Skip to main content

Champhai - Tualchhung Chanchinthar ni 22.5.2018 (thawhlehni)

C. VANLALNGHAKA (VLa) NIGHT CUM ELITE LEAGUE TIP OFF :
Zanin dar 8 ah hian C. Vanlalnghaka Night cum Elite League Tip Off chu Vengsang YMA Hall ah neih a ni dawn.
He hun hi Malsawmtluanga, MBBA President chuan khuallian niin a hmanpui ang a. T. Ramthanmawii, Miss Mizoram 2018  chu khual zahawm niin a hmanpui bawk ang. C. Vanlalnghaka (fam) zahna leh a puala hun hman a ni ang a. PC Ramnunsiama, Secy, Elite Board hnen atangin thusawi ngaihthlak a ni bawk ang. Lalhriatpuii Fanai kaihhruainain CLub tin te Jersey phochhuahna hun hman a ni ang a, (www.champhai.net) T. Ramthanmawii hnen atanga thusawi ngiahthlak ni bawkin Malsawmtluanga kaihhruaiin Tip Off hun hman ani ang. Champhai District Basketball Association buatsaih a Samsung Mary` Elite League 2018 ah hian CLub 5, Kahrawtians BC, Venglai Tribal Sonic, Vengsang Boars, Bethel Minikins leh Vengthlang Fredys Memorial te an tel dawn a ni.
Nilai zan dar 7 atangin Samsung Marys Elite League 2018 hi khelh tan ani ang a, match hnih awmin Match h…

Vengthlang Kohhran (Kohhran Aw)

Thu lungchhiatthlak
Rev. Madhu Chandra, All India Christian Council Regional Secretary chuan, ‘Democracy rama, tun hnaia thil thleng zinga sakhaw zalenna dan bawh- chhiatna nasa ber a ni,’ a ti.Tin, ‘Mi tam berin an hriat phak loh chu , heng buaina siamtute hian an tum ber chu mipuite rilrua hlauhna tuh hi a ni a.Chumi tur chuan Orissa State khaw tina Kristian 2 / 3 thah leh Biak In tihchhiat te, India ram hi Hindu rama siam tura inleh luihtirte hi a ni a. Mahse, he thil hi tharum thawhna diktak leh hnam inthliarna a ni tih hi India ram hruaitu tlemte chauhvin an pawm duh a ni ,’ a ti bawk. Prime Minister, Manmohan Singh chuan zahthlak a ti hle.
He tharum thawhnaah hian Kristianten kan tih theih ropui tak chu tawngtai hi a ni.Tihduhdah hluarna bialahte hian Lalpa a ropui theih nan i dil zel ang u.

China Kristiante an nghet
Kumin Olympic Games hun lai vela China ram dinhmun dik tak hriat tuma kal Open Doors ( USA) hruaitu Dr.Carl Moeller-a chuan, “ Sorkar pawm loh Leihnuai Kohhran an tih maite dinhmun hi khirh hle mahse, an rinnaah an nghet hle a ni,’ a ti. Olympic hun laia China Sorkarin heng Kohhrante chunga a tih dan chu hriat thiam harsa tak tak a awm a.A changa inhawng viauva an lan laiin a changin thubuai siamsak an ni bawk si,’ a ti.

Bible hrilhfiahna bu thar
African Evangelical Kohhranten a huhova an buatsaih, Bible hrilhfiahna bu thar chuan Bible chang mal te te hrilhfiahna bakah HIV/AIDS chung chang te, hnam thenkhatin an chin hmeichhe serhtan te leh dawithiamna chung changte chhuiin heng laka ringtute rilru put dan tur hi an hrilh a ni.
He Bible hrilhfiahnaah hian Africa khawmualpui Kohhrante chu HIV/AIDS hrik paite an lo endawng thinna sual sima mi maktaduai 26 zet harsatna thlentu lak invenna leh a veite tanpuina lama theihtawp chhuah a tha thawh tur an nihzia uar takin a tar lang bawk.

