Skip to main content

Champhai Tualchhun Chanchinthar ni 18.6.2018 (thawhtanni)

RUAHSUR AVANGA CHHIATNA :
Kar hmasa Ningani leh Zirtawpni ruah sur avang khan Champhai khawpui chhungah chhiatna hrang hrang a thleng nual a, hriat theih china chhiatna thlengte :
1. Pu Topuia Tochhawng IB veng, a in bul a min a, leimin hian a in chu tih chhiat anei lo va, kawngkal a awm avangin a min belh zel tur ven nan silpaulin pek an ni.
2. Pu Muana Hangsing Kanan veng chu a ram in la sak lohna a min a, leimin hian a thenawm te in luhna tlemin a khoih tel deuh a. A thlang Kanan veng field panna leivungin a hnawh a, PWD hriattir tawh an ni.
3. Kanan veng to Electric veng inkal pawhna Sapsakei lamlian ni 13.6.2018 a min chu a min belh a, kawng hi a hnawh ping a, a bul hnaia cheng Pu Hrangthanzama chhungkaw member pathum (3) te chu engemaw palhah an inthiar chhuak a. Kawngping hi PWD EE hrilh tawh a, clear thuai tum a ni.
4. Tuipui leh Champhai inkar ah kawng block a awm a, tunah chuan clear fel a ni tawh.
5. Kanan veng hman kuma min nasa tak kha vawiin ruah sur avangin a min leh a, min n…

YMA Palai

Thlamuang taka intlan neih a nih theih nan MPF-te Fehchhuak Ta
Vengthlang,2nd Nov. (Pathianni) : Ni 2.12.2008 a Mizoram hruaitutur thlanna kan neih turah Party hrang hrangte an tlin ngei tumin an theihtawpin hma an la chho mek zel a. Hetih rual hian MPF pawhin felfai tak a inthlanna buatsaih a nih theih nan chak takin hma an la chho ve mek zel a. Ni 28.10.2008 khan MPF Vengthlang Local chuan YMA Run-ah Committee pawimawh tak neiin an hmalakna tur chi hrang hrang duang chhuakin nimin atang khan bawhzui ngai awm apiangte an bawhzui nghal a ni.
1. MPF Office
MPF Information Office hi hmun laili deuhah luah nise tih anih angin Awmpui pheia Pu Rokhawliana Building chung chu biak fel nghal a ni a. A chei tha tur hian hun remchang hmasaah hnatlang koh a ni ang. Kohhran mipuie lo inruahman ila a tha ange.
2. MPF Worker:
Election Worker tur, YMA member 40 rual tlawmngaia thawk tur ruat nise tih a ni a.Hei hi YMA hruaituten an lo ruat anga. Mumal taka trained tir an ni bawk ang.
3. Office Bearer siam belh
Pastor Lallawmthanga, ( Weslyan Methodist) chu Ex- Officio member ah dah a ni a. Pu C.Lalremliana leh Pu F.Lalrinmuana te chu Information Secretary atan dah belh an ni bawk.
4.Flag tar chung chang
Vengthlang huam chhungah chuan, tumahin mahni inah Pary Flag tar miah loh nise tih a ni a. Hei hi mipuiten lo zawm theuh turin kan inngen mawlh mawlh a ni e.
5. Party Office tlawh:
Nimin khan Vengthlang Local hruaitu- Executive Committee memberte chuan kan Veng chhunga Party hrang hrang Office tlawh kualin, Party hruaitute nen inthlan fel fai taka neih dan tur chungchanga an inremnate an thlir nawn leh a. Tha taka thawhho theih ngei an inbeisei a ni. Hetiang hi an hun hman dan a ni : MNF Office Dar 10:30 - 12:00, UDA Office Dar 12:30 - 2:00, Congress Dar 2:00 - 3:30
MPF-te hmalakna tawiawm hi YMA Member-ten kan tih tur a ni tih i hre thar leh ang u.

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

Damlo
Pu Rothianga, Rahsi Veng chu damlohna avangin Champhai Civil Hospital-ah enkawl mek a ni a. Khawtlang mipuiten i tawngtaipui ang u.

Dil leh theih ta......
Ni 100 inhlawhna chu chhunzawm leh tura hma lak mek a ni a. Nimin leh vawiin chhung ngei hian mahni veng VC-te hnenah in report leh tur a ni.

