Skip to main content

Champhai - Tualchhung Chanchinthar ni 21.5.2018 (thawhtanni)

SYMA TEN PALAI HNA THAWK DAWN :
Inrinni chawhma khan Sub-Hqrs. YMA Hall, Tlangrawtah Sub-Hqrs. YMA Executive Committee neih a ni.
Vice President F. Lalrinmuana (www.champhai.net)kaihhruaiah hian ni 16.4.2018 a Khawmawi khua in kang tuarte tanpuina tura thuthmun branch YMA ten tanpuina tura vehbur an khawn tlingkhawm Rs. 3,13,520 chu a hlan dan tur an rel a. He tanpuina sum tlingkhawm hi ni 23.5.2018 (Nilaini) tlai dar 4 ah DC Vanlalngaihsaka hovin Sub-Hqrs. OB te leh SEC Cremchangte leh Disaster Sub-Comt. OB te nen hlan nise an ti a.
Thuthmun Branch huamchhungah ramdang mi leh hnamdang mi sumdawng awmte mahni Branch huamchhung a mite theuh dapchhuaka hemi kawnga hma la tura hriattirna lo chhuah tawh chu tun aia thahnemngai (www.champhai.net)lehzuala ramsang mi leh hnam dang mi sumdawng mahni huamchhung theuhah an awm a nih chuan a zawn chhuah hna thawk a June ni 15 hmaa hma la theuh turin Branch tinte an ngen a ni.
Sub-Hqrs. YMA Library Bulding, BADP hnuaia sak mek, mimal hnna hna chhunza…

Venglai YMA (Entu)

Kar khat Bank chungchangah Chief Secretary thuchah a siam
Venglai November, 2 : Tunlai hian pawisa tihpun thur thurna, mi thenkhat in “Chiahpuam” an tih mai thu hian kan khawtlang nun a chiah hneh hle mai a, print media leh electronic media ah pawh hmun a chang tam hle in ka hria. He thil hi Sorkar ang pawha ngaihthah mai chi ni a kan hriat loh avangin September thla vel atang khan kan police ten an lo chhui tan tawh a ni.
Hetianga pawisa dahkhawmtu (depositors) te hnen atanga thu dawn niin, an pawisa dahna agent (operators) ten an sumpui leh a pung an pechhuak duh lo a, a chhan leh vang chu C.S. in ‘stay order’ a siam vang niin depositors te hi hrilh an ni. Hei hi thu innghahna nei lo, operator ten an pawisa pekchhuah tur an pek theih loh avanga chhuanlam remchang an siam niin a lang. Kan police lam ten he thil hi ngun takin chhui mahse, agent/operator-te an lo inveng fimkhur ve a, thil tihchianna (evidence) tha tak an la nei mai thei bik lo a, chubakah sum dan luttu te (depositors) lam atanga complaint engmah Sorkar in a dawn bawk si loh avangin case ziahluh mai theih ala ni rih lo a ni. Case siam anih hma chuan dan anga stay emaw sealing order han siam mai theih a ni lo bawk a, hetiang order hi Sorkar lam atanga siam a ni lo hrim hrim tih hi mipui hriat atan ka puang a ni. Mipui ten kan hriat atana ka duh em em dang chu Sorkar hian hetiang thil pawimawh, chhungkua leh mimal nun nasa taka nghawng thei tur anih avangin ziaka order awm lo chuan hma ala lo ang tih hi a ni. Tunah hian C.S. in stay order a siam avangin heng pawisa te hi kan khawih chet a thiang lo tiin agent/operator-te hian an sawi tih a ni a; heng operator-te hi tuin nge Sorkar aiawh a thu hriattir? Operator pakhat pawh C.S. stay order copy hi hmu an awm em? tih hi ka zawhna a ni.
He pawisa chiahpuam” chungchangah hian C.S. ngei pawh hian sum tam tham tak dah ve a sawina te, ka nupui Lalbiakdiki pawhin a rinawm tawk a ngaiin a dah ve, tih te pawh sawi leh newspaper-ah te tarlan a ni a, hemi chungchangah hian kei leh ka nupui hian “karkhat bank” ah hian cheng khat pawh kan dah lo tih hi mipui hmaah ka puang a, mipui lam pawhin min lo hriatpui turin ka ngen nghal bawk a ni. Tunhma deuh atang tawh khan hetiang pawisa tihpunna tha mi chungchang hi ka lo sawi ve tawh thin a, a bik takin Legacy chungchang ka sawi te pawh mi tam tak chuan in la hriat ka ring. C.S. in ‘stay order’ siam mai avanga hetiang thil hi tihtawp theih chu nise hman hmanah khan stay order hi ka chhuah tawh ngei ang.
Tunah hian depositor thenkhatin an sum dahluh te an lak chhuah theih loh avanga harsatna an tawh thu leh an dahna te’n an tlanbo san thu te Sorkarah an rawn thlen tan tawh a, a then phei chuan ‘complaint’ te pawh thehluh an duh thu te an sawichhuak tawh a. Hetiang complaint te dawn anih chuan Dan anga case siam a ni lo thei dawn lova; chuvang chuan depositor te pawh in he hun hi remchanna la a, an sum dah luh zawng zawng chu la chhuak turin ka chah duh bawk a ni