Pawl lian 2 infin dawn
Khawvela siamthat Kohhran ( Reform Church ) pawl lian pahnih, World Alliance of Reform Churches ( WARC) leh leh Reform Ecumenical Council ( REC) chuan inchhunfina pawl thar ‘World Communication of Reform Churches’ ( WCRC) a a huhova awm tumin chak takin hma an la mek.
He Pawl 2 an inchhunfin hian khawvela siamthat Kohhran pawl hlawm lian ber a ni nghal dawn a. Member Maktaduai 80 zet an awm ang. WARC Gen. Secretary Setri Nyomi chuan thla 2 / 1 lek hnuah inchhunfin tawh mai tur anih thu te, he pawl thar piang tur hi dikna leh inpumkhatna atana Pathian duh dan hlen chhuak tura chak zawka rawngbawl tur anih thute a sawi a.Hemi atan hian ku 7 zet hma an lo la tawh a ni.

Mipuite hriattur
Kum danga la awm ngailo,kumin MLA inthlanah hian MPF chuan hetiang hian inthlanah hma a la ang.
1. MLA Candidate te sawmna leh Party Manifesto, chhungkaw tinah an sem ang. Hei hi Party lamin lo tih ve loh tur a ni.
2. Campaign theih chhung ral hnuah chuan eng Party mahin Public Meeting buatsaih awih a ni tawh lo.
3. Inthlanni ah, Booth tinah hian MPF Thalai 10 rual an duty vek dawn a. Mipuiin vote kan thlak zung zung theih nan Vote thlak tur zawng zawngte chu an number lo hriattir vek tura hmalak mek a ni.In tinah rawn sem vek tum a ni e.
4. Inthlan niah hian Party tumahin vote thlak turte sawmkhawm emaw, an vote beiseina avanga voter turte motor a vote thlak tura phurh awih a ni lo. Hei hi Election Model Code of Conduct in a khap a ni.
5. Vengthlang Local MPF chuan- kan Veng chhungah thu harsa rel tur leh intihmualpho ngai tumah kan awm lohna turin Party leh mimal tinte, chhung tinte kan ngen a. Inthlan thianghlim leh felfai tak a awm ngei theih nan Kohhran mipuite, kan za vaiin i thawkho ang u.

Bialtu Pastor
Nizan atanga vawiin nileng hian Bialtu Pastor- Rev.Laldailova chuan Electric Kohhranah Bial fan programme a hmang ang.

Pathian ram hun hnuhnung
Vawiin hi November thla chhung atana Pathian ram thilpek lakkhawm ni hnuhnung a lo ni leh ta. Tlaiah chhiar a ni anga, zanah puan chhuah leh nghal a ni ang.

Inkhawm zai hruaitu
Tunkar chhunga Inkhawm zai hruaitu turte :
1. Pu R.Pachhunga
2. VL.Zauva Chhangte
3.Pu H.Nghakliana
4. Tv.VL.Ramdina
5.Pi Lalhruaitluangi

MPF Thalaite che tan
Vengthlang Local a MPF Thalaite leh YMA OB leh MPF Local O.B. te chuan Ningani Zan khan Information Centre ah Meeting pawimawh tak neiin MLA inthlan tur atana an hmalakna tur chi hrang hrangte an sawiho. Member kal an tha thawkhat a, Bialtu Pastor Rev. Laldailova hnen atangin fuihna thu tha tak tak an ngaithla bawk.
Anniho hian- MLA Candidate te sawmna leh sem tur dang lo semsak te, inthlan niah, tunhma lama Pol. Party hovin an hna ang zawng zawng- thlangtu mipui te lo tanpui a, E /Roll lo enfel leh a tul ang ang lo buaipui hi an hna dawn a ni. Mipuite pawhin anmahni tanpui tum theuh ila a lawmawm hle ang.