Camping Chhuak
Nimin zing khan Vengthlang Kohhran-a Gospel Camping neih mek Vawi 4-na chu an chhuak fel ta. Camping ah hian mi 350 chuang lutin camping-a awm tluan zawng zawngten Pathianah siamthar lehna changin Camping hi an chhuahsan a ni. Vawiin hian Vengthlang Kohhran-ah Gospel Thunder Team Speaker Pu Zaihming- thanga`n Pathian thuchah a sawi dawn a, he hun hmang tur hian Vengchhung mipuite kan insawmin zaia Pathian rawngbawl turin Pu Joseph Zaihmingthanga pawhin Zirtawp zan khan Gospel Thunder Team hi a rawn zawm a ni.
Vengthlang North Kohhran a Camping neih mek pawh nimin khan an chhuak a, Camping-ah hian mi 14 lutin an vai hian Pathian hnenah inhlan tharna an nei vek a ni. Vengthlang North hian Camping hi chhunzawm leh tura ruahman mek a ni a. Camping a lut turte chuan Thawhtan tlai chaw eikhamah buhfai no 6 leh mahni mamawhte kengin Camping-na hmun hi pan mai tur a ni. Speaker atan hian Pu Zodin-sanga Khiangte leh Tv. Lalhming sanga, Venglai-te niin vawiin hian Follow up hun hman tur a ni.

Branch aiawhin Pre & Secy Camp
Tun tum Vengthlang Kohhran Camping zawk takah khan kan Branch President Pu C. Hrangmanthanga leh Secretary Tv. C. Lalthanpuia te lutin an Vawi 3 naah khan Asst. Secretary Tv. H. Lalthanmawia pawh a lo lut tawh.

NGO thukhawm
Zirtawp Ni zing khan NGO Co-ordination Committee O/B te chuan Pu Lalnunmawia Inah thukhawmin hetah hian Champhai leh Aizawl inkar sumo chuan man tihsan chungchang leh thil pawimawh dang an rel.

CRAFT Bazar
CHANEM Building a ZO HANCO inabuatsaih Craft bazar Mizo ten hnang hmanga an thilsiamte an zawrh chu a lun hle a, stall chi hrang hrang 44 hawngin zirtawpni khan khar fel a ni ta.
Khawvel Sunday Sikul Ni Niminkha Khawvel sunday Sikul Ni a ni a, hemimpual hian Presbyterian Kohhran te chuan hun an hmang. Puitliang bikah chuan ‘Sunday Sikul than zel dan leh a pawimawhna’ tih Upa R. Lalmalsawma ziak leh CH Spurgeon a chanchin Rev. K. Lalrongheta ziak an zir a ng a, Naupang lam chuan ‘Crusade chanchin’ Rev. Dr. Vanlal nghaka Ralte ziak ;eh Ira D. Sankey-a chanchin Upa Dr. PC. Biaksiama ziak te an zir ho bawk ang.

Kan Vengin Kian
Champhai District Volleyball Association Silver Jubilee Tournamaent Final khel lova postpond a nih chungchangah Vengthlang Branch YMA Sports Sub-Committee chuan he tournament tluang taka khelh zawh anih theih nan final lut turin Kahrawt A Team chu chakna an hlan a, Final hi Bethel A Team nen Thawhtan Dar 2:00 Pm hian an khel ang, Tun hnu zelah hetiang harsatna awm lova infiamna fel fai a awm theih nan tournament felfai tak buatsaih an duh thu an tarlang bawk.

Branch Hnatlang
Thawhtan zing khan Thlanmuan bula Turning Point siam mek tuihawkin a tihchhiah chu hnatlanga siam that a ni leh ta. Hnatlangah hian member 30 chuang an thawk chhuak.

Badminton Tournament Zo Fel ta
Champhai District Level Badminton chu Final khelh zawh a ni ta a, kan veng a tang hian mi thahnem tak inchhuak a ni tih kan hria a kan lawmpui che u a lawmman la pha ngei turin tan ila thar leh ang u, heng a hnuaia mite hi kan vengchhung atanga chhuak lawmman la te niin kan lawmpuiin kan chhuang tak zet a ni.
Grade A
Single Lalsupuithanga (K-Sec)
Lalchhuanawma (N-Sec)
Double Zosangzela (T-Sec)
Grade B
Single Samuel Lalpektluanga (K-Sec)
Double Lalrinchhana (T-Sec)
& Samuel Lalpektluanga (K-Sec)
Veteran Doubles C. Hualrikhuma (K-Sec)
Women Doubles JH. Lalrinngheti (N-Sec) &
Lalnunpuii (K-Sec)
Lemchan Hun Sawn
Champhai Jt KTP leh Salom tangkawp ten ni 4-5 December chhunga Champhai Town Hall-a Jt KTP huamchhung KTP Branch hrang hrangte inelnatur Lemchan intihsiakna hun chu inthlan nen a in nan buai dawn avangin ni 11-12 December ah sawn a ni. KTP Meet erawh chu ni 6-7 Dec. ah Vengthlang Kohhran Biak Inah neih tur a ni.

Ui leh Ar Bawk
Ui leh ar khuah khirh lo kan tam leh ta, Vengchhung mipuite mahni ranvulh theuh i khuahkhirh thar leh ang u.

Hnawhchhuah Tur Ngaidam
Ruihtheih thil a zawrh avanga Vengchhung atang hnawh- chhuah tur Pi Zami, Awmpui Phei kawngchung a mi chu Gospel Camping-ah a luh avangin Vengchhung hruaitute inrawn- khawm chuan an ngaihdam. A dinhmun a zirin a chungchang hi ngaihtuah that leh tur a ni.