&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

Boral
* Kan Branch member, Tv. C. Zohmingthanga (C.Hminga) S/o. C. Khuangkhuma (L) chu Thawhlehni zing khan anmahni chenna Inah thia hmuh a ni a, a thihna chhan hi Damdawi hman sual vang niin a lang. Hemi ni vek hian kan Veng thlanmualah vuiliam nghal a ni. Zaikhawm zan tawpa member lengkhawm te’n ralna sum kan kenkhawm Rs.585/- in kan member pui boral ta, Tv. C. Zohmingthanga chu ral a ni.

Insawn
* Pu H. Thanzara te chhung-kua chu Zampuimanga Sec. atangin Pu F. Pachhunga In hnuai, Chawngduma Section-ah an insawn.
* Pi Nubawihi (Pu Chhuaktea ‘L’) In luahtute pawh Pu PC. Thavunga In, Zp Section ah an insuan phei bawk.

Naute thar
* Pu Ramtharnghaka S/o. Pu Biakthuama, Keikawla Sec. te nupa chuan fanu duhawm tak an nei thar a, kan lawmpui tak zet a ni.
* Pu Laltharliana S/o. Pu C. Kaprothanga, Hranghleia Sec. te nupa pawhin fanu duhawm tak an nei thar a, kan lawmpui tak zet a ni.
Lo haw ta
@ Hranghleia Section Leader, Pu C. Lalromawia te chu an naute dam lohna avanga Aizawl a hun engemaw chen an inenkawl hnuin dam takin an lo haw leh tawh e.

Jacket rutu man
@ Ningani zan khan Vanlal-sanga S/o. Santhanga (Tahan), tuna kan venga khawsa mek chu Rahsi Venga mi Jacket zar lai a lo lak avangin man a ni a, a thil lak rukna neitute hian kan Branch YMA kuta an rawn hlan avangin YMA Runah zilhhau hlak a ni.
Kumpuan Committee chuan midang tana harsatna thlentu chu an dimdawi lovang tih an sawi nawn.
Keimahni
@ Kar hmasaa kan Chan-chinbu kha Keikawla Section-ah kan indaihlo tih thu kan lo hria a, a pawi kan tiin ngaihdam kan dil tak meuh a ni. Section tinin mahni sem tur zat Copy aia tam lutuk lak loh hram tum thin bawk tur a ni e.
@ September thla lak man kha Hranghleia Section atang chiah dawn a la ni a, Section danga ENTU Agent te’n a ranglama Manager, Pu K. Lalsawivela hnenah thehluh tur a ni e.
Khawn zo tep
@ YMA Run sakna tur atana chhungkaw tina Vehbur khawn chu zawh hnai a ni tawh a, thahnemngai taka lo pe tute chungah Branch YMA chuan lawmthu a sawi a, chhungtin te’n YMA Run sakna atan theih ang tawk lo pe hram hram turin kan in ngen a ni. Kan YMA Run sak ah hian Rs 5000/- in Donor a nih theih a, heng kan Donor te hi YMA Run sak zawh hunah an thlalak tar a ni ang a, an Bio-data kimchangte Branch YMA Archive-ah vawnthat a ni bawk ang.
Lam vat teh u
@ Voter ID Card la lam lo, a hnuaia hming ziakte hian a ranglamin Nl. C. Vanhlupuii (D/o. Upa C. Khuangbuaia) hnenah lam vat tura ngen leh hriattir in ni e. Mahni ID Card ngaihsak lote chuan, a bo palh emaw, a chhia a awm palh a nih pawhin nangmahni mawhphurh tur a ni ang.
ID Card la lam lote chu:-
(i) Zonuntluanga S/o. Vanlalhlena
(2) Lalrinpuii D/o. Hrangthianga
(3) Vanramhluna S/o. H. Lalduha
(4) Hrangchuailova S/o. Kulhmunga
(5) Laltlansangi D/o. Saihnuna
(6) B. Lalhlimpuia S/o. Bawilianthanga
(7) Duhcheri D/o. Thanghleia
(8) Lalremruata Fanai S/o. Thanthuami
(9) Lalruatkimi W/o. Lalthantluanga
(10) Biakthuama S/o. Zaliana (L)
(11) Lalsangliana S/o. S. Davida