Lawmthusawina
1. Thilpek dawng zel :
A tul ang anga kan hman atan hengte hnen atang hian MPF, Vengthlang Forum chuan thilpek (Pawisa) kan dawng leh ta:
Vengthlang Koh.Hmeichhia: Rs 5000
Vengthlang North : Rs 2000

2. Tawngtaipuina
Kohhran mipuite min tawngtaipuina avangin MPF Vengthlang Local chuan harsatna em em tawk lovin vawiin ni thleng hian tluang takin an la kal thei zel a. A lawmawm hle mai.

Sacrament Department hriattirna
Kohhran Committee chuan hetiang hian Sacrament Deptt. thu a rel:

1. Camping:
December Ni 4-5 chhung hian kan Kohhran Sacrament Department pual Camping buatsaih a ni dawn. Dt.4.12.2008 ( Ningani) Chhun Dar 12:00 hian Biak Inah kim vek a ni anga. Ni 6.12.2008 zingkarah an chhuak leh ang. Speaker atan Rev.Laldailova a ni ang.
Sacrament Exam hun : Dt.7.12.2008
Dana lawmluh hun : Dt.17.12.2008

Krismas 2008 & Kumthar 2009
Kohhran Committee chuan kumin Krismas & Kumthar 2009 chu Kohhranah a huhova hman turin a rel fel leh ta.
Krismas hi a ni takah, Dt.25.12.2008 ah chuan Sa ruai awm lovin kum dang ang bawkin thingpui ruai buatsaih a ni anga, Dt.26 & 27 khian Sa Ruai buatsaih a ni thung ang. Kumin hian kum danga la tih ngai loh- Krismas Lawmna Nikhat hi Naupang pualin Biak Inah hun hman a ni ang.
Puipa turte : Chairman : Upa Vanlalhranga,
Vice Chairman : Upa Sangmanthanga
Secretary : Pu H.Thangliana
A/Secretary : Pu K.Lalthlengliana
Treasurer : Pu H.Nghakliana
F/Secy : Pu Vanlalhruaia Sailo.
*** Thawhlawm khawn turin Pathian Ram Finance memberte ruat an ni a. Chhung tinah kum dang ang bawkin theih tawk tawk khawn leh a ni ang. Krismas Ni 2 atana khawn phawt tur nise.

Kohhran Hmeichhe NI
Dt.28.11.2008 ( Zirtawpni) khan Mizoram Synod hnuaia Kohhran Hmeichhiate chuan an Ni lawmin nilengin hun hlimawm tak an hmangho a ni. Kan Kohhranah chuan Centanary Hall ah he hun hi hmangin Bial Hmeichhiate Rawngbawlna, 1970 hmalam chanchin an zir hova. Bial Hmeichhe hruaitu, chantuan ram lo pan tawhte sunna hun an hmang bawk. Tin, Kan Kohhran chhunga member, kum 80 tling, 28 te hnenah thilpek hlu tak an hlan a. Kan Kohhranah hian kum 80 tling tawh hi hmeichhia 20 leh mipa 8 kan nei mek a ni.

KTP
Karleh Inrinni Zan ( Dt.6,12,2008 atanga Pathianni Dt.7.12.2008 nileng khian Champhai Jt.KTP chuan kan Biak Inah Meet an hmang dawn
Speaker : Rev.C.Chanchinmawia
A ni hian a sawi tlak tlak ang.
** Krismas a lo hnai ta a. KTP member inhawtbuk a hun leh ta hle mai. Hlazir pawh 100 rual tal nih ziah a hun ta.

