Skip to main content

Champhai - Tualchhung Chanchinthar ni 22.5.2018 (thawhlehni)

C. VANLALNGHAKA (VLa) NIGHT CUM ELITE LEAGUE TIP OFF :
Zanin dar 8 ah hian C. Vanlalnghaka Night cum Elite League Tip Off chu Vengsang YMA Hall ah neih a ni dawn.
He hun hi Malsawmtluanga, MBBA President chuan khuallian niin a hmanpui ang a. T. Ramthanmawii, Miss Mizoram 2018  chu khual zahawm niin a hmanpui bawk ang. C. Vanlalnghaka (fam) zahna leh a puala hun hman a ni ang a. PC Ramnunsiama, Secy, Elite Board hnen atangin thusawi ngaihthlak a ni bawk ang. Lalhriatpuii Fanai kaihhruainain CLub tin te Jersey phochhuahna hun hman a ni ang a, (www.champhai.net) T. Ramthanmawii hnen atanga thusawi ngiahthlak ni bawkin Malsawmtluanga kaihhruaiin Tip Off hun hman ani ang. Champhai District Basketball Association buatsaih a Samsung Mary` Elite League 2018 ah hian CLub 5, Kahrawtians BC, Venglai Tribal Sonic, Vengsang Boars, Bethel Minikins leh Vengthlang Fredys Memorial te an tel dawn a ni.
Nilai zan dar 7 atangin Samsung Marys Elite League 2018 hi khelh tan ani ang a, match hnih awmin Match h…

Vengthlang Kohhran (Kohhran Aw)

M L A Joint Platform
MPF, Champhai Town chhunga Veng hrang hrang- Vengsang, Kahrawt leh Vengthlang te chuan Champhai North Constituency chhunga MLA Candidate te tan Joint Platform a buatsaih dawn. Hemi hunah hian Common Question pawh chhantir tum a ni a. A ngaihnawm hle dawn a ni. Mipuiten lo ngaihven ila. In lam atanga thlir theih turin Local Channel ah Live a tih chhuah tum a ni a. Champhai Town chhung a Bial mipuite chuan kan thlir tlang thei dawn a ni.

A hmun : Kahrawt YMA Hall
A hun : Dt.22.11.2008(Inrinni)
10:00 Am - 4 P.m.

MPF Programme Zaninah
Vawiin Pathianni, Zan Inkhawm hun hmang hian MPF, Champhai District chuan Champhai Town chhunga Kohhran hrang hrangah hun an hmang dawn a. Hemi zana thilpek pawh hi MPF tana an dil angin phalsak an ni hlawm a. Kohhranhoten thahnemngai taka thawh theuh tum ila a lawmawm hle ang. Hemiah hian kan Bialtu Pastor chu Ruantlangah kalin kan Kohhranah Ruantlang Pastor a lo kal ve thung ang.Tin, kan Kohhran atang pawhin Kohhran danga feh chhuak tur pawh an awm nual.
MPF hian tan an la zel a. Hnehna an chan ngei theih nan i tawngtai zel ang u.

Vawiin Pastor Bial fan
Nizan atang khan kan Kohhran chuan Pastor Bial fan Prog- ramme kan hmang mek a. Chawhma ah hian Sunday School khaikhawm a ni ang a. Chawhnu Inkhawmah chuan Baptisma & Lalpa Zanriah Sacrament kilho a ni ang. Kohhran mipui - Dan zawh kim chin chuan he hun pawimawh tak hi hman theuh tum tlang ila a tha ange.Tin, Baptisma chang tura kan fate kan hruaiin, rokhawlhna tak a awm anih loh chuan nu leh pate ( an pahnihin) tel theih hram thin hi Pathian a kan mawhphurh a ni tih hre nawn leh ila.

Pavalai Pawl tan la zel
Nizan(Inrinni) zan khan kan Kohhrana Pavalai Pawlte chuan Biak Inah Pathianfakna hla an rem a. Zanin pawh hian hla rem leh an tum.Zirtawp Zan khan Centenary Hall ah sharing hlawhtling takin an nei bawk.Tunah hian member 50 vel an ni tawh a. A duhte chu inthlahrung hauh lova inpek zel theih a ni e. An tan i tawngtai thin ang u.

Buh rate Rs 80/-
Kohhran chuan Pathian ram buh rate atan Rs 80/- nise tiin a rel fel leh ta.
Thilpek bawm dawh zel
Pathianni vawikhat chauh kan la thlaka ni bawk a, tunah hian Ip 228 chiah a la tla rih. Biak In Veranda ah dawh chhunzawm zel a ni .

