Skip to main content

Posts

Showing posts from November 2, 2008

MIZORAM KAILAWN CHAMPHAI AH

MIZORAM KAILAWN CHAMPHAI AH : Nimin khan Government Champhai College Multipurpose Hall-ah Mizoram Kailawn-2019: Business Plan Contest hmanga Entrepreneurship chawikanna leh inelna buatsaih tur chungchanga  inhrilhhriatna leh zirtirna hun hman a ni a. He hunah hian Entrepreneurship lama tui mi te, Self Help Group, Sumdawnna lama tuimite, NGO aiawh, College Zirlai leh mahni kutkawih thiamna hmanga eizawnna ngelnghet din tumte an tel tha hle a ni.
He hun Planning and Programme Implementation Department, IIM Calcutta leh Mizoram Consultancy Group-te tangkawp buatsaih hi Pu Zoremthara Ralte, SDO Sadar chuan a kaihruai a.  Mizoram sawrkar leh IIM Calcutta-te hmalakna hmanga Entrepreneurship inzirtirna hun leh infuihtharna hun neih a ni chu lawmawm a tih thu a sawi a. Entrepreneurship chu sumdawnna bultanna thar, chona thar hmachhawna  kalphung bik neia awmze nei taka eizawnna siam tuma bultanna a ni, a ti a. Sawrkar hnain mi a daih vek tawh loh avangin mahni thiamna leh theihna hmanga intodel…

Buatsaihtute Hmathlir

Vote I Thlak Ang U

December 2 hian Election Commission chuan kum nga chhunga Mizoram roreltutur thlanna ni atan a rawn sawn hla ta. Hemi ni hi ringtu zawng zawngte tan chuan kan ni pawimawh pakhatah kan ngai a pawimawh dawn a ni.
Mi tam tak chuan eng Party mah ka ni lova emaw kan Party-ah hlawkna pawh ka nei ve silo tih avangin Vote thlak hial an tumlo tih tawngtam te kan hre ta zeuh zeuh mai. Party a kan awm leh Party kan ruihchilh avangin Vote hi kan thlak tur a ni lova. India kua leh tui kan nih avang leh kan ram min kaihruaitu tur kan thlan chhuahna hun a nih avangin Vote hi kan thlak mai chauh zawk a ni. Vote kan thlak loh chuan mahni nihna pawh kengkawh zo lo mihring kan ni tihna a ni a, ransa nen danglamna pakhat mah kan awm dawn lo tihna a lo ni dawn a ni. Pathian-ah nunthar kan neih vang ngawtin vote hi kan thlak lo tur a ni lova Pathian tihmi mi tha a kan hriat kan thlang zawk tur a ni.
Chuvangin khua leh tui tha nihna kan lanchhuah tirna pawimawh tak mai Vote hi Vote nei t…

AK 47

(AK-47 hi Chawngkhum dantlang huat loh a ni, a hua hua sih hlawkah.)
JTun Camping a ka hla duh zual te.
1) ‘Doctor’ tih awmna
2) ‘Sipai’ tih awmna
3) ‘Sa bel’ tih awmna
Pu Mantea, President
J Tun kum Camping zet chu Sermon ka ngaithla kuk kuk mai a lawm. VL-a, T-Sec
JPeng-a hi lithuk sangha chu a lo nih tak zet hi
Pa Thana, Asst. Secy.
JFa tir ber hian inchhunga kan dinhmun a ti lang chiang viau lo maw Mahmun.......
Tv. U ChL-a, N-Sec
J Ram kal siam tha leh turin Aizawl khawpui -ah ro kan zuk rel ve kha. Vantea, Ed.
JCamp chhuah dawn zan mut dawna Zaupuia tawngtai kha tawngtai rual tur emaw ka lo tia, Zaupuia aiin kan tawngtai rei leh nghal a.
Tv. U Hmachhuana, K-Sec
JTun tum Camping Sermon a ka rilru hneh ber chu Rambuai lai an sawi kha a ni.
Tv. U Lawmtea, K-Sec
JBiak In sana in khawng ri khi a lo ring reng reng hlei nem, a bula riah pawn Sakawr tawlailir ri ang chauh a lawm lo ni. Davida & Tepe-a
JHrilzaua Pa “Isua`n a hmangaih che a…

