Skip to main content

Posts

Showing posts from October, 2008

SPIRITUAL CONVENTION VAWI 12NA

SPIRITUAL CONVENTION VAWI 12NA : Nizan atang khan Mizoram Students' Evangelical Union te chuan Spiritual Con- vention vawi 12 na an hmang tan. Spiritual Convention vawi 12 na hi Champhai Vengthlang Presbyterian Kohhran ah nghah niin, nimin khan mikhual an thleng tan a, Counter hrang hrang siamin mikhualte hi hmuah an ni. He convention ah hian thupui atan Lalpa Hmantlak, II Timothea 2:21 thu chuhman a ni a, Speaker atan Rev. Dr. R. Lalthanmawia hman a ni dawn a, a hnen atang hian thupui ngaihthlak thin a ni ang a, Pathianni ah a tiak ang. Spiritual Convention ah hian Mizoram chhunga College leh Higher Sec. School hrang hrang 19 atangin zirlai kalkhawm a, Palai 1300 vel kalkhawm tura beisei a ni.

Buatsaihtute Hmathlir

Intodelh

Neuva Section huam chhunga Signboard pakhatah chuan ‘Intodelh la, i zahawm sawt ang’ tih a intar kuau mai. He thu ziak hi kan chhiar vek tawh anga, a awmzia leh a pawimawhna, keimahni tan a ni tih erawh kan hre kher lo mai thei. Intodelh hi zahawmna a ni tak tak a nih ngai chuan mi zahawmlo kan va tam awm em ! YMA member, hunawl ngah tak tak, chaw heh fu, nalh tak taka inchei thei reng maite hi kan zahawmlo tihna a kawk deuh ber mai awm e.
Tunlaiin hna a vang tih kan sawi uar hle a, a thawk peih leh taima tan erawh chuan hna hi a vang hlawl lo niin a lang tlat thung si. Intodelh tur hian hna thawh duh bik, awm awl leh zawmthaw taka thawh theih chunga sum hailuh teuh teuh theihna kan zawn ngar ngar vang hian hna a vang kan ti a ni mai zawkin a lang tlat. Chutichungchuan, kan thawh peih der loh leh a nachang kan hriat loh atanga miin hlawhtlinna an hmuhin kan thik leh roh thin bawk vei nen. Intodelh tur hian hunawl a neih theih lohva, nawmchenna leh nuamtawl chungin a intodelh …

Sermon 'Bethesda Dil a fawn mek' Rev. Laldailova

Sermon: Camp lut tura sawmna By: Rev.Laldailova
“BETHESDA DIL A FAWN MEK”
Kan Lal Isuan he leia rawng a rawn bawl lai khan Galili dung leh vang a fang a. Natna chi hrang hrang a na mi tam tak a tidam thin. Mi tam takin an zui a, a hnen atangin damna an beisei a, a thiltih mak te pawh tam tak an hmu bawk. Chutia, Lal Isua a zin velna ah chuan Jerusalem khaw kianga dil pakhat Bethesda Dil an tih kiang chu a lo thleng a. He dil hi vantirhkoh in a zu tifawn thin a, chutia dil fawn lai taka zuk inchiah hman apiang chu eng natna vei pawh nise an dam thin. He dil hulhliapa damlo pakhat kum 38 na tawh pawh dil fawn nghakin a awm ve reng a. Mahse, dil a lo fawn laia tuia dah tu a nei ve lo. Chu mi hnenah chuan Lal Isuan, “Tihdam i duh em?” tiin a zawt a. He mi hi Lal Isuan a khawngaih hle a niang, a tidam ta a, a awngphah la a kal tawh turin a hrilh ta a ni. He mi tan hian a lawmawm ngawt ang. Kum 38 chhung zet natna…

Vengthlang Kohhran (Kohhran Aw)

