Skip to main content

Posts

Showing posts from September 9, 2008

RUIHHLO TAM THAM TAK MAN

RUIHHLO TAM THAM TAK MAN : Inrinni chawhma khan Champhaia Excise & Narcotics Enforcement Staff duty-ten Champhai leh Zokhawthar inkara Maxicab  pakhat atangin tunlaia ruihhlo lar leh hlauhawm tak, Methamphetamine tam tham tak chu Zokhawthar panna kawng, Champhai District Park pengah he ruihhlo hi zin bag siam danglam chhuat hnuaiah thuhruk a niin, Excise & Narcotics Staff-ten uluk taka an enfiah hnuah he ruihhlo hi an man chhuak a. Ruihhlo neitua puh Tinsianmunga kum 50, Tinzama fapa, Tahan Pyi Daw Ta, Myanmar a cheng ni a inchhal chu man a niin, midang ta a ken sak angin a insawi thung a.  He ruihhlo hi Mum 50,500 a tam niin, tunlai tualchhung hralhna a chhutin Cheng 75,75,000 man a ni. Tinsianmunga hi ND & PS Act tlawhchhanin thubuai siam sak a ni a. Champhai District Hospital-ah a hriselna enfiah a niin, Inrinni chawhnu khan District Court-ah hruai a ni a. Champhai District Jail-ah dahluh nghal a ni. Inrinni vek khan Excise & Narcotics Enforcement Staff duty-te hian…

Buatsaihtute Hmathlir

Thingphun Uar

A thupui leh kan thu ziah hun hi a inmil chiah lo a nih pawhin engngemaw ti kawng zawng tal chuan tan lak kan tum phah pawh a tha khawp mai. Thing phun tak phei hi chu hun tawh lo mahse a awmsa enkawl kawngah tan kan lakthar a tha khawp mai.
Nilai zan thupuiah kan zir nasaa, thingphun leh a awmsa humhalh hi kan hriselna atan a tha a, sik leh sa vawngtu a nih avangin hetiang kawngah hian kan thanharh thar lehzual a hun ta khawp mai. Mizoram hi tlangram lo nei hnam kan nih avangin kumtin ramngaw kan vata, ram chang tha leh ngaw dur pui pui kum tin zau tak tak kan thiata, hemi vang hian kumtin khua pawh a lum tial tial a nih hi. Tin, heng bakah hian Ozone pawp thlenga nghawng thei ani a, ni zung natna kan tih pawh thui tak chu hei hian a thunun a ni. Hengte avang hian thingphun hi kan uar leh zual a tul ta khawp mai.
Mizoten hmun nuam kan tih chu a tlangpuiin thing tamna hmun te hi a ni duh khawp mai. Hei hi a chhan ber chu a boruak a thengthaw thaa, tin, hmun hring tha hi …

AK-47

@@ Kahrawt lamah Vawk insak ka Training chhuak tih min lo hriat sak teh u, Vawk insak dan design hrang hrang ka hria a nia, veng chhungah pawh koh theih reng ka ni e.
Ramngaiha, K-Sec
@@ Tualte pa zai ve el ul hi a, thiam pawh ka ti ngai lovang. Kan duhzawngte a lo in ang leh nghal a. Lalsena, N-Sec
@@ Bial nu neih ve rau rau hi chuan darkar khat chuang fe hi Office-ah hian biak ngei ngei tur. A chhan chu nei ve lote kan awhfikna langsar tak a ni. Lalpuia, K-Sec
@@ Ka tlangval lai a Love Letter ka thawn dawn reng reng hi chuan Lelte-a U Theri ziah hi la chhawng a, bialnute chu an tap ve ngawih ngawih mai a lawm. Pu Rinnunga (Chinunga)
@@ Tleirawl ngaihzawn leh Biri zuk chu fawh sek an ngai.
Tv. C. Lallianzauva, N-Sec
@@ Nupui ka neih loh chhan chu an zung ve anga a hing awm si.
Tv. Lawmtea, K-Sec