School tlawh dawn
November 4 (Thawhlehni) hian Saihaah Presbyterian English School tlawh turin Rev. Mangchhuana Sailo, PES Supervisor leh Rev. R.C. Lalnghakliana (kan vengpa) i/c Campus Ministry-te an kal ang.

Inthlan hun sawn
YMA leh Mizorama Political Party hrang hrang ten an ngen angin Election Commission Of India chuan Mizorama inthlan Vote thlak ni chu December ni 2 a neih turin ruahmanna a siam fel ta. Election Commission Of India chuan November ni 29 chu Mizorama inthlan Vote thlak ni atan a lo puang tawh a, mahse November ni 20 hi inrinni a ni a, sakhaw thenkhat tan Pathian biak na ni a nih avangin Vote an thlak thei dawn lova hemi avang hian YMA leh Political Party hrang hrang aiawh te chuan Jt. Meeting neiin a hun hi Sunday leh Inrinni nilo hun danga sawn turin Election Commission Of India hnen ah ngenna an thlen a, an ngen ang hian election Commission Of India chuan a hun hi a rawn sawn fel ta.

Zirlai te an zin dawn
Govt.GMHSS a PLus 2 zirlai thlan bikte chu Agriculture Dept. bul tumin State dangte thlai chin leh enkawl dan zirin an zin chhuak dawn.

Bengvar man
@ Entu man khawn mek zel a ni a, ENTU partlantu, chhungkaw tin ten kan bengvar man i lo pe leh chur chur teh ang u.

ENTU website
@ Kan Chanchinbu Entu chu hmun danga kan veng mi leh sa awmte pawhin awlsam taka an lo chhiar theihna turin Pu Lalnunsanga Fanai C.K. Offset neitu chuan a website-ah min lo dah sak thin a kan lawm hle a ni. A website www.ymapalai blogspot.com a ni a aduh apiang tan englai pawhin a tlawh theih reng e.

Thisen pe zingah
@ Zirtawpnia MPCC Driver Cell, Champhai District in Champhai damdawiina damlo, a mamawh apiangte hman atan thisen Unit 33 an pek zinga mi 14-te chu kan Branch YMA member-te an ni a, kan chhuang tak zet a ni.
@ Tin, Thawhtanni khan kan Branch nula, a hming kan hriat theih mai rih loh chuan Tlangsam khua thisen pek ngai, Champhai Damdawi In-a mi chu thisen a pe a, a chungah Tlangsam Branch YMA hruaitute an lawm hle a ni tih thu kan dawng. Kan chhuang tak zet a ni.

Lehkhabu dawng ang

@ Mizoram State Library chuan Raja Ram Mohan Roy Library Foundation Matching Scheme hnuaia Lehkhabu dawng turin kan Branch Library chu min rawn thlang leh a, Lehkhabu dawn turte lam tur hian lamkal intirh thuai tum a ni. Mizoram State Library-in Lehkhabu dawng tura thlante chuan Nov. 1,2008 atanga Jan.31,2009 inkar chhunga lam tur a ni.