YMA Palai

Thlamuang taka intlan neih a nih theih nan MPF-te Fehchhuak Ta
Vengthlang,2nd Nov. (Pathianni) : Ni 2.12.2008 a Mizoram hruaitutur thlanna kan neih turah Party hrang hrangte an tlin ngei tumin an theihtawpin hma an la chho mek zel a. Hetih rual hian MPF pawhin felfai tak a inthlanna buatsaih a nih theih nan chak takin hma an la chho ve mek zel a. Ni 28.10.2008 khan MPF Vengthlang Local chuan YMA Run-ah Committee pawimawh tak neiin an hmalakna tur chi hrang hrang duang chhuakin nimin atang khan bawhzui ngai awm apiangte an bawhzui nghal a ni.
1. MPF Office
MPF Information Office hi hmun laili deuhah luah nise tih anih angin Awmpui pheia Pu Rokhawliana Building chung chu biak fel nghal a ni a. A chei tha tur hian hun remchang hmasaah hnatlang koh a ni ang. Kohhran mipuie lo inruahman ila a tha ange.
2. MPF Worker:
Election Worker tur, YMA member 40 rual tlawmngaia thawk tur ruat nise tih a ni a.Hei hi YMA hruaituten an lo ruat anga. Mumal taka trained tir an ni bawk ang.
3. Off…

Sermon Upa JC Rohnuna

Pathian tan pe rawh le

Gen.22:16-18; Malakia 3:10 Upa JC Rohnuna

Kum 15 vel, thangkhat lian lai liam tawhah khan Kohhrana ka rawngbawlpui pakhat, piangthar ngei ni a ka rin, zan dar 12 thleng thak thak pawha inkawmho nana Pathian thu tuipui em em chuan, “ Thilpek hi ka piantharpui lo niin ka hria,” a ti tlat mai ! Pakhat lah chuan, “Piangthar ila, Finance Campaign te hi a tul lo mai, a keng tel vek,” a ti ve thung a.
Piangthar ni a inhriate thu dawn dante pawh hi a inang lo viau dawn niin a hriat e.Kan thian pakhat ve thung chu hlim tak mai hian a lam a lam thin a.Chuti chung chuan nikhat chu, “ Engahmah lawm tak takna ka hmu lo,” zu han ti pek a mawle !!
Sawi tur ava’n tam dawn em ! Tawitein sawi rih mai ila. Abrahama hnenah Pathianin, “ I fapa, i neih chhun tak pawh i ui loh avangin mal ka sawm ngei ngei ang che,” tiin a zuk au va. Tichuan- (1) A thlahte vana arsi zat leh tuifinriat kama tiau vaivut zata tihpunte (2) hmelmate hnehtheihna leh (3) Thawvenna( Zalennate…

Vengthlang Kohhran (Kohhran Aw)

Sunday School than zel dan leh a pawimawhna
Kum 1780 vel khan England rama thilsiamna hmun Gloucester khawpuia chuan sakhawmi tak Robert Raikes-a a awm a.Chanchinbu lar ak, Gloucester Journal neitupa a ni nghe nghe.Pathianni tlai khat chu michhe venga a len laiin naupangho awm khawm chu a hmu a. An tawpin an nungchang a mawi lo hle. An inkhawm loh chhante a han zawh chuan, tawngkam mawi lo tak takin an chhang a. “ Inkhawmte chu nang ni, kawrchung leh pheikhawk nei phate tan chauh a ni lo’m ni ?’ te an ti a. A rilru a na hle a. Bible an chhiar ngai em tihte a zawt zel a, ziak leh chhiar an thiam hauh lo tih hriain an tan chuan engemaw tih a tul a ni tih a ngaihtuah chhuak ta a ni.
Sunday School to bul :
Kum 1780 June thla chuan Mrs King te in chu luah man chawiin a hmansak a.Zirtirtu ruaiin chu lai hmuna naupangte chu Pathianni apiangin a zirtir ta thin a ni.A tirah chuan hmawmsawm leh chithlum mum hmangin a thlem a, an lo luh hunah kekawl buntirin ziak leh chhiar chu a zirtir lu…

Kahrawt YMA (Kahrawtians)

Branch OB meeting neih ani.
Kahrawt Branch YMA OB meeting chu ni 31.10.2008 zan khan neih ani a, chuta an thurel pawimawh zual deuh deuh te chu:
1. Executive committee neih hun tur ngaihtuah ani a, a hun atan Dt.6.11.2008 (Nilai thawhtan) zan dar 6:30 ruat a ni a. He Executive meetingah hian a hnuaia mi ang hian ngaihtuahho tur chhawpchhuah nise tiin rel ani a, chung te chu:
i) Central YMA in Kumpuan neih tawh loh a rel tak si avangin kan veng chhunga Ruihhlo do kan kalpui zel dan tur chu Branch Executive ah thlen nisela, Executive in rem atih chuan veng chhung nu leh pa te emaw chhungkaw aiawh zo ngei tur koh khawm a ngaihdan lak nise tin, a kal te hming lak vek ni bawk se . ii) Dry area a kan in puan hi chhunzawm zel tha kan ti nge tilo ?
iii) Hremna dan mi thenkhat chunga kan la lek mek hi ruihhlo do chhunzawm zel tawh loh kan ti anih chuan kan phelh ve mai dawn nge? do tlang zel kan tih chuan la hrem zui zel tur?
2. MHIP Kahrawt Branch chuan kuang chunga dah tur pangpar leina tur…