Comments

Popular posts from this blog

Champhai - Tualchhung Chanchinthar ni 17.5.2018 (ningani)

VANTLANG SIKUL - CHAWNCHHIM HSS :
Vantlang zirna In, Chawnchhim Higher Secondary School din tura hmalak mekah a tula ngte tihfel thawkhat tawh a ni.
Chawnchhim Higher Secondary School hi Champhai khawpui chhunga Higher Secindary  School indaih lohna avanga khawtlang hruaitu hrang hrangte leh tlawmngaipawl intel khawmin an din a ni a. HIgh School atanga pawl 10 passed chhuak ten Sawrkar sikul a Admission an hmuh vek theih loh avang te, veng chuan hnuai lam tana sikul panna hla lutuk vangte leh khawtlnga zirna boruak nasa zawk a awm theihna tura din a ni, Sikul hi khawtlang mipuiin an din a nih avangin khawtlang hruaitu kal khawm chuan Monthly Fee lak loh nise an ti a. Admission fee erawh Rs. 1000 a ni ang. Admission hi tunah Bethel Br. YMA in ah kalpui mek a ni a, Ziritrtu leh Staff  dang ten admission hi an buapui mek ani. Class tanna tur hmun pawh rei lote ah peih fel thuai a ni dawn a, Bethel veng huam chhungah Class hi tan tur a ni. Subject lak theihte chu ENglish, Mizo, Pol. Science…

Champhai - Tualchhung Chanchinthar ni 16.5.2018 (nilaini)

MAXI CAB SERVICE TURAH LA INREM THEI LO :
Champhai to ZOkhawthar Maxi Cab Welfare te chu Ruantlang daiah an la duty chhunzawm zel.
Champhai District Transport Officer in CHamphai ti Zokhawthar Maxi Cab  Welfare chu Rs. 100 a tlan tura a tih hnuah Rs. 100 a tlan chu a theih ngang loh avangin Sunday zan khan Champhai to Zokhawthar Maxi Cab  Welfare te chu thukhawmin an awm dan tur an rel a. He an thutkhawmah hian Rs. 130 a tawlh hniam nise tiin an rate  Rs. 150 atangin an tawlh hniam a, Zokhawthar lam leh STO te pawh he an tlan theihna tura an suan Rs. 130 hi an sawipui tawh a, nimin khan Zokhawthar lam pawh thukhawm ve nghal in Champhai To Zokhawthar Maxi Cab  Welfare te thutlukna Rs. 130 chu an pawm theih leh theih loh an sawi ho a, an pawm thei a nih chuan a pangngaiin Champhai to Zokhawthar Maxi Cab Welfare te hi Zokhawthar ah an Service leh nghal ang a, an pawm theilo a nih erawh chuan Ruantlang dai ah Duty chhunzawm zel an la tum niin thudawn a ni.
Hetihlai hian Zokhawthar Joint Meet…

Champhai - Tualchhung Chanchinthar ni 21.5.2018 (thawhtanni)

SYMA TEN PALAI HNA THAWK DAWN :
Inrinni chawhma khan Sub-Hqrs. YMA Hall, Tlangrawtah Sub-Hqrs. YMA Executive Committee neih a ni.
Vice President F. Lalrinmuana (www.champhai.net)kaihhruaiah hian ni 16.4.2018 a Khawmawi khua in kang tuarte tanpuina tura thuthmun branch YMA ten tanpuina tura vehbur an khawn tlingkhawm Rs. 3,13,520 chu a hlan dan tur an rel a. He tanpuina sum tlingkhawm hi ni 23.5.2018 (Nilaini) tlai dar 4 ah DC Vanlalngaihsaka hovin Sub-Hqrs. OB te leh SEC Cremchangte leh Disaster Sub-Comt. OB te nen hlan nise an ti a.
Thuthmun Branch huamchhungah ramdang mi leh hnamdang mi sumdawng awmte mahni Branch huamchhung a mite theuh dapchhuaka hemi kawnga hma la tura hriattirna lo chhuah tawh chu tun aia thahnemngai (www.champhai.net)lehzuala ramsang mi leh hnam dang mi sumdawng mahni huamchhung theuhah an awm a nih chuan a zawn chhuah hna thawk a June ni 15 hmaa hma la theuh turin Branch tinte an ngen a ni.
Sub-Hqrs. YMA Library Bulding, BADP hnuaia sak mek, mimal hnna hna chhunza…