Bird Flu zirhona
AH & Vety. Dept. bul tumin Nov.5 (Nilaini) Dar 11:30 Am khian Vety., Complex a Training Centre ah Bird Flu chungchang inzirtirna neih a ni dawn a, YMA Branch hrang hrang asiawh mi 2 theuhte he hunah hian tel tura sawm kan ni. Aizawl atangin AH & Vety. Daktawr thiam rualte zirtirna pe turin an lokal dawn

Firehouse lokal ang
Odyssey Events Aizawl Mizoram te chuan Gospel Rock Band lar, Firehouse an chahchhuah tur thlir lawkin an inhmukhawm. Hetah hian Firehouse lo kaltur chungchang hrang hrang leh an Sub-Committee indin chungchang sawihona an nei dawn.

Zaimi te tan
Mizorama zaimite chanchin tarlanna blog thar a lo chhuak ta. zorimawi.blogspot.com ah hian a tlawh theih ta e. Khawvel hmun hrang hranga Zohnahthlak unau zaithiamte chanchin pawh phochhuah zel a ni ang.

Steno Grade II Exam dawn
Mizoram Sorkar hnuaia DP & AR Chuan Steno Grade III atanga Grade II kaisanna tur Exam buatsaih a tum a. Mizoram Sorkar hnuaia Steno Grade III kum thum (3) chin thawk mek, Mizoram Stenographers Service (MSS) Rules, 2004 in a huam chinte tan exam hi hmachhawn theih a ni ang.

ZIDCO in sawifiah
ZIDCO Employees Association chuan thuchhuah siamin tunhnaia chanchinbu-a lo lang ZIDCO in an harsatna Chief Minister hnenah an thlen tih chungchang-ah chuan Suspension Case chungchangah thil hriatsual palh leh hriatchianloh a awm avang nia an ngaih thu leh Arrear pek tum avanga MR leh loan pawh chawlh tir anga thuchhuah chu a diklo nia sawiin, kum 25 lai thubuai chinfel a ni ta chu chu an managing director leh chairman hmalakna a nih thu an thuchhuahah chuan an tarlang a ni.

Volleyball Tournament
Mizoram Volleyball Association chuan Volleyball tournament lian League a khelh tur Phase khatna chu November ni 4, 2008 hian a siam dawn a. Hei hi First Division tan tih a ni a. Mipa team 6 leh hmeichhe team 4 te an inel dawn a ni. Inter-District Volleyball Tournament pawh November ni 10 hian tan tum a ni.
Zanin inkhel tur
Zanin dar 1:30-ah ESPN-in Newcastle United leh Aston Villa inkhel a Live ang.

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

Editorial...?
Mi te angin thil engkim hre ve kilh kelh loin, pawisa chiah puam tur te nei ve loin, chiah puam ve duhlo mah ila, ka thil lo hriat ve te leh chhut ve mai mai thin te kan thailang ve mai mai teh ang, kei aia hre zawkte cho chhuahna te pawh a ni mahna.
Kan hriat angin tunlai chu ‘Kar khat bank’ boruak hian kan Zoram khawvel chu a chim a, kan ti ti ber pawh a ni tlat mai... Hei, tunah an buai ta chu a ni a, ka rin dan tawk vel chiah a ni. Special report ah khan sum lakhawm tute khan an chunga mite tihdan chiang tak sawi tur zuk nei hlawm miah lo a mawle!! An buai dan tur chu pui tak a ni ringawt, a thenin nuai 6000 te, nuai 5000 te, nuai 8000/9000 thlengin an lo khawih a ni tih kha an rawn sawi bawk si a, engtinge an tih tak ang le? A sum hloh tu turte tan chuan “Huizz,, tih a, chal ben chiah an hmabak in ka hria”.
Ka lo hriat ve dan chuan a pung tam thei ang bera dah turin Bank ah hian 11.75 % per annum vel RBI hian a phal a, chu pawh chu tar (kum upa) tan...tar ah pawh special scheme deuh hlek a ngai.. mi nawlpui tan phei chuan 11.50% per annum aia sanga pung tur hian RBI hian phalna a pe lovin ka hre lehnghal, kan account neih ve chhun te te SBI leh AXIS personal savings account ah te hian 3.5 % pa chiahin a pung si. Amah-erawhchu, CHIAHPUAM tur nei ve lote chu kan vannei chiang a ni !!!