Sex Education zirna:
CHRISTIAN SEX EDUCATION FOR CHILDREN

Kan ramah hian Sex Education hi lo kalpui dawn tak tak ta ila, kan intiam reng em? Nu leh pa tam ber chuan a tulna pawh kan hre lova, tha pawh kan ti lemlo niin a lang. Sex Education chuan mipat hmeichhiat hman khawlohna a tipung ang, tiin tan kan khawh a, zalen taka sex hman duhna kawng hawn dawn nia ngai an la tam hle. Kan fate tihkhawloh kan hlauh vang pawh a ni thei tho vang chu. Thenkhat chuan an fate himna tha ber nia ngaiin sawipui/ an hriata sawi loh law law an duh a, an beng tihvar sak loh law law an duh niin a lang.
Chutihrual erawh chuan thenkhat chu rilru zau tak leh ngaihtuahna seng tak an awm tho bawk. Naupang thang mekte ngaihsakna kan nei thuk tial tial a, an rilru leh taksa mamawh dapsak kawngah kan lo taima deuh deuh ta bawk. Sex Education lamah pawh kan inhawng hle tawh in a langa, chutih lai chuan zalen tak leh a ngial a ngana sex education kalpui kawngah erawh chuan fimkhur tul tihna ni nu leh pa tam ber du…

AK 47

(AK-47 hi Chawngkhum dantlang huat loh a ni, a hua hua sih hlawkah.)
J Tuntum Camping zet chu Security ho duty hmain kan chhuah leh nghal chu.
Pu VL-a, A Pa Dum Techi
J Upa Keikhuma chu ven sen pawh a ni lo, pawimawh hmel deuhin min ti ti puia, Camping atangin a lo chhuak ru leh hman ziah thin. Pu Rohlira, V-Sec
J Pu Nempuia hi a sin Camping a lut tur chu ni, El-Bethel Camp ami kha a lo la ring ve char char nia, a rinna hi a tuiek nasa tawh ngawt ang.
Pu Rochhunga, VCP
J Pa-Saia pawh MNF-ah kan lawmlut hnai ta e.
Pu Zohlira, V-Sec
J Inkhawmpui tawp zan aiin +2 Sports kan zuk kal zet chu ka chena rem rem khawp mai.
Remna-a, N-Sec
J Nun khawhar taka nitin zantin hun hmang thin Chhuihthangvala hi tunlai chu ka khawhar lo ve tlat. Te Pe-a, V-Sec
J +2 Sports a Aizawl kan zuk kal zet chu Rinawmna Biahthu kan in hlan chungin kan in mangtha leh tak kha.
VL-a, N-Sec
J Zaupuia hi Lithuk sangh…

YMA Palai

63rd YMA General Conference a tiak ta. Nakumah Darlawnah
Vengthlang,26th Oct. (Pathianni) : 63rd YMA General Conference - 2008, Dt. 21-23.10.2008 chhunga Serchhipa neih chu tluang taka zawh a ni ta a, Conference-ah hian Palai riak lut mi 4000 vel an awm. Nakum YMA Conference hi Darlawnah nghah a ni dawn a, kum dang ang lo takin tun kum Conference-ah hian Kumpuan neih loh an tha an ti a. He Conference-ah hian Pu C.Rokunga, CYMA President hlui chu Khuallian atan hman a ni a, a ni bakah hian Pu T.Sangkunga, CEC member chuan Khawtlang siamthat (Moral & Social Reform) tih a sawi a, Pu C.Zoramliana, CEC member pawhin Khawtlang nun siamthat (Politics & Economics) tih a sawi bawk. He Conference-ah hian lawmman hrang hrang sem a ni a, nakum Budget atan Rs. 83,97,400 (Nuai sawmriat pathum, Singkua, Sang sarih zali) chu pawm a ni. Dt.22.10.08 a Palai rorel Minute hetiang hi a ni.
I. YMA KHAWIH:
a) ‘Mizo nun ze mawi uar zawka inzirtir nise’ tih chu zau takin kan sawi hova, lungrual t…

Kahrawt YMA (Kahrawtians)

