Skip to main content

Champhai

UD&PA DEPARTMENT HMALAKNA KALPUI MEK PUANGZAR :
Nimin chawhma khan UD&PA Department Champhai leh MJA Champhai District Member-te chuan inkawmhona hun DUDO Pisa, CHANEM Building-ah an nei a. UD&PA Department hmalaknate inhrilhhriatna hun an hmang.
He hun hi K. Lalhmuakliana, District Urban Development Officer (DUDO) Champhaiin kaihruaiin UD&PA kaltlanga hnathawh Swachh Bharat Mission (Urban), National Urban Livelihood Mission leh Housing For All hnuaia hmalakna hrang hrangte bakah department-in khawpui tih hmasawnna leh tih changtlunna tur hrang hrang a thawh mekte Chanchinbumite a hrilhfiah a. Department hmalakna hrang hrangte enzui puia, duhkhawplohna awmahte finchhuah zel thin turin a sawm a ni.
SBM (Urban) hnuaiah hian faina kawngah nasa taka hma lak chhoh mek niin, faina in zirtirna thuziak tar te, fai nunpui tura naupangte zirtirte, Short film siam te, Street play leh bawlhhlawh bawm semte kal pui mek a ni a. Kumin   hian   nasa leh zuala inzirtirna tha zawk a kalpui…

Sermon

Sermon : KHAWVEL HMANGAIH DAN TUR
Text: I Johana 2 : 15-17

A chunga Bible chang kan tarlan khi ngun takin zir ta ila:. Pathian hian khawvel hi eng anga hmangaih tur hian nge min zirtir ? Pathian hian he khawvel hawisan tur hian min zirtir em ?
Bible a Johana kut chhuak ( Johanine’ Literature) Chanchin Tha Bu 4 (pali) leh Johana Lehkhathawn-ahte hian ‘Khawvel’ (GK Kosmos) tih hi awmze hrang hrang neiin a sawi a.

(1) Pakhatnaah chuan Pathian thilsiam- He khawvel hi a ni.
( Joh.17:15; 1:10; Cf 1:3ff )
(2) Pahnihnaah chuan Pathian laka hrang- Setana thil sawina a ni.
(3) Pathumnaah chuan- Adama thlah mihring zawng zawng sawina a ni.( Joh. 3:16 )
Tichuan, khawvel kan tih chuan a chunga awmze hrang hrang a kawh theihte hi a huap vek a.Chu ‘Khawvel’ ngei chu Lal Isua khawvela a lokal a, chhandam a tum kha a ni.He khawvel hi Setana thuneihna hnuai a mi a ni a. ( Joh.12:31; 14:30; 16:11) Chutiang anih avang chuan, Lal Isua khawvela a lokal khan Setana thuneihna ata he khawvel hi chhandam a, Pathian ram din kha a tum bera ni.Tichuan, chu rilru pu chuan Lal Isua chuan khawvel lam hawiin rawng a bawl kan ti thei ang. Chu rawngbawlna chu tlingtlain, ‘Keiin khawvel ka ngam ta,’ tiin a lo puang ta a,( Joh.16:33) Khawvel Chhandamtu tih a lo ni ta. ( Joh.4:42; I Joh. 4:14)
Lal Isua hian amah ringtute chu khawvel hawisan zawngin min zirtir ngai lova, Pa hnena a tawngtainaah pawh- ‘ nangin anni chu khawvel ata i lak chhuah tura ngen ka ni lo,’ a ti a ni.( Joh. 17:15)Kan thih hnua Vanram kan chan theih nan ngawr ngawra min chhandam hi Lal Isua tum a ni lova, he khawvel hi Setana chhuhsak a,a Lalna ram atana siama tum zawk a ni.Chuvangin ringtute chuan, kan Lal Isua tana khawvel lak chu kan tum ber a lo ni ta a ni. Chutiang chuan- kan rawngbawl dan tur pawh hi khawvel lam hawiin, khawvel hnenah, khawvel tan a ni tur a ni.
Leichi in ni e tiin amah ringtute chu min kova. ( Mat.5:13a) Chi hi thil eitur tituitu ani a.Chutihrual erawh chuan, ‘Kan chi chu a tui mange’ ti a fak leh chawimawi hlawh lo pawl tak a ni bawk. Chutiang bawk chuan, keini ringtute pawh hi fak leh chawimawina dawng kher lo pawhin khawvel tinuamtu, ( tial tuitu) Pathian Lalna ram siam tura La Isuan a dah leh Thlarau Thianghlima a chenchilh tlatte kan ni.Chuvangin, ama duh dan zawnga khawvel hi tinuam tur kan ni. Chutiang anih si loh chuan, ‘Eng’ kan nihna te, ‘Chi’ kan nihnate hian awmzia a nei dawn lo a ni.
Tichuan, keini pawh, kan thih hnu piah lama Vanram nawmzia tur chauh hisap ngur reng lovin ( kan chawlhna atana Isua min buatsaihsak a nih erawh theihnghilh si lovin) Pathianin khawvel ahmangaih a, khawvelah a rawn tir ang khan, khawvel lam kan hawi a ngai a ni. Engtin nge Vanram kan kai theih ang ? tih ringawt ngaihtuah lovin, ‘ Ka nitin nunah hian Lal Isuan Lalna a chang em ? Lal Isua duh danin kan chhungkua kan kal em ? Kan khawvelah hian Isuan Lalna a chang em ? tih hi buaipui zawk ila, khawvel hmangih dan turah chuan kan buai kan buai lo ngei ngei ang.
Tuna kan Zoram din hmunah hian he khawvela Pathian ram a lo thlen theihna tura ringtute / Kohhranho mawh- phurhna a sanzia hria ila. Thenkhatten, a Kohhran tihtur leh mawhphurhna ni a kan hriat chiah loh, heng- economic, politics leh khawtlang nun siamthatte hi Kohhranho mawhphurhna a nihzia kan hriat a pawimawh takzet a ni.
`Lalpa’n malsawm rawh se.