Inhruipawh Turin Inbuatsaihta
Ni 4-5 December ah Champhai Tug-of-war Association buatsaih inhruipawh inelna neih turah kan veng atang mipa team 3 leh hmeichhe team 1 tel turin ningani zing khan YMA Run-ah an inbuk a. Kan veng aiawhte tawiawm tur hian member tinte lo inring ang u.

Thisen Pe
Nimin khan Pu Rothianga, Rahsi Veng chu heng mite hian thisen an pe :
K. Vanlalpeka, N-Sec
VL Ramdina, N-Sec
Laltharrenga, N-Sec
Lalninghaka, K-Sec
Ngurchhawnkima, K-Sec

Comments

Popular posts from this blog

Champhai Tualchhung Chanchinthar ni 13.6.2018 (nilaini)

THUPEK KENGKAWH TURA PHUT :
Champhai Nature Conservency chuan thuchhuah hetiang hian an siam : Deputy Commissioner, Champhai District in 19 february 2018 a Champhai leilet zawl Agricultural land (Agricultural LSC, Periodic patta leh Garden pass) a Kudam leh Chenna in sak thiat tur leh sak khapna order a lo chhuah tawh chu huntiam hnuhnung leh insawifiahna hun pek a ral hnuah pawh thupek zawma thiat an awm lo hi pawi kan tiin kan dem takzet a. He thupek kenkawh dan hian Champhai awm zel dan tur thui tak a hril avangin Thupek chhuahtu Deputy Commissioner leh thupek bawhzui tura din Task Force te hian khauh tak leh huaisen taka thupek hi kengkawh turin kan phut a, huntiam a ral tawh avangin thupek zawm lo te chungah dan anga action la turin kan phut tlat a ni.

CHAMPHAI POLICE TEN RUIHHLO MAN TAM :
January atanga June thla chhungin Champhai District Police ten ND&PS Act tlawhchhan a thubuai 33 an ziahluh ah Heroin Gram 2687.9 leh Ganja Kg 82.6 an man.
Ruihhlo an man zawng zawng hlut zawng…

Champhai - Tualchhung Chanchinthar ni 11.6.2018 (thawhtanni)

KENKAWH LOH THUPEK IN ZAWM HLAWH LO :
Champhai leilet zawla kudam sak, thiah tura thupek chhuah chu hmalakna a la awm lo.
Champhai leilet zawl hi Agriculture kaihhnawih atan chauha hman tura tih niin hemi piah lama hmalakna - kudam leh in sakte chu thiat turin kumin kum tir khan Champhai District Magistrate chuan thupek a lo tichhuak tawh a, leilet zawla In leh kudam neitute hian thla hmasa ni 8 khan Court an thlenpui hnuah a neitute hi thiah sak an nih loh chhan sawifiah tura lehkha pek an ni a, insawifiahna hun atan hian ni 15 chhung hun pek niin insawifiah hun hi tun thla tir khan a tawp a, vawiin thlengin kudam thiah a la ni lo a ni.
Champhai leilet zawl hi Mizoram Revenue Laws hnuaiah Agriculture lam kaihhnawiha zuah a ni a, ram neihna an pek pawh Agriculture LSC, Periodic Patta leh Garden Pass te an ni a, hemi tlawhchhan hian thupek hi tihchhuah a ni . Kudam leh In satute chuan kum 100 chuang lo neih tawhna a nih avangin rma leilung a chhia a, a ram hi sumdawnna kaihhnawihah an bua…

Champhai - Tualchhung Chanchinthar ni 12.6.2018 (thawhlehni)

ZANTIN KUM 5 CHAWL LOVA INKHAWM :
Kelkang Kohhran te chuan chawl lova zantin an inkhawm kum 5-na champhaphak pualin nimin atang khan an hmang tan.
Kelkang Kohhrante hian Kum 2013 atang khan zantin chawl lovin an inkawm ziah a, kumin hi a kum 5-na niin nimin atang khan chawl lova kum 5 an inkhawm pual hian hun an hmang a, nimin khan Bethelpui neiin nizan atangin Pathian biak inkhawmin hun an hmang tan ang a, vawiinah ruai nen he ni pual hian hun an hmang chhunzawm a ni.

GREEN MIZORAM DAY HMANG :
Mizoram hmun dangte rualin nimin khan Champhai District chhunga Green Mizoram Day hmanna pui ber chu Mualbuhvum, Zote Road-ah neih a ni. He hunah hian hawnna inkhawm tawi neih hmasak niin Pu Liansangzuala Chhakchhuak Champhai Addl DC chu khuallian a ni a, thingphun hnatlangpuiin a chhunzawm nghal a ni.
Khuallian Pu Liansangzuala Chhakchhuak chuan Green Mizoram Day hmang tura kalkhawm Sawrkar Department leh NGO te thahnemngaihnaah lawmthu a sawi a. Ramngaw leh nungcha chereu zel humhalh chu mitinte m…