General COnference Tiak ta

Dt. 21 - 23 October 2008 chhung YMA Genral Conference vawi 63 na Serchhip a neig chu tluang taka neih a nih hnuah zawh fel a ni ta a. He khawmpui ah hian Palai riaklut 2167 awmin langin ni engemaw zat an kal bawk a ni. A thlengtu lam in buatsaihna a tha hle a, chutih rualin beisei aiin palai kal an tam tawk lova, pawi an ti hle.Hei hi inthlan kum a nih lohvang te pawh a ni ngei a rinawm. Palai zinga Upa ber chu Pu Thanmawia Kum 87 Khatla Branch a mi a ni a, State pawn atangin palai 19 an awm bawk. Khawmpuiah hian YMA Member boral mi 410 te sunna hun hman a ni bawk.
Khawmpui palai te hian Dt.22.10.2008 khan rorel inkhawm neih a ni a, rorel palai hi mi 759 an ni a, chunga an rorel tlangpui chu :
1. a) YMA khawih :
i) Mizo nun zemawi uar zawka inzirtir nise.
ii) YMA Danpui (YMA Contitution) a siamthat ngaite ennawn ni rawh se.
b) Sawrkar khawih :
i) Mizoram sawrkar hna lak thinah hian a tling leh tlakte chauh lak a nih theih nan sawrkarah thlen ni rawh…

Bethel YMA (BYMA)

DAMLO
4Pu H.Lalnunenga Ex-President chu ni 22.10.08(Nilaini) khan awmna avangin Champhai Damdawi inah dah luh a ni a, ni 25.10.08(Inrinni) khan dam takin an lo chhuak.
4Vanneihtluanga S/o Thangthanga V-Sec. chu tuiso in a taksa pangkhing veilam ni 24.10.08 (Ningani) khan a buaka, tunah hian Champhai Damdawi inah enkawl mek zel a ni.
4Paulianthanga S/o Kapzoliana V-Sec. chu kawthalo santen avangin Champhai Damdawi inah enkawl mek zel bawk a ni.
4Lalrinawma S/o Saihmingliana Sailo V-Sec. chu khawsik avangin anmahni chenna inah enkawl mek bawk a ni.

NAUTE NEI THAR
Pu Thawngzamuana N-Sec. te chuan ni 21.10.08(Thawhlehni) khan Champhai Damdawi inah fanu thar duhawm tak an nei.
Lalchhuanliana S/o C.Vanlalmanga V-Sec.te chuan fanu thar duhawm tak an nei bawk.
Pu.B.Lalramnghaka S/o B.Hranghlira T-Sec. te chuan Aizawl Damdawi inah fanu thar duhawm tak an nei bawk.

FAM CHANG
Pu Peter Liankhawhauva F/o Pausuangina (K- 80 ) N.Sec.chu pumna avangin ni 19.10.08(Chawlhni) khan an mahni chenna inah…

Vengsang YMA (Vengsang)

YMA GENERAL CONFERENCE TIAK TA.

The Vengsang 26th October: Kum 2008 YMA General Conference Serchhip a neih chu tluang taka zawh fel a ni ta. Palai kal riaklut zawng zawng hi mi 2167 an ni. He Conference a kal te hian a hlimawm an tiin hlawkthlak an ti hle. Tun tum Conference ah hian Mizo nunze mawi inzirtir na lam an uar hle a, Conference tawp zan ah phei chuan hmeichhia, Puan bih lova Kekawr tlawn nen a kal te chu Pandal a luh phal lovin an dang vek a ni. Conference tawp zan hian Sub-Hqrs. Champhai President Pu C.Lalawmpuia’n hunserh hmangin Function a tan a. Hun hlim awm tak hmang hovin ui takin kum leh a Darlawn lama inhmu leh turin khawmpui hi an khar a ni.

Tun tum Conference ah hian thu pawimawh tak tak rel ho a niin rorel palai kal h mi 759 an ni. A hnuai ami tehi an thurel tlangpui te a ni.

I. YMA Khawih:
a) “Mizo nun zemawi uar zawka inzirtir nise” tih chu zau taka sawiho a niin lungrual taka pawm a ni.
b) “YMA DANPUI (YMA Constitution) a siamthat ngaite ennawn ni rawh se.” ti…

Ngaihdam Dilna

Hun engemaw chen chhungkaw buaina avangin ka post thei lo, a pawi ka ti hle. Hei tun tum chu in rin lo tak maiin Champhai khawchhung Branch hrang hrang kan hmuh theih chin kan rawn tarlang. Vengdang pawhin min hlutpui ve ngei kan beisei tak meuh meuh a ni.

