Skip to main content

SAWRKAR UISA THIAMTEN NIHNIH CHHUNGIN RUIHHLO NUAI 7 MAN

SAWRKAR UISA THIAMTEN NIHNIH CHHUNGIN RUIHHLO NUAI 7 MAN : Champhai Police-te chuan nihnih chhung lekin Champhai Town huam chhungah Ruihhlo Cheng Nuai 7 man zet an man. Champhai Police hotute hnen atanga thu dawn danin, Police leh CID (SB) tangkawpte chuan nimin-zing khan New Champhai-ah rinhlelh thila an dapna lamah Lalthluaii kum 48, Kaphnawka fanu, Aizawl Bawngkawn ni a inchhal hnen atangin Heroin Hawng 6 (Gram 176) an man a. Champhai Police Station-ah ruihhlo neitu a puh hi ND&PS Act tlawh chhanin thubuai an siam sak a ni. Ruihhlo leh a neitu a puh hi nimin khan District Court-a hruai a nih hnuah Champhai District Jail-ah dahluh nghal a ni a. Ruihhlo (Heroin) man tak hlut zawng hi tualchhung hralhna a chhutin Cheng Nuai 3 (Rs. 300000) man a ni  Nimin chawhma khan Police Petrolling chuan Springdale School piah, Zotlangah Zokhawthar atanga Champhai pana tlan, Taxi MZ04 4049 atangin heroin Hawng 3, Gram 42, tualchhung hralhnaa chhutin Cheng 1,50,000 man chu an man a, a neitu ni-a…

Buatsaihtute Khawthlir

Image and video hosting by TinyPic
Lumen tlachhia!

Kan sawi tawh, kan sawi leh ang. Mizote hian kan hnam zirang kan la nunpui leh kan la chhawm zel chu chhiat ni-a kan inpuih tawnna chauh hi a ni awm e. Mahse chu chuan hmasawn aiin tlakchhiat lam a pan niin a lang.
Lumen zan hi kan ngai pawimawh ta meuh lo ti ila kan tisual awm love. Kuminah kan vanduai a siamin kan lumen ngai kan nei ta nual a. Hetiang zanah hian kan thatna berah mi 30 vel chauh tlaivar kan awm a. Kan member zat nena kan khaikhin chuan lumen zana heti zat chauh tlaivar hi a lawmawm miah loh. Mitthi lumen tlaivar hi midang tih turah kan dah ta deuh emaw ni, tu tih tur bik mah a ni lo, YMA member kan nih phawt chuan kan mawhphurhna a ni. A bikin nula leh tlangval.
Sawi fo tawh angin khawtlanga kan mawhphurhna hi tlawmngaihna hmachhuana kan kalpui a nih chuan kan hlawhchham tual tual ang. Chumi ai chuan kan chanvo leh tih tur angin nei tawh ila kan ziaawm deuh ang. YMA thupui, “Zofate hmasawnna ngaihtuah” hlawhtlinna hi kan hruaitute leh a tlawmngai zualte kutah innghat lovin YMA huam china awm zawng zawngah a ni zawk a, midang tih tura kan dah mai a nih chuan YMA member ni tlak lo ang tluk kan ni hial ang.
Kan sawi ‘fet’ lutuk em? Lumen zana kal hma, inchhunga luh tum loh chungchang em kan sawi lova, kan la ‘fet’ chiah lo! Kan sawi chin erawh zawm ngei a ngai a ni. Kan ram leh kan hnam tluk leh din chhuahna hi kan kut a ni e.

Comments

sangtea said…
Ka update tawh dawn ka tih kha tikhan lo chhiar chur chur tawh mai rawh u. Tin, article in thawh duh pawh hmun a awm reng a nia.
Mapuii said…
hehe...update hi a khat eeeem a, a ngai hi ka chhiar nawn leh vel mai2 thin, ka thiam chhuak trep tohin ka hria...lolz
Raldawna said…
A van lawmawm tehreng e aw??? Chawlhni tuk zinga harh fim mang lova chhiar atana print-a dahthat tur a ni...
sangtea said…
in tan liau liau ani kan siam ni. min lo hlut sak avangin kan lawm tak zet zet a ni. Palai-ah hian remchangah in comment te hi la chhuah ila a tha ang.
VaiVa said…
Tawk tha thei hle mai! Han ti tak tak teh un! Ka buai rih lutuk a ka la comment hman rih lo! Thui deuh in ka la rawn ziak ang e!

Woed Verification hi off daih teh u! A friendly lo tlats...