.

Enkawltute

Kamch


India danpui hnuaia kunte
chuan zalenna thuhmun an nei
veka , mi hausa in an ngah bik
lova, rorel tuin a chuang a liam a
nei bawk lova, mirethei in an nei
tlem chuang hek lo. Khua leh tui
tu pawh zalenna chu a in chen pat
a, midangte nek chepna leh nawr
tawm nan tuman an zalwnna chu
an pawt fan thianglo a ni.

Mizoram pawh December
ni hnih khian ram roreltu thlang
turin a in buatsaih leh ta mup
mup mai. Kumtling chin chuan
vote khat theuh kan nei a, Vote
khat lek pawh nimahse hlu tak
a ni. Mipuite chunga in lulinga
roreltute thlan chhuahna tur ni
lovin, mipui rawng bawltu tur
thlanna a ni. sawrkar kaihruaitute
dinhmun hi beram pute dinhmun
nen a danglam chuanglo tih hriat
a tha, khua leh tuite ham thatna
tura enkawlchu sawrkar hna pui
ber a ni.

Vote nei thei chin chuan
Vote thlak ngei chu a bata kan
bat hialah ngai thei ila a duhawm
hle. Chutih lai erawh chuan Vote
nei ngei tur, mahse Politics tui nu
dawt ho hnathawh avanga ram mi
diktak Vote nei leh ta rih lote an
awm erawh hi chu thil pawitak a
ni.

Mimaltin Vote neih hi hralh
mai emaw hman lova thupbo pui
mai chi a ni lova, ram mi nihna
tichiang tu leh kan ram aiawh tur
kan thlanna ah hian kan aiawh tu
kan thlan hi mitin in kan mawhphurhna
a nih avangin mahni ngei
hman chi a ni a, rawng min bawl
saktu tute hi mipui kuta awm an
ni si a. Kan Vote kan hralh hian
kan zaahawmna kan ti bo a ni tih

HMING PARTY SYMBOL HMEHNA


ZORAMTHANGA MNF

TT.ZOTHANSANGA CONG KUT

ZOSIAMA PACHUAU UDA

LALTHUAMA SAILO LJP

NANGSIANMUNGA IND


YMA DINHMUN

1. Branch awm zat - 763

2. Sub-Hqrs zat -
5

3. Group awm zat -
47

4. YMA Member zat -
278140

5. Life Member zat - 7647

6. Chanchinbu la zat - 7430


e Seni te innneih a ka pen
thlauh kha ka ngaihtuahna thui
lutuk vang a ni a, kei man ka neih
ve hun chuan ngaihtuahna a tawi
deuh tawh anga ka thlauh palh
tawh bik lovang.
- Mafeli (Mo thian)

e Murlen Sanctuary vela Congress
tana sa kan pel vel chu nuam
ve tak a ni. Politics han khelh chuan
Reckshaw leh nupuite pawh
an lang pha tlat lo.

- Unaupa Thuama (Campainer)


e Nula nge ka ngaihpawimawh

Kan nun kawng zawhte
ngun taka chhutin enchiang
ila, kan nun te hi Pathian
duh dan angin i kaltir leh
ang u.



Email : www.kahrawtians.
blogspot.com

Published and Edited by Young Mizo Association Kahrawt Branch Printed at C.K. Press

Comments

Popular posts from this blog

Champhai - Tualchhung Chanchinthar ni 15.5.2018 (thawhlehni)

CHAMPHAI LEILET ZAWLA KUDAM LEH IN SA THIAH LOH CHHAN ZAWT :
Champhai Task Force te hmalakna kal zelah phaizawla kudam sa te chu thiahsak an nih lohna tur chhan leh vang sawifiah tura hriattir an ni.
Champhai leilet zawl hi Sawrkar dan dinglai angin loneih leh a kaihhnawih atan chauhva hman theih a ni a. Hetiang tur hian LSC leh ram pass pawh pek chhuah a ni a, hei vang hian Kudam sa lo tur leh a sa tawhte pawh thiat tura thupek chhuah a ni a, sa lai te pawh a hmuna kal chilh a tihtawp tir an ni tawh a. APril thla chhung a hriat vek tura tih an ni a, tun dinhmunah thiat emaw thiahsak engmah ala awm lova, thudawn danin heng kudam neitute hnenah hian hriattirna tawp ber pek a ni tawh a. Thiahsak an la nih loh chhan chu Kudam neitute hi COurt lam thu ngaihchan vang leh ni 8 khan Kudam neitute chu Dan ang thlapa thiahsak lo a nih chuan anmahni a thiat tura tih an ni a. Lehkha hi an dawng vek tih finfiah a ni a, lehkha an pek atanga ni 15 hmaa sawi tur nei silova, kudam thiat lo te chu thiah…

Champhai - Tualchhung Chanchinthar ni 17.5.2018 (ningani)

VANTLANG SIKUL - CHAWNCHHIM HSS :
Vantlang zirna In, Chawnchhim Higher Secondary School din tura hmalak mekah a tula ngte tihfel thawkhat tawh a ni.
Chawnchhim Higher Secondary School hi Champhai khawpui chhunga Higher Secindary  School indaih lohna avanga khawtlang hruaitu hrang hrangte leh tlawmngaipawl intel khawmin an din a ni a. HIgh School atanga pawl 10 passed chhuak ten Sawrkar sikul a Admission an hmuh vek theih loh avang te, veng chuan hnuai lam tana sikul panna hla lutuk vangte leh khawtlnga zirna boruak nasa zawk a awm theihna tura din a ni, Sikul hi khawtlang mipuiin an din a nih avangin khawtlang hruaitu kal khawm chuan Monthly Fee lak loh nise an ti a. Admission fee erawh Rs. 1000 a ni ang. Admission hi tunah Bethel Br. YMA in ah kalpui mek a ni a, Ziritrtu leh Staff  dang ten admission hi an buapui mek ani. Class tanna tur hmun pawh rei lote ah peih fel thuai a ni dawn a, Bethel veng huam chhungah Class hi tan tur a ni. Subject lak theihte chu ENglish, Mizo, Pol. Science…

Champhai - Tualchhung Chanchinthar ni 16.5.2018 (nilaini)

MAXI CAB SERVICE TURAH LA INREM THEI LO :
Champhai to ZOkhawthar Maxi Cab Welfare te chu Ruantlang daiah an la duty chhunzawm zel.
Champhai District Transport Officer in CHamphai ti Zokhawthar Maxi Cab  Welfare chu Rs. 100 a tlan tura a tih hnuah Rs. 100 a tlan chu a theih ngang loh avangin Sunday zan khan Champhai to Zokhawthar Maxi Cab  Welfare te chu thukhawmin an awm dan tur an rel a. He an thutkhawmah hian Rs. 130 a tawlh hniam nise tiin an rate  Rs. 150 atangin an tawlh hniam a, Zokhawthar lam leh STO te pawh he an tlan theihna tura an suan Rs. 130 hi an sawipui tawh a, nimin khan Zokhawthar lam pawh thukhawm ve nghal in Champhai To Zokhawthar Maxi Cab  Welfare te thutlukna Rs. 130 chu an pawm theih leh theih loh an sawi ho a, an pawm thei a nih chuan a pangngaiin Champhai to Zokhawthar Maxi Cab Welfare te hi Zokhawthar ah an Service leh nghal ang a, an pawm theilo a nih erawh chuan Ruantlang dai ah Duty chhunzawm zel an la tum niin thudawn a ni.
Hetihlai hian Zokhawthar Joint Meet…