YMA Palai

Sub-Headquarters YMA Champhai
Inthlan Thuchah
Vengthlang,19th Oct. (Pathianni) : 1. India khua leh tui kan nihna lantir turin mitin te’n rilru thianghlim leh ngaihtuahna zalen tak chunga ram rorel tura kan mi duh thlang (Vote) theuh turin.
2. Inthlanna neih chhungin Danin a phal bak sum leh pai seng lo tur leh Campaign ruaitheh buatsaih lo turin.
3. Inthlan Campaign laiin mipu tichiai zawng leh vantlang tana bengchheng lutuka Aurinna (Mike) hmang lo turin.
4. Khawlai dung leh vantlang hmunte tihmelhem khawpa Party Banner leh Flag te tar lo turin.
5. Hel leh ralthuam hmanga inrikrapna a awm lohna turin eng Party mahin hetianga ngaih theihte hmanruaa hmang lo turin.
6. Ram leh khawtlang tana tha leh hmasawnna, tihhlawhtlin theih ngei turte chauh mipuia tlangzarh turin Party tin Candidate te kan ngen bawk a ni.

&&&&&&&&&&&&&&&&&&&&&&&&&&&&&&&&&&&&&&…

Vengthlang Kohhran (Kohhran Aw)

Sex Education zirna: By-Rev.L.H.Rawsea
CHRISTIAN SEX EDUCATION FOR CHILDREN

Kan rama nu leh pa tam ber hi chuan Sex Education han tih hian sawi thiang lo sawi ang leh zahmawh sawi angah kan ngai deuh tlat thin. Kan fate hi zirtir ngei ngei ngai chuan kan hria a, mahse han zirtir chiah tur erawh chuan kan tim deuh a. Zirtir pawh lo tum ta tehreng ila, a zirtir dan tur te, zirtir tur te, a zirtir hun te, tawngka hman tur te thlengin kan hre tawk lova, sawi lohvah bawk kan tlak leh thin a ni. Se chungchangah kher hi chuan kan faten thudik an hriat hi tul kan ti lo a ni ber mai awm e. Chutiang nu leh pate chuan an fate chu an len deuh ur tawh hnuah pawh naupang chhe cheia cheiin an tipuitling lo duh hle. Zirtirna tha dawng lo te, a hun laia zirtirna dawng fuh tawh lote chuan a tak taka mihring nun an rawn daiin harsatna an tawk nge ngen thin a ni.

Naupangin an hriat ngei ngei tur an hriat loh v…

Kahrawt YMA (Kahrawtians)

CHAMPHAI NORTH MPF CONSTITUENCY FORUM OB & CHAMPHAI NORTH A PARTY HRANG HRANG BLOCK HRUAITUTE THUCHHUAK

Dt..30.8.2008 (Inrinni) a Champhai Vengthlang Presbyterian Kohhran Committee room-a Champhai North Constituency a MPF Constituency Forum OB te leh Party hrang hrang aiawhte inkawmhona neih a ni a. Hetiang hian kan hmaa inthlan lo awm tur atana hmalak nise tih a ni.
1. Aurinna hmangin eng pawl/party mah campaign loh nise. party Office ah pawh aurinna hi hman loh nise, tul bik thila hman ngai a awm anih chuan MPF Constituency Forum hriatpuia hman nise.
2. House to house campaign hi tih loh nise, kawngzawh pawh tihloh nise.
3. Sum leh therhlo dang hmanga vote leh leh hralh hi tih loh nise.
4. Ruaitheh leh picnic hi tih loh nise.
5. Invau leh inrikrap awm lo turin theihtawp chhuah theuh nise.
6. Party manifesto, policy & programme, candidate hriatchianna atana lehkhabu buatsaih etc. sem tur a awm chuan party malin buaipui lovin MPF in emaw, MPF kaihhruaina hnuaia party aiawhte nen bua…

Bethel YMA (BYMA)