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

“Kan ram tan ti zelin”
-Lalhlupuia, Chawngduma Section

Eng ram pawh, eng pawl pawh, eng sakhua pawh, eng hnam pawhin manganna vawrtawp tak meuh an tawh chuan thihchilh rawngbawlna mi huaisen tlawmngai vawrtawpte’n an nei chawk thin. Sakhaw rawngbawlna leh inpekna thuah pawh hian thihchilh rawngbawlna a awm ve thin a, chu erawh a zia a hrang deuh a, Martar-na tih a ni a, Pawng bawhchilh rum rum lam aiin an mahni duhlotute kuta thih a kawk thung.
(a) Tunlai khawvel hmun hrang hrangah ‘Thihchilh rawngbawlna’ (Suicide Bomber) mi firfiakte’n an uar hle mai a. A titute’n ram leh hnam tana inpekna SANG BER ni a an ngaih, Pathian pawh lawm em em a LAWMMAN pawh uchuak tak a lo pe tur a ngaihna nghet tak neih a ni a. Tunlai hian Middle East ramah a hluar em em a. Hetiang hi a titute lam atanga thlir chuan ‘TLAWMNGAIHNA’ vawrtawp a ni ve tlat.
(b) Mizo Kristiante tan chuan sir lehlam deuh a nih vangin thihchilh bomb hi kan hrethiam lo hle a.Sakawlh, sahuai leh hmelma beihna, Indonaah te Zopa huaisen fal, midangte tan a huaisen tak a nunna hial hlan ngam mi te kha chu lungchhe vankaiin mittui nen kan ngaisang thin ve bawk a nih kha.
(c) Indopui hnuhnung Japan tlangval ho huaisen, tlawmngai, thuawih, ram tana an inpekna san theih zia em em te kha kan ngaisang ve lo thei lo a. Sawi pawh kan sawi zingin kan fak mawlh mawlh mai. Khatihlai a Japan tlangval THIHCHILH MISSION (“KAMIKAZE”) an tih te kha,kan ngaih sanzia hahipin kan la sawi chu a nih hi.
Japan mite khan an tlawm hnuah tih tak zeta tan an han lak leh chuan tangrualho thununna khirhkhan vawrtawp leh U.S Sipaite khuahkhirhna turu tak hnuaiah pawh, kum 30 - 40 chhung lekin “Khawchhak Milian” ni mai lovin sumdawnna leh hmasawnna chi hrang hrangah “Khawvel Palian” nih a lo tling leh ta mai a ni.
Tunlai hian Zofate kan mangangin kan rum kan ti a. Hlemhletna, thatchhiatna, rinawmlohna, chapona, sumlehpai ngawlveina hri hlauhawm takin min ei mek a. Kan thalaite lah chhuan tlak, mi taima fawr leh lehkha thiamthei leh mi bik chhuanawm India rama lang tur mi kan tlachham em em ta mai a. Sum leh pai a lo lut tam a, thatpuina mual kan ngah awm e, mahsela hri ang a min ei chhiatna lai hi kan hriat chhuah tak tak hmain, chhiatrupna kan tawh mai a hlauhawm hlel lo.
Kan ram dinhmun hlauhawm taka a ding mek hi chhanchhuak turin “THIHCHILH MISSION” chet a hun ve hle lo maw? Mi huaisen, mi dik, rinawm, nachang hre mi, huaisen tak leh chak taka min hruai tur “HRUAITU” kan va mamawh em! Kan ramah hian mi rinawm leh dik, Baal hmaa la thingthi ngai lo tam tak kan nei a ni lawm ni ??? Kan Puanven sawi chhingin rilru thar nen tan in la leh teh ang u.

