Skip to main content

Posts

Showing posts from August 2, 2008

Kumin chhungin Vaibelchhe 9 chuang man ruihhlo man tawh

Kumin chhungin Vaibelchhe 9 chuang man ruihhlo man tawh : Kumin kum tir atanga nimin thleng khan Champhai Police te chuan ruihhlo chi hrang hrang Cheng Vaibelchhe 9 chuang man an man tawh. Ministry of Social Justice hnuaia National Institute of Social Defence (NISD) bul tuma ni thum chhung awh tur, Champhai District chhunga Police-te Damdawi hman khawloh laka inven dan tur zirtirna hun, nimina SDPO Conference Hall, Champhai Vengsanga neih tanah he thu hi Course Coordinator, Champhai Addl. SP Francis Lalnuntluanga Ralte chuan a sawi a. An ruihhlo man te hi Heroin Kg 1.926, Rs 69,56,800 man; Ganja Kg. 108.43, Rs 5,48,000; Methaphetamine Kg 29.228, Rs 3,90,00,000; Pseudoephedrine Kg 335, Rs 5,14,56,000 man te a ni, a ti.  Champhai Addl SP hian training-ah hian drugs leh ruihhlo dang, thalaite suata ram leh hnam run mektu hi engtia lo beih tur nge? Kohhran, chhungkua leh khawtlanga bua khuar tlat hi engtin nge nuai bo anih theih ang tih te zir a nih dawn tih a sawi a. Ruihhlo leh a kaihhn…

Editorial

Tawmngaihna
Mizote hi kan pi leh pu atangin hnam tlawmngai thian chhan thih ngam tiin kan inchhal thin. Kan tun dinhmunah erawh hi chuan kan pi leh pu tena tlawmngaihna an tih hi kan Mizo ziaah hian a bo tawh ni ber hian a hriat.
Kan tunlai khawvêlah hi chuan mi chhiatni thatni hi kan zia lanchhuahna awlsam ber a ni a tih theih hial tawh âwm e. A bîk takin chhiatni bikah hian a ni leh zûal. Kan khawtlâng nun han en vâng vâng hian mi chhiat tawkte chunga kan âwm dân leh kan nihphung hi chuan tlawmngaihna hi a phawk pha tawh lo ni ber hian a hriat. Tlaivâr zânah nise kan duh hûn hunah kan hawng a, a châng phei chuan mi tlêmtê leh chhiattawk chhûngkua chiah awmchangte kan nei ta zeuh zeuh hi a zia lo lam mah mah a ni. Vêng heti rêng ruangah chhiattawk chhûngkuate In khat zo lo member kan âwm hi i inngaihtuah nawn leh teh ang u.
Kum khatah vawi khat tlaivarnaah a kal a ngem aw... tih tûr thahnem tâk member kan nei te hi a zia lo lam mah mah chu a ni. Khawhar In leh Lumen tlaivâr zânah hi…

AK 47

% U Remna, ka rawn ho leh hunah chuan min lo theihnghilh tawh awm si a, min hriatreng nan lukhum hi i lo nei dawn nia.
Veng pakhat VCP fanu
%Motor pawn Spare Part a nei a, kei pawn spare sass ka nei ve a ni mai a lawm.
VL-a, N-Sec
%Zote khua a Mizoram tih kawr ha apiang hi ka pu-te vek an nih saw. Bula, Fin. Secy
%Lehkhaden pawh hi sim a hun ta, member kan kiam sawt tlat. Hrangkima Pa, T-Sec
%Tung hul ve tlat Mapuii, Pastor Quarters
%Machhuan, nupui neih chu nuam si hlauhawm si a lo ni ber e. Lalbuanga, K-Sec
% Thianpa Vungpuia hi chu Camping-ah pawh lut leh mahse a pass zo tawh chuang lo ang, Nunna Bu ah pawh a hming phek khat chuang an ziak tha tawh.
Lalpuia, N-Sec
%Pa Fak, Editor ka ni ve tho sia ngatinge Khuallian tur leh thil hawng tur hian min van sawm ve lo em em. U BM-a (Dumde) hi an sawm zing ropui si. Hruaia, Rihlipui Ed.