BSI Kum tawpa hnai ta
Bible Society kum tawp kan lo thleng dawn ta. Collector zawng zawngten tun thla hian mahni Bial theuh a theih chin chin chu chinfel hman tum vek hlawm ila a tha ange.
Inkhawm Zai hruaitu
1.Pu Rualkhuma Hmar
2.Pu Ralkapthanga
3.Tv.K.Vanlalpeka
4.Nl.Lalawmpuii Hma
5. Pu Vanlaltluanga ( Keyboard
** Kohhran programme a awm chuan thildang aia ngaih pawi- mawh hram thin nise.

Nilai Zan hun hman
Hetiang hian Kohhran chhung- kaw hun pawimawh tak hman a ni:
Pem lehkha:
1.Pu Lalhmangaiha leh a chhungte - Sihphir Kohhran
2.Pu C.Lalduhkima leh a chhungte - Kahrawt atangin.
Thunun thar :
Inngaihna suala tlu member 2.
Thunun lakluh:
1) Zomuanpuia
2) Lalchhanhimi
3) Pu C.Lalhmunliana te nupa
4) Lalrohlua te nupa

&&&&&&&&&&&&&&&&&&&&&&&&&&&&&

Kohhran mipuite sawmna

Vawiin Dt.16.11.2008 ( Pathianni) Tlai Dar 3:00 hian MPF Vengthlang Local Information Office chu Pathian hnenah hlan tur a ni a. He hun hi min hmanpui ngei turin Kohhran mipui zawng zawngte kan sawm a che u.

P R O G R A M M E
A hmun : MPF Information Office,
Pu Rokhawliana Building, Awmpui Veng.
A hun : Dt.16.11.2008 ( Pathianni) Tlai Dar 3:00
Chairman :Upa Lalsangthanga, President,
MPF, Vengthlang Local.
Hunserh : Rev. Lallawmthanga, Weslyan Methodist,
i/c Ex-Officio, Vengthlang Local.
Report &
Inhmelhriattirna : Pu C.Hualchhunga, Secretary,
MPF, Vengthlang Local.
Office hawnna : Rev. Laldailova, Vengthlang,
i/c Convener / Ex-Officio, Vengthlang
Zaipawl : Vengthlang Pastor Bial Zaipawl
Tawngtairual : Kohhran mipui

Programme hi a tul chuan tihdanglam theih a ni ang.

Sd/ Secretary,
` MPF Vengthlang Local.
..................................................

High School & Higher Secondary School
Question Box - Chhanna thenkhat
( SCERT a adolescence Education Cell a thawkte buatsaih )
Q.1. Kan nu leh paten thu tha min hrilh changte hian kan ngaihthla peih ngai lova, a chang phei chuan min vuakte hian ka titau a.Pasal neihte ka duh rum rum zel thin a.Engtin nge ka tih tak ang ?
Ans: Tleirawl nun han tan chhoh lai hian nu leh pateah kan inghat nep telh telh a.Thiante ngaihdan kan ngaisang tan a, hei hian nu leh pate thu zawm loh duhna a rawn hring chhuak thin.Heng kan taksa leh rilru danglamna lo thlengte hi mi zawng zawng chunga thil thleng ve tho a ni tih hriatna nen chuan nu leh pate thununna leh hmangaihna awte hi kan hrethiam ngei ang le.

Q.2. Hmeichhe pasal nei hmate hian chhul cancer an ve hma bik thin an tih hi a dik em ?
Ans: Pasal nei hma zawng zawng hian chhul cancer an vei hma kher lova, mahse, kum naupang lutuka pasal neite tan chuan cancer veina chance a tam bik.

Q.3. HIV hrik hian kan taksaah engtin nge hna a thawh tan thin ?
Ans: HIV hrik hian kan taksaa natna hrik tinreng lo do lettu ‘immune system’ a white blood cells ( WBC) chu luh chilhin a maktaduai telin a inthlahpung vak vak a. Chutah zawi zawiin White Blood Cell chu ei chhiain,hna thawk thei lovin a siam a, tichuan, taksa chu natna hrang hrangin a tlak buak ta thin a ni.

Q.4. AIDS veite hi kum engzat chhung nge an dam ?
Ans : HIV/AIDS vei atangin kum 8-10 chhung pawh a dam thlen theih a ni.Tunlaia damdawi, Anti Viral Drugs ( ADV) hmanga inenkawl vat anih phei chuan rei tak a dam theih a.Taksa inenkawl that dan a zirin a dam rei theihin a dam rei loh theih bawk. E.g.: Ei leh in lamah te, damdawi ei regular dan a zirte leh exercise lak that dan a zirtein dam hun chhung a reiin a tawi thei.