Comments

Popular posts from this blog

Champhai - Tualchhung Chanchinthar ni 15.5.2018 (thawhlehni)

CHAMPHAI LEILET ZAWLA KUDAM LEH IN SA THIAH LOH CHHAN ZAWT :
Champhai Task Force te hmalakna kal zelah phaizawla kudam sa te chu thiahsak an nih lohna tur chhan leh vang sawifiah tura hriattir an ni.
Champhai leilet zawl hi Sawrkar dan dinglai angin loneih leh a kaihhnawih atan chauhva hman theih a ni a. Hetiang tur hian LSC leh ram pass pawh pek chhuah a ni a, hei vang hian Kudam sa lo tur leh a sa tawhte pawh thiat tura thupek chhuah a ni a, sa lai te pawh a hmuna kal chilh a tihtawp tir an ni tawh a. APril thla chhung a hriat vek tura tih an ni a, tun dinhmunah thiat emaw thiahsak engmah ala awm lova, thudawn danin heng kudam neitute hnenah hian hriattirna tawp ber pek a ni tawh a. Thiahsak an la nih loh chhan chu Kudam neitute hi COurt lam thu ngaihchan vang leh ni 8 khan Kudam neitute chu Dan ang thlapa thiahsak lo a nih chuan anmahni a thiat tura tih an ni a. Lehkha hi an dawng vek tih finfiah a ni a, lehkha an pek atanga ni 15 hmaa sawi tur nei silova, kudam thiat lo te chu thiah…

Champhai - Tualchhung Chanchinthar ni 17.5.2018 (ningani)

VANTLANG SIKUL - CHAWNCHHIM HSS :
Vantlang zirna In, Chawnchhim Higher Secondary School din tura hmalak mekah a tula ngte tihfel thawkhat tawh a ni.
Chawnchhim Higher Secondary School hi Champhai khawpui chhunga Higher Secindary  School indaih lohna avanga khawtlang hruaitu hrang hrangte leh tlawmngaipawl intel khawmin an din a ni a. HIgh School atanga pawl 10 passed chhuak ten Sawrkar sikul a Admission an hmuh vek theih loh avang te, veng chuan hnuai lam tana sikul panna hla lutuk vangte leh khawtlnga zirna boruak nasa zawk a awm theihna tura din a ni, Sikul hi khawtlang mipuiin an din a nih avangin khawtlang hruaitu kal khawm chuan Monthly Fee lak loh nise an ti a. Admission fee erawh Rs. 1000 a ni ang. Admission hi tunah Bethel Br. YMA in ah kalpui mek a ni a, Ziritrtu leh Staff  dang ten admission hi an buapui mek ani. Class tanna tur hmun pawh rei lote ah peih fel thuai a ni dawn a, Bethel veng huam chhungah Class hi tan tur a ni. Subject lak theihte chu ENglish, Mizo, Pol. Science…

Champhai - Tualchhung Chanchinthar ni 16.5.2018 (nilaini)

MAXI CAB SERVICE TURAH LA INREM THEI LO :
Champhai to ZOkhawthar Maxi Cab Welfare te chu Ruantlang daiah an la duty chhunzawm zel.
Champhai District Transport Officer in CHamphai ti Zokhawthar Maxi Cab  Welfare chu Rs. 100 a tlan tura a tih hnuah Rs. 100 a tlan chu a theih ngang loh avangin Sunday zan khan Champhai to Zokhawthar Maxi Cab  Welfare te chu thukhawmin an awm dan tur an rel a. He an thutkhawmah hian Rs. 130 a tawlh hniam nise tiin an rate  Rs. 150 atangin an tawlh hniam a, Zokhawthar lam leh STO te pawh he an tlan theihna tura an suan Rs. 130 hi an sawipui tawh a, nimin khan Zokhawthar lam pawh thukhawm ve nghal in Champhai To Zokhawthar Maxi Cab  Welfare te thutlukna Rs. 130 chu an pawm theih leh theih loh an sawi ho a, an pawm thei a nih chuan a pangngaiin Champhai to Zokhawthar Maxi Cab Welfare te hi Zokhawthar ah an Service leh nghal ang a, an pawm theilo a nih erawh chuan Ruantlang dai ah Duty chhunzawm zel an la tum niin thudawn a ni.
Hetihlai hian Zokhawthar Joint Meet…