Branch Executive Committee Vawi - 12 na neih a ni
Bethel. Oct.19 (Sunday) : Ni 14.10.08 (Thawhleh) khan Branch Executive Committee chu YMA Office ah President Pu H.Vanlalthanga kaihhruaiin neih a ni.
He Committee-ah hian thu chi hrang hrang ngaihtuah a ni a, chung zinga langsar zualte chu :-
Pem lehkha chungchang : Tun hnaia kan Branch chhunga lo pem lut chhungkaw pathumte te chungchang ngaihtuah a ni a, Branch OB te lo chhui zui tura dah a ni.
YMA General Conference chungchang : Conference kal dan tur chungchangah chuan a kal man chanve Branch in a tum ang a, a chanve chu kal tur ten in tum chawp ni se tih a ni.
Ruihhlo man : Chawlhni hmasa a ruihhlo Beer kan man sak te chungchang sawi ho a ni a, An ni chhungkua hi Bethel Veng lo chhuahsan rih tura hrilh hriat ni se tih a ni.
Ensan hlih dilna : Branch YMA in kan ensan lai mek chhungkaw pakhatin hlihsak a rawn dilna chu ngun taka ngaihtuah ho a nih hnuin a hunin a la zir loh deuh avang leh an ruihhlo tih an sim leh sim lohte la en zui …

Venglai YMA (Entu)

Members’ Meeting Vawi-2 na tluang takin nei ta
Venglai October, 19 : Branch Executive Committee leh OB Meeting-in ruahmanna a lo siam tawh angin Ni 16.10.2008 (Ningani) zan Dar 7:00 khan Venglai Branch YMA Members’ Meeting Vawi 2-na chu Venglai Community Hall-ah tluang taka neih a ni ta. Member Sangkhat chuangah Mi 100 vel chauh kal thei.

Kum 2008 chhung atana Venglai Branch YMA Members’ Meeting Vawi 2-na, Ni 14.10.2008 (Thawhleh) zan a neih tum chu vengchhungah chhiattawk kan neih avangin Ni 16.10.2008 (Ningani) zan khan Venglai Community Hall-ah tluang taka hman liam a ni ta. Zoawi Lelte (Top 4), Nl. Lalmalsawmi, Vengsang-in member kalkhawmte min awihlim hle a, Tv. C. Lalmuansanga erawh taksa lam dam lohna avangin a rawn tel thei ta lova ni.
Members’ Meeting Vawi 2-na hi Pu F. Laltanpuia, Treasurer-in hneh takin a kaihruai a, Upa T. Lalhranga, UPC (Mz)-in hunserh a hmang bawk. He hunah hian Thupui 3 hmangin YMA member kalkhawmte infuih tharna hun hman a ni a. “Chhiatni/ Thatnia Nu…

Vengsang Branch YMA

INTHLAN THUCHAH
The Vengsang 19th October: Ni 14.10.2008 khan Sub-Hqrs. YMA, Champhai Executive Committee te thukhawmin kumin November Ni 29 a MLA thlanna kan neih tur chung chang an thlir ho va. Inthlanna felfai, thianghlim leh boruak muanawm kan neih theih nan heng a hnuai ami te hi Sub-Hqrs. YMA, Champhai chuan zawm theuh turin Party tin te leh mipui te a ngen a ni.
1) India khua leh tui kan nihna lantir turin mitinte’n rilru thianghlim leh ngaihtuahna zalen tak chunga ram rorel tura kan mi duh thlang (Vote) theuh turin.
2) Inthlanna neih chhungin danin a phal bak sum leh pai seng lo tur leh Campaign ruai buatsaih lo turin.
3) Inthlan Campaign laiin mipui ti chiai zawng leh vantlang tana bengchheng lutuk a Aurinna (Mike) hmang lo turin.
4)Khawlai dung leh vantlang hmun te ti hmelhem khawp a Party Banner leh Flag te tar lo turin.
5) Hel leh ralthuam hmang a inrikrapna a awm lohna turin eng Party mahin hetiang a ngaih theih te hmanrua a hmang lo turin.
6) Ram leh khawtlang tana t…