Vengchhung

Central YMA in Mipuite hnen a ngenna thuchhuah
Vengthlang,7st September (Pathianni) : Mizote hi inlainat tawn leh indawm taw thin hnam kan ni a. Chung kan nunphung thate chu chhawm nun a nih ze theih nan heng kawngah te hian mipui thlawpna kan ngen ani.
1. Mipuite ti thabar thei zawna hmalakna hrang hrang, ralthuam hmanga invau, inrikrap leh Bomb tihpuahte hi inpumkhatna tichhe thei a ni a. Chuvangin hemi kawnga hma la lo turin pawl hrang hrangte leh mipuite kan ngen ani.
2. Mautam tampui kan hmachhawn mek lai leh ei leh bar a harsatna kan tawh mek lai hian, veng leh khawtlang hamthatna nawrchhuah nana kawngpui dan (Road Block), Zirlai leh Thalai chinchang la hre pha lo hman khawloh leh Sawrkar/Vantlang bungraw ti chhe zawnga hmalak a awm loh nan mi zawng zawng kan ngen a ni.
3. Kumin 2008 hi MLA General Election neih tur anih avangin, Inthlanna thianghlim leh felfal, Roreltu tha thlan chhuah hi Central YMA duhdan leh beiseina ani a. Chuvangin mahni tanghma thlir luat avanga Ralthuam…

Thuziak

Khawtlang Tan Enge I Tih Theih
Thailunghnema

Kan pi leh pute hunlai chuan khawtlang venghimtu chu thalai rualte a ni thin. Chung thalai rual chuan an thiamna leh finnate hmangin an khawtlang an ti ralmuangin Lal-te pawh an mahni avangin an hmel a uang thin a. Tunah erawh chuan kan Zoram thalaite avangin kan khawtlang a him tawh lovin kan khawtlang a rum tak meuh meuh a ni.
Thalaite hian hma kan sawn loh chuan khawtlang hian engtikawng mahin hma a sawn thei dawn lo. Keimahni avangin ban tlangah puan an pho ngam tawh lo te hi inngaihtuah harhna tham a tling in ka hria. Heti ringawt maia thalaite kan awm ta hi engvang nge ni ta ber ang le. Tu pawh phurhna nge ni ta ang?
Nu leh pa : A bul berah chuan nu leh pate hi mawhphurhna kan laktir thei awm e. An fanau rochante hi khawtlang tana mi tangkai leh khawtlang innghahna tham khawp nih tir ai chuan khawi lai Officer emaw niturin min zirtir nasa lutuk ta. Chumi tur chuan thlawmngaihna inzirtirna leh khawtlang tana tangkai thei tura inbuat…

Kohhran Aw

K E I M A H N I

Nilai Zan hun hman
1. Testimonial: Nl.C.Lalramliani leh a nau, member 2, Electric Veng, Aizawl atanga rawn awm te chu Testemonial chhiar a ni a, Bial 10-na Pu PC Liandawla Building ah an awm.
2. Thunun lakluh: Pu Joseph Lal-thuamluaia te nupa leh Pu Zarzoliana te nupa thununte lakluh an ni leh ta.
================================================
Pathian Ram dinhmun
August thla chhunga Kohhran Pathian Ram Ip tlakdan dinhmun:
Ip tla zat : Ip 426
Pathian Ram : Rs. 1,91,155
Ramthar : Rs. 1,29,670
Tualchhung : Rs. 1,01,480
Indanna : Rs. 60,393
Total : Rs. 4,82,698
================================================
August Synod Sum lut bik
Pathian Ram - Rs. 1,91,155
Buhtham - Rs. 45,085
Sacrament - Rs. 2,380
Ramthar - Rs. 1,29,670
Chawmna - Rs. 60,000
Total - Rs. 4,28,290
1st Apr-31 Aug ‘08 - Rs. 21,80,830
1st Apr - 31 Aug ‘07 - Rs. 16,80,135
Nikum khumna - Rs. 5,00,695
================================================
@: Kohhran hoten thilpekah hma kan sawn zel a, a lawmawm hle a ni. Tha…