CHAMPHAI DISTRICT COURT AIZAWL A SAWN C. Lalbiakenga

Tunhnaia Court chungchanga Sawrkar ruahmanna siam thar ang chuan Champhai District tan Case lian leh Court te zawk rorel Appealna khawih thei tu tur District Judge ruat ve a nih tak loh avangin Aizawl ah Court mai tur ang a thu tihtluk a nih hmel a. He mi chungchang hi District mipui ten kan hriat chhian a, Aizawl a Court lo tur a Champhai District tan Additional District Sessions Judge emaw tal kan ngiat ve thuai a tul hle mai.
1. Case thubuailian deuh chinah chuan thubuai neite leh thuhretu witness zawng zawng te chu Aizawl ah Court a ngai dawn a, hei hi a hlat tham em avangin a hautak hle dawn a ni. Thubuai lian deuh ah chuan kum 5 atanga kum 10 te rorel hun chhungin a awh thin lehnghal.
2. Champhai a Court pangai case lian lutuk nilo MLTP tih ang bawr vel case a Convict tawk thiam loh changte tan damlohna emaw thildang harsatna eng emaw riau leh vawikhat tih sual thil avang ten rorel tawh thiattur emaw, hremna hniam han dil leh na tura Appeal turin Aizawl a case file a ngai turhi …

Ruk ruk a hluar

Tunlaite hian Champhai leh a chhehvelah rukruk a hluar thar hle mai a, Mitinte i fimkhur tlang theuh ang u, khaw chhung bakah mithlam chung leh bang vel (Silver rangva) lakching an awm a ching mite kha fimkhur rawh u an veh ru reng che u a ni.

E/Roll neih ani

Vengthlang huam chhungah E/Roll-a inthun thar an pung zel a chutih rual chuan paih (Deleted) pawh an awm nawk bawk. Nilaini a E/Roll ainthun thar zat chu mi 109 an ni e Mithenkhat thahnem ngai tak tak an awm leh zauh thin a. Hetiang mite hian Ram nge an hmangaih ang an mahni thatna tur? Han ngaihtuah zui ve teh le ?!!!

Member Chhuanawm

Tv. Lalsangzuala s/o C.. Laldailova (V-Sec) chuan Russia ram ah MBBS zir turin a kal dawn, hetiang mi kan Branch in kan nei hi kan chhung tak zet a, hlawhtling tak a chhuah leh ngei turin duhsakna kan hlan nghal e.

Zanah Naupang Chhuah Khap

Vengthlang Security Cell tunlai hian vengchhung then thianghlim hna ngawr takin an thawk chho mek zel a. Kan veng huamchhungah zu rui, zu zuar, buaina siam leh bengchheng reng rengte man vek an tum a. Chubakah naupang zan vakte pawh man hmak hmak an tum bawk. Security Cell-te hmalak na ti thuanawp zawng leh tichhe zawngin vengchhung mipuite awmlo tur leh an hmalaknate thlawp tlat turin vengchhung mipuite min ngen a ni.

A Tam Zawk Bukna Dik Hmang

Nimin zing Bazar khan NGO, Legal Metrology leh Market Inspector Officer tankhawp ten Champhai Bazar a sa leh thil buk chi hrim hrim zuarte an bukna a dik leh dik loh enfiahna an nei a. Bukna hi avaiin dik vek lo mahse za zelah 90 chu bukna dikah ngaih a ni. NGO hian tunlai hian Sa rate chungchang leh khawtlang mipuiten harsatna kan tawh chi hrang hrangte su kiang turin hma chak takin an la chho mek a. An hmalakna te a fakawm..

Thisen pe

Ni 28.7.2008 (Thawhtanni ) khan Lalzova (Kanchha) Kahrawt veng chu hun rei tak natna in a tlak buak avangin thisen pek a ni. Thisen petu pu Zoremthanga Chalngeng, Pu C. Lalhmunsiama, Lalram muana leh Tv. H. Lalthan mawia te chungah lawmthu kan sawi a. Tin, thisen petute hruai nana motor thawhtute Lalrammuana(Car), Pu Ari ben Malsawmdawngliana (Taxi) leh Pu Lalropuia (Rickshaw) te chungah Branch chuan lawmthu a sawi mawlh mawlh e.

Hnatlang/ Lawmthu

Tuna kan Runmawi In sak kal mekah hian Lawmthu sawi tur hi kan ngah ta hle mai a. Securting tur Leirawhchan (Brick) 300 No’s ve ve in Pu T.T. Zothansanga te chhung kua leh Pu R. L:alrintluanga R.K Family ten daih ngei turin min pe leh ta a, an chungah Vengthlang Branch chuan lawmthu a sawi mawlh mawlh a ni. Heng kan Leirawhchan (Brick) te hi Runmawi hmunahMotor Pickup a min phurh thlensaktu Pu H. Hrangvelthanga I.B te leh Pu Rohnuna Renthlei I.B te chungah pawh kan lawm leh zual bawk, member hnatlang te chungah Branch chuan lawm hu a sawi nghal bawk e. Tin, veng chhung mi inpete zarah hian thil tih hi a awlsamin a nuam em em a, veng tan theihtawp i chhuah tlang zel ang u.