Comments

Popular posts from this blog

Champhai - Tualchhung Chanchinthar ni 17.5.2018 (ningani)

VANTLANG SIKUL - CHAWNCHHIM HSS :
Vantlang zirna In, Chawnchhim Higher Secondary School din tura hmalak mekah a tula ngte tihfel thawkhat tawh a ni.
Chawnchhim Higher Secondary School hi Champhai khawpui chhunga Higher Secindary  School indaih lohna avanga khawtlang hruaitu hrang hrangte leh tlawmngaipawl intel khawmin an din a ni a. HIgh School atanga pawl 10 passed chhuak ten Sawrkar sikul a Admission an hmuh vek theih loh avang te, veng chuan hnuai lam tana sikul panna hla lutuk vangte leh khawtlnga zirna boruak nasa zawk a awm theihna tura din a ni, Sikul hi khawtlang mipuiin an din a nih avangin khawtlang hruaitu kal khawm chuan Monthly Fee lak loh nise an ti a. Admission fee erawh Rs. 1000 a ni ang. Admission hi tunah Bethel Br. YMA in ah kalpui mek a ni a, Ziritrtu leh Staff  dang ten admission hi an buapui mek ani. Class tanna tur hmun pawh rei lote ah peih fel thuai a ni dawn a, Bethel veng huam chhungah Class hi tan tur a ni. Subject lak theihte chu ENglish, Mizo, Pol. Science…

Champhai - Tualchhung Chanchinthar ni 22.5.2018 (thawhlehni)

C. VANLALNGHAKA (VLa) NIGHT CUM ELITE LEAGUE TIP OFF :
Zanin dar 8 ah hian C. Vanlalnghaka Night cum Elite League Tip Off chu Vengsang YMA Hall ah neih a ni dawn.
He hun hi Malsawmtluanga, MBBA President chuan khuallian niin a hmanpui ang a. T. Ramthanmawii, Miss Mizoram 2018  chu khual zahawm niin a hmanpui bawk ang. C. Vanlalnghaka (fam) zahna leh a puala hun hman a ni ang a. PC Ramnunsiama, Secy, Elite Board hnen atangin thusawi ngaihthlak a ni bawk ang. Lalhriatpuii Fanai kaihhruainain CLub tin te Jersey phochhuahna hun hman a ni ang a, (www.champhai.net) T. Ramthanmawii hnen atanga thusawi ngiahthlak ni bawkin Malsawmtluanga kaihhruaiin Tip Off hun hman ani ang. Champhai District Basketball Association buatsaih a Samsung Mary` Elite League 2018 ah hian CLub 5, Kahrawtians BC, Venglai Tribal Sonic, Vengsang Boars, Bethel Minikins leh Vengthlang Fredys Memorial te an tel dawn a ni.
Nilai zan dar 7 atangin Samsung Marys Elite League 2018 hi khelh tan ani ang a, match hnih awmin Match h…

Champhai - Tualchhung Chanchinthar ni 21.5.2018 (thawhtanni)

SYMA TEN PALAI HNA THAWK DAWN :
Inrinni chawhma khan Sub-Hqrs. YMA Hall, Tlangrawtah Sub-Hqrs. YMA Executive Committee neih a ni.
Vice President F. Lalrinmuana (www.champhai.net)kaihhruaiah hian ni 16.4.2018 a Khawmawi khua in kang tuarte tanpuina tura thuthmun branch YMA ten tanpuina tura vehbur an khawn tlingkhawm Rs. 3,13,520 chu a hlan dan tur an rel a. He tanpuina sum tlingkhawm hi ni 23.5.2018 (Nilaini) tlai dar 4 ah DC Vanlalngaihsaka hovin Sub-Hqrs. OB te leh SEC Cremchangte leh Disaster Sub-Comt. OB te nen hlan nise an ti a.
Thuthmun Branch huamchhungah ramdang mi leh hnamdang mi sumdawng awmte mahni Branch huamchhung a mite theuh dapchhuaka hemi kawnga hma la tura hriattirna lo chhuah tawh chu tun aia thahnemngai (www.champhai.net)lehzuala ramsang mi leh hnam dang mi sumdawng mahni huamchhung theuhah an awm a nih chuan a zawn chhuah hna thawk a June ni 15 hmaa hma la theuh turin Branch tinte an ngen a ni.
Sub-Hqrs. YMA Library Bulding, BADP hnuaia sak mek, mimal hnna hna chhunza…