Comments

Popular posts from this blog

Champhai Tualchhung Chanchinthar

ni 13.12.2013 (zirtawpni)

INKALPAWHNA AVANGIN HARSATNA AWM :    Nimin chawhma dar 11 khan Bethel Community Hall ah Directorate Of Geology & Mineral Resources buatsaihin Sensitization & Awareness Programme On Quarry Operation neih a ni
    He hun hi Pu Lalhmachhuana Joint Director Geology & Mineral Resources chuan a kaihruaia, Pu H. Lalbiakkima Geologist Senior chuan Geology & Other Related Issues tih thupui hmangin zirtirna a pe a, Pu Lalremmawia Ass. Controller of Mines chuan thupui pathum, The Mizoram Minor Minerals Concession Rules 2000 tih te, Safety Precedures in Mining tih bakah Safety Restrictions As Per DGMS & Other Norms tih thupui hmangte in thu a sawi bawk a ni. Nimina mithiam thusawitute chuan, Champhai District huamchhungah hian Tuialhthei a awm an rin thu an sawi a, oil Company ten rawn luhchilh an tum laiin inkalpawhna lamah harsatna an tawk ani tih an sawi a, an motor lian leh khawlte rawn phur turin kalkawng lamah harsatna an tawk deuh a ni an ti. J…

Champhai

UD&PA DEPARTMENT HMALAKNA KALPUI MEK PUANGZAR :
Nimin chawhma khan UD&PA Department Champhai leh MJA Champhai District Member-te chuan inkawmhona hun DUDO Pisa, CHANEM Building-ah an nei a. UD&PA Department hmalaknate inhrilhhriatna hun an hmang.
He hun hi K. Lalhmuakliana, District Urban Development Officer (DUDO) Champhaiin kaihruaiin UD&PA kaltlanga hnathawh Swachh Bharat Mission (Urban), National Urban Livelihood Mission leh Housing For All hnuaia hmalakna hrang hrangte bakah department-in khawpui tih hmasawnna leh tih changtlunna tur hrang hrang a thawh mekte Chanchinbumite a hrilhfiah a. Department hmalakna hrang hrangte enzui puia, duhkhawplohna awmahte finchhuah zel thin turin a sawm a ni.
SBM (Urban) hnuaiah hian faina kawngah nasa taka hma lak chhoh mek niin, faina in zirtirna thuziak tar te, fai nunpui tura naupangte zirtirte, Short film siam te, Street play leh bawlhhlawh bawm semte kal pui mek a ni a. Kumin   hian   nasa leh zuala inzirtirna tha zawk a kalpui…

Sermon

Ringtute Hi Khawvel Eng Kan Ni
Chang thlan : Matthaia 5 : 14 - 16
Eng tel lo chuan khawvela nunna neite hi an dam khawchhuak thei lo. Eng hmanga chaw siam thei chauh vek an ni. Thil, a nihna ang taka kan hmuh fiah theihnan pawh eng a ngai a, eng awm lohna ah chuan kan chetvelna pawh a buai zo vek a nih hi. Thimah chuan kawng kan hmu thei lo va, hlauhawm leh hlauhawm lo kan thliar thei lo va, kan mit kan chhawr tangkai thei hek lo. Eng tel lo chuan kan khawsa thei lo a ni
Khawvel Eng - Isua : Isua hi khawvel eng a nih thu Johana 1:9, 8:12 ah te kan hmu. Isua tel lova khawvela nun kan hman chhung chuan thimah kan cheng tihna a ni. Nuamsa takin awm mah ila, Kawng leh Thutak leh Nunna Isua kan neih loh chuan kawngbo kan ni tho. Kan hlawhtlinna te, ropuina leh hmingthatna te pawhin kan damchhung bak a daih lo. Tin, kan nunna atana tha leh tha lo pawh kan finna atangin kan teh ang a, a dik zik tluak chuang lo . Kan hlimna leh lawmna pawh hian tawp chin a nei a, lungngaihn…