Bethel YMA (BYMA)

Branch Executive Comt. Vawi-13 na neih a ni.
Bethel. Nov.2 (Sunday) : Bethel Branch YMA Executive Committee Vawi 13 na chu YMA Office ah Pu K.Lalbiakhlira Vice President kaihhruaiin neih a ni.
Committee ah hian member 21 kalin, an rorel tlangpui chu hetiang hi a ni.
1. Member’s Meeting :- Member Meeting neih ngei nise tih a ni a, a hun chu Branch OB te kutah awm se tih a ni.
2. Ngaihdam dilna :- Pu Tuangsianpianga, Ch-Sec. Dt.11.4.2007- 11.4.2010 chhung Zu avanga ensan mek chu tunah sim tawh ngei nia hriat angin an dilna ang hian an chunga Ensanna lek kawh chu hlih sak an ni.
3. MPF atanga Sum dilna :- MPF atanga sum Branch YMA te hnena an rawn dil chu an dil angin Rs.500/- pek nise tih a ni.
4. Information hman dilna :- MPF Bethel Local Forum in kan hma MLA inthlan na atana Information hman an dil chu phalsak an ni bawk.
5. Pu Khupdothanga in bul leh Pu P.Lalhmingthanga te In bula bawlhhlawh paih thin chu Branch YMA chuan tha a ti lova, kan Village Council hruaituten LAD ah Pu Biakve…

Venglai YMA (Entu)

Kar khat Bank chungchangah Chief Secretary thuchah a siam
Venglai November, 2 : Tunlai hian pawisa tihpun thur thurna, mi thenkhat in “Chiahpuam” an tih mai thu hian kan khawtlang nun a chiah hneh hle mai a, print media leh electronic media ah pawh hmun a chang tam hle in ka hria. He thil hi Sorkar ang pawha ngaihthah mai chi ni a kan hriat loh avangin September thla vel atang khan kan police ten an lo chhui tan tawh a ni.
Hetianga pawisa dahkhawmtu (depositors) te hnen atanga thu dawn niin, an pawisa dahna agent (operators) ten an sumpui leh a pung an pechhuak duh lo a, a chhan leh vang chu C.S. in ‘stay order’ a siam vang niin depositors te hi hrilh an ni. Hei hi thu innghahna nei lo, operator ten an pawisa pekchhuah tur an pek theih loh avanga chhuanlam remchang an siam niin a lang. Kan police lam ten he thil hi ngun takin chhui mahse, agent/operator-te an lo inveng fimkhur ve a, thil tihchianna (evidence) tha tak an la nei mai thei bik lo a, chubakah sum dan luttu te (depositors) …

Vengsang YMA

MPF VENGSANG LOCAL COMMITTEE DIN A NI.
The Vengsang 2nd November:
Inthlanna thianghlim, dik leh felfai a awm theihna tur a tan la tur in MPF Vengang Local Committee chu din a ni a, Vengsang chhung a kohhran leh tlawmngai pawl hrang hrang te telin Vengang chhunga thianghlim tak a inthlanna a awm theihna turin annai hian hma an la dawn a ni. A hnuaia mite hi Office Bearer leh Committeee member te anni:-

President : Upa C. Chalthanga Vengsang 9862421379
Vice President : P.C. Lianzinga Ramthar 9862726001
Secretary : Pu R. Lallawmzuala YMA 9436155080
Asst. Secretary : Lalfakzuala Hospital 9862656919
Tresurer : Upa Lalhmangaihzuala Hospital 9436194911
Fin. Secretary : K. Doliana Vemgsang 235478
Convener Rev. David Lalrinmawia 9862120016

Commitee memberte a hnuaia mite hia anni;-

1. Zohmingliana YMA
2. Hmingthansanga YMA
3. Lalthanmawia YMA
4. C. Rozari MHIP
5. Lalrambuatsaihi MHIP
6. Biaktluanga MUP
7. Upa Chalthuama …